#मागील

[airnews-arngbad]

आकाशवाणी छत्रपती संभाजीनगर प्रादेशिक बातम्या दिनांक: ०५ जानेवारी २०२५ दुपारी १.०० वा.

Regional Marathi Text Bulletin, Chhatrapati Sambhajinagar Date: 05 January 2025 Time: 01.00 to 01.05 PM Language Marathi आकाशवाणी छत्रपती संभाजीनगर प्रादेशिक बातम्या दिनांक: ०५ जानेवारी २०२५ दुपारी १.०० वा.

दिल्लीसाठी आजचा दिवस अतिशय महत्वपूर्ण आहे. आज पहिल्यांदाच नमो भारत ट्रेन राजधानीत प्रवेश करणार आहे. त्याठिकाणी दिल्ली मेट्रोसह इतर विकास कामांचे उद्घाटन करण्यात येणार असल्याची माहिती पंतप्रधान नरेंद्र मोदी यांनी सामाजिक संपर्क माध्यमावर दिली आहे. दरम्यान, पंतप्रधान मोदी यांनी गाजियाबाद जिल्ह्यातील साहिबाबाद रेल्वे स्‍थानक ते दिल्लीतील न्यू अशोकनगर रेल्वेस्‍थानकादरम्यान नमो भारत रेल्वेनं प्रवास केला. या प्रवासात त्यांनी शालेय विद्यार्थ्यांसोबत संवाद साधला. त्यावेळी एका विद्यार्थिनीनं पंतप्रधान नरेंद्र मोदी यांच्यासमोर कविता सादर केली.

छत्तीसगढमध्ये आज सुरक्षा दलांसोबत झालेल्या चकमकीत चार नक्षलवादी ठार झाले आहेत. या गोळीबारामध्ये सुरक्षादलाचा एक जवानही हुतात्मा झाला. सुरक्षा दलांनी मारलेल्या नक्षलवाद्यांचे मृतदेह ताब्यात घेतले आहेत. या घटनास्‍थळावरून शस्त्रांस्त्रासह दारूगोळा मोठ्या प्रमाणात जप्त करण्यात आला आहे. अद्याप गोळीबार आणि शोध मोहिम सुरूच असल्याचं याविषयीच्या वृत्तात म्हटलं आहे.

सर्व मातृभाषांचं जतन करणं ही आपल्या सर्वांची जबाबदारी आहे, असं केंद्रिय कोळसा आणि खाण मंत्री जी. किशन रेड्डी यांनी म्हटलं आहे. आज हैदराबाद इथं जागतिक तेलुगू कॉन्फेडरेशनच्या परिषदेत रेड्डी बोलत होते. तेलगू भाषेचं संगणकीकरण करण्याची गरज असल्याचं मतही रेड्डी यांनी व्यक्त केलं.

चीन इथं पसरलेल्या एचएमपी विषाणूच्या प्रसारावर केंद्र सरकारच्या सर्व माध्यमांद्वारे बारकाईने लक्ष ठेवण्यात येत आहे. केंद्र सरकारने गेल्या काही आठवड्यांपासून चीनमध्ये वाढणाऱ्या श्वसनाच्या आजाराबद्दल वेळेवर माहिती देण्याची विनंती, जागतिक आरोग्य संघटनेला केली आहे. एचएमपी हा विषाणू भारतासह जगभरात पसरत आहे, असं आरोग्य आणि कुटुंब कल्याण मंत्रालयाच्या संयुक्त देखरेख गटाला आढळून आलं असून, ICMR आणि IDSP च्या सहाय्यानं इन्फ्लूएंझा सारख्या आजारासाठी आणि तीव्र श्वसनाच्या आजारासाठी भारतात आधीच मजबूत पाळत ठेवणारी यंत्रणा आहे, असं याबाबतच्या वृत्तात म्हटलं आहे.

भाजप हा जगातील सर्वात मोठा पक्ष आहे. राज्यात मागील तीन विधानसभा निवडणुकांमध्ये १०० पेक्षा अधिक जागा जिंकणारा पक्ष हा भाजपच आहे. त्यामुळं राज्यात दीड कोटी सदस्य नोंदणी करण्याचे उद्दीष्ठ ठरवलं आहे. ते पूर्ण करण्यासाठी लोकप्रतिनीधींसह पदाधिकाऱ्यांना मेहनत घ्यावी लागेल, असं प्रतिपादन भाजप नेते आणि मुख्यमंत्री देवेंद्र फडणवीस यांनी केलं आहे. ते नागपूर इंथ भाजपच्या राज्यातील सदस्य नोंदणी उद्घाटन समारंभात बोलत होते.

बीड जिल्ह्यातील मस्साजोग गावचे सरपंच संतोष देशमुख यांची हत्या आणि परभणीतल्या सोमनाथ सूर्यवंशी यांच्या मृत्यृ प्रकरणी पुण्यात सर्वपक्षीय जनआक्रोश मोर्चा काढण्यात आला आहे. या मोर्चात सर्वपक्षीय लोकप्रतिनिधी, मराठा आरक्षण आंदोलनाचे नेते मनोज जरांगे पाटील यांच्यासह इतर नागरिक सहभागी झाले आहेत.

परभणी इथंल्या सोमनाथ सूर्यवंशी यांच्या मृत्यू प्रकरणाचा रिपब्लिकन पार्टी ऑफ इंडिया निषेध करते, तसच या प्रकरणाची चौकशी विशेष पोलीस अधिकाऱ्यांमार्फत करण्यात यावी अशी, मागणी केंद्रीय सामाजिक न्याय राज्यमंत्री रामदास आठवले यांनी केली आहे. ते आज नागपूर इथं पत्रकार परिषदेत बोलत होते. येऊ घातलेल्या स्थानिक स्वराज्य संस्थेच्या निवडणुकांमधे जर महायुतीनं योग्य स्थान दिलं नाही तर स्वबळावर लढू, असं देखील आठवले यांनी स्पष्ट केलं.

नांदेड जिल्ह्यातल्या माळेगाव यात्रेनिमित्त कचरामुक्त यात्रा ही मोहीम राबवण्यात येत असून, यात्रेतील स्वच्छता आणि कचरामुक्तीच्या उद्देशानं ग्रामपंचायतीनं पुढाकार घेऊन विशेष मोहीम हाती घेतली आहे. दररोज सकाळी ५ वाजता आणि रात्री ११ वाजेदरम्यान यात्रेतील गर्दी कमी झाल्यानंतर स्वच्छता कर्मचारी प्लास्टिकसह इतर कचरा उचलत आहेत. दरम्यान, यंदाही यात्रेकरुंना फिरत्‍या शौचालयाची सुविधा उप‍लब्‍ध करुन देण्‍यात आली आहे.

मराठवाडा साहित्य परिषद आर्थात मसापच्यावतीनं मराठी साहित्यातील ज्येष्ठ समीक्षक डॉ. सुधीर रसाळ यांचा आज सायंकाळी पाच वाजता छत्रपती संभाजीनगरातील ना.गो. नांदापूरकर सभागृहात मसापचे अध्यक्ष कौतिकराव ठाले पाटील यांच्या हस्ते सन्मान केला जाणार आहे. डॉ. रसाळ यांच्या 'विंदांचे गद्यरूप' या समीक्षाग्रंथास नुकताच साहित्य अकादमी पुरस्कार जाहीर झाला. या निमित्तानं हा सन्मान केला जाणार आहे. यावेळी ज्येष्ठ साहित्यीक डॉ. चंद्रकांत पाटील हे डॉ. रसाळ यांच्या साहित्यिक कारकिर्दीवर भाष्य करणार आहेत.

दक्षिण मध्य रेल्वेच्या नांदेड विभागानं संक्रांतीच्या सणानिमित्त प्रवाशांची होणारी गर्दी लक्षात घेता काही विशेष गाड्या सोडण्याचा निर्णय घेतला आहे.

गोंदिया जिल्ह्याच्या सालेकसा तालुक्यात भजेपार इथं आज राज्यमंत्री आशिष जयस्वाल यांच्या हस्ते 'भजेपार कबड्डी चषक २०२५' चा उद्घाटन सोहळा पार पडला. या तीन दिवसीय कबड्डी स्पर्धेमध्ये महाराष्ट्रसह मध्यप्रदेश, छत्तीसगड राज्यातील अनेक खेळाडू सहभागी होणार आहेत.

[darshanpolicetime1]

उजनी धरणातून जिल्ह्याला संपूर्ण उन्हाळ्यात पाणी मिळण्याचे नियोजन करणार -जलसंपदा मंत्री राधाकृष्ण विखे पाटील - महासंवाद

सोलापूर, दिनांक ३ (जिमाका):-उजनी धरणात उपयुक्त पाणीसाठा ९६.९२ टक्के इतका उपलब्ध आहे. मागील वर्षी ६६ टक्के पाणी उपलब्ध होते. त्यामुळे सोलापूर जिल्ह्यातील शेतकऱ्यांना सिंचनासाठी व नागरिकांना पिण्यासाठी संपूर्ण उन्हाळा पाणी उपलब्ध राहील यासाठी सूक्ष्म नियोजन करावे. धरणात पाणी उपलब्ध आहे म्हणून पाण्याची उधळपट्टी अजिबात करू नये. तसेच सोडलेल्या अवर्तनातून पाण्याची बचत करावी, असे आवाहन जलसंपदा मंत्री…

[nagarchaufer]

‘ त्या ‘ आरोपींचा एन्काऊंटर करणाऱ्याला 51 लाख आणि पाच एकर जमीन , शेतकऱ्याने केली घोषणा

‘ त्या ‘ आरोपींचा एन्काऊंटर करणाऱ्याला 51 लाख आणि पाच एकर जमीन , शेतकऱ्याने केली घोषणा

बीड जिल्ह्याच्या केज तालुक्यातील मस्साजोग गावचे सरपंच संतोष देशमुख यांची निर्घृणपणे हत्या करण्यात आल्याने मागील काही दिवसांपासून बीड जिल्ह्यातील वातावरण या घटनेने ढवळून निघाले आहे. सरपंच संतोष देशमुख यांच्या हत्या प्रकरणात पोलिसांनी आतापर्यंत चार आरोपींना अटक केली आहे तर काही आरोपी आहेत.  विरोधकांकडून सरकारवर टिकेची झोड उठवली जात असताना आता ‘या प्रकरणातील आरोपींचा करा एन्काउंटर, अन घ्या 5 एकरासह…

[ashokjagharkar]

ll वानप्रस्थ ll : ३७

" केदार, गेले ४ दिवस तुझी आई तुमच्या स्टाॅलवर येऊं लागल्याचा मोठा बदल तर आम्ही बघत आहोंतच" गरम चहाचा घोट घेत अनंतने विषयाला हात घातला,"पण त्यामुळे कांही फरक पडल्याचं तुला वा एकनाथला जाणवतंय कां?" "आईवर सध्यां फक्त काऊंटरपाशी बसून येणारं गिऱ्हाईक जी काय ऑर्डर देईल ती आम्हांला आंतमधे मोठ्याने सांगायचं काम सोंपवलेलं आहे!" विचार करीत केदार सांगू लागला, "त्यामुळे प्रथमदर्शनी आईला काऊंटरवर बघून येणारं गिऱ्हाईक कांहीसं चपापतंच. हातांत कांही विडी-सिगारेट असेल तर लांब ठेवून आक्का, मामी वा मावशी म्हणत जरा अदबीनं बोलूं लागतं!" "नाहींतर आम्ही असूं काउंटरवर, तेव्हां चक्क आमच्या तोंडावर मजेनं धूर सोडत गिर्‍हाईक ऑर्डर द्यायचं" एकनाथ म्हणाला. समाधानाने हंसत सबनीसांना उद्देशून अनंत म्हणाला, "दिनकरराव, मी तुम्हांला म्हटलं होतं ना, की आपल्या समाजांत कुठल्याही स्तरावर असो, पण आजही वडीलधा-या बाया-बापड्यांचा आब राखण्याची पद्धत आहे!" "माझी आई तशी अबोल आहे. पुरुष मंडळींमधे पटकन बोलण्याची तिला सवय नाहीं. पण आईच्या नजरेनं ती गिऱ्हाईकाच्या चेहर्‍यावरील भूक ओळखते आणि मग कांहीतरी खायला घेण्याचा आग्रह करते!" केदार कौतुकानं सांगू लागला, "परवां तर तिने कामावर निघालेल्या दोघांकडे पैसे नसल्याचं अचूक ताडलं आणि "आतां आधी खाऊन घ्या, पैसे मागाहून द्या" असं म्हणत त्यांना २ प्लेट कांदेपोहे खायला घातले!" "आम्ही आजवर कुणाला उधारी दिली नव्हती, पण मावशीने त्या दिवशी आपणहू�� दिली!" एकनाथ म्हणाला,"गंमत म्हणजे दुसऱ्या दिवशी सकाळीं त्या दोघांनी उधारीचे पैसे तर आणून दिलेच, पण पोह्यांची वाखाणणी करीत ४ प्लेट पोहे सोबत पार्सल म्हण���न नेले!" "पण त्यांनी उधारीची परतफेड केलीच नसती तर?" सबनीसांनी कुतूहलाने विचारलं. एवढा वेळ शांतपणे सगळं ऐकणारी केदारची आई म्हणाली, "काका, ते दोघे चेहर्‍यावरून लबाड वाटत नव्हते! तसंही रोज जिथं २५-३० प्लेटा खपतात, तिथं दोन प्लेटांचे पैसे नसते आले तरी काय फरक नसता पडला! माझ्या हातून दोन प्लेटा चुकून सांडल्या आणि पोहे धरणीमातेला मिळाले असं धरून चालले असते मी!" त्यावर समाधानाने हंसत अनंत उद्गारला, "केदार आणि एकनाथ, ही आपुलकी आणि माया आईच्या मुखातूनच येते बाबांनो! मावशींच्या अशा लाघवी आपुलकीचा तुमच्या स्टाॅलवर येणाऱ्या गिऱ्हाईकांवर कळत-नकळत काय प्रभाव पडतो, ते तुम्हांला लौकरच समजेल!"

"त्याबद्दल आपण योग्य वेळीं बोलूंच;- पण तूर्तास 'केदारनाथ स्टाॅल'वर येणाऱ्या स्त्री ग्राहकांना विशेष सोयी काय उपलब्ध होतील हे मला अजून तरी समजलेलं नाहीं!" म्हणत सबनीस पुन: एकवार मुख्य विषयाकडे वळले. "काका, ते आतांच चव्हाट्यावर मांडलं तर रामनवमीला आमच्या काकु कशाचं उदघाटन करणार?" केदार कांहीसं चिडवीत म्हणाला, "आई, तूं जरा बाहेर येणाऱ्या गिऱ्हाईकांवर लक्ष ठेव! तोवर मी आणि एकनाथ काकांना आंतमधे नेऊन आमची योजना समजावतो!" अनंत आणि सबनीसांना घेऊन केदार आणि एकनाथ स्टाॅलच्या मागच्या बाजूला आले. त्या भागाची शक्य ती साफसफाई करुन आवश्यक तिथे रंगरंगोटीही केल्याचं जाणवत होतं! "सध्यां आहे त्या जागेत भागवावं लागणार आहे म्हणून इथे महिला ग्राहकांसाठी सुरवातीला २ राखीव खुर्च्या ठेवणार आहोत!" केदार सांगत असतांना एकनाथने झाकून ठेवलेल्या २ खुर्च्यांवरचं आवरण बाजूला केलं! खुर्च्या नवीन नसल्या तरी पाॅलिश केल्यामुळे तुकतुकीत दिसत होत्या! दोन्हींवर रेखीव अक्षरांत 'महिलांसाठी राखीव' असं लिहिलेलं नजरेत भरत होतं! "गर्दी वाढली तर इथेच आणखी २ खुर्च्या मांडण्यासाठी थोडी जागा द्यायचं शेजारच्या स्टाॅलवाल्याने कबूल केलं आहे! त्यासाठी त्याला रोज थोडी रोख रक्कम द्यायचं ठरलं आहे!" तेवढ्यांत अनंतची प्रश्नार्थक नजर स्टाॅलच्या मागील बाजूस एका कोपऱ्यात दाटीवाटीने उभ्या केलेल्या छोट्या वाॅश बेसिन आणि आरशाकडे वळलेली बघून एकनाथने घाईघाईने खुलासा केला, "काका, हे माझ्या बायकोने सुचवलं! ती म्हणाली आम्हां बायकांना कुठेही गेलं की आधी आपण नीट वा ठीकठाक आहोत ना ते बघण्याचा मोठा सोस असतो. त्यामुळे तुम्ही स्त्री-ग्राहकांची सोय कराल, तिथं छोटंसं वाॅश बेसिन आणि आरसा यांची सोय जरूर करा, म्हणजे बायकांना निदान आरशात डोकावून बघतां येईल, हवं तर चटकन् तोंडावर पाण्याचा हात फिरवतां येईल!" "बघ, तुझ्या बायकोचं डोकंही कसं तेज चालतंय स्त्री-ग्राहकांना नवीन सुखसोयी पुरवण्याबाबत!!" कौतुकाने तारीफ करीत अनंत म्हणाला. "काका, आपले चहा-काॅफीचे वा सगळ्या खाद्यपदार्थांचे दर वाजवी असल्याने त्यामधे स्त्री ग्राहकांना विशेष सूट देण्याचा सध्यां तरी विचार नाही! त्यामुळे बिलं करणंही सोपं आणि एकमार्गी होईल!" केदारने आणखी एक मुद्दा निकाली काढला, "त्यांतूनही मोठा ग्रुप आला वा पार्सलची मोठी ऑर्डर मिळाली तर बघूं!" "केदार, या सगळ्या गडबडीत काकांना स्टाॅलचा मुख्य बोर्ड दाखवायचा राहिलाच की!" म्हणत एकनाथने एका बाजूला उभा करून ठेवलेला बोर्ड पुढे आणून त्याच्यावरचं आवरण दूर केलं. नव्याने रंगवलेल्या प्रशस्त बोर्डावर 'केदारनाथ' या नांवाखाली ठळक अक्षरांत लिहिलं होतं: "महिलांसाठी स्वतंत्र राखीव व्यवस्था!"

४ मे २०२३

[marmikmaharashtra]

https://marmikmaharashtra.com/dimple-pagariya-won-the-post-of-maharashtra-womens-president/

[manoasha]

जबाबदारीत हरवलेलं बालपण ,  संघर्ष आणि उभारणी

Sibling bond of unconditional love. काउंसलरच्या दृष्टिकोनातून: जबाबदारीमुळे हरवलेलं बालपण – एक केस स्टडी मागील वर्षी मी एक महत्त्वपूर्ण केस ऑनलाइन काउंसलिंगद्वारे हाताळली, जी मला खूपच जवळची वाटते. आताच मला त्या केस संदर्भात feed back मिळाला, जो खूपच सकारात्मक आहे.ही केस मुंबईहून होती, जिथे एक 12 वर्षांची मुलगी, अनन्या (बदललेलं नाव), आपल्या लहान भावाच्या जबाबदारीखाली दबलेली होती. हे प्रकरण फक्त…

[6nikhilum6]

Chinchwad : जाती धर्माच्या पलीकडे जाऊन मुलाणी यांच्या घरी मागील दहा वर्षापासून विराजमान होतात बाप्पा 

Chinchwad : जाती धर्माच्या पलीकडे जाऊन मुलाणी यांच्या घरी मागील दहा वर्षापासून विराजमान होतात बाप्पा  – MPC…

[mhlivenews]

Ganeshotsav 2024: फेटा, पगडी वाढविणार बाप्पाचा थाट; पैठणी फेट्यासह दागिन्यांनी मढलेल्या पुणेरी पगडीलाही पसंती

Ganeshotsav 2024: गणेशोत्सवाला शनिवारपासून सुरुवात होणार आहे. या पार्श्वभूमीवर गेल्या आठवडाभरापासून बाजारपेठेत चैतन्य अवतरले आहे. मागील तीन-चार दिवसांपासून बाजारपेठेत ग्राहकांची प्रचंड गर्दी होऊ लागली आहे महाराष्ट्र टाइम्सfeta ganesh murti म. टा. प्रतिनिधी, नाशिक : बाजारपेठेत गणोशोत्सवाची जोरदार खरेदी सुरू आहे. गणेशमूर्तींच्या बुकिंगसह सजावट साहित्य, आसन आणि पूजासाहित्याच्या खरेदीसह बाप्पाचा थाट…

[sultansawansagar]

https://youtube.com/playlist?list=PL1C0jk9lbJO265dhLnF_5E8yNquaiAfHo&si=w1OuqpsuvFyDS0eX

जय विज्ञान च्या संपूर्ण कविता पाहण्यासाठी वरील लिंक👆 वर क्लिक करा👍

नमस्कार मंडळी🙏🏻

*जय विज्ञान!*🔥🚀💥

हा विज्ञान कवितांचा सचित्र, ज्ञानरंजक, अभिनव असा संग्रह मी शालेय जीवनात असतांना व विषेश म्हणजे विद्यार्थ्यांसाठी लिहीलेला आहे...यांतील जवळपास सर्वच कविता महाराष्ट्रातील नामवंत वर्तमान पत्रे, मुलांचे मासिके तसेच दिवाळी‌ अंकातून‌ पूर्व प्रकाशित झालेल्या आहेत...हा संग्रह मी *भारतरत्न डॉ ए पी जे अब्दुल कलाम* साहेब यांना ही (२००५) मधे ज्या काळी ते राष्ट्रपति होते व त्यांच्या वाढदिवसा निमित्त लिहीलेली कविता जी दै लोकमत च्या संपादकीय पानावर प्रकाशित झाली होती ते काव्य फ्रेम करुन व जय विज्ञान हा संग्रह मी त्यांना संसद भवन येथे सप्रेम भेट म्हणून पाठवीला होता...तब्बल दोन दशके लोटली आहेत...झपाटल्याप्रमाणे मी लिखाण करायचो व‌ तड़क औरंगाबाद मधल्या तमाम वर्तमान पत्रांच्या कार्यालयांत धडकायचो... मुलांसाठी मी त्याकाळीच भरमसाठ लिखाण करुन ठेवले आहे...माझे दोन‌ कथासंग्रह *कथासागर* व *कथासंस्कार* तसेच तीन कादंबर्या *मनातिल भूते*, *भित्यापाठी ब्रम्हराक्षस*, *उडत्या तबकड्या व मंगळावरील मित्र* त्याचप्रमाणे दोन‌कविता संग्रह *च्युईंगम*, व *जय विज्ञान* असे एकुण सात पुस्तके प्रकाशित आहेत हे सर्व साहित्य मी सरस्वती भुवन महाविद्यालय बारावित होतो त्यापूर्वीचे आहे, आता लिखाण करण्यासाठी तसा वेळ मिळत नाही सदरील पुस्तके सध्या गुगल प्ले स्टोअर व‌ अमॅझान किंडलवर हि वाचण्यासाठी उपलब्ध आहेत. दोन पुस्तकांना महाराष्ट्र शासनाचे अनुदान मिळालेले आहे.

आजकाल मुले पुस्तकां��ासून दूरावत चालली आहेत किंवा कळत नकळत आपण त्यांना करत आहोत, आपणही मुलांच्या हातात छान छान संस्कारक्षम पुस्तके देण्याऐवजी त्यांच्या हाती फोन देऊन मोकळे होतो, असो.

मित्रांनो, म्हणून बर्याच वर्षापासून मुलांसाठी जय विज्ञान मधील कविता मोबाइल वरच व्हिडिओ स्वरूपात आणावे असे सल्ले माझ्या अनेक मित्रांनी मला दिले...व शेवटि मी हि ते मनावर घेतले आणी मागील दोन‌ महिन्यांपासून जय विज्ञान मधील विज्ञान कवितांची मालिका मी माझ्या यु ट्यूब चॅनलवर पब्लिश करत आहे... माझ्यापुढे सर्वात मोठा यक्ष प्रश्न होता व्हिडिओ एडिटिंग चा ! परंतु कुठलाही कोर्स न करता मला जसं जमेल तसं मुलांना समजेल अशा साध्या सोप्या भाषेत लिहिलेल्या या कविता मी एडिटिंग करुन अपलोड़ करत आहे...यांत जवळपास दीडशे कविता आहेत व जवळपास अर्ध्या कविता सध्या अपलोड झालेल्या आहेत... मित्रांनो, कसलाहि कोर्स न करता मोबाइल वरच माहिती घेउन व्हिडिओ एडिटिंग, एनीमेशन करणे काही कविता मुलांना आवडतील अशा कार्टून स्वरूपात डिजाइन करणे खुपच किचकट आहे व यांत तास न तास द्यावे लागतात...आपण दोन पाच मिनिटांची व्हिडिओ बघतो परंतु त्यासाठी किती मेहनत घ्यावि लागते व‌ वेळ द्यावा लागतो हे मला आता कळत आहे, असो...तर‌ अशाच प्रकारे आपले प्रेम व सहकार्य मिळत राहिले तर...नक्कीच पुढील काही महिन्यात जय विज्ञान पूर्ण पणे अपलोड होईल... त्याचप्रमाणे आजचे ॲडव्हान्स विज्ञान ही म्हणजे जय विज्ञान भाग दोन व विद्यार्थ्यांसाठी कथा गोष्टीही व्हिडिओ स्वरूपात आणण्याचे विचार आहे त्यासाठी नक्कीच मला उर्जा मिळेल...सोबत चॅनलवरील *जय विज्ञान* ची संपूर्ण प्लेलिस्ट लिंक पाठवत आहे ती आपल्या संपर्कातील तमाम छोट्या सवंगड्यांना, विद्यार्थ्यांना आवर्जून पाठवा, आपला दोन शब्दात अभिप्राय हि नक्कीच नमूद करा आपल्या प्रतिक्रिया, सुचनांचे स्वागतच आहे त्या मला मार्गदर्शक व प्रेरकच ठरतील, धन्यवाद मंडळी जय हिंद! जय विज्ञान!!

- आपलाच

*-मास्टर सुल्तान‌ उर्फ कवी : सावनसागर*

औरंगाबाद, महाराष्ट्र 📲9326007786, 9545007786

e mail : kavisawansagar@gmail.com

[airnews-arngbad]

Regional Marathi Text Bulletin, Chhatrapati Sambhajinagar

Date – 19 December 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – १९ डिसेंबर २०२४ सायंकाळी ६.१०

****

राज्यसभेचे सभापती जगदीप धनखड यांच्या विरोधातला अविश्वास प्रस्ताव उपसभापतींनी फेटाळला

मुख्यमंत्री लाडकी बहीण योजनेत डिसेंबरचा हप्ता हिवाळी अधिवेशन संपताच, बहिणींच्या खात्यात जमा केला जाईल-मुख्यमंत्र्यांची ग्वाही

कांदा निर्यातीवर लावलेले २० टक्के शुल्क तातडीनं रद्द करावं-उपमुख्यमंत्री अजित पवार यांची केंद्राकडे मागणी

आणि

चॅम्पियन्स ट्रॉफीचे सामने पाकिस्तान आणि तटस्थ ठिकाणी होणार असल्याचं आयसीसीकडून स्पष्ट

****

उपराष्ट्रपती तथा राज्यसभेचे सभापती जगदीप धनखड यांच्या विरोधातला अविश्वास प्रस्ताव उपसभापती हरिवंश यां��ी फेटाळून लावला आहे. सभापतींची प्रतिष्ठा डागाळण्यासाठी अत्यंत घाईगडबडीत आणलेल्या या प्रस्तावात त्रुटी असल्याचं उपसभापतींनी सांगितलं. घटनात्मक संस्थांवर चिखलफेक करणं, हाच या प्रस्तावाचा उद्देश असल्याचं निरीक्षण उपसभापतींनी नोंदवलं आहे.

****

दरम्यान, केंद्रीय गृहमंत्री अमित शहा यांच्या बाबासाहेब आंबेडकर यांच्याबद्दलच्या वक्तव्यावरुन विरोधकांनी केलेल्या गदारोळामुळे संसदेच्या कामकाजात आजही व्यत्यय आला. लोकसभेचं कामकाज प्रथम दुपारी दोन वाजेपर्यंत आणि नंतर दिवसभरासाठी स्थगित झालं.

राज्यसभेतही कामकाज सुरु झाल्यावर विरोधकांनी या मुद्यावर दिलेला स्थगन प्रस्ताव सभापती जगदीप धनखड यांनी फेटाळला. त्यामुळे विरोधकांनी केलेल्या गदारोळामुळे सभागृहाचं कामकाज दोन वाजेपर्यंत तहकूब झालं. त्यानंतर कामकाज सुरू झाल्यावर सत्ताधारी पक्षाच्या फागनोक कोन्याक यांनी खासदार राहुल गांधी यांच्या सदनाबाहेरच्या आक्षेपार्ह वर्तनाबाबत सभापतींकडे तक्रार केली. संसदीय कामकाज मंत्री किरेन रिजीजू यांनीही राहुल गांधी यांच्या वर्तनामुळे दोन खासदार पडून जखमी झाल्याचं सांगत, गांधी यांनी माफी मागावी, असं म्हटलं आहे.

****

दरम्यान, संसद भवन परिसरात सत्ताधारी आणि विरोधकांच्या वतीनं आज आंदोलन करण्यात आलं. डॉ. बाबासाहेब आंबडेकर यांचा काँग्रेसकडून होत असलेल्या अपमानाविरोधात भाजपाच्या खासदारांनी आंदोलन केलं, तर बाबासाहेबांबद्दल केंद्रीय गृहमंत्री अमित शहा यांनी केलेल्या वक्तव्याच्या निषेधार्थ इंडिया आघाडीच्या वतीनं मोर्चा काढण्यात आला.

****

मागच्या सरकारनं सुरू केलेल्या सर्व योजना आपलं सरकार सुरू ठेवणार असून, मुख्यमंत्री लाडकी बहीण योजनेत डिसेंबरचा हप्ता हिवाळी अधिवेशन संपताच, बहिणींच्या खात्यात जमा केला जाईल, असं मुख्यमंत्री देवेंद्र फडणवीस यांनी सांगितलं आहे. गेल्या अधिवेशनात राज्यपालांच्या अभिभाषणाच्या धन्यवाद प्रस्तावावरच्या चर्चेला मुख्यमंत्र्यांनी आज विधानसभेत उत्तर दिलं, त्यावेळी ते म्हणाले –

आज यानिमित्त या सभागृहाला आश्वस्त करू इच्छितो की, कोणतीही शंका मनात ठेवू नका. ही जी आश्वासनं आम्ही दिलेली आहेत, ज्या ज्या योजना आम्ही सुरू केलेल्या आहेत, एकही योजना आम्ही बंद होऊ देणार नाही. ज्या लाडक्या बहिणींनी महायुतीवर प्रेम दाखवलं, हे अधिवेशन संपल्याबरोबर डिसेंबर महिन्याचा हप्ता त्यांच्या खात्यामध्ये आम्ही टाकतो आहोत.

इलेक्ट्रॉनिक मतदान यंत्राबाबत विरोधकांचे सर्व आरोप खोडून काढतांना, सध्या ईव्हीएमसोबत कार्यरत असलेली व्हीव्हीपॅट यंत्रणा म्हणजे मतपत्र��केवर मतदान घेतल्यासारखंच असल्याचं फडणवीस यांनी नमूद केलं. विविध पक्षांच्या नेत्यांनी मतदानाच्या टक्क्याबाबत, टपाली मतदानाबाबत, तसंच इतरही अनेक मुद्यांवर घेतलेल्या आक्षेपांचं मुख्यमंत्र्यांनी सविस्तर उदाहरणं देत निरसन केलं. जनतेनं दिलेला कौल विरोधकांनी स्वीकारावा, असं आवाहनही त्यांनी केलं

हे जे मॅनडेट जनतेने आम्हाला दिलेलं आहे, कृपया मॅनडेट स्वीकारा. जेव्हा तुम्ही मॅनडेट नाकारता, आमचा अपमान नाहीये. आम्हाला तर भारताच्या संविधानाने इथं बसवलंय. पण त्याचे संविधानाने ज्या लोकांना मतदान करण्याचा अधिकार दिलाय, त्याचा अपमान याठिकाणी करू नका ही माझी तुम्हाला विनंती आहे.

विधान परिषदेत उपमुख्यमंत्री एकनाथ शिंदे यांनी या चर्चेला उत्तर दिलं. महाराष्ट्राला सर्व आघाड्यांवर पहिल्या क्रमांकाचे राज्य करतानाच, विकसित भारताला विकसित महाराष्ट्राची भक्कम जोड द्यायची आहे. मागील अडीच वर्षात महाराष्ट्राच्या कायापालटाला सुरूवात झाली असून आता समृध्द महाराष्ट्र हे आमचं एकत्रित मिशन असल्याचं शिंदे म्हणाले. आम्ही तिप्पट वेगाने महाराष्ट्राला विकासमार्गावर नेऊ, अशी ग्वाही देतानांच, जनतेच्या विश्वासामुळे आमची जबाबदारी वाढली आहे. आता अधिक गतिमान आणि लोकाभिमुख कारभाराचं वचन देत असल्याचं, शिंदे यांनी नमूद केलं.

****

परभणी आणि बीड जिल्ह्यात झालेल्या घटना ह्या पुरोगामी महाराष्ट्राला तसंच संताच्या भूमीला कलंक लावणाऱ्या आहेत अशी टीका महाराष्ट्र प्रदेश काँग्रेस कमिटीचे अध्यक्ष नाना पटोले यांनी केली आहे. ते आज परभणी आणि बीड जिल्ह्यातील घटनेबाबत विधानसभेत बोलत होते. सोमनाथ सुर्यवंशी यांच्या मृत्यू प्रकरणी जबाबदार पोलिसांवर अद्याप कठोर कारवाई का केली नाही असा प्रश्न त्यांनी यावेळी विचारला.

****

विधान परिषदेचे सभापती म्हणून राम शिंदे यांची एकमताने निवड झाली. राम शिंदे यांची बिनविरोध निवड झाल्याचं उपसभापती नीलम गोऱ्हे यांनी जाहीर केलं. त्यानंतर मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार, विरोधी पक्षनेते अंबादास दानवे यांनी राम शिंदे यांचं स्वागत केल, तसंच त्यांना शुभेच्छा दिल्या.

****

विधानसभेत पुरवणी मागण्यांवर चर्चा झाली. फुलंब्रीच्या आमदार अनुराधा चव्हाण यांनी या चर्चेत सहभागी होत, आपल्या मतदार संघातल्या विविध रस्त्यांच्या कामाचे कार्यारंभ आदेश निघून पाच महिने उलटून गेल्या��रही कामाला प्रत्यक्ष सुरुवात झाली नसल्याकडे लक्ष वेधलं. विहित मुदतीत काम सुरू न करणाऱ्या कंत्राट��ाराचं कंत्राट रद्द करण्याची मागणी त्यांनी केली.

****

धाराशिवच्या तुळजापूर तालुक्यातील नळदुर्ग परिसरातील कुरनूर मध्यम प्रकल्पातील ५५ वर्ष जुन्या पाणी वितरण व्यवस्थेच्या दुरुस्तीसाठी चालु हिवाळी अधिवेशनात १३ कोटी ९७ लाख रुपयांचा निधी उपलब्ध झाला आहे. ही दुरुस्ती झाल्यास, १० गावांतील तीन हजार ६४३ हेक्टर क्षेत्राला त्याचा लाभ होणार असल्याची माहिती तुळजापूरचे आमदार राणाजगजितसिंह पाटील यांनी दिली.

****

केंद्र सरकारनं कांदा निर्यातीवर लावलेले २० टक्के शुल्क तातडीनं रद्द करण्याची मागणी उपमुख्यमंत्री अजित पवार यांनी केली आहे. पवार यांनी केंद्रीय व्यापार आणि उद्योगमंत्री पियुष गोयल यांना पत्र लिहून ही मागणी केली. श्रीलंका सरकारनं कांद्यावरील आयातशुल्क २० टक्क्यांनी कमी करुन अधिकाधिक कांदा आयातीचे प्रयत्न सुरु केल्यानं नाशिकसह राज्यातील शेतकऱ्यांना त्यांचा लाल कांदा श्रीलंकेसह परदेशांत निर्यात करता यावा असं पवार यांनी आपल्या पत्रात म्हटलं आहे.

****

अल्पसंख्याक समाजानं आपल्या सर्वांगीण विकासासाठी केंद्र आणि राज्य शासनाच्या विविध योजनांचा लाभ घ्यावा, असं आवाहन छत्रपती संभाजीनगरच्या उपजिल्हाधिकारी संगिता राठोड यांनी केलं आहे. त्या काल जिल्हाधिकारी कार्यालयात अल्पसंख्याक अधिकार दिवस पार पडला त्यावेळी बोलत होत्या.

छत्रपती संभाजीनगर जिल्ह्यातील सर्व शासकीय कार्यालयात आज पासून ते येत्या मंगळवार पर्यंत सुशासन सप्ताह राबवण्यात येत आहे. या सुशासन सप्ताहात जनतेने सहभागी व्हावे असे आवाहन संगीता राठोड यांनी केलं आहे.

हा जो सप्ताह आहे तो केंद्र सरकारने साजरा करण्याच्या सूचना दिल्या आहेत या सप्ताह मध्ये ज्या काही सर्व सामान्य जनतेच्या -गोरगरिबांच्या ऑन लाईन आणि ऑफ लाईन दोन्ही प्रकारच्या तक्रारींचा निपटाला करायचा आहे मी आपल्या जिल्ह्यातील सर्व जनतेला आवाहन करते की आपण या सप्ताह मध्ये जास्तीत जास्त प्रमाणामध्ये आपल्या ज्या काही अडचणी असतील ज्या विभागाशी बंधित असतील त्या विभागाशी आपण संपर्क करावा.

****

हिंगोली जिल्ह्यात आजपासून २४ डिसेंबरदरम्यान सुशासन सप्ताह पाळला जात आहे. त्याअनुषंगाने जिल्हाधिकारी अभिनव गोयल यांनी नुकतेच जिल्ह्यातील सर्व विभागांना सुशासन सप्ताहा बाबत सूचना दिल्या आहेत. आज पहिल्याच दिवशी जिल्ह्यात विविध कार्यालयातर्फे नागरिकांची सनद वाचनाने या सप्ताहास प्रारंभ करण्यात आला. उद्या या अंतर्गत जिल्ह्यातील सर्व तहसील कार्यालयामार्फत सामाजिक सहाय्य योजनेचे प्रलंबित अर्ज निकाली काढण्यासाठी शिबिराचे आयोजन करण्यात येणार आहे.

****

क्रिकेट

आगामी ��ॅम्पियन्स ट्रॉफीचे सामने पाकिस्तान आणि तटस्थ ठिकाणी होणार असल्याचं आंतरराष्ट्रीय क्रिकेट परिषदेनं आज स्पष्ट केलं. फेब्रुवारी आणि मार्च महिन्यात होणाऱ्या चॅम्पियन्स ट्रॉफीत यजमान पाकिस्तानसह भारत, अफगाणिस्तान, ऑस्ट्रेलिया, बांग्लादेश, इंग्लंड, न्यूझीलंड आणि दक्षिण आफ्रिका क्रिकेट संघांचा समावेश आहे. स्पर्धेचं वेळापत्रक लवकरच जाहीर करण्यात येणार असल्याचं आयसीसीच्या प्रसिद्धीपत्रकात म्हटलं आहे. पाकिस्तान क्रिकेट संघानं २०१७ मध्ये चॅम्पियन्स ट्रॉफीचं विजेतेपद पटकावलं होतं.

****

छत्रपती संभाजीनगरच्या महावितरणने ऑनलाईन वीज बिल भरणाऱ्या ग्राहकांचा टक्का वाढवण्याच्या हेतूनं लकी डिजिटल ग्राहक योजना सुरू केली आहे. या योजनेसाठी ३१ मार्च २०२४ नंतर सलग तीन वेळा ऑनलाईन पद्धतीनं वीज बिल भरणा करणारे सर्व लघुदाब वीज ग्राहक पात्र ठरणार आहेत.

****

[darshanpolicetime1]

तिप्पट वेगाने महाराष्ट्राला विकासमार्गावर नेऊ – उपमुख्यमंत्री एकनाथ शिंदे 

विकसित भारताला महाराष्ट्राची भक्कम जोड एकत्रित मिशन समृध्द महाराष्ट्र नागपूर, दि. १९ : महाराष्ट्राला सर्व आघाड्यांवर पहिल्या क्रमांकाचे राज्य करतानाच  विकसित भारताला विकसित महाराष्ट्राची भक्कम जोड द्यायची आहे. मागील अडीच वर्षात महाराष्ट्राच्या कायापालटाला सुरूवात झाली असून आता आमचं एकत्रित मिशन आहे समृध्द महाराष्ट्राचं. आता आम्ही तिप्पट वेगाने महाराष्ट्राला विकासमार्गावर नेऊ. महाराष्ट्र आता…

[nagarchaufer]

घड्याळावर निवडणूक लढवून पराभूत झाल्यावर काँग्रेसवर खापर फोडलं , नगर जिल्ह्यातील उमेदवार म्हणतात की..

घड्याळावर निवडणूक लढवून पराभूत झाल्यावर काँग्रेसवर खापर फोडलं , नगर जिल्ह्यातील उमेदवार म्हणतात की..

काँग्रेसकडून उमेदवारी मिळाली नाही म्हणून राष्ट्रवादी काँग्रेसच्या अजित पवार गटात दाखल झालेले श्रीरामपूरचे माजी आमदार लहू कानडे यांनी ,’ मागील पाच वर्षात मतदार संघात भरीव विकास कामे केलेली आहे. वाटलं नव्हतं पण पराभव झाला मात्र आगामी काळात स्थानिक स्वराज्य संस्थांच्या निवडणुका मोठ्या ताकदीनिशी लढवणार असून प्रत्येक गावात आणि वार्डात राष्ट्रवादीची स्थापना करण्यात येणार आहे ,’  असे म्हटलेले…

[ashokjagharkar]

ll वानप्रस्थ ll : ३६

"आमच्या भल्याचा सदोदित विचार करून नेहमीच मोलाचा सल्ला देणाऱ्या या दोन्ही काकांना आम्ही कुटुंबातील वडीलधारेच मानतो!" केदार ठामपणे म्हणाला," त्या नात्याने तुम्ही दोन्ही काकुही आमच्या कुटुंबाचाच भाग आहांत की!" "ठीक आहे, तुमचा हिरमोड होऊं नये म्हणून आम्ही दोघी येऊं;-- पण एका अटीवर!" त्याचा बिनतोड युक्तिवाद ऐकल्यानंतर रजनी समंजसपणाने म्हणाली," पहिल्या दोन स्त्री ग्राहकांकडून बिलाचे पैसे तुम्ही घ्यायचे!" रजनीने सुचवलेला तोडगा पसंत पडून शुभदाही तिच्या मदतीला धांवली, "तुम्ही आम्हांला कुटुंबातील वडीलधा-या म्हणतां ना? मग आमच्या बिलाचे पैसे आशिर्वाद समजून घ्यायचे! केदार आणि एकनाथ, सचोटीने धंदा करतांना लक्षांत ठेवा की तुमच्याकडे आपणहून चालत येणाऱ्या लक्ष्मीला कधीही नाकारायचं नाहीं, तिचा योग्य तो मान राखायचा!" निरुपाय झाल्यासारखे दोघेही गप्प झाले तेव्हां त्यांची समजूत काढण्यासाठी अनंत म्हणाला, "तुमच्या दोन्ही काकु सुचवताहेत ते अगदी योग्य आहे! तुम्ही व्यवसाय आणि पर्यायाने होणारा नफा वाढावा म्हणून हा नवीन उपक्रम सुरूं करणार ना? मग अशा वेळी पहिल्या दोन ग्राहकांना फुकट खाऊ-पिऊं घालून कसं चालेल?" " हवं तर पहिल्या दोन सन्माननीय ग्राहकांना तुम्ही बिलामधे कांही खास सवलत द्या;- पण त्यांच्या शुभहस्ते पैशांचा ओघ सुरु होऊं द्या!" सबनीसांनी सुचना केली.

" ठीक आहे काका, तुमच्या सर्वांच्या सुचनांचा आम्ही नक्की मान राखूं!" केदार हात जोडून सस्मित म्हणाला, "पण तुम्ही दोघांनी येत्या गुरुवारपूर्वी, स्टाॅलवर एक चक्कर टाकून आम्ही आमच्या परीने केलेल्या तयारीमधे कांही कमीजास्त वाटलं तर ते सांगावं अशी आमची इच्छा आहे!" "तुमच्या कार्यक्षमतेवर माझा पूर्ण विश्वास असला तरी अवघ्या ८ / १० दिवसांत तडकाफडकी निर्णय घेऊन तो अंमलात आणण्याची काय-काय तयारी तुम्ही केली आहे ती बघण्याचं औत्सुक्य मलाही खुप आहे!" अनंतने सबनीसांकडे वळून विचारलं,"मग दिनकरराव, आपण केव्हां जायचं 'केदारनाथ' मोहिमेवर?" "मी आत्तांच चला म्हणालो असतो, पण आतां खुप ऊन झालंय ना!" अनंतच्या बोलण्याने हुरूप आलेला केदार कांहीसा हळहळत म्हणाला, "मग आज संध्याकाळी येणार कां?" "मला वाटतं, तुम्ही अजून एक दिवस घ्या आणि तुमच्या मनासारखी तैय्यारी पूर्ण करा!" सबनीस म्हणाले, "अनंतराव, म्हणजे आपल्याला मंगळवारी जातां येईल!" "चालेल;-आम्ही मंगळवारी वाट बघूं!" म्हणत केदार ऊठून ऊभा राहिला आणि एकनाथला खुण करीत म्हणाला, "आम्ही निघतो आतां! स्टाॅल एखाद्या मदतनीसावर अधिक वेळ सोपवणं बरोबर नाही!' केदार आणि एकनाथ गेल्यावर अनंत शुभदाला उद्देशून म्हणाला, " ऐकलास ना आमचा मंगळवारचा प्लॅन! मंगळवारी तुझ्यासाठीही नाश्ता मी 'केदारनाथ' मधूनच घेऊन येईन!" रजनीकडे मोर्चा वळवीत त्याने पुढे विचारलं, "आणि तुमचं काय वहिनी? तुम्हांलाही 'केदारनाथ' चालेल की स्वत: बनवून दिनकररावांना खाऊं घालण्याची तुमची हौस अजून फिटलेली नाही?" " कसली मेली हौस!" रजनी ठासून म्हणाली, "शुभदाला रोज तुम्ही नाश्ता आयता बनवून देतां किंवा मधेच चेंज म्हणून बाहेरून पार्सल आणतां, तेवढं कुठलं माझं भाग्य! आमच्याकडे म्हणजे 'शेळी जाते जिवानिशी, आणि खाणारा म्हणतो वातड!' अशी अवस्था! मंगळवारी तुम्ही माझ्यासाठी 'केदारनाथ' मधून नाश्ता आणलांत तर मीही बापडी एक दिवस थोडा आराम करीन!"

मंगळवारी सकाळी ९ च्या सुमारास अनंत आणि सबनीस 'केदारनाथ' स्टाॅलवर पोहोंचले तेव्हां गिऱ्हाईकांची सकाळची वर्दळ ओसरली होती! प्रथमदर्शनी 'केदारनाथ' स्टाॅलवर कुठलाही फेरबदल न जाणवल्याने दोघे जरा चक्रावलेच! तेवढ्यांत त्यांना बघून एक मध्यमवयीन स्त्री बाहेर आली आणि नमस्कार करीत म्हणाली, "केदार थोडं सामान आणायला बाहेर गेला आहे तो आतां येईलच" आणि मागील बाजूस वळून तिनं आवाज दिला, "एक्या, अरे तुझे काका���ोक आले आहेत. लौकर बाहेर ये" चेहरेपट्टीतील साम्यावरून कयास बांधीत अनंतने विचारलं, "तुम्ही केदारची आई ना? केव्हांपासून यायला लागला स्टाॅलवर?" "झाले चार दीस!मी तर कवाची म्हणत होते, पण पोरं मला येऊं देत नव्हती! मागल्या सप्ताहांत तुम्ही काय पट्टी पढवलीत राम जाणे, पण केदार आपणहून म्हणाला की तूं ये दुकानावर!" समाधानान�� हंसत केदारची आई म्हणाली, "मात्र पोरं मला कामाला हात लावूं देत नाहींत! नुसती बसून लक्ष ठेव म्हणत्यात! आतांसुधा मी रिकामी बसून आहे आणि आंत एक्या भांडी घासून धुतो आहे!" तेवढ्यांत टॉवेलला हात पुसत एकनाथ बाहेर आला.त्याच वेळी सामानाच्या पिशव्या लादलेली बाईक घेऊन केदार हजर झाला. "काका, तुम्ही तपासणी करण्यापूर्वी चहा घ्याल ना?" एकनाथने उत्साहानं विचारलं, "चहासोबत खायला काय देऊं?" "आता फक्त चहा! मग निवांतपणे बोलतांना काहीतरी खाऊं!" अनंतने खुलासा केला, "कांहीतरी म्हणजे, तुम्ही फर्माईश कराल ते!" "आणि हो,-- आम्ही इथे जे खाऊं तेच तुमच्या दोन्ही काकुंसाठी पार्सल म्हणून न्यायचं आहे!" सबनीसांनी पुस्ती जोडली.

१८ एप्रिल २०२३

[kvksagroli]

केंद्रीय कापूस संशोधन केंद्राच्या शास्त्रज्ञांची कृषी विज्ञान केंद्र सगरोळी येथे आढावा भेट संपन्न भारतीय कृषी अनुसंधान संस्था, नवी दिल्ली अंतर्गत केंद्रीय कापूस संशोधन संस्था, नागपूर येथील वरिष्ठ शास्त्रज्ञ डॉ. राहुल फुके यांनी 28 व 29 ऑगस्ट रोजी कृषी विज्ञान केंद्र सगरोळीला भेट दिली. या भेटीदरम्यान, डॉ. फुके यांनी कृषी विज्ञान केंद्राच्या विविध उपक्रमांची माहिती घेतली. कृषि विज्ञान केंद्राच्या माध्यमातून नांदेड जिल्ह्यातील आठ तालुक्यांमध्ये मागील बारा वर्षांपासून राबविण्यात येणाऱ्या विविध विस्तार कार्यक्रमांचा आढावा घेतला. केंद्रीय कृषिमंत्र्यांच्या आदेशानुसार, भारतातील सर्व कृषी विज्ञान केंद्रांचा आढावा घेण्याची सार्वत्रिक मोहीम सुरू आहे, त्याच अंतर्गत ही भेट झाली. डॉ. फुके यांनी कृषी विज्ञान केंद्राच्या विविध उपक्रमांना भेटी दिल्या, जसे की उद्यमीता लर्निंग सेंटर, उत्कर्ष, उद्यानविद्या रोपवाटिका, रेशीम उद्योग, सेंद्रिय भाजीपाला युनिट, बीज तंत्रज्ञान युनिट, कस्टम हायरिंग सेंटर, निंबोळी अर्क युनिट, पोल्ट्री युनिट, शेळी पालन युनिट, दुग्ध व्यवसाय युनिट, शेततळे, मत्स्य पालन इत्यादी. त्यांनी सर्व प्रक्षेत्रांची पाहणी करून शास्त्रज्ञांशी संवाद साधला. कृषी विज्ञान केंद्र सगरोळीच्या वरिष्ठ शास्त्रज्ञ व प्रमुख डॉ. माधुरी रेवनवार यांनी मागील तीन वर्षातील विविध विस्तार कार्यांचे सादरीकरण केले. दुसऱ्या दिवशी सकाळी शेतकऱ्यांच्या शेतावर जाऊन सघन कापूस लागवड व दादा लाड तंत्रज्ञान याबद्दल आयोजित कार्यशाळेत डॉ. फुके यांनी शेतकऱ्यांशी संवाद साधला आणि कापसाच्या उत्पादन वाढीसाठी आवश्यक तंत्रज्ञानाविषयी मार्गदर्शन केले. बेळकोणी येथील शेतकरी उत्पादक कंपनीद्वारे आयोजित कार्यक्रमासाठी कृषी विज्ञान केंद्राची टीम व डॉ. फुके उपस्थित होते.डॉ फुके यांनी शेतकरी उत्पादक कंपन्यांच्या विविध कार्यप्रणालींचा आढावा घेतला आणि त्यांना प्रोत्साहित केले. कार्यक्रमासाठी कृषी विभागाचे जिल्हा अधीक्षक कृषी अधिकारी व सर्व तालुका कृषी अधिकारी देखील उपस्थित होते. डॉ. फुके यांनी कृषी विज्ञान केंद्राच्या कार्यप्रणालीवर समाधान व्यक्त केले आणि शेतकऱ्यांच्या विकासासाठी सतत कार्यरत राहण्याची अपेक्षा व्यक्त केली. #केंद्रीयकापूससंशोधनसंस्था #कृषीविज्ञानकेंद्रसगरोळी #कापूससंशोधन #भारतीयकृषीअनुसंधानसंस्था #विस्तारकार्यक्रम #शेतकरीउत्पादककंपनी #CottonResearch #दादालाडतंत्रज्ञान #शेतकरी