#mapurol

[thenamesnotatallrelevant]

Talas

May kasabihan ang matatanda sa probinsya, na isang malaking kahihiyan sa isang lalaki sa loob ng tahanan kapag mapurol ang mga itak at kutsilyo. Makes sense naman. Sa makabagong panahon, ang equivalent ba ng mapurol na itak at kutsilyo e kawalan ng mabilis na internet connection?

[candyidlehands0702]

Nagluto ng stir fry noodles nakita ko lang sa foodblog at napaka simple lang lutuin kaya nagtry ako, then nanood ako ng "Happy Ending" Korean movie, Crime movie toh baka akala nyo porn. Pero kasi dami sex scene. Ganda nya about infidelity sya kaya pinatay sya. Nag spoil na ako. Bad ko diba. Pero maganda sya para sakin mapapaisip ka din, kung worth it ba na pumatay ng mahal mo ng dahil sa niloko ka o hindi?

Well ako nung niloko ako honestly, ganyan nararamdaman ko parang either ako ang magpakamatay which is I did nag attempt ako talaga minalas mapurol yung cutter, or sya nalang sana ang mamatay ganun naisip ko. Pero naisip ko nung nahimasmasan ako, gusto ko sya mabuhay para mamatay sya sa sakit pag nakita nya ako mag move on at maging masaya sa buhay na hindi na sya ang dahilan.

Today happy ako na ako lang, may times malungkot pero mas okay ako kesa danasin ko ulit yung pinagdaanan kong lungkot. Alone pero may peace of mind, sad pero normal na sad hindi dahil sa ginawa ng iba. Yung ako lang at isip ko.

[psynoidal]

“Anong kaganapan ito?!” Sigaw ko sa gitna ng kaguluhan.

Napatingin sa akin ang ilang mga taong lumilikas mula sa dragon.

“Isang dragon ba itong aking nakikita na gumagambala sa tahimik na bayang ito?!”

Iwinasiwas ko ang dala kong espadang mapurol at itinutok ito sa dragon na kasalukuyang bumubuga ng apoy.

“Magtigil ka, halimaw! Ako ang harapin mo!”

Sandali lang natigilan ang mga tao, tapos ay tinalikuran nila ako at nagpatuloy sa kanilang pagtakas. Pinagpapawisan na ako, mukhang mahirap kumbinsihin ang mga tao sa lugar na ito!

“Saklolo! Saklolo! Tulungan mo kami!” sigaw ng isang tao sa tabi.

Ah, eto na pala si Itok, siya na ang bahalang magpa-bongga sa palabas namin ni Atong!

Patakbo akong lumapit sa nag-aalburotong dragon at muling sumigaw. “Ako na ang bahala rito!”

Hinampas ko sa may paa ang pulang dragon – isang hudyat kay Atong na magsisimula na ang aming ‘away’. Gamit ko ang mapurol kong espada, kaya ni `di nagalusan ang aking kaibigan. Tapos noon ay hinatak ko ang kaniyang paa na ikinahulog niya sa lapag, at hinila ang kaniyang buntot upang kaladkarin siya sa gitna ng plaza kung saan kami mas makikita ng mga taong-bayan.

Hay, kailangan na talaga mag-dieta nitong si Atong, oo nga’t mas malaki ang nagagawa niyang dragon dahil sa kaniyang katabaan, pero sobra na `to, ha, pinapawisan na talaga ko sa pagkaladkad sa kaniya!

Teka, ba’t parang umiinit masyado?

“Waaaahhh!!!”

Buti na lang at lumingon ako sa likod! Muntik na akong masunog ng apoy mula sa bibig ni Atong!

“Teka nga muna...” napa kamot ako ng ulo, habang ang nakadapang dragon ay pilit na tumatayo. “Kelan ka pa nakapagbuga ng apoy?” tanong ko rito.

Iniangat ng dragon ang kaniyang ulo, at humarap sa akin.

Napatitig ako sa pares ng nanglilisik na pulang mata.

“Atong?”

“Tasyo!” biglang may tumawag sa aking pangalan. Napatingin ako sa gilid kung saan naka kubli sa likod ng isang kubo sina Itok at Atong.

“TAKBO!!!” sabay nilang isinigaw sa akin!

- Bantay

Nang Minsang Magkunwari Kaming Tagapaslang ng Dragon at May Tunay na Dragon Ngang Dumating

(that time we pretended to be dragon slayers and a real dragon showed up)

Isa sa mga maiiksing kuwento na mababasa sa ...

Mga Kuwento sa Dilim

mula sa imahinasyon ni Gem Vecino/Psynoid Al

read in #wattpad:

www.wattpad.com/story/173670245-mga-kuwento-sa-dilim

[translatetofilipino]

Sa lahat ng beses nakikita ako ng balita tungkol sa Gaza galing sa mga Israeli, may mapurol na galit ako sa kawalan ng katarungan sa sitwasyon. Paano ba ang mga tao ay hindi namatabunan sa mga kasinungalingan at galit na galit galing sa mga Israeli??

Everytime I see news about Gaza through Israeli news sources, I have this dull sense of rage at the complete injustice of the situation. How can people not be overwhelmed by the lies and hatred from the Israeli side??

[enakying]

Anxiety episode

So last night, hindi na talaga kinaya ng puso at isip ko ung bigat ng nararamdaman ko. Nag give in ako sa boses sa tenga ko. I tried to cut myself with a scissor. I tried thrice pero wala mapurol pala ung talab ng gunting. Scratch lang ung nabigay nya sa balat ko. It just give little markings.

Ganun pala yun, pag clouded ka na talaga ng emotions mo hindi mo na maiisip if tama pa ba ung ginagawa mo or reasonable pa ba. Ang gusto mo na lang is maibsan ung pain mo inside ng pain outside. I know understand deeply ung mga testimonies ng mga taong may malalang anxiety.

Lesson learned self. Wag na tayo umulit. Let's pray we get better.

xoxo, C

[sloppywritersarchive]

Sintagal

Isang taon na rin ata ang nakalipas mula noong huling pagkakataon na nakapagsulat ako, pakiramdam ko tuloy mapurol na ang tasa ko. Isang taon na rin ang nakalipas mula nang maging sigurado ako na tapos na ako sayo, at hanggang ngayon nariyan ang kirot sa pahiwatig na hindi ako kaibig-ibig. Ang daming nangyari, ang daming tao na ang dumaan, pero heto ako ngayon. Nasa pagitan pa rin ng kawalan, ng pag-alala kung bakit kahit kailan hindi ako naging sapat sa mga taong nakapaligid sa akin. Hanggang ngayon ay pala-isipan kung bakit ni-minsan ay walang naging sigurado. Parati na lang may alinlangan.. parati na lang lagpas tinginan.

Pag-ibig, bakit nga ba ang ilap mo sa isang tulad ko?

[mnaasilveira]

Satanic Club sa Carmel High School

_________________________________________________________ Ang Carmel High School sa Carmel, Indiana, ay kinikilala ang isang Satanic Club para sa mga estudyante. Ang paglalarawan ng club ay mapurol tungkol sa mga intensyon nito sa pangangalap, na nagsasabi: “Gusto ka ng Satanic Club of Carmel!” Sa social media, ang Satanic Club ay nagtatampok ng: Mga simbolo at imahe ni Satanas Impormasyon sa…

[cookiebomba-blog]

EERIE - Movie review for Filipino 11 School Project

Ang Balangkas

Nangyayari ang pelikula sa Sta. Lucia, isang pribadong paaralan Katoliko kung saan mayroong isang batang babae na si Erika ay misteryosong nagbigti sa CR. Ang trahedya ito ay naging sanhi sa mga supernatural na pangyayari sa eskwela, ang pinakabago sa mga ito ay ang kamatayan ng isa pang estudyante, Clara. Habang ang buong paaralan ay nagdadalamhati dahil sa “pagpapakamatay” na ito, ang tagapayo ng mag-aaral na si Pat Consolacion (ginampanan ni Bea Alonzo) ay nagiimbestiga kung sino ang totoong may kasalanan sa mga pangyayari na ito gamit ng tulong ng multo ni Erika.

Dahilan na Manonood ng Eerie

1. Niloloko ka ng kwento na magkaroon ng maling pakiramdam ng seguridad upang lilikha ng mga nakakatakot na pangyayari na hindi inaaasahan.

Kung hindi ito unang pelikulang pang-horror na nanonood mo, ang tagpo ng peliku ay parang kilala na. Pagbabantang madre, natatakot na musika, at multong babae na may mamantikang buhok na nagmumulto ng paaralan. Walang bago, di ba? Pero ang nagagawing kakaiba ng pelikula na ito mula sa mga karaniwang horror ay ang pangyayari kung saan paniniwala ka na tapos na ang takot, yan ang panahon ang naging talagang nakakakilabot. Halimbawa nito’y ang isang yugto ay nasa banyo isang mag-aaral kung saan nagpakamatay si Erika. Tulad sa ibang mga horror mayroong maingay na pinto at lumiko si ang karakter upang tingin kung sino dyan. Sa karaniwang horror dyan ang makita ng multo pero naghihintay pa ng matagal panahon at nang bumalik ang mapayapang ramdam, iyan na! Dalawang kamay umabot sa babae! Lumikha ito ng takot mula sa kilala nang sitwasyon. Alam mo na may takot pero hindi ka kayang alam kung kailan.

2.Dahil sa mabagal na pagkakasunod-sunod ng mga pangyayari gumising ng isang pakiramdam ng pangamba. 

Ang bagay na nagaakit at takutin ng mga manonood mula sa ibang bansa ay ang kapitaganan ng pelikula na nagresulta sa isang malambot na kilabot na napupunta sa ilalim ng iyong balat. Hindi ang karaniwang hulong ng meriyenda mo habang nanonood dahil sa pagtatalon, hindi yan uri ng pelikula ito–pero mayroon pa rin bahagi na tulad dyan upang magkaroon ng pagkabigla. Ang mabagal na pangyayari ay nagbigay daan sa pananabik na nanatili kahit tapos na ang pelikula at nasa talaan ng mga kredito. Ang paggamit nila ng mga anino at simpleng mga eksena ay nagdagdag din ng mabagal na takot.

 3. Bagong uri ng pagmumulto.

Mula sa pananaw ng isang Filipino na lumaki sa relatibong kaginhawaan ng subdivision, pwede itong pagiging paggising hinggil sa mga sinabi ng mga Tita ko: Huwag makipagkaibigan sa mga multo dahil gusto nila mananatili sa iyong tabi o maari ding dalhin ka sa kanilang mundo ng kamatayan. Kahit mayroon kang mabait na layunin at isang paniniwala na ang mga espiritu ay hindi nagkaroon ng pagkakataon na ipaintindi ang sarili, pwede itong magkaroon ng hindi sinasadyang mga kahihinatnan. Sa mga pamahiin ng mga lolo at lola, ang ideya ng mga multo na gustong maging “kaibigan” ay hindi bago pero para sa mundo, pwede ito’y maging nakakakilabot na ideya. 

4. Ang biswal na komposisyon ay napakarilag Bukod sa nagiging sanhi na matulog na mayroong ilaw, marami’y ay sinasabi na napakaganda ang pagcamera at edit ng pelikula. Ang matapang na pagbubuo at mapurol na kulay ay nagbigay ng nagmumulto na kagandahan sa bawat eksena. Ang musika at pag-eedit ay nagtulong sa pagtakda ang tono para sa isang totoong ghost story at ang pagkabalisa na dahilan ng sikat ng pelikula. At saka, napakahusay ang gawa na gugusto mo manonood ulit-ulit kasama sa iyong kaibigan. Pwede din sa sarili mo lang pero…talaga ka bang lakas ng loob para dyan?

[sobanooodles]

Ext. Tindahan. Tanghali

Babae: Manang, pabili nga po ng yelo.

Manang: Ay, wala, iha.

Babae: Kahit icetube po?

Manang: *naghalungkat sa kailaliman ng pridyeder* Wala rin, eh.

Babae: *naiinip na pero umaasa pa ring makakainom ng malamig na inumin* Okay po, Mountain Dew na lang. 'Yong isang litro po. *akmang mag-a-abot na ng bayad*

Manang: Teka. *naghanap ulit, pagkaraan ay halatang nagulat dahil sa natuklasan. apologetic na humarap pero may tough face pa rin* Naku, neng, pasensiya na. Naka-defrost pala itong ref namin, 'di ko napansin. Sa kabilang kalsada ka na lang bumili. Baka mayroon sila.

Babae: *asar pero gumanti na lang ng ngiti* Salamat po.

At nagwalkout na ang babae't tumungo sa kabilang tindahan, pero bago pa man siya makatuntong dito ay naaninag niya ang nakapaskil na kartong may sulat sa bintana nito: "Defrost kami. Mataas ang bayarin."

Bigo, umuwi na lamang ang babae habang may ibinubulong sa hangin.

Babae: Tang inang 'yan! Kasalanan ng Meralco 'to eh!

[wakas]

[pistzy]

10 uncommonly used Filipino words

Palikuran - it is also called comfort room (cr) or restroom. This is the place where you do your business like peeing or pooping.

Example: "Lola, saan ko po maaaring matagpuan ang inyong palikuran? makikigamit lang po sana."

2. Kamiseta - It is also called "sando". It is a sleeveless clothing and mostly worn on summer season.

Example: "Anak kamiseta lamang ang iyong suotin, tirik na tirik ang araw baka pagpawisan ka na naman."

3. Sisidlan - It is also called "storage room". It is where we store our stocks or rarely used objects/items.

Example - Punong puno ng iba't ibang uri ng prutas ang sisidlan ng tahanan.

4. Duyog - it is called "Eclipse" in english. It is an event or occasion where a black circle partially or completely covers the sun.

Example: Magkakaroon ng duyog sa ika-8 ng Nobyembre 2022.

5. Bagwis - it is called "wings" in english. It is commonly found in birds or planes.

Example : Umaapoy ang bagwis ng isa eroplano kung kaya't hindi natuloy ang iskedyul ng pag-alis.

6. Labaha - a keen-edged cutting instrument for cutting hair

Example : Mapurol ang ginamit na labaha ng manggugupit kanina kung kaya't hindi nagupit ng maayos ang aking buhok.

7. Silya - this is an object where we sit.

Example : nasira ang inuupang silya ng aking pinsan dahil matagal na ito at marupok na ang kahoy.

8. Kalupi - it is also called "wallet". this is where we put our money and credit/debit cards.

Example : Muntikan mawala ang kalupi ng aking kaibigan kanina dahil sa kanyang kapabayaan.

9. Hatinig - It is used to communicate with our family that is far from us. Also called a telephone.

Example : Halos araw-araw ginagamit ni Maria ang hatinig upang makausap ang kanyang ina na nagtatrabaho sa ibang bansa.

10. Miktinig - an instrument used to amplify sounds and audios.

Example : Naibagsak ni Badong ang miktinig na kanyang ginagamit kanina. Mabuti na lamang at hindi ito nasira.

(Submitted By : Reniel Carl G. Trinidad)

[elliescent-affairs]

A Leason on Love To My Future Daughter:

Masakit magmahal.

Para kang umuukit gamit ang mapurol na punyal. Ngunit sa halip na iukit mo ang inyong pangalan sa bungad ng walang hanggan ay malalaman mo nalang na duguan kana, na sugat-sugat na pala. Dahil imbes na ikaw siya ang nag-ukit ng pagdurusa’t pasakit. Walang humpay ang pagsirit ng iyong dugo tulad ng agos ng luha mula sa mga mata mong mugto. Mapurol man ang punyal, babaon parin ito. Ang pag-ibig ay ganon, bumabaon. Maaalala mong lagi na ang tamis at pait, pighati at lugod, bawat pagpapala’t dinulot niyang salot.

Kaya’t huwag kang palilinlang.

Maraming magtatangkang magmahal sayo. Ilan sa kanila’y mamahalin mo ng todo. Sa pag-aakalang siya na ang para sayo, ang iyong pang-walang hanggan, magpakailanman.

Maraming pag-ibig ang ganito.

Na bubuhatin ka kapag baha para ang mga paa mo’y ‘di mabasa, ngunit sa huli’y lulunurin ka rin pala sa luha. Mga pag-ibig na parang pinupuri ka, sinasamba ngunit sa mata ng iba’y kinahihiya ka niya.

Tatanggapin mo ang bawat salita niya, para bang siya’y sugong propeta. Pero ang totoo’y ginagawa ka nang puta.

HUWAG KANG PALILINLANG.

Sinasabi ko sayo huwag kang mang-mang. Malaman mo sana ang kanyang mga tagong lihim. Na anomang oras ay maaari niyang gamitin bilang patalim para ikay saksakin. Maari ka niyang bugbugin sa dilim, gagawin mong tanging pang-alo ang pansariling panalangin. At ikaw si tanga dahil maniniwala ka ng matagal. Huwag kang martir. Pakiusap, huwag kang hangal.

Huwag mo sanang basta-bastang ibigay ang sarili mo. Pinanganak kang mula sa pag-ibig at kahit hindi mo man batid, may halaga ka. Isipin mong ginto ka. Mahalaga. Hayaan mong paghirapan ka niya. Ang tanging may karapatang angkinin ka ay ang karapatdapat. ‘Yong kayang magbayad ng sapat. Hayaan mong saya ang ibayad sayo. Ginto ka. Mahalaga. Hindi tamang magpakalugi ka sa barya.

Mahapdi ma’y masanay kang masugatan. Sa pagmamahal ay ganyan ang kalakaran. Sa pagmamahal ang masaktan ay pawang pangkaraniwan. Bagkos, ay hanapin mo ‘yong taong kung humingi ng tawad ay taos, kung magsisi ay lubos.

Ganito ang mahalin mo. Hindi ba’t sabi nga nila, sa panahon ngayon ang tunay na pag-ibig ay matatagpuan na lamang sa pamilya? Pwes, mahalin mo ‘yong pamilya na ang turing sayo. Mahalin mo ‘yong di ka pipiliting magbago. Batid na ‘di ka perpekto, ngunit tanggap ang tama’t mali sayo. Mahalin mo ‘yong kahit isang daang beses mo nang tinaboy palayo ay hahanap parin siya ng isang daan at isang mga daan pabalik sa piling mo.

Ang pagmamahal ay masyadong komplikado. Misan para kang nahagip ng rumaragasang auto.

Bababa ang nagmamaneho,

Lalapit siya sayo.

Tumakbo ka.

Tumakbo kang palayo.

Palayo, hanggang sa mahanap mo ang maglalakad kasama mo. Hanggang sa mahanap mo ang maglalakad sayo sa dambana. Titingin sa mga mata mo, at kahit na kawalan ang makita niya sa mga itim nito ay handa siyang mahulog kasama mo.

[This poem drew inspiration from Katie Pukash's "A Lesson on Love to My Future Daughter"]

About the candle:

Chandler: Twin Flame Candles PH (IG: @twinflamecandlesph)

Scent: [Love Jam - gourmand] This Valentines Special is a mix of fresh strawberries, sweetened shortbread, and vanilla cream. AMOY MONAMI!!!!! Like strawberry milk shake that's really, really creamy. Smells like puppy love! 💕

Wick: Wood

Vessel: Amber jar with black tin screw lid.

Performance: The cold throw is strong enough to fill my room. Its a very good mix of powdery, strawberry, milky, creamy gourmand. The hot throw makes is better! The scent even lasts for most of the day! My only problem is that its doesn't burn evenly. It's now pooling but very, very thing lang naman sa sides.

Final Thoughts: 9.5/10 awesome experience! Maybe this really is love ❤️ Interesting that I found Miss Chandler in a makeup group (colourette club) I'm looking forward to more scents from this shop 🥰

[thecreativewolf]

OC Interaction(s) Featuring Askal and @niagaragrape 's Koi!

These two have a bestie-sibling relationship.

Askal enjoys Koi's art and Koi enjoys Askal's stickers. They definitely might decorate each other's rooms.

Askal will invite Koi over to his room to sing karaoke (and maybe get scolded by Brimstone for disturbing the other agents) and do some other stuff. Like maybe helping Koi out with the paperwork.

Koi loves Bantay a lot and enjoys his company, despite the protest of others.

Koi once suggested she paints Bantay to which Askal agrees (with the condition of adding some stickers with the paint). Bantay never felt so shocked in his entire existence.

Askal would enjoy showing off his gadgetry to Koi. Even letting her paint some to add a little "pop" to it.

Despite Koi's many offers, Askal always does his own paperwork. He didn't want to burden her with his work.

Askal worries for Koi constantly. Sure he is somewhat impressed and amazed by her sense of justice and her courage to stand uo against Kingdom, but he is scared that the she might end up as his parents.

Koi might convince Askal to give Yoru a chance. If you read Askal's first Agent Interaction, he clearly doesn't like Yoru. He is a bit skeptical with Koi's claims but once he sees it himself, well perhaps he could give him a another chance (and stop Bantay from stealing and tearing his clothes).

Despite the whole "getting my entire body dirtied" fiasco, Bantay doesn't mind Koi. A friend of his master is a friend of his. If anyone hurts her it hurts his master. And he doesn't like seeing his master cry.

Askal Dialogues to Koi:

"Koi, it's fine. I can handle my paperwork. Hehe, siguro.." (Hehe, maybe.)

"Koi! Wanna help me decorate some of my tech? They all look so mapurol." (They all look so dull.)

"Koi, Ate! *whispers* Wanna decorate Bantay?" (Bantay looks at their direction) Ano? Nagbibiro lang ako! (Bantay looks unconvinced.) (What? I'm just joking!)

"Koi I understand what you're doing.. Pero ayokong mapunta ka sa katulad nila." (But I don't want you to end up like them.)

Bonus+:

A very irritated Bantay riddled with paint and stickers:

[dumparchivesblog]

Posting some of my works recently. Yung iba practice lang, yung isa part ng design test sa gusto kong kunin na project. I just love clean and minimalist designs and a lot of brands and businesses lately are leaning or switching towards that direction and I get to develop it with them which is really exciting. It’s been a while since I really got to design talaga so medyo worried rin ako kasi baka alam mo yun hindi magustuhan yung gawa ko, or medyo mapurol na knowledge ko or meron akong mga mali mali. Hahaha.  Got new clients yesterday. Actually medyo kinakabahan na ako, kasi last week ko na nga sa company na pinagta-trabahuhan ko. Sinwerte ako nung mga first few weeks ng July ang dami kong naging extra money cos I got this client na sobrang daming projects for me, gusto ko kasi talaga i-build yung profile ko sa upwork and clients para alam mo yun pag nag full-time freelance na ako ‘di ako masyado mahihirapan. Tapos lately sobrang tumal ang dami ko na pinag-submittan ng proposal. Hahaha. Puro project based lang kasi kinukuha ko para pwede ko lang din gawin pag free ako or weekends since nga may main job pa ako. Then biglang kahapon, sunod-sunod yung may nag-invite. Yung iba hindi ko inapplyan, pwede kasi yung ganon may mga personal na mag-iinvite sayo. Tapos ayun, I did some design tests and I got the 2 clients.  I was overthinking the past couple of days and ina-anxiety na naman ako. Alam mo yung nag se-self doubt na ako and questioning if I really made the right decision. Hahaha. Nag resign ako not really thinking about the money despite the pandemic. I just wanted to take a break, reconnect with myself, do what will make me happy and eventually ignite that passion back within me. I want to own my life, have more freedom to choose and drive it to the direction I want. It’s funny cos whenever I start to doubt and procrastinate things, life throws something good at me. Sorry but sometimes I just really need a validation. Hahaha. Also, naniniwala ako with good karma. Grabe lang, I feel so blessed in life. Whenever I give or do something good, it returns a thousand folds talaga. Give and you shall receive, ganon. 

[kuyabry]

Pantasa ng Kaluluwa.

Sana may nabibili na lang na pantasa ng kaluluwa.

Pakiramdam ko netong mga nakaraang linggo, buwan o taon na ata(?) na parang ang purol ko na bilang tao. Hindi ako malungkot. Pwede naman yon diba?

Kaya magsusulat ako uli, i-didisiplina ang sarili, gagawa ng paraan para maging produktibo kada araw, babawasan ang oras na nakalaan sa paglalaro, di na male-late sa trabaho, di na i-aasa sa food panda ang pagkain at di na i-aasa sa iba ang kaligayahan.

Parang ang dali ano?

Pero nakapagsulat ako ngayong araw.

Kahit maliit na hakbang, kahit mapurol pa ang pagsusulat at isip ko. Masaya ako.

Sana ikaw din.

[jamesashlley]

—UNCOMMONLY USED FILIPINO WORDS—

We are now living in what-so-called “modern world” in which we are more efficient using other words or language than our own, also because of the advance technology, our world is constantly evolving and we starts to forget our etiology.

Now, let me show you some uncommonly used filipino words.

Uncommonly used words:

1. ALIMPUYOK

Definition: It is used in Filipino meaning amoy o singaw ng kaning sunog or smell of burning rice/strong emission of steam or smoke in english phrase.

When used in a sentence:

Ang kusina ay amoy alimpuyok.

2. LABAHA

Definition: Razor; a keen-edged cutting instrument for shaving or cutting hair.

When used in a sentence:

Ginamit ni Brynel ang labaha sa cr upang ipang-ahit sa kaniyang balbas.

3. BATLAG

Definition: Car; a vehicle moving on wheels.

When used in a sentence:

Nabangga ang minamanehong batlag ni Levi kaninang umaga.

4. ANLUWAGE

Definition: Carpenter; a person whose job is to make or fix wooden objects or wooden parts of buildings.

When used in a sentence:

Ang anluwage ay pumunta sa aming tahanan upang kumpunihin ang sira naming kagamitan.

5. YAKIS

Definition: To sharpen; to make (something) sharp or sharper.

When used in a sentence:

Ang aking ama ay nagyakis kanina ng mapurol na kutsilyo.

6. MIKTINIG

Description: Microphone; an instrument whereby sound waves are caused to generate or modulate an electric current usually for the purpose of transmitting or recording sound (as speech or music).

When used in a sentence:

Hindi gumagana ang miktinig na ginagamit ng babae habang siya ay nagsasalita sa entablado.

Those are some examples of uncommonly used Filipino words.

[wmab]

TANGHALAN NG MGA PANGAKO

Oras na.

Narinig ko na ang hudyat. Malakas na ang 'yong buntong hininga.

Oras na.

Hawak mo na ang kamay ko at hawak ko naman ang dalawang patong na panyo. Bukas na ang ilaw sa tanghalan ng mga pangako. Pwede ka nang magsimula. Handa na akong mabigo.

Unang tagpo sa ika-unang yugto: (Act 1. Scene 1)

Magbubukas ang entablado sa kwarto mo at sa kwarto mo ay tila inaantok akong nakikinig sa'yong monologo. Sa monologo mo na ang tanging konteksto ay ang patawarin na ulit sana kita pero masyado nang pamilyar ang talim ng mga siphayong hindi ko naman hiningi sa'yo—hindi na yata kaya ng "patawad" na maigupo ako. Pero kailangan nating magkaintindihan kundi ay guguho tayo, at pag gumuho tayo ay hindi ko na kayang muling maniwala. Sa ating dalawa, ang kahulugan ng muling maniwala ay ang muli ring pakinggan ang mga monologo mong gasgas na't luma.

Pangalawang tagpo sa ika-unang yugto: (Act 1. Scene 2)

Sasabihin mo ang mga dagdag na estropa. Saglit akong maniniwala pero tila sasalain pa rin ang mga bagong salita mula sa mga luma. Makakarinig ako ng mas matalas na taludtod sa bagong hanay ng mga salita. Sinabi mo sa aking "sapat na ang pagmamahal para magpawalang bisa sa mga pangungusap". Nalimutan mo na ang mga pangungusap ang s'ya na lang humahawak sa'ting mahigpit para di tayo mabasag.

Gusto na kitang iwan. Ang ibig kong sabihin ay magkaintidihan na sana tayo, at kung di na kaya ay wag na natin ipagpilitan. Ang ibig kong sabihin ay paulit-ulit pa nating subukan. Tinandaan ko ang sinabi mo sa akin na "hindi mahalaga ang salita dahil mahal mo ako at mahal kita", at kinalimutan mo naman na salita ang bumubuhay sa akin, at ang kawalan nito—para sa atin—ay katapusan.

Pangatlong tagpo sa ika-unang yugto: (Act 1. Scene 3)

Isinantabi ko ang para sa atin para sa'yo. Humihiyaw ako para ipaalalang mag-uusap tayo. Nakikita ko nang nasa bingit ka na at ako. Pinagpipilitan mo pa ring "mahal, sapat na ang pagmamahal para magkaintindihan tayo." Ayoko na sa'yong mga palabas. Tila nakikinig ako sa mapagdarayang nagsasalitang matatas na parang ligtas pa ang maglaro kami sa bitak-bitak nang tiwala. Sa ilang ulit ko nang pagpapa-alala ay "wag kang mag-alala" lang ang sagot mo. Nang balak ko nang tumayo't umalis sa tanghalan mo ng mga pangako ay tsaka mo pipigain ang mga ngiti kong matagal mo nang hinahanap? Sinabi ko na sa'yong kailangan natin ang mag-usap pero mas gusto mong magbigkas na lang ng monologo mo pag naramdaman mong matatapos na ang lahat.

'Pag tatayo na ako mula sa aking upuan, mangungunyapit ka sa akin na parang ako ang ang nagkulang ng pagtitiwala at pagbibigay ng tsansa. Tsaka mo lang ako ilalaban kapag inaayawan ko na ang mga patay mong monologo sa luma at gasgas mong tanghalan.

Babayaran kita ng palakpak. Hihiyaw ako para sa'yo hanggang sa ang yugtong ito ay magwakas. Basta't pagkatapos mo ay pakakawalan mo ako sa munti mong palabas. Hahayaan mo akong lumabas pag nagbaba na ng mga kurtina.

Bumaba na ang mga kurtina mo. Para di na umulit ay ilang daang pagtatanghal lang pala ang kailangan ko. Masyado nang mapurol ang mga linya mong nagamit. Ilang beses na akong naglabas-pasok sa tanghalan mo ng mga pangako, at saulo ko na sila. Tanda ko na kung saan ka hihinga at kung kailan hihinto. Tulad ng dati. Iisang konteksto lang ang maririnig sa tanghalan mo ng mga pangako "Pakiusap", "Patawad".

Tatayo na ako. Kaya muling hinigpitan mo ang hawak sa mga kamay ko. Hindi na bago para sa akin ang lumabas ng umiiyak mula sa'yong kwarto, pero ngayon mo lang ipinakilala ang mga luha mo. Hindi sila kasama sa mga luma mong monologo. Hindi mo pa sila naikukwento sa mga lamat natin, sa mga paniniwala ko. At muli akong nagpasyang umupo, sa upuan ng tanghalan mo ng mga pangako. Nalimutan kong salita pa rin ang monologo mong luma. Pinaghirapan mo nga rin pala silang hugutin—Sa nakaraan natin, para bumuhay sa atin—Sa huli, inulit mo ang luma mong monologo: "mahal, sapat na ang mahal kita at mahal mo ako".

At sa pagbaba mo mula sa entablado ay hinihintay ka ng mga tagahanga mo ngunit hahanapin mo ang pinag-alayan mo ng lahat ng mga salita. Sa maraming nagtutulakang mga hinuha ay sasalubungin kita ng paniniwala at magtitiwalang muli, kahit pa sa monologo mo ay magtagumpay o mabigo kang walang saksi.

Tumayo mang palagi sa kalagitnaan ng mga pagtanggi—maniwala kang parati—sa likod ng tanghalan mo ng mga pangako, andoon ako,

nananatili.

Ituloy natin ang palabas.

-Wakas-

.

.

.

.

.

-Wag Mo Akong Bitawan (WMAB)