#تعرفي عليها

[masryno]

مقشر القهوة لبشرة ناعمة يجب أن تجرب

مقشر القهوة لبشرة ناعمة يجب أن تجرب

مقشر القهوة محلي الصنع لبشرة ناعمة يجب أن تجربها – هل أنت من محبي القهوة؟ هل أنت شخص لا يستطيع حتى التفكير في بدء يومه بدون فنجان قهوة؟ ولا تمانع في تناول أكواب قلي��ة أخرى حتى تأتي إلى الفراش ليلاً؟ حسنًا ، سنقدم لك بعض الطرق الإضافية لدمج القهوة في نمط حياتك. هنا في هذه المقالة ، سوف نشارك وصفات تنظيف القهوة محلية الصنع للحصول على بشرة ناعمة. مقشر القهوة طريقة رائعة لتجديد شباب بشرتنا. وهي غنية…

[shti24]

[smallbutkindcouch]

امبارح قبل ما أنام قريت قصة ريم حامد.. وقريت البوستات اللي كانت بتكتبها، جالي بانيك أتاك.. الكلام دا أنا عارفاه، الكلام دا أنا كنت بقوله في مرحلة ما من حياتي، وكنت مقتنعة بيه.. نفس الكلام عن "هم" اللي عايزين يئذوني.. أنا قعدت ٣ شهور مش عارفة أنام، مش عارفة آكل، وكل اللي في دماغي أفكار عن ناس بتراقبني، وبتمشي ورايا.. وعايزين يخطفوني.

صحابي القريبين اما سمعوني، فيه منهم قالي إنه مصدقني، وكان شايف كلامي منطقي جدًا.. وفيه منهم اللي بعد عني عشان كلامي مش منطقي خالص.. مثلت ضغط على كل اللي حواليا، صديقة واحدة كانت عايشة بره، هي أكتر انسانة استحملتني، وهي اللي حجزتلي عند دكتور نفساني.. قالتلي أنا مصدقاكي، بس انتي لازم تروحي للدكتور عشان تعرفي تاكلي وتنامي.. ساعتها روحت وعرفت إن اللي عندي دي psychosis .. وطبعًا مش محتاجة أقول إني كنت شاكة في الدكتور عادي، وشاكة في الدوا.. لكن هيظل جميل صاحبتي دا دين شايلاه في رقبتي العمر كله.. هي فعلًا أنقذتني..

فترة تعبي دي كانت أسوأ فترة مريت بيها في حياتي، وعندي شجاعة الإعتراف إني من ساعتها مش نفس الشخص اللي كنته قبلها.. الفترة دي اللي أكدتلي قناعة تامة إني مينفعش أخلف، لإن احتمالية إن دا يبقى في جيناتي كبيرة جدًا.. حتى الآن معرفش سبب اللي حصلي دا إيه تحديدًا.. الاحتمالات مرعبة، أرحمها اكتئاب حاد.. وأسوأها شيزوفرينيا.. وبعدين فيه دكتور قالي إن ١٪؜ من سكان العالم بيختبروا نوبات زي دي في مرحلة ما في حياتهم.. مش لازم تعرفي السبب.. المهم تعرفي هتتعاملي معاه إزاي.. وإزاي يبقى عندي عقل فوق عقلي هو اللي بيقول كلام عقلي دا حقيقي ولا لاء.. واني لو رجعت لي أفكار مش منطقية تاني واتصرفت على أساسها، لازم أطلب المساعدة..

رعبي في الحياة إني أمر بالتجربة دي تاني.. عشان كدا اما قريت كلام ريم، خفت حقيقي.. عشان تخيلت للحظة اللي كان بيحصلها، وكإني بستعيد الشعور دا.. شعور بالخوف والقلق.. والأصوات اللي مبتسكتش.. احساس بالوحدة لإن الناس يا إما متآمرين عليا، يا إما مش مصدقني.. والمحصلة إني لوحدي.. افتكرت لحظات الارتباك اللي كانت بتجيلي.. ولما كنت بمسك دماغي في نص الشارع وأعيط عشان الصوت مبيسكتش.. وافتكرت خناقاتي مع الناس عشان بيبصولي.. وانا عارفة كويس هما بيعملوا كدا ليه.. افتكرت الساعات اللي كنت يقف فيها في البلكونة متحفزة.. مستنياهم ياخدوني.. ونهاية كل الأفكار دي إني أرمي نفسي م البلكونة.. كحل نهائي ..

انا عيطت امبارح كتير اوي عليها.. كنت أتمنى انها تلاقي حد يساعدها زي ما أنا لقيت.. كنت أتمنى إنها تطلع من كل دا، بدل ما تبقى دي النهاية.. ربنا يرحمها، ويجازيها عن الألم والعذاب اللي شافته في الدنيا.. ويصبر أهلها وكل حبايبها.. اللي يشوف الكلام دا يدعيلها.. واللي في دماغه أي أفكار مشابهة.. أرجوك أطلب المساعدة.. صدقني.. فيه حل .

[thedosky]

Ask

مساء الخير،

 أولًا أناعايز اقول إني متفهم بالظبط إنتي حاسة بإيه دلوقتي وأتمنالك إن الفترة دي تعدي عليكي بأهون وأخف طريقة ممكنة. وعايز اقول برضه إني بحس بمسؤولية كبيرة في الرد على النوع ده من الأسئلة واني هرد على السؤال من خلال وجهة نظري وتجاربي الشخصية. فـ وقت ما تحسي إني بقول حاجة مش منطقية تقدري تعتبري كلامي فارغ وتضربي بيه عرض الحائط.

ثانيًا، اللي ممكن يكون بديهي ومفاجئ في نفس الوقت إني شبه متأكد إن غالبية البشر مروا باللي ��نتي مريتي بيه وحسوا باللي انتي حسيتي بيه على الأقل مرة في حياتهم، أتمنى إنك تلاقي في ده ولو جزء صغير من السلوى.

طبيعي جدًا إننا بنتقبل حياتنا قبل ظهور الأشخاص اللي بنعتبرهم مفضلين لينا ومبنكونش شايفين الوحدة بنفس التُقل اللي بنشوفه بعد ما يمشوا. لأن الوحدة شيء صعب وممكن اتجرأ واقول إنه شيء كريه لكن في نفس الوقت فترات الوحدة هي فترات استثنائية بتربي الإنسان، صحيح بالطريقة الأصعب والأقسى لكنها للأسف مفيدة.

انتي بتقولي إنك كنتي بتعملي كل حاجة لوحدك قبل الشخص ده ما يكون في حياتك ومكنتيش بتشاركي الحاجات. ولما الشخص ده ظهر اكتشفتي حاجات عن نفسك جميلة مكنتيش تعرفي انها موجودة، ده في حد ذاته جميل ونفع لا يقدر بتمن، انتي عرفتي انك شريك جميل اهو : ) معرفتنا عن نفسنا تستاهل شوية تعب معلش.

ثالثًا، مسألة شعورك بالغضب ده منطقي ومفهوم لكن انا اللي ساعدني اني اتجاوز منطقة شبيهة إني غيرت الفكرة المحركة لمشاعري، يعني سؤال هو سابني ليه؟ وإزاي يتخلى عن صداقة مثالية زي دي وعن شخص بيعتبره صاحبه الوحيد؟ ده سؤال مفخخ ممكن يضيع منك سنين بلا مبالغة ومش هتوصلي لإجابة في النهاية برضه.

والحقيقة إن مش دي المشكلة خالص، المشكلة الحقيقية إنه سابك، بعد إنه سابك مفيش كلام تاني خلاص، مفيش أي معنى لأي سؤال بيدوّرعلى تفسير، الأسئلة من النوع ده غالبًا عقولنا بتوجهنا ليها عشان هي بتنكر حقيقة إن ممكن الأمور المثالية تنتهي، أنا آسف إني هقول لك كده، معلش والله. بس كل العلاقات ممكن تنتهي عادي.

دي مرحلة إنكار عنيف عشان الحقيقة أعنف، لكن للأسف هتظل هي الحقيقية. الموضوع انتهى، خلص، صاحبي المفضل مبقاش موجود. اللي جاي مش إني اسأل ده حصل ليه، اللي جاي المفروض يكون اتعامل مع ده ازاي.

الخبر الجيد في المسألة دي وهو خبر مؤلم لكنه جيد، إنك دلوقتي مريتي بواحدة من أكتر التجارب اللي بتساعد الإنسان إنه ينضج ويكبر، تجربة في غاية الأهمية والله العظيم، على قد قسوتها وعنفها بس يمكن استغلالها في صالحنا، انتي دلوقتي على طريق إن يكون عندك دفاعات نفسية حقيقية هتنعكس على كل التجارب الحياتية التانية مش بس التجارب العاطفية.

صدقيني إنتوا لو كنتوا كملتوا كان ممكن جدًا انك انتي اللي تنهي العلاقة دي عادي لأي سبب انتي شايفاه منطقي. دي طبيعة العلاقات، هي كده. سبحان من خلق البشر بالتعقيد ده! مهمة إنجاح علاقة دي انا بشوفها من أصعب المهمات الإنسانية على الإطلاق.

الحياة بعد الانفصال العاطفي هي سلسلة من الكوابيس المؤلمة أنا عارف. قلبي عندك والله، لكنها بتنتهي، صحيح محتاجة وقت لكن بتنتهي، كل اللي مطلوب منك دلوقتي إنك تقللي الوقت ده على قد ما تقدري ولو مقدرتيش مش مهم بس خليكي عارفة إن الوقت كفيل بإيضاح حقيقة الأشياء وانا بوعدك إن فيه لحظة إدراك هتجيلك وهتقولي فيها إن لو هو مكانش مشي انتي اللي كنتي هتمشي وإن كويس إن ده حصل. أتمنالك إن ده يحصل في اقرب وقت.

بخصوص سؤالك أعمل ايه دلوقتي؟ فرأيي إنك طبعًا متعمليش أي حاجة من الحاجات اللي بتقولي عليها دي، لا تبعتي له تتخانقي معاه ولا تفرغي فيه غضبك. ده مش هيعمل أي حاجة غير مزيد من الألم غير المفهوم المسبب لمزيد من الأسئلة التي لا إجابة لها وربما كمان يجرك لتصرفات إنسانية رديئة ممكن تندمي عليها بعدين. متعمليش حاجة طبعًا، معلش والله بس دي تجربتك انتي دلوقتي، لازم تتعاملي معاها على إنها كده عشان تقدري تقومي تاني لوحدك.

 إن شاء الله تقابلي أصدقاء مفضلين تاني، وتقابلي في حياتك "ناس ليهم قلب، مش زي ولاد الكلب اللي نسيونا زمان"

[katoisha11]

وعليكم السلام ياهلا عزيزتي

للي بعثت الاسك ما انشره حفاظا ع الخصوصية

مممممممم ليست كل ام هي ام حقيقة والجنة تحت اقدامها وليست كل من تولد يطلق عليها ام وتستحق هذا اللقب الام من تولد وتربي وتؤدي رسالتها الي الله اختارها لها بأفضل صورة وعلى اكمل وجه ،للاسف امك انانية وام مراهقة اسفة ع المصطلح بس ع الوصف الي ذكرتيه، تعرفي شي امك مريضة نفسيا تحاول تعنف بنتها وتعاملها معاملة قاسية حتى تحس بالارتياح تعرضت للقساوة والعنف في شبابها وبعدما تزوجت ما لقت المتنفس الي كانت تحلم فيه .. اتركيها حتى لو انتي تتعبي بالعكس انا لو منك احاول اعاملها معاملة طيبة مهما قست عليكي يعني من تلبس ثياب انتي اولى فيها وقوليلها طالعه تجنني قمر ١٤ يعني بتالي هي تحتاج للكلام الحلو يمكن هالشي يخليها تلين وتكون معك اقل قساوة حاولي تصادقيها مهما اجيتي ع نفسك وكنتي تعبانة وظروفك قاسية كوني معها لينة لان رب العالمين ما ح يضيع تعبك معها ووكلي امرك لرب العالمين واطلبي منه ان يهديك ويرشدك لشي يسر امورك وحاولي تطلعي وتبحثي عن شغل ولا تنتظري ان امك تحن عليكي صدقيني كلشي يتعوض الا بر الام مهما كانت قاسية رب العالمين ح يحاسبها مو انتي ولا نحن .. انتي حاولي تشغلي حالي تبحثي عن شي تتعلمي منه شغل يرجعلك بمردود مالي يخليكي تعتمدي ع حالك وربي يرزقك بنصيب يسعدك ويعوضك عن كل المعاناة الي عانيتها ومازلتي ...

وربي يهدي مامتك ويهدينا

[romanticpapers]

وجاء إليها نابليون والغضب يقدح عينيه، وقال لها: "لم لم تلبسي الألماس الذي أرسلته لك ؟ لم كنت تعرضين وتتحامين أنظاري هذه الليلة؟ هذه مسبة لا أطيقها، يجب أن تعرفي أني منتصر عليك، وأنه يجب أن تحبيني، يجب أن تحبيني؛ فإني قد رددت إلى بلادك اسمها، وحظها الآن في كفي."

ثم أخرج ساعته وقبض عليها، وقال: "انظري إلى هذه الساعة، إن بلادك في يدي الآن مثل هذه الساعة. وإني أقدر على أن أمزقها شذر مذر، إذا لم تجيبي طلبي، وأتركها شظايا كما أفعل بهذه الساعة."

قال ذلك، ورمى الساعة بكل قوته إلى الحائط، فذهبت شظاياها في كل جانب من الغرفة، وارتاعت ماري لهذا المنظر، فأغمي عليها، وأفاقت وهي بين ذراعي نابليون.

الحب في التاريخ..... سلامة موسى

[f-farah]

مرات انا بخاف من حالي، كل القصص اللي بعملها كل الكلام اللي بحكيه وأنا مندفعة.. لأني لما بفكر فيه، بأغلب هالمرات ما بحسه بيعبر عني ولا بيشبهني. عموماً هون بسأل حالي ليش شو اللي بيعبر عنك وبيشبهك؟ والجواب إني ما بعرف. بس بعرف لما احكي شي ما بيشبهني، خصوصاً لما بكون مندفعة.. بالمرات والأيام اللي بكون فيهن على حافة الهوس. هل منقدر نتأقلم مع اضطراباتنا المزمنة؟ ما بعرف. عم حاول. عم افشل. عم انجح. عم انسى. عم اتناسى. بتظاهر إنو ما فيني شي وكلو طبيعي وتحت السيطرة. بس لحالي، لحالي، لحالي بعرف إنو في شي مو طبيعي. أنا مفصولة لجزئين.. وكل حياتي صراع بيناتهم، حتى بالوقت اللي بيستريحوا فيه، وبيتركوني لحياتي، ما بكون عارفة من وين لازم ��لّح هالخراب، وبقول لحالي معلش المهم تبلشي، المهم تعرفي وين الغلط وشو محتاجة وتبلشي. ولما بعرف بيرجع يبدأ صراعهم وبتختفي طاقتي او بتزيد لدرجة ما بقا اقدر اتحكم فيها وبتروح هباءً. أنا مرات بندم على قصص بحكيها، وبصراحة أنا مو فاهمة شي.

ما بعرف شي، من زمان كنت قول هيك وأنا مرتاحة، عنجد ما بعرف.. ما بيهمني أعرف.. ولا بدي أعرف.. من يومين فكرت إنو بدي ابعد، تخرب الدنيا ما بقا بدي افهم، تخرب الدنيا ما بدي أعرف شي بالسياسة، رغم إني من أسبوع كنت عم اشرح لخالتي ليش ضروري نعرف بالسياسة ونفهم لوين رايحين وشو عم يعملوا فينا.

أنا محتاجة كون بالحياد، بيني وبين حالي محتاجة أوقف هنيك فترة، وأعرف شو بدي، ووين بدي حط طاقتي، وشو بيهمني. من كم يوم فكرت وأنا عم ابكي، روحي ادرسي.. ادرسي لتقدري تبعدي عن هالمكان وما ترجعيله بنوب. الناس ما بيفهموا انو الدراسة خلاصي الوحيد من هالمنطقة الملعونة. أنا بدي ابعد ليخف تأثير اللعنة لأقدر جرّب الحياة الطبيعية واكتشف شو بتعنيلي. أنا مش فاهمة شي من كل شي عم يصير معي أو عم يصير بالعالم. حاسة الدنيا فايتة ببعضها، ومش قادرة حدد موقفي من شي.

عم قول لحالي أنا محتاجة شوف صور فريدا كاهلو ولوحاتها أكثر من كل شي عم شوفه، محتاجة أقرأ قصائد رياض الصالح الحسين أكثر من كل شي عم اقراه، محتاجة اسمع أغاني أكثر من كل نشرات الأخبار والأحاديث اللي بتخنقني، محتاجة آااه محتاجة اتناسى كل شي، اتجاهل كل شي، طالما لسا بعيد، طالما لسا بقدر اجبره يكون بعيد.. بقدر عنجد؟ ما بيخطرلي غير صوت صديق حكالي مرة: "فرح!انتِ! مستحيل، مستحيل تعملي هيك، ما بصدق ولا بقدر اتخيل!" بس أنا بجد نفسي انسلخ، مرات بقول طيب عندك طريقة تعمليها؟ بسيطة وسهلة وسريعة؟ اي اختفي عن السوشال ميديا، وأنا بأكدلك انو في حال وصلتك أي اخبار.. رح توصلك بعد مرور زمن طويل عليها. بتقدري؟ ما بعرف. أنا محتاجة اتناسى العالم حتى ما بقا فرّغ غضبي بالمطرح الغلط وعالناس الغلط، محتاجة روووووق واهدى واتعلم عن حالي واتعلم حبني وقدّرني قبل ما اتعلم شي عن هالعالم وقاطنيه.

أنا تعبت، مع حالي أكثر ما كون تعبت مع أي حدا، تعبت من حالي أكثر ما كون تعبت من أي حدا ومن أي شي.

في صوت جواتي عم يصرخ، اذبحوا بعضكم، بس أنا بدي عيش.

[marwa-el-zeiny]

ازيك يا مروة.. اتمنى تكونى بخير انتى وأطفالك الحلوين وأسرتك كلها.

أنا عندى ٢٧ سنة وسنجل.. عندى مشاعر مختلطة أو غير مفهومة ناحية الارتباط او بالأصح تكوين أسرة( أساسا فكرة انه تكوين اسرة متكونتش عندى الا مؤخرا).. بدأت أقلق شوية مع قلة الناس اللى بتتقدم مؤخرا، خاصة انى غيرت دوائرى بسبب الشغل.. أصحابى بيقولولى ان شخصيتى بتخوف اى حد ياخد خطوة عشان ميترفضش.. بس فى نفس الوقت بلاقى الناس الىى بتاخد خطوة هما ناس مش ذوقى تماما ومبيبقاش فى عشم ما اصلا.. فمش فاهمة ايه اللى بيخوف.. ايه اللى بعمله غلط.

وازاى اتفادى الناس اللى بيبيصوا بصة الطبطبة دى.. حتى اللى نيتهم سليمة.. مبستحملش حد يجى يشكر فى شىء آخ�� عشان ميحسسنيش انه فايتنى الجواز.

حاسة انى محتاجة أشتغل على جزء انى أسمح لنفسى اتالم لانى مليش شريك/ولا أسرة.. عشان أنا الأول مبصش لجوانب الحياة التانية أنها مسألة حياة او موت.. او قيمتى متعلقة بيهم.

حاسة ان كلامى ملخبط جدا. أتمنى تكونى فهمتينى.

يومك حلو.

انا الحمد لله كويسة يارب يارب تكوني انتي كمان بكل خير

اه فاهماكي كويس جدا لدرجة اني فاهمة اللخبطة وحتي الكلام اللي مقولتيهوش😃

انا اتجوزت وانا عندي ٢٩ سنه وهيا تغفيله اكتر منها جواز من سرعة الأحداث فأنا كانو ف البيت واللي حواليا بيتعاملو ان قطر الجواز هوف اختفي من حياتي وانا نفسي كنت بتعامل ع الأساس دا ..ففاهماكي

كل اللي يجيبه ربنا خير جملة بنقولها كتير بس انننن لو دققتي فيها هتحبيها اوي ولو سلمتي بيها تلات اربع حيرتك وخناقاتك مع نفسك ومعافرتك انك تبيني انك مش زعلانه ومحاولة معرفة انتي ليه الناس اللي مش م النوع اللي بيشدك هما اللي بيتقدموا ، بصي كل دا هتلاقيه بقيتي اهدي فيه ولما بتبقي اهدي الصورة بتبقي اروق ولما بتبقي اروق بتتشافي انك مريحه وكلمة مريحه دي تبان عاديه اوي بس متعلميش أثرها لنفسك وللي حواليكي

فأنا مش هقولك لأ لازم أسرة ولا هقولك لأ انتي ف نعمه وانك سنجل كدا برنسيس خلاص ولا حتي هقولك ازاي تتفادي بصات الناس اللي بتوجع مهما كابرتي واللي لما بتطلع من حد بيحبك بتبقي بتوجع اكتر م الناس اللي بتتسلي عليكي

معنديش حلول ومعنديش رؤيه تخليكي تعرفي مصلحتك فين لأن كل دا غيب محدش يعرف سبب المنع ولا سبب العطاء ودي مفيهاش حسبة ولا خطوات هتمشي عليها نطلع الطبخه مظبوطه ، كله رزق وكله خيير

ف سلّمي وارضي وعيشي أيا كان شكل حياتك هتتراضي واول المراضيه دي انك مش هتحتاجي تتفادي بصات الناس انتي هتتسلي ع اللي بيتسلي ومش هتزعلي ع نفسك مع اللي بيحبوكي

[es-r-aa7]

مساء الخير العزيز تمبلر

وحشك صياحي انا عارفة 😅😅 .. مش عارفة ليه اغيب اغيب ودماغي تحشرني ف نقطة ( هو الانسان مخير ولا مسير ) وبعد الكثير من الهري والسيرش و المرجعيات الدينية ف مش هندخل ف جدالات ملهاش لازمة لأن الانسان مخير ومسير وكلنا عارفين كدة بس بنحب ندور ع شماعة نعلق عليها فشلنا او أخطاءنا..

المهم من كام يوم كدة شوفت حتة بتاعة بودكاست عمرو اديب مع احمد سعد وهو بيتكلم عن اخوه سامح العالم واللي كان الاول ف مجاله ف اليابان وامريكا اختارته عشان تمول بحثه العلمي وكل الكلام الجميل دا وان د.أحمد زويل الله يرحمه دعاه انه يجي جامعة النيل ويكمل بحثه هنا ويطوره والراجل وافق وساب كل حاجة وجه مصر 😅

كل اللي كان مضايقني ف الموضوع السخرية اللي كان بيتكلم بيها احمد سعد وهو عارف انه انسان تافه وضربت معاه مش اكتر ..

ف كل مجال حرفياً في ناس بنسميهم moneymakers سواء ف مجال الطب الصيدلة الهندسة البلا ازرق .. ياما ��كاترة عاملين اسم وعيادات ومستشفيات - دا مش حقد والله 🥲😅- وما شاء الله معاهم فلوس كتير .. وناس تانية مش دي حتتها - انها تبقى moneymaker -

استوقفني سؤال لنفسي هل انتي يا إسراء تعرفي تعملي كدة ! .. الإجابة ببساطة ايوة وجداً كمان ، بس هل هتعملي كدة ! الإجابة بعد تجربة مش سهلة ابداً هي لأ مش هعمل كدة .. لاسباب كتير اوي منها اني نفسي ضعيفة وقلبي لسة مش ثابت ف ايمانه، جربت طريق الفلوس واللي كان بيشتغل معايا عارف كويس اوي ان كار الصيدلة وال community pharmacies دا اتعمل للي زيي واني اتحركت فيه بسرعة جداً حداً - مش لسواد عيوني بس عشان شطارتي وهي تحقيقي لاي تارجيت و مكاسب كبيرة للمكان اللي بشتغل فيه - ودا ياخدني لنقطة ان اهلي شخصياً كانوا مستحرمين اني معملش بزنس لنفسي ، بس هل إسراء فالفترة دي كانت شخص كويس !

في شعراية بين انك تبقى دكتور بتعامل الناس بمهنية ، وانا دكتور صاحب بزنس هو دا رزقك ورزق ناس فاتحة منه بيوت والبزنس يحب الزيادة 😅

ف انا اتسحلت ف الزيادة و نسيت المهنية .. لدرجة وحشة .. سنتين غيروا فيا كتير لدرجة اني انا وقفت واجهت نفسي قولت اني كدة بشتري دنيا وببيع آخرة وانا لازم اختار من غير ما اخلي نفسي تتحايل عليا وتخدعني عشان اوهمني اني مش بعمل حاجة غلط - ف ظاهر الامر فعلاً مفيش غلط - واني نسيت مهنية الصيدلانية وبقيت ابص ع الهامش الربحي اللي عايزاه يكبر.

ليه اللفة دي كلها طيب ! .. دي عشان بس اقول اني بصيح كتير عشان ورطت نفسي ف حتت محتاجة مذاكرة - عشان المهنية 😂 - لحد ما اموت وانا كنت حالفة ميت يمين ما اخطي العتبة دي ، وجيس وات روحتها برجلي لأ وكمان بحوشلها 🥲

ان شاء الله اوصل للنقطة اللي اعرف اكون فيها moneymaker بس مبيعش آخرتي.. معادلة صعبة ف بلد اعوذ بالله من كل شئ فيها.

[feelings-king]

إزاى تبقي هانم

✓ ماتهزريش لحد ما تفقدي هيبتك أيوه ماتستغربيش

الست لازم يكون ليها هيبه مش أي حد يتجرأ على الهزار معاها .. ولا كل أشكال الهزار تسمح بيها و تقبله .. و على فكرة ده لازم يكون وسط الجنسين مش علشان أنتي في قعدة ستات بس يبقى كده مافيش حدود للهزار ..

✓ ماتتكلميش لحد ما اللي قدامك يصدع من تفاصيل كلامك ويشوفها ممله .. خلي كلامك محدد و عزيز زي فاكهة موسمية تروح لها النفس لما تغيب .. ابتعدي عن اللك الغير هادف وخلي كلامك مختصر و في شكل نقاط محدد

✓ مش عيب إنك ماتعرفيش حاجات كتير مش مطلوب منك تكوني بنك معلومات .. بس لو اتكلمتي لازم تعرفي الكافي عن الموضوع اللي بتتكلمي فيه .. مش عيب تقولي ماعرفش .. بس العيب انك تباني ساذجة ..

✓ ماتحشريش نفسك في تفاصيل حياة غيرك .. سيبي الحرية للي قدامك انه يقولك اللي هو أو هي عاوزين يقولوه عن نفسهم .. كتير من الأسئلة زي: عندك أولاد أو انتي مخطوبة أو بتشتغل إيه .. اللي تبدو ليكي أسئلة عادية

ممكن تبدو إجاباتها محرجة لغيرك ..

✓ ماتنسيش طريقة جلوسك هي ثلث مظهرك .. مش لازم تتعوجي في قعدتك بس دايماً خدي بالك من شكلها و على فكرة أقل الجلسات رقة هي اللي بتحطي فيها رجل على رجل .. شوفي حاجة تانية أكثر نعومة و أناقة خصوصاً وسط اصحابك ..

✓ الست ابتسامة مش اكتر من ابتسامة .. و لو حكمت تضحكي يبقى ضحكة صوتها مايتعداش ودانك لكن ضحك المعلمين ده

و ضرب أيد على أيد اللي قاعد جنبي مع الألش ده اختراع ذكوري بحت ..

✓ مش مهم أبداً تكوني لابسه سنييه أو لبس غالي .. كفاية تكوني بسيطة و ريحتك حلوه و وشك صافي و متجانس

و مختاره اكسسوارات مناسبة لوقت خروجك و افتكري إن أصعب أنواع الأناقة ابسطها .. اشتغلي على استايلك كل فترة و عيدي ترتيب أولوياتك فيه ..

✓ اوعي تتكلمي عن نفسك إلا إذا أتطلب منك ده بسؤال مباشر .. لا تعليمك ولا ثقافتك ولا عيلتك ولا محلات الشوبنج بتاعتك تهم حد إلا لو اتسألتي عنها .. و ياريت الإجابات تكون مختصرة علشان ميتقالش عليكي محدثة نعمه ..

✓ كوني لطيفة متستهيفيش رأي حد ولا تغلطي حد إلا ��ي إطار الذوق و المجاملة بلاش جملة الكلام ده غلط .. ممكن جداً تستبدليها مثلاً بـ "الكلام مش أكيد" .. الفرق كبير بين إنك صريحة و إنك قليلة الذوق ..

"كوني أنتي"

أنتي اللي اشتغلتي عليها و طورتيها و ثقفتيها وعلمتيها ماحدش فينا بيتولد كامل لكن كلنا بنتولد قابلين للتعلم ..

و أخيراً كوني واثقة من نفسك .. ماحدش من حقه يقيمك ولكن مراعاتك لأصول اللياقة دي لذاتك أنتي و لصورتك أنتي الراقية عن نفسك ..

الأنوثة بتكمن في الرقي والاخلاق ..

--=_👑_=--

[vincaros]

بعد ماخلفت بدأت احتك بنفسي اللي مكنتش اعرفها

ادركت اني شخص عصبي جدا .. بقيت احتك برضو بطفولتي وبأهلي بما انهم النموذج التربوي الوحيد اللي عرفته في حياتي بشكل عملي بعيدا عن الكتب

ادركت اني متجاوزتش شيء بالعكس كل حاجة بتنهمر عليا بشكل مرهق

وده بيزيد من احساسي بالمسؤولية والشعور بالذنب ان مش عاوزة يجي وقت ويبقى المثال التربوي الوحيد لابني يكون سيئ بشكل اكبر مما هو كويس

الشيء الوحيد للتجاوز هو المواجهة مش الهروب .. بس انا مش بعرف اواجه .. متعودتش .. لازم اهرب واستخبى وخلاص سواء انا عملت شيء غلط او معملتش حاجة اصلا

كنت بكلم واحدة صاحبتي كانت بتقولي انها مش بتعرف تطلب حقها وانها خايفة لما تخلف متعرفش تعلم اطفالها يطالبوا بحقهم هما كمان

كان ردي عليها اننا لو فضلنا مستنيين نصلح من نفسنا عشان نخلف فإحنا مش هنخلف خالص بقى لاننا مليانين عيوب كتير ومفيش انسان كامل

بس فيه انسان مدرك لنقاط ضعفه وبيحاول يتخطاها ..

"اول لما حملت كنت ع��وزة اخد حقي من الدنيا كلها .. كان عندي طاقة اطالب بحقوقي واتكلم واعبر .. عشان كنت خايفة افضل سلبية وأنا مش عاوزة أطفالي يكونوا سلبيين"

قولتلها ان لما تدركي نقاط ضعفك وشخصيتك ده يخليكي متتعاليش على اطفالك .. يخليكي تفهمي ضعفهم وتفهمي مشاكلهم وقلقهم وخوفهم .. سواء تخطيتي الشيء اللي عاوزة تتخطيه أو لا .. بس انك تعرفي انك مش كاملة ده في خد ذاته شيء صحي وعلامة تقدم ..

الحقيقة الاباء اللي بيكونوا زي الآلهة وجايبين الأطفال عشان يطوفوا حواليهم ويلبولهم رغباتهم هما ويحققوا كل شيء عشانهم هما .. هما دول النسخة اللي مستحيل تصلح من نفسها او تستوعب اللي اطفالهم بيمروا بيه ولا قادرين يستوعبوا أي شيء فيهم

[dimitri97]

تتعرف ازاى من الاول بقى؟

ممكن اول ما تعرفي المدرسة الي انتي نازلة عليها ، تحاولي تتعرفي ع حد فيها وتسألي ع النظام وكدة ، بس هو عموما هيبقي صعب ، افرضي مثلا يوم عندك الحصة الأولي والأخيرة ، هتضطري تقعدي لآخر اليوم كدة كدة

[katoisha11]

ازيك

انا أمس نهيت علاقتي بشخص

بس فعلا العلاقه كلها بقيت مشاكل ونكد

مش عارفه العيب فين ولا المشكله فين

هو يقولي انتي الفتره الاخيره اتغيرتي وانا اقوله انت الفتره الاخيره مبقتش تركز وبقيت بتغلط بالكلام كتير

احنا مبنتكلمش خالص خالص علي الفيس

بيغلط وسط الكلام ويقولي انا هنام مثلا وابقا ابعتيلي فيس

مكنش بيقول كده في الاول ،

ولما بسأله بيقولي والله قلة تركيز وانا معاكي علي طول ومش بكلم حد علي الفيس وراح مسح المسنجر ...

طيب انا المفروض اتصرف ازاي

شديت معاه جامد ووصلت العلاقه للنهايه

انا دلوقتي تعبانه وحرفيا مش قادرة اتحرك من مكاني قوليلي اعمل ايه ،🥹🥹

اهلا يا انونه ..

مممممم الفترة الي مضت وحاليا فترة متوترة فلكيا وكلنا نخضع لهذا التوتر معاه حق ومعاكي الحق لكن الحب المفروض يكون مبني ع التفاهم والصداقة مش كلام حب وحبيني واحبك لا خالص ، يعني كان المفروض تحكي معاه تعرفي ظروفه او هو يحكي معاكي لازم تقدروا ظروف بعض لو كان حب حقيقي ،مدام مسح الماسنجر يعني اشترى خاطرك وما كان ناوي يزعلك لكن البنت عبارة عن كتله مشاعر الكتم وان الفترة الاخيرة كان مش مركز معاكي كلها ادت الى انك تنهي العلاقة لو كان يحبك ح يرجع وانتي لما قررتي تنهي العلاقة ماكنتي مركزة بقد ما كنتي عصبية ومقهورة .. حاولي تهدي اعصابك وما تتسرعي وتعملي خطوة تندمي عليها بعدين ، اخذي فترة حاولي تفهمي مشاعرك وتصارحي نفسك انك بتحبيه او متعلقة بيه ... وبعدها قرري انك تستمري بقرار انهاء العلاقة او لو رجع ح ترجع المياه لمجاريها ... وكذلك حاولي تشغلي نفسك ما تستسلمي للفراغ لان الفراغ ح يخليكي تروحي لسكة انتي مش عايزاها .. اخرجي انتي وصديقتك ، ارجعي مارسي هواياتك وتأكدي لو فيه خير ح يرجع بس لما يرجع حاولي تبتدي من جديد وبجدية اكثر وتكوني عارفة ايه من هذه العلاقة ...

التعلق مؤذي جدا فحاولي ما تتمسكي وتوفقي ع الطالعه والنازلة ..

وربي يهدي النفوس ويصلح الحال 🌹

[wafasolyman89]

قصة حقيقة على لسان أحد الآباء 💙

بنتي غضبت من زوجها وقعدت عندي هي وبنتها الصغيرة

كل مرة كانت تترك بيت زوجها كنت أقولها ما ينفع تسيبي بيتك وبخليها ترجع

بس المرة دي مش راضيه ترجع

ولما حكت لي اللي حصل اعرفت ان الحق على زوجها

فأنا قلت لها معليش يا بنتي هيفضل جوزك ابو بنتك وانا بنفسي هرجعك لعنده

مع انه ما اتصل ولا مرة عشان يسأل على الأقل على بنته

اخدت بنتي ورحت وطلعت بنتي قبلي ودقت الباب

فلما فتح جوزها الباب بسرعة قالها :

لو اهلك معاهم يأكلوك مارجعوكي لي

انا هنا تجمدت بالأرض وكلامه نزل علي متل النار

جوزها شافني اتفاجئ وقالي بخجل :

اهلا عمي

انا قلت له :

والله معنا نأكلها احسن اكل

بس انت الظاهر ما تقدر تصرف علي زوجتك وبنتك

لكن انا اقدر اصرف على بنتي وبنتك بس لما ما يبقي معايا اصرف عليهم هرجعهم لك

اخدت بنتي ونزلت ودموعي على خدي مقهور لأنه فسر احترامنا له وحرصنا عشان مانخرب بيت بنتنا انه ضعف وقلة حيلة

المهم خليت بنتي وحفيدتي عندي وقلتلها: ما تقلقي لو هقـطع من لحمي و اكلك انت وبنتك اوعي تشيلي هم شي

بنتي: والله يا بابا على طول بعايرني بفقرنا مع انه لما اتجوزته كان فقير زي ما انت عارف

ولما ربنا عطاه كل يوم إهانات وذل

بس انا ماكنت احكي لكم عشان ماتنقهروا

دخلت على غرفتي وانا مقهور وخفت أكون اخدت القرار الغلط وخربت بيت البنت

وبقيت ادعي ربنا عشان يجبر خاطر بنتي و يختار لها الخير

ومرت الايام وحسيت ان ربنا يرزقني ويباركلي بمالي

زوجها اتصل بي وقالي :

امتى ها ترجع بنتك لبيتها .؟؟؟.

انا كل مرة أقوله جملة وحدة

لسه معايا أكلها واكل بنتك

بقى ��هددني انه هيطلقها

وانا قلت له بالناقص منك

سبحان الله حس حالي أني قوي وان ربنا هينصف البنت.

وفي يوم جوزها بعتلها ورقة الطلاق...

بنتي زعلت وانقهرت عشان بنتها فأنا قلت لها ان ربك هيختار لك الخير

مضت الايام وربنا بيرزقني كمان وكمان.

لان بنتي على طول بتدعيلي وتقولي الله يرزقك بحسنتنا لحد ما أمنت بنتي وجودها بركة ببيتي.

وانو ربنا بيرزقني بسببها وخصوصا ان طليقها اتدهورت احواله بعد ماطلقها

بعد سنة اتقدم لبنتي شاب من عيله واخلاقه كويسة ووضعه مرتاح و قبل ان بنتها تسكن معها

انا هنا طرت من ��لفرح لان ربنا استجاب لدعائي

اتجوزت بنتي ومرت الايام والسنين

و في يومرجعت بنتي غضبت عشان مشكلة بينها وبين جوزها .

فلما حكتلي اعرفت انو الحق عليها فقلتلها يالله هاخدك عند جوزك

أخدتها وقلبي عم يرجف...

وخفت اسمع نفس الجملة اللي سمعتها من سنين فقلت لبنتي :

اسبقيني ودقي الباب بنتي بصت لي وقالت لي معليش بابا انا هطلع لوحدي ...

بس انا اصريت على موقفي

بنتي دقت الباب فلما فتح جوزها شافها قالها تعرفي ان البيت مش حلو من غيرك وبص علي وقالي يا عمي انت جايبها. بنفسك والله فضلك على راسي

بكيت ودموعي تجري كنهر دموع

زوج بنتي استغرب وقالي عمي مين زعلك؟؟

انا قولت وصوتي رايح من البكاء دي دموع الفرح يابني

انا دلوقتي إطمئنيت على بنتي وهـموت وانا مرتاح

ومبسوط

الله يجبر بخاطرك متل ماجبرت بخاطري 💙

[f-farah]

فالموت ليس ببعيد عنا، ببعيد عنك. هكذا تحدث نفسها الطفلة في رأسي. تعالي نأكل ما نستطيع، أنت تعدين قالب حلوى بالشوكولاتة وأنا آكله.. تعالي نشرب أيضاً، أنت ترتشفين نبيذك في لياليك الوحيدة وأنا أشرب عصير البرتقال. تعالي نقرأ.. أنا أخبئ القصص في كتب المدرسة وأنت ترتكبين ذنباً هامشياً بالغرق في رواية. الموت ليس ببعيد عنا، ببعيد عنك. استمعي جيداً للسكون.. استمعي جيداً للطيور.. لحفيف أوراق الشجر.. لكلب ينبح في البعيد.. استمعي جيداً للضحكة.. لصوت القلم على الورقة.. للتنهيدة.. للنفس قبل سقوط الدمعة.. استمعي للنار في الموقد، والإبريق الذي يغلي.. لهدوء الليل.. لنفسه الحار على عنقك حتى والمسافات بينكما طويلة ومنهكة.. استمعي للصرخة في قاع رأسك.. للسقوط المدوي للفرحة.. للسكين الذي يشق قلبك.. للقيود والسلاسل التي تلف رجليها.. رجليك.. استمعي للدموع، للوعود، للدعوات والصلوات.. لللحظة التي تسبق العناق، تسبق معرفة الإنسان بأنه الآن سيحاط بالدفء سيكون بأمان ولن يعكر سكون اللحظة وقدسيتها شيء.. استمعي للحياة فالموت الآن هنا وليس ببعيد عنا، ببعيد عنك. تحدث نفسها الطفلة برأسي. تعالي نلتهم الحياة بقضمة واحدة كبيرة كي لا يسرقها أحد، تعالي نحلم بالسماء الزرقاء وهي فوق رؤوسنا.. أتبقى دائماً زرقاء؟ وفوق رؤوسنا؟ تعالي نلعب الغميضة.. نختبئ وننتظر أن يعثروا علينا. ماذا لو لم يعثروا علينا؟ فالموت ليس ببعيد عنا، ببعيد عنك... ماذا لو عثر علينا قبلهم؟

-من هم؟

الذين قد يختفون.. الذين يموتون قبل أن نعرفهم.. الذين يموتون بعد أن نعرفهم.. الذين قضينا حياتنا نعرفهم، قضيناها معهم. هم.. من نحبهم.. من يطمئن القلب في قربهم.. من تكون أياديهم جسورنا العائدة نحو الدفء.. من تكون قلوبهم بيوتنا الوحيدة في البرد.. من يشعلون لنا الشموع.. من نبكي في حضرتهم فتصير المرارة حلوة.. من نضحك بسببهم فنتصوّر النعيم الأبدي.

هم.. شجرة الكينا (تعرفين أن الكينا لا يُزرع في البلاد.. بلادنا! لا بأس إن لم تعرفي.. لم أعرف حتى صار عمري عشرين ورقة كينا مزيفة..) لا أعرف ولا يهم.. شجرة الكينا الكبيرة عند مفترق طريق المدرسة، هم.. النرجس الذي زرعه والدك وأنت، عندما كنت في العاشرة وكنت تحلمين بحديقة من النرجس، هم.. قصاصات الورق في دفاتر الإعدادية.. والقبلة المخفية وراء السور.. هم السور.. والبيوت.. البيوت التي ليست لك ولكنك تألفينها.. البيوت مع الأبواب المفتوحة.. والكراسي على الشرفات التي تطل على الشارع فوراً.. والقهوة المرة. هم.. أشجار سرو وصنوبر وسنديان، حفرتي اسمك عليها.. وأسماءٌ وأسماءٌ وأسماء.. هم (w+m=love4ever) على حائط المدرسة.. هم (بحبك) محفورة على شجرة سرو.. والكلمات.. كل الكلمات التي تشكل قارعة دكان ما.. الأراضي الفارغة إلا من الصخور والحشرات والأعشاب والزهور البرية.. ضجة بائع جوال، وموسيقا حلوة من بائع الذرة.. هم الزيتون والعنب والتين.. والتفاح.. وشجرة المشمش التي لا تصمد في حديقتكم سنتين.. وشجرة الخوخ التي ما إن يداهمها اليباس حتى يزرع البابا شجرة أخرى.. هم شجرة اللوز في أرض جاركم والتي تخترق الحدود بينكما.. والخبيزة على جانبي الطريق، والورد الجوري في كل المنازل.. كل المنازل.

ماذا لو عثر الموت علينا، عليك.. قبل أن تعثر علينا الأشياء التي نعرفها؟

تعالي لا نلعب الغميضة، نجلس أنت وأنا، تخبرينني أن حياة الكبار ليست حلوة، وحياة الصغار لا تدوم.. وأن الحياة.. الحياة الحياة لا تأتي أبداً هنا. احكِ لي كيف قد يموت البشر من اللاشيء.. لا تقولي أن اللاشيء مزيج من القهر والذل والكبت والوحدة والظلم والخيبة والتعب والتعب والتعب. تعالي علّميني كيف نحلم نحن الصغار الكبار.. كيف نحلم بعالم مليء بالنرجس والقلوب المتعانقة.. والكينا الذي لا يُزرع في البلاد.. بلادنا! والطرقات التي حفظت خطواتنا، وطائرة ورقية ملونة تطير في سماء زرقاء دوماً.. هي سماؤنا، علّميني كيف نحلم بالسكون دوماً.. بالألفة التي لا تنتهي.. قولي لي أن الأحلام، كل الأحلام تتحقق.. أن لا أحد يموت تماماً، أننا لا نفقد من نحبهم.. قولي لي أن الموت ليس هنا، قولي لي ألا أنظر للسماء وأتخيل طائرة تقصفنا، قولي لي مثلاً أن القذيفة التي ستقتلنا لا نسمعها قادمة، قولي لي أن الرصاص الطائش لن يصيبني لأني ورقة كينا.. والكينا لا يُزرع في بلادنا.. قولي لي أن الحرية هي طريقنا وكلمتنا وحياتنا وقدرنا وأن الحياة التي ندفعها ثمناً للحرية لا تذهب هباءً.. قولي لي أن الفراغ مصير الضعفاء والجبنا��، وأن الحياة.. كل الحياة.. مصير الشجعان، قولي لي أن الحياة حلوة حتى عندما تقصفنا طائرة دون ذنب ارتكبناه، ولكن أجيبيني: هل حقاً تستحق الحرية غير المؤكدة قطرة دم واحدة؟ ولمَ مصير نضالنا طويلٌ طويلٌ طويل؟ وهل نريد حرية بعد دماء؟ ألا طريق آخر؟

- لا طريق آخر.

الموت هنا والآن ليس ببعيد عنا، ببعيد عنك. فقولي لي لماذا لا يموت الأبرياء بهدوء؟ لماذا الخوف لعنة تطاردنا؟ لماذا الغضب يأكلنا؟ لماذا القبح نصيبنا في البلاد.. بلادنا؟ قولي لي لماذا نعلم عن الموت أكثر مما نعرف عن الحياة؟ لماذا يجلبون الأسلحة للأطفال ويذهبون عقولهم؟ لماذا الناس يتعبون حتى يأكلوا؟ لماذا يفكرون بالغد.. بالغد.. بالغد..؟ لماذا يتمنون لو لا يأتي؟ لماذا يتمنون أن يرحلوا جماعة جماعة جماعة؟ لماذا ندفع ثمن خطيئة لم نرتكبها؟

قولي لي شيئاً.. شيئاً يقول أن الموت هنا وليس ببعيد عنا، عني. ولكنه إن أتى سنكون سعداء، راضيين.. فقد عشنا بالقدر الذي تمنحه لنا البلاد، وأننا سنلعب الغميضة فالحب هو من يعثر علينا أولاً دائماً. والأشياء كل الأشياء لا تموت حين يحبها أحدٌ.. وأن الحرية قدرنا، والخلاص آتٍ لا ريب فيه.. وأن العالم لابد سيكون مليئاً بالنرجس والقلوب المتعانقة.

[ksalama71]

في مسلسل حلاوة الدنيا.. أول ما "سليم" بدأ يزور "أمينة" في المستشفى سألها هي حاسة بإيه؟ قالتله "توتر".. فقام سألها على طول أما بتتوتر بتحب تعمل إيه؟ قالتله باكل لبان.. تاني مرة أما جيه يزورها جابلها كيس هدايا في لبان.. وبعد ما إتعرف عليها أكتر عرف أد هي قريبة من إبن صاحبتها الأنتيم وزعلانة إنها مش هتعرف تحضر عيد ميلاده.. فكانت المفاجأة إن سليم قالها "أنا هجيبلك الدنيا لحد عندك" وعاشوا مع بعض عيد الميلاد video call.. كل اللي كان فاصل بينها وبين صاحبتها مجرد شاشة بس..

في فيلم me before you.. بعد ما بدأت علاقة "ويل" تكون قوية ب "ليزا" الممرضة بتاعته.. وبعد ما عزمته في عيد ميلادها إتفاجئت إنه جايبلها هدية.. الهدية كانت عبارة عن شراب طويل لونه أصفر وفيه خطوط سودا.. لويزا نطت من الفرحة وهي بتفتح العلبة وبتشوف الشراب قدامها وخطيبها قاعد مش فاهم هي بتتنطنط على إيه دول مجرد "شرابات" يعني.. هو من وجهة نظره جايبلها حاجة "أقيم" و"أشيك" اللي هي السلسلة الفضة اللي مكتوب عليها إسمه.. بس اللي هو مش شايفه إنه السلسة دي عكس شخصية لويزا تمامًا.. وإنه لو ركز في تفاصيل خطيبته كان هيعرف إنه شراب ملون ممكن يخليها بتتنطنط من الفرحة وبتتشقلب..

مرة وانا راكبة مع صاحبتي عدينا من جنب محل حلويات معروف، لقيتها بتقولي تعرفي يا ميرنا أنا نفسي أوي في red velvet من عنده.. قولتلها طيب انزلي وجيبي لقيتها بتقولي لا لا أنا بقولك بس.. يومها وانا مروحة بليل عديت عل محل وقولت أما أجيب أنا ال red velvet واديهالها بكرة وافرَّح صاحبتي.. بس متخيلتش إن صاحبتي ممكن تاني يوم تبعتلي بليل وتقولي أنا دعيتلك طول منا باكلها عشان إنتي إهتميتي بتفصيلة عندي وفرق معاكي إنك تفرحيني حتى ولو بحاجة بسيطة..

إحنا في العلاقات مش دايمًا محتاجين الحاجة الغالية.. ولا الحاجة اللي من المكان الفلاني.. ولا الهدايا اللي مبتجيش غير في المناسبات وبس..

إحنا في العلاقات محتاجين حد يحسسنا إننا مهمين.. مهمين لدرجة إنه فاكر تفاصيلنا ومهتم بيها.. فاكر إحنا بنحب إيه وبنكره إيه.. فاكر إيه الحاجة اللي محتاجينها دلوقتي.. عارف إيه الحاجة اللي فارقة معانا.. عارف إيه الحاجات اللي في نظر الناس "تافهة" بس هي بالنسبة لنا حاجة كبيرة ومهمة أوي..

الموضوع مش مجرد هدايا مادية بنجيبها منين أو بندفع فيها كام (وإن كان ده ميقللش من قيمة الهدية) .. بس الموضوع إني مهتم بالشخص اللي قدامي أوي لدرجة إني فارق معايا أنا أعرف أفرحه وأسعده إزاي.. أسعده بطريقته هو.. بإحتياجه هو.. مش بطريقتي أنا.. وإحتياجي أنا :)

#منقول