ESKINITA
Ang tanikalang nakagapos sa magkabilang paa
Walang susi, walang makakaresolba
Bakit ka tumakbo?
Sino ka nga ba?
"Ate, ate tulong"
Huling wika ko
Umiiyak, walang tigil ang luha
Aakalain mong si birheng maria nang pinapako si Hesus sa Krus
Makakatakas ba ko rito?
Hindi na nga ba? Maaari, oo, siguro, baka, pwede— Walang kasiguraduhan
Kita ko pa rin ang bakas ng nakaraan
Sinusundan ako kahit ako'y mahimbing na natutulog
Mahimbing? Hindi
Hindi na ko nakatulog nang mahimbing matapos ang nangyari
Naglalakad ako, galing sa eskwela
Normal na araw para sa akin
Gumising, pumasok, naubos ang enerhiya sa tao, at nangyari nga
Nangyari nga ang kagimbal gimbal na sinaryong pilit akong minumulto
Minumulto pikit man o dilat, araw man o gabi, walang pinipiling oras
May araw pa, pa-dapit hapon
Ang mga tao ay mulat
May nag k-kwentuhan, may nag-iinom, nag-iintay ng masasakyan
Malalakas na busina galing sa mga sasakyang natigil dahil sa trapiko
"tangina" ani ko sa loob ng aking isipan
Ramdam kong may sumusunod
Ramdam ko ang presensya
Hindi ako nagkakamali, eto na nga ata
May demonyo sa likuran
Syang pumalit kay satanas, syang papalit kay satanas at sya ring sumira sa pagkatao ko nang wagas.
Hindi ko alam ang gagawin
Sisigaw ba? Ilalabas ko ba ang maliit na panaksak? Tatadyakan ko ba sa bayag?
Tama nga sila, kapag andon ka na sa sitwasyon na akala mo’y handa ka, titigil ang utak mo, at mapapatanong, "Putcha, anong gagawin ko?"
Nakakatawa dahil naisingit ko pang isipin na maililigtas ako
Ng isang superhero
Si Darna, Victor Magtanggol pa nga.
Ngunit wala, walang ganoon sa reyalidad.
Tatanggapin ko na lang ba? Baka, siguro, ewan
May pamimilian ba?
Ngunit, sapagkat, datapwat
Nakakita ako ng pag-asa
Nanlalabo na ang paningin
Ngunit kita ko pa rin ang syang mga paa
Syang mga paa na akala ko ay ang tutulong sa akin
Hindi ako maka sigaw, pero ramdam ko ang boses ko sa utak
Sobrang bilis, sobrang kabado, asaan yung boses ko
Umimik ka, ilakas mo! Isigaw mo!
Binigo ako.
Nagkatinginan kami
Dama ko ang takot sa kanyang mata
Nagdadalawang isip kung lalapit o lalayo ba
Humakbang sya!
Humakbang sya, palayo,
Kung saan ako naroroon
Nakita ko na lang ang sarili ko
Luhaan, hinihingal, gusot ang saplot.
Pagod at Pandidiri at Panghihina at Galit.
"Panginoon, tunay ka ba?"
"Diyos ko, diyos ko, anong rason?"
"Karapat dapat ba sakin to?"
“BAKIT?!” sa paanong paraan? Bakit?
Paulit ulit na tinatanong sa Maykapal
Kung hindi ka ba tumakbo,
Maililigtas ba ko?
Kung ako’y natulungan mo,
May magbabago kaya sa sitwasyong kinaharap ko?
Nawalan na ko ng gana sa lahat
Tumigil sa pag-aaral
Tulog at tulala at tulala at tulog ang gawain
Para akong sasakyang natambak na lang sa budega
Hindi maayos, walang kwenta
Sa apat na sulok ng kwarto
Ramdam ko pa rin ang nangyari
Binabangungot
Gusto ng hininga ay malagot
"TAMA NA!, TAMA NA! Tama na!" paulit ulit na sigaw
Nakita ko na naman ang sarili ko sa daang walang poste ng ilaw
Madilim, nakakatakot, nakakapangilabot
"tama na!, tama na…"
Hindi ko na alam saan na nga ba ako tutungo
Pasaherong hindi alam kung saan ang pupuntahan
Naliligaw, walang palatandaang nakikita
Daang disyerto ang buhay ko
Kahit ako mismo hindi ko na saulo
Luna, alam kong pagod ka na nakikita ako naghihirap tuwing gabi
Huwag kang mag-alala, malapit na ko, papunta na ko sa piling mo
Makakasama mo na ko kasama ang mga bituing nakapaligid sa langit
Eto na, eto na ang huling talim na hahagkan sa palapulsuhang madalas na duguan.
ESKINITA.
6 notes
·
View notes