#مراجعة موبايل Honor 20 Pro – أرخص موبايل رائد بكاميرات قوية !

[m7lonline]

لو عايز تجيب هاتف رائد فلاج شيب و مش عايز تدفع فلوس كتير شركة Honor قررت انها تقدم فلاج شيب مميز ببطارية قوية ومعالج رائد و كاميرا كويسة جدا و كل دا موجود فى هاتف Honor 20 Pro بمعالج Hisilicon Kirin 980 و بطارية قوية 4000 مللي أمبير و كاميرا خلفية رباعية بأوسع فتحة عدسة فى العالم F/1.4 و دى أبرز نقاط قوة الهاتف. فى مراجعة النهاردة هنناقش هاتف Honor 20 Pro بالتفصيل مع مميزاته و عيوبه و أدائه.

مواصفات Honor 20 Pro :- مميزات Honor 20 Pro :- عيوب أونر 20 برو :- التصميم :- الشاشة :- الأداء :- الكاميرا الخلفية :- الكاميرا الأمامية :- البطارية :- الدعم و الاتصال :- نظام التشغيل و واجهة المستخدم :- عناصر الأمان و حماية الخصوصية :- محتويات صندوق الهاتف :- تقييم الهاتف :- سعر الهاتف :-

مواصفات Honor 20 Pro :-

أبعاد الهاتف  154.60×73.97×8.44 ملم.

وزن الهاتف 182 جرام مع تصميم زجاجي.

تأتي شاشة الهاتف IPS LCD قياس 6.26 بوصة مع دقة Full HD+ بجودة 1080*2340 بيكسل مع 412 كثافة بيكسلات.

معالج الهاتف هو Hisilicon Kirin 980 مع معالج رسوميات Mali-G76 MP10.

الهاتف متوفر بنسخة 256 جيجا بايت مع ذاكرة عشوائية 8 جيجا بايت رام.

يأتي الهاتف بنظام تشغيل أندرويد 9.0 Pie مع واجهة مستخدم Magic 2.1.

كاميرا الهاتف الخلفية تأتي رباعية بجودة 24+16+8+2 ميجا بيكسل مع فتحة عدسة f/1.4 و F/2.2 و F/2.4 و F/2.4 و فلاش احادى LED و تصوير فيديو بجودة 4K و 1080 بيكسل مع 30 و 60 لقطة فى الثانية.

كاميرا السيلفي تأتي بجودة 32 ميجا بيكسل مع فتحة عدسة F/2.0 و تصوير فيديو بجودة 1080 بيكسل مع 30 لقطة فى الثانية.

بطارية الهاتف تأتي بسعة 4000 مللي أمبير تدعم تقنية الشحن السريع.

يدعم الهاتف مستشعر بصمة الاصبع في جانب الهاتف.

متوفر بالهاتف ميكروفون اضافي لإزالة الضوضاء.

يدعم الهاتف NFC.

متوفر بالهاتف مستشعر الجيروسكوب خاصية ال OTG.

متوفر بالهاتف دعم شبكات الجيل الثاني والثالث والرابع GSM/HSPA/LTE عن طريق شريحتين اتصال من نوع Nano.

الهاتف متاح في الأسواق بألوان البنفسجي و الأخضر.

مميزات Honor 20 Pro :-

أول هاتف فى العالم بأوسع فتحة عدسة F/1.4 للكاميرا الرئيسية 48 ميجا بيكسل.

تصميم الهاتف مميز و جذاب م�� خامات تصنيع جيدة.

حواف الهاتف قليلة للغاية مما يوفر مساحة أكثر لاستحواذ الشاشة.

مكان مستشعر بصمة الاصبع المدمج بزر الباور مميز و مريح جدا.

معالج الهاتف يقدم اداء خرافي مميز و يوفر المعالج الرسومي تجربة ألعاب مميزة.

يأتى الهاتف بأرخص نسخة 256 جيجا مع 8 جيجا رام.

تقدم البطارية اداء قوي و محترم جدا.

متوفر بالهاتف لمبة اشعارات.

واحد من ارخص هاتف HONOR الرائدة او قاتلة الفلاج شيب.

عيوب أونر 20 برو :-

بروز الكاميرا الخلفية كبير.

لا يوجد منفذ لتركيب كارت الذاكرة الخارجي.

غياب منفذ 3.5 ملم لسماعات الرأس Headphones.

ظهر الهاتف مصنوع من الزجاج لذا هو سريع الاتساخ ببصمات الاصابع.

لا توجد مقاومة من الماء و الغبار.

الهاتف يأتى بشاشة من نوع IPS LCD على عكس المنافسين بشاشة سوبر أمولد.

التصميم :-

التصميم من أجمل الحاجات الموجودة فى الهاتف جميل و مميز بظهر من الزجاج اللامع و اطار معدنى و الشركة بتسمي التصميم دا Dynamic holographic و فى انعكاسات على ظهر الموبايل مع الضوء بشكل جميل و شيك جدا و كمان مسكة الهاتف فى الايد Premium جدا و كمان مريح جدا فى الايد مع انحنائات بظهر الهاتف بتخلي المسكة مثالية فى الاستخدام بالايد الواحدة بالرغم من ان وزنه 182 جرام الا ان توزيع الوزن ممتاز و خفيف مع أبعاد 154.60×73.97×8.44 ملم ممتاز , ياريت تستخدم الجراب المُرفق مع الهاتف لأن الهاتف بيتزحلق من الايد و كمان بروز الكاميرا كبير و كل مرة هتسيب الهاتف علي أى سطح هيبقي مسنود على الكاميرا.

تحتوي الواجهة الأمامية للهاتف علي شاشة بقياس 6.26 بوصة مع Punch Hole بأعلى الشاشة يوجد بها الكاميرا السيلفي 32 ميجا بيكسل و أعلى الشاشة نجد لمبة الاشعارات و لكن ضوئها ضعيف جدا.

علي الجانب الأيمن للهاتف نجد زر التشغيل Power button لفتح وغلق الهاتف مدمج به مستشعر بصمة الاصبع و يعتبر مكان مثالي للبصمة و أزرار رفع و خفض الصوت.

علي الجانب الأيسر مع منفذ ثنائي لشريحتين اتصال نانو.

أعلى الهاتف نجد الميكروفون العازل للضجيج.

أسفل الهاتف نجد ميكروفون المكالمات و السماعة الخارجية و منفذ كابل الشحن USB Type C وللأسف غياب منفذ 3.5 ملم لسماعات الرأس Headphones هنا و استبداله باستخدام Convertor Type C .

فى أعلى يسار ظهر الهاتف نجد اطار معدنى لامع يجمع ما بين عدسات الكاميرا الخلفية الثلاث 16 ميجا بيكسل و أسفلها بجودة 48 ميجا بيكسل و أسفلها بجودة 8 ميجا بيكسل و بجانبهم بجودة 2 ميجا بيكسل و أسفلها الفلاش LED و بالأسفل شعار الشركة HONOR.

الهاتف متوفر في الأسواق بألوان البنفسجي و الأخضر.

الشاشة :-

شاشة هاتف Honor 20 Pro تأتي من نوع IPS LCD و للأسف نوع الشاشة من عيوب الهاتف لأن احنا هنا مع هاتف فلاج شيب او قاتل للفلاج شيب فا مينفعش يكون IPS لكن لو بالنسبة لك مش فارقة أو مش متعود على الشاشة السوبر أمولد أو محتاج بقية مميزات الهاتف و ممكن تبقي الشاشة بالنسبة لك IPS كده مفيش مشكلة.

الشاشة بقياس 6.26 بوصة تعرض 16 مليون لون بدقة HD+ Full بجودة 1080*2340 بيكسل مع كثافة بيكسلات 412 بيكسل لكل بوصة بأبعاد 19: 9 و لا يوجد أى كلام رسمى عن حماية الشاشة و لكن قامت الشركة بتركيب سكرينة بلاستيك للحماية على الشاشة مسبقا و تمثل الشاشة 91.7% من حجم الهاتف مع دعم اللمس المتعدد حتى 10 نقاط فى الشاشة و لسه شركة HONOR بتستخدم ال Punch hole و هى مناسبة للأشخاص اللى مش بيحبوا شكل النوتش و خايفين من فكرة موتور الكاميرا السيلفي Pop up و يمكنك الغائه من الاعدادات و يظهر ربدلا منه شريط أسود و تظهر الاشعارات بجانب ال Hole.

بالنسبة لأداء الشاشة جيد جدا مع ألوان جيدة و سطوع ممتاز تحت الشمس.

الصوت:

صوت الهاتف من سماعة واحدة على اليمين بالأسفل عالى و مجسم و كان الأفضل لو كان استريو أما عن سماعة المكالمات فهو عالى و نقى جدا و قد تحتاج ألي خفض مستوي الصوت.

بالنسبة للصوت فى سماعة الأُذن فهو كما يدعم الهاتف ميكروفون اضافي لإزالة الضوضاء مما يُحسن من جودة الصوت في التسجيل و الفيديو.

الأداء :-

معالج الهاتف Hisilicon Kirin 980 ثماني النواة بمعمارية 7 نانو مع معالج رسومى و جرافيك Mali-G76 MP10 مع وضع تعزيز الألعاب GPU Turbo 3.0 اللى بيوفر تجربة ألعاب مميزة و سريعة.

يتوافر الهاتف بنسخة واحدة بذاكرة داخلية 256 جيجا بايت مع 8 جيجا بايت رام ذاكرة عشوائية و لا يمكنك زيادة المستحة الداخلية حيث لا يوجد منفذ لكارت الذاكرة الخارجي.

سجل الهاتف 273867 نقطة فى اختبار Antutu و هو معالج قوي جدا و متميز و فعلا بيحسسك انك معاج فلاج شيب و بيشغل أى حاجة بدون تهنيج أو سقوط فى ال Frames مع أداء ممتاز فى الألعاب و كمان مع ال 8 جيجا رام هتفتح عدد التطبيقات اللى تحبه فى الخلفية

أما بالنسبة للعبة PUBG يقوم الهاتف بتشغيلها HDR على ULTRA جرافيك بسلاسة و أداء رائع بدون أى تهنيج و لعبة فورت نايت بتشتغل على أعلى جرافيك EPIC بدون أى مشاكل.

الهاتف يدعم تكنولوجيا جديدة فى التبريد باستخدام الجرافين و دى مادة كفاءة التبريد بتاعتها أحسن مرة و نص فى تشتيت الحرارة من النحاس العادى و الهاتف بيستحمل معاك لعب فترة طويلة بدون سخونة شديدة.

الكاميرا الخلفية :-

واحدة من نقاط قوة الهاتف كاميرا هاتف Honor 20 Pro الخلفية تأتي رباعية بجودة 48 ميجا بيكسل مع فتحة عدسة f/1.4 و هو أول هاتف فى العالم بأوسع فتحة عدسة مع مستشعر من سوني IMX 586 و الثانية بجودة 16 ميجا بيكسل من اجل التصوير بزاوية واسعة ultra wide مع فتحة عدسة f/2.2 و الثالثة Telephoto بجودة 8 ميجا بيكسل مع فتحة عدسة f/2.4 و الرابعة للتصوير ماكرو بجودة 2 ميجا بيكسل مع فتحة عدسة f/2.4 مع دعم الضبط التلقائي المزدوج PDAF و المثبت البصري OIS و اليكترونى Gyro EIS و فلاش احادى LED و خاصية 3X Optical zoom و تصوير فيديو بجودة 4K 2160 مع 30 لقطة فى الثانية و بجودة 1080 بيكسل مع 30 أو 60 لقطة فى الثانية مع دعم التصوير بوضع بانوراما و HDR .

خلينا نتكلم عن عدسة عدسة بالتفصيل نبدأ بال Macro جودة 2 ميجا بيكسل لازم الصورة تكون فى اضاءة ع��لية و الا التفاصيل هتكون ضايعة و الصورة مهزوزة.

بعد كده العدسة 8 ميجا بيكسل Telephoto مع 3X ZOOM و تقدر تعمل زووم حتى فى ال night mode مع نتائج كويسة جدا

أما الأساسية 48 ميجا بيكسل فى التصوير بوضع ال 48 ممتاز و بيطلع صور رائعة بالرغم من انه بياخد وقت شوية فى حالة استخدام Night mode الصور بتطلع رائعة مع تفاصيل و اضاءة جيدة جدا و يستخدم فى حالة عدم وجود اضاءة أو اضاءة ضعيفة لكن لو استخدمته فى مكان باضاءة عالية هتحس ان فيه Noise .

لو عايز تصور Wide angel زاوية واسعة فهي بتطلع صور ممتازة مع سرعة فى ال Shutter مع تفاصيل جيدة و ثبات فى الصورة و لكن ذلك فقط فى اضاءة النهار و لكن فى اضاءة الليل لا تلتقط صورة جيدة و يمكنك استخدام Night mode.

تصوير الفيديو بالليل فى اهتزاز بالرغم من وجود التثبيت و لكن فى اضاءة النهار أو اضاءة عالية تثبيت مميز و رائع و يمكنك التنقل أثناء تصوير الفيديو بين العدسات المختلفة.

الكاميرا الأمامية :-

كاميرا السيلفي تأتي بجودة 32 ميجا بيكسل مع فتحة عدسة F/2.0 و تصوير فيديو بجودة 1080 بيكسل مع 30 لقطة فى الثانية.

أداء الكاميرا السيلفي فى الاضاءة العالية ممتاز و العزل مميز و احيانا ممكن تحس بتفاصيل زيادة Sharpness أكثر.

البطارية :-

تأتى بطارية هاتف Honor 20 Pro بسعة 4000 مللي أمبير و هى واحدة من نقاط قوة الهاتف مع دعم تقنية الشحن السريع و USB Type C و شاحن بقوة 22 و نصف وات و تستهلك البطارية لإعادة الشحن من 13% الى 92% حوالى ساعة و خمس دقائق و الباقي 8% فى حوالى 20 دقيقة لأن الشحن السريع بيفصل بعد 90% يعنى زمن الشحن الكلي حوالى ساعة و نصف لأن أخر 10% بياخدوا نصف ساعة شحن و تصمد البطارية حوالى 6 الى 7  ساعات شاشة مفتوحة .

الدعم و الاتصال :-

يدعم الهاتف شبكات اتصال الجيل الثاني والثالث والرابع GSM/HSPA/LTE عن طريق شريحتين اتصال من نوع نانو أما بالنسبة لتعامل الهاتف مع الشبكات فى الأماكن ذو الشبكة الضعيفة فهو تعامل جيد جدا وا لشبكة كويسة حتى فى الأماكن اللى الشبكة فيها ضعيفة.

يدعم الهاتف Wi-Fi 802.11 b/g/n/ac dual band مع دعم خاصية Wi-Fi direct و امكانية انشاء Hotspot.

يدعم الهاتف بلوتوث الاصدار 4.2 A2DP,LE.

يدعم الهاتف GPS مع خواص ,A-GPS GLONASS BDS ,GALILEO.

متوفر بالهاتف دعم مستشعرات القرب الموجود بالطرف العلوي للهاتف و السرعة و البوصلة و الضوء الموجود بأعلى الشاشة.

للأسف الهاتف لا يدعم الهاتف تشغيل الراديو FM .

يدعم الهاتف مستشعر الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة.

يدعم الهاتف خاصية النقل السريع NFC.

يدعم الهاتف خاصية ال OTG و التى تمكنك من توصيل أى USB device و نقل البيانات من و الى الهاتف.

نظام التشغيل و واجهة المستخدم :-

هاتف Honor 20 Pro يتم اصداره بنظام اندرويد 9.0 Pie و واجهة مستخدم Magic UI 2.1.

توفر الواجهة خواص مثل خاصية app lock و التى تمكنك من وضع بصمة أو كلمة سر لأي تطبيق للحفاظ على الخصوصية.

تأتى واجهة الهاتف ببرنامج ترجمة فورية لأي لغة كما تمكنك من رسم الاختصارات على الشاشة لفتح بعض التطبيقات مثل رسم حرف C لفتح تطبيق الكاميرا camera أو حرف M لفتح مشغل الموسيقي .

و تتمت�� الواجهة بامكانية قسم الشاشة الى نصفين و فتح تطبيقين فى نفس الوقت مع امكانية اضافة درج التطبيقات و ايضا وضع eye comfort و الذي يحسن من اضاءة الهاتف لتكن مناسبة للعين فى حالة الاضاءة المنخفضة المحيطة لراحة العين .

يمكنك الغاء أزرار التحكم و استبدالها بالايماءات Gestures فقط بلمسة واحدة يقوم بالرجوع للخلف و ضغطة مطولة للصفحة الرئيسية و سحب من اليمين لليسار ليقوم بفتح التطبيقات بالخلفية .

عناصر الأمان و حماية الخصوصية :-

يدعم الهاتف مستشعر بصمة الاصبع المدمج بزر التشغيل Power button و الذي يعمل بسرعة ممتازة .

كما يدعم الهاتف خاصية قفل الوجه Face unlock و التى تعمل بسرعة ممتازة و لا تفتح و العين مغلقة.

محتويات صندوق الهاتف :-

هاتف Honor 20 Pro و تم تركيب اسكرينة للحماية عليه مسبقا من الشركة.

كُتيب التعليمات والتشغيل والضمان.

الشاحن بقوة 22.5 وات.

كابل الشحن من نوع USB Type C.

تحويلة لمنفذ السماعات Convertor Type C.

دبوس معدني لفتح درج الشريحة

جراب سيلكون شفاف لحماية الهاتف.

سماعات الأُذن Earphones من نوع Type C.

تقييم الهاتف :- شركة HONOR بتتعلم من اخطائها لأنها من فترة نزلت هاتف Honor View 20 بسعر أكثر من 12 ألف جنية و مقدرش يحصد نجاح كبير و بالتالى الشركة فكرت كويس جدا قبل تسعير هاتف Honor 20 Pro و فعلا تسعيره ممتاز لأنك هتاخد أفضل أداء مع تبريد مميز و أفضل كاميرا خلفية بأوسع عدسة F/1.4 مع مثبت بصري و أرخص مساحة تخزين 256 جيجا بايت مع 8 جيجا رام و بطارية قوية 4000 مللي أمبير. العيوب اللى ممكن تخليك تبعد عن الهاتف دا الشاشة ال IPS LCD اللي ممكن متحبهاش فى الفئة السعرية دى و عدم وجود منفذ 3.5 ملم للسماعات. موجود بردوا هاتف Honor 20 العادي اللى متشابه جدا معاه و بنفس المعالج و لكن بدون خاصية التبريد الجديدة و بمساحة 128 جيجا بايت مع 6 جيجا رام و فتحة العدسة فى الكاميرا الأساسية F/1.8 و بدون تثبيت بصري و بطارية 3750 مللي أمبير مع نفس الشاحن السريع و سعره 7500 جنية وهو اختيار مميز في فئته السعرية . سعر الهاتف :-

سعر الهونر 20 برو هو 10499 جنية مصري للنسخة الوحيدة 256 جيجا بايت مع 8 جيجا بايت رام.