#lon la wile mi en sona mi pi sitelen ni en toki mute pi sitelen ni li lon

[jan-majeka-yaps]

󱥄󱥩󱤂󱥭󱥶󱦀

"o tawa ala tomo weka kijetesantakalu. kijetesantakalu li weka tan tomo ni la tomo li ken kama nasa li kama ike. sina tawa lon tomo selo li tawa lon nasin selo la ale li pona. taso, sina tawa lon nasin insa ona li tawa lon tomo insa ona la o weka tan tomo ni kepeken tenpo lili. sina ni ala la, nasin weka li weka li tawa. tenpo ni la ijo nasa mute pi ike suli li kama."

[cathack]

kon lili pi tenpo kasi

sina toki e ni: mi ike. mi pilin e ni: mi ike lili. mi wile e ni: tenpo kama la mi ken sama kon lili pi tenpo kasi. ni la mi kon tawa insa sina, li wile e ala. tenpo ni la sina olin ala e mi.

sina toki e ni: pilin mi li lete, mi pilin e moli. mi pilin e ni: lon li lawa e mi. tan ni la mi mama e kili pona mute, e kili suli mute.

lon anpa pi ma anpa, lon anpa pi ma anpa, jan pi sitelen tawa li toki tawa ona.

sina la seme li lon? sina lon toki. tenpo kama lili la toki ni li pini. sina pali mute tawa ni: sina pona wawa e ona. tenpo lili la pilin sina li ike. tenpo ale la sina lukin tawa sinpin. toki lon sina li sin tawa mi. sina ken ala ken lukin e toki ale? mi pilin e ni: ni li pana sina nanpa wan.

telo en kon li tawa e sina. sina powe mute e tawa noka. sina toki wawa, li kalama suli. sina kute e weka kalama taso.

taso ale sina la, taso ale mi la, ale ante li lon ala lon? lon ni la, ike en pona li pakala lili taso. lon ni la, ijo li weka e selo powe mute. lon ni la, lon tenpo ale la, sitelen li kama, li tawa. sina kama lon ni la, sina wile ala e awen e lukin. ken la mi ken pona e nimi ike mi. ma pi sona ala li lon poka ale. toki li lon ala. taso kalama li kalama kalama e ni: toki! toki kama! toki kama la sina o kama a! pona pi jan ale li nena ma lili taso lon ni.

(translated into Toki Pona from Mandarin Chinese)

[sowelinowe]

toki a, jan ale pi ilo Tanpa o!

mi soweli Nowe.

sona toki ala la mi pali e sitelen tawa lon ilo Jutu lon ilo Si! kin la mi pali e kalama musi e ijo ante mute! mi sona e toki Sonko, taso sona ni li lili.

tenpo sike 2023 la mi open kama e sona pi toki pona. toki pona li suli li pona tawa mi. open kama la mi kepeken sitelen tawa “12 days of toki pona.“ ni pini la mi esun e lipu pu. sona mi pi toki pona li lili, taso mi alasa kama e sona mute.

pali mi pi toki pona nanpa wan li “jan Pi en soweli Papika: moku.” mi ante toki pi toki pona e sitelen tawa Bee and Puppycat tan kulupu musi Frederator. ken la mi wile sitelen tawa e ni.

tenpo ni la mi alasa pali e “lipu Somoku.” ona li lipu sona pi pali moku. lipu ni la sina ken pali e moku pona. kon ona li tan lipu lipamanka. kin la mi ante toki pi toki pona e musi leko e musi Telawija e musi Pukatoli.

lipu ni pi ilo Tanpa la sina ken lukin e sona nasa mi e pali lili mi pi toki pona.

sina wile lukin e pali suli mi pi toki pona la sina ken alasa e ni lon https://sowelinowe.com!

toki Inli la mi lon @noellestaken! o lukin e ni (mi toki mute lon lipu ni)!

sina jan pi toki pona la o toki tawa mi! jan pona sin li pona mute tawa mi :D

[fioras-resolve]

sitelen mi: poka seli lili.

I wrote a scene for my game in Toki Pona! I find that it's easier for me to write stuff like this when I do it in this language, because I don't fret too much about things like word choice. I have an English translation of it for my friends, but I'm going to post it without that here because I want to see how TOK speakers interpret it! Click the Read More if you want to see it all!

jan Pin en jan Pijowa en jan Ponpilija en jan Panka li lon poka seli lili.

jan Pin: …pona. jan ale li ken ala ken?

jan Panka: ken.

jan Ponpilija: mi ken.

jan Pijowa: o awen. ijo nanpa wan.

jan Ponpilija: seme?

jan Talija: mi jan Talija, li jan Losa, li jan Ili! mi ale ona!

jan Pin: jan Pijowa. jan mute Pijowa.

jan Pijowa: lon. toki mi li pilin mi. toki mi li wawa mi.

jan Pin: lon, wawa sina li ijo pona!

jan Pijowa: wawa ni li kama tan nimi mi. taso ona li tan sina kin.

jan Pijowa: jan Pin, tenpo pini la sina pana e nimi mi tawa mi. tenpo ni la, sina pana e olin sina tawa mi. kin, sina pana e wile pi tenpo kama pona tawa mi.

jan Pin: …sina pona, jan mute Pijowa.

jan Pijowa: jan Pin o, lukin tawa tenpo kama poka me.

jan Pijowa: jan Ponpilija.

jan Ponpilija: …

jan Pijowa: …mi wile sina.

jan Ponpilija: jan Pijowa… sina wile ala toki e ni…

jan Pijowa: mi wile. jan ale o, kute e ni!

jan Pijowa: “jan pona” en “jan olin…” li wile ala ante. jan Ponpilija li jan pona mi. mi olin ona!

jan Pijowa: mi olin ala sina tan tenpo pini mi. mi olin sina tan sina. mi pilin pona poka sina. sina luka pona e mi, sina toki e pona tawa mi.

jan Pijowa: mi pilin pona tan sina poka mi. mi. wile. sina.

jan Ponpilija: …mi… mi olin sina, jan Pijowa.

jan Pijowa: taso, jan Panka.

jan Panka li lukin e weka.

jan Panka: …seme.

jan Pijowa li luka tawa jan Panka.

jan Pijowa: …o toki ala e “seme” tawa mi. o kama ni.

jan Panka: …

jan Panka li sijelo olin e jan Pijowa.

jan Panka: mi olin sina.

jan Pijowa: mi sona li olin sina.

sijelo olin li awen.

jan Pijowa: aaa…

jan Panka: nnnnn…

sijelo olin li awen.

jan Panka: mi wile ala pini.

jan Pijowa: sama.

jan Pin: taso, tenpo kama la sina ken sijelo olin mute a.

sijelo olin li awen.

jan Pijowa li uta olin e lawa pi jan Panka, la sijelo olin li pini.

jan Pijowa: pona!

jan ale li jo e sitelen ona.

jan Pin: mi open.

jan Pin li luka e sitelen ona tawa seli.

jan Pin: o pakala e kulupu ma.

jan Ponpilija li luka e sitelen ona tawa seli.

jan Ponpilija: o pakala e pilin ike suli.

jan Panka li luka e sitelen ona tawa seli.

jan Panka: o pakala e wile ike mama.

jan Pijowa li luka ala e ona.

jan Pijowa: …tenpo kama la, mi luka. awen.

jan Pin li luka.

jan Pin: o pakala e wile tawa “mije pona.”

jan Ponpilija li luka.

jan Ponpilija: o pakala e tu pi mije anu meli.

jan Panka li luka.

jan Panka: o pakala e ni: sewi li wile utala e mi tan mi jan mute anu tonsi. mi wile utala e ona.

jan Pin: lon.

jan Pin en jan Ponpilija en jan Panka luka e mute.

jan Ponpilija: …jan Pijo? tenpo ni la sina luka ala luka?

jan Pijowa: …luka.

jan Pijowa: mi toki e wan.

jan Pijowa: o pakala e tenpo pini.

jan Pijowa: o pakala e mi pi tenpo pini.

jan Pijowa: o pakala e sina ale pi tenpo pini.

jan Pijowa: tenpo ni la sina pona. tenpo ni la mi pona. mi pilin pona. tan sina.

jan Pijowa: ni li tenpo kama mi.

jan Ponpilija: pona!! jan Panka: mi olin sina, jan Pijowa!!

jan Pin: toki sina li pona!

jan Pijowa li luka e sitelen ale tawa seli. seli li suli. jan ale li kalama pona.

[kasilitawa]

kalama musi "Ilokalisun" (kalama musi pi sitelen tawa "Soaring Sky Precure")

toki a!! mi ante e ijo sin tawa toki pona!

mi lukin e sitelen tawa Soaring Sky Precure - anu sitelen tawa Pikuwa sewi - ona li pona li suwi mute a!!

tan ni la mi wile ante e kalama musi pini. ona li lon ni!

tenpo kama la mi ken ante e ni. taso mi pilin pona ^.^

sama kalama musi "mun" la sina ken kalama uta e nimi ni!! o musi a!

nimi li lon noka tu ↓↓↓(ninini)

a tenpo ni la sewi suno li lon wile suli mute mi laso la ona li kama lon o open e ilo toki lon pilin mi toki e kalama musi suwi ni mi pana e pilin pi pona mute tawa jan pona mi la pilin en lupa mi li open a mi ken ala pini e pilin mi! pilin o kama wan! jan pona o kama tenpo ale la ma tomo en lon mi li awen sina lon ni la ale li pona la ona li poki mani mi jan ale o tawa! Ilokalisun o pana e luka o suli e linja pilin wawa ale mi la pilin seli sina li suli e ona o alasa e wile pi pilin pona mi wile sona mute e ma suli ni mi o tawa sewi tawa sewi laso o kama wan, pilin pona Pikuwa!

mi pana e kule tawa nimi lili la ona li kalama namako sama ni...

o ka-ma wa-n

anu...

se-li-i si-i-na

ni o pona tawa lawa sina ^^"

lon! sina lukin e ni la sina pona! mi tawaaa

[capybara-on-the-ezh]

toki! mi toki e ijo pi toki pona mi tawa sina. mi toki e ni tan ni: sina pana e toki pona tawa mi.

sike nanpa mute ale mute tu la mi kama sona e toki pona. tenpo lili la toki pona li kama lili tawa mi. taso tenpo pini lili la toki pona li kama suli sin tawa mi. ni la mi open pona e toki pona mi. tenpo ni la toki pona mi li kama pona!

mi jo e lipu su nanpa wan. ona li pona e toki pona mi! mi jo kin e lipu ku. mi jo ala e lipu pu. taso mi wile jo e lipu pu namako. sike ni la ona li kama lon!

nimi mi pi toki pona li “jan Lapinta”. mi pali e sitelen kepeken nimi ni. sitelen ni:

toki pona li pona! mi tawa!

jan Lapinta o, toki! mi olin e toki sina. tenpo pini lili la, mi kepeken ala toki pona mi. tan ni la, mi kepeken tenpo suli tawa ni: mi sona e toki sina. taso, mi awen sona e toki pona. toki sina li namako e olin mi pi toki pona!

kalama pi nimi sina li pona mute! mi pona pilin tan ni: toki pona li pana e pona tawa sina. mi pona pilin tan ni: mi pana e toki pona tawa sina! mi olin kin e sitelen nimi sina. kule ona li pona mute a! kule ona li lukin sama kule pi tenpo pi suno ala.

mi jo e lipu pu e lipu ku e lipu su wan! lipu su li pana e sona pi sitelen pona tawa mi. mi lukin e sitelen tawa Wicked la mi wile e ni: jan li pali e toki Wicked pi toki pona!

mi lukin e toki sina la, mi wile pona e sona pi toki pona mi. ken la, tenpo kama la mi en sina li toki mute kepeken toki pona!

[kamasona]

ante toki mi 8

lon suli suli pi ma ko la jan tawa wan pi nimi jan Mikelo li kama sona e tomo majuna lon tenpo pimeja. wawa ala en telo lili la ona li tawa insa li alasa e tomo awen. lon insa la ona li kama lukin e lupi ma majuna lon sipin. lupi ma ni li pana e ma pi lupa telo len. wile mute tan telo la taso sitelen tan ike pi lupa telo lon lipu ma la jan Mikelo li tawa e nasin pi lipu.

tenpo suno la jan Mikelo li tawa lon nasin pi lipu ma. tenpo mute pi tawa lon suno pi seli mute la ona li kama lukin e lupa telo. ona li lon poka tawa moku e telo la ma li kama tawa mute. pimeja suli li kama tan anpa. ona li jan awen pi lupa telo li soweli pi awen pona pi telo lawa. soweli ni li utala ala e jan Mikelo la soweli li lukin wawa e lukin pi jan Mikelo li sona e pilin wawa ona li pana e ken moku tawa ona. wile moku telo ala en insa pona la jan Mikelo li toki pona tawa soweli. awen sin e nasin weka la kasi ale en len ona la jan Mikelo li kama jo e nasin olin tawa ona.

nimi pi linja ala la mi ante toki ala kepeken sona mi; taso mi alasa e ante toki kepeken ilo

---

En Esperanto: En la grandeco de la dezerto, soleca vojaĝanto nomata Miĥaelo trovis malnovan kabanon vespere. Elĉerpite kaj kun malmulte da akvo, li eniris serĉe de ŝirmejo. Ene, li trovis antikvan mapon sur la muro, montrantan lokon de puto antaŭ longe forgesita. Malespere por akvo, li decidis sekvi la instrukciojn de la mapo la sekvan matenon, malgraŭ la avertoj skribitaj apude de la mapo, kiuj parolis pri danĝeroj kiuj ĉeestis tie.

La sekvan matenon, Miĥaelo foriris, sekvante la mapon. Post horoj da marŝado sub la varmega suno, li trovis la puton. Kiam li alproksimiĝis al ĝi por trinki, li sentis la grundon tremegi, kaj grandega estaĵo eliras el la profundo. Ĝi estis la gardisto de la puto, mita estaĵo kiu protektis la sanktajn akvojn. Antataŭ ataki lin, la estaĵo fiksrigardis la okulojn de Miĥaelo kaj, rekonante lian kuraĝon, permesis al li trinki el la akvo. Kun la soifo malaperinta kaj la koro malpeza, Miĥaelo dankis la estaĵon kaj daŭrigis sian vojaĝon, ekportante kun si la lecionon de respekto al la naturo kaj ĝiaj misteroj.

[janpalakisu]

powe musi (PinocchioP: Fake Meme:

ni li powe ni li powe sina powe, powe, powe

lon li ike li pilin apeja lon li lete li pilin pakala sina uta, la utala pi telo moli la mi wile mute e len powe

lon mi li ike mute tawa mi (tawa mi) lon mi li lukin ala tawa jan (tawa jan) mi lon e mi, la mi ike tawa sina la mi wile e sama pi jan ante la mi wile e lukin ala pakala

powe pilin pona, powe sitelen mi powe pali lipu, powe nimi sona powe jan pona, powe pi tawa musi powe moku e moku, powe moku telo powe mani li jo, powe nimi li jo mi jo pi pilin lili e powe powe ma ali li jo, powe ike ala powe anpa sewi, powe nimi sona powe mi, la sona powe e tawa ale luka e sama pi pilin ala mi alasa e lon pi pona seli mi alasa e lon pi lon ala

ni li powe ni li lon a, ni li powe, powe

lon sina li jan seme? lon pilin li kule nasa olin en pona li kama ijo utala mi lukin lape e sina tawa

powe olin li olin, powe tawa nasin powe pali pali, powe tawa lape powe toki pana, powe sona e sona powe namako kasi, powe pali e len powe tawa nasin, powe toki musi ma ale ala li jo, powe li kili powe ma ali li jo, powe ike ala powe anpa sewi, powe nimi sona powe mi, la sona powe e tawa ale mi pali powe e mi pona wan mi weka e lon mi pi ike mute

powe pilin pona, powe sitelen ni powe pali lipu, powe nimi sona powe jan pona, powe pi tawa musi powe moku e moku, powe moku telo powe mani li jo, powe nimi li jo mi jo pi pilin lili e powe, ni sin powe ma ali li jo, powe ike ala powe anpa sewi, powe nimi sona powe mi, la sona powe e tawa ale luka e sama pi pilin ala mi alasa e lon pi pona seli mi alasa e lon pi lon ala lon pi sona mi li powe powe, li anpa powe

powe, lili li pilin ike powe powe, jan pona kepeken powe

mi alasa e lon pi lon ala

[tissitpoispaita]

mi pali e sitelen tawa pi meli tonsi li toki e ni: "ni li suli ala: sina jo e len seme li seme lukin. sina toki e "mi meli" la, sina meli." ni la, jan wan li sitelen: "taso mi wile sona: seme li meli?" mi pilin pona a tan wile sona sina. mi o pana sona.

meli li suwi! meli li sewi! meli li pakala kama poka! meli li len ni pi tawa telo: sina pini e musi lon ilo pi pana telo li pana e len lon ma la, ilo pi kipisi kasi li kipisi e ona. meli li pilin ni: kon li tawa e linja noka sina. ilo pi kipisi kasi li meli kin.

meli li ni: tenpo suno pi kon tawa la, sina tawa lon poka tomo la kon li utala e sinpin sina. sina lukin ala lukin e sitelen tawa ni: kijetesantakalu li kama jo e ko suwi? ni li meli.

meli li wawa. meli li pali. sitelen tawa pi jan Pepi en jan Pinija li pona tawa meli. meli li kule. meli li kala soweli lon tawa telo suli. meli li sike suli lawa kiwen ala, meli li luka pakala pi jan pi pali kiwen. meli li uuuu! meli li aaaa! meli li laso loje walo li jelo laso ala.

sina esun e ijo kepeken ilo sona li kama sona e ni: tenpo pini la sina jo e ijo ni. ni li meli. meli li aaaa, meli li aaaaaaa. meli li ii-. tenpo ni la mi pana e telo pi pilin seli. ni li tan meli. meli li esun lipu ni: sina ken ala pini e ona. sina toki ala toki mute e sona pona tawa wile sona ni: jan ala li kute e ona? ni li lon la, ken la sina meli.

meli li ma!! meli li sewi!! sewi li meli pi olin meli!! meli li kon sewi. meli li mama e ijo. meli li moli e ijo. meli li ale. n. meli li lipu kasi. o uta e lipu kasi ni. tenpo ale la sina sona e meli tan ~ijo suli ni~: ~ijo suwi ni~: ~kon jan ona~. ~n~. o pona tawa ona! ni li suli a: meli li ijo ale tan sitelen lape monsuta nasa ona.

sina jo ala jo e wile sona?

based on this wonderful tiktok. i shortened it a little.

[fukouiro]

my interest in toki pona is waning so i might as well post these couple other song translations i did

again, dunno if they're really that good, but i don't think toki pona really clicks with me also like last time, these should more or less match the number of syllables so they should be singable to the original tune (though with pauses in the middle of words sometimes) the line breaks here also don't always correspond to the original lines, but what makes the sentences easier to read

transcriptions after read more:

"Gin & Tonic & Red Red Roses" (telo nasa kasi en kasi pi loje wawa)

mun li kama li o toki e wile la ni li tawa sina: ijo Katamali ale li sama sitelen lape la ni li jo e ale: ijo Katamali

tenpo kama la mun sin li lon sewi la ni li tawa sina: ijo Katamali wawa nasa ona la (tupitupitupa) pona li tan ijo Katamali

pona li tan ijo Katamali pona li tan ijo Katamali pona li tan ijo Katamali

"Yume no Naka e" (tawa lon sitelen lape)

sina lukin alasa e seme li sona ala sona e ma ona? alasa la poki luka en supa poki li pini taso ona li lon seme?

alasa la sina awen tan seme? ante la o tawa musi poka mi lon sitelen lape lon sitelen lape la mi wile tawa musi poka sina

sina ken ala lape li ken ala pana e kalama pi pilin pona li kama noka li kama noka ona li suli mute tawa sina anu seme?

sina pini e alasa la tan ni: sina kama jo e ijo wile lon sitelen lape lon sitelen lape la mi wile tawa musi poka sina

sina lukin alasa e seme? alasa la sina awen tan seme? lon sitelen lape lon sitelen lape la mi wile tawa musi poka sina

[allinfavorsayaye]

archive mb <xi>

[jansegers]

TP Rhyme Dictionary

For toki pona songwriters and poets. mi_soweli | 2019

I have made a list of all rhyming words in toki pona. They are kind of randomly organised, but I tried to put words that rhyme better closer together. Enjoy!

a la ma ala kala utala pakala nasa alasa mama sama pana lawa tawa wawa kalama kama anpa nanpa apeja pimeja nena weka sina palisa insa linja ona pona sona noka poka lupa supa luka uta monsuta unpa

jan pan tan wan

e ale lape ante lete seme ike sike mije wile loje mute kute kule

en len sitelen ken kepeken kiwen awen open

li mi ni pi ali pali jaki kasi mani akesi meli seli soweli sewi kili lili nimi pini pipi kipisi moli poki toki monsi musi suli suwi

kin lukin sin nasin olin pilin sinpin

o jo ko laso taso waso namako walo jelo selo sijelo leko tenpo telo ijo ilo oko tomo suno

kon lon

mu pu tu anu kijetesantakalu lipu moku kulupu

esun mun

Please tell me if I have made a mistake!

https://www.reddit.com/r/tokipona/comments/e1lxon/for_toki_pona_songwriters_and_poets/

#TokiPona #rhyme #kalama_sama #anno2019

[tgttos]

nimi "ona" pi toki Inli li pona :)

SINA PONA MUTEE ⭐️ aaa jan ante pi toki pona li lukin e Blog mi finallyyyy. musi aa 🙌 toki pi toki pona en toki pi nasin toki la mi sitelen lon @ ijokasijo , taso ken la jan ante li sona la , mi toki pona lon tomo ni nnnn . sina wile la sina (anu jan ale pi toki pona) ken toki tawa mi lon DMs ❤️❤️ omekapo a

[atlassi]

tenpo lon mi

mi wile e ni: mi kama pona lon kepeken toki pona. sitelen ni li toki e tenpo lon mi lon tenpo ni.

tenpo ni la tomo sona suli li lawa e kipisi suli mute pi tenpo lon mi. mi kama sona e sona pi toki. mi pali e pali pi tomo sona mute. wan tan pali tomo sona mi li ni: mi sitelen e sitelen pi toki Pitesami (Pite Sami). mi sitelen pi sijelo nimi ona. ni li musi mute! taso tan ni la mi jo ala e tenpo mute tawa ijo ante.

mi jo e tenpo la mi pali e ijo mute sama ni: mi kama sona e toki ni: toki Sumi, toki Aja en toki pona, en toki Kalalisu (West Greenlandic) lili. tenpo ni la toki Sumi li suli mute a lon lawa. mi kama sona kepeken tenpo lili e toki ante.

ijo ante pi tenpo mi li pali toki. pali toki li musi mute tawa mi. tenpo ni la mi pali e toki pali Atasa (Atasab). toki ni li jo e ante suli pi nimi. nimi wan lon toki pali Atasa li ken sama nimi mute lon toki ante sama toki pona. mi pilin e pona pali suli tan ona.

mi pali ala e toki li kama sona ala e toki la tawa musi li pona tawa mi. mi wile e pilin pona pi sijelo. tan ni la mi tawa musi lon tomo lape mi lon tenpo lili. mi tawa musi la mi toki sona e ni: mi lon supa suli lon lon Elowisijon (Eurovision). ni li musi tawa mi a a.

kin la ni li pona tawa mi: mi lon poka jan pona mi. poka ona la mi lukin e sitelen tawa li musi e musi sama musi lipu Maki Te Katelin (Magic: The Gathering) li toki mute.

tenpo lon - life

sona pi toki - linguistics

sijelo nimi - morphology

li suli mute a lon lawa - is my focus

pali toki - conlanging

toki pali - conlang, constructed language

mi pilin e pona pali suli tan ona - I feel proud of it

pilin pona pi sijelo - good shape

musi lipu - card game

(sina ken lukin e ike lon sitelen ni la sina ken pana e toki tawa mi!)

[kamasona]

ante toki mi 4

jan Malijana li meli lili li pali kepeken jan lukin awen pi tenpo pimeja lon tomo pi tenpo pini. tenpo ale la ona li jo e lon pona. taso tenpo pimeja la lukin awen nasin la ona li kute e kalama lili nasa tan tomo pana. pilin nasa la jan Malijana li tawa kalama li kama lukin e sitelen. tenpo ala la ona li lukin e sitelen ni. wawa en nasa li lon lukin pi mije sitelen. kin la jan Malijana pilin e ni: mije li lukin wawa e ona.

tenpo kama la jan Malijana li kama sona e ijo nasa lon tomo pi tenpo pini: ijo li lon ma ante, pini lupa, sitelen mije li pilin lon mute. tawa poka tomo pi sitelen mije la ona li kama sona e ni: sitelen mije li lon ma ante li sewi e uta. jan Malijana li kama wile e ni: kama sona e tenpo pini sitelen. ona li kama sona e ni: tenpo pini la sitelen ni li tan jan jo pi tomo pi tenpo pipi; tenpo pini sike mute la jan jo ni li weka. jan Malijana li kama sona e ni: tomo pi tenpo pini li jo e len monsuta.

---

En Esperanto: Marianino estis junulino kiu laboris kiel noktgardisto ĉe muzeo. Ŝi ĉiam havis bonan vivon, sed, iunokte, dum ŝi faris kutiman ĉirkaŭmarŝadon, ŝi aŭdis strangan murmuron el la elmontrejo. Konfuzite, ŝi sekvis la sonon kaj vidis portreton kiun ŝi neniam antaŭe vidis. Estis portreto de viro de intensa kaj enigma rigardo, kiu ŝajnis atente rigardi ŝin.

En la sekvajn tagojn, Marianino komencis rimarki strangajn aferojn en la muzeo: objektoj moviĝis for de sia loko, pordoj fermiĝis mem, kaj la portreto de tiu viro ŝajnis pli viva pli kaj pli. Iutage, preterpasante la elmontrejon, ŝi konstatis ke la viron en la portreto ŝanĝiĝis sian pozicion kaj ridetis en stranga maniero. En timo, Marianino decidis esplori la historion malantaŭ tiu pentraĵo kaj eksciis ke ĝi apartenis al malnova muzeoposedanto, malaperinta antaŭ jardekoj. De tiu momento, ŝi konstatis ke la muzeo konservis timigajn sekretojn.

[tissitpoispaita]

Here we go again with my Toki Pona translations of Finnish literature that absolutely no one asked for. This time it's the uncensored version of Lahtinen's toboggan monologue from Sotaromaani.

If anyone came here just for Toki Pona and is not familiar with this novel:

It's about the Continuation War between Finland and the Soviet Union from an ordinary soldier's POV. In this excerpt Lahtinen, a communist, lashes out at Finnish military leadership and rants about the war and capitalism.

jan Lasinen/Mata/Salo/Siponen = Lahtinen, Määttä, Salo and Sihvonen, soldiers

jan Sumi/Lusi/Nijon = Finns, Russians and Japanese people

jan Lapuwa = supporters of the fascist and anticommunist Lapua movement

Even as a native Finnish speaker, I have no idea what "kyllä hän touhua on" means. "ona li jo e pali mute kin" is an educated guess.

Edit:

It's probably the "warlords" that are getting paid a lot from the people's money and not the journalists. So I changed "jan sitelen li kama jo e mani suli tan jan pali" to "jan lawa li kama jo - - ".

Corrected some punctuation that felt off

Broke apart a sentence to avoid la-stacking. Aforementioned part about the people's money was part of the previous sentence

Deleted a useless sentence that I added for no reason ("mi sona ala e ni" after "sike moli ni li kama tan ma seme")

jan Lasinen en jan Mata en jan Salo li tawa e supa tawa lon ko walo mute. jan Siponen li lon monsi li tawa e linja pini li tawa e supa kepeken palisa tawa pi ko walo. tenpo pini la, ona mute li lon poka kulupu wan pi palisa moli. taso tenpo ni la, ona li jo e supa ni la kulupu li weka. supa li jo e ijo mute mute la, ona li lon ma lon insa ko. tenpo wan la, mije li tawa kepeken palisa tawa pi ko walo, taso ona li ken ala pali ni tan ijo mute lon supa. ona li pana e palisa tawa lon supa li tawa kepeken noka. kon li lete, taso ona li pilin seli li pana e telo mute mute. ona li kon wawa li pana e nimi ike li tawa lon nasin pi kulupu ona. ona li wile lape mute mute la, lawa ona li pilin kon. kalama utala li kute lili nasa. ona li ken ala kute e ni: kalama seme li kama tan jan pona tan jan ike.

lon sinpin la, jan Salo li tawa kepeken luka noka tan ni: supa li tawa ala li anpa e ona. jan Mata li tawa li kalama ala. ona li lukin e nena e lupa la, ona li tawa pona mute. jan Lasinen li tawa e supa kepeken wawa ona ale. supa li pini tawa tan kiwen anu kasi la, ona li tawa wawa e linja li pilin ike mute li kalama ike:

”pa… ka… la.”

tenpo wan anu tu la, ona mute li lape lon supa li kama jo e kon. jan Lasinen li kon:

”a, pakala a. kiwen moli pakala o kama o moli e mi. a, mi jo e pali mute, taso jan lawa pi ma tomo li lon supa lape li nanpa e mani pi pan pi esun pimeja. mi wile e ni: jan sona wan li kama. lawa ona li pakala ala tan toki ike ale. ona li sona taso e ijo pona e ijo suli la, ni li nasa tawa ona: mije suli li tawa e supa jaki ni tawa weka tawa poka lon ma kasi…”

jan ante li toki ala li mute e wawa, taso kon pi jan Lasinen li awen wawa. ona li awen toki li pali e toki pi ona en jan sona pi insa lawa ona:

”ona li lukin e palisa kiwen ni e ilo lupa ni la, ona li toki e ni: ’sina pali e nasin anu tomo, anu seme?’ mi toki e seme? e ni: ’a… ala, mi pali e tomo ala. mi wile tawa insa ma. mi tawa ala la jan li moli e mi.’ taso ilo suli jaki ni li nasa mute tawa ona: ’ilo pona ni li seme? jan li pali seme kepeken ona?’ ’a, mi moli e jan kepeken ona.’ ’jan? jan ni li pali ala pali ike?’ ’a… ala. mi pilin ni: ona li pali ike tawa jan ala. taso ni li utala. sina sona ala e ni, anu seme? jan lawa pi ma tomo li wile e mani suli tan pan, jan mani pi ma kasi li wile e ma kasi ni pi ma Lusi. jan lawa suli li wile e lawa e mani, jan unpa ona li wile e kiwen mani e selo soweli. tan ni la jan li moli e jan lon ma ni. tan pona pi jan Sumi. tan ni: jan pi nasin sewi li awen e jan lon anpa jan mani. jan li kute ala la lawa li ken moli e ona. jan moli li ken ala toki. jan lawa li sitelen e lipu ni: sina utala ala tawa ma mi tawa poki mani mi la, mi moli e sina lon monsi tomo seli.’ taso tenpo ni la mi wile tawa.”

ona mute li tawa. jan Lasinen li pini, taso ijo ona li pini ala la ona li kama toki. ona li tawa e supa la, ona li kon li pana e nimi jaki:

”pakala a, jan li pali e toki ike. tomo en nasin sewi en ma mama. mi lawa ala e tomo, kulupu mani li lawa e tomo mi. mi weka e kulupu sewi li jo ala e kipisi lili pi ma mama. jan utala lawa wan pi ko jaki li toki e ni: mi wile utala tawa mama mi. mama meli mi taso li lon. jan Lusi li wile e meli majuna jaki wan la, ona li ken kama jo e ona, pakala. pakala jaki a, noka kasi ni li suli sama mije lili pi mani ala… jan li ken pali e noka kasi lili, anu seme? ona li jo e pali mute kin. mi lawa la mi pana e jan Lapuwa e jan lawa utala lon tomo pi pona lawa. taso tenpo ni la, lipu pi ijo sin li jo e sitelen suli pi sewi ma ni. jan lawa li kama jo e mani suli tan jan pali.”

jan Siponen li tawa anpa. ko walo li tawa insa len luka ona. tan ni la, ona kin li pilin ike mute li kalama suli. ona li kon wawa li pana e luka ona tawa jan ike li toki:

”lon ni, lon ni. jan sona li lon ma ni. ona li utala ala. sike moli ni li kama tan ma seme. jan Nijon li utala lon monsi ona. ona li alasa ala e ma pi jan ante. ona li awen taso e pona ona.”

jan Lasinen li pini e toki pi nasin kulupu, taso jan Salo li jo e wawa ala li tawa lili e linja. jan Lasinen li kalama:

”sina kin o tawa, pakala. tenpo ni la sina pana ala e telo.”

jan Salo li tawa e linja kepeken wawa ale li kon:

”mi wile ala pana e telo. mi wile e ni taso: supa ni li tawa.”