#العيله

[evmorfi-a]

مسلسل العيلة دي الحلقة 12 الثانية عشر

[mozkrat-ensan]

خليني اعرفكم ع بعض مما نعيشه في حياتنا اليومية في غزة او بمعنى أصح مما اعيشه شخصياً من معناه ولكن فضفضه عابره لعلها تخفف ما أشعر به..!

البدايه؛

وهي بداية كل يوم من 8 اشهر من دون نهاية .

تخيل نفسك راح تمشي تقريباً ما لا يقل عن 2_3 كيلو عشان تشبك انترنت ادا توفر عشان تقدر تتواصل مع باقي أفراد العيله بره البلد وبعض أصدقاء بستنوا منك كلمه مرحبا او انا كويس لا تقلق او بمعنى اخر انا مش ميت بس الانترنت غير متوفر زي كتير أشياء غير متوفره ، وتتصفح فيسبوك وانستغرام وتشوف بعض اخبار وتشوف الناس عايشين حياتهم طبيعي، بياكلوا وبشربوا بسافروا وبروحو على البحر وعلى السينما والمتنزهات واولادهم يروحوا على المدارس والجامعات، وأكبر همهم شو حيلبسوا اليوم أو شو حياكلوا ووين حتكون طلعتهم وسفرتهم.. !

فجأة تنصدم بالواقع اللي انت عايشه من 8 شهور، بتحاول بس تنجو انت و 2 مليون إنسان بدون كهرباء ولا مية ولا حتى طعام، تتذكر إنه كان عندك حياة زي بقية العالم قبل كل هادي الظروف، لكن كل اشي اختفى، حتى ملابس ما في إلا الي عندك وعلى جسمك وما في جديد انك تشتري ، صار كل همك تحاول توفر أقل اشي بالحياة "المية النظيفة"! هاد ان قدرت توفرها اه والله.

لا ورغم هيك، بعض من الناس بتعاتبك وممكن يشتموك، ليش؟! عشانك مختفي وما بتنشر اشي وما بتنقل الصورة! أي صورة؟ اللي صارلها 241 يوم على كل شاشات العالم وما حد حتى قدر يعمل اشي.!

والله القهر اللي بنعيشه ما بتحمله حيوان مش بشر رغم هيك بنحكي الحمدلله على كل حال وان شاء الله في يوم قريب تخلص هالمأساة وننشغل لترميم حياتنا وأنفسنا وبيوتنا الي راحت ونحاول نعيش زي أقل واحد في البشرية وما نتحسر لما نشوف حد عايش طبيعي واحنا مش عايشين أصلاً...

[3-zooooooz]

مساء الخير يا تمبلر، ازيك وازي أحوالك؟

انهارده كنت في حنه ناس قرايبنا، وكان كل العيله ما شاء الله، الحنه مكنتش هايصه قوي مع انها كانت كبيره ما شاء الله، دا انا صقفت تصقيف انا وساره، اصلا مكنش حد بيصقف غيري انا وهي بس😂، وضحكنا كتير قوي برضو، كنت لابسه فستان عسول وحاسه ان شكلي حلو، واحساسي دا اتأكد من الاطراءات الجميله من الاهل والأحباب لما شافوني، المهم اني راجعه مبسوطه الحمد لله وحاسه كمان _على غير العاده_ ان معنوياتي في السما..الحمد لله، المهم يعني ان رؤية الافراح برفقة احبتنا من نعيم الدُنيا وأُنسها🤍🤍 .

اماا اروح بقى اشرب كبايه شاي بالنعناع تروق الدنيا .

[ala-mhmd]

من أكتر الحجات اللي بقت تخلي قلبي يرق ويقشعر فكرة " الاصطفاء " ..♥️

يعني ايه ؟ يعني إن ربنا بيختار من عباده ناس يصطفيهم ويعطيهم شيء يرفعهم منزله عنده ، يعني اختاره من وسط ملايين !

زي مثلاً ان ربنا يختارك ويصطفيك في ابتلاء معين فتصبر فيه فتدخل الجنة !

أو انه يخلي بوست ذكر يظهر قدامك فتذكر الله ، او يفكرك قبل النوم بالملك وانت ناسي !

او انك تلاقي نفسك بالصدفة البحته التحقتي بحفظ قرآن ولا دروس شرعية !

أو انك تبقي في الشارع فتلاقي مكان تصلي فيه فتصلي وماتفوتكيش الصلاة !

او حد محتاج مساعدك يلجألك فتلاقيك بتفرج كربه ويدعيلك !

فكرة الاصطفاء والاختيار دي فاهميني ..؟

جماعه احنا لو حد في العيله كبير كبر بينا ولا اتكرمنا في شغل او جامعة بنرفع راسنا فخرًا ان فلان اختارنا ..!

ولله المثل الأعلى !

ربنا طول الوقت بيختارك في حجات تقربك منه ! دا كفاية انك اتولد مسلم مثلًا ما دخلتش في دوامة تغيير الدين والتعرف والتشكيك .. اتولدت مسلم بلا صراعات !

فإيه؟ ايه ياخي ..؟

اللهم اجعلني لك ذاكرًا لك شاكرًا لك طائعًا ومن عبادك المُقربين ♥️♥️

[the-punisher9]

حوار انك تختار كارير وتكون اول حد يخوض التجربه دي في العيله ومفيش اي حد تتسند عليه او ياخد ب ايدك وانت بتخطو البيبي استيبس بتاعتك بيخلي الطريق دا يزيد اضعاف المسافه .. عامل زي اللي بتنحت في صخر بمعلقه

[mohamedyoussef1]

افتكرو ان محدش هياخد حاجه معاه لما هيموت ، وكلنا رايحنلها ، ولا غدر غدرته بحد هينفعك ولا لؤمك وخبثك هيرجعك ولا كدبك وخيانتك نفعاك ، بالعكس دول كلهم هيبقو عليك ، ومش هينجى يومها غير عمل صالح وعباده لله خالصه لوجهه ..

طول الليل بتأمل حالى بعد كام سنه انا وكل العيله وصحابى مسيرنا نموت زى اللى كانو هنا فى مكاننا من ١٠٠ سنه ما ماتو كدا ، وكل اللى بعافر عشانه دا حتى لو وصلتله هسيبه وامشى وفجأه فقت لحقيقة انى وانا بعافر مينفعش انسى حاجات اساسيه هتنفعنى اليوم دا ، سواء صلاة او ترك معاصى وطاعة ربنا وبر والدين وانى وانا بسعى استحضر نية انه كله لله انى بذاكر لله وعايز اشتغل عشان لقمه حلال واعف نفسى لله ، وربنا يعين ويقدر ، كل اللى لازم اعمله انى ادعى ربنا كتير انه يعينى على ذكره وشكره وحسن عبادته ، يعينى على طاعته ، ويهدينى لسبيله دايما

دعواتكم

[stella-sirius]

مولود جديد في العيله هذا المساء

[mohager-69]

الخساره المره دي مكسب ، والمكسب المره دي غنيمه، والراحه جات بعد اللي حصل، واللي كنت مصبر نفسي عشانه اثبت اني صح وووحصل، فكده انا خسرت الناس دي وكان احلا مكسب فعلا ،خسرت جزء من العيله خالي وخالاتي واثبت لأمي قد اي الحقد والغل في قلوبهم من ناحيتي

[ffatma45]

ربنا يخرجني من العيله دي على خير ويكون عقلي متجننش😆

[somaas-world]

اول ماشوفت الصوره تزكرت حالى مبارح مع عيال العيله لما اشتغلو فيا صح ( كرم ووليد) الاولانى صبيلى عصير وهاتى لى طاوله لحالى وحطيها هنا حطيلى على كرتون السيارات

وليد وانا كمان بدى طاوله لحالى وعصير وترمس وشكولاته

( مع العلم مش حرماهم من حاجه 😔)

نفس الموال بعد كام دقيقه ..شقفة شبر ونص انما جبارين

انا اتبهدلت اوى مبارح وبرستيجى اتبعتر فى الارض والله😁

[evmorfi-a]

مسلسل العيلة دي الحلقة 3 الثالثة

[marmarika-world]

‏نصيحه لكل راجل عطاط

متشقطش من العماره و لا من الشارع بتاعك

متشقطش من الشغل

متشقطش من صحبات مراتك

متشقطش من الفيس بوك

متشقطش من العيله

هيتقطع عليك و هتتجرس

[3-zooooooz]

عندنا واحده في العيله كل ما بتشوف وشي هي وبناتها وبعد السلام بيسألوني سؤال واحد وهو " ها يا عزه ؟ آخر سنه ليكي دي ؟ " وانا ارد بأه آخر سنه إن شاء الله، والله حرفيا وبدون مبالغه كل ما بيشوفوا خلقتني، المصيبه ان الموضوع مقفوش قوي لأنهم كانوا فاتحينه مع اخواتي قبل كدا فا باين قوي والموضوع مضايقني قوي والله، وبعدين على ايه يعني الصبر دا!! مش لقياله مبرر والله .

[fozdoaa]

العيله اللى مفيهاش صايع ضايع حقها

[joe7]

قاعدين في تجمع عائلي وكله مبسوط وبيضحك

--اصغر طفل في العيله

[mohamedyoussef1]

كنت فى فرح يوم الاربع بنت خالتى وكان حلو جدا لان اول مناسبه من زمان كل العيله متجمعه كل اخواتى وشباب وبنات العيله كلهم.. فكان يوم لطيف بس طبعا لازم حاجه تكدرنا فى النص ..

فيه ناس معينه كل مااجى اسلم عليهم يقولولى (عقبال عوضك ) او (ربنا يعوض عليك ) ، وطبعا دا معناه واضح انى حصلى مصيبه زمااااان وربنا هيعوض عليا فتلقائى بفتكر انى كنت متجوز وطلقت (من اكتر من سنتين) يعنى حرفيا نسيت . واكتشفت حاجه رهيبه بقى جداا من كلام حد معين، ان كله فى العيله بيقول انى لسا بحبها فعشان كدا متجوزتش ، حد انا نسيته ولما بفتكره لاسباب معينه بقول حسبى الله يقولو اصل انا اسا بحبها ، والمشكله انهم عارفين كم الاذيه اللى اتاذيتها زمان فى القصه دى ، والمفروض بكونو عارفين انى تعافيت تماما منه

الناس تقريبا مبتسبش حد فى حالها خصوصا اللى بيشوفوك كل سنه مره دول بس متابعين اخبارك جدا وبيسمعو عنك بس من برا ، البجاحه بس ان اللى بيننا ميخليهومش يدخلو ف تفاصيل كدا وينصحونى ويلا اتجوز ويلا عايزين ربنا يعوض عليك ، ياعم انت مين ..

يلا خير