#حتة

[littlekittycat]

كان في حد عاجبني انه مجتهد وشاطر موت وبيتطور كل يوم

لغاية ما بدأ يقول للناس انه مجتهد وشاطر موت وبيتطور كل يوم 🫠🫠🫠

[sarrah]

كان يوم مجنون!

[areejabdel-muttalib]

آخر جمعة ليا في هذا المكان.

[yassen-world]

طب يا جماعة عشان نحسم الجدل في الموضوع دا

من هنا ورايح الوايت صوص للمكرونة بنجيب كوباية لبن نهرس فيها مثلثين جبنة نستو ومعلقة زيت زتون وبعد ما ننزل بيها ع الزبدة والدقيق بنحط حتة جبنة ريكفورد كبيرة كده ونهرسها بالشوكة وناخد الخليط نضربه ضربا مبرحا بالهاند بليندر ونسيب شريحتين شيدر يسيحوا فيه

اي وايت صوص غير كده مش هعتمده ولا هديله تقدير او احترام

[luly21]

النور قطع مرتين وانا في الحمام جالي صرع طلعت اجري بسرعة جه تاني واول ما دخلت الحمام تاني قطع جالي صرع مرتين والمرة التالتة داخله خايفه يعملها معايا لتالت مرة 😂

[rainofthetwilight]

the amount of times I said a7a last week was more than the amount of times I said it combined in these past 3 years

[mustaphi]

فى حتة تانية ❤️

[littlekittycat]

يالهووييي راسي صدعت من مكالمات خدمة العملا انا بكره اشتري حاجة كبيرة بجد ليه مينفعش اروح ادفع فلوس ف اي حتة واشتريها وخلاص من غير ما اسأل عنها وعن اهلها 🫠🫠🫠

[sarrah]

لو لم أكن أهلاويًا، لوددت أن أكون أهلاويًا.. أنا مش فاهمة الناس اللي مش بينتموا للأهلي دول عايشين إزاي 😌❤️🦅

[rainofthetwilight]

STWYEBSBEGEHDHQJDHSHDHWHHSHWHSH I'M GOING INSANE

UFFFDRGHEJDHEHEGDAGGDHHEHSRDGAH YEAHHH YRAJHHH THE DRAWING'S DONE!!!!!!! THIS TURNED OUT SO GOOD ZINA AUAVSHSVDHAHDHWGEGSHEGWSGGSDHSDHSH

elements???? of???? betrayal????? arin????

tag @rainofthetwilight evil arin ceo/progenitor ‼️

[yassen-world]

انا محتاج اجيب جبنة ريكفورد في اسرع وقت

جبنة ريكفورد كتييير 😌❤️

[ammo--scar]

اشتريت حتة Vintage.

[free0spirit]

حتة سكرة 🥰

[imazikaty]

‏أنا حابب أشكر مصطفي إبراهيم علي إنه كتب حاجة في حلاوة "يا خالق كل شيء ناقص كمالته معاك، يا شايل م الحاجات حتة بنترجاك، بحق المشهد الكامل وإسمك اللي انا عرفته، تسيب اللي يكفينا وتكفينا بما سبته..يا رب ما تحوجناش لجاي لسه ما جاش، وارضينا بما جبته" ويارب يكون لينا نصيب من الجمال ده.

[thedosky]

ليا صديق طفولة إنسان بصدق. واحد من أطهر وأجمل الناس اللي عرفتهم في حياتي، بحكم إنه كان جاري كنا على طول بنتقابل في لعب الكورة وكنا بنتمشى كتير ونتكلم. دايمًا كانت آراءه سابقة ونظرته أبعد بكتير من العادي.

اختفى فجأة واتقطعت أخباره وعرفت إنه نقل هو وأهله وسابوا المدينة. دايمًا كان على بالي وعايز اشوفه بس مكنتش عارف اوصل له لحد ما قابلته صدفة في الميدان في 2011، كنت سعيد أوي أوي  إني شفته واتفقنا نقعد بس معرفناش ناخد أرقام بعض عشان حد فينا تليفونه كان فاصل. بعدها تُهنا من بعض في زحمة الميدان واتقطعت أخباره عني مرة تانية.

عدت السنين ودايمًا صديقي ده على بالي بشكل غريب، رغم إننا اتفرقنا واحنا عيال وشفنا بعض صدفة في شبابنا المبكر، لكن دايمًا كان بيلح عليا، ولأسباب مش فاكرها معرفتش حتى اوصل له من على السوشيال ميديا اللي بعد كده مسحتها انا ومبقاش حد يعرف يوصل لي بال��بعية.

على جانب آخر؛ عندي مجموعة أصدقاء تجاوزت صداقتنا العشر سنين، توليفة من أذكى وأنبه الناس اللي عدوا عليا في حياتي، بنتقابل بشكل مستمر على القهوة ، وبنتكلم في كل حاجة، السينما، الأدب، الفلك، الفيزيا، الشعر. مقابلة المجموعة دي هي نزهتي النفسية والروحية، أحلى حاجة في الدنيا.

من تلات اربع سنين كنت رايح اقابل أصحابي دول وقعدت على القهوة وبدأ الشباب يحضروا واحد ورا التاني لحد ما دخل علينا شخص من خارج المجموعة بدأ يسلم ولما الدور جه عليا في السلام اكتشفت إنه صديق طفولتي اللي بدور عليه بقالي سنين؛ مفتكرش اني حضنت إنسان مدة أطول من الحضن ده.

اكتشفت إنه مع اصحابي في الشغل بقالهم سنين ومن كتر ما هما حبوه طلبوا منه ييجي القهوة ويقعد معانا ويتعرف على باقي المجموعة، مع إن دي مش عوايدنا لأن المجموعة دي بالذات مقفولة على نفسها عشان الناس متقاربين إنسانيًا وعقليًا بشكل استثنائي. بيننا وبين بعض اتفاق ضمني غير منطوق إننا منبوظش الكميا المدهشة دي.

اليوم ده قعدت انا وصديقي القديم جدًا يمكن ساعتين متواصلين نتكلم بلا انقطاع والناس كلها مش فاهمين فيه إيه، تعرفوا بعض ازاي ومنين، لكن مكناش قادرين نبطل كلام، نسترجع الطفولة والكورة والتمشية ونسأل على أهل بعض ونتكلم عن صدفة الميدان وفي آخر القعدة خدنا أرقام بعض واتفقنا نتقابل تاني، نتقابل على طول بقى، ابقى تعالى القهوة احنا بنتجمع بشكل مستمر.

للأسف متقابلناش من وقتها وكل محادثاتنا على واتساب عبارة عن محاولات مستمرة لتظبيط معاد نتقابل فيه.

امبارح الساعة تلاتة بالليل كنت بسكرول على تويتر لقيت في وشي خبر اعتقاله لأنه رسم كاريكاتير بيسخر من الحكومة عشان قطع الكهربا بينما المواطن المتداس على وشه بيشتغل في المونوريل.

خبر رجعني في لنقطة صفر نفسية بقالي سنين بكافح عشان مرجعلهاش، خبر حطني في مواجهة مع كل حاجة بتجنب التفكير فيها بقالي سنين، كل الكفاح النفسي المحموم والمستمر لسنين اتبخر في ثانية.

وفي الساعة المتأخرة دي بدأت ابعت لأصدقائنا المشتركين اسألهم يعرفوا حاجة عنه ولا لأ، طبعًا محدش عارف حاجة ومحدش يقدر يطمن حد في الحاجات دي.

واحد من اصحابي اللي سألتهم عنه بعت لي مجموعة رسايل مفادها إنه عارف إن الخبر ده ممكن يوديني في حتة نفسية صعبة، واني ضروري مسمحش لل��بر يؤثر عليا واني اركز في اللي بعمله عشان انا بالصدفة دلوقتي بعمل ابليكيشن شركة مهمة وقدامي انترفيوهات وامتحانات محتاجة تركيز كبير.

كان نفسي ابقى الشخص اللي مبيسمحش للأخبار تؤثر عليه، حقيقي كان نفسي ابقى أقوى من كده، كان نفسي مكونش قاعد بسأل نفسي دلوقتي إيه جدوى الأشياء وليه الواحد بيعمل أي حاجة أصلًا.