#أحمد الراوي

[the-joyful-abyss]

مدام ناويين على الفُرقة

ما تتفارقوش في يوم السبت

عشان كان يوم ما حبيتوا

و يوم الحد لو فاكرين

ده أول يوم مسكت إيديها و اتكسفِت

و أول يوم رسمتي في إيده قلب وسهم

وبجنانِك مشيتي معاه قصاد بيته

ويوم لاتنين دا وقت ما كنتي زعلانة

وصالحك قبل ما تنامي

تلات واربع

في وقت ما كنت بتكسل

تخش محاضرة البيزنس

وتحضر سيكشن الإحصا

تلاقي الحاجب المرفوع

مع السبابة بيشاوروا على السلم

وبتقولك .. ياللا يا خفة قدامي

خميس بليل دا كان سنيما

عشان تاني يوم مفيش جامعة

ما دام ناويين على الفُرقة

بلاش تتفارقوا يوم جمعة

.

" فلو ناويين على الفُرقة .. ما تتفارقوش ..

عشان الذكرى مش بتسمّي قبل الدبح "

[hanaas3d]

‏حتى مش قادر تحدد إتهزمت ف أنهي جولة..!

- أحمد الراوي

[nothingtobementioned]

أنا هاسألِك.. جاوبيني بصراحة

هل يعني وإنتي بعيدة مرتاحة؟

طب فيه مساحة تسألي (واحشاك؟)

طب فيه مساحة تخلقي مساحة؟

الورد لونه رمادي في غيابِك

والوضع مِتلعبك ومُتَشَابِك

مش باطلب إنِّك ترجعي لكن

باطلب تحاولي تراجعي أسبابِك

هوَّ الغياب ده حِباله واصلة لفين؟

شايفِك في نظرة كل قلب لـ عين

وفـ كل عين باقابلها في الشارع

إحنا افترقنا ولّا متخاصمين؟

لسه العيون بتتوه مع التفاصيل؟

لسه الجميل بيقول عليا جميل؟

طب عارفة أكتر حاجة محتاجها؟

كتفِك في كتفي عشان بدأت أميل

قلبي الغريب عني بيسألني

كان قصدك إيه يعني في يوم ما مشيت

وعينيا في المرايات بتقتلني

إزاي قدرت أقول أنا استغنيت!

سايباني وحدي، ووحدي ناقص روح

بانزف، ومش شايف أثر لجروح

كاتب على القلب (مُغلَق للأبد)

لكن هتيجي هتلاقيه مفتوح

أحمد الراوي

[moayad]

عم أحمد الرواي .. قال اية : ما تاخدش مـ الماشيين ميعاد  ولا تدي حضنك في السلام تذكار  ......................... اعملوا كدة !

[moayad]

أقولك حاجة حلوة ... حلوة فشخ يعني .. اقرأ ديوان هدوء مزعج لأحمد الراوي .. الرواي بينسج الكآبة في سطور ..