#ढकम

[nepal123]

पाथीभरा मन्दिरबाट दुई लाख २१ हजार चोरी, भित्री ढाेकामा पसेर लकर फाेडियाे ताप्लेजुङ, १२ पुस– तीर्थस्थल पाथीभरा मन्दिर परिसरबाट रु दुई लाख २१ हजारभन्दा बढी चोरी भएको छ । तीर्थालुले चढाएको भेटी र पाथीभरा देवी मन्दिर क्षेत्र संरक्षण तथा संवद्र्धन समितिका आजीवन र विशिष्ट सदस्यले गरेको सहयोगबाट प्राप्त रु दुई लाख २१ हजार चोरी भएको समितिका सहसचिव लक्ष्मीप्रसाद काफ्लेले जानकारी दिनुभयो । मन्दिर परिसरमा पुजारीका लागि बनाइएको पुरानो भवनको भित्री भागको कोठामा प्रवेश गरी लकर फोरेर उक्त रकम चोरी भएको बताइएको छ । काफ्लेका अनुसार सदरमुकाममा रहेको संस्थाको खातामा रकम जम्मा गर्न तयारीस्वरुप गनेर राखिएको रकम चोरी भएको हो । प्रजिअ नरबहादुर खड्काले सोे घटनाका बारेमा पाथीभराको विकासमा क्रियाशील पाथीभरा देवी मन्दिर क्षेत्र संरक्षण तथा संवद्र्धन समिति र पाथीभरा क्षेत्र विकास समितिसँग छलफल गरिने प्रतिक्रिया दिनुभयो । यसैबीच प्रहरीले नेपाली र भारतीय गरी रु एक लाख ३१ हजार तीन सय ५५ र एक सय अमेरिकी डलरसहित लिङ्��िम गाविस घर भएका ११ वर्षीय सागर लिम्बुूलाई पक्राउ गरेको छ । ताप्लेजुङका प्रहरी प्रमुख रामबहादुर केसीका अनुसार बोरामा हालेर खाल्डो खनी गाड्दै गरेको अवस्थामा लिम्बूलाई पैसासहित नियन्त्रणमा लिइएको हो । पक्राउ परेका लिम्बूको बयानका आधारमा सो घटनामा नाल्वो घर भई लिङ्खिमस्थित मामाघरमा बस्दै आएका १४ वर्षीय रमेश नाल्वो र लिङ्खिम नै घर भएका अन्दाजी १४ वर्षीय मोहन लिम्बूको समेत संलग्नता देखिएकाले उनीहरुको खोजी जारी रहेको केसीले बताउनुभयो ।

[nepal123]

अन्तर्राष्ट्रिय युवा सम्मेलन ढाकामा सम्पन्न, अर्काे वर्ष नेपालमा हुने पोखरा, ५ मंसिर- ‘दिगो युवा विकासका लागि दक्ष युवाशक्ति’ भन्ने नाराका साथ बंगलादेशको राजधानी ढाकामा अन्तर्राष्ट्रिय युवा सम्मेलन सम्पन्न भएको छ । बिहिबार देखि शुरु भएको सम्मेलन अर्काे वर्ष नेपालले आयोजना गर्ने गरी शनिबार राति अबेर सकिएको छ । श्रीलंकाले शनिबार अबेर आफ्नो दावेदारी फिर्ता लिए पछि नेपालले यो अवसर प्राप्त गरेको हो । सम्मेलनको समापन समारोहमा बोल्दै प्रमुख अतिथि सुचना प्रविधि मन्त्रालयका सचिव श्याम सुन्दर सिक्दरले बंगलादेशजस्ता देशहरुले ठूला विकास परियोजनामा जोड दिई देशको विकास तथा युवा रोजगारीको सिर्जना गर्नुपर्ने बताए । उनले यही लक्ष्यका साथ बंगलादेशका विभिन्न विकास परियोजनाहरुमा आगामी वर्षसम्ममा दुई लाख नयाँ रोजगारी सिर्जना गरिने बताए । सम्मेलनमा बोल्दै नेपाली टोलीका प्रमुख सुवास मल्लले विकासशिल देशहरुमा रहेको युवा जनशक्ति प्रचुरताको अवस्थाबाट ति देशहरुले लाभ लिन स्पष्ट नीतिको खाँचो रहेको बताए । समारोहमा नेपाललगायत बंगलादेश, श्रीलंका, भारत, ब्राजिल, प्यालेष्टाइन, अफगानिस्तान, न्युजिल्याण्ड, अमेरिकाजस्ता १४ देशका ३०० युवा प्रतिनिधिहरुले भाग लिएका थिए । सुजन पौडेल, भानु पौडेल, रमेश सिंह, दीपक तिवारी, धर्मदत्त पौडेल र पोमलाल गिरीले पनि सहभागीता जनाएका थिए । सम्मेलनका विभिन्न सत्रहरुमा नेपाली टोलीको तर्फबाट गोविन्द गिरी, विश्वदर्शन पराजुली, अमृत सुवेदी, रविन्��्रराज पौडेल, प्रभा भुजेल, सुजन पौडेल, भानु पौडेल, दीपक तिवारीलगायतले आफ्ना भनाईहरु राखेका थिए । त्यसै गरी शकुन्तला शर्मा, विश्वदर्शन पराजुली, दुर्गाराज पाण्डे, रमेश सिंह, धर्मदत्त पौडेल, पोमलाल गिरी लगायतले साँस्कृतिक प्रस्तुत समेत राखेका थिए । उक्त अवसरमा नेपालजस्ता अल्पविकशित तथा विकाशशिल देशहरुमा व्याप्त युवा रोजगारी���ो समस्या, समाधान तथा विदेश पलायनका विविध आयामहरुको बारेमा छलफल ��एको थियो । कार्यक्रमका विभिन्न सत्रहरुमा बेरोजगारी, युवा नेतृत्व विकास, युवा सशक्तिकरण, स्वयंसेवा तथा दक्ष रोजगारी लगायतका विषयहरुमा छलफल गरिएको थियो । बंगलादेशका विभिन्न संस्थाहरु स्टेप अप फाउण्डेसन, लाइफ एण्ड स्किल डेभलोप्मेण्ट क्लब, होप’८७ तथा न्युजिल्याण्डका संस्थाहरु बाज्डा र लाइफ स्किल कोचिङ्गको संयुक्त आयोजनामा हुन लागेको उक्त कार्यक्रममा नेपाली टोलीको व्यवस्थापन पोखराको गुरुचेला एजुकेशनले गरेको हो ।

[nepal123]

दुई विद्यालयका ढोकामा सिलिन्डर बम विस्फोट महानगरीय प्रहरी परिसर काठमाडौँका प्रवक्ता प्रहरी उपरीक्षक प्रद्युम्न कार्कीका अनुसार बौद्धमा रहेका आकाशद्वीप बोर्डिङ स्कुल र मनकामना उमाविमा सिलिन्डर बम विस्फोट भएको हो । सानो आकारको सिलिन्डरलाई बमका रुपमा प्रयोग गरिएको र विस्फोटका कारण कुनै मानवीय क्षति नभएको उहाँले जानकारी दिनुभयो । यसैगरी बौद्ध क्षेत्रमै रहेको इस्टपोल एकेडेमी, एम्बेस्ड एकेडेमी, राई स्कुल र बालसंसार स्कुलमा शङ्कास्पद वस्तु भेटिएको थियो । ती वस्तु बम नभएको पुष्टि भएको छ । बम र शङ्कास्पद वस्तु राखिएका स्थानमा योंग कम्युनिस्ट फोर्स र अखिल नेपाल राष्ट्रिय स्वतन्त्र विद्यार्थी केन्द्र लेखिएको पर्चा भेटिएका छन् । The post दुई विद्यालयका ढोकामा सिलिन्डर बम विस्फोट appeared first on Diyo post.

[nepal123]

दुई विद्यालयका ढोकामा बम विस्फोट काठमाडौँ, ४ असोज । राजधानीको बौद्ध क्षेत्रमा रहेका दुई विद्यालयको ढोकामा आज बिहान बम विस्फोट भएको छ । महानगरीय प्रहरी परिसर काठमाडौँका प्रवक्ता प्रहरी उपरीक्षक प्रद्युम्न कार्कीका अनुसार बौद्धमा रहेका आकाशद्वीप बोर्डिङ स्कुल र मनकामना उमाविमा सिलिन्डर बम विस्फोट भएको हो । सानो आक���रको सिलिन्डरलाई बमका रुपमा प्रयोग गरिएको र विस्फोटका कारण कुनै मानवीय क्षति नभएको उहाँले जानकारी दिनुभयो । यसैगरी बौद्ध क्षेत्रमै रहेको इस्टपोल एकेडेमी, एम्बेस्ड एकेडेमी, राई स्कुल र बालसंसार स्कुलमा शङ्कास्पद वस्तु भेटिएको थियो । ती वस्तु बम नभएको पुष्टि भएको छ । बम र शङ्कास्पद वस्तु राखिएका स्थानमा योंग कम्युनिस्ट फोर्स र अखिल नेपाल राष्ट्रिय स्वतन्त्र विद्यार्थी केन्द्र लेखिएको पर्चा भेटिएका छन् ।