#அ.தி.மு.க. அமைச்சர்கள் | Explore Tumblr posts and blogs

tamilnewstamil · 6 years ago

Photo

பா.ஜனதா, அ.தி.மு.க., பா.ம.க. மற்றும் பிற கட்சிகள் இணைந்திருப்பது தமிழகம் மற்றும் தமிழக மக்களின் வளர்ச்சிக்கும், பாதுகாப்புக்கும் சேர்ந்த கூட்டணி: பியூஸ் கோயல் தூத்துக்குடி: என்.எல்.சி. இந்தியா நிறுவனம் மற்றும் தமிழக மின் உற்பத்தி பகிர்மான கழகம் இணைந்து என்.எல்.சி. தமிழ்நாடு மின் நிறுவனத்தின் மூலம் தூத்துக்குடியில் 1000 மெகாவாட் அனல்மின் நிலையம் அமைக்கப்பட்டுள்ளது. அதன் தொடக்க விழா தூத்துக்குடி துறைமுக பள்ளி மைதானத்தில் இன்று நடந்தது. அதில் கலந்து கொள்வதற்காக மத்திய ரெயில்வே மற்றும் நிலக்கரி துறை அமைச்சர் பியூஸ் கோயல் இன்று தூத்துக்குடி வந்தார். மத்தியில் மோடியும், தமிழகத்தில் முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வம் ஆகியோர் தமிழகத்திற்கு நல்ல வளர்ச்சி திட்டங்களை கொண்டு வந்துள்ளனர் என விமான நிலையத்தில் செய்தியாளர்களுக்கு பேட்டியளித்தார். பா.ஜனதா, அ.தி.மு.க., பா.ம.க. மற்றும் பிற கட்சிகள் இணைந்திருப்பது தமிழகம் மற்றும் தமிழக மக்களின் வளர்ச்சிக்கும், பாதுகாப்புக்கும் சேர்ந்த கூட்டணி என தெரிவித்தார். இன்று நமது நாடு பல்வேறு சவால்களை சந்தித்து வருகிறது எனவும் கூறினார். குறிப்பாக பயங்கரவாதத்தால் நாம் பல சவால்களை சந்தித்து வருகிறோம் எனவும், இப்படிப்பட்ட சூழலில் நமக்கு ஒரு வலிமையான தலைவர் தேவைப்படுகிறார் எனவும் கூறினார். அப்படிப்பட்ட தலைவராக, நாட்டை பாதுகாக்கக்கூடிய தலைவராக பிரதமர் மோடி திகழ்கிறார். தமிழக மக்கள் சரியான முடிவு எடுத்து எங்கள் கூட்டணிக்கு வாக்களிப்பார்கள் என கூறினார். அப்படி வாக்களிக்கும் போது மத்தியில் வலிமையான அரசு அமைவதோடு அனைவருக்கும் எல்லா திட்டங்களும் கிடைக்கின்ற வகையில் நல்லாட்சி அமைய தமிழக மக்கள் உதவி புரிவார்கள் என தெரிவித்தார். இ��்த கூட்டணி தமிழகம் மற்றும் புதுச்சேரியில் 40 தொகுதிகளிலும் கடுமையாக உழைத்து வெற்றி பெற்று மத்தியிலும், மாநிலத்திலும் வலிமையான அரசாங்கத்தை உருவாக்கும் என கூறினார். நமது ராணுவத்தை கொச்சைப்படுத்தும் வகையில் காங்கிரஸ் பேசி வருகிறது என கூறினார். இது பாகிஸ்தானுக்கு ஆதரவாக செயல்படுவது போல் உள்ளது எனவும் கூறினார். காஞ்சிபுரத்தில் வருகிற 6-ம் தேதி நடைபெறும் கூட்டத்தில் பிரதமர் மோடி, தமிழக முதல்வர் எடப்பாடி பழனிசாமி மற்றும் கூட்டணி கட்சி தலைவர்கள் பங்கேற்கிறார்கள் என கூறினார். பேட்டியின் போது அமைச்சர்கள் தங்கமணி, கடம்பூர் ராஜூ, மத்திய மந்திரி பொன் ராதாகிருஷ்ணன், பா.ஜனதா மாநில தலைவர் தமிழிசை சவுந்தர ராஜன், அ.தி.மு.க. தூத்துக்குடி தெற்கு மாவட்ட செயலாளர் சண்முகநாதன், ஜெயசிங் தியாகராஜ் நட்டர்ஜி எம்.பி. உள்ளிட்டோர் உடனிருந்தனர். Source: Dinakaran

#தமிழகம்

0 notes

oxigeniopoetico-blog · 7 years ago

Text

அமைச்சர்களுக்கு நோ.. தினகரன் ஆதரவாளர்களுக்கு யெஸ்...தேர்தல் ஆணையம் அதிரடி!

இரட்டை இலைச் சின்னம் தொடர்பாக, தாக்கல் செய்யப்பட்ட பிரமாணப் பத்திரங்களை வாபஸ் பெறுவதற்காக அ.தி.மு.க அமைச்சர்கள் டெல்லி சென்றுள்ளனர். இந்நிலையில், தினகரன் அணி தரப்பில் புகழேந்தி மற்றும் முன்னாள் எம்.பி அன்பழகன் ஆகியோர் டெல்லி சென்றுள்ளனர். ஆனால், அ.தி.மு.க அமைச்சர்களைச் சந்திக்க தேர்தல் ஆணையம் நேரம் ஒதுக்கவில்லை என்று கூறப்படுகிறது.

இதையடுத்து, மத்திய அமைச்சர் நிர்மலா சீதாராமனுடன், அமைச்சர்கள் ஜெயக்குமார், தங்கமணி, சி.வி சண்முகம் மற்றும் மைத்ரேயன் எம்.பி, மனோஜ் பாண்டியன் ஆகியோர் சந்தித்துள்ளனர். மேலும், இரட்டை இலைச் சின்னம் முடக்கம் தொடர்பான வழக்கை திரும்பப் பெறுவது குறித்து அமைச்சர்களுடன் மைத்ரேயன் எம்.பி. ஆலோசனை நடத்தி வருவதாகவும் தகவல் வெளியாகியது.

இந்நிலையில் டெல்லியில், தலைமைத் தேர்தல் ஆணையர் ஏ.கே.ஜோதியுடன் தினகரன் ஆதரவாளர் புகழேந்தி சந்தித்துள்ளார். அப்போது, இரட்டை இலைச் சின்னம் விவகாரத்தில், சின்னம் தொடர்பாக தங்களது கருத்தை கேட்காமல், எந்த முடிவும் அறிவிக்கக் கூடாது எனத் தேர்தல் ஆணையரிடம் கோரிக்கை மனு அளிக்கப்பட்டுள்ளது.

#Admk #Dinakaran #அ.தி.மு.க அமைச்சர்கள்#தினகரன் ஆதரவாளர்கள்#தேர்தல் ஆணையம்

0 notes

makkalmurasu · 5 years ago

Text

வாசனுக்கு ராஜ்ய சபா சீட்: மோடியின் புது ரூட் நீண்ட இழுபறிக்குப் பிறகு அதிமுக-வின் ராஜ்ய சபா எம்.பி தேர்தலில் போட்டியிடும் வேட்பாளர்கள் பட்டியல் நேற்று முதல்வர் எடப்பாடி பழனிசாமி மற்றும் துணை முதல்வர் ஓ பன்னீர்செல்வத்தால் நேற்று வெளியிடப்பட்ட‌து. அதில், கூட்டணிக் கட்சியான தமாகா-வுக்கு ஒரு சீட் ஒதுக்கப்பட்டுள்ளது. இதன் பின்னணியில் தமாகா தலைவர... http://makkalmurasu.com/?p=19581 மக்கள்முரசு

வாசனுக்கு ராஜ்ய சபா சீட்: மோடியின் புது ரூட் on http://makkalmurasu.com/?p=19581

வாசனுக்கு ராஜ்ய சபா சீட்: மோடியின் புது ரூட்

நீண்ட இழுபறிக்குப் பிறகு அதிமுக-வின் ராஜ்ய சபா எம்.பி தேர்தலில் போட்டியிடும் வேட்பாளர்கள் பட்டியல் நேற்று முதல்வர் எடப்பாடி பழனிசாமி மற்றும் துணை முதல்வர் ஓ பன்னீர்செல்வத்தால் நேற்று வெளியிடப்பட்ட‌து. அதில், கூட்டணிக் கட்சியான தமாகா-வுக்கு ஒரு சீட் ஒதுக்கப்பட்டுள்ளது.

இதன் பின்னணியில் தமாகா தலைவர் ஜி கே வாசன் மீது பிரதமர் நரேந்திர மோடிக்கு உள்ள பாசமும் மதிப்புமே முக்கிய காரணம் எனக் கூறப்படுகிறது. மாமல்லபுரம் வந்த சீன அதிபரை சந்திக்க கடந்த வருடம் சென்னை வந்தார் பிரதமர் மோடி.

அவரை வரவேற்க ஆளுநர் பன்வாரிலால் புரோஹித், முதல்வர் எடப்பாடி பழனிசாமி, துணை முதல்வர் பன்னீர்செல்வம், அமைச்சர்கள், கூட்டணிக் கட்சித் தலைவர்கள், பிஜேபி பிரமுகர்கள் எனப் பலரும் காத்திருந்தார்கள். அவர்களில் வாசனும் ஒருவர்.

வாசனுக்கு மட்டும் ஸ்பெஷல் மரியாதை அன்றைக்குக் கிடைத்ததாம். வாசன் மோடிக்குச் சால்வை அணிவித்தபோது “எப்படி இருக்கீங்க வாசன் ஜீ? டெல்லி வந்து என்னைச் சந்திக்கிறதா சொன்னீர்களே… ஏன் வரவில்லை?” என்று வாஞ்சையுடன் வாசனிடம் மோடி கேட்டாராம். “க‌ண்டிப்பாக வருகிற��ன்”, என மோடியிடம் வாக்குறுதி கொடுத்தார் வாசன். தனக்கு வாசன் அளித்த சால்வையை ரொம்ப நேரம் கழற்றாமல் இருந்தாராம் மோடி.

இதற்கிடையே, பாஜக பரிந்துரையின் பேரிலேயே வாசனுக்கு சீட் தரப்பட்டுள்ளதாகவும், அவர் விரைவில் தமிழக தலைவராக நியமிக்கப்படவுள்ளார் என தருமபுரி திமுக எம்பி செந்தில்குமார் தெரிவித்துள்ளார். டிவிட்டரில் தனது கருத்தை தெரிவித்துள்ள அவர், “GKவாசன்க்கு பிஜேபி பரிந்துரையில் ராஜ்ய சபா சீட் விரைவில் பிஜேபியில் இணைய இருக்கிறார். எனது புரிதலில் தமிழக தலைவராக வாசன் நியமிக்கப்படவுள்ளார்,” என கூறியுள்ளார்.

தமிழகத்தில் காலியாகும் 6 ராஜ்ய சபா எம்.பி-க்களுக்கான தேர்தலில், தி.மு.க 3 இடங்களிலும் அ.தி.மு.க 3 இடங்களிலும் போட்டியிடுகின்றன. தி.மு.க சார்பில் போட்டியிடும் வேட்பாளர்களாக திருச்சி சிவா, அந்தியூர் செல்வராஜ், என்.ஆர்.இளங்கோ ஆகியோரது பெயர்கள் அறிவிக்கப்பட்டுள்ளன.

#மக்கள்முரசு

#featured #News #செய்திகள்

0 notes

tamizha1 · 3 years ago

Text

எடப்பாடி பழனிசாமியின் அடுத்த கட்ட நடவடிக்கை என்ன?- கட்சி நிர்வாகிகளுடன் ஆலோசனை

முன்னாள் அமைச்சர்கள் தங்கமணியுடன், கே.சி.கருப்பணன், ராமச்சந்திரன் மற்றும் முக்கிய நிர்வாகிகளுடன் அ.தி.மு.க. இணை ஒருங்கிணைப்பாளர் எடப்பாடி பழனிசாமி ஆலோசனை நடத்தினார். சேலம்: தமிழகத்தில் நடந்து முடிந்த நகர்ப்புற உள்ளாட்சி தேர்தலில் அ.தி.மு.க. தோல்வியை சந்தித்தது. எளிதில் வெற்றி பெறலாம் என்று கணிக்கப்பட்ட இடங்களில் கூட அ.தி.மு.க.வால் சோபிக்க முடியவில்லை. இது கட்சி தலைமைக்கு அதிர்ச்சியை ஏற்படுத்தி…

View On WordPress

0 notes

tamilcinema7 · 6 years ago

Photo

முதல்வர் தலைமையில் எம்.எல்.ஏ திருமணம்! மணப்பெண் மாயம்! நீதிமன்றத்தில் வெளியான அதிர்ச்சி தகவல்! ஈரோடு மாவட்டம் பவானி தொகுதி சட்டமன்ற உறுப்பினராக இருப்பவர் அ.தி.மு.க. எம்.எல்.ஏ. ஈஸ்வரன். அவருக்கு வயது 43 . இவரது சொந்த ஊர் புஞ்சைபுளியம்பட்டி அருகே உள்ள உஜ்ஜங்கனூர் ஆகும். அவருக்கும் கோபி அருகே உள்ள உக்கரத்தை சேர்ந்த ரத்தினசாமி என்பவரது மகள் சந்தியா என்ற 23 வயதான இளம்பெண்ணுக்கும் திருமணம் நிச்சயம் செய்யப்பட்டுள்ளது. இந்த திருமணம் வருகிற 12-ந்தேதி ஈரோடு மாவட்டம் சத்தியமங்கலம் அருகே உள்ள பண்ணாரி அம்மன் கோவிலில் நடக்க இருந்தது. திருமணம் முதல்-அமைச்சர் எடப்பாடி பழனிசாமி, துணை முதல்-அமைச்சர் ஓ.பன்னீர்செல்வம் மற்றும் அமைச்சர்கள், எம்.பி, எம்.எல்.ஏ.க்கள் முன்னிலையில் நடைபெறுவதாக இருந்தது. .இந்த திருமணத்திற்கு பத்திரிகை அச்சடிக்கப்பட்டு உறவினர்களுக்கு கொடுக்கப்பட்ட நிலையில் மணமகள் வீட்டிலும் உறவினர்களுக்கு கடந்த ஒரு வாரமாக கொடுத்து வந்தனர். திருமணத்துக்கு 9 நாட்��ளே இருந்த நிலையில் மணமக்கள் வீடு கோலாகலமாக இருந்தது. இந்த நிலையில் கடந்த 1-ந்தேதி காலை 11 மணியளவில் மணமகள் சந்தியா தனது வீட்டில் இருந்து வெளியே சென்றுள்ளார். அப்போது சத்தியமங்கலத்தில் உள்ள அக்கா வீட்டுக்கு போய்விட்டு வருகிறேன் என்று கூறிவிட்டு சென்றுள்ளார். ஆனால் சந்தியா அவரது அக்கா வீட்டுக்கு போகாமல் மாயமாகி விட கடந்த 2 நாட்களாக தேடிப்பார்த்துள்ளனர். கிடைக்காத காரணத்தால் சந்தியாவின் தாயார் தங்கமணி கடத்தூர் போலீசில் புகார் செய்துள்ளார். மாயமான சந்தியா திருப்பூர் மாவட்டம் ஊத்துக்குளி அருகே உள்ள கொளத்துபாளையத்தை சேர்ந்த விக்னேஷ் என்பவரிடம் பழகி வந்துள்ளதாக தெரிகிறது. மேலும் அவரை காதலித்து வந்ததாகவும் சொல்லப்படுகிறது. அவருடன் சந்தியா சென்று விட்டதாகவும் கூறப்படுகிறது. சந்தியாவின் தாயார் அளித்த புகாரிலும் இதை கூறியுள்ளார். தனது மகளுக்கும் விக்னேஷ் என்பவருக்கும் தொடர்பு இருந்ததாகவும் புகாரில் கூறியுள்ளார். இந்நிலையில் மாயமான சந்தியாவை மணப்பாறையில் போலீசார் இன்று மதியம் மீட்டுள்ளனர். பின்னர் அவரை ஈரோடு மாவட்ட நீதிமன்றத்தில் ஆஜர்படுத்தினார்கள். அப்போது அவருக்கு இந்த திருமணத்தில் விருப்பம் இல்லை என்றும், அதனால் திருமணத்தை தடுப்பதற்காக தோழி வீட்டுக்கு சென்றதாகவும் கூறியுள்ளார். 20 வயது மூத்தவரான மணமகனை அவருக்கு பிடிக்காமல் அவர் சென்றது தெரிய வந்துள்ளது. மேலும் சந்தியா மேஜர் எனபதால் அவரை கட்டாயப்படுத்த கூடாது எனவும் நீதிமன்றம் உத்தரவிட்டுள்ளது. சந்தியாவின் விருப்பத்தின் பேரில் அவருடைய பெற்றோருடன் ணைப்பி வைக்கப்பட்டார். இதற்கிடையே வேறு பெண்ணுடன் நிச்சயக்கப்பட்ட தேதியில் திருமணம் நடைபெறும் என அ.தி.மு.க. எம்.எல்.ஏ. ஈஸ்வரன் தெரிவித்திருந்தார் எனபது குறிப்பிடத்தக்கது.

0 notes

newsalai · 7 years ago

Photo

தம்பிதுரைக்கு பதிலடி கொடுத்த மைத்ரேயன் அ.தி.மு.க அணிகள் இணைப்பு குறித்து தான் கூறியது தனிப்பட்ட கருத்து அல்ல என்றும் தொண்டர்களின் உணர்வை தான் பிரதிபலித்து இருப்பதாகவும் மைத்ரேயன் எம்.பி தெரிவித்துள்ளார். ஓ.பி.எஸ் - இ.பி.எஸ் அணிகள் இணைப்பிற்கு பின்னரும் முதல்வர் பழனிச்சாமி மற்றும் துணை முதல்வர் ஓ.பன்னீர்செல்வம் இடையே மோதல் இருந்து வந்ததாக அரசல் புரசலாக பேசப்பட்டது. இருவருக்குள்ளும் நாளுக்கு நாள் அதிகார மோதல் அதிகரித்து வருவதாகவும் கூறப்பட்டது. ஆனால் தங்களுக்குள் எந்த கருத்து வேறுபாடும் இல்லை என்றும் ஒன்றாக இணைந்து அம்மா வழியில் ஆட்சியை நடத்துவதாகவும் இருவரும் தெரிவிக்கின்றனர். இந்த நிலையில் நேற்று ஓபிஎஸ் அணியை சேர்ந்த எம்.பி மைத்ரேயன் தனது முகநூல் பக்கத்தில் போட்ட பதிவால் ஓபிஎஸ் - இபிஎஸ் அதிகார மோதல் குறித்த சர்ச்சை பூதாகரமாக வெடித்துள்ளது. அணிகள் இணைந்து மூன்று மாதங்கள் ஆகியும் மனங்கள் இன்னும் இணையவில்லை என்று அவர் பதிவிட்டிருந்தார். இதனை தொடர்ந்து தமிழக முழுவதும் ஓபிஎஸ் - இபிஎஸ் அணிகள் இடையேயான உறவு குறித்து தான் நேற்று பரவலாக பேசப்பட்டு வந்தது. ஆனால் வழக்கம் போல் மற்ற அமைச்சர்கள் தங்களுக்குள் எந்த வேறுபாடும் இல்லை என தெரிவித்தனர். செய்தியாளர்கள் சந்திப்பின் போது பேசிய மக்களவை துணை சபாநாயகர் தம்பிதுரை, மைத்ரேயன் கூறியது அவரது தனிப்பட்ட கருத்து என தெரிவித்திருந்தார். தம்பிதுரைக்கு பதில் ��ளிக்கும் வகையில் முகநூல் பக்கத்தில் மைத்ரேயன் இன்று ஒரு பதிவை வெளியிட்டுள்ளார். அதில், "மைத்ரேயனின் பதிவு அவரது தனிப்பட்ட கருத்து என்று தம்பிதுரை கூறியுள்ளார். இது எனது தனிப்பட்ட கருத்து அல்ல. பெரும்பாலான கழக அடிமட்டத் தொண்டர்களின் உணர்வைத்தான் நான் எதிரொலித்துள்ளேன்" என கூறியுள்ளார். மைத்ரேயனின் இந்த பதிவால் ஓபிஎஸ் - இபிஎஸ் அணி இணைப்பிற்கு பிறகும் அவர்களுக்கு இடையேயான மோதல் தொடர்ந்து கொண்டே இருக்கிறது என்பது மீண்டும் உறுதியாகியுள்ளது. மேலும், அணிகள் இணைப்பில் பலருக்கும் உடன்பாடு இல்லை என்பதையும் மைத்ரேயனின் பதிவு வெளிக்காட்டியுள்ளது.

#admk

0 notes

neerthirai24 · 3 years ago

Text

அ.தி.மு.க.வை களங்கப்படுத்த முயற்சி- முன்னாள் அமைச்சர் ஜெயக்குமார்

எங்கள் மீதான குற்றச்சாட்டுகள் தவறு என்று நீதிமன்றத்தில் நிரூ��ிப்போம் என்று முன்னாள் அமைச்சர் ஜெயக்குமார் கூறினார். சென்னை: அ.தி.மு.க. முன்னாள் அமைச்சர் எஸ்.பி.வேலுமணியின் வீடு உள்பட 53 இடங்களில் லஞ்ச ஒழிப்பு போலீசார் சோதனை நடத்தி வருவது குறித்து அக்கட்சியின் முன்னாள் அமைச்சர் ஜெயக்குமார் கூறியதாவது:- ஆளுங்கட்சி என்ற மமதையில் எதை வேண்டுமானாலும் செய்யலாம் என்ற அடிப்படையில் முன்னாள் அமைச்சர்கள்…

View On WordPress

0 notes

whatisthisoutsidething-blog · 7 years ago

Text

'பரோலில் சசிகலா.. அ.தி.மு.க.வில் அடுத்த அதிரடிக்குத் தயாராகும் தினகரன்!'

சிறையிலிருந்து சசிகலா, பரோலில் வருவது உறுதியாகியுள்ளது. இதனால் அ.தி.மு.க.வில் அடுத்த அதிரடி நடவடிக்கை குறித்து தினகரன் தன்னுடைய ஆதரவாளர்களுடன் ஆலோசித்துவருகிறார். அதற்கு 'செக்' வைக்கும் வேலையில் முதல்வர் எடப்பாடி பழனிசாமி தரப்பு தீவிரமாக ஈடுபட்டுள்ளது.

சொத்துக்குவிப்பு வழக்கில் பெங்களூரு சிறையில் அடைக்கப்பட்டுள்ளார் சசிகலா. சிறை விதிமுறைகள் மீறி சசிகலாவுக்குச் சலுகைகள் வழங்கப்பட்டதாக பெங்களூரு சிறைத்துறை முன்னாள் டி.ஐ.ஜி ரூபா, பகிரங்க குற்றம் சாட்டினார். இதையடுத்து, சிறையில் சசிகலாவுக்கு சோதனை என்ற பெயரில் நெருக்கடிகள் கொடுக்கப்பட்டன.

இதனால், சிறையிலிருந்து பரோலில் வெளியேற சசிகலா முயற்சி செய்தார். சசிகலாவின் அண்ணி சந்தான லெட்சுமி, மரணமடைந்தபோது பரோலில் செல்ல முயற்சி நடந்தன. ஆனால், பரோல் மறுக்கப்பட்டது.

இதற்கிடையில் அ.தி.மு.க.விலிருந்து சசிகலாவின் குடும்பத்தை ஓரம்கட்டினர் முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வம். இவர்கள் இருவரும் நடத்திய பொதுக்குழுவில் சசிகலாவின் தற்காலிக பொதுச் செயலாளர் பதவி பறிக்கப்பட்டது. இது, சசிகலாவுக்கு கடும் ஆத்திரத்தை ஏற்படுத்தியுள்ளது.

தினகரன் மூலம் அ.தி.மு.க.வில் சசிகலா நடத்திய ஆடுபுலி ஆட்டம் அவருக்கே பாதகமாக அமைந்துள்ளது. சசிகலா குடும்பத்தினருக்கு எதிராக அதிரடி நடவடிக்கைகளை எடுத்துவரும் எடப்பாடி பழனிசாமி, ஓ.பன்னீர்செல்வம் தரப்பினருக்கு பாடம்புகட்டும் சந்தர்ப்பத்துக்காக காத்திருக்கிறார் சசிகலா.

சசிகலா, தினகரனுக்கு விசுவாசமாக இருந்த 18 எம்.எல்.ஏ.க்களை தகுதி நீக்கம் செய்து, ஆட்சி கவிழ்ப்பைத் தற்காலிகமாக தள்ளிப்போட்டுள்ளனர் எடப்பாடி பழனிசாமி, ஓ.பன்னீர்செல்வம் தரப்பினர். எம்.ஜி.ஆர். ஆரம்பித்த அ.தி.மு.க.வை பிளவுப்படுத்தி, அதை அழிவின் பாதைக்கு கொண்டு சென்றுவிட்டனர் தற்போதைய அ.தி.மு.க. நிர்வாகிகள்.

சசிகலா, தினகரனுக்கு எதிராக தினமும் ஒரு பேட்டி கொடுத்துவருகிறார் அமைச்சர் ஜெயக்குமார். அமைச்சர் ஜெயக்குமாரின் விமர்ச��ங்களுக்கு தினகரனும் பதிலளித்துவருகிறார்.

இந்தச் சூழ்நிலையில் சில மாதங்களாக உடல்நலம் பாதிக்கப்பட்ட சசிகலாவின் கணவர் நடராசன், சென்னையில் உள்ள தனியார் மருத்துவமனையில் அனுமதிக்கப்பட்டுள்ளார். அவருக்கு, உடல் உறுப்புகள் மாற்று அறுவை சிகிச்சை விரைவில் நடைபெறவுள்ளது. இந்தத் தகவல் சசிகலாவுக்குத் தெரியப்படுத்தியதும் பரோல் கேட்டு மனு செய்துள்ளார்.

இதற்கான ஏற்பாடுகளை சசிகலா வழக்கறிஞர்கள் செய்தனர். நடராஜனின் மருத்துவ ரிப்போர்ட்கள், சிறைத்துறை அதிகாரிகளிடம் கொடுத்துள்ளனர். சசிகலாவுக்கு பரோல் வழங்கக்கூடாது என்று எடப்பாடி பழனிசாமி தரப்பிலிருந்து எதிர்ப்பு தெரிவிக்கப்பட்டது. ஆனால் அதையும் மீறி சசிகலாவுக்கு பரோல் கிடைத்துள்ளதாகத் தகவல் ��ெளியாகியுள்ளது.

சிறையிலிருந்து வெளியில்வரும் சசிகலாவால் அ.தி.மு.க.வில் அதிரடி நடவடிக்கை எடுக்க வாய்ப்புள்ளதாக முதல்வர் எடப்பாடி பழனிசாமிக்குத் தகவல் தெரிவிக்கப்பட்டது. அதை சமாளிக்க எடப்பாடி பழனிசாமி, ஓ.பன்னீர்செல்வம் மற்றும் கட்சியின் மூத்த நிர்வாகிகள் ஆலோசனை நடத்தியுள்ளனர். அதில் சில முக்கிய முடிவுகள் எடுக்கப்பட்டுள்ளன.

தினகரனுக்கு செக் வைத்துவிட்டால் அவரது ஆதரவாளர்கள் அமைதியாகிவிடுகின்றனர் என்று கணக்குப் போட்டுள்ளனர் எடப்பாடி பழனிசாமி, ஓ.பன்னீர்செல்வம் தரப்பினர். அதற்கான நடவடிக்கைகள் எடுக்கப்பட்டுள்ளன. மத்திய, மாநில அரசுக்கு எதிராக தினகரன் மற்றும் அவரது ஆதரவாளர்கள் செயல்பட்டதாக போலீஸார் வழக்குப்பதிவு செய்துள்ளனர். அதில் முன்னாள் எம்.எல்.ஏ. வெங்கடாஜலம் உள்பட சிலரை போலீஸார் கைது செய்துள்ளனர்.

போலீஸாரின் அடுத்த இலக்கு தினகரன் மற்றும் அவருக்கு நெருக்கமானவர்கள் மீது உள்ளதாக போலீஸ் வட்டாரங்கள் தெரிவித்தன. தினகரனை கைது செய்தால் அடுத்து நடக்கும் சம்பவங்கள் குறித்தும் ஆலோசனை நடந்துவருகிறது. சட்டம், ஒழுங்கு பிரச்னை ஏற்படாமல் அடுத்தக்கட்ட நடவடிக்கைகளை எடுக்க முதல்வர் அலுவலகத்திலிருந்து கிரீன் சிக்னல் போலீஸாருக்கு கொடுக்கப்பட்டுள்ளது. இதனால் தினகரன் மீது விரைவில் நடவடிக்கை எடுக்கப்படவுள்ளதாக போலீஸ் உயரதிகாரி ஒருவர் தெரிவித்தார்.

தினகரனின் ஒவ்வொரு அசைவுகளையும் உளவுத்துறை போலீஸார் கண்காணித்து உடனுக்குடன் ரிப்போர்ட் கொடுத்துவருகின்றனர். சசிகலாவுக்கு பரோல் கிடைத்தவுடன் தினகரன் கைது செய்யப்படலாம் என்ற தகவலும் போலீஸ் வட்டாரத்திலிருந்து வெளிவருகிறது. பெங்களூருவிலிருந்து வரும் சசிகலா, நடராசனைச் சந்திக்க ஏற்பாடுகள் செய்யப்பட்டுள்ளதாக தினகரன் ஆதரவாளர் ஒர��வர் தெரிவித்தார்.

தினகரன் ஆதரவாளர்களிடம் பேசினோம். "சசிகலா, பரோலில் வெளியில்வருவதற்கான ஏற்பாடுகள் செய்யப்பட்டுவிட்டன. இந்த வேலைகளை பெங்களூருவிலிருக்கும் ஒரு டீம் செய்துவருகிறது. சசிகலா, வெளியில் வந்தப்பிறகு அ.தி.மு.க.வில் மாற்றம் ஏற்படும். சசிகலாவைச் சந்திக்க அமைச்சர்கள், எம்.எல்.ஏ.க்கள் நிச்சயம் வருவார்கள்.

அவர்கள்தான் எங்களது ஸ்லீப்பர் செல்கள். தினகரனை கைது செய்யப்போவதாக தகவல்கள் வருகின்றன. டெல்லி போலீஸுக்கே தினகரன் பயப்படவில்லை. தமிழக போலீஸுக்கு பயந்து அவர் தலைமறைவாக மாட்டார். அன்றாட பணிகளை எப்போதும் போல செய்துவருகிறார். அரஸ்ட் வாரன்ட்டுடன் போலீஸார் வந்தால், நிச்சயம் ஒத்துழைப்போம். அந்த வழக்கையும் சட்டப்படி எதிர்கொள்ளோம். நாளை நடைபெறவுள்ள எம்.எல்.ஏக்கள் தகுதிநீக்கம் வழக்கில் எங்களுக்குச் சாதகமான தீர்ப்பு கிடைக்கும் என்று எதிர்பார்க்கிறோம்" என்றனர்.

போலீஸ் அதிகாரி ஒருவர் கூறுகையில், "தினகரனை கைது செய்வது தொடர்பாக ஆலோசனை நடந்துவருகிறது. மேலிடத்திலிருந்து வரும் சிக்னலுக்காக காத்திருக்கிறோம்"என்றார்.

#Sasikala #ADMK #Edapaddi palanisamy #சசிகலா #எடப்பாடி பழனிசாமி

0 notes