用最開心嘅笑聲迎接 2018,就一定唔可以錯過由 #吳君如 首次執導/主演, #吳鎮宇 #方中信 破天 《慌》 玩雙打。 #鄭中基 #黎耀祥 #農夫 #王菀之 #張繼聰 #羅蘭 #羅海鵬 #泰臣 #周家怡 群《聲》 笑爆陣容 嘅電影 #妖鈴鈴 最重要係, 唔好咁快離場因為電影後面有好多精彩嘅彩蛋。 Celebrating 2018 with Joy & Laughter by catching #SandraNg Directing Debut, #Goldbuster, along with @francisngchunyu & @fangzhongxin And also Talented vocal from @ronald.cheng #WayneLai @famahk @wongyuenb @louischeung2013 #LawLan #LoHoiPang @tysonchak @kayeechau Stay tune for Hidden Scene.
0 notes
Reply to Robert Gillespie (by R. Thomson)
For your last letter, thanks galore
Wherein ye threep the rhymin corps
That on ma verses out sic store
Noo miss them sair
Tae mak' remeid upon that score
Is noo ma care.
'Tis twa year since I wat ma quill
I hope the sma' degree o' skill
An' art I had is wi' me still
Tae turn a stave
Weel can I mind the joyous thrill
Verse-makin' gave.
An' tho' ma verses hirple lame
I winna hing ma heid in shame
I ne'er expec' tae see ma name
On prentit quair
Fremit I'll always be tae fame
I'm weel aware.
Your letter cam' upon that date
Whan Scots o' heich an' low estate
In festive union congregate
Wi' sang an' story
Tae honour him they truly rate
Their greatest glory.
Burns as you'll mind filled mony a ream
Wi' verses in this rhymin' scheme
An' aye cam' pat upon his theme
Wi' clinchin' rhyme
His wit an' fancy in them gleam
Tae ootlive Time.
An' when he wrote tae James Lapraich
That bard jaloused whit was at stake
Daur he, e'en for freenship's sake
Wi' Burns tae vie?
Wycely his pen he did forsake
An' didna reply
Upon that coont ye needna fear
There's nane o' us are Burns's here
Nor likely tae heeze up a steer
I' the halls o' fame
Indeed, oor swatch o' rhymin' gear
'S scarce kent at hame.
Oor seemin' skill is dearly bocht
Whiles for a stubborn oor we've wrocht
Tae find expression for a thocht
In phrases neat
An' sae the praise that comes unsocht
Is solace sweet
O I'd be mair than weel content
Gin words o' mine could represent
The pleasure an' the pride I kent
When I read thro'
Robert Gillespie's eloquent
An' kind review.
That ane whose skill touches a level
Ayont the reach o' petty cavil
Should find the time tae be sae civil
Tae ma sma' art
- An mair, tae gie it his approval
Touches ma heart.
His ain verse scarce e'er seems tae stumble
For wale o' words he disna fumble
An rhymes gae coorsin' by as nimble
As hares in Spring
He downa feel owre blate or humble
Wha thus can sing.
These virtues in him I endorse
The soople shill in twinin' verse
The sturdy thocht express't wi' force
In hame-spun garb
The suntran shaft o' wit that's terse
- An hides a barb.
An bein' a mensefu' Lawlan' chiel
On moral grund he's soun' as weel
Wi' a guidly share o' Knox's zeal
An searin comment
An faith, a world plagued by the Deil
Needs that this moment.
We've seen o' late the swift declension
In keepin' o' the moral sanction
Yet Man, withoot its stern injunction
Is prone tae evil
For coaxin' ajee, wi' ready unction
Ye'll get the Deevil
There's nane o' us daur look askance
Upon Life's waefu' weary dance
Ilk ane o' us maun tak' his stance
By truth an' richt.
An play oor pairt, as men o' sense
As best we might.
It's true tae quit this lofty plane
An' leave philosophy alane
For divers maitters mair mundane
Afore I close,
The scene noo 'is ma ain hearth stane
It's joys an' woes
Robert Thomson.
Kiltarlity Beauly,
Inverness-shire.
Bob Thomson (1925-1991) was my grandfather, and I knew him as Papa Bob. From the wee village of Fankerton, near Denny, in Stirlingshire, he served in the Royal Navy during World War II, and after the war he joined the Forestry Commission, and had a long career living in various places in the Highlands. He had a keen interest in poetry and prose, and in photography. He wrote the above poem sometime in the mid-1950s.
1 note
·
View note