#��اتساب

[vincaros]

جو "ده شخص طيب بيحبك بس هو اسلوبه كده قليل الذوق" مش بيأكل عيش معايا .. يعني لو شخص قليل الذوق واسلوبه مقرف المفروض اتقبل حبه ده ازاي يعني؟ واحبه بمناسبة ايه؟

لا مش عاوزة الحب عاوزه اتساب في حالي

[urfavzarzor]

مبحبش اتساب لوحدي ف الاوقات اللي زي ديه بس انا لوحدي

[fozdoaa]

أعتقد إن أكتر شيء بيغيَّر في شخصية الإنسان هي الليالي الصعبة الطويلة، اللي بيتساب يواجهها لوحده، في غياب اللي كان مفروض يشاركه فيها ويهوِّن عليه تُقلها؛ وبيزيد عُمق الأثر لما يكون السبب في الحزن هما المُقرّبين نفسهم.. الليالي التقيلة دي بيخرج منها إنسان أقوى، جواه رصيد كبير من الألم، بس أقوى، وشايف اللي حواليه بحقيقته، مهما كانت الحقيقة صعبة، كل حاجة جواه تجاه الأشخاص بتتغير ببطء وثبات، حتى لو مقالش.. كفاية إدراكه إنه اتساب لوحده في وقت مكنش ينفع فيه يتساب بطوله كده، قصاد كل ده..

أحمد مدحت

[ahmd83]

ايوه بحبِك ومافيش أسباب

دنيتي قبلك مكتوبة غياب

مرتاحلِك وكإني اتربيت انا وانتي ف بيت

والباب ف الباب

وكفاية انك قابله عيوبي

وانا فيّا عيوب علشانها اتساب

[dejjaa]

بحب لما الحياه تسحلني بجد عشان متسابش لدماغي ولا اتساب اني اعمل اي حاجه تإذيني و خلاص

[mr-wolfenstein]

عندي انترفيو ال ADNOC Approval الفتره الجايه و المفروض اذاكر حوالي ٦٠٠ صفحه عشان اعدي....

المفروض حتي اتساب وقت الشغل اذاكر و الناس ما صدقت اني جيت.

فجاءه لقيت نفسي ال senior علي ال Team و معايا Tasks كتير و الناس بتقولي عاوزين يتعلموا مني وانا حقيقي فاقد الشغف يا جماعه انا عاوز اروح بيتي.

عملت كام Task كدا و لقيتهم ادوني اسم cliche كدا و بقوا ينادوني يا عالمي ف الراح�� و الجايه و الحقيقي انا مش enthusiastic بربع جنيه و كل اللي مسيطر عليا حقيقي هو انا هنا بجد؟

انا بعمل ايه؟

يا ترا هقدم استقالتي امتا؟

[sala7-y]

"في حاجات مهما عدّى عليها الوقت بتفضل ساكنة جوانا، زي الأماكن اللي كانت بتطبطب على قلبنا بصمتها، زي الضحكة اللي كنا بنضحكها مع ناس كان وجودهم لوحده أمان.

الحنين مش ضعف، الحنين هو إحساسنا إن في جزء مننا اتساب هناك .. في لحظة كانت كاملة، في كلمة كانت صادقة، في حضن كان أدفى من كل الدنيا. بن��جع بالذاكرة مش عشان نهرب من الحاضر، لكن عشان نطمن إن فيه حاجات حقيقية عشناها، وإننا كنا في يوم جزء من حاجة تستحق."

[7-adota]

دوري في الفولورز علي اوسخ بلوج شخصية غير متزنه زي دي هيبقي ليها اثار وسخه زيها في كل حته و افضحيه

حقك عليا عموماً و متزعليش :""❤️

مش فاهمة قوي بس أنا عايزة اتساب ف حالي بس وشكراً يا أنون على شعورك :') 🌹

[heey-iamalaa]

انا مينفعش اتساب لدماغي بجد

[fatemsblog]

في كل مره بزعل فيها مبترضاش

حتى أنا طول الوقت بتعاتب بس و اتساب لأفكاري و مشاعري المهدورة

مش عارفة أتخطى دا يا رب لوحدي يا رب ساعدني ابقي كويسة اقدر انام و أنا مطمنة ومش خايفة م حاجه

و لا جوايا الحزن دا كله يا رب يا رب

الحمد لله في السراء و الضراء

الحمدلله الذي لا يحمد على مكروه سواه

الحمد لله

[zlabyas-world]

كل حاجة ليها تاريخ صلاحية حتى المشاعر..

إعجابك بشخص لو ملقاش الإحتواء المناسب هيجي يوم و ينطفي و صلاحيته هتخلص

غضبك وزعلك لو مالقيوش الإعتذار اللي يليق بيهم في وقت معين بيخلي صلاحية تقبل الإعتذار عندك تخلص

اللي جالك في عز الحريق مش زي اللى جالك لما النار أكلت قلبك ؛ مهما جه بعدها مش هيبقى مؤثر

فقدان الشغف تجاه الحاجات من أكتر الحاجات اللى لازم نؤمن بيها .. طالما إنك مصدر فعل ومبتتلقاش رد فعل مناسب

كل مشاعر طيبة و صادقة مهما كانت قوية هاتخلص ؛ طالما انها مالقتش اللي يرعاها و يسيقيها إهتمام

كل مشاعر سلبية اتسبت فيها لوحدك ؛ هتخلص بس هتخرجك شخص تاني ناقص حتة .. وزايد صلابة

الوقت عامل مهم أكبر مُبدل للأحوال ؛ متجيش متأخر تسأل على حاجتك اللي غالباً هتفقد انتمائها ليك ؛ ووجودك وقتها مش هيبقى مؤثر وزي عدمه ؛ ماتسيبش أمور كتير متعلقة على شماعة الوقت ؛ علشان في أمور محتاجة تدخل حتمي منك

الأيام مابتقدمش إحتواء .. ولا أعتذارات

ولا إجابات الأيام بتمحي الشيء ؛ بس أثره بيسيب جمود ودرس قاسي ؛ ومكانك اللي اتساب فاضي على أمل إنك تيجي تشغله ؛ هيسد مطرحه عزة النفس والكرامة

الحقوا الناس قبل ما صلاحيتكم تخلص جواهم ؛ كفاية تأخير.

[m-anarr]

النهاردة كنت في مواجهة مع حاجات عشت وقت طويل بهرب منها وفي الاخر اتساب جوايا سؤال مهم

منار انتي تايهة ولا خايفة ؟

لأن لو خايفة ده معناه انك عارفة انتي عايزة ايه بس خوفك معجزك ومترجملك انك تايهة ومحتاجة شوية وقت ،بس تاني حاجة ادركتها النهاردة بيقين ان الناس بتقع في حياتنا لسبب ومافيش حد بيعدي غير و هنتوجه بعد القعدة دي لطريق معين

او بعد معرفتنا بشخص هنختبر نفسنا الضعيفة ونشوف هنمشي في طريق مؤذي ولا هنختار الصح ...

عارفين الجو النهاردة كان حر بس الافكار وال��وم اللي في دماغي كانو لطاف جداً ،هفضل اقول اني ممتنة للونس ،ممتنة لكل الناس اللي عمالة تعدي في حياتي مؤخرا سواء اتاذيت منهم او لأ .

انا خايفة جداً بس المرادي مش هسيب الخوف والتوهان ومشاعري تتحكم فيا ،ومعرفش علي اخر السنة هبقي فين او هيحصل ايه بس انا بحاول استقبل كل حاجة الدنيا بتدهالي مؤخرا من غير ما ادبدب في الارض او من غير كلمة لأ والحواجز اللي بفضل ابني فيها .

[marmarika-world]

‏انا مينفعش اتساب انا ودماغى لوحدنا بليل

[greennnnns-blog]

مش عايزة اتساب لدماغي و وجع قلبي

[noon-penguen-world]

وانتي بقا ناويه ترتبطي امتى و تفرحينا ؟!

-لما ابطل اخاف

تخافى ؟!

-اه اخاف

لما ابطل اخاف من الحب

من انى ممكن اتساب فى اى لحظه

ابطل اخاف من انى احب اكتر ما اتحب

ابطل اخاف من الظروف اللى بنعلق عليها كل حججنا

ابطل اخاف من انى انام معيطه فى يوم تحت مسمى الحب

من ان قلبى يتكسر

من اني ابقى مركونه ع الرف بحجة انى الاساس

انا مستنيه الشخص اللى هيموت خوفى مش يزوده

[abanoubnader1]

وانتي بقا ناويه ترتبطي امتى و تفرحينا ؟!

-لما ابطل اخاف

تخافى ؟!

-اه اخاف

لما ابطل اخاف من الحب

من انى ممكن اتساب فى اى لحظه

ابطل اخاف من انى احب اكتر ما اتحب

ابطل اخاف من الظروف اللى بنعلق عليها كل حججنا

ابطل اخاف من انى انام معيطه فى يوم تحت مسمى الحب

من ان قلبى يتكسر

من اني ابقى مركونه ع الرف بحجة انى الاساس

انا مستنيه الشخص اللى هيموت خوفى مش يزوده