urshorthairediska - Tumblr blog

[urshorthairediska]

Pag-ibig ko ay tanggapin mo

O sintang ginigiliw ko

Lahat sa mundo ay gagawin ko

Ngumiti lamang ang mata mong tsinito

Walang 'di kayang ibigay

Ano man ang hilingin ay iaalay

Dahil lahat ng akin ay sa iyo

Kunin mo na lahat ng gusto

Maging karagatan na nais mo ay saidin

Magtatayo tayo ng kastilyong buhangin

Ang kahariang ito ay sa iyo at sa akin

Mga dukhang nilalang dito ay palalayasin

Hayaan kang mag piyesta sa yaman kong isda

Busugin ang iyong tiyan hanggang sa maluwa

Mga puting perlas ko'y ipapalamuti sa iyo

At saka pagmamasdan ko ang ganda ng sinta ko

Dahil lahat ng sa iyo sa sa akin

Lahat mula sa iyo ay kaya kong tanggapin

Kaya't ibigay mo lahat ng iyong pasanin

Dito sa aking piling ikaw ay kakanlungin

Sabihin man ng iba na ikaw ay masama sa akin

Wala silang alam sa nadarama natin

Kaya't ipasa mo sa akin lahat ng iyong sakit

'Wag magdusang mag-isa sa akin ay lumapit

Dito sa aking lupa ikaw ay maminsala

Handa akong masira kung sa iyong ikapapayapa

Dahil labis ko nang ligaya sa pagdating mo

Aking kagalakan kung babantayan mo

Ang mga kilos ng mga parte ko

Ang mga barya ng bulsa ko

Ang mga usapan at balita ng bayan ko

Gagawin itong himig para sa tainga mo

Ang pagsilbihan ka at pasayahin kita

Hindi umaayon ang iba, ako'y dinudusta

Nakasulat pa sa mga plakang kulay pula

Mga markang sumisigaw ng pagpapaalala

Ngunit hindi ako marunong magbasa

Tinuruan mo na akong salitain ang iyong dila

Sa iyong pagka-alila 'di na makakawala

Gamitin mo ako hanggang mag-sawa

Utusan mo akong halikan ang mga dulo ng iyong katawan

Mula sa iyong noo hanggang sa iyong mga kuko

Handa akong manatili kahit walang pangako

Ako ay asong uupo kapag sinabi mo

[urshorthairediska]

"Anong nararamdaman mo?"

"Nalulungkot po ako."

Bakit ako nalulungkot? Kahapon lang e kasama ko ang mahal ko. Dapit hapon at naglalakad kami sa maingay na overpass sa Commonwealth. Ang saya. Maganda ang langit at matamis ang hangin. Dahil siguro magkatabi kami? Para kaming tanga. Napaka-ingay niya parang kami lang dalawa. Kay tagal ko na siyang nobya, hindi pa ako nasanay.

Pero nalulungkot ako.

"Jane?"

"Ay sorry hahahaha nakikinig ako gaga"

"Oh sige nga anong sinabi ko?"

"Sabi mo maganda magiging anak natin hahaha"

"Oh? Natawa ka? Bakit?"

"Sira ulo kang gaga"

"Wala namang pangit satin ah?"

"Parehas tayong babae Crissa"

"KJ nag-iimagine lang e"

"E sino manganganak?"

"Ikaw? Buntisin kita"

"Pota ayaw ko ikaw na lang?"

"Ayaw ko rin e hahahaha pano na lang?"

"Oh sige isipin mo mabuti"

"Tangina hahahha ang daya ni lord bakit bawal"

"Tangina ni lord"

"Pakasalan mo na ako Jane"

Napayuko ako, hinanap ko ang kanang kamay ko. Narito pa rin siya. Sa daliri ko, nakapalibot ang itim na tinta na parang singsing. Dalawang taon na kaming lihim na nagkikita ni Crissa nang magdesisyon kaming magpakasal. Siyempre, hindi pa tanggap ng batas ang pagmamahalan ng dalawang babae. Kaya gumawa kami ng sariling batas. Imbis na singsing na sinusuot sa daliri, nagpatattoo kami sa isang tattoo shop sa Cubao na kakilala niya ang artist. Putangina ng trip ni Crissa, ayaw sa ginto, gusto yung madugo.

[urshorthairediska]

Isang dapit hapong kasama ka

Naaalala ko kung gaano kaganda ang langit

Liwanag ng dapit hapong naglalakad kasama ka

Maingay ang traffic

Ngunit dinig pa din ang kabog ng dibdib

Sa gitna ng mataong overpass, isang dapit hapong kasama kita

May ngiting 'di maalis sa labi ng isa't-isa

Matamis ang hangin dahil siguro katabi kita?

Mas malakas ang tawa, dala na din yata ng kaba

Para akong tanga, alam kong gusto kita

[urshorthairediska]

I am so afraid of diving

Please teach me how to slowly go down into your pool

Let me in there with careful steps

Slowly swallow my body with your waters

Let my feet dance tippy toes into your tiled floors

And let me feel your temperature

As I am learning how deep you are

You will have me all yours

[urshorthairediska]

dont forget to smooch your gf – twitter: ohheyitsval ig: ohheyyitsval