#bəh bəh sözə bax ee..

[yagubov]

Mən sənə qəmxarikən sən həmdəm oldun özgəyə

Bel büküldü, üz qırışdı, sal nəzər hər cizgiyə

Turi ömrüm keçdi hicranında, baxdım güzgüyə

Gəncliyimdən bir əlamət görmədim ki, görmədim

Aydın Xırdalanlı

[yagubov]

“Pünhan Azim„

Bu ömür axıra çatmır ki keçim başqasına,

Bu cahan mülki dağılmır ki köçüm başqasına.

Saqi mütləq ki bilər badeyi-eşqin qədrin,

Saxlar aşiqlərə verməz bir içim başqasına.

Nə rəvadır səni xatırlada peymanə mənə?

Deyilən sağlığa yox, qəsdən içim başqasına.

Ürəyimdən nə keçir gördüm utandım vallah,

Deyirəm yaxşı ki, görsənmir içim başqasına. Qoymaram başqası çəksin qəmi-pünhanı necə, Mənə ölçülmüş olan ömrü biçim başqasına.

[yagubov]

Bir qızın səhfini boynuna alması, bir oğlanın hamilə qalmasına bərabərdi..

©

[yagubov]

İndicə bir söz eşitdim.. çox ləzzət elədi. Deyir ki...

İnsan kimin gözündən düşürsə düşsün problem deyil. Əsas odu insan özü öz gözündən düşməsin. Bax bu artıq ağrılıdır, kədərlidir və çox çətindir.

[yagubov]

Bağışla məni

Bəzi qadınların xəyanətini

Görmüşəm,qorxmuşam bağışla məni

Hərdən bu dünyanın qəbahətini

Üstünə yıxmışam bağışla məni

Bir yol ayrıcıyam daha qarşında

Şübhə fürsət tapır ağıl çaşanda

Sən yola çıxmağa hazırlaşanda

Yoluna çıxmışam bağışla məni

Sən nə gözəlliksən,nə xoşbəxt həyat

Sakit bir adamsan,rahat,çox rahat

Nə bir mübaliğə, nə bir iltifat

Sadəcə baxmışam bağışla məni

Heçlik aləmində, təklik dəmində

Aşiq görkəmində,həsrət qəmində

Birdən, bir gecənin bir aləmində

Yazsam darıxmışam bağışla məni

Pünhan Azim

[yagubov]

Deyir ki...

Mən ömrümü qurban edərəm yar səninçün,

Səndən mənə bir parça məhəbbət tapa bilsəm...

[yagubov]

Oldu könlüm yenə Məcnun kimi səhra dəlisi,

Tutdu üz çöllərə, axır ki, bu Leyla dəlisi.

Mülkü mal eşqinə aludə olan xar olacaq,

Cəhd qıl, olmayasan sən bu təmənna dəlisi.

Şeh kimi bunca axıtmaz üzə göz yaşlarını,

Olmasa bülbüli-şeyda güli-rə'na dəlisi.

Gördü Sinadə üzün nurunu Musayi-könül,

Qəşş edib getdi özündən bu təcəlla dəlisi.

Səndə varkən bu gözəllik, can alan cazibələr,

Necə mümkündü, könül olmaya sevda dəlisi?

Ey gül, öz əksivi az seyr elə ayinədə sən,

Gecə-gündüz nədir olmaq bu təmaşa dəlisi?

Kami salmazdı yolun məclisi-meyxanələrə,

Şövqi-lə' lin məni etmiş meyi-mina dəlisi.

Ceyhun Kami Kamiloğlu

[yagubov]

[yagubov]

100 misralıq əruz şeiri.

Ey mənim gözlərimin nuru gözəllik safım

Səni vəsf etməyə həddim nədi, yetməz lafım

Sən mənim ömrümün ən parlaq olan güşəsisən

Təpədən dırnağa bu aşiqin əndişəsisən

Küsməyin aşiqi sevdada bitirmək kimidir

Ümid öldürmək uşaq qətlə yetirmək kimidir

Mənim ancaq ki, xəyalım sən, ümidim sənsən

Sən bu sevdada limandan görünən yelkənsən

Üz yaxınlaş mənə, at lövbəri dəryada batır

Nazına fırtına qopsun, məni səhrada batır

Görmə bu məzlum olan insana sevdasını çox

Mən sənin nazına dözdüm, ama sənsizliyə yox

Qır o köksündən asılmış qara daş parçasını

Parlat o yerdə qızıldan baha qaş parçasını

Adaşın var idi qaldırmadı Məcnun ahın

Ayrılıqla tapa bilməzdi səadət rahın

Anlamırsan ki ürək tab edə bilmir zülümə?

Sevdiyi yarını tərk eyləməz insan ölümə

Mən ki dərdindən əzizim ölürəm, yetmirmi?

Mən də can getdi, sənin qəlbidə kin getmirmi?

Mən 100 il ömr eləyib istəmirəm qəm daşıyım

Bircə il ömr eləyim, amma ki, sənnən yaşayım

Çünki bu getməyin eynən əcəlin gəlməsidir

Sevgi dərdin bəzək əşyasına çevrilməsidir

Mənə dərd ver ama dərmanı özündən gəlsin

Qovuşaq sonda sevinc yaşı gözündən gəlsin

Mən sənin şairinəm səhv qəzəlimdən sən tut

Məni dünya yıxa bilməz, bir əlimdən sən tut

Getmişəm mən hamıdan, təkcə sənə gəlmək üçün

Məndəki sevginin ey yar qədərin bilmək üçün

Gecə sahildə olan qumları bir bir sayasan

Eşqimin vahidin o sayla bərabər yayasan

Sən həmən qumları say, razıyam ayrılmağa da

Lap gəlim dinə, edim səcdə namaz qılmağa da

Sənə zəvvaram ölüncə, mənim imanım sən

Başımın tacı, ürək sirdaşı, cananım sən

Necə kafər qızı kafər, məni sən tutdun əsir

Səni görcək həyəcandan ürəyim tir tir əsir

Qan çıxır şah damarımdan ayağımdan yer axır

Titrəyişdən bədənimdən buza dönmüş tər axır

Baş əyib sevgiyə alçalmağı bilmirsən sən

Sevgisindən yuxusuz qalmağı bilmirsən sən

Siqaretnən siqaret sən axı yandırmamısan

Sən axı heç kimi sevdana inandırmamısan

Gecələr ölməmisən mən kimi sənsizlikdən

Bir şeirçün təzə söz çəkməmisən sözlükdən

Sən axı mən kimi eşq atəşinə yanmamısan

Sən axı bir dəfə sənsizliyə odlanmamısan

Sən axı çəkməmisən həsrəti Leyladan ötür

Dəlilik etməmisən bir dəli sevdadan ötür

Sən sevildikcə özəlləşmiş olan şəhzadə

Mən də sevdikcə kədərdən boğulan dəryadə

Mən sənin sevginə yalqız canavarlar kimi ac

Kədərindən ölürəm mən nə təbib var nə əlac

Sarı yarpaq kimi ömrüm bu xəzanlıqda itir

Bitirirsən məni, küskünlüyü sən bəsdi bitir

Birdən ölsəm deyəcəklər ki, qəzəlxan öldü

Sevgisiyçün oturub gün sayan oğlan öldü

Mən axı dönməmişm ölməyə layiq birinə

Keçiririrsən məni neyçün fələyin zəncirinə?

Ayrılıqla bu qırıb qəlbimə ox vurmusan ox

Səni qoy nəzmə çəkim mən, ama sənsizliyi yox

Olmasam mən sənə ağ gün gələcəydən gələcək?

Sənə peşmançılığın rəngi fələydən gələcək

Mənə sənlə bu həyat xoşdu gülüm, sənsiz yox

İstərəm mən sənin uğrunda ölüm, sənsiz yox

Barışaq qoy quru səhrada çiçəklər boy ata

Qızımızdır o çiçək sən anasan, mən də ata

Yoxdu dünyada qız övladı misalında gözəl

Validiyçün yaşamaq sevgisi, hər kəsdən özəl

Kipriyi səndən ola, göz də dəniz rəngində

Saçı oynardı həzin musiqi ahəngində

Gəl dünəndən yox əzizim gələcəkdən danışaq

Bu qızın xətrinə küskünlüyü ram et, barışaq

Barışaq ki, hamı sevda nə deməkdir görsün

Əsli Məcnun ilə Leyla nə deməkdir görsün

O Füzuliydi yazıb Məcnun ilə Leylanı

Ama yazmazdı onu, görsə bizim sevdanı

Hansı sevdalı bu sevdanı dadar tarixdə?

Bir gün ölsəm səni şeirim yaşadar tarixdə

Mənə bu sevgini bəxş eylə, bunu çox görmə

Səni şeiriylə ölümsüz edəni öldürmə

Sənə ancaq baxıram mən, mənə qibləm sənsən

Tək ziyarətçinəm ey yar, uca kəbəm sənsən

Hamını kəbəsi əfv etdi, günahımdan keç

Dünənimçün nə ədalətdi sabahımdan keç?

Dünəni sil, sabahım sənnən açılsın sənnən

And ola canına, xoşbəxt olacaqsan mənnən

Bir sözünlə bu bizim sevgiyə can verməlisən

Zaman ən yaxşı təbibdirsə zaman verməlisən

Hazıram mən sənin uğrunda hasarlar devirəm

Mən mükəmməl deyiləm, amma mükəmməl sevirəm

Yarına bir acı söz söyləməyən kəs göstər

Mənə dünyada xəta eyləməyən kəs göstər

Şiddət üçün sənə qalxarsa əlimdən qan axar

Sənə bir də acı davransa dilimdən qan axar

Ayrılıq dərdini sənsiz yaşayıb mən görürəm

Qeyrətimnən səni incitməməyə söz verirəm

Geydirən kəs mənə meydanı məhəbbətdə kəfən

O da sənsən, o da sənsən, o da sənsən, o da sən

"Kərim Abi"

[yagubov]

Yüz dəfə yansaq eşq oduna, qorxu bilmərik,

Çünki diyarımız bizim odlar diyarıdır.

Əliağa Vahid

[yagubov]

İtmək nə xoşdur, axtarılırsansa hardasa,

Düşdüm tapılmaq eşqinə itmək xəyalına.

Pünhan Azim

[yagubov]

Sus danışma

Sus, danışma qurban olum,

Heyif etmə nəfəsini.

İnan elə qırmısan ki,

Sən eşqimin həvəsini.

Baxışların oxa dönüb,

Batır mənim ürəyimə.

Lənət olsun, yoxluğun da,

Yatır mənim ürəyimə.

Bilmirəm ki, hara gedim,

Bilmirəm ki nəyi edim

Yoxluğunda bilirsənmi?

Sevgimiz də qalıb yetim.

Ürəyimin sızıltısı,

Uzaqlardan duyulurmuş.

Bütün şəhər, bütün küçə,

Göz yaşımla yuyulurmuş.

Xəbərin var? Bizdən sonra

Bu şəhərdə, yeni yeni

sevgilər də doğulurmuş.

Ağlım ilə, duyğularım,

Bir savaşın içindədir.

Necə dözə bilirsən sən,

Qüvvən nədir, gücün nədir?

Mən bilirəm,

Gələn günlər gedən kəsi,

İstəsən də, unutdurmur.

Mən sevirəm, sən sevsən də,

Sevməsən də unutdurmur.

Elvin İlqaroğlu

[yagubov]

Deyir ki..

Kimdi düz, kimdədi səhv hamını boş ver getsin,

Sən özün düz yaşa, heç kimdə xəta axtarma..

Mircəlal

[yagubov]

Deyir ki..

Biz şərab içirik, sən xalq qanını... İnsaf et, hansımız daha qəddarığ..?

[yagubov]

Deyir ki...

Arif olan özünə kənardan baxar,

Cahil olan xalqa yuxarıdan baxar.

[yagubov]

Mən aşiq olmuşam öz təkliyimə...

İlk eşqimdən sonra dedim sevmərəm,

Öldü mənim üçün sevgi, məhəbbət.

Aylar, illər keçdi gördüm ki, ürək,

Başqa bir sevgiyə eyləmiş rəğbət.

Bəli, mən sevirəm, sevirəm yenə,

Mən aşiq olmuşam öz təkliyimə.

Mən ona sadiqəm, o da ki, mənə,

Nə gərək özgəyə məhəbbətimə?

Mən sevdim kimsəni sevməməyimi,

Ömrümü özgəyə niyə həsr edim?

Dünyaya ürəyi boş gəlmişəmsə,

Nə üçün ürəkdə biriylə gedim?

İnsandır, pis yanı, yaxşı yanı var,

Kiminsə pisinə dözmək nə boşdur.

İndi tək özümün aşiqiyəm mən,

Pisim də, yaxşım da özümə xoşdur.

“Şahin İsmayıl„