#صوص

[lifejourneysposts]

Honey-Sriracha Sauce - Chili Pepper Madness

مكونات

1/2 كوب صلصة سريراتشا

ربع كوب عسل

1.5 ملعقة صغيرة من صلصة الصويا أو استخدمي ما يصل إلى ملعقتين كبيرتين حسب الرغبة

1 ملعقة كبيرة خل الأرز أو استخدمي عصير الليمون

ملعقة صغيرة من مسحوق الثوم أو استخدمي 2 فص ثوم طازج مفروم

ملح للتذوق

2 ملعقة كبيرة زبدة

[egyptmap]

كريم كراميل

طريقة عمل كريم كراميل

طريقة عمل الكريم كراميل

[lost-30-years-of-nothing-lol]

Made With Love ❤️

[chefmostafa]

طريقه عمل صوص الكريز Cherry sauce Recipe

[jaunerevee]

Pasta’s day 🍝🤭

المكونات

باستا ( اي نوع ) انا استخدمت egg noodles

نص علبة كريمة طهي

توم

اي نوع جبنة (رومي/موتزاريلا/بارميچان)

حوالي ٤٠٠ جرام طماطم صغيرة

فلفلتين چوليلن

خضار -حسب الرغبة-

ك فراخ ( يفضل اوراك او شيش او دبابيس)

ربع كوباية لبن

الطريقة

الاول خالص هنتبل الفراخ

فلفل اسود - ملح - معلقة ص قرفة - معلقة ص جنزبيل - كوباية زبادي - بابريكا - صويا صوص - اي حاجة بتحبوا تضيفوها تمشي مع التتبيلة دي ممكن شوية صوص باربكيو .. او تتبيلة باربكيو

تاني حاجة

هنغلي المياة وننزل فيها الباستا ونعملها وبعدين نرفعها في صفاية ونحتفظ بنص كوباية من مياة سلق الباستا

تالت حاجة

في الطاسة هننزل بالتوم نشوحه تشويحة احد ما ويحته تطلع .. بعدين هننزل بالخضار نديله تشويحة سريعة كده وبعدين هننزل بالفراخ بتتبيلتها على كل اللي عملناه ده وهنشوحها لحد ما تقرب تستوي وتبقى خلاص

بعدين هنرفع الفراخ من جوه الطاسة (هنشيل الفراخ بس ونسيب التوابل والخضار وكل حاجة ) وهننزل بالمكرونة في الطاسة ونقلبهم وبعدين ننزل بكريمة الطهي واللبن ونحط مياة الباستا بالتدريج لحد ما تحسوا ان القوام مظبوط

ونقلبهم سوى وندوق ونشوف طعمها عامل ايه .. لو كويس ممكن نبشر عليها شوية جبنة رومي/موتزاريلا/بارميچان ايا كان

الفراخ اللي رفعناها من على النار دي تتحط خمس دقايق على الجريل او على الشواية او ربع ساعة في فرن البوتجاز

وبالهنا والشفا ♥️🍝

[lucid-dreamer-0]

بقالهم كام يوم بيتنمروا عليا في البيت عشان عملت مكرونة وايت صوص ومطلعتش أحسن حاجة، للأمانة هي كانت بالصلصة وأنا عملت عليها وايت صوص عشان مبحبش حد يمشي كلامه عليا.

[shorook]

مهو مش معقول كل ما أسأل سوبر ماركت ع صوص كراميل يقولوا مش موجووووود

[shu-rooq]

شوفت فيديو لكيكة بالشوكولاتة معمولة ببساطة من غير بيض ولبن والشيكولاتة من غير شيكولاتة متسيحة، معمول صوص بالكاكاو. كانت ليلة راس السنة وكان نفسي اكل حاجة حلوة قولت اجربها. وريت الفيديو لخالد وهو تحمس وعملتها. كان طنط وعمو عندنا وخالد قالهم استنوا متمشوش الا اما ناكل الكيكة سوا. ف من باب المشاركة بحكي لطنط إن الكيكة من غير بيض ولا لبن. ف امتعضت قوي كدة وان ازاي يعني. اومال فين القيمة الغذائية اللي فيها، ما كدة تبقى دقيق بس.

أنا بس جه على بالي وقتها سؤال بس مكنش عندي سرعة بديهة كافية تخليني اسأله في ساعتها، هي إيه القيمة الغذائية اللي انتوا مستنينها من الكيك مطلقا يعني؟

*ابقى متفهمة إننا نقول انها ممكن متكونش غنية طعما، وده يتطلب إننا نستنى اما ندوقها عشان نقدر نحكم اذا كان طعمها حلو ولا وحش.

**انا بالفعل حطيت معلقتين شيكولاتة مع صوص الكاكاو ده عشان يديها طعم غني.

*** اللطيف ف الموضوع إنها طلعت جميلة قوي واللي ميعرفش ميقدرش يلاحظ انها كيكة من غير مكونات الكيك وشيكولاتة من غير شيكولاتة.

[fozdoaa]

بحس صينية البطاطس بالفراخ والرز بشعيرية دي أكلة طيبة وحنينة كده شبه حضن الأمهات ، وفي نفس الوقت عندها شخصية قوية قدرت تحافظ على هويتها ، ومسمحتش لحد يرش على وشها جبنة ولا يعملها بالوايت صوص والمشروم والزيتون، وفي حالها اوي مش أكلة حد المفضلة بس مستحيل تلاقي حد مبيحبهاش وليها وضعها ومكانتها على أي سفرة، وفي عمايلها رايقة وصاحبة مزاج مش محتاجة كركبة ودوشة كتير، فياريت كلنا نسعى لإننا نبقى صينية بطاطس بالفراخ في حياة بعض

- أمنية خالد

[luly21]

عملت بيتزا وعملت صوص كراميل وعملت مهلبية وعملت چيلي فراولة وعملت موز بلبن انا فخورة بيا الصراحة 😂❤️

[egyptmap]

السلطة اليونانية

طريقة عمل السلطة اليونانية

[nonooos-blog]

انا اكتشفت ان كل ما اكون مش عارفه اطبخ ايه او معنديش وقت أو مزنوقة عامة بعمل مكرونه وايت صوص بالاستربس 😂

[chefmostafa]

طريقه عمل صوص الزنجبيل ginger sauce

[jaunerevee]

لو فيه حاجة بحبها في المطبخ اكتر حاجة هتبقى نوعية الاكل المريح اللي سهل يتعمل كله في طاسة واحدة ومابياخدش وقت

كاربونارا إكسترا بقدونس

اول حاجة لو مافيش كريمة طهي .. هنحضر صوص ابيض في طاسة او حلة لوحدها بإننا نقطع ٤ فصوص توم ونحطهم على طاسة فيها ٥ معالق زيت ومعلقتين زبدة (لو عاوزين القوام يبقى دسم ).. هستنى التوم يبتدي يطلع ريحة كده وقبل ما يصفر هحط ٣ معالق كبار دقيق وهشوحه في الدهون لي لحد ما يبتدوا يدوا قوام شكله تقيل .. وبعدين هبتدي انزل باللبن واحدة واحدة عشان الدقيق مايكلكعش وانا بقلب (يستحسن نقلب بالمضرب اليدوي) لحد ما اوصل لقوام شبه البشاميل ( طبعا هنبقى حطينا فيها ملح وتوم باودر برضه ومكعب مرقة حسب الرغبة ) .. طبعا لو فيه كريمة طهي هتوفر الخطوة دي وهتحليها اكتر بس انا ماكانش عندي 🌚

‎كيلو جمبري كنت متبلاه ببقدونس وشعرة كمون ومعلقة زيت ونص كوباية لبن رايب ومتجمد ومحطوط في الفريزر بنزله على طاسة فيها شوية زيت ومعلقة زبدة و٣ فصوص توم متقسمين قطع كبير .. هسويهم لحد ما ينزلوا ميتهم وبعدين ابتدي احط عليهم شوية ملح صغيرين وشعرة كمون تانية خفيفة وتوم باودر وبقدونس سواء مجفف او اخضر ويفضل انه يكون اخضر واول مازا��مياة تبتدي تقل ( لازم يفضل فيها شوية مياة ) ويستوي .. هنزل عليه بالمكرونة اللي كنت سلقاها على جنب وعليهم الصوص الابيض اللي عاملينه وشايلينه على جنب بقالنا حبة وهنقلب لحد ما نشوف القوام كده عاجبنا ولا لا لو تقيل ممكن نزود شوية مياة من مياة سلق المكرونة لو خفيف ممكت نفضل سايبينه على النار شوية وهيمسك نفسه لوحده

وبالتوفيق ان شاء الله 👋🏽

[vincaros]

بقيت احب الفلفل الألوان وبعتبره جزء من حياتي دلوقتي اللي هو زي الطماطم والبصل وبتلكك عشان ادخله في اي اكل .. ليه بقى؟ عشان باسل بيحبه وبيحب الأكل الملون عم��ما زي الطماطم والفراولة والمانجا

معرفش ازاي كنت باخد وقت في الطبخ دلوقتي ممكن في ساعة اعمل أحلى اكله واكون مروقة عليها كمان

بركات الأستاذ باسل.. لو كنت قعدت سنين لوحدي عمري ماكنت هحب اطبخ بالشكل ده .. ومكنتش هفضل اتنطط وادور على افكار جديدة عشان ياكل ويحب الاكل برضو

هو مش بيحب الاكل بسهولة زيي يعني ومش عاوزة اجبره عليه واكرهه في الاكل واللي هو تاكل بالعافية ولازم تخلص طبقك والاكل هيجري وراك لو مكالتوش وكل الفيلم الرعب ده

يعني دي مكرونة ألفريدو ودي كانت على قلبي تقيلة يعني لسه هعمل الصوص ولسه هسلق المكرونة! واعمل جنبها حاجة تانية كمان! تو ماتش حلل وخطوات بجد😅

دلوقتي عملت كفتة في الفرن وبعدين صوص المكرونة والمكرونة وبعدين قطعت الكفتة معاه وحطيتها في الفرن مع الفلفل والجبنة وايه ده بجد اسم الله عليا 😂 لا وبعمل كرواسون وميني بيتزا بس لسه في الفرن

كل ده منغير مااحس بتعب وان اليوم خلاص باي باي

[ibrahimshoukri]

الفطار نصيبي امبارح من المكرونه وايت صوص توكلنا على الله