#مذاكره

[t-redo]

يعني ما كان في 3 ايام قبل الماده حبكت رقبتي تتلوي النهارده..

[alashrafedu]

إعرف علاقة كل برج بالمذاكره - برج العقرب موس مذاكره

[ibrahimshoukri]

خطتي الفترة الجايه المرة ده بجد السبع شهور الجايين هذاكر شهادة مذاكره من حديد، بعد ال ٧ شهور هدور علي الحب

[3-zooooooz]

مساء الخير، انهارده أول يوم مسكت فيه شغل رسمي حنان قالتلي " انتي مش مسموحلك تمشي من هنا غير لو اتخطبتي بس، غير كدا لأ " حبيبتي يا حنان تسلمي🙂. حنان دي بقى عسوله قوي وغلبانه جدا حبيتها من اول يوم روحت فيه المكان دا، ربنا يراضيها ويجبر خاطرها يا رب .

ع��ى قد بقى ما اليوم كان زحمه ما شاء الله على قد ما حسيته لذيذ ومعدي بسلاسه كدا ومن غير اي غلط او مشكله الحمد لله .

يومين ثقال قوي ياض يا تمبلر ربنا يعديهم على خير ويسترها معانا، عايزه ابقى ابدأ في مذاكره ترم الدبلومه دا علشان انا بستهبل بصراحه وكدا مينفعش والله .

وبما ان خير الكلام ما قل ودل_ دا لو اعتبرنا ان يعني الكلام العشوائي دا ممكن يدل على شئ_ نكتفي بهذا القدر اليوم .

-لا نوم ولا دمع في عنيَّا .. مخلاش الفراق فيّا

نسيت النوم واحلامه .. نسيت لياليه وايامه

وبين الليل وآلامه .. وبين الخوف واوهامه

بخاف عليك .. وبخاف تنساني 🤍

[stella-sirius]

ذاعوا في الجامع في صلاة العصر ان في مسيرة تأييد و دعم لأخوانا في غزه و فلسطين قولت لازم أنزل .. عليا امتحان بكره قومت واخد اللاب و الكتب معايا قولت هقف معاهم اهتف و اشفي صَدري شويه بعدين اكمل مذاكره بره ..

روحت المسيره والعدد كان كبير فوق الخمس ألاف و الهتاف كان صادق ، رجال و نساء و أطفال و الكل بيهتف بحرقه..

نكتشف إن المسيره من تنظيم الأمن و إن المسيره معموله علشان يتقال إن الشعب نازل يأيد و يفوض الرئيس و يعملوا الترند بتاعهم و إن بين المتظاهرين موجود ظُباط و مخبرين ..

بعد ساعه من الهتاف انسحب بعد ما حسيت بالقرف شويه و إن إحنا دايمًا بنخدم أجندات و إن أحنا عرايس و إن إحنا فعلًا مكتومين و صوتنا مهما عِلي و إنشرخ ف هو مبحوح..

الناس كانوا حقيقين و الهتاف كان حقيقي و النصر قر��ب

🇵🇸🇵🇸

[mr-wolfenstein]

Day 15

Survival mode is on...

كالعاده نوم ٣ ساعات بس عندنا target لازم نحققه.

مفيش حاجه اسمها معنديش حاجه اخسرها. انا معنديش استعداد ابطل سعي و مذاكره بعد الشغل و جري.

معنديش استعداد اكون شخص بلا هدف او عزيمه او مكان عاوز اوصله

I Always Fight. I Don't Want to Stop Being Best Version of Myself Everyday...

[iaiiil]

توي اصحى من النوم ٢:١٥ صباحاً والبيت كله نايم و وراي مذاكره وبعده اختبار بس قررت اسوي لي بسبوسه لان حسيت الاجواء تطلب ذلك

[zeinab-khattab]

السلام عليكم ورحمة الله وبركاته

الجمعة المغرب ....

ليلة 27 رمضان

وماأدراك ماليلة 27 رمضان !!!

أخطر وأهم ليلة في السنة..

وقد تكون حسب همتك أفضل وأسعد ليلة في حياتك

هنحط مع بعض برنامج بسيط وخفيف وقابل للتطبيق لليلة دي...

الليلة هتبدأ من المغرب لحد الفجر تقريبا 9 ساعات ...

متخيل 9 ساعات في السنة يغيروا حياتك!!!

عشان كده عاوزين فعلا نُري الله مننا خير في الكام ساعة دول

وعشان كده من أذان المغرب تكون مستعد/ة

ومهم جدااا ...

تنجز مشاويرك قبل المغرب

وللبنات...

تنجزي أي حاجه تقدر تعمليها في أعمال البيت بالنهار وتبقي فاضية من المغرب

👈أهم حاجه تستقبل بيها الليلة دي قرار بالتوبة من الذنوب..

عهد إنك مش هترجع للذنب ده تاني ....طيب لو مش قادر؟؟!

ادعي ربنا إنه يعينك على القرار ده

ده أهم حاجه تستقبل بيها الليلة دي التوبة والدعاء إن ربنا يعينك عليها

👈البرنامج يبدأ من صلاة المغرب تصلي جماعة للرجال وفي أول الوقت للبنات وتفطروا وترجعوا سريعا للمصحف

👈الأدعية لازم تكون جاهزة ومن أول المغرب لسانك شغال مش بيقف ..

بالذااااات

(اللهم إنك عفو تحب العفو فاعف عني اللهم أعتق رقبتي من النار)

👈هتصلي العشاء وتبدأ تصلي قيام

💦الرجال ....في المسجد طبعا

💦البنات ....لو قدرتي تنزلي المسجد يبقي ممتاز جداااا

ماقدرتيش تنزلي المسجد..

يبقى هتصلي في بيتك على قد ماتقدري ركعتين ركعتين وتفضلي قاعدة في مكانك متوضية مستقبلة القبلة بتدعي وتصلي وتقولي أذكار وهكذا ...

👈صلاة القيام بتبدأ من العشاء لحد الفجر ..

تعبت من الصلاة تدعي خلصت دعاء تقول أذكار

واهم واخطر وقت في الليلة هو الساعه الاخيره قبل الفجر...

هي اصلا ف الايام العاديه مهمه

مابالك ف رمضان وكمان العشر الاواخر

وكمان ليله 27 رمضان !!!!

👈طول 9ساعات... مفيش نت

👈 لا للاشعارات

👈 لا للفيس و الواتس

👈لو طالب/ة وعندك مذاكرة .....

👈معلش ضحي بالمذاكرة الليله دي

👈مش مهم مذاكره الليلة دي مجتش عليها

👈لو وراكي بيت تنضفيه ....

معلش مش لازم ترويق وتنضيف الليله دي

هما 9 ساعات وبعدها اعملي اللي انتي عاوزاه

👈لو انتي حائض... ولا يهمك

عندك كنووووز تقدري تستغليها بس ركزي...

▪︎الدعاء ..(استقبلي القبلة وادعي كتييير بكل اللي عاوزاه )

▪︎اقرأي قرآن من موبايل

▪︎الاذكار (كتاب أذكار خلصيه كامل ماانتي مش وراكي صلاه)

▪︎اياكي الشيطان يحبطك

بالعكس .....

انجزي ف الدعاء والأذكار وقراءة القرآن

👈👌ماتنسوووش وانتوا بتدعوا....

تدعوا لنفسكم بخيري الدنيا والاخره

وادعي لأهلك ،وامتك ، وبلدك

《اطلب كل اللي نفسك فيه》

بس ماتنساش أهم دعوتين..

《اللهم انك عفو تحب العفو فاعف عني》

و

《اللهم اعتق رقبتي من النار》

[thespeakingout]

Dear future husband.. مبدئيا كده إنت موجود ؟alive يعني؟ في أمل نتجوز ؟ ولا هكمل حياتي لوحدي ؟.. بس إن شاء الله إنت موجود و متأخر بس.. إنت متأخر عليا ليه يسطا ؟ الأول كده برضو إنت عارف إن عيد ميلادي يوم التلات بعد بكره و هكمل ٣٠ سنه ؟.. ينفع كده متبقاش معايا ؟ عارف ؟أنا الصراحه عمري ما كنت أتوقع إنك متبقاش معايا لحد دلوقتي.. ماما من وأنا صغيره كانت بتقولي الجمال ده مينفعش يتساب و كده و أصحابي لما كبرنا و دخلنا الكليه و بدأنا نتكلم ف الجواز كانوا بيقولولي يابخت إللي هيتجوزك و هياخد القمر بتاعنا و هيشوف آحلى دلع و رومانسيه و كلام من ده و زمايلي ف الشغل برضو بيقولولي يابخته بيكي و اتقالي أنا لو مكنتش متجوز مكنتش هسيبك و بيحسدوك عليا يا سيدي وكان بيجي عليا وقت كنت بخاف عليك من كلامهم فعلا 😅..

عارف ؟ بيقولوا عني شخصيه حالمه و بيلوموني على كده.. ده لأني بس بحلم أعيش fairytale معاك ويابنتي الاحلام إللي ف خيالك دي مش موجوده.. مع إن أحلامي عاديه و عادي تتحقق و تتعاش..

عارف ؟أنا مختارتش الناس إللي هعيش معاهم لما اتولدت ف حياتي الأول��.. بس كنت بحلم بالشخص إللي هعيش معاه حياتي الجايه.. إنه يبقى شبهي و يبقى فاهمني.. ف أنا عاوزاك تفهمني و تقراني صح.. ملكش دعوه بنظرة الناس ليا.. عاوزاك تبقى دايما معايا على طول الخط.. دايما ف ضهري و شايف إني صح و بتدافع عني قدام أي حد حتى لو أنا غلط.. إللي هوا ساره براحتها تعمل إللي هي عاوزاه.. عاوزه ليفل الدلع و الدعم ده.. عاوزه أبقا واثقه و متأكده إنك ف صفي لأخر العمر.. اجري عليك احكيلك واقولك أي حاجه من غير خوف ولا أي اعتبارات..

عارف ؟أنا ناس كتير من إللي كنت بعتبرهم أقرب ناس ليا على مدار مراحل عمري خذلوني و قلبي اتوجع لأني بواجه الحياه ب قلبي.. ف أنا عاوزاك متبقاش زيهم.. عاوزاك تبقى حنين عليا و تبقى باقي عليا ومتسبنيش زيهم.. عاوزه أقول زي دوللي شاهين * وإنت حنين عليا حتى ف لمسة ايديا.. لو تطلب عمري كله يا حبيبي عليك شويه * 🤭

عارف ؟ إن تأخيرك ده يا بيه بيقلل من السنين إللي هنعيشها مع بعض ف بيت واحد ؟.. ف الخلفيه انغام بتقول *يااااه لو أعيش معاك باقي الحياه و ف حضنك عمري أكمله *.. عاوزه اقولك إن أكيد فايتك كتير 😌 أو فايتنا كتير.. مانا أكيد محتاجه وجودك زي مانت محتاجني.. أكيد حياتنا هتبقى آحلى و أمتع و ألذ لو إحنا سوا.. زي ما انغام بتقول برضو * و ليه مانعنا نعيش حياتنا و حبنا *..

عاوزه اقولك برضو إن ساعات بديلك مبرر لتأخيرك واصبر نفسي وأقول على ما أقرب أخلص الشهاده إللي بعملها عشان أتفرغ و أبقا فاضيالك و أعرف أخد بالي منك ومبقاش مشغوله عنك ب حاجه بحكم طبيعة الشغل.. بس دلوقتي أنا قدامي سنه بحالها فاضيه أهي يا عم من غير مذاكره؛ مش المفروض تستغلها بقا و تجيلي نقضيها خطوبه و تجهيزات جواز ؟..هو ده وقتك يا بييييه.. عاوزه اقولك إن دلوقتي أي حد بيكلمني بيكلموني عن السفر بقا و فلوس وبتاع و أنا اتجرأت و بقيت اقولهم لا أنا هتجوز الأول و بعدين نسافر سوا أو نشوف الكلام على إيه.. مع العلم يعني إني بتكسف أتكلم عن الحاجات دي مع أي حد..

عارف ؟ أنا يمكن مبقعدش أقول كلام ملزق إللي هوا بيبي و قلبي و كبدي و أمعائي و كده بس إنت هتبقى عارف و متأكد من حبي ليك لأن هتشوف ده ف أفعالي زي ما بعمل مع بابا وماما.. هتشوف ده ف خوفي عليك و ف غيرتي عليك و ف اهتمامي بيك..

عارف ؟ عاوزاك تبقى عارف إني شخص حقيقي مبعرفش اتلون و ملييش ف اللف والدوران ومبحبوش بحب الدوغري كده و تعبت من games.. عاوزاك تبقى حقيقي معايا ف كل حاجه..

عارف ؟ أنا حياتي دلوقتي بقت فاضيه ومعدش ليا أصحاب ف إنت هتبقى كل حياتي *أغنية عمرو دياب إللي كنت عاوزه ارقص عليها سلو ف فرحي لما نزلت *.. ف محدش هيشغلني عنك.. وااه متخافش مش هخنقك لأني عارفه إن الرجاله مبتحبش الخنقه و لأني متعوده إني لوحدي عادي..

عارف ؟ أنا وعيت ع الدنيا لقيتني بجري و شايله مسئولية نفسي و لحد دلوقتي الحياه فارضه عليا إني أبقا متماسكه و قويه ظاهريا.. قبل كده الناس كانوا شايفين إني كيوت و كده و بعد ما إشتغلت شايفين إني جامده و مش محتاجه حد و الرجاله بيخافوا... بس الاكيد إني محتاجالك معايا.. وأني من جوايا شخصيه needy جدا.. مش لأني مبعرفش اواجه الحياه أو عشان حد يصرف عليا ولا الكلام ده.. ده هيحصل كده كده 😂.. بس الوجود المعنوي إن إنت موجود علشاني أنا و بس always & forever .. إللي هوا أنا معاك عشان أنا عاوزه أبقا معاك.. وأنا معاك بقا عاوزه أحس بكوني أنثي ف ضل و حماية راجل.. عاوزه أعرفك إني بحترم جدا و مؤمنه ب إن " للرجال عليهن درجه" ومش competitive أبدا.. إللي هوا يسطا شيل مسئولية البيت ده و شيلني معاهم 😂..

عارف ؟ إنت المفروض متتأخرش آكتر من كده عشان محدش يلعب ف دماغي و يقنعني ادخل ف حوار MD ده لمصلحتك قبل مصلحتي والله 😂.. وأنا أصلا والله طموحي واقف عند إني أخلص الماستر و الزماله و الشغل هيقتصر على إني أروح المستشفى ك اخصائي أمر ع الحالات و أروح البيت وافوق ل جوزي و بيتي و عيالي و ادخل المطبخ و ده يبقى مكاني إللي بخترع فيه الاكل اللذيذ بتاع اسرتي إللي بحبها.. لحد ما العيال يكبروا و أموت وأنا كده أبقا قضيت رسالتي ف الحياه ك زوجه وام و دكتوره..

عارف ؟ بشوف الكابلز و بيتحكالي عن الحاجات إللي بيعملوها سوا و أنا بتمنى إن يجي اليوم إللي أعيش فيه المشاعر الحلوه دي زيهم..

عارف ؟ بالرغم من احتياجي و تطلعاتي إلا إني ملجأتش للعلاقات العابره إللي أعيش فيها إللي عاوزاه وخلاص إللي بعده لأني مكنتش عاوزه أبقا مستنزفه.. وبرضو لأن مشاعري مش م السهل تتحرك لأي حد..

عارف ؟ قلة الحيله لما تبقى أحلامك وامنياتك عاديه و الناس بتعيشها عادي وإنت مش عارف.. عارف لما تسأل نفسك بكل الألم والحزن طيب وأنا ؟

أنا طولت ف الكلام.. بس أنا بقالي ساعات بفكر ف الكلام ده وسط دموع أمنيات و رجاء و ألم و حزن وقلة حيله .. ف ياريت متتأخرش عليا آكتر من كده..

[persephoneeisback]

بعد ما تخلصي مذاكره خالص تبقي تفهميني ال business analysis ضروري

هتدفع؟

[deep220]

أكتشفت بأن بيني وبين النسكافيه علاقة عميقة وذكريات أيام المراهقة كل لحظة حلوه جمعتني فيه وصباحات الشتاء وأيام الدراسة معن كنت اشربه من هنا على ساس اني أواصل مذاكره بلقاني فقدت من هنا ألم كل كتبي واتلحف وانام وماكنت أكمل باقي الكوب ماما تموت ضحك عليا البارحه عملت كوبين وفقدت حسيت اني باقيه على ديك الأيام شعور جميييل ومن يوم ماقمت وانا قاعده اشرب فيه 🤦🏼‍♀️😂🤦🏼‍♀️♥️♥️♥️

[masterpieceeeee]

يعني عشان مذاكره الامتحان ميجيش

[anyway94]

مدربه وحيدة في الجيم احب اتمرن معها. لانها وهي تتمرن اذا تلاقت اعيننا تبتسم، وتحفزني لما اوقف متعبه وتناظرني بعصبية وانا لا اشكي بل اضحك واكمل وانا اوشك اسقط فجأة والاكيد انها ماهرة وحتى في اليوغا تظهر مرونة جسمها بشكل رائع وانا اتماشى معها. اتذكر المرة الاخيرة في كلاس يوغا مع مدربة اخرى تعرف باليوغا اكيد اقل مما انا اعرف لما خلصنا كنت بكلمها بجدية ان تعدل عن اليوغا وتدرب تايكوندو.. اما مدربتي الحبيبة..الفاهمة. مركزة. واحيانا ممكن تكون مذاكره كثير. وما جعلني اذكرها الان هو تهربي من التدريب عشان استلقي اكثر! لكنّي لما كتبت الان وذكرت فضائلها.. نجح التاثير على نفسي وتحمست اقوم .. البس الشوز.. انطلق كما لو كنت محاربة. صباحوو بالمناسبة.. وللشمس: اهلاً من جديد

[bythe-c]

البني آدم كل ما بيكبر، كل ما بيفهم، كل ما دماغه بتوجعه..

كل ما بيفهم أكتر هوا محتاج إيه من الدنيا..

و كل ما بيلاقي إجابه مقنعه للسؤال بتاع: إحنا عايشين ليه؟ و بنتعب لمين؟ و بنحوش فلوس ليه؟ و هل كل الحياه شغل و مذاكره و مناقشات و مشاريع؟ ولا إحنا فعلاً مضحوك علينا؟

كل ما الإنسان بيكبر أكتر، كل ما نظرته بتختلف أكتر عن الدنيا اللي عايشها، و المتطلبات اللي محتاجها (أو اللي كان فاكر إنه محتاجها، بس هوا مش محتاجها ولا حاجه).

- اللهم لا تزد لي من الدنيا فأطغي، ولا تقلل لي منها فأنسي، فما قل وكفي، خيرٌ مما كثرَ وألهي.

[hopa01]

كفاية مذاكره ساعتين النهاردهه

[stella-sirius]

الدكتور بعتت علي الجروب ان النتيجه طلعت، انا : نتيجه !، نتيجة ايه ! ، هو احنا مستنيين نتيجه ؟.

اتصلت علي صاحبي ؟. يبني هو احنا مستنين نتيجه ؟. قالي اه ال��رم الاول.

انا : وه !!!

بصيت علي النتيجه علي الجروب لقيت اسمي محجوب

انا : هو انا كان عليا مصاريف مفروض تندفع ؟.. روحت مكمل مذاكره بقا و مشغلتش بالي.

سلسله من التعجبات والله و التساؤلات انه متي نبت في وادينا كل هذا البرود و عدم الاكتراث و التايم لاين عندي كله مبروووك و الحمدلله و لووووولوووولي و عقبال عندك يا ام عمر .

انا لو عايز النتجيه هروح ادفع ال ٦٠٠ جنيه بكره و اجيبها بس بفكر استني لحد لما اخلص الامتحانات الاسبوع الجاي