wtipnology

[wtipnology]

View this post on Instagram

A post shared by Waleed Janahi - وليد جناحي (@wtipnology)

#WTNews . شوف المباراة كانك في الملعب مع تقنية الواقع الافتراضي . هذي عرض لامكانيات نظارة الواقع الافتراضي وشلون ممكن نستخدمها كمثال في متابعة المباريات كانك في الملعب وممكن تغير مكانك نفس ماتشوفون في الفيديو . عشاق المباريات شرايكم.. اتوقع الموضوع يصير حمااااس (at Salmaniya Medical Complex)

[wtipnology]

#WTNews . قد يكون هذا هو الجالاكسي اس 7 . هذي صورة تسربت اليوم وصاحبها يقول انه للجالاكسي اس 7 الجديد اللي راح يعلنون عنه بتاريخ 21 فبراير وبيتوفر حسب الإشاعات بتاريخ 11 مارس.. وله شرايكم @samsungbahrain . نفس ماتشوفون في تغيرات تاكد الاشاعات السابقة منها الكاميرا وموضوع تقليل بروزها.. شي ثاني تلاحظون ان الانحناء في للاطراف صار اكبر وصار من فوق بعد . شرايكم في التصميم؟ . بس مادري اللي مصور ليش حاط تفاحة في الخلفية.. مقصودة او لا 😂

[wtipnology]

#WTNews . عشاق الأندرويد يسخرون من صورة تيم كوك المنشورة في حسابه بالتويتر . قام تيم كوك رئيس شركة ابل بنشر صورة التقطها بنفسه خلال فعاليات بطولة الكرة الأمريكية في امريكا.. المثير للانتبا�� ان الصورة كانت مهزوزه وسيئة في الوقت الذي يمدح فيها الصور الملتقطة بالايفون . طبعا شباب الأندرويد ماقصروا فيه في التويتر وبعد نفس الوقت شباب الايفون طلعوا له الاعذار 😂😂 . انتوا شرايكم؟ (at City Centre Bahrain)

[wtipnology]

#WTNews #wtsamsung . براءة اختراع لقلم يمكن ثنيه واستخدامه كمثبت للجهاز . سامسونج تعمل على براءة اختراع لقلم غالبا سيكون لجهاز النوت يمكنك ان تستخدم القلم كمسند للجهاز حسب الصورة . حركة حلوة بس ما نعرف اذا بتكون عمليه او لا (at Bahrain City Center Cinema)

[wtipnology]

#WTNews . رئيس قسم الأندرويد يعلن عشقه للنوتيلا.. هل يكون نوتيلا هو اسم التحديث القادم لنظام الأندرويد؟ . اعتقد عشاق النوتيلا وانا منهم كلهم بيقولون يارييييت 😍😍😍😍 (at Bahrain Formula Circuit)

[wtipnology]

#WTNews . بعد التحديث الأخير لنظام iOS ظهر لبعض المستخدمين خطأ رقم 53 والذي بشكل مبسط منعهم من استخدام الجهاز بشكل نهائي..بدون اي تحذير او اي شي ثاني..انزين شسالفة خطأ 53؟ . هذي كود برمجي يتحقق من قطعة البصمة.. هذي الخطأ يظهر اذا استبدلت زر الهوم في الايفون 6 اللي فيه البصمة في اي محل من المحلات الغير معتمده من ابل او استخدمت قطعه مب اصلية . ابل صرحت ان هذي نوع من الحماية للجهاز وان اي واحد تضرر لازم يتواصل مع فريق الدعم الخاص بالايفون . هل في احد منكم صادته هالمشكلة؟ ان شاء الله لا لانه اذا صادتك خلاص راحت على تلفونك (at Caribou Coffee)

[wtipnology]

#صباح_الخير . هذي صورة حصرية لسيارة ابل الخاصة بتطوير خرائط ابل من نيويورك.. في محاولة من ابل لتعديل خرايطها ومنافسه جوجل مابس . على طاري الخرائط للتذكير بس عندنا خرائط جوجل تدعم الملاحة بدون انترنت لبعض المناطق وتطبيق here من نوكيا ويعتبر واحد من احسن تطبيقات الملاحة المجانية وبدون انترنت واخيرا تطبيق Sygic اللي صار بعد مجاني . لما تسافر لازم عندك واحد منهم (at Sanad, Bahrain)

[wtipnology]

#WTNews . ال جي تعلن عن موعد مؤتمرها الخاص للإعلان عن اجهزتها . اعلنت ال جي عند موعد الإعلان عن جهاز الجي جي 5 الجديد واللي بيكون بتاريخ 21 فبراير واحتمال تعلن عن اجهزة اخرى منها نظارة واقع افتراضي وبطاقة ذكية . المؤتمر بيكون بنفس يوم مؤتمر سامسونج وهواوي.. موتمر ال جي بيكون الظهر وسامسونج العصر . (at Starbucks)

[wtipnology]

#WTNews . حسب المواقع الأجنبية ابل راح تعقد مؤتمر بتاريخ 15 مارس للإعلان عن ايباد اير 3 واللي يمكن يكون نسخه مصغره من الأيباد برو . والشي الثاني ايفون 5 اس اي اللي بيكون شبه الايفون 6 لكن بشاشة حجمها اربعه انش . واخر شي راح يكون في تحديث لساعة ابل ومجموعة اساور جديدة . عشاق ابل سجلوا عندكم التاريخ.. اما بالنسبة للايفون 7 غالبا بيكون بشهر سبتمبر (at Mado Bahrain)

[wtipnology]

#WTNews . 250 مليون دولار من مايكروسوفت للاستحواذ على تطبيق لوحة المفاتيح سويفت كي . لوحة مفاتيح "سويفت كي" احد افضل لوحات المفاتيح ومنتشرة على ملايين من اجهزة الأندرويد تفكر مايكروسوفت انها تستحوذ عليه بقيمة 250 مليون دولار امريكي . مايكروسوفت بدات بتطوير تطبيقات الأندرويد من فتره بدل ماتكون تطبيقاتها حكر على نظامها لكن هذي اول مره تسحوذ على لوحة مفاتيح.. ا��شي الزين ان لوحة مفاتيح مايكروسوفت في اجهزتها مميزة وهاي بيكون في صالح الطرفين . من يستخدم لوحة مفاتيح سويفت كي؟ 👍 (at GOSI Commercial Complex)

[wtipnology]

##WTNews . رسمياً.. سامسونج تعلن عن مؤتمرها الخاص بالإعلان عن الجالاكسي اس 7 وبيكون نفس ماذكرنا سابقا 21 فبراير . نفس اليوم عندنا 3 مؤتمرات.. بيكون يوم مولع على الاخر 😍😍 (at GOSI Commercial Complex)

[wtipnology]

وصلتني هذي الصورة على الخاص وحبيت اشارككم اياها لانها اثرت فيني 💔💔.. والمره الثانية اللي لما تسالنا امهاتنا عن شي بسيط خل نتذكر هذي البوست . لما قريت العبارة تذكرت كلام الرسول عليه الصلاة والسلام يوم سأله احد الصحابة "اي الناس احق بصحبتي؟ " والجواب اللي كلنا نعرفه امك ثم امك ثم امك فابوك.. لكن هذي المره لفت انتباهي السؤال نفسه.. السؤال ماله علاقة بالبر السؤال كان عن الصحبه!! يعني الشخص اللي تقضي وقت معاه!! . ربي اسقِ امي الفرح دون اكتفاء فأني احبها فلا تريني فيها بأساً يبكيني . اعذروني قد يكون ماله علاقة بالتقنية بشكل مباشر.. لكنه له علاقة بشي اهم وأكبر ❤️❤️

[wtipnology]

#WTNews . تسريب صورة رسمية للجالاكسي اس 7 والجالاكسي اس 7 ايدج . المسرب الشهير ايفان بدا شغله من كم يوم في التسريب عن الأجهزة وطبعا احد الأجهزة المنتظرة هي جهاز الجالاكسي من سامسونج . الصورة تبين ان الجهاز بيكون بنفس التصميم نفس الجالاكسي اس6 بدون تغير في التصميم وبصراحة تصميم الجالاكسي اس6 في رايي وايد حلو وكشخه . من الإشاعات المنتشرة ان الجهاز بيحمل بطارية سعتها 3000 ملي امبير وراح تشحنها فل في 100 دقيقة . غير ذي الذاكرة الخارجية راح ترجع للجهاز والجهاز بيكون ضد الماي اما الشاشة بيكون فيها تقنية ثريدي تتش نفس الايفون 6 اس . عشاق الجالاكسي شرايكم؟ (at Mado Bahrain)

[wtipnology]

##WTNews . ون بلس اكس بدون دعوات!! . اذا كنت تبي جهاز رخيص وزين وحجمه صغير بظام اندرويد فهذي الجهاز يعطيك اللي تبيه . قبل كنت تحتاج دعوات لكن الحين خلاص تقدر تشتريه بدون دعوات ومن امازون بعد اذا تحب (at Bahrain International Karting Circuit)

[wtipnology]

😂😂😂😂 اللي كان يسوي جذي يعترف (at Fudruckers)

[wtipnology]

#WTNews #WTApplication #WTAndroid #android #AppOfTheDay . رابط التحميل في البروفايل . اسم التطبيق : InstaPanorama السعر: 1.49 دولار امريكي حوالي 600 فلس الفئة: للأندرويد مصمم التطبيق: @aheqab . التطبيق من تصميم مصمم تطبيقات بحريني #رفاعي 😉 . فكرة التطبيق انك لما تصور صورة بانورامية حلوة وتبي تنزلها في الانستجرام حاليا الانستجرام ممكن يدمج الصورة ويغير ابعادها وماتكون التفاصيل واضحها والصورة تخسر جماليتها . التطبيق هذي راح يحافظ على ابعاد الصورة ويحولها لفيديو تقدر تشغله على الإنستجرام وتشوف التفاصيل بشكل افضل بوايد وممكن تسوي حركات ثانية بعد . لان التطبيق مدفوع فالمطور عطاني عشرة اكواد لكم من سبق لبق 😉.. والبقية ممكن تنزلون التطبيق وتجربونه لمده نص ساعة مثلا وبعدين اذا ماعجبكم ترجعون فلوسكم.. ممكن تدخلون على حساب المصمم وتشوفون بعض الأمثلة الحلوة @aheqab . ياريت تنزلون التطبيق وتوصلون ملاحظاتكم لمصمم التطبيق.. نبي ندعم الناس المبدعين واللي يحاولون ان يتميزون في مجالات يحبونها.. اسمه موجود فوق . اذا في احد عنده تطبيق مميز يحب يشارك فيه ممكن ينزله في حسابه ويستخدم هاشتاق #wtapps . وهذي هي الاكواد علشان تشترون التطبيق . XVNF8XD4NZ22AD486EA02JG F70ZH92TQ8GMH11HEENL2BF 50T617HS27PJJ0L0UNJDH3Z RWF7PTD13KUDRNXZEKND81V 8YXBAMNM5081MVTNR4VH7FG JFLTQFH6PBT0XHUS8XYT7QP VTCGR520ZG066F1JXHGRS8V 5D9GXXWGNRB9FZH9MMTYUZK JQAQZL6HK07PDL2T3F8WNX2 UE1JEBYS3U54SDGZ8DSW6Y7 (at East Riffa Souq)

[wtipnology]

#WTNews . سامسونج تتصدر مبيعات الهواتف الذكية في سنة 2015 . مب شي يديد ان سامسونج كانت ومازالت متصدرة مبيعات الأجهزة الذكية وبعدها شركة ابل من ناحية عدد الأجهزة اللي تم بيعها . هواوي في المقابل اختطفت المركز الثالث من شركة شيومي الصينية وحققت نتائج جيدة . هواوي قاعده تشتغل بشكل جيد خصوصاً في منطقتنا من الناحية الإعلامية وجهاز النيكسس بي 8 عطاهم دفعه قوية .