#يوميات ياسمينا الحزينة

[yassmeenamoustafa]

مفيش أبئس من اللحظات اللي بنعوز فيها حاجة مينفعش نعوزها ولا عمرها هتكون بتاعتنا 😅

[yassmeenamoustafa]

عملت كل اللي عليا للآخر

كالعادة

مش قادرة أمسك في ايد بتفلت مني خلاص..

[yassmeenamoustafa]

ماهو لما حد يفليرت عليك بألطف ألطف ألطف الطرق

وانت متتأثرش ومتصدقش احب افاجئك أن المشكلة فيك انت ولازم تتعالج نروح لدكتور كدة تخصصه يصلحنا بحيث نرجع نحس الكلام ونحب تاني بقلب جامد 🥲😅

[yassmeenamoustafa]

الحاجة اللي مش طايقها هتزن عليك

والحاجة اللي هتموت عليها مش هتبقى ليك

دنيا !

[yassmeenamoustafa]

سفيان قالي انا دكتور هكشف عليكي دلوقتي

وكشف على قلبي قالي ايه دهههه

قلبك مكسور ! هضطر اكهربه عشان يتصلح

حاسس بيا والله ياحبيبي 😂😂😂😂😂😂💔💔

[yassmeenamoustafa]

أهل تمبلر احبابي سلام لكم من كل قلبي🌿

اختكوا ياسمينا في فترة لا يعلم بها الا الله

اللي دعيتله دعوة في يوم ووصلت حبايبي قلبي

م الاخر كدة وقت انكوا تردوها قد حان 😅

ادعولي ياولاد بجد 😂😅

[yassmeenamoustafa]

لو هوصف الشعور بالظبط

اعتقد كإن شبابيك قلبي مفتوحة وفي هوا داخل خارج هوا ساقع وبيلسع في نفس الوقت

كإن في بداية عاصفة كدة والشبابيك دي مش مقفولة كويس بتتخبط على الحيطان كدة مع لسعة الهوا دي

ده شعوري بالحرف..

الشعور متعب وبقاله كتير اوي ومش راضي يبطل بجد وبيبدأ اول ماصحى من النوم.

[yassmeenamoustafa]

صباح الخير

الساعة 6 ولسة منمناش

فيا جماعة انا من كل قلبي بكرهكوا كلكوا

يارب كان نفسي ابقى مروحة وأكمل لف حوالين نفسي بردو

[yassmeenamoustafa]

لما ببدأ احس اني هبدأ أحب أو اصاحب انسان جديد بكرهه بسرعة اوي عشان مش عاوزة وجع دماغ من دماغي

الكلام يبان غريب بس ديييييب اوي

[yassmeenamoustafa]

معنديش طاقة ولا حمل اني اخسر جزء كمان من روحي لمجرد اني اجرب شعور جديد او شعور واحشني مرة تانية

ممكن يبقى لطيف ممكن ميبقاش

احتمالية لطفه دي تخليني اقول لا ممكن ميبقاش

زي اللي قبله

فنكمل بالشوية اللي باقيين جوانا لنفسنا بدل مانخسرهم ونخسر نفسنا.

[yassmeenamoustafa]

كتاب نسيان بتاع احلام مستغانمي ده بالنسبالي زي البرشامة سريعة المفعول

وده اول كتاب ي heal me بالطريقة السريعة دي وكل مرة بقرأه بنفس الشعور

نرجعله بكل هدوء عشان نبطل تساؤلات 😅

[yassmeenamoustafa]

عارفين أقذر صفة في الكائن البشري ايه ؟

انه لما يكون قريب منك اوي اوي وتبان قدامه بضعفك كله وتعرفه ايه اكتر حاجة بتضايقك وتإذيك سواء أفعال او كلام

واول مايحصل بينكوا بعد او علاقات اتهدت خالص يعمل الحاجة دي وهو عارف إن دي الطريقة الوحيدة اللي هيضايقك بيها فيعملها ببرود اعصاب وكإنه بيعاقبك عقاب انت لا فاهمه ولا مستوعبه ولا مستوعب أن ازاي اديته الامان لوحده وهو الوحيد اللي عمل كدة

والله ماهتلاقوا أقذر من الشخص ده ويارب ماتقابلوه خالص

ولا تآمنوا لحد ميستاهلش انك تحسسه بالشعور ده

[yassmeenamoustafa]

صحابي وهو بيصحوني 🥲

ده المكان الوحيد اللي بنتجممممع فييييه لييهههه كداااا

ايه يا دنيا بقاااااا مالك النهاردة كدة

[yassmeenamoustafa]

انا شامة ريحة المحشي والبط ومقدرش اطلع اكل عشان عندي سيشنز لحد 11 بليل

هي كانت شورة زفت على دماغي اني اشتغل هنا حقيقي 😅

[yassmeenamoustafa]

انا حياتي النفسية دلوقتي متوقفة على أن يوم الخميس يبقى إجازة في الشغل

عشان لو إجازة هعمل اكتر حاجة هموت واعملها دلوقتي حاللاااااا

[yassmeenamoustafa]

انا بس محتاجة حد يرد عليا هل هنوصل في يوم للإجابة الكاملة على روحنا التائهة ولا هنقضيها مناقشات نرتاح بيها يوم او يومين او ساعة أو كام دقيقة ونرجع الدوامة تاني

هنلاقي مخرج وطريق سالك نفرح بيه من قلبنا

ولا هنحس اننا قربنا نخرج فنلاقينا بنلف تاني ؟

ولا هنخرج بجد ونفرح ونكتشف أن الطريق اللي برا -اللي فاكرينه حل- اصلا مكسر وبايظ !

؟