#ang bandang narda

[upismediacenter]

FEATURE: TAGUMPAY: Kilalanin ang mga itinanghal na kampeon ng Battle of the Bands 2023

Ito na ang araw ng pagbabalik. Tatlong taon makalipas ang kasagsagan ng pandemya, muling ipinagdiwang ang UPIS Days noong Mayo 8 at 12, na may temang “SIBOL: Simula ng Bagong Taon.” Sa taong ito, sa blended na paraan isinagawa ang nasabing selebrasyon: ang ISKOwela ng K-2, Alternative Learning Classroom Experience (ACLE) ng 3-6, at Seminars ng 7-12 ay idinaos via Zoom. Samantala, kinasabikan naman ng mga mag-aaral ang pagbabalik ng ilang face-to-face na mga aktibidad gaya ng 3-6 Variety Show, Rampa, at Merch Fair.

IMIK. Ipinapanood ang “Paano ka sisibol?” short film presentations na nilikha ng mga mag-aaral mula Kinder hanggang Grado 12. [kuha ng UPIS Media Center 2024]

Damang-dama naman ang kasabikan ng kapuwa mga guro at mag-aaral pagsapit ng dapit-hapon. Muli na namang maririnig ang mga hiyawan, ang ritmo ng mga gitara, at ang astig na pagtugtog sa drumset sa gabi ng pagbabalik ng isa sa pinakainaabangang bahagi ng UPIS Days: ang Battle of the Bands o BOTB. Ngunit bago natin pag-usapan ang mga naging kaganapan para sa BOTB ng taong ito, tara’t balikan muna natin ang kasaysayan ng kompetisyong ito. Unang nagpasimula ang Battle of the Bands sa UPIS upang magsilbing entablado para sa malilikhaing mag-aaral na gustong ibahagi ang kanilang talento at pagmamahal sa musika kasama ang kani-kanilang mga kaibigan. Wala ring palya ang bawat isa sa pagsuporta sa kanilang mga kapuwa mag-aaral, lalo na kung kanilang mga ka-batch ang lumalahok. Kaya’t taon-taon, punong-puno ng music lovers ang mga lugar na pinagdadausan ng BOTB, mapa-Quadrangle man iyan o Gym. Ang ilan sa mga kilalang pangalan sa larangan ng BOTB ay ang bandang Honeyboys ng Batch 2018, 4 Kings ng Batch 2NT, at Prizmo ng Batch 2ONE.

HOMECOMING. Sa kanilang muling pagtapak sa UPIS, tinugtog ng alumni band na Prizmo ang kantang Narda ng Kamikazee. [kuha ng UPIS Media Center 2024]

Malaking bahagi ng selebrasyon ng UPIS Days, at maging ng ating komunidad, ang Battle of the Bands. Sa taong ito, pitong banda ang sumali at sumubok na mag-uwi ng korona, subalit tatlo lamang ang nanaig. Sa isang panayam ng UPIS Media Center, mas alamin pa natin ang mga naging karanasan ng tatlong bandang nagpatibok ng ating mga puso at nagpapaos ng ating mga lalamunan.

Kilalanin na natin ang mga nag-uwi ng titulong TANGHAL: Battle of the Bands 2023 Winners, magbabagsakan dito in 5, 4, 3, 2!

Handa na ba kayo? Oras na para kilalanin ang bandang nagkamit ng ikatlong gantimpala.

ALAS SAIS (Ikatlong Gantimpala)

ALAS SAIS from L-R. Kadisha Pascual (bassist), Rodney Bondal (drummer), JM Navarro (lead guitarist), Cheska Yanga (vocalist), Laarni Lazarra (vocalist), Jed Nuñez (rhythm guitarist). [kuha ng UPIS Media Center 2024]

Tanong #1: Ano ang inyong naging reaksyon nang malaman ninyong isa kayo sa tatlong nagwagi sa Battle of the Bands ngayong taon?

Jed Nuñez: Na-overwhelm kami, kasi ‘di namin inexpect na magthi-third place kami... Pero pinapangako lang namin na sa next BOTB, susubukan naming mag-champion!

Cheska Yanga: Una kasing in-announce yung ‘Crowd Favorite’, isa ‘yun sa hindi talaga namin in-expect na makukuha namin.

Kadisha Pascual: Ako din, hindi ko in-expect na pati yung ‘Crowd Favorite’ makukuha namin, kasi first-ever BOTB ko ‘yun eh. Kaya ‘di ko alam na ganun pala yung magiging pagtanggap sa amin ng audience.

Cheska Yanga: Hakot awards!

Tanong #2: Paano nabuo ang inyong banda?

Kadisha Pascual: Ayan si JM, isa siya sa mga founding members namin.

JM Navarro: Matagal na kaming nag-usap ni Jed na sasali kami ng BOTB. Hindi pa talaga kumpleto ‘yung banda noon kasi dalawa pa lang kami. Hihiramin sana namin si Rodney, tsaka si Vince (Lagunilla) na galing sa kabilang banda, para sana mabuo ang banda namin. Nag-suggest si Vince na kausapin namin si Kadisha na nagbe-bass daw, kaya kinausap siya ni Laarni kung pwede siyang tumugtog kasama namin. Si Cheska naman, sabi niya, manager na lang daw siya, pero sabi namin sumali na lang din siya sa banda.

Laarni Lazarra: Sabi ko— sali ka na, kumakanta ka rin naman eh!

Cheska Yanga: Um-oo na lang din ako.

Tanong #3: Ano ang kwento sa likod ng pangalan ng inyong banda?

Kadisha Pascual: Malapit na kasi yung deadline nung sign-up form. At that time, meron na kaming setlist ng mga audition song, meron na kaming original song, pero wala pa kaming pangalan. Kaya sinuggest ko na lang na ‘Alas Sais’ kasi anim kami. Ayun lang.

Cheska Yanga: Pero actually, naisipan ko ng meaning ‘yun: ‘Alas,’ pwedeng kahulugan ay aces. Tapos ‘yung ‘Sais’ ay six. ‘Alas Sais’: anim kami na aces.

Tanong #4: Ano ang inyong naging inspirasyon sa paglikha ng inyong orihinal na kantang itinanghal sa kompetisyon?

Laarni Lazarra: Nasa guidelines din naman kung saan dapat magre-revolve yung original song, kaya binase ko lang din doon yung lyrics, pati yung mga common experiences ng students para dun sa pagsagot ng tanong na “paano ka sisibol.”

Tanong #5: Ano ang inyong mensahe para sa mga aspiring bands na nagnanais ding lumahok sa Battle of the Bands susunod na taon?

Pasado alas sais na! Halina’t maghapunan na tayo. Gusto mo bang mag-Foodbanda?

FOOD BANDA (Ikalawang Gantimpala)

FOOD BANDA from L-R. Keane dela Santa (guitarist), CJ Ruiz (drummer), Rachelle Bueno (vocalist), Dzyaireh Santos (vocalist), KC Manalang (guitarist), Elis Reyes (keyboardist). [kuha ng UPIS Media Center 2024]

Tanong #1: Ano ang inyong naging reaksyon nang malaman ninyong isa kayo sa tatlong nagwagi sa Battle of the Bands ngayong taon?

Elis Reyes: Super unexpected. Kasi screening pa lang — at least, personally, I wasn’t expecting na papasa kami ng screening kasi it was such a short amount of time ng preparation. I thought we weren't prepared enough; tapos ‘yung performance din, I wasn't sure if we were at our best. So, ang naging mindset ko: “Let's just enjoy the ride.” Nung announcement, kumakain lang ako ng nachos. It was genuinely unexpected, tapos second place pa kami. And it was flattering na second kami, kasi we were up against many really good bands. It's nice to be acknowledged and awarded for doing something that we just enjoy doing, and for being able to share this feeling with some of my friends.

Rachelle Bueno: During the awarding, nasa stage na kami ng acceptance: “enjoy na lang natin ‘to, tapos palakpakan na lang natin ‘yung mga magpo-podium finish.” Tapos biglang tinawag kami— ‘di pa namin alam kung aakyat ba kami kasi hindi pa nagsi-sink in. Tapos ‘yung Steve Harvey moment, habang binabasa ko ‘yung certificate, napasigaw talaga ako. Hindi pa nga nagsi-sink in ‘yung sinabi nilang 3rd place kami, tapos biglang 2nd place pala kami. It was very overwhelming; emotional upheaval talaga siya kasi lahat kami hindi nage-expect na makakarating kami ng 2nd place amongst all the bands na tumugtog sa BOTB. Kaya sobrang thankful din kami.

Tanong #2: Paano nabuo ang inyong banda?

Dzyaireh Santos: Nabuo ‘yung band kasi gusto ko talaga ng band ever since. Nung nalaman ko magkakaroon ng Battle of the Bands ngayong UPIS Days, naisip ko na bumuo ng banda. Ang una kong nahatak, si CJ. Drummer ‘yung pinaka-mahirap na hanapin, kasi kaunti lang talaga yung alam kong tumutugtog ng drums sa school. At siya ‘yung unang pumasok sa isip ko, kaso hindi ako sure noon kung gusto niya sumama, kaya tinanong ko si Keane kung pwede niyang yayain si CJ. Nung tinanong ko si Keane kung nakausap na niya si CJ, hindi pa daw; nung time na ‘yun, sabi ko, “Ang lapit na ng UPIS Days tapos wala pa akong bandang nabubuo.” Nakipag-usap ako sa ibang friend groups ko, tapos narinig ni KC. Ayun, inalok ko si KC kung gusto niyang sumali sa banda. Magkakaibigan silang tatlo ni CJ at Rachelle kaya agad-agad, nagkaroon ako ng gitarista, drummer, at isa pang vocalist. Si Elis naman, niyaya ko rin siyang maging keyboardist ng band.

KC Manalang: Dagdag ko rin ‘yung time na nasa library kami ni Casey, pinag-uusapan namin ‘yung tungkol sa BOTB. Doon din nagsimulang mabuo talaga ‘yung banda— doon na kami nagsimulang mag-compile ng ideas, mag-usap-usap kung sinong mga isasali pa namin sa banda. Doon ko rin kinausap si Rachelle, kasi siya ‘yung alam kong mahilig magsulat ng kanta.

Tanong #3: Ano ang kwento sa likod ng pangalan ng inyong banda?

Keane dela Santa: ‘Yung kwento talaga sa pangalan ng banda namin, out of the blue ko lang siyang naisip. Na-excite ako na magkakaroon na ulit ng BOTB ngayong taon, tapos sasali kami ng mga ka-banda ko. Nag-isip ako ng mga nakakatawang names na pwedeng malagyan ng salitang ‘banda,’ kasi mahilig ako sa puns. Naghahapunan kami nung bigla kong naisip ‘yun. Naisip ko ‘food,’ tapos “Uy, ‘Foodpanda,’ parang pwedeng maging banda ‘yun.” Nung pinropose ko siya sa group chat namin ng mga ka-banda, nagustuhan nila agad; kasi ‘LT’ daw, nakakatawa. Tapos locked in na ‘yung pangalan na ‘yun, wala nang ibang pumantay.

Tanong #4: Ano ang inyong naging inspirasyon sa paglikha ng inyong orihinal na kantang itinanghal sa kompetisyon?

Rachelle Bueno: Ang title ng aming original song ay ‘Simula.’ Ang naging proseso ko sa kantang ito ay: “BOTB, kailangan ng original song nito. Ano kayang gagawin ko?” Wala pang theme noon, a day before i-release ng guidelines. Iniisip ko na kung Sibol o “Paano ka sisibol?” ‘yung overall theme ng UPIS Days 2023, siguro dapat maging ganito din ‘yung tema ng aming original song. Tinawag ko nun si KC sa Discord, sabi ko, “Tara, samahan mo ako gumawa ng kanta.” Kaso ang ending ako lang ang nagsulat, moral support lang siya.

KC Manalang: Hindi kasi ako marunong magsulat talaga ng kanta, kaya sinamahan ko lang siya.

Rachelle Bueno: ‘Yung process ko lang talaga nun, “Siguro ito ‘yung topic, what if magsulat na ako para handa.” Swerte kami na, the next day, saktong-sakto ‘yung ginawa kong lyrics doon sa theme. Ang daming nangyari sa kanta namin — nakailang cut kami ng lyrics, nakailang bago kami. Pero ang ending, sobrang nakaka-proud ‘yung nabuo naming kanta.

Tanong #5: Ano ang inyong mensahe para sa mga aspiring bands na nagnanais ding lumahok sa Battle of the Bands susunod na taon?

Ang mga susunod na ipapalabas ay rated HSK. Halimaw Sa Kompetisyon.

HSK! (Unang Gantimpala)

HSK! from L-R. Sam Arinto (bassist), Bianca Baguio (vocalist), JC Caparas (drummer), Dean Cabrera (vocalist), Angelo Santiago (guitarist), Nathan Sigarra (guitarist), Eowyn Surigao (keyboardist). [kuha ng UPIS Media Center 2024]

Tanong #1: Ano ang inyong naging reaksyon nang malaman ninyong isa kayo sa tatlong nagwagi sa Battle of the Bands ngayong taon?

Sam Arinto: Sabi samin ni Nathan before mag-perform, mag-enjoy lang kami. Kaya makita lang ‘yung response ng mga tao na naghihiyawan, okay na sa ‘kin ‘yun. Just there for the experience.

Bianca Baguio: Lahat kami, hindi namin hinihintay ‘yung results ng mananalo. Mas masaya kami na nandoon kami sa stage na nagpe-perform, kaysa sa paghihintay ng resulta kung sinong nanalo.

Eowyn Surigao: Mas masaya kami na nakatugtog kami for the last time.

Sam Arinto: Response pa lang ng mga tao, grabe. Sobrang solid, feeling ko nagka-fans ako.

Eowyn Surigao: Tapos may nagpa-autograph pa sa atin! Very rewarding para sa amin ‘yung experience itself.

JC Caparas: Tapos the best din ‘yung sinabi ni Kuya Diego (Sunga): “Mas magaling pa kayo sa ‘min.”

Dean Cabrera: ‘Yung hiyawan ng mga tao, sobrang rewarding. Parang ‘yun na ‘yung prize namin.

Tanong #2: Paano nabuo ang inyong banda?

JC Caparas: Tatlo kaming magkakabanda na noon, si Eowyn at si Nathan. Tapos nasama si Angelo. Nabuo kami kasi nagpapasok-pasok kami ng mga tao.

Sam Arinto: Hindi kasi, diba… Ako naman, si Sam A., tsaka sina Dean, Nathan, at Bianca, magkakabanda na noon. Tapos si JC at Eowyn naman nasa kabilang banda sila, ‘yung Raketship.

Angelo Santiago: Ako lang ‘yung wala pang banda noon. So, first-timer ako. Nagkayayaan lang kami, ‘yun lang talaga ‘yon.

Tanong #3: Ano ang kwento sa likod ng pangalan ng inyong banda?

Nathan Sigarra: ‘Yung HSK kasi… basta nag-iisip kami ng madaling sabihin ng crowd. Madaling maicha-chant. Kaya ayun, naisip namin ‘yung HSK, tapos saka na lang namin ginawan ng meaning.

Eowyn Surigao: Totoo ‘yun, nauna ‘yung abbreviation kaysa ‘yung meaning.

Nathan Sigarra: Pero hindi na namin ire-reveal ‘yung totoong meaning ng HSK.

Angelo Santiago: May back-up story din ‘yan eh, na iku-kwento namin ‘pag sikat na kami!

JC Caparas: Oo, ‘di muna ngayon.

Sam Arinto: Pa-mysterious muna kami.

Tanong #4: Ano ang inyong naging inspirasyon sa paglikha ng inyong orihinal na kantang itinanghal sa kompetisyon?

Sam Arinto: ’Yung title ng kanta namin, A.N.T. Gusto namin, acronym din, parang HSK. Ang meaning nun ay “Aalis Na Tayo,” kasi last year na namin. Tapos ‘yung prompt kasi ay “starting a new chapter”, eh, aalis na kami ng high school, so panibagong chapter na ng buhay namin.

Eowyn Surigao: Tapos sa lyrics — sinama namin si Ate Gemma, ‘yung mais con yelo, ‘yung TC, tapos ‘yung guard na hindi nagpapapasok. Kasi itong mga ‘to, very iconic at makaka-relate ang nakararami sa ‘tin. Tapos, alam niyo, 6 hours lang namin siyang ginawa. Grabe ‘yung thought process namin nun. Ang gagaling ng mga isip nila.

Sam Arinto: Collaborative effort talaga siya mula sa lahat. Tapos sobrang clutch pa nun. Halos 2 A.M. na ata tayo nagpasa for screening.

Bianca Baguio: Tapos ayon, the rest is history.

At dahil sila ay kabilang sa graduating batch ng UPIS, naghanda ang mga kumapanayam ng isang espesyal na tanong para sa kanila.

Tanong #5: Anong pakiramdam na last performance na ninyo ito sa UPIS?

LAHAT: Awww, ‘wag namang ganyan!

Dean Cabrera, Sam Arinto: ‘Uy grabe, babalik kami!

JC Caparas: Next song namin ‘yun.

LAHAT: “Babalik na tayo…”

Angelo Santiago: Ang gandang ending, kasi nanalo kami, tapos last na namin.

Sam Arinto: Siguro gaya nga ng sabi ni Justin Bieber, “never say never…” Kahit last na namin ‘tong pagsali sa BOTB, sana hindi ito ‘yung last namin talaga na performance sa UPIS.

Eowyn Surigao: Ako, masaya ako. Sa lahat ng BOTB na nasamahan ko, ito ‘yung pinaka-nag-enjoy talaga ako. Sobrang close talaga ako sa kanila, tapos na-enjoy ko ‘yung journey mula nung nagpa-practice pa lang kami.

Sam Arinto: Kita niyo naman, sobrang lakas ng chemistry namin. Sobrang saya nilang kasama.

Eowyn Surigao: Maganda siyang ending sa BOTB journey, kasi I found my people. Kasi iba’t ibang banda kami noon, tapos masaya ako kasi sila ‘yung mga kasama ko ngayon.

LAHAT: Awww. Tama, tama. Ayon, basta masaya kami.

Tanong #6: Ano ang inyong mensahe para sa mga aspiring bands na nagnanais ding lumahok sa Battle of the Bands susunod na taon?

Ang Battle of the Bands ay isinasagawa bilang isang selebrasyon ng musikal na talento ng mga mag-aaral ng UPIS. Ang entabladong ito ay nag-uudyok sa mga mag-aaral na ipamalas ang kanilang pagkamalikhain at pagbubuo ng kumpiyansa sa pamamagitan ng pagganap at pagkakaisa bilang isang banda. Taun-taong pinapatunayan ng mga isko at iska ang kanilang husay at kakayahan sa larangan ng musika. Kaya naman, patuloy nating suportahan ang mga bandang nagpakitang gilas ngayong taon. Samahan niyo kaming abangan ang mga paparating pang bandang susubok at titindig sa tanghalan ng kaisa-isang kompetisyon na ito. Kitakits sa susunod na taon! //nina Sophia Dormiendo at Wynelle Llaguno

[hannakeithespenilla]

KAMIKAZE 🎸

ITONG BANDANG ITO AY ISA RIN SA PINAKA SIKAT NA BANDA DITO SA PILIPINAS. GAYA NG SA IBANG BANDA MERON DIN AKONG KANTA NA NAGUSTUGUSTUHAN SA BANDANG ITONG AT ITO AY ANG "NARDA". NARDA ANG NAG PAPAAALALA SAKEN NA ISA AKONG DALAGANG NABABALOT SA HIWAGA NA, YUNG TIPONG TAHIMIK LANG SA ISANG TABI AT NAKA TABON ANG MUKHA NUNG AKO'Y ELEMENTARYA PA. AKO AY ISA SA MGA NAKAKARELATE DIN SA KANTANG ITO LALONG LALO NA SA LINYA NA ITO "ANG SWERTE NGA NAMAN NI NI DING LAGI KA NYANG KAPILING,KUNG AKO SA KANYAN NILIGAWAN NA KITA" GAYA NG NASA LINYA NG KANTA MAY ISA AKONG NAGUGUSTUHAN NOON NA TAONG ALAM KONG HINDI MAPAPASAAKIN, MAY MALAPIT DIN SIYANG KAIBIGAN BAGAMAT ANG KANYANG KAIBIGAN AY WALANG NARARAMDAMAN SA KANYA TANDA KO PA NOON YUNG SINABE KO NA SANA AKO NALANG YUNG NASA POSISYON NYA PERO MAY MGA BAGAY TALAGA TAYO NA HINDI NATEN MAPIPILIT NA MANGYARE SA ATIN PERO PINAG PAPASALAMAT KO DAHIL NANGYARE SA AKIN YUNG MGA BAGAY NA GUSTO KO NA HINDI KO NAKUHA KASE KUNG NANGYARE MAN YON NOON HINDI SANA AKO GANITI KASAYA NGAYON. ITONG KANTANG ITO ANG NAG PAPAAALALA SAKEN NA KAHIT ANONG PAPANSIN MO SA IYONG GUSTO KUNG MAY IBA NMN SIYANG GUSTO E HINDI KA NITO MAPAPANSIN. SA BAWAT KANTANG ATING KINAKANTA AY MAY MGA LINYANG NAG PAPAAALALA SA ATIN NG MGA BAGAY NA MGA NANGYARE.

[renceqt]

Kamikazee

Kamikazee ang banda na ubod ng angas, basta sinabi na kamikazee asahan mo na napaka angas at napaka galing nila mag perform mapa international man ito o lokal lamang, basta lagi mong tatandaan na ibibigay nila ang buong porsyento nila para lamang masulit mo ang performance nila sa stage. Ang bandang ito ay nabuo noong 2000, maraming nag sasabi na ang musika daw nila ay pinag halo na pop punk at hardcore punk dahil sa mga aggressive nitong mga kanto pero kahit na ganto ang mga tugtugan nila ay napaka ganda naman ng mga nilalaman ng mga kanta nito, kinukwento nila sa mga kanta nila ang mga naranasan nila sa buhay, pinapakita nila na kailangan natin magising sa reyalidad ng maaga kasi kung dika magigising sa reyalidad ay baka kung saan mapunta ang buhay mo kaya pinapaintindi nila na dapat ay lagi kang handa sa kahit ano mang pagsubok ang dumating saiyo. Ang isa sa mga sikat nilang mga kanta ay "Narda", ito ay isa lamang sa mga kanta nila na tumatak sa mga puso at isipan naten. Marami pa ang mga kanta nila na pumatok sa masa tulad ng "Chixsilog" at "Martyr Nyebera" yan ang mga kanta nila sa sumilat den at tumatak din sa mga utak ng mga pilipino.

[nrkath]

KAMIKAZEE

Bilang isang bata na lumaki kasama ang mga kamag-anak na mahilig magpatugtog ng mga awitin ay marami akong mga alam na kanta noon pa man. Isa pa mga kagi naming pinapakinggan ay ang mga kanta ng bandang “Kamikazee”. Sila ay isang OPM Band na binubuo nina Jay Contreras (vocals), Jomal kiya ‘ ab at Humantong Tuyay sa (Lead at Rhythm Guitar), Puto Astete (Bass) at Bords ang bayan ng burdeos (Drums). Pinoy rock, alternative rock, Pop punk, hard rock, at hardcore punk ang pangunahing kaurian ng kanilang mga awitin. Aktibo ang kanilang banda noong taong 2000-2015. Noong Agosto 2015, ang banda ay pansamantalang nagsama sama pagkatapos ng isang maikling pahinga. 2016 noong inanunsyo ang kanilang indefinite hiatus. Idinaos ang kanilang farewell concert noong Disyembre 10, 2015 sa Smart Araneta Coliseum. Ilan sa mga paborito kong kanta mula sa kanila ay ang Narda, Halik, at Huling Sayaw. Ilan lamang ito sa mga popular nilang kanta na sa kabila ng katagalan sa industriya ay maririnig mo pa rin saan mang lugar.

Noong ako ay nasa edad 8-13 ay tandang tanda ko kung paano ko hanapin ang mga kanta nila tuwing mayroong videoke. Mali mali man ang lirikong aking binabanggit alam ko naman sa sarili ko ang mga mensaheng nais iparating ng mga ito.

#OPM

https://images.app.goo.gl/d9YfiBxAihka6Y3y9

[kristelannangel-123]

Ang bandang kamikazee ay isa sa magaling at pinagmamalaking Banda dito sa Pilipinas. Ang kamikazee ay nabuo noong taong 2000. Sila ay sikat at hinahangaang Ng mga libo libong tao noon . At hanggang ngayon patuloy parin nating pinakikinggan Ang kabilang mga awitin. Ang bandang kamikazee ay binubuo Nina Jay Contreras ang bokalista sa Banda kasama Sina Linao, ang gitarista at Isa din sa siya mga kumakanta. Led Tuyay at Jianelli James Lubiano bilang mga gitarista.Puto Astete bilang bass, Burds Burdeos ang nag dadrum at si Mikki Jill Ang nag kekeyboard. Sila ay nagkakilala sa Kolehiyo Ng Fine arts Ng Unibersidad ng Pilipinas, Diliman. Bago sila napirmahan sa Isang major label ay pinangalangan o tinawag "Kamikazee Corn flakes" na pinaikli kaya naging "Kamikazee". Ang Banda ng Kamikazee ay may musika na nagsasamang elemento Ng modernong rock music, tulad ng pop- punk, grunge at NU-metal. Ang nga kanta ng bandang kamikazee ay Ang mga"Chiksilog","Narda",Halik","Sana kahit Minsan","Meron Akong ano" at marami pang iba. Maraming tao Ang tumangkilik Ng mga kanta nila. Hanggang ngayon Ang mga kanta nila ay naririnig ko parin sa mga telibisyon, radyo at YouTube na kadalasang pinapatugtog Ng mga matatanda, patunay na kahit matagal na Ang kanta ay patuloy paring pinapakinggan at tila napapasayaw pa ang iba pag naririnig ang mga kanta nila.

#OPM

[kreizieaife]

Ang Kamikazee ay isang Filipino rock band na nabuo noong 2000. Ang banda ay binubuo nina Jay Contreras (lead vocals), Jomal Linao (guitar and vocals), Led Tuyay (guitar), Puto Astete (bass) Bords Burdeos (drums), Jianelli James Lubiano (gitara) at Mikki Jill (mga keyboard at vocal).

Inilarawan ng mga tagahanga at kritiko ang musika ng banda bilang pinaghalong pop punk at hardcore punk. Noong Agosto 2015, pansamantalang muling nagsama ang banda pagkatapos ng maikling pahinga na inanunsyo noong Enero 2015. Sa simula ng 2016 opisyal na pumasok ang banda sa isang hindi tiyak na pahinga. Naglaro sila ng kanilang farewell concert noong December 10, 2015 sa Smart Araneta Coliseum. Bandang 2017, nagkaroon ng reunion gig ang banda at mula noon ay naglilibot na.

Ang banda ay binubuo ng limang miyembro na nagkakilala sa Kolehiyo ng Fine Arts ng Unibersidad ng Pilipinas, Diliman. Ang mga maagang gig ng Kamikazee ay kadalasang on-campus event sa UP Diliman tulad ng taunang UP Fair. Bago sila napirmahan sa isang major label, tinawag nila ang pangalang “Kamikazee Cornflakes”, na kalaunan ay pinaikli ang pangalan sa “Kamikazee”. Kasama sa kanilang mga unang palabas ang mga pagtatanghal ng mga kantang “Mmm Sarap”, “Tsinelas”, isang cover ng “Sana Kahit Minsan” ng mang-aawit na si Ariel Rivera, at Lucky ni Britney Spears. Inilabas ng Kamikazee ang kanilang unang studio album noong 2002. Ang carrier single ng album ay isang heavy cover version ng “Lucky” ni Britney Spears. Other notable songs include “Girlfriend”, “Ung Tagalog”, “Tsinelas” and their cover of Ariel Rivera’s “Sana Kahit Minsan”. Noong 2005, inilabas ng banda ang “Chiksilog” bilang bahagi ng Ragnarok MMORPG compilation album na Rok On!.

Noong 2006, inilabas nila ang kanilang pangalawang album, “Maharot”. Ang carrier single ng album ay “Narda”, na tungkol sa fictional Filipina super hero na si Darna. Ang “Narda” ay isang sikat na hit noong 2006, at nakakuha ng patuloy na pag-play ng radyo sa parehong taon, sa kalaunan ay naging signature song ng banda. Ang kanta ay hango sa 2005 primetime show ng GMA Network na Darna na pinagbidahan ni Angel Locsin. Kalaunan noong 2009, ginamit ito para sa primetime show ng GMA Network na Darna kung saan si Marian Rivera ang gumaganap sa title role. Ang banda ay humiram din mula sa iba pang mga genre ng musika sa pagbuo ng kanilang mga kanta para sa album, na pinatunayan ng metal-inspired na tunog ng mga track na “Sobrang Init” at “KKK”, ang pop-punk styling ng mga kantang “Director’s Cut” at “Martyr Nyebera” (spoof o pun name ng balladeer na si Martin Nievera) at ang reggae-sounding feel ng “Petix”. Kinilala si Maharot para sa tunog nito, at higit na nagtulak sa banda sa pangunahing tagumpay.

[roselenggg]

Kamikazee

Ang Kamikazee ay isang bandang rock sa Pilipinas na nabuo noong 2000. Ang banda ay binubuo nina Jay Contreras, Led Tuyay, Jomal Linao, Puto Astete at Bords Burdeos. Sumikat ang grupo sa kanilang mga awiting “Narda”, “Chiksilog”, “Martyr Nyebera” at “Huling Sayaw”. Unang nagkakilala ang mga miyembro ng banda sa College of Fine Arts sa Unibersidad ng Pilipinas. Madala sa na sa UP Fair unang tumutugtog ang banda. Bago sila nagkaroon ng kontrata, tinawag nilang “Kamikazee Cornflakes” ang kanilang banda. Ilan sa mga una nilang tinutugtog ang kanilang sariling rendisyon ng mga awiting “Tsinelas”, “Sana Kahit Minsan” at “Lucky” ni Britney Spears.Noong 2002, inilabas ng banda ang kanilang unang album na “Kamikazee”. Noong 2005, inilabas nila ang awiting “Chiksilog” na bahagi ng compilation album na “Rok On!”. Noong 2006, inilabas nila ang kanilang ikalawang album, ang “Maharot”, kung saan kabilang ang awitin na “Narda”. Sumikat ng husto ang banda dahil sa awiting ito at ginamit rin bilang soundtrack ng teleseryeng “Darna” sa GMA 7.Malapit na magkaibigan ang bandang Kamikazee at Parokya ni Edgar. Nagsama ang ilang miyembro ng dalawang banda sa ilang mga awitin, kabilang na ang “Okatokat”, “Chikinini” at “Yes Yes Show”.Noong 2009, inilabas ng banda ang kanilang ikatlong album, ang “Long Time Noisy”, at noong 2012, inilabas nila ang kanilang ikaapat at huling album, ang “Romantico”. Kabilang sa album na ito ang kanilang mga awiting “Halik” at “Huling Sayaw”. Noong ika-25 ng Enero, inianunsiyo ng banda na magpapahinga sila sa pagtugtog simula 2016.Noong 2017, inanunsiyo ng banda na babalik sila at maglalabas ng bagong awitin. Noong taon ding iyon, nagsimula ang “Tagpuan Tour” ng banda sa loob at labas ng Pilipinas. Nagkaroon rin sila ng reunion tour noong 2018 sa Pilipinas, Estados Unidos at Canada. Kasama ang bandang Greyhoundz at Queso, nagkaroon ulit ng tour ang banda sa Estados Unidos, Canada at Pilipinas noong 2019.

#opm

[jaxzzx]

KAMIKAZEE

Sila ay isang grupo, o banda na binubuo ng limang miyembro. Nabuo ang kanilang grupo noong taong 2000. Ang kanilang grupo ay isa rin sa mga sikat na madaming taga-hanga at isa na rin ako roon. Isa sa kanilang patok na kanta o awitin ay ang "Huling Sandali", isa itong awitin na nag patibok at nag pamangha sa maraming tao, higit na rin sa kanilang mga taga hanga. Ang kanilang mga tugtugin ay sadyang nakaka adik at kay sarap pakinggan na mistulang ikaw ay dinuduyan sa hangin habang ang bawat tugtog ay iyong naririnig. Sila rin ang kumanta at umawit ng kantang ating palaging naririnig sa video oke, lalot higit sa mga Bata na paulit ulit itong kinakanta, na parang ito lang ang nag-iisang awiting kanilang alam. Ang "Narda" rin ang isa sa tugtugin nilang nagpahanga at nag paantig sa puso ng madaming tao, higit sa mga bata. Ngunit sa kabila ng kaganlakan at kasiyahan sa tugtuging ito, nagkukubli at nagtatago ang kalungkutan sa bawat letra at salita na nang gagaling sa kanilang musika na hindi rin kaagad mapapansin ng sinumang makaririnig dahil sa mapagpanggap nitong anyo. Ang bandang ito o tinatawag na "Kamikazee" Isa sila sa hinagangaan ng madaming tao dahil sa angking kakayahan nilang mag sulat ng mga tugtuging kay sarap awitin at pakinggan.

#OPM

[eyjayblog]

KAMIKAZEE

Ang Kamikazee ay isang Filipino rock band na nabuo noong 2000. Ang banda ay binubuo nina Jay Contreras (lead vocals), Jomal Linao (guitar and vocals), Led Tuyay (guitar), Puto Astete (bass) Bords Burdeos (drums), Jianelli James Lubiano (gitara) at Mikki Jill (mga keyboard at vocal).

Inilarawan ng mga tagahanga at kritiko ang musika ng banda bilang pinaghalong pop punk at hardcore punk. Noong Agosto 2015, pansamantalang muling nagsama ang banda pagkatapos ng maikling pahinga na inanunsyo noong Enero 2015. Sa simula ng 2016 opisyal na pumasok ang banda sa isang hindi tiyak na pahinga. Naglaro sila ng kanilang farewell concert noong December 10, 2015 sa Smart Araneta Coliseum. Bandang 2017, nagkaroon ng reunion gig ang banda at mula noon ay naglilibot na.

Ang banda ay binubuo ng limang miyembro na nagkakilala sa Kolehiyo ng Fine Arts ng Unibersidad ng Pilipinas, Diliman. Ang mga maagang gig ng Kamikazee ay kadalasang on-campus event sa UP Diliman tulad ng taunang UP Fair. Bago sila napirmahan sa isang major label, tinawag nila ang pangalang "Kamikazee Cornflakes", na kalaunan ay pinaikli ang pangalan sa "Kamikazee". Kasama sa kanilang mga unang palabas ang mga pagtatanghal ng mga kantang "Mmm Sarap", "Tsinelas", isang cover ng "Sana Kahit Minsan" ng mang-aawit na si Ariel Rivera, at Lucky ni Britney Spears. Inilabas ng Kamikazee ang kanilang unang studio album noong 2002. Ang carrier single ng album ay isang heavy cover version ng "Lucky" ni Britney Spears. Other notable songs include "Girlfriend", "Ung Tagalog", "Tsinelas" and their cover of Ariel Rivera's "Sana Kahit Minsan". Noong 2005, inilabas ng banda ang "Chiksilog" bilang bahagi ng Ragnarok MMORPG compilation album na Rok On!.

Noong 2006, inilabas nila ang kanilang pangalawang album, "Maharot". Ang carrier single ng album ay "Narda", na tungkol sa fictional Filipina super hero na si Darna. Ang "Narda" ay isang sikat na hit noong 2006, at nakakuha ng patuloy na pag-play ng radyo sa parehong taon, sa kalaunan ay naging signature song ng banda. Ang kanta ay hango sa 2005 primetime show ng GMA Network na Darna na pinagbidahan ni Angel Locsin. Kalaunan noong 2009, ginamit ito para sa primetime show ng GMA Network na Darna kung saan si Marian Rivera ang gumaganap sa title role. Ang banda ay humiram din mula sa iba pang mga genre ng musika sa pagbuo ng kanilang mga kanta para sa album, na pinatunayan ng metal-inspired na tunog ng mga track na "Sobrang Init" at "KKK", ang pop-punk styling ng mga kantang "Director's Cut" at "Martyr Nyebera" (spoof o pun name ng balladeer na si Martin Nievera) at ang reggae-sounding feel ng "Petix". Kinilala si Maharot para sa tunog nito, at higit na nagtulak sa banda sa pangunahing tagumpay.

[chelseyheliophile]

🎤KMKZ

Taong 2000 nabuo ang bandang KMKZ o Kamikazee dito sa Pilipinas na kinapapalooban din ng limang miyembro na sina Jay Contreras na ang posisyon ay Vocals, Jomal Linao at Led Tuyay sa pagtugtog ng gitara, sa bass naman si Puto Astete, at ang drummer na si Bords Burdeos. Sinasabing sa UP College nagkakilala ang mga miyembro nito at noong taong 2006, doon sila ulit naglabas ng album kung saan kasama ang isa sa sikat na kanta ng banda, ang Narda na ginawa nila dahil sa palabas ng GMA na Darna na talaga namang nagustuhan at sobra din itong naging kilala, masasabi din na ang kantang ito ang nagdala sa banda upang sila ay mas makilala pa. Isa na ang Narda sa paborito kong pakinggan lalo na at paborito ko rin talaga ang TV series na Darna, bukod pa roon ay ang kanta ng Kamikazee na Halik at Huling Sayaw featuring Kyla na kabilang sa pang apat nilang album na Romantico. Ang mga kantang ito ay isa sa mga naging mega hit din dito sa Pilipinas at umani ng maraming magagandang komento galing sa mga tagasubaybay sa bandang ito. Isa din ang mga ito sa paborito kong kanta nila dahil bumabalik sa akin ang mga oras na pinapatugtog namin ang Huling Sayaw sa school kapag magtatapos na ang school year at magbabakasyon na. Ang Kamikazee ay hindi pa nagdidisband pero sila ay nasa nasa hiatus pa ng kanilang mga band activities.

[armaee]

Kamikazee ay isang Filipino rock band na nabuo noong 2000. Ang bandang Kamikazee ay binubuo nina Jay Contreras na lead vocal, Jomal Linao bilang gitara at vocals, Led Tuyay sa gitara, Puto Astete(bass) Bords Burdeos(drums), Jianelli James Lubiano (guitar)at Mikki Jill sa keyboard at vocals. Nagustuhan ko ang bandang ito dahil sa mga kanta nilang nakakapagpagising ng diwa at masasabing kaya mong masabayan ang kanilang awitin,meron ding iba na inihahalo ang kantang ito sa mga bago at nagiging remix upang magamit ng ilang mga dancers. Ang ilan din sa mga kantang nagawa nila ay maaaring marinig sa mga radio, kantahan o sa mga videoke sa tuwing may kasiyahan. Nagustuhan ko sa mga kantang nagawa nila ay ang Narda dahil bata pa lamang ako'y naririnig ko na ito, hindi maipagkakailang kabisado ko na ito. Nalaman ko rin ang kantang iyon dahil sa aking kapatid na palaging kinakanta iyon kasama ang aking Ninong na mahilig pakinggan ang kanta ng Kamikazee dahil daw sa galing nilang kumanta at pagsasabi ng mensahe gamit ang kanilang mga boses. May mga oras pa na gumagamit sila ng gitara upang kantahin ito. Pinaka-bonding time na ng aking Kuya at Ninong. Minsan pa ay ginagawa nilang tambol ang lamesa kaya napagsasabihan. Magandang pakinggan ito lalo na kapag maglilinis ng bahay.

[angeeelllaaax]

KAMIKAZEE

Ang bandang Kamikazee ay binubuo ng limang miyembro na nagkakilala sa Kolehiyo ng Fine Arts ng Unibersidad ng Pilipinas, Diliman. Ang bandang ito ay binubuo nina Jay Contreras, Jomal Linao, Led Tuyay, Puto Astete, Bords Burdeos, Jianelli James Lubiano, at Mikki Jill. Ang genre ng kanilang mga kanta ay Alternative rock, Pinoy rock, Pop punk, Hard rock, at Hardcore punk. Subalit, ang kanilang mga taga hanga ay inilarawan ang kanilang mga awitin na magkahalong pop punk at hardcore punk bilang genre. Nabuo ang kanilang grupo noong 2000 at naging aktibo hanggang 2015. Natigil sila nang isang taon ngunit muling nagbalik noong 2017 at hanggang sa ngayon ay kilalang-kilala pa rin sila sa larangan ng musika. Kapag naririnig kong muli ang mga kanta nila, naalala ko ang masasayang memorya namin noong kami ay mga bata pa. Ang kantang "Narda" ang paulit-ulit naming sinasalang sa videoke noon at salitan naming kakantahin ito. Tila ba para sa amin ay napaka-angas nitong kantahin. Ang personal ko namang paborito sa kanilang mga awitin ay ang "Huling Sayaw". Ipinapaalala nito sa akin na sa bawat sitwasyon na ako ay naroon, pahalagahan ko ito sapagkat maaaring ito na ang huli. Ito rin ang huling kanta na sama-sama naming inawit noong pumapasok pa kami sa iskul.

https://www.bandwagon.asia/articles/kamikazee-reveal-us-canada-and-australia-dates-for-tagpuan-tour

[janparma-blog]

Ako pa rin ang tataya, ikaw ang aking suwerte. :) 

Made this back in 2005! Words from Narda's Suwerte