Regional Marathi Text Bulletin, Chhatrapati Sambhajinagar
Date – 10 May 2024
Time 7.10 AM to 7.20 AM
Language Marathi
आकाशवाणी छत्रपती संभाजीनगर
प्रादेशिक बातम्या
दिनांक १० मे २०२४ सकाळी ७.१० मि.
****
लोकसभा निवडणुकीच्या चौथ्या टप्प्यात प्रचारासाठी अखेरचे दोन दिवस-जाहीर सभा आणि प्रचारफेऱ्यांना वेग
राष्ट्रपती द्रौपदी मुर्मू यांच्या हस्ते काल दुसऱ्या टप्प्यातले पद्म पुरस्कार प्रदान
महाराष्ट्र कृषी सेवा मुख्य परीक्षेत बुलडाण्याचे तुषार वाघ राज्यातून प्रथम
तुळजाभवानी दानपेटी घोटाळ्याप्रकरणी १६ दोषींवर गुन्हे नोंदवण्याचे उच्च न्यायालयाचे आदेश
आणि
बांग्लादेशाविरुद्धच्या ��ी-ट्वेंटी क्रिकेट मालिकेत भारतीय महिला संघाचा निर्भेळ विजय
****
लोकसभा निवडणुकीच्या चौथ्या टप्प्याचा प्रचार उद्या संपणार आहे. त्यामुळे सर्वच राजकीय पक्षांचा प्रचारानं जोर धरला आहे. या टप्प्यात राज्यातल्या औरंगाबाद, जालना, बीड, नंदुरबार, जळगाव, रावेर, मावळ, पुणे, शिरूर, अहमदनगर आणि शिर्डी या मतदारसंघांमध्ये, येत्या १३ मे रोजी मतदान होणार आहे.
भाजपचे ज्येष्ठ नेते पंतप्रधान नरेंद्र मोदी आज नंदुरबार इथं महायुतीच्या उमेदवार हिना गावित यांच्या प्राचारार्थ सभा घेणार आहेत. तर मुख्यमंत्री एकनाथ शिंदे आज छत्रपती संभाजीनगर इथं महायुतीच्या घटक पक्षाच्या मेळाव्याला उपस्थित राहणार आहेत.
****
काँग्रेस नेते पृथ्वीराज चव्हाण काल औरंगाबाद लोकसभा मतदारसंघाचे महाविकास आघाडीचे उमेदवार चंद्रकांत खैरे यांच्या प्राचारात सहभागी झाले होते. यावेळी वार्ताहरांशी बोलताना त्यांनी, यंदाच्या निवडणुकीत मताचं विभाजन होणार नाही, अस विश्वास व्यक्त केला.
****
शिवसेना उद्धव बाळासाहेब ठाकरे पक्षाचे अध्यक्ष उद्धव ठाकरे यांनी काल शिर्डी मतदार संघातले महाविकास आघाडीचे उमेदवार भाऊसाहेब वाकचौरे यांच्या प्रचारार्थ श्रीरामपूर इथं सभा घेतली.
दरम्यान, उद्धव ठाकरे यांच्या जालना तसंच औरंगाबाद लोकसभा मतदार संघात आज दोन सभा होणार आहेत. दुपारी जालना इथं महाविकास आघाडीचे उमेदवार डॉ. कल्याण काळे यांच्या प्रचारार्थ तर संध्याकाळी औरंगाबाद लोकसभा मतदार संघाचे इथं महाविकास आघाडीचे उमेदवार चंद्रकांत खैरे यांच्या प्रचारासाठी मराठवाडा सांस्कृतिक मंडळाच्या मैदानावर त्यांची सभा होईल.
****
उपमुख्यमंत्री देवेंद्र फडणवीस यांनी काल शिर्डी मतदारसंघात कोपरगाव इथं महायुतीचे उमेदवार सदाशिव लोखंडे यांच्या प्रचारार्थ आणि अहमदनगर मतदारसंघातले महायुतीचे उमेदवार सुजय विखे यांच्या प्रचारार्थ जामखेड इथं या सभा घेतल्या.
****
राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी काल बीड लोकसभा मतदार संघातले महाविकास आघाडीचे उमेदवार बजरंग सोनवणे यांच्या प्रचारार्थ सभा घेतली. दरम्यान, भविष्यात प्रादेशिक पक्षांनी काँग्रेस पक्षाच्या सोबत राहावं, असा माझा विचार होता, प्रादेशिक पक्षांचे काँग्रेस पक्षात विलणीकरण करावं असा विचार नाही, असा खुलासा पवार यांनी केला आहे. ते काल साताऱ्यात वार्ताहरांशी बोलत होते.
****
स्वा��िमानी शेतकरी संघटनेनं जालना लोकसभा मतदारसंघातले काँग्रेस पक्षाचे उमेदवार डॉक्टर कल्याण काळे यांना पाठिंबा जाहीर केला आहे. काल जालन्यात पत्रकार परिषद घेत स्वाभिमानी शेतकरी संघटनेनं ही घोषणा केली.
****
लोकसभा निवडणुकीच्या सहाव्या टप्प्यासाठी उमेदवारी अर्ज मागे घेण्याची मुदत काल संपली. या टप्प्यात सहा राज्यं आणि दोन केंद्रशासित प्रदेशमधल्या ५८ मतदारसंघात येत्या २५ मे रोजी मतदान होणार आहे.
****
‘लोकनिर्णय महाराष्ट्राचा’ या कार्यक्रमात आजच्या भागात आपण भिवंडी आणि कल्याण लोकसभा मतदार संघांचा आढावा घेणार आहोत. संध्याकाळी सव्वा सात ते साडे सात वाजेपर्यंत आकाशवाणी मुंबईच्या अस्मिता वाहिनीवर आणि समाज माध्यमांवर हा कार्यक्रम ऐकता येईल.
****
देशातली आघाडीची विमान वाहतुक कंपनी, एअर इंडियाने त्यांच्या २५ वरिष्ठ कर्मचाऱ्यांना बडतर्फ केलं आहे. कोणतीही पूर्वसूचना न देता हे कर्मचारी सामुहिक रजेवर गेल्यानं जवळपास १७० उड्डाणं रद्द करावी लागली होती. उड्डाण रद्द झाल्यामुळे संबंधित प्रवाशांना तिकीटाचा पूर्ण परतावा मिळू शकतो अथवा ते आगामी तारखेसाठी त्यांच्या प्रवासाचं पुन्हा नियोजन करू शकतात, असं एअर इंडिया एक्स्प्रेसच्या वतीनं सांगण्यात आलं आहे.
****
राष्ट्रपती द्रौपदी मुर्मू यांच्या हस्ते काल दुसऱ्या टप्प्यातले पद्म पुरस्कार प्रदान करण्यात आले. ज्येष्ठ अभिनेत्री वैजयंती माला, ज्येष्ठ अभिनेते चिरंजीवी यांना पद्मविभूषण पुरस्कारानं सन्मानित करण्यात आलं. दिवंगत न्यायमूर्ती फातिमा बीवी, मुंबई समाचार या वृत्तपत्राचे प्रकाशक होरमसजी कामा, ज्येष्ठ पत्रकार कुंदन व्यास, ज्येष्ठ हृदयरोग तज्ञ अश्विन मेहता, दिवंगत अभिनेते कॅप्टन विजयकांत यांच्यासह नऊ मान्यवरांना पद्मभूषण देऊन गौरवण्यात आलं. याशिवाय ५५ मान्यवरांचा पद्मश्री पुरस्कार प्रदान करण्यात आला. यामध्ये मल्लखांबाचे प्रशिक्षक उदय देशपांडे, सामाजिक कार्यकर्ते शंकरबाबा पापळकर यांचा समावेश आहे.
****
महाराष्ट्र लोकसेवा आयोगातर्फे घेण्यात आलेल्या महाराष्ट्र कृषी सेवा मुख्य परीक्षेचा अंतिम निकाल जाहीर करण्यात आला आहे. या परीक्षेमध्ये बुलडाणा जिल्ह्यातले तुषार वाघ हे खुल्या आणि मागासवर्गवारीत राज्यातून प्रथम आले आहेत. तसंच कोल्हापूर जिल्ह्यातल्या सायली फासके या महिला वर्गवारीतून राज्यात प्रथम आल्या आहेत.
****
तुळजापूरच्या श्री तुळजाभवानी मंदिर दानपेटी घोटाळ्याप्रकरणी १६ दोषींवर गुन्हे नोंदवून तपास करण्याचे आदेश मुंबई उच्च न्यायालयाच्या औरंगाबाद खंडपीठाने दिले आहेत. यासंदर्भात काल झालेल्या सुनावणीत न्यायालयानं, या घोटाळ्याचा तपास बंद करण्याचा शासनाचा निर्णय रद्दबातल ठरवला आहे. आठ कोटी ४५ लाख ९७ हजार रुपयांच्या या दानपेटी घोटाळा प्रकरणाचा तपास गुन्हे अन्वेषण विभागाच्या पोलीस अधीक्षक दर्जाच्या वरिष्ठ अधिकाऱ्यांच्या देखरेखीखाली चालू ठेवण्याचे आदेशही न्यायालयानं दिले आहेत.
****
नाशिक इथले शिवसेना उद्धव बाळासाहेब ठाकरे पक्षाचे जिल्हाप्रमुख सुधाकर बडगुजर यांना पोलीसांनी आगामी लोकसभा निवडणूकीच्या पार्श्वभूमीवर हद्दपारीची नोटीस बजावली आहे. २०१४ च्या लोकसभा निवडणूकीत मतदान केंद्र बळकावणं आणि सरकारी कामात अडथळे आणल्याचा त्यांच्यावर आरोप होता.
****
जालना शहरातल्या अंबड रोडवरील कांचननगर भागातल्या एका फोटो स्टुडिओ समोरील कचऱ्यात काल १७६ मतदार ओळखपत्र फेकल्याचं निदर्शनास आलं. जिल्हा निवडणूक विभागानं ही सर्व मतदार ओळखपत्रं ताब्यात घेऊन पंचनामा केला. या प्रकरणात अज्ञात व्यक्तीविरुद्ध गुन्हा दाखल करण्यात आला आहे.
****
औरंगाबाद लोकसभा मतदार संघात येत्या १३ तारखेला मतदान होणार आहे. या पार्श्वभूमीवर छत्रपती संभाजीनगरचे जिल्हाधिकारी तथा जिल्हा निवडणूक अधिकारी दिलीप स्वामी यांनी काल कायदा आणि सुव्यवस्थेच्या नियोजनाचा आढावा घेतला. दरम्यान, काल पोलिसांच्या सहा पथकांनी छत्रपती संभाजीनगरातून संचलन केलं.
****
बीडच्या जिल्हा निवडणूक अधिकारी त्या जिल्हाधिकारी दीपा मुधोळ मुंडे यांनी काल निवडणुकीसंदर्भात आढावा बैठक घेतली. या मतदारसंघातले उमेदवार करुणा मुंडे, महेंद्र ताटे आणि सलीम अल्लाबक्ष सय्यद या तिघांना निवडणूक खर्चाची नोंदवही तपासणीसाठी सादर करण्यात कसूर केल्याबद्दल जिल्हाधिकाऱ्यांनी नोटीस जारी केली आहे.
दरम्यान, या मतदारसंघात टपाली मतदानाद्वारे एक हजार १५२ नागरिकांनी मतदानाचा हक्क बजावला आहे.
****
जालना लोकसभा मतदारसंघात येत्या १३ मे रोजी मतदान होणार आहे. या दिवशी मतदारांना मतदानाचा हक्क बजावता यावा यासाठी जाफ्राबाद तालुक्यातल्या टेंभुर्णी, अंबड तालुक्यातल्या जामखेड, जालना तालुक्यातल्या रामनगर आणि गोलापांगरी इथले आठवडी बाजार बंद ठेवण्याचे आदेश जिल्हाधिकारी तथा जिल्हादंडाधिकारी डॉ. श्रीकृष्ण पांचाळ यांनी दिले आहेत.
****
महिला क्रिकेट मध्ये, बांग्लादेशाविरुद्धची टी- ट्वेंटी मालिका भारतानं पाच - शून्य अशी जिंकली आहे. काल बांग्लादेशात सिल्हट इथं झालेल्या पाचव्या सामन्यात भारतानं २१ धावांनी विजय मिळवला. प्रथम फलंदाजी करत भारतीय संघानं पाच बाद १५६ धावा केल्या. प्रत्यूत्तरादाखल बांग्लादेशचा संघ सहा बाद १३५ धावाच करु शकला.
****
वैशाख शुद्ध तृतीया अर्थात अक्षय्य तृतीयेचा सण आज साजरा होत आहे. साडे तीन मुहूर्तांपैकी एक असलेल्या या दिवशी सुरू केलेल्या कोणत्याही शुभकार्याचं फळ अक्षय्य अर्थात न संपणारं असतं, अशी मान्यता आहे. अक्षय्य तृतीयेला सोन्या-चांदीच्या खरेदीला महत्त्व आहे. याकरता ठिकठिकाणच्या सराफा बाजारपेठा सजल्या आहेत. भगवान परशूराम आणि महात्मा बसवेश्वर जयंतीही आज साजरी होत आहे. यानिमित्तानं शोभायात्रा, वाहनफेऱ्यांसह विविध कार्यक्रमांचं आयोजन करण्यात आलं आहे.
दरम्यान, अक्षय्य तृतीयेच्या मुहूर्तावर बालविवाह लावले जाण्याची दाट शक्यता लक्षात घेता सर्व यंत्रणांनी सतर्क राहण्याचे निर्देश नांदेडचे जिल्हाधिकारी अभिजीत राऊत यांनी दिले आहेत.
बालविवाह होत असलेल्या आढळून आल्यास चाईल्ड हेल्पलाईन १०९८ ला तातकाळ माहिती देण्याचा आव्हान त्यांनी केलं आहे.
धाराशिव तसंच बीड जिल्ह्यातही संभाव्य बालविवाहाच्या घटना रोखण्यासाठी पोलीस विभाग आणि प्रशासन दक्ष आहे
****
विदर्भासह मराठवाड्यात काही ठिकाणी काल अवकाळी पाऊस झाला. त्यामुळे तापमानात घट होऊन वातावरण थंड झाल्यानं नागरीकांना मोठा दिलासा मिळाला.
हिंगोली जिल्ह्यात अनेक भागात काल वादळी वाऱ्यासह अवकाळी पाऊस पडला. तर छत्रपती संभाजीनगर शहरात काल दुपारी पावसाच्या हलक्या सरी कोसळल्या.
नागपूर शहरातही काल मुसळधार पाऊस झाला. हवामान विभागाने नागपूर जिल्ह्यासाठी आज आणि उद्या यलो अलर्ट जारी केला आहे.
येत्या दोन दिवसांत मध्य महाराष्ट्र, मराठवाडा आणि विदर्भात तुरळक ठिकाणी मेघगर्जनेसह विजांचा कडकडाट, सोसाट्याचा वारा आणि गारा पडण्याची शक्यता हवामान विभागानं वर्तवली आहे.
****
नांदेड येथून सुटणारी सचखंड एक्स्प्रेस आज रद्द करण्यात आली आहे. अमृतसर इथून नांदेडकडे येणारी सचखंड एक्स्प्रेस जवळपास १३ तास उशिराने धावत असल्याची माहिती दक्षिण मध्य रेल्वेनं दिली आहे.
****
0 notes
Hardik Pandya likely to be team india next white-ball captain replacing Rohit Sharma, claimed Sources रोहित की कुर्सी खतरे में, हार्दिक को अगले साल मिल सकती है टी20 और वनडे की कप्तानी
Hardik Pandya likely to be team india next white-ball captain replacing Rohit Sharma, claimed Sources रोहित की कुर्सी खतरे में, हार्दिक को अगले साल मिल सकती है टी20 और वनडे की कप्तानी
Image Source : PTI
रोहित शर्मा और हार्दिक पांड्या
Team India Captaincy: भारतीय क्रिकेट टीम में अगले साल की शुरुआत में बड़े स्तर पर बदलाव देखने को मिल सकते हैं। नए साल में टीम इंडिया को नए चयनकर्ताओं के साथ-साथ विभिन्न फॉर्मेट के लिए दो कप्तान भी दिए जा सकते हैं। रिपोर्ट के मुताबिक भारतीय ऑलराउंडर हार्दिक पांड्या को नई चयन समिति बनने के बाद सीमित ओवरों की टीम का कप्तान बनाया जा सकता है।
समाचार…
View On WordPress
0 notes
आकाशवाणी औरंगाबाद
संक्षिप्त बातमीपत्र
२७ ऑक्टोबर २०२२ सकाळी ११.०० वाजता
****
आकाशवाणी औरंगाबाद
संक्षिप्त बातमीपत्र
२७ ऑक्टोबर २०२२ सकाळी ११.०० वाजता
****
नक्षलवादाचा बिमोड करण्यासाठी पोलीस दल सक्षम आहे असं मुख्यमंत्री एकनाथ शिंदे यांनी म्हटलं आहे. गडचिरोली जिल्ह्यात भामरागड तालुक्यातील धोडराज इथं पोलीस मदत केंद्राच्या प्रशासकीय इमारतीचं उद्घाटन केल्यानंतर काल ते बोलत होते. यावेळी मुख्यमंत्र्यांनी जनजागरण मेळाव्यास संबोधीत केलं तसंच आदिवासी बांधव आणि पोलीस जवानांसोबत दिवाळी साजरी केली.
नक्षलग्रस्त भागात जाऊन पोलिसांना प्रोत्साहन देण्याबरोबरच त्यांच्यासोबत दिवाळी साजरी करणं हा सर्वोच्च आनंदाचा क्षण आहे असं मुख्यमंत्री शिंदे यावेळी म्हणाले.
***
अमेरिकेच्या जगप्रसिद्ध फोर्ब्स मँगझिननं दखल घेतलेला, अनेक राष्टीय आणि आंतरराष्ट्रीय चित्रपट महोत्सवात पुरस्कार प्राप्त झालेल्या ''पल्याड'' या मराठी चित्रपटाची महाराष्ट्राच्या सांस्कृतिक मंत्रालयानं निवड केलेल्या पाच चित्रपटामध्ये निवड झाली आहे. गोव्यात होणाऱ्या ५३ व्या आंतरराष्ट्रीय चित्रपट महोत्सवात फिल्म बाजारमध्ये चित्रपटाची निवड करण्यात आली आहे अशी घोषणा सांस्कृतिक कार्यमंत्री सुधीर मुनगंटीवार यांनी केली आहे. तसंच स्पेनमध्ये कँलेला आंतरराष्ट्रीय चित्रपट महोत्सवात कमी बजेटमध्ये तयार केलेल्या चित्रपटासाठी दिग्दर्शक शैलेश भीमराव दुपारे यांना बेस्ट दिग्दर्शकच्या अवार्ड जाहीर झालेला आहे. या चित्रपटाचं संपूर्ण चित्रीकरण चंद्रपुर जिल्हयात झालेलं आहे .
***
अंगणवाडी सेविकांच्या मानधनात सुमारे दोन हजार रुपयांची वाढ प्रस्तावित आहे. अंगणवाडी सेविकांना दिवाळीत भाऊबीज म्हणून प्रत्येकी दोन हजार रुपये दिले जातात. त्यांचं मानधन वाढवून कायमचा दिलासा देण्यासाठी महिला आणि बालकल्याण विभागाकडून प्रस्ताव तयार करण्यात आला आहे. काही दिवसांत त्यावर अंतिम निर्णय होण्याची शक्यता असल्याचं, याबाबतच्या वृत्तात म्हटलं आहे.
***
महाराष्ट्र लोकसेवा आयोगामार्फत २०२३ या वर्षांत घेण्यात येणाऱ्या विविध स्पर्धा परीक्षांचं संभाव्य वेळापत्रक जाहीर करण्यात आलं आहे. हे वेळापत्रक आयोगाच्या संकेतस्थळावर उपलब्ध असल्याची माहिती आयोगाचे सहसचिव सुनिल अवताडे यांनी दिली आहे.
***
ऑस्ट्रेलियात सुरु असलेल्या टी टि्वेंटी क्रिकेट विश्वचषक स्पर्धेत आज भारत आणि नेदरलंड संघात सामना होणार आहे. भारतीय प्रमाणवेळेनुसार दुपारी साडेबारा वाजता सामना होईल. दुपारी १२ वाजेपासून या सामन्याचं धावतं समालोचन आकाशवाणीवरुन ऐकता येणार आहे.
***
संक्षिप्त बातमीपत्र संपलं, आपण आमचं हे बातमीपत्र आकाशवाणी समाचार औरंगाबाद AURANGABAD AIR NEWS या यू- ट्यूब चॅनेलवर पुन्हा कधीही ऐकू शकता
0 notes