#گاڑیوں

[topurdunews]

گاڑیوں بنانے والی معروف کمپنی کا پاکستان میں پلانٹ بند کرنے کا اعلان

(ایازرانا )معروف کمپنی انڈس موٹر نے پاکستان میں 16 سے 31 دسمبر  تک  پلانٹ بند کرنے کا اعلان کردیا۔ انڈس موٹر نے پاکستان ایکسچینج کو خط میں کہا ہے کہ تکنیکی سامان کی کمی کےسبب پلانٹ نہیں چلایا جا سکتا۔ انڈس موٹرز کمپنی نےکارسازی کا پلانٹ 16 روز کیلئے بند کرنے کا فیصلہ کرلیا۔کمپنی کی جانب سے اعلامیے میں کہا گیا ہے کہ ٹویوٹا گاڑیاں بنانے والی انڈس موٹر کا پلانٹ 16سے 31 دسمبر تک بند رہے گا یہ بھی…

[googlynewstv]

گاڑیوں کے ٹوکن ٹیکس میں اضافہ کل سے لاگو ہوگا

پنجاب میں گاڑیوں کے سالانہ ٹوکن ٹیکس میں اضافہ کل سے لاگو ہوگا۔ تفصیلات کے مطابق پنجاب میں گاڑیوں کے 2 فیصد سالانہ ٹوکن ٹیکس میں اضافہ کیا گیا ہے جو سے لاگو ہوگا۔سالانہ ٹوکن ٹیکس میں اضافہ پنجاب حکومت کے حالیہ بجٹ کے فنانس بل میں منظور کیا گیا۔فنانس بل دستاویز کے مطابق گاڑیوں کا سالانہ ٹوکن ٹیکس اب گاڑی کی انوائس ویلیو پر لاگو ہوگا۔ دستاویز کے مطابق ایک سے 2 ہزار سی سی تک گاڑیوں کی انوائس ویلیو…

[urdu-poetry-lover]

کلام خود سے سر رہگزار کرتا پھرے

اب اور کتنا کوئی انتظار کرتا پھرے

تلاش کرتا پھرے ان کروڑوں چہروں میں

اور ایک چہرہ اسے بے قرار کرتا پھرے

کسی کو ڈھونڈتا ہو آتی جاتی گاڑیوں میں

اور ان کی گرد میں خود کو غبار کرتا پھرے

جب ان سے ملنا پڑے جن سے ملنا تھا ہی نہیں

کہاں تلک کوئی سینہ فگار کرتا پھرے

سعود عثمانی

[fatimawrites]

روشنی کا دھوکہ یا سائنسی حقیقت؟ آسمان سے ستاروں کی گمشدگی کا راز

اگر آپ نے کبھی رات کے آسمان کی طرف دیکھا ہو، تو شاید آپ کو یہ احساس ہوا ہو کہ ستارے کم ہوتے جا رہے ہیں۔ وہی آسمان جو کبھی ان گنت چمکتے ستاروں سے بھرا ہوتا تھا، آج مدھم اور خالی سا محسوس ہوتا ہے۔ لیکن کیا واقعی آسمان سے ستارے غائب ہو رہے ہیں یا یہ ہماری نظروں کا دھوکہ ہے؟ آئیے اس معمے کو سائنسی بنیادوں پر سمجھنے کی کوشش کرتے ہیں۔

آسمان میں ستارے کم کیوں نظر آتے ہیں؟

1. روشنی کی آلودگی (Light Pollution)

بڑھتی ہوئی شہری ترقی کے ساتھ، مصنوعی روشنی کی مقدار میں بے پناہ اضافہ ہو چکا ہے۔ سڑکوں، عمارتوں، اشتہاری بورڈز اور گھروں سے نکلنے والی روشنی آسمان کو اتنا روشن کر دیتی ہے کہ کم روشنی والے ستارے ہماری آنکھوں سے اوجھل ہو جاتے ہیں۔ یہی وجہ ہے کہ دیہی علاقوں یا پہاڑی مقامات پر ستارے زیادہ واضح نظر آتے ہیں۔

2. فضائی آلودگی (Air Pollution)

ہوا میں موجود گرد، دھول، دھواں اور دیگر آلودگی آسمان کو دھندلا کر دیتی ہے، جس کی وجہ سے کم روشنی والے ستارے مدھم یا مکمل طور پر غائب محسوس ہوتے ہیں۔ صنعتی ترقی اور گاڑیوں کے دھوئیں نے اس مسئلے کو مزید پیچیدہ بنا دیا ہے۔

3. کہکشاؤں کا زمین سے دور ہونا

کائنات مسلسل پھیل رہی ہے، جس کا مطلب یہ ہے کہ کہکشائیں وقت کے ساتھ ہم سے دور ہوتی جا رہی ہیں۔ جب کہکشائیں ہم سے بہت زیادہ فاصلے پر چلی جاتی ہیں، تو ان کی روشنی کمزور ہو جاتی ہے اور ہمیں وہ نظر نہیں آتیں۔

کیا ستارے واقعی ختم ہو رہے ہیں؟

1. ستاروں کی زندگی کا اختتام

ہر ستارہ ایک مخصوص مدت تک روشن رہتا ہے، پھر یا تو وہ سپرنووا دھماکے میں ختم ہو جاتا ہے یا نیوٹران ستارہ یا بلیک ہول میں تبدیل ہو جاتا ہے۔ بہت سے ستارے جو لاکھوں سال پہلے روشن تھے، آج یا تو ختم ہو چکے ہیں یا مدھم ہو چکے ہیں۔

2. نئے ستاروں کی ��یدائش کی رفتار میں کمی

پرانے ستارے ختم ہو رہے ہیں، لیکن نئے ستاروں کی پیدائش کی شرح ماضی کے مقابلے میں کم ہو رہی ہے۔ ہائیڈروجن گیس، جو ستارے بنانے کا بنیادی عنصر ہے، آہستہ آہستہ کم ہو رہی ہے۔

3. بلیک ہولز اور ڈارک میٹر کا کردار

کچھ سائنسدانوں کے مطابق، کہکشاؤں کے درمیان بلیک ہولز اور ڈارک میٹر کا اثر بھی ستاروں کی گمشدگی کی ایک وجہ ہو سکتا ہے۔ بعض ستارے بلیک ہولز کی کشش میں آ کر ان میں جذب ہو جاتے ہیں اور نظر نہیں آتے۔

کیا ایک دن آسمان واقعی تاریک ہو جائے گا؟

سائنسدانوں کا کہنا ہے کہ کائنات ایک "ہیٹ ڈیتھ" (Heat Death) یا "بگ فریز" (Big Freeze) کی طرف بڑھ رہی ہے۔ اربوں سال بعد جب تمام ستارے اپنی توانائی ختم کر دیں گے اور نئے ستارے بننے کا عمل رک جائے گا، تو کائنات مکمل طور پر تاریکی میں ڈوب جائے گی۔ تاہم، یہ سب کچھ اتنی دور مستقبل میں ہوگا کہ موجودہ نسلیں اس کا مشاہدہ نہیں کر سکیں گی۔

نتیجہ

ستارے ختم نہیں ہو رہے بلکہ ہماری نظروں سے اوجھل ہو رہے ہیں۔ روشنی کی آلودگی، فضائی آلودگی، اور کہکشاؤں کا دور ہونا وہ وجوہات ہیں جن کی وجہ سے ہمیں آسمان خالی سا محسوس ہوتا ہے۔ سائنسی طور پر ستارے اور کہکشائیں اب بھی موجود ہیں، لیکن ہم انہیں پہلے کی طرح نہیں دیکھ پاتے۔ اگر ہم واقعی چمکتا ہوا آسمان دیکھنا چاہتے ہیں، تو ہمیں روشنی اور ماحولیاتی آلودگی کے مسائل پر قابو پانے کے لیے اقدامات کرنے ہوں گے۔

تو کیا آپ نے کبھی دیہی علاقوں یا کسی دور دراز مقام پر جا کر آسمان کا نظارہ کیا ہے؟ کیا واقعی وہاں زیادہ ستارے نظر آتے ہیں؟ اپنی رائے کا اظہار ضرور کریں!

✍🏻 تحریر : فاطمہ رائیٹس

📆 تاریخ : 19 فروری 2025

© 2025 فاطمہ رائیٹس. تمام حقوق محفوظ ہیں۔

[dr-jan-baloch]

خاران: گرلز شاپنگ بازار سے لوس راسکو کا ریائشی نوجوان دکاندار خفیہ اداروں کے ہاتھوں لاپتہ

پھلین خاران نیوز

اطلاعات کے مطابق خاران گرلز شاپنگ بازار سے پاکستانی خفیہ اداروں نے ایک نوجوان کو جبراً حراست میں لیکر لاپتہ کردیا ہے۔

لاپتہ ہونے والے نوجوان کی شناخت مبارک سیاپاد جو کے راسکو لوس کے رہائشی ہے کہ نام سے ہوئی ہے جو ایک درزی کا دکان چلاتا ہے۔

ذرائع نے تفصیلات سے آگاہ کرتے ہوئے بتایا کہ خفیہ اداروں نے خاران گرلز بازار میں آکر مبارک سیاپاد کو اس وقت اغواء کیا جب وہ اپنے دکان میں بیٹھا تھا، خفیہ اداروں کے اہلکار تین گاڑیوں میں آئے جوکہ سول ڈریس میں تھے۔

لاپتہ نوجوان کا تاحال کوئی اتہ پتہ نہیں ہے۔

[parachinar-a-pakistani-gaza]

ڈان اخبار اداریہ : ’کرم کے حالات پر قابو نہ پایا گیا تو فرقہ وارانہ تنازعات ملحقہ اضلاع میں پھیل سکتے ہیں‘

خیبرپختونخوا کے قبائلی ضلع کرم میں گزشتہ چند ماہ سے صورت حال عدم استحکام کا شکار ہے، ایسے میں جمعرات کو پیش آنے والا ہولناک واقعہ حیران کُن نہیں تھا۔ لوئر کرم میں گاڑیوں کے قافلے پر کیے جانے والے دہشتگردانہ حملے میں کم از کم 38 افراد جاں بحق ہوئے جوکہ رواں سال پیش آنے والے کسی انفرادی حملے میں ہونے والی ہلاکتوں کی سب سے بڑی تعداد ہے۔ اس قافلے میں زیادہ تر شیعہ کمیونٹی کے افراد سوار تھے۔…

[risingpakistan]

اسموگ۔ موسمیاتی مسئلہ یا انتظامی نا اہلی؟

اہل پاکستان کیلئے موسم کی تبدیلی، ’’موسمیاتی تبدیلی‘‘ کی طرح ایک ڈراؤنا خواب بن چکی ہے۔ ماضی قریب میں درختوں کے پتے گرنے سے موسم کی تبدیلی کا اشارہ ملتا تھا، پرندوں کی ہجرت موسم کے بدلنے کا پتہ دیتی تھی، ہوائیں اچانک سرد ہو جاتی تھی، شام کے سائے لمبے ہو جاتے تھے لیکن اب موسم سرما کی آمد سے قبل فضا خشک ہو جاتی ہے، اسموگ ڈیرے ڈال دیتی ہے، صبح اور شام کے اوقات میں یہ صورتحال مزید تکلیف دہ ہو جاتی ہے۔ آسمان دھند کی چادر تان لیتا ہے اسکی وجہ سے حد نگاہ متاثر ہوتی ہے اور ساتھ ہی صحت پر بھی منفی اثرات مرتب ہوتے ہیں۔ تشویشناک بات یہ ہے کہ اگر اسموگ برقرار رہے تو مختلف امراض کے بڑھنے کا خدشہ ہوتا ہے۔ جن لوگوں میں قوت مدافعت کم ہوتی ہے وہ ہر قسم کی بیماریوں کا جلد شکار ہونے لگتے ہیں۔ موسمیاتی ماہرین کہتے ہیں کہ جب ہوائیں نہیں چلتیں اور درجہ حرارت میں کمی یا کوئی موسمی تبدیلی واقع ہوتی ہے تو ماحول میں موجود آلودگی فضا میں جانے کے بجائے زمین کے قریب رہ کر ایک تہہ بنا دیتی ہے جسکی وجہ سے غیر معمولی آلودگی کی صورتحال پیدا ہو جاتی ہے۔ صفائی کے ناقص انتظامات، کچرے کے ڈھیر کو آگ لگانا، دیہی علاقوں میں اینٹیں بنانے والے بھٹے، صنعتی علاقوں میں فیکٹریاں اور ملوں کی چمنیاں ماحول کو آلودہ اور خطرناک بناتی ہیں۔ 

پاکستان اور بھارت دونوں کے کسانوں کے معاملات یکساں ہیں بھارتی کسانوں کی طرح پاکستانی کسان بھی مڈھی کو آگ لگاتے ہیں، یوں دہلی اور لاہور آلودگی میں ایک دوسرے کا مقابلہ کرتے ہوئے دکھائی دیتے ہیں۔ سوال یہ پیدا ہوتا ہے کہ کیا یہ اسموگ نامی بیماری صرف برصغیر کا ہی مقدر ہے یا دنیا اس سے پہلے اس مسئلے سے نپٹ چکی ہے۔ تاریخی ریکارڈ کے مطابق 26 جولائی 1943ء کو امریکی شہر لاس اینجلس میں اپنے وقت کی سب سے بڑی اسموگ پیدا ہوئی۔ دوسری جنگ عظیم کے دوران شدید اسموگ کی وجہ سے لاس اینجلس کے شہریوں کو وہم ہوا کہ جاپان نے کیمیا��ی حملہ کر دیا ہے۔ امریکی انتظامیہ نے جنگ کے باوجود اپنے شہریوں کو اسموگ سے بچانے کیلئے موثر اقدامات کیے۔ دسمبر 1952 ء میں لندن میں فضائی آلودگی کی لہر نے حملہ کیا لندن میں آلودہ دھند کی وجہ سے 12 ہزار افراد موت کے گھاٹ اتر گئے۔ 1980ء کی دہائی میں چین میں کوئلے سے چلنے والے گاڑیوں کی خریداری میں اضافہ ہوا تو وہاں بھی اسموگ اور فضائی آلودگی کا مسئلہ پیدا ہوا۔ 2014ء میں بیجنگ کو انسانوں کے رہنے کیلئے ناقابل قبول شہر قرار دیا گیا لیکن چین نے اس مسئلے کو ختم کرنے کیلئے جدید ایئر کوالٹی مانیٹرنگ سسٹم قائم کیا۔

پبلک ٹرانسپورٹ انفراسٹرکچر تبدیل کیا اور گاڑیوں میں ایندھن کے معیار میں بھی بہتری لائی گئی۔ برطانیہ امریکہ اور چین نے کوئلے سے چلنے والے نئے منصوبوں پر پابندی لگائی، رہائشی عمارتوں میں کوئلے سے چلنے والے ہیٹنگ سسٹم کو بتدریج بند کیا، بڑی گاڑیوں اور ٹرکوں کے انجن میں ایندھن کے معیار کو بہتر کیا، آلودگی پھیلانے والی پرانی کاروں کے استعمال پر پابندی عائد کی۔ جس سے مثبت نتائج برآمد ہوئے۔ بیجنگ کا فضائی آلودگی سے لڑنے کیلئے مقرر کردہ بجٹ 2013 ء میں 430 ملین ڈالر تھا جو 2017ء میں 2.6 ارب ڈالر کر دیا گیا۔ جہاں تک پاکستان میں اسموگ پیدا کرنیوالے اسباب کا تعلق ہے تو ایک رپورٹ کے مطابق پاکستان خصوصا لاہور میں 83.15 فیصد آلودگی ٹرانسپورٹ سے، 9.7 فیصد ناقص صنعتوں سے، 3.6 فیصد کوڑا جلانے سے پیدا ہوتی ہے۔ ملک کے بیشتر حصوں خصوصاً لاہور کراچی ملتان فیصل آباد اور یہاں تک اسلام آباد میں بھی فضائی آلودگی کے باعث آنکھوں میں جلن، سانس لینے میں دشواری، کھانسی، ناک کان گلا اور پھر پھیپھڑوں کی بیماریاں عام ہو رہی ہیں۔ 

الرجی کے مریضوں میں مسلسل اضافہ ہو رہا ہے۔ بدقسمتی سے اس مسئلے سے نپٹنے کیلئے سائنسی بنیادوں پر کام نہیں ہو رہا اور نہ ہی ترقی یافتہ ممالک کے تجربات سے فائدہ اٹھایا جا رہا ہے۔ حکومت کا سارا زور اسکول بند کرنے اور لاک ڈاؤن لگانے پر ہے۔ دوسرا حملہ دکانداروں اور معیشت پر کیا جاتا ہے جبکہ تیسری بڑی وجہ کسانوں کو قرار دیا جاتا ہے جبکہ اعداد و شمار سے ظاہر ہے کہ آلودگی میں سب سے زیادہ حصہ ناقص ٹرانسپورٹ کا ہے شاید ٹرانسپورٹ مافیا اتنا طاقتور ہے کہ حکومت اسکے سامنے بے بس ہے۔ چاہئے تو یہ تھا کہ اسموگ کا موسم آنے سے پہلے ہی مناسب حفاظتی انتظامات کر لئے جاتے، دھواں چھوڑنے والی گاڑیاں سڑک پر نہ آتیں، بھارتی حکومت سے بات کی جاتی اپنے عوام میں شعور پیدا کیا جاتا اور قانون اور ضابطے کے مطابق ہر قسم کی کارروائی عمل میں لائی جاتی۔ حکومتی غفلت اور عوام میں شعور کی عدم آگاہی کے باعث ہمارے شہر اب رہنے کے قابل نہیں رہے، وہاں رہنے والے مختلف بیماریوں کا شکار ہو کر وقت سے پہلے ہی موت کی گھاٹی میں اتر رہے ہیں۔ جس طرح امن و امان، صحت، تعلیم جیسی دیگر سہولیات کیلئے عوام خود ہی اپنے طور پر انتظامات کر رہے ہیں اسی طرح اسموگ سے نپٹنے کیلئے بھی عوام کو خود احتیاطی تدابیر اختیار کرنا ہو گی۔

اسموگ سے بچاؤ کیلئے ماسک اور چشمے کا استعمال کریں۔ تمباکو نوشی کم کر دیں، گھروں کی کھڑکیاں اور دروازے بند رکھیں، بازاروں گلیوں اور سڑکوں میں کچرا پھینکنے اور اسے آگ لگانے سے اجتناب کریں، جنریٹر اور زیادہ دھواں خارج کرنیوالی گاڑیاں درست کروائیں۔ حکومت کو چاہئے کہ آلودگی سے مقابلہ کرنے کیلئے عالمی معیار کے مطابق انتظامات کرے۔ ایندھن کا معیار بہتر کرے۔ گاڑیوں کے فٹنس سرٹیفکیٹ کیلئے حقیقی چیکنگ کی جائے تاکہ ہمارے شہر رہنے کے قابل بن سکیں۔

پیر فاروق بہاو الحق شاہ

بشکریہ روزنامہ جنگ

[emergingpakistan]

اہم ٹیکس اصلاحات

فیڈرل بورڈ آف ریونیو (ایف بی آر) نے ٹیکس قوانین سے نان فائلرز کی کیٹگری ختم کرنے اور ٹیکس نہ دینے والوں پر 15 پابندیاں لگانے کا جو فیصلہ کیا وہ معاشی چیلنجوں کا سامنا کرنے والے وطن عزیز کیلئے نہ صرف وقت کی ضرورت ہیں بلکہ امور مملکت چلانے کے تقاضوں کا لازمی جزو بھی۔ ریاست ایک ماں کی طرح اپنے بچوں کیلئے اپنے وسائل وقف کرتی اور بنیادی حقوق اور سلامتی سمیت تمام امور کی نگہبانی کرتی ہے تو ان سے ان کی آمدنی اور حیثیت کے مطابق ملکی معاملات چلانے کے لئے ٹیکس کی طلب گار بھی ہوتی ہے جس سے انکار یا ہیر پھیر کا طرز عمل دنیا کے کسی ملک میں برداشت نہیں کیا جاتا۔ کئی ممالک میں تو ٹیکس گریزی یا آمدنی و وسائل کے بارے میں غلط معلومات فراہم کرنے والوں کو سنگین جرم کا مرتکب قرار دیا جاتا ہے۔ جو ممالک آج ترقی یافتہ کہلاتے ہیں، ان کی ترقی و خوشحالی کا ایک اہم عنصر وہاں ٹیکس کی ادائیگی کا کلچر ہے۔ وطن عزیز میں محصولات میں اضافے کی راہ میں حائل رکاوٹوں کے حوالے سے اشرافیہ کے طرز عمل، سرکاری اداروں میں رشوت ستانی، مختلف النوع ٹیکس استثنا اور ایسے عوامل شامل ہیں جن کی آڑ میں ٹیکس گریزی کے عادی عناصر پناہ لیتے رہے ہیں۔

 پچھلے برسوں کے دوران معیشت کو دستاویزی بنانے کے لئے جو ترغیبات دی گئیں ان میں فائلرز کے لئے بعض رعایتیں اور نان فائلرز کے لئے کچھ رکاوٹیں شامل تھیں جن کے نتائج توقعات کے مطابق نہیں رہے۔ اب حکومت نے ٹیکس قوانین میں نئی اصلاحات کا فیصلہ کیا ہے تو کہا جاتا ہے کہ موجودہ فائلرز اور نان کمپلائنٹ شہریوں سے مزید ریونیو حاصل کرنے کے لئے بڑے صنعت کاروں کی حمایت حاصل کر لی گئی ہے۔ تاہم صنعت کاروں کا موقف ہے کہ زراعت پر ٹیکس نہ لگا تو ٹیکس ٹو جی ڈی پی تناسب جمود کا شکار رہے گا۔ اسلام آباد میں صنعت کاروں اور تاجروں سے ملاقات میں چیئرمین ایف بی آر وزیر مملکت برائے خزانہ  نے جو باتیں بتائیں ان سے ظاہر ہوتا ہے کہ پچھلے برس نان فائلرز سے صرف 25 ارب روپے فیس کی مد میں جمع ہوئے۔ اب نان فائلر کیٹگری ختم ہونے کی صورت میں لین دین پر ٹیکس ادا کرنے سے بچنے کے لئے معمولی فیس ادا کرنے کا راستہ بند ہو گیا ہے۔ نان فائلرز کی کیٹگری ختم کرکے ٹیکس نہ دینے والوں پر جو 15 پابندیاں عائد کی جانی ہیں ان میں سے پانچ ابتدائی طور پر لگائی جائیں گی جن میں جائداد ،گاڑیوں، بین الاقوامی سفر، کرنٹ اکائونٹ کھولنے اور میوچل فنڈز میں سرمایہ کاری پر پابندیاں شامل ہیں۔

حکومت نے جدید مشین لرننگ اور الگور تھمز کے ذریعے نان فائلرز کی شناخت کا فیصلہ کیا ہے۔ اسٹیٹ بینک کے ساتھ مل کر ایسے افراد کی نگرانی کی جائے گی جن کی آمدن کی سطح ان کے لین دین سے مطابقت نہیں رکھتی۔ چیئرمین ایف بی آر کے مطابق یہ اقدامات ایف بی آر کے تبدیلی کے منصوبے کا حصہ ہیں۔ جسے وزیراعظم کی منظوری مل چکی ہے اور بتدریج نان فائلرز کی 15 اقسام کے ٹرانزیکشنز پابندیوں کی زد میں آجائیں گے۔ جہاں تک مبصرین کا تعلق ہے، ان کا موقف پہلے بھی یہ رہا ہے اور آج بھی ہے کہ مخصوص آمدن سے زائد انکم اور وسائل کے حامل تمام لوگوں کو دیانتداری سے ٹیکس ادا کرنا چاہئے۔ بااثر افراد کے لئے چھوٹ کی گنجائشیں نکالنے سے گریز کیا جانا چاہئے کیونکہ ٹیکس ادا نہ کرنے والوں کا بوجھ ان لوگوں پر پڑتا ہے جو ایمانداری سے ٹیکس ادا کرتے ہیں جبکہ ٹیکس گریزی کےاثرات فلاحی اقدامات کی کٹوتی، غربت میں اضافے اور قرض خواہی کی صورت میں ظاہر ہوتے ہیں۔ توقع کی جانی چاہئے کہ نئی ٹیکس اصلاحات کے نتیجے میں ملکی معیشت استحکام کی راہ پر تیزی سے آگے بڑھے گی اور قرضوں کے بھاری بوجھ سے نجات میں مدد ملے گی۔

بشکریہ روزنامہ جنگ

[airnews-arngbad]

آکاشوانی چھتر پتی سنبھا جی نگر علاقائی خبریں تاریخ : 31 ؍ اکتوبر 2024 ء وقت : صبح 09.00 سے 09.10 بجے

سب سے پہلے خاص خبروں کی سرخیاں 

٭ اسمبلی انتخابات کے لیے ریاست بھر سے 7/ ہزار50/ امید واروں کے عریضے چھان بین کے بعد درست قرار

٭ مہا وِکاس آ گھاڑی کسی بھی حلقے میں اتحادی پارٹی کے امید وار کے سامنے امید وار نہیں اُتارے گی ‘  کانگریس پارٹی کے  ریاستی مبصر رمیش چینی تھلا کا خلا صہ 

٭ مہا راشٹر نو نِر مان سینا کے سر براہ راج ٹھاکرے کا مہا یو تی کے ساتھ جانے کا امکان 

٭ مرکزی سر کاری ملازمین  اور  سبک دوش وظیفہ یابان کے مہنگائی بھتے میں 3/ فیصد زائد اضا فہ

٭ نَرک چتُردَشی کی تقاریب کا گھر گھر میں انعقاد ‘  ہر طرف مختلف مذہبی اجلاس کا اہتمام

اور

٭ آئندہ سال فر وری-مارچ میں مجوزہ بارہویں کے امتحانات میں شرکت کے لیے در خواست دہی کی مہلت میں توسیع 

اب خبریں تفصیل سے...

کل وِدھان سبھا الیکشن کے پرچوں کی جانچ کل عمل کا ہوا۔  ریاست میں 288/ میں سے287/ حلقوں کے تقریبا 7/ ہزار967/ امید واروں میں سے 7/ ہزار 50/ امید واروں کے پر چے اہل پائے گئے ہیں  جبکہ917/ پر چے نا اہل پائے گئے۔ 

ناگپور مغرب اسمبلی حلقہ سے ایک امید وار کی در خواست کی جانچ آج تک کے لیے آگے بڑھانے کی اطلاع چیف الیکشن افسر دفتر نے دی ہے۔ آئندہ4/ نومبر تک در خواست واپس لی جا سکتی ہیں۔

***** ***** *****

مراٹھواڑہ کے چھتر پتی سنبھا جی نگر ضلعے کے 9/ اسمبلی حلقوں میں 437/ امید واروں نے613/ پر چے داخل کیے ہیں۔ اِن میں سے 398/ امید واروں کے522/ پر چے اہل پائے گئے ہیں۔ 

جالنہ ضلعے میں 291/ پر چے اہل جبکہ91/ نا اہل پائے گئے۔بیڑ ضلعے کے 6/ اسمبلی حلقوں میں 377/ امید واروں کے506/ پر چے اہل پائے گئے  جبکہ33/ امید واروں کے61/ پر چے نا اہل پائے گئے ہیں۔

پر بھنی ضلعے میں 224/ در خواستوں میں سے دیڑھ سو در خواستیں اہل پائی گئیں ہیں۔ ہنگولی ضلعے میں 21/ پر چے نا اہل جبکہ187/ اہل پائے گئے۔

ناندیڑ لوک سبھا ضمنی انتخابات کے لیے39/ امید واروں کے عریضے اہل پائے گئے ہیں۔ جبکہ 2/ امید واروں کے عریضے نا اہل پائے گئے۔ ضلعے کے9/ اسمبلی حلقوں کے 55/ عریضے نا اہل پائے گئے ہیں  اور  460/ اہل پائے گئے ہیں۔ لاتور ضلعے کے حلقوں میں 193/ اہل جبکہ سب سے زیادہ 42/ اہل پر چے احمد پور میں پائے گئے ہیں۔ سب سے کم 22/ امید وار  اَوسا   اور  نلنگا حلقوں کے ہیں۔

دھا را شیو ضلعے کے چاروں اسمبلی حلقوں کے 185/ امید واروں نے271/ عریضے داخل کیے تھے اِن میں سے164/ امید واروں کے223/ پر چے اہل پائے گئے جبکہ 48/ پر چے نا اہل پائے گئے ہیں۔

***** ***** *****

مہاراشٹر کانگریس انچارج رمیش چینی تھلا  نے کہا ہے کہ مہا وِکاس آ گھاڑی میں نشستوں کی تقسیم پر کوئی جھگڑا نہیں ہے۔ جن حلقوں میں اتحادی پارٹیوں نے عریضے داخل کیے ہیں وہ 2/ دنوں میں بات چیت کر کے واپس لیں گے۔ وہ کل ممبئی میں صحافتی کانفرنس سے خطاب کر رہے تھے۔ انھوں نے کہاکہ کسی بھی حلقہ میں دوستی کی لڑائی نہیں ہو گی۔

Byte...

ریاستی کانگریس کے صدر  نا نا پٹو لے بھی اِس صحافتی کانفرنس میں موجود تھے۔ کانگریس کے قو می صدر  ملکار جن کھر گے  اور  لوک سبھا کے قائد حزب اختلاف  راہل گاندھی آئندہ6/ نومبر کو مہا راشٹر کے دورہ پر آ رہے ہیں۔ 6/ تاریخ کو صبح ناگپور میں آئین اعزاز میلہ منعقد کیا جارہا ہے۔ شام میں ممبئی کے بی کے سی میں مہا وِکاس آ گھاڑی کی گیارنٹی ظاہر ہو نے کی اطلاع پٹو لے نے دی۔

دریں اثناء بی جے پی کی نائب صدر  اَرچنا پاٹل نے اِس موقع پر کانگریس پارٹی میں شمو لیت اختیار کی۔

***** ***** *****

ایم این ایس  سر براہ  راج ٹھاکرے نے کہا ہے کہ وِدھان سبھا الیکشن کے بعد مہا یو تی کے ساتھ جا ئیں گے۔ وہ کل ایک چینل کو دیے گئے اِنٹر ویو میں مخاطب تھے۔ انھو ں نے کہا کہ ریاست میں 3/ مہینے پہلے حالات مختلف تھے لیکن ہر یانہ اسمبلی انتخابات کے بعد مہاراشٹر میں بھی تصویر بدلی ہے۔

***** ***** *****

اسمبلی انتخابات میں ووٹنگ فیصد بڑ ھیں اِس کے لیے دھا راشیو ضلعے الیکشن انتظامیہ کی جانب سے بھی مختلف مہمیں  روبہ عمل لائی جا رہی ہیں۔ اس کے تحت کل اسکولی طلباء نے شہر سے سائیکل ریلی نکالی   اور  لو گوں سے ووٹ دینے کی اپیل کی۔

 ناندیڑ ضلع پریشد کے  سی ای او  مینل کرنوال کے ہاتھوں کل مختلف محکموں کے ذمہ دار افراد کی گاڑیوں پر ووٹ دینے کی اپیل کرنے والے اسٹیکر لگائے گئے۔

***** ***** *****

الیکشن کے دوران سخت بندوبست رکھنے کے نقطہ نظر سے ناندیڑ ضلع پولس کے لیے39/ نئی گاڑیاں خریدی گئی ہیں۔ اِن میں سے22/ گاڑیوں کو کل اسپیشل ڈپٹی انسپکٹر جنرل آف پولس شہا جی اُماپ  اور  پولس سپرنٹنڈنٹ  ابیناش کمار کے ہاتھوں ہر ی جھنڈی دکھائی گئی۔

***** ***** *****

***** ***** *****

یہ خبریں آکاشوانی چھترپتی سنبھا جی نگر سے نشر کی جارہی ہیں 

***** ***** *****

انتخابی تشہیر کے دوران ووٹروں پر دبا ؤڈالنے کے لیے پیسوں کے استعمال ہونے والے علاقوں میں سخت پہرہ دینے کے احکا مات چھتر پتی سنبھا جی نگر کے ضلع کلکٹر و ضلع انتخابی افسر دلیپ سوامی نے دیے ہیں۔ کل ضلع کلکٹر دفتر میں خرچ مبصروں کے اجلا س سے وہ مخاطب تھے۔ انھوں نے اپیل کی ہیکہ اِس الیکشن میں ووٹنگ کا عمل بے خوف وغیر جانبدار ہو اِس کے لیے انتظامیہ کو کوششوں کو تمام ووٹر ‘  سیا سی پارٹیاں  امید وار  اور  میڈیا تعاون دیں۔

***** ***** *****

سامعین ‘  اسمبلی انتخابات کے موقع پر آ ڑھا وا وِدھان سبھا متدار سنگھا چا  پروگرام  روز آنہ شام 7/ بج کر 10/ منٹ پر آ کاشوانی سے نشر کیا جا رہا ہے۔ اِس پروگرام میں آج لاتور   اور  دھارا شیو اضلاع کے اسمبلی حلقوں کا جائزہ پیش کیا جائے گا۔

***** ***** *****

مرکزی سر کاری ملازمین  اور  سبک دوش وظیفہ یابان کے مہنگائی بھتہ میں 3/ فیصد کی اضا فی بڑھو تری کی گئی ہے۔ وزارتِ  عملہ  و  پینشن  نے کل اِس سے متعلق حکم نا مہ جاری کیاگیا۔ اِس سال ایک جولائی سے اضافی مہنگائی بھتہ ملے گا۔ اِس کی وجہ سے مہنگائی بھتہ اصل تنخواہ یا پینشن کے53/ فیصد ہو چکا ہے۔

***** ***** *****

 دِوالی کے تہوار میں ایک اہم مقام رکھنے والی نرک چتُر دشی ابھینگ اسنان  تقریب آج علی الصبح گھر و گھر منائی گئیں۔ اِس دن طلوع آفتاب سے قبل جسم پر خوشبو دار تیل  اور  اُبٹن سے مالش کر کے نہا یا جا تاہے۔ 

صدر جمہوریہ درو پدی مُر مو نے عوام کو دِوالی کی مبارکباد دی ہے۔ دیوالی کے موقع پر ایودھیا کے شری رام مندر میں کل روشنیوں کا ایک عظیم الشان تہوار منا یاگیا۔ اِس مندر میں شری رام کی پران پرتِشٹھا کے بعد یہ پہلی دِوالی ہے۔ سر یو ندی کے کنارے کے قریب تقریبا 28/ لاکھ چراغوں کی روشنی کی گئی۔ اِس موقع پر اُتر پر دیش کے وزیر اعلیٰ یو گی آدِتیہ ناتھ موجودتھے۔

***** ***** *****

عازمین حج کے لیے پیش گی ادائیگی کی مدت میں توسیع کر دی گئی ہے۔ اِس سے قبل اِس رقم کی ادائیگی کی آخری تاریخ آج یعنی 31/ اکتوبر کو ختم ہو رہی تھی  لیکن عازمین کی در خواست پر اب اِس تاریخ کو 11/ نومبر تک بڑ ھا دیاگیا ہے۔

***** ***** *****

ریاست مہا راشٹر کے ثانوی  و  اعلیٰ ثانوی تعلیمی بورڈ کی جانب سے آئندہ فروری-مارچ میں منعقدہ بارہویں جماعت کی  امتحانی فیس بھر نے کی مدت میں توسیع کی گئی ہے۔ اب31/ اکتوبر   تا  10/ نومبر تک مقررہ فیس جبکہ15/   تا  22/ نومبر لیٹ فیس کے ساتھ در خوسات دی جا سکتی ہے۔

***** ***** *****

مراٹھواڑہ میں کل 2/ مختلف حادثات میں 5/ افراد کی موت ہو گئی۔ نلنگا کے عقیدت مندوں کو لے کر پنڈھر پور جانے والی جیپ کا  کر مبا گاؤں سے قریب ایک ٹیمپوں سے ٹکرائی گئی۔ اِس حادثے کے متاثرین کو راحت رسانی کے اقدامات کے دوران لاتور کی جانب سے  آنے والی بر ق رفتار کار  حادثے کے شکار گاڑیوں سے متصا دم ہو گئی جس کے سبب ہوئے حادثے میں کار میں سوار  2 / افراد کی جائے وقو عہ پر ہی موت واقع ہو گئی جبکہ جیپ میں سوار زخمی مسا فرین کو علاج کے لیے قریبی اسپتال میں شریک کیاگیا۔ 

چھتر پتی سنبھا جی نگر ضلعے کے کنڑ تعلقے میں پیش آئے دیگر ایک حادثے میں 3/ نوجوانوں کی پانی میں غرقاب ہو کر موت واقع ہوئی۔ یہ تینوں دوست چِنچو لی لمبا جی میں واقع پور نا ندی میں تیرا کی کے لیے گئے تھے۔ اِسی دوران  یہ حادثہ رو نما ہوا۔

***** ***** *****

چھتر پتی سنبھا جی نگر شہر کے مٹمٹہ علاقے میں مِلک اینڈ ڈیری پروڈکٹس نامی دکان پر چھا پہ مار کر پولس نے71/ ہزار910/ روپئے قیمت کا

425/ کلو ملا وٹی کھوا کل ضبط کر لیا۔ ضبط کیے گئے کھوئے کے نمو نے اغذیہ و ادویات محکمے کی لیباریٹری میں جانچ کے لیے بھیجے گئے ہیں۔

***** ***** *****

لاتور ضلعے کے6/ اسمبلی حلقوں کے لیے الیکشن کمیشن کی جانب سے  پر مود کمار منڈل کو انتخابی پولس انسپکٹر مقرر کیاگیا ہے۔ پرمود منڈل 2010؁ء کی بیچ کے آئی پی ایس افسر ہیں۔ گزشتہ 28/ اکتوبر کو لاتور ضلعے میں اُن کی آمد ہو چکی ہے  اور  کل انھوں نے اوراد شہاجنی میں قائم کر دہ چیک پوسٹ کا معائنہ کیا۔ دور  دراز کے مقامات پر پہنچ کر انھوں نے امن و قانون کی صو رتحال کا بھی جائزہ لیا۔

***** ***** *****

اہلیا نگر کی ایتھلیٹ  نینا کھیڈ کرنے بھارت کی نمائندگی کی  اور  13/ ویں ژھینگ ژھو اِنٹر نیشنل ساولین  وُشو فیسٹیول کے کُنگ فو میں چاندی کا تمغہ جیتا۔

***** ***** *****

آخرمیں  خبروں کی سر خیاں ایک مرتبہ پھر سُن لیجیے...

٭ اسمبلی انتخابات کے لیے ریاست بھر سے 7/ ہزار50/ امید واروں کے عریضے چھان بین کے بعد درست قرار

٭ مہا وِکاس آ گھاڑی کسی بھی حلقے میں اتحادی پارٹی کے امید وار کے سامنے امید وار نہیں اُتارے گی ‘  کانگریس پارٹی کے  ریاستی مبصر رمیش چینی تھلا کا خلا صہ 

٭ مہا راشٹر نو نِر مان سینا کے سر براہ راج ٹھاکرے کا مہا یو تی کے ساتھ جانے کا امکان 

٭ مرکزی سر کاری ملازمین  اور  سبک دوش وظیفہ یابان کے مہنگائی بھتے میں 3/ فیصد زائد اضا فہ

٭ نَرک چتُردَشی کی تقاریب کا گھر گھر میں انعقاد ‘  ہر طرف مختلف مذہبی اجلاس کا اہتمام

اور

٭ آئندہ سال فر وری-مارچ میں مجوزہ بارہویں کے امتحانات میں شرکت کے لیے در خواست دہی کی مہلت میں توسیع 

 علاقائی خبریں ختم ہوئیں 

آپ یہ خبر نامہ ہمارے یو ٹیوب چینل AIR  چھتر پتی سنبھا جی نگر پر دوبارہ کسی بھی وقت سُن سکتے ہیں۔

٭٭٭٭

[pinoytvlivenews]

ایلون مسک نے روبو ٹیکسی کی رونمائی کر دی

(24 نیوز )ٹیسلا کے سربراہ ایلون مسک نے اپنی روبو ٹیکسی (جس کا طویل عرصے سے انتظار تھا) رُونمائی کردی۔ روبو ٹیکسی کے متعلق ان کا دعویٰ ہے کہ یہ نجی ٹرانسپورٹ میں انقلاب برپا کر دے گی , جمعرات کے روز کیلیفورنیا میں منعقد ہونے والی ایک تقریبا میں ایلون مسک نے ٹیسلا سائبر کیب کے ساتھ ایک 20 سیٹر روبو ویب کا پروٹو ٹائپ بھی متعارف کرایا۔ دونوں گاڑیوں میں اسٹیئرنگ وہیل اور پیڈلز جیسے روایتی کنٹرولز…

[topurdunews]

پنجاب میں فٹنس سرٹیفکیٹ کے بغیر گاڑیوں کو ایم ٹیگ جاری نہ کرنے کا فیصلہ 

( ویب ڈیسک) پنجاب حکومت نے  سموگ کنٹرول اقدامات کے پیش نظر بغیر فٹنس سرٹیفکیٹ گاڑیوں کو ایم ٹیگ جاری نہ کرنے کا فیصلہ کر لیا۔ پنجاب حکومت نے سموگ کے پیش نظر مزید اقدامات اٹھا لیے۔  سموگ کے پیش نظر 30 سال سے زائد پرانی گاڑیوں کو اکتوبر تا جنوری لاہور میں داخلے کی اجازت نہیں ہو گی۔ اور نہ ہی وہ موٹروے پر سفر کر سکیں گی۔ ایم ٹیگ حاصل کرنے کے لیے اب گاڑی کی رجسٹریشن بُک اور لائسنس کے ساتھ گاڑی کا…

[googlynewstv]

ایف بی آر کا گاڑیوں پر بھاری ٹیکس نہ لگانےکا فیصلہ

ایف بی آر نے بھی گاڑیوں پر بھاری ٹیکس نہ لگانے پر ہوم ورک شروع کردیا۔ ذرائع کے مطابق ہائبرڈ اور الیکٹرک گاڑیوں پر بجٹ میں بھاری ٹیکسز  لگانے کو ایف بی آر نے بھی ناقابل عمل قرار دیا تھا۔گاڑیاں بنانے والے کمپنیوں نے بھی اس بھاری ٹیکس پر شدید احتجاج کیا تھا۔ ترجمان ایف بی آر کے مطابق اب گاڑیوں پر ٹیکس کی تجویز ناقابل عمل ہو چکی ہے۔بجٹ میں گاڑیوں کی انجن سی سی کی بجائے قیمتوں پر بھاری ٹیکس عاید کرنے…

[asliahlesunnet]

ذاتی استعمال کی گاڑیوں پر زکوٰۃ نہیں سوال ۳۷۶: کیا ذاتی استعمال کی گاڑیوں پر زکوٰۃ ہے؟ جواب :ان میں زکوٰۃ نہیں ہے اور ہر وہ چیز جسے انسان اپنے لیے استعمال کرے، اس میں زکوٰۃ نہیں ہے، خواہ وہ گاڑی ہو یا اونٹ یا ٹریکٹر ،البتہ سونے اور چاندی کے زیورات میں زکوٰۃ ہے، خواہ وہ اپنے استعمال کے لیے ہی کیوں نہ ہوں کیونکہ نبی اکرم صلی اللہ علیہ وسلم نے فرمایا ہے: ((لَیْسَ عَلَی الْمُسْلِمِ فِی عَبْدِہِ وَلَا فَرَسِہِ صَدَقَۃٌ)) (!صحیح البخاری، الزکاۃ، باب لیس علی المسلم فی عبدہ صدقۃ، ح: ۱۴۶۴ وصحیح مسلم، الزکاۃ، باب لا زکاۃ علی المسلم فی عبدہ وفرسہ، ح: ۹۸۲۔) ’’مسلمان کے لیے اس کے غلام اور گھوڑے پر زکوٰۃ نہیں ہے۔‘‘ فتاوی ارکان اسلام ( ج ۱ ص ۳۵۶ ) #FAI00299 ID: FAI00299 #Salafi #Fatwa #Urdu

[fatimawrites]

خوددار لوگ

دنیا میں تین طرح کے لوگ بستے ہیں:

1. امیر طبقہ – جنہیں مہنگائی کی فکر نہیں، نہ ہی غربت کا درد محسوس ہوتا ہے۔ وہ ملکی حالات سے باخبر رہتے ہوئے بھی اپنے گھریلو ملازمین کی حالت سے بے خبر رہتے ہیں۔ ان کے لیے روٹی، کپڑا اور مکان کوئی مسئلہ نہیں، کیونکہ سب کچھ وافر مقدار میں میسر ہوتا ہے۔

2. غریب طبقہ –

وہ لوگ جن کے لیے دو وقت کی روٹی بھی خواب بن جاتی ہے۔ بعض اوقات ان کے گھروں میں چولہا دو دو دن تک نہیں جلتا، اور وہ مجبور ہو کر دوسروں کے در پر دستک دیتے ہیں، کبھی مزدوری کر کے تو کبھی ہاتھ پھیلا کر، صرف اس امید میں کہ ان کے بچے بھوکے نہ سوئیں۔

3. متوسط طبقہ –

یہی وہ طبقہ ہے جو نہ تو اتنا امیر ہوتا ہے کہ فضول خرچی کر سکے، اور نہ ہی اتنا غریب کہ بھیک مانگنے پر مجبور ہو جائے۔ یہی طبقہ سب سے زیادہ پریشان ہوتا ہے، مگر اس کی خاموشی اسے مزید مضبوط بنا دیتی ہے۔

متوسط طبقے کی کشمکش ۔

یہ طبقہ دو حصوں میں بٹا ہوتا ہے۔ ایک وہ جو مہینے کی تنخواہ سے بمشکل پندرہ سے بیس دن گزار پاتے ہیں، کیونکہ آدھی تنخواہ قرض اور ادھار اتارنے میں نکل جاتی ہے۔ اور باقی دن کسی سے دوبارہ قرض لے کر گزارنے پر مجبور ہو جاتے ہیں۔

مگر دوسرا گروہ وہ ہوتا ہے جو سب سے زیادہ خوددار ہوتا ہے۔ یہ وہ لوگ ہوتے ہیں جو اپنی چادر دیکھ کر پاؤں پھیلاتے ہیں۔ جو نہ کسی کے آگے ہاتھ پھیلاتے ہیں، نہ اپنے حالات کا رونا روتے ہیں۔ جنہیں کوئی خبر نہیں ہوتی کہ اگلے مہینے کیا ہوگا، مگر وہ اپنا والی و وارث صرف اللہ کو مان کر جیتے ہیں۔

یہ لوگ وہ ہوتے ہیں جو ہر مشکل کو صبر کے ساتھ سہہ جاتے ہیں۔ جو اپنی ضروریات کو خواہشات کے دائرے میں نہیں لاتے۔ جو بچوں کو نئی کتابیں دلانے کے بجائے پرانی کتابیں مرمت کروا کر کام چلا لیتے ہیں، مگر کسی کے آگے ہاتھ نہیں پھیلاتے۔ جو بیوی کی فرمائشوں پر مسکرا کر کہتے ہیں، "ان شاء اللہ، جلد لے دیں گے" جبکہ ��قیقت میں جیب میں چند روپے ہی ہوتے ہیں۔

یہ وہ سفید پوش لوگ ہیں جو تکلیف میں بھی مسکراتے ہیں، جو دل کی آنکھوں سے روتے ہیں مگر باہر سے مطمئن نظر آتے ہیں۔ جو ہر خوشی قربان کر دیتے ہیں، مگر عزت پر آنچ نہیں آنے دیتے۔

اصل ہیرو کون؟

کیا اصل ہیرو وہ ہیں جو بڑی گاڑیوں میں گھومتے ہیں، یا وہ جو خاموشی سے ہر بوجھ برداشت کر کے اپنے بچوں کو عزت سے پال رہے ہوتے ہیں؟

کیا قابلِ تعریف وہ ہیں جو فضول خرچیاں کرتے ہیں، یا وہ جو ہر چیز ناپ تول کر خریدتے ہیں مگر کبھی کسی کے سامنے اپنی غربت کا دکھڑا نہیں روتے؟

یہ سفید پوش، خوددار لوگ ہی اصل ہیرو ہیں۔ جو سب کچھ سہہ کر بھی سر اٹھا کر جیتے ہیں۔ جو عزت اور غیرت پر سمجھوتہ نہیں کرتے۔ جو دنیا کے سامنے خوش رہتے ہیں، چاہے اندر سے کتنے ہی ٹوٹے ہوئے کیوں نہ ہوں۔

یہی وہ لوگ ہیں جو اصل تعریف کے حقدار ہیں!

تحریر: فاطمہ رائیٹس

تاریخ: 7 فروری 2025

© 2025 فاطمہ رائیٹس. تمام حقوق محفوظ ہیں۔

[lahore-division-updates]

با تسلیمات ڈسٹرکٹ انفارمیشن آفس قصور

محکمہ تعلقات عامہ حکومت پنجاب

٭٭٭٭٭

ڈپٹی کمشنر کے احکامات‘اسسٹنٹ کمشنر کوٹ رادھاکشن ڈاکٹر محمد انس سعید کی قیادت میں تجاوزات کیخلاف بھرپور آپریشن‘

تجاوزات کو ختم کرکے بازاروں اور راستوں کو کشادہ کر دیا گیا

قصور(یکم اکتوبر 2024ء)ڈپٹی کمشنر قصور کے احکامات کی روشنی میں اسسٹنٹ کمشنرکوٹ رادھاکشن کا تجاوزات کیخلاف بھرپور آپریشن‘ناجائز تجاوزات کو ختم کرکے بازاروں اور راستوں کو کشادہ کر دیا گیا۔ تفصیلات کے مطابق اسسٹنٹ کمشنر تحصیل کوٹ رادھاکشن ڈاکٹر محمد انس سعید نے میونسپل کمیٹی، پولیس کے ہمراہ شہر کے مختلف علاقوں میں بازاروں،سڑکوں اور نالوں پر قائم ناجائز تجاوزات جس سے شہریوں اور ٹریفک کو دشواری کا سامنا تھا کیخلاف بھرپور آپریشن کر کے سامان کو ضبط کیا۔ آپریشن سے بازاروں اور راستوں کو کشادہ کر دیا گیا۔ اسسٹنٹ کمشنر کا کہنا تھا کہ پنجاب حکومت کی خصوصی ہدایات اور ڈپٹی کمشنر کی زیر نگرانی شہر کی خوبصورتی میں اضافے‘صفائی ستھرائی اور ناجائز تجاوزات کے خاتمے کا عمل جاری ہے۔

٭٭٭٭٭

اسسٹنٹ کمشنر کوٹ رادھاکشن کی فوڈاتھارٹی ٹیم کے ہمراہ دودھ و دہی کی دوکانوں کی چیکنگ‘

کیمیکل و غیر معیار ی دودھ کی 7دوکانیں سیل‘جعلی وغیر معیاری دودھ و دہی تلف

قصور(یکم اکتوبر 2024ء) وزیر اعلی پنجاب مریم نواز شریف کے احکامات اور ڈپٹی کمشنر قصور کی زیر نگرانی اسسٹنٹ کمشنر کوٹ رادھاکشن کی فوڈاتھارٹی ٹیم کے ہمراہ دودھ و دہی کی دوکانوں کی چیکنگ‘کیمیکل و غیر معیار ی دودھ کی 7دوکانیں سیل‘جعلی وغیر معیاری دودھ و دہی تلف۔ تفصیلات کے مطابق اسسٹنٹ کمشنرتحصیل کوٹ رادھاکشن ڈاکٹر محمد انس سعید نے فوڈ اتھارٹی کی فوڈ سیفٹی ٹیم کے ہمراہ مختلف بازاروں میں دودھ و دہی کی دوکانوں کی چیکنگ کی تاہم متعدد دوکانوں پر کیمیکل و غیر معیاری دودھ پایا گیا جس پر کاروائی کرتے ہوئے دودھ و دہی کو موقع پر تلف اور 7دوکانوں کو سیل کر دیا گیا۔ اس موقع پر اسسٹنٹ کمشنرز کا کہنا تھا کہ عوام الناس کو کیمیکل سے پاک دودھ کی فراہمی اولین ترجیح ہے۔ جعلی یا ملاوٹی دودھ انسانی صحت کیلئے انتہائی مضر ہے اس کاروبار کو جڑ سے اکھاڑنے کیلئے تمام وسائل کو بروئے کار لایا جائیگا۔ فوڈ اتھارٹی کیساتھ ملکر روزانہ کی بنیادوں پر معیاری خوراک کو ممکن بنانے کیلئے چیکنگ کا عمل جاری رہے گا۔

٭٭٭٭٭

اسسٹنٹ کمشنر عطیہ عنایت مدنی کا بے نظیر انکم سپورٹ سینٹرکا دورہ‘خواتین میں رقوم کی تقسیم سمیت دیگر سہولیات کا جائزہ لیا

قصور(یکم اکتوبر 204ء)ڈپٹی کمشنر قصور کے حکم پر اسسٹنٹ کمشنر زقصور عطیہ عنایت مدنی کا بے نظیر انکم سپورٹ سینٹرکا دورہ‘مستحقین خواتین میں رقوم کی تقسیم سمیت دیگر سہولیات کا جائزہ لیا۔ اسسٹنٹ کمشنر قصور عطیہ عنایت مدنی نے شہبازشریف سپورٹس کمپلیکس میں قائم بی آئی ایس پی سینٹر کادورہ کر کے وہاں پر مستحق خواتین میں رقوم کی تقسیم سمیت دیگر سہولیات کا جائزہ لیا۔ انہوں نے سینٹر انتظامیہ کو ہدایت کی کہ وہ سینٹر پر مستحقین میں منظم و شفاف انداز میں رقوم کی تقسیم کا عمل جاری رکھیں اور سینٹر پر پینے کے ٹھنڈے پانی، سائے اور بیٹھنے کیلئے مناسب انتظامات کو ہر صورت یقینی بنایا جائے۔

٭٭٭٭٭

ڈپٹی کمشنر کی ہدایت‘اسسٹنٹ کمشنرز کے عام مارکیٹوں کے دورے‘اشیائے ضروریہ کی قیمتوں کو چیک کیا

قصور(یکم اکتوبر 204ء) وزیر اعلی پنجاب مریم نوازشریف کے احکامات اور ڈپٹی کمشنر قصور کی ہدایت پر اسسٹنٹ کمشنرز کے عام مارکیٹوں کے دورے‘اشیائے ضروریہ کی قیمتوں اور پٹرول پمپس کے پیمانوں کی چیکنگ۔ تفصیلات کے مطابق اسسٹنٹ کمشنر ز قصور عطیہ عنایت مدنی، پتوکی رانا امجد محمود، چونیاں طلحہ انور اور کوٹ رادھاکشن ڈاکٹر محمد انس سعید نے اپنی اپنی تحصیلوں میں عام مارکیٹوں کا دورہ کر کے پھلوں، سبزیوں، روٹی و نان، بریڈ اور دیگر اشیائے ضروریہ کی قیمتوں اور ریٹ لسٹوں کی نمایاں جگہوں پر موجودگی کو چیک کیا تا ہم ناجائز منافع خوری پر بھاری جرمانے عائد کئے۔

٭٭٭٭٭

ڈپٹی ڈائریکٹر آپریشنز باقر رسول انور کی علی الصبح کاروائی‘500کلو خشک دودھ ضبط کر کے ملزمان کیخلاف مقدمہ درج

قصور(یکم اکتوبر 204ء) ڈائریکٹر جنرل پنجاب فوڈ اتھارٹی محمدعاصم جاوید کی ہدایت پر ڈپٹی ڈائریکٹر آپریشنز باقر رسول انور کی علی الصبح کاروائی‘500کلو خشک دودھ ضبط کر کے ملزمان کے خلاف مقدمہ درج کروا دیا۔ تفصیلات کے مطابق ڈپٹی ڈائریکٹر آپریشنز باقر رسول انور کی سربراہی میں فوڈ سیفٹی ٹیم نے قصور کے علاقے دولے والا کے قریب ناکہ لگا کر دودھ بردار گاڑیوں کو چیک کیا۔چیکنگ کے دوران فوڈسیفٹی ٹیم نے ایک عدد دودھ بردار گاڑیLES 1071 اور 500 کلو خشک دودھ کو ضبط کر کے ملزمان کیخلاف مقدمہ درج کروا دیا۔ناقص پاؤڈر، کیمیکلز،آئل سے ہزاروں لیٹرتیار کر کے لاہور بھیجا جانا تھا۔ پانی میں پاؤڈر، کیمیکلز اور گندا گھی ڈال کر دودھ جیسا سفید گاڑھا محلول تیار کیا جانا تھا۔اس موقع پر باقر رسول انور کا کہنا تھا کہ جعلی دودھ بنانے والے عناصر کا جڑ سے خاتمہ کرنے کیلئے عوام کا ساتھ انتہائی لازم ہے۔صحت دشمن عناصر کیخلاف فیس بک ایپلی کیشن، ٹال فری نمبر 1223 پر شکایات درج کروائیں۔

٭٭٭٭٭