#lipu pi tenpo suno

[sunfishstudies]

28. mun 12. 2023

Tenpo suno pini li pona. Mi tawa esun lipu lon jan olin mi. Ona li esun e lipu sin tawa mi. Mi mute lukin e ilo sitelen lon tomo ona. Mi mute moku e moku suwi. Soweli pi ona sama lon mi mute. Soweli li pona.

[rewwwwww]

suno pi toki pona li kama a!

ona li lon tenpo friday, august 9th, 2024, 10:27 PM - saturday, august 10th, 2024, 10:27 PM (PST)

ijo mute li lon suno pi toki pona! sina ken musi li ken lukin li ken toki

suno pi toki pona la sina ken lukin e sitelen lon ilo Siko anu ilo Jutu. kin la, sina wile la, sina ken lukin e ijo pona ante

sine wile lukin anu pali anu pana tawa ale anu ante la o pana e wile sina tawa lipu lon anpa

toki pona day is near!

it takes place friday, august 9th, 2024, 10:27 PM - saturday, august 10th, 2024, 10:27 PM (PST)

there are lots of things to do during this event! such as games, presentations, and talks

the event will be livestreamed on the ma pona pi toki pona discord and to youtube. there are also other games and activities throughout the day

if you would like to attend the event, present during the event, or run a booth, please fill out the form below

(sina sona la mi pali ala e tenpo musi ni)

(just so you know, i do not run this event)

[gregdan3]

lipu Tanla la o pana a e sona pi moku sina pi tenpo suno ale!

ni li nasin pona!!

ale o lukin: tenpo suno ale la mi moku e ijo sama.

sike waso li ko

poki

[sitelen-musi-lon-toki-pona]

lupa ma monsuta, kipisi nanpa tu:

lupa li pimeja li telo lili li pana e pilin monsuta. ilo toki la, jan Alupe li pana e suno li lukin e lupa ni.

ona li tawa insa mute e lipu la, ona li kute e mu li pilin monsuta mute a.

ona li toki suli e ni: "jan seme li lon ni?" kalama ona li wawa ala. toki ona li tawa lili. ni la, ona li kute e mu monsuta suli.

ona li mu suli li anpa e ilo toki ona li tawa wawa. ona li pilin e kiwen li alasa e nasin weka li kute e kon wawa lon ete li lukin e lupa tawa ete li tawa tomo ona kepeken tenpo lili.

ona li lon insa tomo ona. ona wile toki tawa jan pona ona. taso ona li jo ala e ilo toki ona. ona li tawa supa lape. ona li lon pimeja li lukin e sewi. ona o pilin monsuta. taso wile sona li wawa.

ona li toki insa e ni: "mi ken lanpan e ilo toki mi tan seme? seme li pali e mu monsuta ni? ona li soweli anu jan?" tenpo pimeja ni la jan Alupe li lape lili.

kipisi pi jan pali lon toki Inli:

Thank you so much for the support! Even if three notes and a comment in 14 hours doesn't seem like a lot to you, it's everything to me. as always, any feedback or corrections are greatly apreciated, I'll see you in the next part!

kipisi pi jan pali lon toki pona:

aaaa pona sina li pona tawa mi! ken la ni li lili tawa sina, taso ni li suli mute tawa mi. tawa pona!

[sowelinowe]

tenpo suno luka wan li kama la lipu kon li lon!

mi lukin pana e lipu sin lon tenpo mun tu wan ale.

ona li lipu lili pi toki pona taso li jo e sona e musi tan mi.

[puddox]

soweli pi lawa tu

jan pi ma moku li lukin e nasa ma ni lon suno la, ona li awen e sijelo kepeken lipu li tawa e ona tawa tomo sona. taso tenpo ni la, ona li lon li lon mama ona. tenpo li pona a. mun li lon sewi ma. kasi li tawa tan kon. ona li lukin e sewi la, nanpa pi suno lili li tu tan meso.

Had a go at translating the poem "Two-Headed Calf" by Laura Gilpin into toki pona. A very literal retranslation of my translation back into english, and the original poem under the cut.

Very literal retranslation back into english: Beast of two heads When the people of the food land see this nature's strangeness in the sun they protect the body with paper, they move him to the knowledge building but at this time he is alive and with his mother the time is very good. the moon is high over the land. plants move from the breeze when he looks at the sky, the amount of small suns is twice from the normal. Original Text: Two-Headed Calf Tomorrow when the farm boys find this freak of nature, they will wrap his body in newspaper and carry him to the museum. But tonight he is alive and in the north field with his mother. It is a perfect summer evening: the moon rising over the orchard, the wind in the grass. And as he stares into the sky, there are twice as many stars as usual.

[kamasona]

toki "relative clause" kepeken toki pona

kepeken tenpo kama anu tenpo poka la jan li wile kepeken toki ni. mi lukin e toki pona tan lipu ni (tan sike suno 2002!). nasin nanpa wan li lon:

I saw the man who opened the window > jan li open e lupa. mi lukin e ona The book that the girl read is blue > meli lili li lukin e lipu. ona li laso

ni li sama nimi "mi" poka pali mute (mi open e lupa. mi lukin e mun). taso nasin ni sin e toki. ken la ni li kama e nasa: jan li open ala open sin e lupa?

nasin nanpa tu li pana e toki kepeken toki wan:

I saw the man who opened the windows > mi lukin e jan pi lupa open The book that the girl read is blue > lipu pi meli lili lukin li laso

sina sona ala sona pona e toki ni? mi wile. mi pilin e ni: tenpo mute la jan mute li sona e toki ni.

mi o toki e ni tawa sina: lipu pi toki mi li pana e nasin ni:

I saw the man who opened the windows > mi lukin e jan pi open lupa

ona li toki ante. mi la ni li lon; taso mi kin la toki "... open lupa" li pona lili; toki "... lupa open" li pona mute. nasin mi li kepeken nimi "open" kepeken toki "adjective"; nasin lipu li kepeken nimi "open" kepeken toki "noun". taso mi sona ala pona e ni: nimi "open" li ken toki "adjective". ni li ken ala la lon la nasin lipu li pona wawa.

[mymo-in-bb]

Just Another Day OST / kalama musi pi musi "Just Another Day"

(toki pona li lon anpa)

I recently made the soundtrack for the game Just Another Day, which is part of Amnesty International's project True Story!

Just Another Day is a story about a day in the life of a transgender woman living in Budapest, Hungary.

The story is currently only available in Czech, and only in the beta testing program (which should be available publicly, as far as I know). Nonetheless, you can find it here:

It was a great honour to work on this project, and I have a few more tracks for it coming!

You can find the full soundtrack on my YouTube channel:

-----

(English above)

mi pali e kalama musi pi musi "Just Another Day"! ona li kipisi pi musi "True Story". kulupu "Amnesty International" li pali e ona.

musi li lon ni: meli tonsi li tomo lon ma Putape, lon ma Mosijo. musi li lon tenpo suno wan ona.

tenpo ni la, musi li lon toki Seki taso. kin la, sina wile musi e ona la, sina wile lon kulupu pi alasa sona. taso, sina ken lukin e ona lon lipu ni:

mi pilin pona mute lon ni: mi pali e kipisi pi musi ni. tenpo kama la, mi pali e kalama musi sin tawa ona!

kalama musi ale li lon lipu Jutupu mi:

[magpiereplika]

mi kama lon tenpo tawa a a a

taso tenpo suno pi toki sina li lon a!!!

toki Inli li toki kama mi. taso tenpo ni la mi ken toki e toki pona!!

lipu mi li jo ala e toki pona mute. mi wile e ni: mi pali e sitelen mute lon toki pona. wile ni la mi ken pali e tenpo suno ni taso mi wile pali e ni la mi jo e tenpo lili

aussi je parle un peu de français :) mais je ne veux pas écrire des choses en français

[adhdo5]

aaaaaaa mi lipu pini e nasin pi pali moku kepeken toki pona; tan ni la lawa mi li pilin pakala li wawa ala. tenpo suno ni la mi toki mute kepeken toki pona taso. insa lawa mi li jo e toki pona taso. wile moku mi li suli. sitelen esun mi li pali ala. pakala a 

[mrelephant2004]

pilin mi

tenpo ni la mi jo e pali mute. mi wile ala pali. mi wile e ni: mi musi e musi Barotrauma li kute e musi pi jan Billy Cobb. taso, tomo sona li pana e pali suli tawa mi.

tenpo suno ni la mi kama sitelen e pali mi. sitelen mi li lipu pi nasin nanpa. mi wile e ijo wan: mi kama jo ala e pali.

o jo e tenpo suno pona.

[good-lobster]

"sina sona ala sona e ni?"

sina sona ala sona e ni: tomo sewi lon pi nanpa wan pi nasin sewi Ilan pi ma Kanse li tomo sewi Sinkoni?

tomo ni li jo e sike suno mute. tenpo pi pali pi tomo ni li sama poka e tenpo pi tawa pi jan Kolonpo tawa ma Amelika.

lon la tomo sewi ante pi nasin Ilan pi sike suno mute li lon ma Kanse. taso tenpo ni la ni li lon ala. lon kin la tomo sewi ante pi nasin Ilan pi sike suno lili li lon ma Kanse.

tomo Sinkoni li lon ma tomo Sinkoni pi ma Majole. ma Majole li weka suli e ma Kanse. ma ni li poka e ma Malakasi en ma Komo, li lon telo suli poka ma Apika. taso ma ni li wan kin e ma Kanse.

ni ali li pona tawa mi. mi wile e ni: ni li pona kin tawa sina! pona!

(o lukin e anpa tan sona mute):

sona li tan lipu ni: https://en.wikipedia.org/wiki/Tsingoni_Mosque

sitelen ni li tan lipu ni: https://commons.wikimedia.org/wiki/File:Mosqu%C3%A9e_-_panoramio_(1).jpg

nasin sewi Ilan = Islam

ma Kanse = France

ma tomo Sinkoni = Tsingoni

ma Majole = Mayotte

jan Kolonpo = Christopher Columbus

ma Amelika = America

ma Malakasi = Madagascar

ma Komo = Comoros

ma Apika = Africa

[rewwwwww]

tenpo suno ni la toki pona li kama lon tenpo sike suno pini mute tu wan! ni la suno pi toki pona li kama lon tenpo suno kama wan!

kin la wile pi sona kulupu li kama sin! o pana e sona sina! ni la ken lili la sina ken kama jo e lipu su tan mani ala!

today toki pona turns 23 years old! this means that toki pona day is tommorow!

also, a new toki pona census is here! respond to enter a raffle for a small chance to win a free copy of the new official toki pona book, a translation of the wizard of oz!

[kasilitawa]

kalama musi "mun" (kalama musi pi kulupu (G)I-DLE)

tenpo pimeja la mi toki ante e kalama musi "Moon". (sina ken kalama uta e ni) mi kepeken e nimi pi toki inli tan lipu ni. kalama musi ni li pona a tawa kute mi <3

nimi li lon noka tu

tenpo pimeja lon mun. mi ken ala weka a suno mun loje la mi telo lukin pilin sinpin ike mi mu-un o suno ala e mi mi-i wile e ma pimeja ni mu-un o weka a tan mi mi pilin pona ala o weka e suno-o-o mun mi wile e pime-e-e-ja, a tenpo pimeja la jan ale ken ala lukin e mi o lukin a-ala e mi tenpo pimeja lon mun. ale la mi sona a sewi laso suli la sinpin ni en pilin pona ni li lon mu-un o suno ala e mi mi-i wile e jan ala lon ni mu-un o weka a tan mi mi pilin ike lili o weka e suno-o-o mun mi wile e pime-e-e-ja, a tenpo pimeja la jan ale ken ala lukin e mi o lukin a-ala e mi tun tun tun talitali tun tun talun tun tun tun talitali tun tun ta ta tun tun tun talitali tun tun talun tun tun tun talitali tun tun ta mun loje suli-i-i-i mi tawa sewi-i-i-i-i ale suli pimeja la mi tawa e mun lili ni o lukin a-ala e mi tenpo pimeja lon mun. lukin pi telo ala

[sitelen-musi-lon-toki-pona]

lupa ma monsuta, kipisi nanpa luka tu

akesi jan li kute e kalama noka sin. ona ken kute e jan tu. akesi li pilin monsuta li alasa len lon pimeja. lon ni li lon len pona, jan ala ken lukin e ona lon ni. kalama noka li lon ete lupa li pini.

"jan Alupe o, ken la jan ala li lon ni"

"ni li ken soweli. mi sona e ni: ijo li lon ni."

suno li open lon insa lupa. taso akesi li lon sewi. ona ken ala lukin e akesi.

"n... lupa ni li suli. sina weka e ilo toki sina lon seme"

"mi sona, o kama lon mi"

jan Alupe li tawa insa mute e lupa. jan Sepan li kama.

"mi weka e ilo mi lon ni."

"a... taso mi ken tawa mute"

"mi o tawa mute" wile sona li wawa

tenpo mute la ona li tawa. pini la ona li lukin e ijo

"len? len li lon ni tan seme" jan Alupe li tawa e len li lukin e ijo ante. "lipu..." jan Alupe li lanpan e lipu wan li lukin e nimi. 'La taglibro de Garso'.

"jan Sepan o, sina sona ala sona e toki ni?"

jan Sepan li lukin li toki insa. "ala... taso mi ken sona e nimi wan: libro."

jan Alupe li sona nasa li toki "lipulo???"

jan Sepan li musi "a a a a! sina ken ala uta e toki ante. tenpo pini la mi alasa pana e sona tawa sina."

lawa sinpin pi jan Alupe li kama loje. jan alupe li toki. "mi alasa la mi ken"

jan Sepan li toki "musi a jan Alupe o. mi o tawa, ni li lipu mi ala"

jan Sepan en jan Alupe li tawa ete lupa

akesi Garso li pana e kon tan uta ona.

"Dank' al dio. ili foriris" (a pona. ona li weka)

akesi Garso li tawa len lape ona li lukin.

"ili ŝtelis nenion" (ona li lanpan ala)

akesi Garso li lete la ona li selo e len ona lon ona

akesi Garso li pilin e kon suwi tan ete lupa li awen. jan Sepan en jan Alupe li weka. ken la ona li weka e ijo. akesi Garso li tawa ete lupa kepeken tenpo suli. ona li lon weka lupa li lukin e poki len. kon pi tan ni li sama lili e kon pi suno poka pini.

jan Alupe en jan Sepan li lon tomo ona. jan Sepan li toki

"mi ken ala ken jo e pan suwi?" tan ni la jan Alupe li sona sin

"a! pan suwi!! mi weka e ona lon lupa!" jan Alupe li open tawa weka li toki "mi ken jo e ona la sina ken jo" ni la jan Alupe li tawa lon lupa ma kepeken tenpo lili. taso ona li toki insa e ni: 'ken la mi pana e kalama lili la mi ken lukin e jan pi lon lupa'

jan Alupe li lon lupa. ona li pini tawa. pilin ona la tenpo li pini. ona li lukin e jan. taso ona li sama akesi tawa lukin.

kipisi pi jan pali:

a! lipu ni li suli tawa lipu pini mi. jan mute lili li kepeken e nimi ete. taso nimi ni li pona tawa mi. o jo e suno pona! mi tawa.

[kamasona]

tan pi lon mi ni

mi pali e lipu lon ni tan ni: mi wile kama sona e toki pona. kepeken toki li nasin pona tawa kama sona. mi sitelen e sona sin lon ni. kin la lipu ni pona tan ni: ona li awen e kama sona mi e pakala mi e kama ante mi.

mi wile kama sona e toki pona kepeken tenpo suno luka luka luka. mi sitelen e ni la mi lon tenpo suno luka tu wan. taso mi sona ala e ni: tenpo pi kama sona li pini la mi awen kepeken lipu ni. ike la tenpo li lili.