#ustph | Explore Tumblr posts and blogs

jasmine-garrido-blog · 8 years ago

Text

Build, Educate, Inspire, Empower!

Mapagmatyag na Tomasino: BARANGAY HALL VISIT/INTERVIEW

Ang Disaster Risk Reduction Management ay isang seroyosong paksa at bilang mag-aaral sa Unibersidad ng Santo Tomas na kasalukuyang kumukuha ng asignaturang National Service Training Program, natutunan kong maging mapagbantay sa aking kapaligiran lalo na sa kaligtasan ng aking kapwa.

Ang panayam kay Barangay Captain Von Rommel Yalong ay naganap sa barangay hall ng Brgy. N.S. Amoranto. Nagsimula ang panayam sa pagpapaalam ng kapitan na ang mga LGUs o Local Government Units ay mandated o inaatasan ng DILG o Department of the Interior and Local Government upang gumawa ng planong sasagot sa Disaster Risk Reduction Management.

Kada sangkapat ng taon ay isinasagawa ang action plan. Kaakibat ng kapitan ang mga private sectors, NGO, at iba pang barangay officials.

Ang barangay N.S. Amoranto ay kasalukuyang may dalawang partner sectors o communities. Isa doon ay ang Senior Citizens Association at Neighborhood Association.

Para sa pagpuksa ng sunog, ang mga bumbero ng Brgy. N.S. Amoranto ay mga nag-kusang loob o boluntarya mula sa Manila at pati na rin sa loob ng barangay.

Sinabi rin ni Brgy. Capt. Von Rommel Yalong na plano nilang magbigay ng pantas-aral o seminars para sa kamalayan ng mga residente ng barangay upang sila ay lumahok sa mga drills (e.g. earthquake drill) na isinasagawa. Ang LGUs ay may tinatabing disaster fund para sa pagdating ng mga sakuna. Mayroon ding kapangyarihan ang kapitan na kausapin ang mga pinakamalapit na groceries sa barangay upang magbigay ng suplay para sa mga natamaan ng sakuna. Ang disaster fund ang magbabayad sa mga grocery stores na tumulong. Ang 70% ng disaster fund ay para sa buong taon na habang ang 30% ay nakalaan para sa mitigation o paghahanda para sa sakunang maaaring dumating. Ang 30% na ito ay para sa mga equipments at iba pang maaaring makatulong sa Disaster Risk Reduction Management ng barangay.

Sa ngayon, ang barangay officials ng N.S. Amoranto ay nagpaplanong maglagay ng mga generators upang masagot ang problema ng power breakdown.

Ang barangay officials, na pinamumunuan ni kapitan Von Rommel Yalong ay nagpaplanong maglagay ng sirena sa bawat dulo ng kalye ng barangay. Ang sirena ay tutunog lamang kung may i-aanunsiyo ang mga barangay officials at kung may sakunang nangyayari sa kalye. Ang proyektong ito ay tinatawag na Barangay Public Address System. Nais nilang maipatupad ang proyektong ito sa pagpasok ng bagong taon na 2017.

Magbibigay ang barangay ng gender development seminars na inaatas ng DILG. Ang gender development ay seminar para sa mga out of school youth. Ito rin ay para sa mga kababaihan at kabataan.

Para sa mga kabataan, mayroong tinatawag na Task Force on Youth Development na pansamantalang sasagot sa puwang ng SK o Sangguniang Kabataan. Sa kanila rin makukuha ang pondo para sa mga programang pang-kabataan.

Sa Disyember, nais ng barangay officials na magkaroon ng programa para sa kabataan na tinatawag na Sports Tournament.

Maraming salamat kay Brgy. Capt. Von Rommel Yalong para sa pag tugon sa panayam.

Hakbang para sa Kaligtasan: COMMUNITY WALK

Kakaunting lugar lamang ang pinayagang makuhanan ng litrato. Ang una ay mga lugar kung saan ang mga puno ay nakabuhol sa mga kable ng kuryente. Napakataas ng posibilidad nitong masunog sapagkat ito ay mga kable ng kuryenteng nakadikit at nakabuhol sa isang malaking puno.

Isa pa ang mga kableng ito sa aming kalye mismo. Nagkakaroong ng mga pagkakataong hindi makadaan ang mga truck sa kalye sapagkat ang mga kable ng kuryente ay sumasabit dahil ito ay napakababa at tila ba nakalawit.

Mayroong maliit na dikit-dikit na puwesto para sa mga sari-sari stores at carinderia sa tabi ng police station sa barangay. Isa itong delikadong lugar sapagkat ang mga tao at bagay-bagay doon ay dikit-dikit at crowded na nagiging madali sa apoy para sirain lahat ng ito.

Para sa akin, ang mga isyu na hinaharap ng barangay ay ang pagkakaisa nito. May mga pagkakataong nagkukulang ang barangay na iparamdam ang mga proyekto nila sa kadahilanan na hindi epektibong naikalat ang mensahe o proyekto nang maayos. Isyu din ang mga kable ng kuryenteng hindi maayos at nakabuhol na lamang sa mga puno.

Bilang kasapi ng barangay na ito, kaya kong maipaalam sa iba pang kasapi sa barangay na myroong mga plano ang aming barangay officials para sa ating mga residente ng naturang barangay. Nais ko rin sanang tulungan maipaalam sa kanila ang mga vulnerabilities ng barangay upang sama-sama kaming makisama at tumawag ng atensyon ng gobyerno.

Kaalaman ay Kalakasan: DRRM SEMINAR

Ang disaster ay isang bagay na hindi mo inaasahang mangyayari pero may mga paraang maaari itong mapigilan o mahinaan. Kapag alam mo ang hazards, mga kahinaan, ng iyong komunidad, maaaring malabanan mo ang mga disaster sapagkat maaari mong mapaghandaan ang mga ito at palakasin ang mga kahinaan o hazards ng iyong komunidad. Ang capacities rin ay malaking tulong sapagkat ito ang mga kalakasan mo na pang-laban para sa mga sakuna. Iilan sa mga capacities ay ang equipments, itruktura para sa evacuation at siyempre, ang kaalaman at natutunan mo ukol sa Disaster Risk Reduction Management.

Ang kalagayan ng disaster situation ng Pilipnas ay, sa tingin ko, maaari pang mapalakas.

Ang Pilipinas ay isang tropikal na bansang nakakaranas ng matinding pag-init at pag-ulan. Pagdating sa mga sakuna ng bagyo, sa tingin ko ay maaari pang mapalakas ang Disaster Risk Reduction Management plan dahil mayroon pang mga istrukturang maaaring maipaayos upang maging flood proof. Matapos naCman ng sakuna ng bagyo, pagdating sa mga nasalanta at nasirang istruktura, mabagal ang pagtugon at pag-ayos ng gobyerno sa istrukturang mga ito.

Base sa mga katotohanang nabanggit sa nakaraang talata, kailangan bigyang pansin ang isyu ng mga sakuna sa bansa upang maramdaman ng mga Pilipino ang kaligtasan tuwing kalamidad. Isa pa ay para maramdaman ng mga Pilipino na kaya natin ang mabilis na pagkalimot sa nakaraang trahedya. Mararamdaman ng mga Pilipino ito sa pamamagitan ng mas mabilis na pag-ahon ng Pilipinas sa mga sakunang nagaganap.

Ang Participatory Capacity and Vulnerability Analysis ng grupo ay naisagawa sa pamamagitan ng pagsuri sa kung anong lugar ang ligtas at kung anong lugar ang delikado.

(*I’m not included in the picture above because I’m the one who took the picture.)

#ust #ust ph #ustph #ust nstp #ustnstp #nstp #nstplts

0 notes