#اتاك

[yosawn]

[weirdnoury]

بقالي اربع سنين مروحتش القاهرة منهم سنتين عايشه في مدينة صغيرة مفيهاش زحمة غير بسيطة ولما روحت النهاردة القاهرة كنت عاوزه اطلع راسي من العربية كل شوية اقولهم يالاهوااااي انتوا عايشين في الزحمة دي ازاي يالاهواااي حد يخرجني من هنااا

[jaunerevee]

احيانًا بحس اني غلطانة سيكا في اني باعدة نفسي عن مجتمع الجالية العربية هنا من يوم ما جيت لحد ما بختلط بيهم وبفتكر انا بعدت نفسي ليه من البداية .. فا مثلًا جوزي بقاله فترة بيقترح عليا اني اخرج مع مراتات اصحابه في الشغل خصوصًا اني ماليش اصحاب هنا وانا كل مرة بتحجج وبقوله بعدين وهكذا .. لحد ما رجع النهاردة متضايق ان اصحابه المصريين كانوا بيتريقوا بينهم وبين بعض على حالة رايحة المستشفى ببانيك اتاك عشان الكلب بتاعها مات .. فافتكرت انا ليه بفضل الوحدة والعزلة والبانكيك عن الاختلاط بالفلاحين ولاد الوسخة

[vitamin-amr]

‏وحين يأتيك أحدهم لاجئا اليك فأحسن احتوائه واكرم قلبه ، فما اتاك الا لانه راى فيك الراحة و الامان ♥️

[zahraa17]

هي الدنيا كدا يوم ليك و٦ للبانيك اتاك

[mohamedyoussef1]

من اقذر الاشياء فى بعض الامراض النفسيه زى البايبولار نوبة الهلع او البانك اتاك ، مشاعر مخيفه مرعبه بتتملك منك ومن جسمك اللى بيكون كأنه بيهرب من الموت وكل اللى بتكون فيه ساعتها كان كيانك بيصارع الموت ، بتكون ليالى من الوهن الشديد اللى عمرى ماجربت زيه ، انهيارى فى كتير من مواقف حياتى لا يقارن ب بانك اتاك واحده جاتلى بلا اى مقدمات ولا اى اسباب ، بل بالعكس فى عز الانبساط تلاقى دا حصل ، اسوا مافيها هو انك بتواجه مشاعر مميته لوحدك تماما وفى الحقيقه مقابلتش شعور بالوحده اقسى من شعور الوحده اللحظات دى

الله غالب

[itsbtates]

هتفضل فاكر ان السكوت هو افضل رد لحد ما تنام تحلم بالكلام المحشور فزورك يصحيك علي بانيك اتاك تعلمك متسكتش تاني

[amrs-posts]

#علم النفس عن #العاطفة 💔

❄ #نفسياً،اذا استنشقت عطر من تحبه ثم استنشقته مره اخرى بعد 20 سنه فستتمكن من ارجاع ذكريات لن تعتقد انك كنت ستتذكرها

#نفسياً، سبب عدم قدرتك من اخراج شخص من تفكيرك هو انه الشخص بذاته يفكر بك لقد اثبت علميا علم النفس ذلك

نفسياً، اذا احب رجل امرأه ولم تكن من نصيبه

فلن ينساها وستبقى في ذاكرته الى الابد

❄#نفسياً ، اذا اتاك شعور ضيق بشكل مفاجئ

فأعلم ان احد يبكي اشتياقاً لك

#نفسياً، عندما تتذكر شخص كنت تحبه قديماً....

فاعلم انه يحبك ايضا

❄#علمياً ، عندما يرجف جسمك فجأه...

فاعلم ان من تحبه حزين كثير لأجلك

#نفسياً��عندما تصمت المرأه امام من تحب فستاتي كلماتها على شكل دموع

❄#نفسياً،الشخص الذي تحبه لن تستطيع ان تكرهه

حتى وان جرحك الاااف المرات

#نفسياً رؤيه شخص تحبه في _الاحلام

هو من اشد انواع الحب صدقاّ

❄#نفسيا هناك قوة يمتلكها كل واحد فينا :

هي قوة التوقعات :عندما تتوقع أن شيئا سيحصل

ويحصل بالفعل ولكن كيف تستخدمها؟

..🌹☑

[es-r-aa7]

أعتقد هفصل من هنا شوية ( هيضم لاخواته انستا وفيس) لان جالي بانيك اول ما استرجعت اللي حصل من ١١ سنة واني مش عارفة هل ربنا نجاني من هول اليوم دا ولا ابتلاني بنجاتي دي .. بس انا مش هستحمل اي بتنيك اتاك تاني حقيقي وفلاش باك لا ينتهي سواء اصوات/ اشكال / أحداث / روايح

انا بس مش قادرة ارجع لنقطة الصفر بعد صراعات كتير ، بعد حروب كتير و أعتراف بكم الأمراض النفسية اللي عشت بيها سنين بسبب اليوم دا.

انا مش بس فقدت أشخاص ، انا فقدت إنسانيتي من يومها

[ebrahimx]

لا خلي بالك انا تافه جدا مشفتنيش بالفوطه الصبح في البلكونه حاجه تجيب هارت اتاك

[maiiiiie]

الأزمة اللي حاصلة للحجاج بسبب الحرارة و استغلال المواصلات فكرني باليوم اللي ماما صممت نروح نصلي الجمعة في الحرم وكانت الشمس حارقة رغم اننا كنا في سبتمبر، خلصنا الصلاة والزحمة كانت رهيبة لا في باصات ولا تاكسيات و حرفياً من الحرارة انا كنت بفضي أزايز المية على دماغ ماما و رعب إن يحصلها حاجة فقررت إني هجيب كرسي متحرك و هرجعها بيه للفندق -متجاهلة كل قوانين الفيزياء إن شارع أجياد الميل بتاعه عالي جداً- بدأنا نتحرك والدنيا في الأول تمام الطريق مستوي مفيهوش مشكلة رغم ذلك أكتر من حد عرض المساعدة و رفضت و كملت لحد ما الميل بدء يزيد وماما يا قلبي الكرسي سخن من الشمس لدرجة لما حطينا مصلية تحجز حديد الكرسي عنها المصلية اتلسعت كأنها ملسوعة بالمكواة فضلت ازق شوية و اقف شوية و الشمس فوق دماغي بنهار و بدأت أعيط ولما حد يعرض المساعدة مش برد من كتر مانا مش قادرة أجادل لحد ما واحدة جت قالتلي سيبيهم يساعدوكي في اللحظة دي انا قعدت عالرصيف جالي بانيك اتاك وماما اترعبت اني مش قادرة اتنفس بئيت مش عارفة أحدد اللي حصلي دا بسبب الموقف نفسه ولا إني ��شلت اني اخليها متحتاجش لحد، المشكلة ان دا حصل قبل الفندق ب ٥٠٠ متر حرفياً مش عارفة ليه مقدرتش أصمد الشوية دول كمان، اللي زود الموضوع بئا ان ماما فضلت باقي اليوم تقولي حقك عليا.

[wishy-washyme]

مابين الخوف والضياع والشعور الأليم بالوحده والضعف وقلة الحيله

فاتت شهور طويله على اخر بانيك اتاك بالقوه دي ، مكانش عندي اي استعداد نفسي اني اواجه دا تاني وقدام الناس وقدام زمايلي ف الشغل وقدام البيشنت بتاعتي

فجأه بدون اي مقدمات ، كنت كويسه ، مصليه فروضي وخدت القهوه بتاعتي وكانت جميله ، فجأه بدون اي مقدمات جسمي كله تهاوى ، كل جزء فيا ضعف ووقع .

شعوري بإني ظل او شئ شفاف رجع بقوه ، رغبتي في الموت او عالاقل سخطي على الحياه

اضطراري اني اقوم واكمل وان مفيش حد معايا واني اتسببت ف خصم للريسبشن عشان اتخضو عليا وسابو شغلهم وفضلو معايا

فكرة ان مفيش حاجه ينفع تقف عشان حد ، ان مفيش رحمه ، ان العالم صعب وسريع

فكرة اني اضطر ارجع للأدويه ، اني ارجع ولو نص خطوه ورا ، عشان كل خطوه صغيره مشيتها كانت داميه ومانت مؤلمه

نفسي اقف وارتاح ، عايزه ارجع البيت اللي لسه مش موجود اصلا وخايفه مقدرش اوصله بعد كل دا .

انا محتاجه دعاء كتير ، افتكروني .

[jaunerevee]

النهاردة جتلي بانيك اتاك لما فتحت فايسبوك ولقيت اخبار سيئة ورا بعضها لدرجة اني ماكنتش عارفة هو في ايه وناس بتشتم بعض بشكل حقير جدًا وللاسف كلهم في مصايب تغنيهم عن الصراعات الالكترونية والخناق على حتة في الخريطة مش تبع حد فيهم والامارات هتشتريها في الاخر .. ناس في حرب بيبادوا وبيُغتصبوا وبيتهجروا وببتنهبوا بيشتموا في ناس بيموتوا بالبطيء حرفيًا من الاسعار والفقر والكهربا وسوء الحياة اللي مش عارفين يروحوا منه فين .. اتمنى ان الناس تبطل تحس بالانجاز الوهمي في فوزهم معارك الكترونية مابتعملش حاجة غير انها بتتريجر مشاعر سيئة وشحن ع الفاضي عشان بجد لو خربت اكتر من كده هتكون على دماغ الكل وماحدش هيبقى كسبان اي حاجة ولا هنلاقي حد ينجدنا

[weirdnoury]

في ظل موقف صعب تعرضت له في الشارع وقفت ومش قادره اكمل مشي وجيت قاعده على الرصيف وهات يا عياط وخدت أحلى بانيك اتاك ورغم إن الشارع فاضي ومفيش غير عربيات بتعدي طلعلي بنتين من العدم وسألوني فيه إيه وقالولي إهدي وتعالي هنوصلك ونشتريلك مياه وفضلوا واقفين معايا ومصممين مقعدش كده في الشارع لوحدي لحد ما هديت وبقيت كويسة وقدرت أمشي تاني، ولا يعرفوا اسمي ولا اعرف اسمهم ولا حتى ممكن اشوفهم تاني في مكان لكن كتر خيرهم بجد من غيرهم مكنتش عارفه كان هيجرالي إيه اكتر من كدا

[sarahtarek]

عاوزه امحي انمي اتاك من دماغي واتفرج عليه من الاول