#رمضان بيخلص

[ibrahimhafez]

​​

"وَأنتَ تَقرَأُ سُورَةَ الكَهفِ اليَومَ لَا تَنسَ أنْ تَتَدَبَّرَ كَيفَ أصلَحَ اللَّهُ حَالَ الجِدَارِ لِـيَتِيمَينِ لَا يَعلَمَانِ بِشَأنِهِ، كَيفَ حَفِظَ مُستَقبَلَ الأبَوَينِ، كَيفَ أدَارَ اللَّهُ أمرَ أصحَابِ السَّفِينَةِ وَحَفِظَ أمرَهُمْ بِمَا يُكرَهُ ظَاهِرُهُ وَهُوَ الخَيرُ كُلُهُ؛ جَدِّد تَوَكُّلَكَ وَتَذَكَّرِ القَاعِدَةَ: ﴿وَاللَّهُ يَعْلَمُ وَأَنتُمْ لَا تَعْلَمُونَ﴾"!

- طَيَّبَ اللَّهُ جُمعَتَكُم•

[sarrah]

"حان وقتٌ لوداعٍ وصفه يُعْيِي المبينَ"

[z3frr]

كان فيه أوقات صعبة كدة ..كنت بستعجل فيها اني انزل اجازة عشان كنت خلاص جايب اخري وقاعد ٨٠ يوم مشوفتش اهلي وخلاص رمضان بيخلص وانا مفطرتش ولا يوم ف البيت..وكنت حاسس اني خلاص فعلا لازم انزل دلوقتي...واحنا مترحلين لمكان ما..اللي مسئول عننا اخد حد على جنب وبلغه انه نازل اجازة ف هو فرح وانبسط جدا احنا قولنا ده واسطة ..وانا فكرت ل لحظة انه ليه هو بس؟ ليه مش انا معاه او كلنا معاه ننزل البيت ..ف بعد م نزل وهو طاير من الفرحة.. المسئول عننا قالنا طبعا انتو فاكرين انه واسطة. ..بس لا... هو والدته توفت وهو ميعرفش...انا دايما كنت بطمن نفسي قبلها انه فعلا كل تاخيرة وفيها خيرة وانا معرفش ايه هيحصل بس انا ضعفت وقتها وفكرت انه انا كمان كنت عايز انزل ..بس .. سبحان الله يعني .. الحمدلله

[lily-in-sun]

يعني ايه رمضان بيخلص عاوزة اقوم اعيط وادبدب في الأرض والله العظيم مش موافقة

[moonheart201996]

معقول

رمضان اللي كان لسه أمبارح جاي

فجاءة بيخلص

رحمتك يارب و عفوك يارب

[heartsuin]

رمضان بيخلص مننا 🥹 يارب بارك في الوقت الباقي

[sirr7a]

مبسوط انه رمضان بيخلص مش بحبه و مش بحب الأعياد و نفسي حاجة فيها تجمعات مش بحبها تنتهي

[mediocreshadows]

بحب العيد الصغير أكتر من العيد الكبير لعدة اسباب:-

١- بجد عيد الفطر بيبئا فيه كحك وبسكوت وبيتيفور وأي حاجة فيها سكر بينما العيد التاني لحمة لايك ايه؟ مفروض اعمل ايه؟

٢- عيد الأضحى العيال بيبئوا مشغولين فيه بتوزيع اللحمة وريحة تقرف وأكل يقرف وتحس إن البيت مش نضيف عشرين سنة بعدها مثلًا

٣- لمّا عيد الفطر يخلص ويبئا حلو بتقول عادي حيتكرر تاني بعد شهرين لو كان وحش بتقول جميل حيتعوّض بعد شهرين ولكن لمّا عيد الأضحى بيخلص ببئا حاسة إني ممكن أقتل نفسي عشان حعمل ايه في العشر شهور الجايين دول بجد😭

٤- عيد الفطر بيبئا جاي بعد رمضان حرفيًا بتعد الأيام عشان ييجي وبتحس إنه ياه روعة انديد بينما عيد الأضحى دة بحسه دايمًا مفاجئني كدة

[ibrahemisnotsmartenough]

رمضان مصعب الدنيا اوي عليا وانا أريدي عندي مشاكل مع النوم من وانا عندي 16 سنه تقريبا، اليوم بيخلص.. بس كده هو بصحى بيخلص

[ibrahimhafez]

‏قال الإمام أبو عمرو الداني:

" تدري أخي أين طريق الجنة؟ طريقها القرآن، ثم السنة ".

- سير أعلام النبلاء

[judmpto]

رمضان بيخلص

والعيد مُر كالعلقم ..

نشكو لك ضعف قوتنا وقلة حيلتنا وهواننا على الناس

عجل بالفرج يا الله

من شهر أكتوبر السنة اللي فاتت، شفت بوست بيقول: "يارب لا يأتي رمضان إلا وقد أمنت غزة" كان رد فعلي يا نهار أسود! هو القصف والإبادة دي هتستمر لحد رمضان! اليهود ولاد حرام بس لا يمكن يستمر بالغشامة دي وللمدة دي من الزمان، سياسة العلاقات الدولية مش هتسمح بكده، يا جدعان تفوا من بوقكم

وولاد الكلب مش بس زادوا غشامة، لا، ده أحنا فاضل بتاع عشرين يوم على رمضان والإبادة لسه موقفتش، ده غير تبعات الإبادة من تدهور صحي ومجاعات. ده أحنا مجيبناش سيرة الأثر النفسي والممتلكات.

أنتم عارفين آخر رقم شفته للشهداء كام؟

٢٩ ألف... ٢٩ ألف! يا نهارنا مش فايت!

لا حول ولا قوة إلا بالله يارب

لا حول ولا قوة إلا بالله

نشكو لك ضعف قوتنا وقلة حيلتنا يارب، يارب الطف بيهم ونجهم يارب

[ward77]

....... أنا من هالبلد ......

هاد البيت طابخ ملوخية .. وهاد البيت عم يقلي بيتنجان .. وريحة الخيار يعني سلطة .. والسمك شارح حالو لحالو .. ودبح البطيخة فضيحة .. وبتوصل ريحتها لاخر الدنيا

أنا من بلد كان القمر فيه بالصيف يعني سيران .. وكل عرس يعني تلبيسة .. وكتب الكتاب يعني فستق وراحة وشعيبيات.

أنا من بلد كانت أمي تقول : يا ابني “ غسل وجهك لأنك ما بتعرف مين بيبوسو، و كنس بيتك لأنك ما بتعرف مين بيدوسو”

وأبي يقول : “جارك أخاك .. إذا ما شاف وجهك بيشوف قفاك”

أنا من بلد لما بيندق فيه الباب منتحزر بين بعضنا مين وبنقول: يا ترى مين ��جانا؟

هي نقرة الجارة .. سريعة وقصيرة، هي دقة عمتي .. ناعمة وخفيفة .. هي خبطة ابن الجيران ببوز صباطو على الباب .. وهي خشخشة المفاتيح .. وبابا عم ينادي: يالله .. ليتغطوا النسوان

أنا من بلد .. الأساور الرفيعة والمبرومة والحيّة.

أنا من بلد كاسات الليمون الجامد، والتمر الهندي، و”الكاظوظة” الأورانج والكولا والقمر دين

بلد الفول بأيام الفول، والمدمس كل أيام الجمعة، والتسقية والسوس على افطار رمضان

بلد كل شي بيصير فيه بيستاهل يكون خبرية .. ولدت القطة، فتحت الفلة، نزلت العوجة، فّتح زهر نيسان،طلعت ريحة زهر النانرجة

بلد حتى حبال الغسيل فيه بتحكي قصص، ولقاطات الغسيل بتنقل رسائل الغرام، ونشر الغسيل إله أصوله مشان ما يقوله عن الست شرنة أو عفشة.

بلد كانت الست تقول: “لو كانت أسوارتي وقية ما لي عن جارتي غنية”

بيت الجيران أول باب بيندق لما بيخلص الخبز على غفلة، ولما ما بيلتقى ليمونة

بيت الجيران مصدر قالب البوظ بالصيف لما بيجوا الضيوف فجأة والبيت ما فيه بوظ.

بيت الجيران أول بيت بنزوره بالعيد لناخد أول عيدية.

والبيت يلي بيتحمل ولدنتنا وقت ندق على سقاطته وبنهرب.

ومنرش عتبته بالمي لما بندير الخرطوم لنرش الحارة بالصيف

والبيت يللي بنوقف قدامه لنوصله سكبة اليوم كل مغرب برمضان.

ببلدي ما فيه قطة جوعانة .. وكلاب الشوارع شبعانة

وبكل أرض ديار .. بحرة ونافورة وفلة ودالية وكبادة ونارنجة وياسمينة عراتلية ، بكل مطبخ قطرميز مكدوس وتنكة جبنة ونملية.

ببلدي كانت أيام الشتا ياعيني على أيامها .. كانت الصوبيا .. ولهبها .. عم يقمر الخبزات ويشوي الكستنا .. وكاسة الشاي يلي عم تتنقل من يد ليد بجلسة فيها طنة ورنة..ودبس وطحينة مع الخس

ببلدنا الغيرة بتشعل فينا مو بس إذا حدا طلع أو لطش أختنا .. كل بنات الحارة اخواتنا.

نسيت خبركن .. إنو بعد كل سيران لازم نتحمم قبل ما نطلع ع التخت ﻷن الشراشف نظيفة و وجه المخدات مغيرين.

وإذا طلعت كانت أمي تقيم قيامتنا ..

وين هديك الأيام......ووين أيامنا...!!!!!!!

أعجبتني فأهديتها لكم مع تحياتي للجميع . #ward77

[soull22]

رمضان بيخلص و لسه نفس الاحساس و لسه في نفس النقطة

انا فعلا مش حاسه بأي حاجة رمضان ده و حاسة ان قلبي جامد اوي

[light-intothedarkness]

مع انتهاء شهر رمضان، بيتأكد عندنا ان كل شئ له نهاية في الحياة، الوقت الحلو بيعدي وشهر المغفرة بيخلص وكل مرحلة في حياتنا ليها نهاية.. وحتى احنا لينا نهاية، وبنبص نلاقي ان ربنا سبحانه وتعالى هو الوحيد الذي ليس له نهاية، الأول والآخر والحي القيوم، الباقي سبحانه وتعالى..

فا لو زعلان ان رمضان خلص فا رب رمضان باقي، وبيتنزّل كل ليلة في الثلث الاخير من الليل، ورقيب دايماً عليك فا خليك عالطريق وخليك عالتقوى، ولو اتغير فيك حاجة في رمضان باكتساب عادات حسنة وترك السئ اوعى ترجع لنقطة الصفر تاني واستمر، وادعي دايماً بالثبات، وخليك حريص على اوقاتك زي ما كنت حريص عليها في رمضان، وتقرّب لله ما استطعت، وادعيه يبلغنا ايامه المُباركة دي سنين كتير ودايماً نكون فائزين في مواسم الطاعة وفي غيرها.

[lucid-dreamer-0]

الحياة عند نجيب محفوظ هي صراع الروح ضد المادة زي ما بيقول على لسان الشخصية الرئيسية كرم عباس، والروح هنا بتمثل الاحلام، الاخلاق، النوايا السليمة. بينما في الوقت اللي المفروض المادة فيه تمثل عكس الاخلاقيات والنوايا السيئة والرغبات الدنيئة، بدل ده المادة في الرواية بتمثل الواقع والحاجة والظروف القاسية اللي بتخلي اصحابها يلجأوا لكل ما هو عكس الروح.

واحدة من الكونكلوشنز اللي وصلها بطل محفوظ في النهاية هو إن الحلم هو المجرم الأكبر، الحلم في العيشة النضيفة والتخلص من الفقر والحاجة. بينما من وجهة نظري المجرم الاكبر في الرواية هو الوهم. استخدام محفوظ لاسلوب الفيرست بيرسون في السرد 3 مرات كان عبقري، عشان عرف يوريك نفس الحكاية بنفس الاحداث ب3 نظرات مختلفة نابعة من ال3 شخصيات اللي محفوظ استخدمهم في ال3 شباتر بتوع الرواية.

والوهم انك تبقى فاكر نفسك فاهم كل حاجة بينما انت عبيط .. كرم عباس كان فاكر نفسه عارف حقيقة امه وعلى هذا الاساس خد اتيتيود مختلف لحياته كلها، وطارق رمضان كان فاكر نفسه عارف حقيقة كرم وقضى وقته بيحاول يثبت صحة وهمه، في حين إن الحقايق اللي في القصة محدش يعرفها ولا هيعرفها غير حليمة الكبش!

عارف في الشركة اللي انا فيها دي، كل اسبوع تقريبًا بيجي كلاينت عايز يعمل اوبر الجديد، جوميا الجديد، مش عارف ايه الجديد، وكل واحد فيهم فاكر ان الابليكيشن بتاعه مفيش زيه في السوق ولا له ماركت اصلا حد ينافسه فيه .. مع ان كلهم بلا استثناء موهومين، واللي بيهندلوا الكلاينتس شغالين بمنطق اربط الحمار مطرح ما يحب الحمار والا مش هناكل عيش.

والموضوع ويرد فشخ، ي��ني كل الفلوس ودراسات الجدوى والشهادات المتعلقة دي، وبرضه لسه موهومين ومش عارفين يخرجوا للواقع ويشوفوه زي ما هو مش زي ما هما بيتمنوه؟

امم ممكن تچادچ الناس دي وتقول على نفسك اذكي منهم، لكن في الحقيقة لو فكرت فيها شوية هتلاقي ان السوربين الواقع والوهم تجاوزه اصعب مما تتخيل، وانك انت كمان شخصيًا لو فكرت شوية هتلاقي إنك عايش في اوهام كتير ولسه مش مستعد تشوف الواقع زي ما هو .. عشان كده صراع الروح ضد المادة مش بيخلص يعمو محفوظ.

[oomarelo]

رمضان عدي زي الهوا فعلا، وحقيقي كل مره بعد ما رمضان بيخلص بحس اني تايه ومخنوق وخايف، احساس ديماً بيلازمني بعد رمضان.