#صوص

[dodysun]

🐥♥️

[lifejourneysposts]

Honey-Sriracha Sauce - Chili Pepper Madness

مكونات

1/2 كوب صلصة سريراتشا

ربع كوب عسل

1.5 ملعقة صغيرة من صلصة الصويا أو استخدمي ما يصل إلى ملعقتين كبيرتين حسب الرغبة

1 ملعقة كبيرة خل الأرز أو استخدمي عصير الليمون

ملعقة صغيرة من مسحوق الثوم أو استخدمي 2 فص ثوم طازج مفروم

ملح للتذوق

2 ملعقة كبيرة زبدة

[lost-30-years-of-nothing-lol]

Made With Love ❤️

[chefmostafa]

طريقه عمل صوص الكريز Cherry sauce Recipe

[jaunerevee]

لو فيه حاجة بحبها في المطبخ اكتر حاجة هتبقى نوعية الاكل المريح اللي سهل يتعمل كله في طاسة واحدة ومابياخدش وقت

كاربونارا إكسترا بقدونس

اول حاجة لو مافيش كريمة طهي .. هنحضر صوص ابيض في طاسة او حلة لوحدها بإننا نقطع ٤ فصوص توم ونحطهم على طاسة فيها ٥ معالق زيت ومعلقتين زبدة (لو عاوزين القوام يبقى دسم ).. هستنى التوم يبتدي يطلع ريحة كده وقبل ما يصفر هحط ٣ معالق كبار دقيق وهشوحه في الدهون لي لحد ما يبتدوا يدوا قوام شكله تقيل .. وبعدين هبتدي انزل باللبن واحدة واحدة عشان الدقيق مايكلكعش وانا بقلب (يستحسن نقلب بالمضرب اليدوي) لحد ما اوصل لقوام شبه البشاميل ( طبعا هنبقى حطينا فيها ملح وتوم باودر برضه ومكعب مرقة حسب الرغبة ) .. طبعا لو فيه كريمة طهي هتوفر الخطوة دي وهتحليها اكتر بس انا ماكانش عندي 🌚

‎كيلو جمبري كنت متبلاه ببقدونس وشعرة كمون ومعلقة زيت ونص كوباية لبن رايب ومتجمد ومحطوط في الفريزر بنزله على طاسة فيها شوية زيت ومعلقة زبدة و٣ فصوص توم متقسمين قطع كبير .. هسويهم لحد ما ينزلوا ميتهم وبعدين ابتدي احط عليهم شوية ملح صغيرين ��شعرة كمون تانية خفيفة وتوم باودر وبقدونس سواء مجفف او اخضر ويفضل انه يكون اخضر واول مازالمياة تبتدي تقل ( لازم يفضل فيها شوية مياة ) ويستوي .. هنزل عليه بالمكرونة اللي كنت سلقاها على جنب وعليهم الصوص الابيض اللي عاملينه وشايلينه على جنب بقالنا حبة وهنقلب لحد ما نشوف القوام كده عاجبنا ولا لا لو تقيل ممكن نزود شوية مياة من مياة سلق المكرونة لو خفيف ممكت نفضل سايبينه على النار شوية وهيمسك نفسه لوحده

وبالتوفيق ان شاء الله 👋🏽

[lucid-dreamer-0]

بقالهم كام يوم بيتنمروا عليا في البيت عشان عملت مكرونة وايت صوص ومطلعتش أحسن حاجة، للأمانة هي كانت بالصلصة وأنا عملت عليها وايت صوص عشان مبحبش حد يمشي كلامه عليا.

[shorook]

مهو مش معقول كل ما أسأل سوبر ماركت ع صوص كراميل يقولوا مش موجووووود

[fozdoaa]

بحس صينية البطاطس بالفراخ والرز بشعيرية دي أكلة طيبة وحنينة كده شبه حضن الأمهات ، وفي نفس الوقت عندها شخصية قوية قدرت تحافظ على هويتها ، ومسمحتش لحد يرش على وشها جبنة ولا يعملها بالوايت صوص والمشروم والزيتون، وفي حالها اوي مش أكلة حد المفضلة بس مستحيل تلاقي حد مبيحبهاش وليها وضعها ومكانتها على أي سفرة، وفي عمايلها رايقة وصاحبة مزاج مش محتاجة كركبة ودوشة كتير، فياريت كلنا نسعى لإننا نبقى صينية بطاطس بالفراخ في حياة بعض

- أمنية خالد

[luly21]

عملت بيتزا وعملت صوص كراميل وعملت مهلبية وعملت چيلي فراولة وعملت موز بلبن انا فخورة بيا الصراحة 😂❤️

[vincaros]

بقيت احب الفلفل الألوان وبعتبره جزء من حياتي دلوقتي اللي هو زي الطماطم والبصل وبتلكك عشان ادخله في اي اكل .. ليه بقى؟ عشان باسل بيحبه وبيحب الأكل الملون عموما زي الطماطم والفراولة والمانجا

معرفش ازاي كنت باخد وقت في الطبخ دلوقتي ممكن في ساعة اعمل أحلى اكله واكون مروقة عليها كمان

بركات الأستاذ باسل.. لو كنت قعدت سنين لوحدي عمري ماكنت هحب اطبخ بالشكل ده .. ومكنتش هفضل اتنطط وادور على افكار جديدة عشان ياكل ويحب الاكل برضو

هو مش بيحب الاكل بسهولة زيي يعني ومش عاوزة اجبره عليه واكرهه في الاكل واللي هو تاكل بالعافية ولازم تخلص طبقك والاكل هيجري وراك لو مكالتوش وكل الفيلم الرعب ده

يعني دي مكرونة ألفريدو ودي كانت على قلبي تقيلة يعني لسه هعمل الصوص ولسه هسلق المكرونة! واعمل جنبها حاجة تانية كمان! تو ماتش حلل وخطوات بجد😅

دلوقتي عملت كفتة في الفرن وبعدين صوص المكرونة والمكرونة وبعدين قطعت الكفتة معاه وحطيتها في الفرن مع الفلفل والجبنة وايه ده بجد اسم الله عليا 😂 لا وبعمل كرواسون وميني بيتزا بس لسه في الفرن

كل ده منغير مااحس بتعب وان اليوم خلاص باي باي

[ibrahimshoukri]

الفطار نصيبي امبارح من المكرونه وايت صوص توكلنا على الله

[somaya-a]

عاوزة اجيب حد ينظم ليا وقتي ومشاعري وافكاري ويطبخلي مكرونة بالوايت صوص ويطبطب عليا ويحكيلي حدوتة كل يوم

[nourr-9]

حبيت أخفف التشوكلت الدارك بلبن وسكر وبعدين فكرت في ثواني مش ههدر اللبن عشان شوية صغننه هاخدهم استخدمت شوية ذكاء وقولت اخفها بمياه عادي تقلت أكترررر واغمقتت والسكر ما دابش أنا اللي دوبت وهو لأه ☺️

شوية الذكاء منفعوش بحاجه 🫣🫣 وأخيرا استعانت باختي وقالت الفوكيره بتاعتها عشان هي علي طول بتعملها صوص للكيكه ، عملتها بالزبدة وسكر ومياه وبعدين التشوكلت السايحه اللي مش نايحه :)

هي حلوه بالنسبالي طعمها ألذ من الهوت شوكلت التاني ده ❤️

[chefmostafa]

طريقه عمل صوص الزنجبيل ginger sauce

[jaunerevee]

وراك فراخ باللوبيا والبسلة والجزر والصويا صوص 🥹♥️