#��قدام

[vincaros]

هو ليه بحس بالذنب لما برفض حاجة انا مش هقدر اقدمها وان لازم اتصرف واتعامل عشان اقدم الشيء اللي اتطلب مني ده حتى لو هو مش حاجة مهمة ولا اساسية اصلا! بس كان المفروض ابذل جهد اكبر واوجد حلول عشان اعملها وخلاص

[ii2xj]

[lsd-l]

طيب ماعلينا من المشاعر الجياشة دلوقتي، أختي عايزة تشوف the substance ومش عارفة أجيبهالها منين ولا منين، فا مش هجيبهالها أنا هتفرج معاها تاني وربنا يسترها علينا احنا الإتنين

[nadaomar91]

بما اني بشرح للاطفال الفتره دي عن النبات والزرع وكده ، ف قررت اني ازرع معاهم ورده عباد الشمس ، وهخلي كل طفل يخرج يسقي الورده بتاعه ، واخر الشهر هيخدوها البيت معاه 🥰..

[irhabiya]

أنا عارفة ان حالة الناس صعبة واحنا قبل أي حاجة تانيه مهلكين من العشر سنين اللي فاتوا وتجربة الثورة الفاشلة بس لو الإبادة الجماعية اللي بتحصل جنبنا مش هتخلي الشعب يتحرك أو اليسار يحاول حتى ينظم نفسه، إحنا ايه الفرق بينا وبين الامريكان يعني

[ahmaaaaaaaaaaaaad]

العيد حلو اهوووووه 🫡😅

[omarabdelaziiz]

اطلق كلابك في الشوارع ، واقفل زنازينك علينا ..

[mustaphi]

هحكيلك قدام ❤️

[blueberrys-shadow]

انا عايش كأني في ضلمة تشيفيني انتي بالضَّمة🎶

[maybeher]

بمناسبة الحديث عن أنواع المكرونة، عندي فضول أعرف ليه كل الفيديوز والصور الرومانسية اللي فيها مكرونة بيكون نوع المكرونة فيها اسباجتي مع إن المكرونة القلم أو المقصوصة مثلًا أطعم بكتير وبتـ hold more sauce جواها؟

أمي بتقولي إني متخلفة ومبفهمش حاجة عشان بحاول أقنعها بقالي عشر دقايق إن كل شكل من المكرونة له طعم مختلف غير التاني

[n88l8]

‎لاعاد تنتظر رجعتي ولاعاد تحتريني

‎وخلك كفو على الصدات واحتملها

‎بنيت لك قصور الود براحه يديني

‎وعطيتك حياتي وقلت خذ استلمها

‎كنت حاجه اشوفها كل شي بعيني

‎واليوم تمر قدام عيني ما تلفت نظرها

[iiumz]

‏فيه جانب انثوي من المرأة ما يطلع إلا قدام الحبيب وبسببه ‏"كلمات تقلب تاريخي .. تجعلني امرأة في لحظات" ‏— ماجدة الرومي ‏"But you make me wanna act like a girl" ‏— Demi Lovato

[alaawarda]

افكار خبيئات تفعلها 😊

لما تشتري فاكهه او حاجه حلوه لبيتك قبل ما تدخلي البيت بيهم اي حد ف طريقك.

دوقيه منهم بيكون فيهم بركة ماشالله ♥️

موظف امن / عامل نضافه / طفل / حد محتاج /سواق التاكسي /عامل الدليفري/حتي لو بياع في اي محل

كل شهر و انتي بتشتري طلبات البيت اكيد بتشتري حاجات حلوه ليكي خدي حاجه منهم عشوائي و اديها لاول شخص تشوفيه بيساعدك. في التوصيل مثلا او تعبئه الشنط او حتي لو طفل قدام الماركت ♥️

لما تعملي حاجه في بيتك عشان تحسي بخيرها و بركتها طبق صغير منها لجار او حتي جوزك ياخده معاه و هو نازل لاي حد في طريقه

لو عندك عيش فايض عن احتياجك علقي الكيس عند باسكت الزباله في الشارع عشان لو في حد بيدور في الزباله ع اكل. يستفيد بيه 🥹🙏🏻

اغلب المساجد بيكون قدامها صندوق لو شوفتيه بالصدفه حطي لو جنيه فيه وانوي باللي تحبيه♥️

اسدال صلاه حطيه في المسجد واعتبريه صدقه ليكي♥️

كل فتره روحي دار ايتام و هاتي اللي تقدري عليه و اقعدي لو نص ساعه مع الاطفال♥️

خدي معاكي في الشنطة وايبس. ولما تدخلي المسجد امسحي المصاحف ♥️

لما تركبي مواصلات لو لقيتي حد شكله غلبان و بيجمع الاجرة بالعافيه ادفعيها و قولي للسواق ما تاخدش منه و ما تعرفهوش اني دفعت

الدليفري لو وصلك حاجه اكرميه مش شرط بفلوس اي حاجه في تلاجتك حلوه وحتي لو مافيش ازازة ماية

ولو في الشتا حاجه سخنه

في مستشفيات اللي بتكون تبع الجمعيات الخيريه حاطين صناديق للزكاه عشان علاج الغير قادرين والله لو حطيتي جنيه هيفرق او اللي تقدري عليه

لو طلعتي اطعام في اي وقت اشملي اموات المسلمين اجمعين لان في ناس مالهش حد يطلعلهم صدقه

لو ليكي اخ او اخت او جار او قريب

محتاجين ساعديهم بشكل غير مباشر. كل فتره هديه / اكله بيحبوها / حاجه محتاجينها في بيتهم

اللبس القديم ما ترميهوش في ناس اولي بيه و فعلا بيكونو محتاجين م

تخيري الناس و قبل ما تطلعيه تغسليه و تكويه و تعطريه

الحاجه الغير متوقعه للمتعفف بتفرحه جدا

لو في شخص متعوده تتعاملي معاه باستمرار في شغل و هو موظف بسيط كل مناسبه مثلا رمضان / العيد اعملي ظرف صغير باللي تقدري عليه.

منقول

[yooo-gehn]

ليه بتكره التقاليد قوي كدا ؟

في مرة كنت جاي من سفر في ميكروباص، ونزلت منه على الطريق السريع، ونِزلت معايا عيلة من أب وأم وإخواته البنات وعيالهم، والأب كان باين عليه المرض والإعياء، وجينا نعدي الشارع وسط العربيات. وتعدية الشارع على طريق سريع شبه "نيو" في فيلم الماتريكس وهو بيتفادى الرصاص اللي مضروب عليه من كل ناحية. لازم تحسبها كويس وتمشي كل خطوة بحذر. اللي حصل إن الستات سبقونا أنا والأب، كان حظهم حلو وكان واضح أنهم متعودين وعارفين بيعملوا إيه. لكن الأب كان مريض وأنا كنت مهموم، فأنا كنت متردد ومسهِّم، وهو كان خطوته تقيلة ومخه مش فيه.

فيه لحظة كده الأغراب بيعتمدوا على بعض فيها، ويتصرفوا وكأنهم أهل، عادةً بتبقى لحظة بيتشاركوا فيها مهمة تقيلة، فبناخد بإيد بعض، وفي اللحظة دي الراجل اعتبرني ابنه، وكان مستنيني أعدي عشان يعدي معايا، لكن العربيات كانت كتير، وكلها صواريخ بتعدي، فأنا كل شوية أقدم رجل وأرجّع التانية، والراجل يعمل زيي. وفي مرة وأنا على وشك أعدي، بصيت للراجل، لقيته باصص للستات على الناحية التانية اللي بيستعجلوه، وشوفت على وشه أنه مستعيب أنهم سبقوه وهو اللي مأخرهم. فأنا في آخر لحظة قررت أني أرجع لورا، وهو كان قرر إن كرامته الذكورية لا تحتمل التأخير ثانية زيادة، وحرفيا طلع يجري وخبطته عربية نص نقل طيرته، مشهد من فيلم لكن بيحصل قدام عيني.

الراجل طب ساكت. غالبًا مات. جثة نايمة على ضهرها وعند راسها بركة دم. واللي قتله فكرة. ال��نطق بيقول أنه راجل كبير ومريض ومن حقه ياخد وقته. لكن التقاليد بتاعته بتقول أنه هو الراجل وماينفعش يبقى في ديل ستاته.

في مرة تانية، في قصة شخصية أكتر، أمي اتشخصت بسرطان المرارة، وعانت أيام قاسية جدًا في أواخر حياتها، وفي يوم كنا راجعين البيت من جلسة كيماوي أنا وهي وأبويا. وللأسف ماكنش فيه أسانسير، واضطرت تطلع 3 أدوار، وفي كل سلمة تطلعها تصرخ من الألم، ألم أنا لحد دلوقتي مش فاهم ومش عايز أفهم سببه. وأنا مش مسامح التقاليد اللي خلت الأولوية عند أبويا أنه ينهرها ويزعقلها في كل مرة أنها توطي صوتها، مش أنه يحاول يخفف عنها ويطيب خاطرها، أو حتى يسكت. التقاليد ماعندهاش نقاش. ماعندهاش تسامح. ماعندهاش قلب.

أنا بكره التقاليد لأنها بتقنع الناس إن مفيش ست محترمة تصرخ في مكان عام حتى لو كان عندها سرطان. وإن مفيش راجل يرضى على نفسه إن ستاته تسبقه. حتى لو الست بتموت من الألم، وحتى لو الراجل مريض وعادي أنه يفكر في ألف طريقة منطقية تانية يعدي بيها الشارع.

أنا بكره التقاليد لأنها بقايا تقديس أسلافنا، والعذر الأمثل لأننا نمشي ورا التيار عمياني وإحنا قافلين دماغنا، وبتخلينا نقبل فكرة إن ناس عاشت في زمن غير زمنا، ودنيا غير دنيتنا، أكيد عارفين مصلحتنا أكتر مننا.

[joe-4-u]

اللي قلبه مش بيلين قدام وجع الناس.. اللي مش بيجبر بخاطر الناس لما يشوف عينهم مكسورة.. اللي مش بيرحم لما يكون عنده فرصة يرحم.. ده شخص مايتعاشرش حتى لو كان فيه باقي مميزات الدنيا