#اكل ايه في رمضان

[semnatv2]

المشاكل الصحيه في رمضان / نصائح غذلئيه للصائم / صوم بلا اعراض / صوم بلا امراض / الصوم الصحي

#المشاكل #الصحيه #في #رمضان #نصائح #غذلئيه #للصائم #صوم #بلا #اعراض #صوم #بلا #امراض #الصوم #الصحي #المشاكلالصحيه #نصائحغذائيه #شهررمضان #مسلسلاترمضان2021 Salah TV تطبيق تليفزيون صلاح اول تطبيق عربي لبث المباريات والافلام والمسلسلات بتقنيه 4k تطبيق ابو صلاح او ابو مكه للبث المباشر للقنوات الرياضيه والافلام إ��ا كنت تحب لاعب كرة القدم المصري الدولي محمد صلاح فقم بتنزيل التطبيق وشاركه مع…

[mrvictive]

ازاي بتقدر تبقى صاحي معظم الوقت وبتعمل إيه لو حسيت انك عايز تنام وعندك حاجات عايز تعملها ؟

اعتقد انت اللي باعت ال 2 asks دول يا انون.

انا بقالي ٢٠ يوم علي الحال ده. متوسط نومي كدا ما بين ٣ ساعات ل اربع ساعات.

بعمل ايه لو حسيت اني عاوز انام؟

مش هنام بكون اصلا من الجري و جهد الشغل تعبان و عاوز انام بس بتغلب علي ال Pain ده واصحي و اذاكر.

الأول الموضوع كان مؤلم للغايه و متعب جدا.

حاليا بقي عادي...

قولتلك مش هتموت ولا هتنهار لو نومك قل. لو مجهودك زاد لو شغفك راح. مش محتاج غير انك تفضل مكمل. مفيش حاجه تستاهل انك تقف.

عارف ان كلامك ممكن يكون صح. في رمضان اللي فات لل اللي قبله كنت بذاكر كورس مهم و كنت بنام ساعتين بس. و قفت السهر الكتير ده لما ��سيت ب Pain في صدري مش بيخليني اتحرك. ف كنت لما ابتدي احس ب كدا ب انام.

دلوقتي مش بحس غير بارهاق و تعب و قله تركيز بس بجبر نفسي علي التخطي و التركيز و اني اعافر و مكمل. و الحمد لله أنجزت حجات كتير.

مش عارف مخاطر اللي بعمله بس انا لسا حاسس اني كويس. ووعندي plan اني اقضي ال ٦ شهور اللي جايين كدا.

لو عندك حاجه تقدر تساعدني بيها قولي؟ كشف معين تحليل معين اكل معين؟ هكون شاكر ليك يا انون

[oomarelo]

رجعت من سينا مخلص جيش يوم ٢٥ /٥ /٢٠١٨ كنا ف رمضان وقتها جدو ف الوقت ده كان صايم ٢٤ ساعه تعالي يا جدو افطر معانا، لا يابني انا تعبان هاتلى عصير، طب يا جدو انت زعلان مننا ف ايه مش بتفطر معانا ليه، ياعم قولتلك مش عايز اكل متفضلش تزن عليا، ومن يوميها لحد يوم ٢١ / ٧/ ٢٠١٨ وهو في أشد المرض، وقتها كانت أول حته تتكسر من قلبي، الله يرحمك ويغفرلك ويجعل مئواك الجنه ياراجل يا طيب، يوم القيامه ماتسبنيش خدني معاك الجنه انت وبابا، حضرتك مقامك عند ربنا كبير جداً، قال رسول الله صلى الله عليه وسلم، المؤذنون أطول الناس أعناقاً يوم القيامه، أكثر الناس تشوفاً لرحمه الله تعالى، لأن المتشوف يطيل عنقه الي ما يطلع اليه، إعناقاً بكسر الهمزة أي اسراعاً الي الجنه.

رحمك الله يا أعز الناس.

[m-anarrr]

المهم يا اهل الخير ان طول اليوم بعيد عن سحلة الشغل اصدقاء وبعض من زملاء العمل كان لغة الكلام بينهم عن الاكل بشكل متواصل وكل ما حد يسكت يسلم راية الكلام عن الاكل وجمال الاكل وذكرياتهم مع الاكل وطرق عمايل الاكل بشكل غريب كده

وانا علي غير عادتي الطبيعية اللي بقت عادتي في الكام شهر اللي فاتو ساكته بس حسيت لوهلة اننا في نهار رمضان بينما الجميع بيتشاركو ها كل واحد يقول هيفطر ايه النهاردة وان الكل صايم ... بالرغم من انهم كانو بيتكلمو وهما بياكلو عادي وانا جعانة وعايزة اكل سينابون

وبعد ما دخلت البيت تمبلر كله صور اكل من اللي بعملهم ريبلوج عادي بس المرادي قررت ابعته لاصدقاء العمل ونزلت بتوضيح مع الصورة ان دي مجرد صورة عشوائية وان الطبق ده مش قدامي في التو واللحظة وبس كده حاسه اني دخلتكم في تفاصيل حياتي بزيادة

[alaa-sayed]

المجتمع كله عارف ومدرك ان الست صيامها ناقص، وعبادتها مش مكتملة، السؤال هنا ليه في الوقت ده مايبقاش عادي انه انا كبنت وست مش صايمة، اجيب قهوتي اشربها ان بابلك عادي، اطلب اكل، اشرب براحتي، ليه لازم لازم ده يحصل في السر؟ ما انت وانا وهو وكل الناس عارفين، الموضوع مش موصوم عامة عشان نحاول نخبيه، ونبقي فاطرين وربنا مدينا الرخصة دي لكن مانعين اكل وشرب وكل حاجة عشان الناس!

مش قادرة افهم ليه المبدأ ده متعارف عليه وسايد على جميع الاصعدة حتى جوا البيوت. الدورة الشهرية مش وصمة ولا عار والله، دي اساس استمرار وجودنا كبشر. نفسي نبطل نتعامل مع الموضوع بالشكل المخذي المقرف ده.

اخر رمضان اللي فات كان اول مرة اشوف محمود، فاكرة وقتها مكنتش صايمة، وكنت عطشانة جدا، وهو اصر اطلع الماية واشرب عادي في الشارع قصاد الناس وكان كل رده "وايه المشكلة؟" وفعلا طلعت المايه وشربت عادي بعد ما هو شجعني وحسسني انه فعلا طظ ومفيش مشكلة.

وللامانه دي كانت حاجة من ضمن حاجات كتير حصلت في المقابلة دي وحسستني قد ايه هو ده الراجل اللي عايزة اكمل عمري معاه.

[light-intothedarkness]

انتي قمر في كل حالاتك والله وربنا يراضيكي ويسعدك دايما

عملتي ايه بقي ياريت تفيدينا علشان انا كمان نفسي احقق الهدف ده واخس + بحبك جدا والله❤️

شكراً بجد انتِ اللي جميلة امين ولك المِثل وربنا يحبِك أضعاف🌸

بصي بصراحة انا مكنتش بعمل كده بهدف اني اخس يعني بس لاقتني بخس، بنزل تقريباً كل يوم قرب المغرب امشي من نص ساعة لساعة في التراك من ايام رمضان بس ده اللي عملته، يمكن لما لاحظت اني بخس شوية قللت اكلي بالذات بليل، وبطلت اكل من برة الا كل فين وفين ومن برة دي بتدخل تحتها الشيبسي والمولتو وكل الحجات اللي بتنفخ دي، لسة في عندي عقبة وحيدة اني بحب الحلويات اوي ولازم اكل حاجة مسكرة في اليوم فا ده لو نجحت اني اتخطاه انا عارفة اني هخس بسهولة والناس اللي مبطلة سكريات بتلاحظ ان الموضوع بيبقى اسهل.

[aml-mamdouh]

انا بحبك .. انا حزينه اوي أهل خطيبي مش بيسئلوا عليا وانا دائما الل بشئل عليهم مشتكيتش غير لما غبت اسبوع ولما اتصلت اتقالي انت كبرتي علينا ولا ايه دا فلانه لسه مكلماني امبارح وبتكلمني ع طول فلانه دي هتبقي سلفتي ومخطوبه لسه زيي بس انا مخطوبه م سنه هي م قبل رمضان بشويه راحولها ف العيد مجوش ليا برغم أنه اول عيد زي زيها جهزت مع ماما ونضفت وعملت اكل وكل يوم كنت بعمل حاجه حلوة ع امل يجوا مجوش ، عزمناهم ف رمضان قالوا احنا مش بنحب ناكل برا ومجوش بعد م قالوا هتيجي وحضرنل مع انهم راحوا بسلفتي برضو انا مخطوبه م سنه جم مرة علشان اختي كانت عامله حادث وهي مخطوبه م ٣ شهور راحوا لها مرتين تلاته انا حزينه

ربنا يحبك يارب ..

بصي ماتحطيش نفسك ف مقارنه مع أي حد وربنا مش هيكسرلك خاطر ان شاء الله ، لنفترض حسن النيه ونقول مثلا ان هما ضامنين وجودك وضمنينك ف بيتعاملو عادي بغض النظر ان في اصول وطالما اتعزمو يبقي لازم يجو ، سلفتك المستقبليه اي كان اهتمامهم بيها خليكي لطيفه معاها وخليكو اصحاب صديقيني دا هينفعك بعدين ، والاهم خطيبك طالما مالي عينك وحياتك ومش مقصر معاكي متزعليش ، ومتحزنيش وخليكي واثقه ف نفسك وال عاوزك هيجيلك ، وافضلي اسألي انت بالمعقول واعملي الاصول ومتستنيش مقابل ، ولو الموضوع ذاد عن حده مثلا ابقي الفتي نظر خطيبك بلطافه كدا من غير متحسسيه انك بتقارني ، وحقيقي ربنا يوفقك ف حياتك ومستقبلك .

[mostaghfera]

جاءت جلستي في الطائرة امرأة وحيدة بجوار صف رجال ، فطلبت من المضيف تغيير مقعدي فتلكأ فطلبت من مسؤول فوج العمرة استبدال مقعدي ، ففعل ، وبدأت رحلتي بجواره‍ا؛ امراة قروية اول مرة تركب طائرة ، واول مرة تعتمر ،وكل مايدور حولها مجهول ومرعب ، لكن سعادة من نوع خاص تغمرها ، سعادة من يحقق حلما مستحيلا .

عندما بدأوا توزيع الغرف الجماعية اخترت اول غرفة وذهبت مسرعة للمسجد النبوي لأعود اخر اليوم لأجد سريرينا يتعانقان ..انت مرة اخرى ؟ كانت متعبة وشحوبا يعلو وجهها ، كانت تتالم في صمت من ضرسها وترفض المسكنات ..لأكتشف انها مصابة بمرض عضال هاجمها في الصغر و هو في مراحله المتقدمة فوضعونا معا تحسبا" لأي طارئ

بينما كنت اتفحص اوراقه‍ا الطبية كانت تقص عليّ برضاً بالغ حالتها المستعصية وتستفتح وصف كل شكوي بالحمد ، الحمدلله عدت ، الحمدلله انا زي الفل ، الحمدلله انا احسن من غيري كتير . وتقبل كفوفه‍ا امتنانا ورضا .

امازال اناس عن اقدار الله يرضون ؟؟

كانت رفيقتي بائعة فجل ..بارعة الجمال، من قرية تتبع طنطا، تسكن في اللا خريطة ، تخرج في سحر كل يوم تعبر الترعة لتخترق الغيطان لتحش منها اعوادا تجمعها في حزمات لتمر مع الفجر على مسجد قرية اخرى فتصلي فيه ثم تفتتح مجلسها في السوق، لتجمع شتاتها ورزقاً كريماً حلالاً وتعود تمسك بآخر شعاع للشمس في قريتها .

رحلة الشقاء تلك امتدت عشرون عاماً ،تعود لاطفالها في بيت امها بقطع جبن وحزمة فجل تضعهم بجوار طبقٍ كيفما اتفق، مرة فول مرة بيض او بامية . تحكي سعيدة عن طعامها سعادة من اكل سيمون فيميه في بوفيه مفتوح لفندق ٧ انجم .

اولاد سعدية ثلاثة اولاد وبن��ين كلهم في مراحل تعليم مختلفة ، أكبرهم امين شرطة يستكمل دراسة ليصبح ضابطا ..واكبرهن كلية اداب ...وزوجك ياسعدية ؟ قالت لا يعمل بسبب اعاقة في قدمه ، وحيد والديه ويرعاه‍ما . ه‍ممت ان اقول شيئا لكن استطرادها انساني ، كان عند جيراننا بيتا متهالكا مه‍جورا يادوب مطرح ومنافع ،كان زريبة قديمه، قالوا لي اشتريه ، لمي عيالك فيه بدل ماانت عايشة في بيت ابوك ، قلت لهم مش معايا ثمن قالوا لي التمن وصل ، بس انا اصريت كل شهر ادفع مبلغ لغاية ما كملت الدين . دفعت من الفجل ياسعدية ؟؟ قالت ربك عطاياه‍ واسعة انا لي زباين بالاسم بيشتروا مني كل الخضرة كل سوق وارجع مجبورة الخاطر. بنيت البيت بايديا دول وفتحت كفين خشونته‍ما بالغة، عندما رات نظرات البلاه‍ة علي وجهي قالت حطيت طوبة على طوبة وشوية اسمنت ، كل يوم اعمل الي اقدر عليه والعيال يساعدوني لغاية ماوقفنا الحيطان وعرشنا السطح بجريد

تحكي وكأن عالما آخرا يحتويها:وكتبت البيت باسم الراجل ..انت هبلة يابت ؟؟ ماانا شهدت العيال وحمايا ان البيت ملكي علشان لو اتجوز عليا او لو مات . وليه كل دا ماتكتبيه باسمك ؟؟ اجابت بحكمة الدنيا واصالة فرسان القرن السادس : محدش يقول له دا بيت سعد ية ويكسروا نفسه.

قصة مرضها قصة ريف مصر ، البله‍ارسيا اكلته‍ا كما اكلت ه‍ي البلهارسيا ، علمت ان ايام عمره‍ا باتت معدودة فجمعت القرشين الباقيين للعمرة واستسمحت أولادها فيهم فطلبوا منها ان تكسب ثواب في ابيه‍م وتاخذه معها ، هكذا ببساطة كما لو ان العمرة ب عشرة جنيهات؟؟! ربنا ه‍و الي بيعطي ويرزق ياام عمر (هكذا منحتني منً لدنها كنية) اطلبي منه حيبعت لك ع طول ، انا فضلت احط ٥جنيه

ع ١٠واحرم نفسي من اللبس والعلاج وامشي بدل مااركب وربنا رزقني كل حاجة من وسع .

تقبل سعدية يديها وجه وظهر وتشكر ربها بكلمات ممتنة..

للجنة ابواب ثمانية، يقولون ان بابا منهم اسمه الرضا، امثال سعدية يعلموننا من أهل باب الرضا

تقوم لتصلي نافلة . ارقب تمتماته‍ا في صمت ..تصلي بشغف وقلب حاضر .تتلو الايات بسجية من يشعر بما يقول لكن لا يحفظ النص . سعدية بتقراي وتكتبي؟ لا ياام عمر ح اعمل ايه بالقراءة والكتابة ؟ اولادي كلهم متعلمين باقرا بعنيهم كل حاجة . افحمني السؤال والجمتني الاجابة.

كان جمالها ملفتا ، ساورني مايمكن ان تكون عانته وهي مشردة في البلدان وحيدة ، ألمحت لها من طرف خفي ففطنت بسرعة قائلة يووو على الرجالة وكلام الناس بس شوفي الشبشب ده ، ع دماغ اي واحد يقل عقله.

تركت حقيبتي مع الفوج وسبقتهم الي مكة وتركت سعدية ونسيت امرها وان كان يشغلني مرضها وانها لن تستطيع الطواف بدون كرسي كما ان الصيام -وكنا وقتها في رمضان- سيره‍قهأ فعزمت ان اسبق واعتمر ثم اتفرغ لعمرته‍ا.

عندما وجدت غرفتي ليست مع سعدية فزعت وبحثت عنها اين سعدية؟ غرفتها فارغةً ...مش معاك يادكتورة ؟! لا طبعا انا سبقتكم لمكة بيومين ..تاهت سعدية ..مصيبة فهي لا تعرف اي شيء والفندق بعيد جدا عن الحرم ..ضاعت سعدية ولمت نفسي كما لم ألمها من قبل

حين كنا نطوف وانا ممسكة بيده‍ا قصت كيف تاهت وكيف وقفت خارج احد ابواب المسجد تدعو الله ان تعتمر ولو ماتت بعدها، وفجاة وجدت أمامها شابة تبدو مصرية أوقفتها وطلبت منها ان تصحبها لتعتمر ..كانت الشابة طبيبة انهت عمله‍ا بالسعودية وعائدة لمصر وهذا اخر عهدها بالبيت ، قبلت الشابة عمل عمرة ثانية مع سعدية ووه‍بته‍ا لأمها، وأدت كل المناسك في يسر بدون كرسي ثم اتصلت برقم المطوف الموجود ع كارت تعريف سعدية واركبتها سيلرة اجرة ودفعت الحساب وكتبت له العنوان ثم تابعت السائق هاتفيا حتى اطمأنت لوصول سعدية . دي ملاك ربنا بعته لي .تقول سعدية.

انت بس بركة ياسعدية دعوة واحدة جابت لك المصرية تعمل لك عمرة . قالت يعني حيجيبني ويسيبني ؟ حبيبي يارب..

كنا عند الخط الاخضر عندما حاولت ان اعلم سعدية دعاء افتتاح الطواف ولكن عندما قلت وعلي ملة ابينا ابراهيم (حنيفا)اسرعت هي بحماسة تقول وعلي ملة ابونا ابو (حنيفة ) ..لا اعرف كم استغرقني الضحك ..لكني اعرف اين توقفت وتحول ضحكي لصمت ورهبة ، عند تلك اللحظة التي صافحت عيناها سقف الكعبة تتلالا به الأنوار فكبرت وقالت بامتنان حقيقي لله عز وجل : اشكرك ازاي ياحبيبي يارب لو كان ينفع كنت ابوس ايدك ..ثم قبلت يمناها وجه وظهر عدة مرات وكلمات الحمد تترى من ثغرها الجميل .

الطريق تفتح لنا حيثما تذهب سعدية كذلك راودتني نفسي وعندما سألتني عايزة ادخل الكعبة ، سالتها مستنكرة حتعملي ايه ف الكعبة ؟ مش بيدخلها الا الملوك ، قالت في براءة ماانا وانت ملوك وكل الناس دي ملوك الي يرضي عن حياته ملك . انا عايزة ادخل الكعبة بس اصلي ركعتين شكر له في صحن داره .حاضر ، اجبت وانا اطلب منها المسير خلفي متعلقة بحقيبة ظهري والا تزاحم ولا تنفصل عني

وسرت ب��ابورنا القصير بمحاذاة السور الرخامي لحجر اسماعيل حتي دخلنا صحن الحجر . سعدية انت في صحن دار ربنا ، صلي ركعاتك واشكري . ،ياحبيبي يارب ياحبيبي يارسول الله واتفتحت صنابير الدموع عند سعدية

الطريق تفتح حيث سارت سعدية ، راودتي نفسي تارة اخرى ، ، و عندما بلغنا الملتزم رأينا الحجر الاسود ، لم اكن بحاجة للتفكير .. هذه يمين الله في الارض ياسعدية .. قف�� بالصف وقبلي يمين مولاك كما تمنيت ..

لله عباد يحتفي بهم و لا يرد رغائبه‍م .

عندما عانقته‍ا في المطار مودعة كانت سعدية ترتدي خمارا وجلبابا ابيضان ، أضاءا وجهها فبدت بديعة الجمال ، كحمامة من الحرم فلم اعرف ايهما اشد بياضا رضاها ام ثوبها؟

تذكرت سعدية عندما رايت احتفاليات يوم المرأة العالمي ..

مثل سعدية يجهلها العالم .. لكن الله يعرفها

اي امراة اتمني قلبه‍ا ان لم تكن سعدية ؟

#بائعة_الفجل

#كفاح_امراة

#القلب_الشاكر

#باب_الرضا_المفتوح_بالدنيا

#سعدية

_نغم نبيل عمر

[queen-be-e]

زي دلوقت من سنة كنا في الطور

زي دلوقت كنت بطلع المحشي والفراخ من الفريزر اللي ماما ادتهولي قبل ما اسافر عشان يبقى فطارنا زي فطارهم فالبيت في أول يوم رمضان

الأكل على وقت الفطار كان بيبقى ساقع،، ودي حاجة في الايام العادية كنا بنتغاضى عنها وناكله بارد شويه عادي

لكن ده رمضان والفطار بعد صيام كتير واحنا في غربة وكمان شغالين فكان لازم الاكل يبقى سخن

كان عندنا سخان صغير بتاع فول استخدامه العادي في غير رمضان كان لعمايل القهوة بس في رمضان ده كان بوتوجازنا،، الاكل كان بيتحط يتسخن عليه ونحط طبق طبق عشان صغير فمش هيعرف يشيل حاجة كبيره بس ده كله مش مهم، المهم فالاخر هنحط الاكل ع الترابيزة ونفطر وهو سخن

الخشاف بتاعنا كان كل واحدة تكسرلها كام تمرايه بليل قبل السحور والصبح نحط اللبن عليه ونسيبه فالتلاجة لوقت الفطار

دي كانت اول مرة في حياتي اكل خشاف بلبن وندمت اني مجربتوش قبل كده! وبقيت اسأل انا ازاي كنت بشربه بميه؟

ننزل بليل نشتري الفول والبطاطس ونطلع الجبنة والعيش والزبادي عشان نتسحر سوا 😁

زي النهارده من سنة كانت ثريا هي نبطشي النهار وقعدت انا والهام فالسكن بنسخن الاكل ونجهز الترابيزة والكراسي ومشغلين الراديو مستنيين الاذان وحطينا الاكل وطلعنا الخشاف والاذان اذن وثريا مجتش،، صلينا المغرب وهي مجتش! نتصل عليها متردش،، بقول لالهام شكلها فالعمليات وانا جعانه وهستلم النبطشيه ٨ عايزه افطر بس هي مرضتش،، ازاي اول يوم فطار لنا واحنا لوحدنا فغربه ونفطر ناقصين حد!

عدت ربع ساعه وعدت نص ساعة لحد ما ثريا جت واول ما دخلت ايه ده انتو مفطرتوش!

تقريباً ده كان من احلى ايام رمضان في حياتي،، ووحشتني الطور ووحشني قسم النسا هناك والتمريض والاخصائيين بتوعنا،، وانا وسط اهلي مبسوطة اني وسطهم ومش ناسية ان الطور بردو كانو اهلي ��كنت مبسوطة وسطهم ❤️

رمضان كريم والله أكرم وهو بيكرمنا كتير بس احنا بنتلهي فالوحش وننسى الحلو،، رمضان حلو رجعو حلاوة رمضان في قلوبكم واذكروني واذكرو حبايبكم في دعاكم ❤️

البوست ده كتبته ٢٠١٩ عن رمضان ٢٠١٨ وطلعلي النهارده ف ميموريز الفيس واتبسطت اما قريته❤️

[khaled-omar]

اللى بيسألوا احنا مين ؟؟

اقولك احنا مين

.

.

.

.

احنا آخر جيل إتعلم اللعب فى الشارع , وأول جيل بدأ يلعب فيديو جيم

وإتفرج على الكارتون بالألوان , وإتفسحنا في الجناين ,

إحنا آخر جيل كان بيسجل الأغانى من الراديو والتلفزيون ,

وكنا بنسمعهم على الـWalkMan

إحنا إتعلمنا إزاى نبرمج الفيديو قبل أى حد , إحنا اللى لعبنا على الأتارى و سوبر وماريو

احنا جيل زينا وهرقليز و اول جزء من عائله ونيس وبوجى وطمطم وعمو فؤاد و مازنجرز وسلاحف النينجا وكابتن ماجد والبوررينجرز وعروستى

إحنا اللى شفنا الإنترنت على سرعة 56 ك/ب بفاكس مودم وكنا بنفتح صفحة واحدة بس

إحنا جيل شرايط الكاسيت الاصلى و التقليد

إحنا اللى كنا بنسافر فى العربيات اللى من غير حزام آمان ولا كيس هوا ,

إحنا اللى عيشنا من غير محمول وكنا بردوا على إتصال ببعض

إحنا اللى كنا بنأجر العجل ونجرى بيها من غير فرامل

إحنا لا شفنا بلاى إستيشن ولا تليفزيون فيه أكتر من 100 قناة

إحنا لا شفنا شاشة مسطحة ولا 3D ولا صوت مجسم ولا Mp3 ولا Ipod

إحنا آخر جيل كان بيقضى وقت فراغه فى قراءة قصص طويلة , رجل المستحيل ونوسه لوزة تختخ عاطف محب وغيرها

احنا اللي كنا بنستني برنامج طلباتك ايه من الخميس للخميس عشان نتفرج علي الكليبات وتاكسي السهره ومواقف وطرائف وعالم البحار والعلم والايمان للدكتور مصطفي محمود واليوم المفتوح يوم الخميس و الشعراوى بعد صلاه الجمعه

احنا الجيل اللى كنا بنصحى يوم الجمعه نتفرج على برنامج سينما الاطفال لعفاف الهلاوى وبعدها نشرة اخبار الاطفال وبعدها نتفرج على سر الارض

إحنا اللي كنا بنلاقى الربع جنيه ف الكارتيه والشيبسى

إحنا الجيل اللي كان بيستني الفيلم الهندى كل عيد , مرتين في السنة , وهما هما نفس الأفلام

إحنا الجيل اللي كان بيلعب كورة حقيقى مش بلاى ستيشن

إحنا آخر جيل عرف طعم النوم في الطفولة بعيد عن الموبايل واللابتوب والدش و الـ MP3

إحنا الجيل اللى عاشر اول موبايل نزل

إحنا اللى كنا نستنى رمضان يجى بسرعة عشان نلم من العماره كلها فلوس ونجيب زينة رمضان ونعلقها مع بعض

إحنا اللى كنا بنستنى الفيلم الاجنبى كل خميس ع القناة التانية

إحنا اللى كنا عايشين من غير فيس بوك ولا تويتر ولا سكاى بى

إحنا اللي كنا بنحلم نشوف الدنيا عاملة إزاى بعد نص الليل ,

لأننا عيشناه نايمين

إحنا الجيل اللي اتربى على اسمها نعم مش ايه

إحنا جيل البرائه والطفوله اللى بجد

احنا جيل قضينا أحلى أيام عمرنا ويارتها دامت وفضلنا صغيرين

ذكريات العودة الي المدرسة 💆

كان المصروف بريزة او ربع او نص جنيه 💲

وبنصحى 6:30 😃

وبنروح مشي للمدرسه 👬

كنت تستنى أمك وهيا تحطلك السندوتشات فى الشنطه

كانت 7 حصص 😦

وأكبر فرحه لما أستاذ يغيب ويكونوا 6 حصص 💪

كانت الحيطان مكتوب عليها أسامينا ✌

وراسمين عليها قلوب وأسماء صحابنا ❤

كان الخوف من حل الواجب أكبر خوف 📖

وكانت رهبة الأستاذ كبيره ��📏✏✏

كان جرس المرواح أكبر فرحه 🔔🔔

كنا نجرى عشان نطلع من الباب زى اللى طالع افراج من السجن 💃

كنت احط إيدى على كتف صاحبى ونروح 🙉

كانت ضحكتنا راس مالنا 😃😃

ماكنش للهم مكان جوانا 😯

كان الواحد يروح تعبان 🏡

ويرمى الشنطه على الباب وينادى ياأمى عامله اكل ايه 🍔

لما تكون زهقان تنزل تلعب ف الشارع مع صحابك ⚽

بس بتفضل أيام زمان دى زكرى مابتتنساش 😚

وياريت يرجع زمان كنا أحلى كنا طيبين كنا صغيرين 👥

وياريت فضلنا صغيرين دا اسمه #زمن_الطيبين 💑

كنا بستنى سنه 4 إبتدائي عشان نكتب بالجاف ✏

تسألك امك الساعه كام تقولها الكبير على اربعه والصغير على سته 🕟

كنا نستنى الامتحانات عشان مانخدش الشنطه

وتلبس لبس جديد وتستنى الشهاده

واول ماتبان تكون أول واحد رايح تجبها 👐👐👐

أكيد عملت حاجه من دى وانته صغير 😇

كنت بترسم الشمس ☀️ فى زاويه الورقه

اكيد انته بتبتسم دلوقتى على الأيام الحلوه 😂

وماتنساش قمه الفخامة أيام الإبتدائيه لما الأستاذ يديلك طباشير وأوراق ويقولك وصلها للأستاذ فى الفصل التانى اللى جمبينا بتمشي قدام الطلاب وبتحس أنك باشا 👮 ليت الطفوله تعود يوما 😍 صباح الضحكه الي من القلب. ?😎

[starrysky-123]

مساء الخير، انا حزينة و مرهقو و عايزة احكي لان مفيش حد احكيله

محصلش حاجة كبيرة لكن كلها حاجات بسيطة -او مش بسيطة- و اتراكمت فوق بعضها و بقت تقيلة عليا

بابا تعبان ، وظايف الكلى عمالة ترفع بدون سبب و كل يومين تلاتة يغير الأدوية و الدكتور و انا الموضوع دا مضايقني حتى لو مش ببين ، حتى مع خناقاتنا و اختلافاتنا كل دقيقة ، انا عيزاه يبقى كويس مش تعبان ، خصوصا تعب الكلى المنيل دا

بقالي اسبوع مش بنام كويس ، أرق و كتر تفكير ، و الم في كل جسمي لدرجة مفيش طريقة نوم مريحاني

بقالي شوية كبار بخرج من دور تعب ادخل في دور جديد، مش عارفة ارجع كويسة ازاي

العريس جاي بكره، أنا مش بفكر لكن متضايقة و مضغوطة بردو مش عايزة اعرف حاجة عنه و لا ابص لصورته حتى ، و كل ما ابصلها قلبي يتقبض و اعيط ، انا زهقت و تعبت من المواضيع دي بجد و الله، انا طول رمضان كنت بدعي اني مقعدش مع اشخاص غلط اكتر من دعائي بالزوج الصالح

حماسهم في البيت مضايقني و راعبني و مخليني عايزة اهرب و الله العظيم بجد اللي هو في ايه اهدوا شوية يا جماعة ، عايزة اهرب و الله عايزة اهرب

ماما قربت تشك فيا من كتر ما بزهق اول ما تجيبلي سيرة حد متقدم و لازم كل مرة كل مرة نتخانق ، المرادي انا ساكتة مش قادرة حتى افكر

خايفة اتطمن و اتفائل و ييجي كله على الفاضي زي كل المرات اللي قبل كدا ، اللي بيحصل يا اما انا مبعجبهوش او هو و اهله و اهلي يبقوا موافقين و مبسوطين و انا خايفة و حاسة ان مش هو دا ، حتى مفكرتش هلبس ايه و لا هتكلم اقول ايه و لا كأن في حاجة بردو، بس جوايا حاجة تقيلة كأن جبل على قلبي

مش عارفه اكل و عمالة ارجع و وجع بطن من لا شئ و حسبي الله ونعم الوكيل، هل و المحروس جاي نافش ريشه و مفكر انه لقطة و البنات هتموت عليه يعرف اللي بيجرالي و اني مغصوبة اقعد معاه اساسا ؟

بجد و الله كرهت جواز الصالونات خلاص

و فجأة حبيت حياتي و انا لوحدي مش عايزة حد يدخلها مش هستحمل

و برجع اقول لنفسي انتي قلقانة ليه يا ستي ما ييجي يتفضل ياكل الجاتوه و يشرب الشاي و يمشي هي بالكتير ساعة و محدش هيغصبك على حاجة

بس فكرة القعدة بس بكل الحاجات اللي بتتكرر كل مرة دي بتجيبلي بانيك اتاك و الله

حابة اذكر ان مكنتش اعرف يعني إيه قلق غير لما كان في بدايات خطوبة هتتم :''''''

و يمكن بسبب خوفي و قلقي ضيعت فرص ! وارد يمكن ماهو انا بيبقى كل همي اني ارتاح و اهرب من الالم

و العمل ؟ إيه العمل ؟

يارب حلها و هونها من عندك يارب انا خلاص مش قادرة

عايزة اهرب ، عايزة حد احكيله و اعيطله و يطبطب عليا مش لاقية بجد و الله

و الصراحة جايين في معاد تاريخي :''

بتخيل اللحظة اللي هكون حاطة راسي على كتفه و بنشرب شاي مثلا، و دي بتمثلي محطة الوصول و المستقر الاخير ، و عندها هفتكر كل التعب دا و احمد ربنا انه عدى

يارب لو شر يمشي من اول مرة و لو خير الموضوع يبقى خفيف على قلبي من غير قلق و رعب و تفكير و نوبات هلع

انا بقيت صعبة قوي للأسف ماما عندها حق ، مفيش حاجة بتعجبني غير بصعوبة ، محدش عارف يفهمني و لا يفهم بحب ايه ، و يفهموا ازاي اصلا و انا كلامي حاجة و شعوري حاجة مختلفة ؟

بجد عايزة اروح اسأل كل المتجوزين انتو عملتوها ازاي يا جماعة ؟ ازاي قدرتوا تاخدو قرار ان دا الشخص اللي هتعيشو معاه بقية حياتكم ، هل الامر يستاهل كل المجازفة دي ؟

انا عايزة اطمن بس و الله مش اكتر

يعني ألاقي حد يفهم مخاوفي و يطمني بس و الله ما عايزة حاجة خارقة

انا حتى مفرحتش بالقبض زي كل مرة و مروحتش اشتري ميلفيه و اكلير ليا و بسبوسة لماما مكانش ليا نفس

و الفلوس ضاعت النهارده مكسلة اقوم ادور عليها

و نسيت اشتري الدوا بتاعي

و الكوتشي اللي بحبه باظ

لكن سماءك ممطرة و طريقك مسدود !

[omarsanfs-blog]

النهارده تاني يوم ف شهر 4

علاقتي ب حبيبه قلبي متغيره جدا

هي بعيده عني و بتتجنب تكلمني و اول مره اشوفها بالشكل ده و بتبقا مصممه تبعد عني بالطريقه دي

��نا مش عارف هي جايبه قسوة قلبها عليا دي ازاي

هي متعرفش اني اتحطيت ف نفس موقفها و وقفت قصاد الدنيا كلها عشان ابقا معاها و عمري ما قدرت ادوس على قلبي و على مشاعري

هي مضغوط عليها ف شغلها انها تبعد عني و ميبقاش ليها اي علاقه بيا ف الشغل

انا حاسس اني قليل بشكل غبي اوي

اول مره احس ف حياتي بكميه التوهان اللي انا فيه ده

حاسس اني عيل صغير و تايه من مامته مش حاسس ب اي حاجه

بقعد احاول اضحك و اهزر و مش عارف

اكل عشان اعرف اكمل يومي ف الشغل المقرف اللي انا محشور فيه مبحسش بطعم حاجه

اجي انام مبعرفش انام

اهلي يشوفني صدفه يكلموني ميحسوش من ناحيتي ب اي حاجه و مش متقبل اي كلمه من اي حد ف الدنيا كلها

انا بعدت و فضلتها على اي حاجه و اي حد ف حياتي

انا اتخيرت بينها و بين اهلي و شغلي و حياتي كلها

اختارتها

ازاي هي مختارتنيش

دلوقتي احنا داخلين على رمضان

انا اول مره ابقا مستني رمضان عشان نعزم أهلها و نعيش سوا الجو الجميل ده و اجبلها فانوس و اشيلها جوا عيني

انا مش لاقي منها اي حاجه من ناحيتي

هي حاسه انها كدا هتبقا تمام

معرفش في ايه

انا حاسس اني اتعريت قدام نفسي

انا مش وحش للدرجه دي

اه بتردد كتير و مبعرفش اخد قرار بسرعه

بس لما بحب بجد ببذل كل مجهود عشان ابقا احسن حد ف الدنيا للانسانه اللي اختارتها

و اديتها حب و ثقه يكفو العالم بحاله

انا صعبان عليا نفسي اوي

[the-house-food]

‏‎رمضان قرب 🥰 محتاجين حاجات كتير 🙈 عشان نجهز للشهر الكريم 🤨 مفيش وقت انزل الف وادور علي اللي عايزه وحاجات كتير بتتنسي 😢 والسوبر ماركت الكبيره حاجتها ياما غاليه يامركونه من السنه اللي فاتت 😡 احنا في The House Food - اكل البيت وفرنا عليكي لف ع المحلات والسوبر ماركت وجبنالك عرض علي منتجات كلها فريش وطازه زي ما عودناكم لا ومش ناسين حاجه ابدا كل احتياجات الشهر الكريم في عرض واحد بس ❤️❤️ عرض كرتونه رمضان السحريه ❤️❤️ ( مش هتحتاج حاجه من بره ) 🍒 لفه قمر الدين 🍒 ربع مشمشيه 🍒 ربع قرصيه 🍒 ربع تين مجفف ��� نص زبيب 🍒 نص جوز هند 🍒 ٢ ك تمر 🍒 ١ ك بلح مجفف 🍒 نص ك مكسرات مفرومه مشكله 🍒 نص تمر هندي طبيعي 🍒 نص كركديه زهر 🍒 نص عرقسوس 🍒 نص سوبيا بودر 🍒 ١ ك كنافه 🍒 ١ ك قطايف 🍒 ١ ك ارز بسمتي ابيض 🍒 ١ ك فول مدمس 🍒 ١ ك عدس مدمس 🍒 ٤ ك طماطم متسبكه 🍒 ٤ ك بصل مفروم 🍒 ١ ك ثوم مفروم 🍒 ١ ك حمص مسلوق 🍒 ١ ك طعميه مصري 🍒 ١ ك شوربه خضار 🍒 ١ ك خضره مشكله مفرومه 🍒 نص ك ملوخيه متخرطه 🍒 ٢ ك ذبدة جاموسي بلدي فلاحي 🍒 نص ك قشطه بلدي 🍒 ١ ك جبنه ( بيتي ) بالخلطه السوري 🍒 ١ ك خيار بالخلطه 🍒 ١ ك ليمون مخلل 🍒 ١ ك باذنجان مخلل 🍒 ربع ك خلطه توابل للحم 🍒 ربع ك خلطه توابل 🍒 ١ ك مربه فراوله بيتي كل ده غير هدايا قيمه بمناسبه الشهر الكريم ايه رايك مش حارمينك من حاجه 😂😂 لا ومش ناسين حاجه ٣٥ صنف مش هنخلي بيتك ناقص حاجه في رمضان 🍒 كل ده بسعر 2100 ج بدل من 2600 ج احجز من الان علي الواتس اب : ٠١٢٠٤٦٦٥١١٥ او ت : ٠٢٣٧٤٤٥٥٥٤ كل عام وانتم بالف خير وسعاده 🌹🌹 ( 🌷🌷رمضان كريم🌷🌷)‎‏ https://www.instagram.com/p/CMvh8I3BrBg/?igshid=fbnxcnovu0pf

[3mr----gaber]

الوصايا العشر لأكل المانجة في مصر : 1- 97% من بياعين المانجة لما تيجي تشتري منهم اي نوع وليكن نوع اسمه حسام مثلا، هيقولك، الله عليك يا باشا، دة انت اكيل مانجة بقي عشان تطلب تاكل حسام بالاسم :D 2- مرحلة الانغماس في اكل المانجة بتبدا من شراها وانت بتمسكها وتشمها وتدخل ريحتها علي نغاشيشك، وتداعب عقلك وتجري ريقك وتبتسم ابتسامة بلهاء لا ارادية وتعرف انها المانجة المختارة :D the chosen mango :D 3- كفاية عنصرية بقي وتعصب لنوع واحد من المانجة، كل مانجة ذات شخصية مستقلة قوية هتفرضها عليك، الا لو تعصبك دة للفص العويس، فاتعصب براحتك حضرتك يعني 4- المانجة ما بتتاكلش بالواحدة اغسلك تلاتة اربعة مثلا الا لو جايب صديقة الواحدة نص كيلو ولا فجر كلان الواحدة كيلو الاربع يبقي واحد كفاية اوي 5- المانجة ما تتاكلش عند ضيوف، اوعي تاكل المانجة عند ضيوف، برستيجك هيتبعتر يا رمضان يا سكري، اقولك لفها في كيسة سمرة 6- المانجة ما تتاكلش في الحمام ياخوانا مايصحش يعني تتاكل في الصالون عالسجادة الغالية احتراما وتبجيلا ليها وخلي حمادة ابنك ينبسط 7- المانجة المتقطعة اللي بتجيبها من عند بتاع العصير دي تجيبها لخطيبتك، عايز تدلع مراتك والولاد، مش عايز توسخ سجادة الصالون، لكن انا عارف وانت عارف ان جزء من حلاوة المانجة يكمن -واسمحلى اقول يكمن عادى كدة وسط الكلام -في عمل قُصة للبذرة مع امتصاص العصارة كاملة 8- لو شافتك وانت بتاكل مانجة ولسة بتحبك اتجوزها ونفس الكلام ليكي، ودة عن طريق مقياس #المانجو_ميتر لقياس مستوي الحب، معروفة 9- المانجة تاني اكتر شخص بعد ولدتك، اللي هتبسطك وتحنو عليك وانت زعلان وتفرّحك وانت مبسوط برضه ييجي في المرتبة ��لتالتة الملوخية والرابعة البيتزا 10 - الصدّيقة: خضرا في احمر وكبيرة ومليانة لحمة وعالمية عالمية عالمية، العويس: صفرا ولازم تتاكل ناشفة والا تبقي باظت وطعمها حاجة اشي خيال الفص العويس: اغلي الانواع واصغرهم وطعمها مقارب للعويس مع نكهة وسكر مضاعف، حاجة كدة افيون يتاخد حقن مش مانجة ��بدا الفونس: مستديرة وصفرا علي حمرا على اخضر :P ولحمها برتقالي غامق وطعمها حلو جدا التيمور: خضرا منقطة باخضر غامق وقليلة في السوق بس نكهتها مميزة حاول تجربها الهندي: خضرا ولحمها قليل وعادة بتبقي حلوة بس السنادي شكلهم غشينها ولا ايه السكري: صفرا وسكر ثم سكر ثم سكر وحاجة كدة علي قد الايد تنبسط الزبدية: خضرا واحجام كبيرة ورخيصة والافضل للعصير والتخزين - مش كل بلاد العالم عندهم التنوع في انواع واطعم المانجة زي عندنا -ودة مجرد جزء- كُل مانجة وانبسط😂

[light-intothedarkness]

سؤال مهم جدا يا سارة اتمنى منك جواب

انتي عارفة ان بيكون في أيام صيام علينا لازم نأديها قبل رمضان ..وأنا فعلا بجد بجاهد فيها بس أنا تكويني ضعيف جدا وضغطي بينخفض جدا لدرجة ان تعبت جدا انهارده تعب فعلا لا يحتمل ..أنا مش عارفة بجد أتصرف إزاي وبكلمك عن تعب بجد مش دلع او كسل ..ياريت لو تسألي أعمل ايه ؟

ربنا يشفيكي ويعافيكي، طيب موضوع الضغط ده بتاخدي ليه علاج واستشارتي الدكتور تعملي ايه عشان لما رمضان يجي؟ طيب لو الدكتور اكد عليكي انك ضروري تفطري فانت ممكن تعملي اطعام عن ايامك اللي فاتت اللي مش عارفة تصوميها، يعني اطعمي عن كل يوم مسكين ابعتي اكل او شاركي بفلوس مثلاً في ب��ك الطعام او اي جهة انت تعرفيها بتوصل أكل لناس مش عارفين يجيبوا الاكل لنفسهم، او دور أيتام عشان دول مبيبقاش ليهم مصدر يجيب ليهم، بس مع اخدك بالاسباب انك تحاولي تتعالجي وتستشيري دكتور عن حالتك عشان تعرفي هتعملي ايه في رمضان باذن الله.

[doradoddy]

ممكن طلب وانتي ماسكه الورق والقلم بتوزعي الشغل اعملي حسابي ووزعيلي وقت تكوني حتى بتشربي فيه حاجه بترتاحي شويه ... كنت لسه بتخيلك في لكليه وبسألك عنها لاقيت ماشاء الله ناس مركزززة معاكي هناك

😂😂طب تصدق بالله ف النباطشيه ما بلاقى وقت اكل ولا اشرب حاجه...انا مره ف رمضان كنت بتسحر وانا باخد هيستورى من عيان وواقفه جنبه 😂ف اقعد وافتح نت 😂انت رايق اوى يافندم😂

مركزين ايه بس ده كومنت عادى وبعدين دول زمايلى وور اخواتي 😌 ف بيرخموا عليا