#كافيين

[downfalldestiny]

أنتِ والكافيِين، كافيِين ☕🖤 !.

[randjaberr]

Caffeine Addiction!

[m-78629]

100٪

في الصباح الباڪر سنندم انا وانتم على سهرنا هذا😩

[lsd-l]

[fozdoaa]

Current mood

انا مركز معاك بس قول اخر حته تاني كده

[dodo-kak]

قهوة نواة التمر بدون كافيين طبيعية 250غ للبيع على الأنترنيت في المغرب ب 39 درهم

[shorook]

بعد شهر ونص من عدم شرب أي كافيين نرجع تاني👍🏻

[deedeee-posts]

انتَ والكافيين ....كافيين

[sarrah]

يومي مش راضي ينتهي! وأنا راضية لو هيفضل مكمل بالحلاوة دي، ومقصدش بيومي يوم ٢٣/١١ بس.. تؤ، أنا صاحية من يوم ٢٢ ومطبقة وداخلة في يوم ٢٤ أهو ولسة منمتش ومش عارفة هعرف أنام ولا زي امبارح هكمل لبكرة، وبكرة يوم آخر مثل اليوم وسابقه، كنت موفقة انهاردة بشكل عالي الحمدلله وربنا كان مسخرلي عباده الطيبين، يارب دا يكون علامة رضاك عني، اللهم إنك عفو تحب العفو فاعفُ عني

تعب شديد على فرحة شديدة -علشان شوفته في مكاننا وكان بقالنا بتاع أسبوع لا عارفين نتكلم ولا نتقابل واحنا الاثنين مطحونين طحنة ما يعلم بها إلا ربنا- لدرجة إني مشربتش قهوة أسكن بيها تعبي علشان أعرف أنام! مفعول لقياه كان كافي يحل محل مفعول القهوة 🤷🏻‍♀️ لأ وإيه؟ مُسدد ابن الإيه! الولد دا موفق بشكل غريب في إنه يضع يده على مفضلاتي ويختار المقربات لقلبي بدون أي سابق معرفه في كل شيء تقريبًا! سبحان الله، ربنا يديمها نعمة ويحفظها من الزوال ويوفقه دايمًا ويوفقني زيه، يستحق يا سارة، بيحققلك أنتِ اسمك! وبيعودني على الابتسام، وأنا عمري ما كنت مبتسمة كدا لوحدي عالدوام! وخصوصًا البسمة البلهاء دي، وإني خائف وعلى وشك الغرق فـ يا صبر أيوب ويا ملهم الصبر صبرني كمان الشوية دول وارحم ضعفي 🫠 والأهبل -اللي هو أنا- مبقيتش أمه بس اللي عارفاه، تؤ، بقت أمة لا إله إلا الله كمان بسبب وجهه المبتسم بالساعات دا!

بابا قالي إن حاجتي متيسرة أكثر من أخويا، وبجد دي الشهادة اللي أنا كنت منتظراها بفارغ الصبر، رغم إن أخي تزوج في مدة أقل من مدتي بكثير، ودا اللي كان مضايقني، علشان نظريتي بتنص على إن كل ما الوقت قل كل ما البركة زادت، لكن هعتبر شهادة بابا وحالتي استثناء جميل وربنا يجعلنا مباركين أينما كنا 😌

أنا لازم أنام علشان هصحى بعد ساعتين ثلاثة، أينعم مش كافيين، بس أنا في قمة راحتي النفسية بغض النظر عن متاعبي الجسدية، وبدأت أدخل في مود العروسة خلاص، وأروق أكثر وأكثر، الحمدلله لا أحصي ثناءً عليه هو كما أثنى على نفسه، والله لا يضيعني الله ✨

[stella-sirius]

استيقظ بعينٍ حمراء.. استيقظ و علي جانبي عيني غماص أكثر من اللازم .. استيقظ متأخرًا .. استيقظ غير مباليًا باليوم.. ما الذي سيحدُث، يومًا آخر بغير إنتاجيه جيده؟، حسنًا ما المانع لننتظر يومًا أكثر إشراقًا ..

لم يكن هذا أنا و لم تكُن هذه كلماتي يومًا.

احاول أن أتهم برودة التكييف في العين الحمراء. آه ما ألعنها هذه البرودة التي تسللت عبر جِفني الرقيق و هيجت شعيراتي الدموية - الأكثر رِقه و دِقه - و أحدثت كل هذا الحَمار، الذي قد يتهمك فيه أحدهم فيه أنك مُدمن كافيين و سهر ..

ما الذي حدث للإستيقاظ في الثامنه!، أين ذهبت ساعتي البيولوجيه التي من كُتر إحتفاظي بالروتين تخليت عن المنبه لأني جسدي أصبح يعرف الآن!

لماذا اصبحت اكثر تساهُلًا في عملي و في دراستي و اصبح القليل - الذي لم اعرِفه يومًا - هو سِمة يومي و ما احاول التشبث به حتي لا أصير عدميًا ..

يُخبرني الناس أني نور. بريقًا لامع يثور في وجه حُبيبات الظلام ف ينثُرها في الهواء ف تسقط علي الأرض لأطوئها بقدماي.

من اطفئ جمرتي. ما آكل وَهجي.

لا شيء أتمسك به سوي الإيمان و أن ربي لن يُضيعني..

[tt-92]

متطلبات الحياة من سن ال 30

فيتامين ، كافيين ، فولتارين .. 😁

[vincaros]

امبارح كان اول امتحان ليا واصعب مادة وخلصته على خير الحمدلله رغم التوتر والخوف اللي بحاول مخليهمش يستحوذوا عليا لاني اوريدي مستنزفة ومش عاوزة الجزء الصغير الباقي مني ومن عقلي يروح في نوبات هلع

مروة ونسمة والاء كلموني بعد الامتحان يتطمنوا عليا وممتنة لوجودهم جدا ودعاءهم ليا وانهم افتكروني وافتكروا يوم الامتحان ويعني حقيقي انا محظوظة بيهم جدا

امبارح رايحة اختم ورق البطاقة من الكلية عشان اجددها واللي شغال في الشئون قالي: "بقالك ٤ سنين في سنة تالتة؟ ناوية تكملي معانا اكتر من كده والا ايه؟" معرفتش ارد غير بابتسامة باردة وقولتله ان شاء الله اخر سنة في تالتة .. كنت عاوزة اعيط لانه رجعلي افكاري اللي بحاول اتجاهلها .. بحاول اخرج صوت اهلي من دماغي اللي كلمتهم قبل الامتحان بيوم وكانوا بيلوموني اني اتأخرت في الكلية "كالعادة يعني" .. بحاول اتجاهل الصوت اللي بيقولي انتي فاشلة .. فضلت اسأل حالي طول الطريق بعد الامتحان ليه الانسان يقول لانسان تاني شيء سلبي ومحبط زي ده؟ ليه يقوله كلام مؤذي وهو ميعرفش وضعه وحاله وممكن جملته دي تعمل ايه؟ فضلت احمد ربنا اني مش زي الناس دي وده كفاية جدا .. بقولي ارجوكي مش وقت تكوني حساسة فيه

حاسة باحباط وخمول شديد بقالي كام يوم بحاول احاربهم ومش عاوزة ارجع اشرب كافيين كتير رغم اني دخلت كوباية قهوة تانية وسط اليوم .. وكده بقوا كوبايتين قهوة

الشمس مبقتش كتير وحاسة اني عاوزة اختفي او اقعد اعيط بس مش عندي حتى رفاهية العياط

كريم بيساعدني جدا الفترة دي وممتنة لوجوده هو وباسل في حياتي لاني منغيرهم مكنتش قدرت اصمد كل ده لحد دلوقتي

بحاول اخرج كل الاصوات .. السنة اللي فاتت قدرت اتصالح مع تأخري في التخرج وتقبلت الموضوع.. بس ليه الناس مش بيتقبلوه؟ ليه لازم يرموا تعليقات؟ انا تعبت بحاول اصمد والله وكل مااقنع نفسي ان رأي الناس مش مهم وكلامهم مش مهم بتيجي كلمة لو جملة ما تحطم الايجو بتاعي .. بس مش مشكلة بحس ان الحياة لازم تهينني شوية عشان اكون اكتر رأفة وانسانية! "يخربيت المازوخية اللي بقيت فيها"

بس لا مش هرد ع الاسئلة دي ومش هسألها تاني عشان دول بشر والبشر مش شرط يكونوا ملايكة وطيبين وطبيعي تحصل منهم السلوكيات دي .. فمتهتميش ارجوكي

[ansafrasha]

بشربوا اي بديل النسكافيه؟

حاجة بلبن بردو ومش كافيين

[yooo-gehn]

نقاشات السوشيال ميديا ليها سلبيات كتير، أكبرها الإحساس بالانتصار الفوري الزائف على الخصم، وإصدار الأحكام القطعية السريعة على الناس من معطيات محدودة جدًا، وكأن سعة انتباهك لما بتتضاءل وتتقلص بتجبرك تحكم بدل ما تفكر، أنا حطيت عليه، أنا قصفت جبهته، ده عيل سيمب، دي ست مهبوشة، ده خاين ده عميل، تصنيفات وأحكام بالجملة، وبسرعة، وبأكتر طريقة توهمك بالانتصار. والانتصار الوهمي بيحصل وكأنك متسابق ماراثون قرر إن خط النهاية في المكان اللي هو اختاره، بدل ما يجري فعلاً السباق لآخره بكل ما يتطلبه ده من مجهود أكبر، وإدراك أصلا بمكان خط النهاية.

إصدار الأحكام طريقة بائسة للانتصار لفكرتنا، سواء في الواقع أو السوشيال ميديا، لكن السوشيال ميديا فيها مساحة أكبر لأن الأحكام دي تؤخذ ضدنا، لأن كل شيء مسجل، كل شيء محفوظ، كل شيء يمكن الرجوع ليه والنظر ليه بصورة أشمل، والحكم عليه بنفسك بدلاً من الاعتماد على الرواية المنحازة لصاحب الشأن.

أنك تقرا فكرة كفرد معناه أنك قعدت تفكر فيها وتوزنها بميزان العقل، لكن أنك تسمع فكرة في خطبة بتشحنك عاطفيا وسط جماعة، معناه أنك واقع تحت سطوة ما يتقبله هؤلاء الجماعة حتى لو كان ضد المنطق والتفكير السليم. عشان كده مثلا مفيش كتب لوحدها قادرة تحولك لداعشي شايف إن دبح الكفار فضيلة. لازم شحنك عاطفيا ضد الكفار ولازم تحس أنك وسط جماعة مؤمنة بدبحهم. وكل ده مش موجود في نقاشات السوشيال ميديا إلا بصورة مخففة مالهاش نفس التأثير.

وعشان كده أفضل ميزة في نقاشات السوشيال ميديا أنها بتحط الفكرة في المركز. بتديلك الحرية أنك تبطل تحسس على كلامك زي ما بتعمل وأنت بتناقش أبوك أو مديرك أو عمتك أو خالتك أو حتى سواق التاكسي، دي نقاشات محكوم عليها تنتهي من قبل ما تبدأ، أو بصيغة أخرى، معروف نهايتها فين، هاشتري منك ومش هابيعلك حاجة، لأننا مش هانضحي بعلاقاتنا بالناس ومصالحنا معاهم وصورتنا قدامهم عشان أفكار إحنا حاسين في قرارة أنفسنا أننا مش هانقدر نقنعهم بيها، ومش هاتجيب لنا غير المشاكل ووجع الدماغ.

سواء لأنها صادمة أو لأن كل واحد دماغه مريحاه أو لأن معظم الناس لا تبذل مجهود في التفكير أصلا، وبيستخدموا الثوابت والأعراف والمسلمات بالظبط زي ما بتعمل فولدر جديد وتسميه نيو فولدر. مجتمع النيوفولدر يتخانق معاك لو سميت لهم الفولدر بجد. ولو دخلت مستشفى المجانين لقيتهم كلهم لابسين حلل فوق دماغهم، من العبث محاولة إقناعهم في التو واللحظة إن الحلة دي بنطبخ فيها. أنت بتمشّي أمورك وبتاخدهم على قد عقلهم وبتقولهم الله الحلة شكلها يجنن عليكوا.

أصل يعني إيه تقولي رأي مخالف للبرمجة العقلية اللي اتبرمجت عليها من صغري؟ يعني إيه تقولي فكرة عكس العقل الجمعي؟ هوب هوب أكيد أنت المشكلة مش أفكاري. أكيد أنت متآمر على ثوابتي. عارفك يا عدوي. أي حاجة تخليني أحكم عليك أنت بدل ما أفكر في رأيك بشكل موضوعي.

وبتيجي السوشيال ميديا تغير قواعد اللعبة تمامًا، مفيش حاجة اسمها إن هيبتك أو منصبك أو كاريزمتك أو مكانك في الأسرة أو مركزك المادي أو وجاهتك الاجتماعية كافيين لإخراس الناس والتأثير عليهم وإقناعهم بفكرة مليانة ثغرات وعيوب. الدكتور اللي ممكن يسكتك في عيادته مايقدرش يسكتك ولو في بوست حقير، لأنه لا يملك ساعتها إلا حروف وأفكار لازم يكونوا مقنعين. وكلامه لم يعد يقتصر على دايرة معارفه اللي بتهلله وتطبله.

البنت الحلوة اللي بتقول كلام فارغ وناس كتير تعبر عن إعجابها بيه، بيفضل البوست بتاعها محفوظ في ذاكرة الإنترنت لعيون الناس اللي تخليها تشوف بنفسها إن البنت بتقول كلام فارغ ودول ناس حابين البنت مش أفكارها. صورة شاملة لما قدرت تشوفها ساعدتك تكوِّن حكم أشمل. وطبعًا مش الكل بيعمل كده، لكن نسبة القادرين على كده بتزيد، وطبعا من البديهيات إن مش كل بنت حلوة بتقول كلام فارغ.

الخلاصة أننا دايمًا بنتكلم عن عيوب نقاشات السوشيال ميديا، لكني بحس إن مفيش حد مقدر إن السوشيال ميديا برغم كل عيوبها، لازالت قادرة على محو جميع أشكال الابتزاز الفكري الضمني اللي بيحكم نقاشات الواقع.

أقدر أختلف مع كلامك من غير ما أتحرم من المصروف، من غير ما أتحبس في البيت، من غير ما أتنبذ أو أتضرب أو أتهان، من غير ما أخاف تديني خدمة سيئة أو تسوء سمعتي، ولو تجاوزت حدودك أو حسيت إن مفيش أمل فيك، أقدر أعملك بلوك وأمحي وجودك المزعج من حياتي، وعندي مساحة اعتراض على أفكارك أوسع ألف مرة، وأنت ماتقدرش تطردني من البيت أو الشغل أو حتى المجتمع كله، لأنك في ميدان السوشيال ميديا لازم تدافع عن فكرتك بمعيار فكري موضوعي مش بهو كده وخلاص وماتردش عليا يا كلب ولو مش عاجبك اطلع برا.

والميزة دي لوحدها أتاحت الفرصة لناس كتير يعبروا عن امتعاضهم اللي ماقدروش يصرحوا بيه في واقعهم، قللت حجم الخسائر في النقاشات وبالتالي شجعت الناس يخوضوها أصلا، بل أنهم حتى يسمحوا لنفسهم يفكروا خارج الإطارات المسموحة ليهم في محيطهم، السوشيال ميديا أبرزت عوار أفكار وثوابت كتير بطريقة كانت مستحيلة زمان بدون السوشيال ميديا، ولم تحدث من قبل إلا في أوساط النخبة والمثقفين. إليانور روزفلت ليها جملة عظيمة بتقول إن العقول الصغيرة تناقش الأشخاص، والعقول المتوسطة تناقش الأحداث، والعقول العظيمة تناقش الأفكار. الواقع بيدربك وأحيانا بيجبرك على مناقشة الأشخاص والأحداث من غير ما تلحق تاخد نَفَسَك. لكن السوشيال ميديا بتقدر تبطّأ الوتيرة وتتيحلك فرصة مناقشة الأفكار والاشتباك معاها. حتى لو بتعثر وتخبط. وده زود نسبة الناس اللي عندها استعداد تشوف الأمور من وجهات نظر مختلفة، ولأن إحنا عايشين في مجتمعات أزمت��ا فكرية وثقافية وتعليمية، دي ميزة لا تقدر بثمن.

[lsd-l]

23.oct.24.

[fozdoaa]

وانا فى الشغل انهارده هاشم كان بيشرحلى حاجه فأنا هبطت منه وفصلت طلعت شنطتى لقيت ماما حطالى بلح اللى هو الكبير الأورانج ده قولت فى سري وهو التمر قصر معاكى فى حاجه ياماما بس لما ارجعلك ،هسيبه ؟ لاءه طبعا عزمت عليه قال لاءه فانا بدات أكل واهزله راسي قال يعنى مركزه معاه بس انا فى الأصل كان كل تركيزي ازاى اكل البلح من غير صوت الخششش والقطم علشان الفضايح😂

انا قولتلكم ان ماما عملتلى يانسون فى الثيرمال بدل النسكافيه ؟

اكلتنى وشربتنى على مزاجها انهارده متخيل احباطك وانت مطلع تضرب كافيين تلاقيه يانسون؟