#संधी!

[kvksagroli]

हंगामी फळांवर प्रक्रिया केल्यास नासाडी थांबेल तसेच उद्योग व्यवसायास चालना मिळेल.. फळांवर प्रक्रिया करून त्यापासून विविध पदार्थांची निर्मिती करता येते. यामुळे फळांची नासाडी तर थांबतेच सोबतच प्रक्रियाउद्योग देखील सुरू होतात. यामुळे नवयुवक व महिलांना उद्योगाच्या संधी उपलब्ध होतील. सध्याच्या हंगामामध्ये लिंबू व लिंबूवर्गीय फळांचे दर कमी असतात व उत्पादन जास्त असते. यामुळे अशा परिस्थितीमध्ये त्यावर प्रक्रिया करून मूल्यवर्धन करावे आणि विविध टिकाऊ पदार्थ तयार करावेत. याच उद्देशाने संस्कृति संवर्धन मंडळ संचलित कृषी विज्ञान केंद्र, उद्यामिता लार्निंग सेंटर येथे women first कार्यक्रमांतर्गत लिंबू प्रक्रिया या विषयावर दि. 29 ते 31 जुलै 2024 या कालावधीमध्ये प्रशिक्षण कार्यक्रम आयोजित करण्यात आले. प्रशिक्षणा दरम्यान लिंबापासून विविध प्रकारची लोणची , स्क्वॉश व इतर पदार्थ प्रात्यक्षिक स्वरूपात शिकवण्यात आले. तसेच प्रक्रिया उद्योग उभारणी, प्रकल्प अहवाल तयार करण��, पदार्थाची पॅकेजिंग, ब्रॅण्डिंग व कायदेशीर इतर बाबी या सर्वांची सविस्तर माहिती डॉ माधुरी रेवणवार यांनी दिली. या प्रशिक्षणासाठी नांदेड जिल्ह्यातील विविध तालुक्यातील महिला व युवक यांनी सहभाग नोंदवला. #agriculture #skills #valueaddition #womensupportingwomen #womeninbusiness #KrishiVigyanKendra #sagroli #nanded #FoodProcessingIndustries

[kamlakar-das]

कबीर परमात्मा ने बोलले आहे की माणूस जन्म हा खूप कष्टाने प्राप्त होतो या जन्माला संसारामध्ये गुंतून संसाराच्या साऱ्या कृती करून नष्ट करायचे नसून सतभक्ती सद्गुरु आणि सतलोक प्राप्तीसाठी मिळालेला वापर करायचा असतो. म्हणजे मोक्ष प्राप्तीसाठी मिळालेली ही एक अनमोल संधी असते

[airnews-arngbad]

Regional Marathi Text Bulletin, Chhatrapati Sambhajinagar Date – 27 December 2024 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक २७ डिसेंबर २०२४ सकाळी ७.१० मि.

• माजी पंतप्रधान पद्मविभुषण डॉ मनमोहनसिंग यांचं निधन-सात दिवसांचा राष्ट्रीय दुखवटा जाहीर. • पंतप्रधान राष्ट्रीय बाल पुरस्कार राष्ट्रपतींच्या हस्ते प्रदान-महाराष्ट्रातल्या दोन मुलींचा गौरव. • सुपोषित ग्राम पंचायत योजनेचा पंतप्रधान नरेंद्र मोदी यांच्या हस्ते प्रारंभ. • जलसंधारणाचं महत्त्व सामान्यांपर्यंत पोहोचवण्यासाठी पुढच्या महिन्यात पाणलोट यात्रा काढण्यात येणार. • बीड जिल्ह्यात येत्या ३० आणि ३१ डिसेंबरला रेल्वेची जलदगती चाचणी. आणि • बॉर्डर गावसकर मालिकेच्या चौथ्या कसोटीत पहिल्या डावावर यजमान संघाची पकड मजबूत.

माजी पंतप्रधान पद्मविभुषण डॉ मनमोहनसिंग यांचं काल दिल्लीत निधन झालं, ते ९२ वर्षांचे होते. काल रात्री प्रकृती अचानक बिघडल्यानंतर त्यांना अखिल भारतीय आयुर्विज्ञान संस्था-एम्समध्ये दाखल करण्यात आलं, मात्र रात्री नऊ वाजून ५० मिनिटांनी त्यांचं निधन झाल्याचं, रुग्णालयाकडून सांगण्यात आलं. २�� सप्टेंबर १९३२ रोजी अखंड भारतातल्या पंजाब प्रांतात जन्मलेले मनमोहनसिंग यांनी २००४ ते २०१४ असे दहा वर्ष देशाचे १३ वे पंतप्रधान म्हणून जबाबदारी सांभाळली. डॉ सिंग यांच्या कारकिर्दीचा आढावा घेणारा हा संक्षिप्त वृत्तांत… अर्थशास्त्राचे प्राध्यापक म्हणून आपल्या कारकिर्दीला प्रारंभ करणारे डॉ सिंग यांची १९७२ साली अर्थमंत्रालयात आर्थिक सल्लागार म्हणून नियुक्ती झाली, अर्थखात्याचे सचिव, रिजर्व्ह बँकेचे गव्हर्नर, नियोजन आयोगाचे उपाध्यक्ष आणि पंतप्रधानांचे मुख्य आर्थिक सल्लागार, राज्यसभेतले विरोधी पक्षनेते अशी विविध पदं समर्थपणे सांभाळलेले डॉ सिंग यांनी तत्कालीन पंतप्रधान नरसिंहराव यांच्या सरकारमध्ये अर्थमंत्री म्हणून सुत्रं स्वीकारली. या काळात त्यांनी आर्थिक सुधारणांसाठी उल्लेखनीय काम केलं. २००४ साली संयुक्त पुरोगामी आघाडीने डॉ सिंग यांची पंतप्रधानपदी निवड केली. ही जबाबदारी त्यांनी सलग दहा वर्ष समर्थपणे सांभाळली. याच वर्षी एप्रिल महिन्यात त्यांच्या राज्यसभा सदस्यत्वाचा कार्यकाळ पूर्ण झाला होता. देशाच्या अर्थव्यवस्थेत दिलेल्या योगदानासाठी १९८७ साली त्यांना पद्मविभुषण सन्मान प्रदान करण्यात आला होता.

डॉ मनमोहनसिंग यांच्या निधनाबद्दल देशभरातून दु:ख व्यक्त होत आहे. राष्ट्रपती द्रौपदी मुर्मू, उपराष्ट्रपती जगदीप धनखड, पंतप्रधान नरेंद्र मोदी, लोकसभेतले विरोधी पक्षनेते राहुल गांधी, काँग्रेस अध्यक्ष मल्लिकार्जुन खरगे, महाराष्ट्राचे राज्यपाल सी पी राधाकृष्णन, मुख्यमंत्री देवेंद्र फडणवीस यांच्यासह अनेकांनी शोक व्यक्त केला आहे. केंद्र सरकारने सात दिवसांचा राष्ट्रीय दुखवटा जाहीर केला असून, आजचे सर्व शासकीय कार्यक्रम रद्द करण्यात आले आहेत. डॉ सिंग यांच्या पार्थिव देहावर पूर्ण शासकीय इतमामात अंत्यसंस्कार केले जाणार आहेत.

पंतप्रधान राष्ट्रीय बाल पुरस्कार काल राष्ट्रपती द्रौपदी मुर्मु यांच्या हस्ते नवी दिल्लीत प्रदान करण्यात आले. कला तसंच संस्कृती, धाडस, नवोन्मेष, विज्ञान आणि तंत्रज्ञान, सामाजिक सेवा, क्रीडा आणि पर्यावरण अशा विविध सात श्रेणींमध्ये १७ बालकांना असाधारण कामगिरीसाठी गौरवण्यात आलं, महाराष्ट्रातल्या दोन मुलींचा यावेळी गौरव करण्यात आला. यात मुंबईची १३ वर्षीय केया हटकर आणि अमरावतीच्या १७ वर्षीय करिना थापा हिचा समावेश आहे. केया हटकर, डान्सिंग ऑन माय व्हील्स आणि आय एम पॉसिबल या दोन बेस्टसेलर पुस्तकांची लेखिका आहे. तर करिना थापा हिने गॅस सिलिं��रच्या आगीतून स्थानिकांच�� प्राण वाचवल्याबद्दल तिला गौरवण्यात आलं. हा पुरस्कार स्वीकारल्यानंतर करिना थापा हिने आपलं मनोगत या शब्दांत व्यक्त केलं. आज जो मुझे अवार्ड मिला है, वो मेरे बहादुरी के कारण मिला है। मै सिर्फ इतना ही कहेना चाहती हूं की, हमे मुसीबत से घबराना नही चाहीये। मुसीबत से हमे पिछे नही हटना चाहीये। बल्की उसका सामना करना चाहीये, क्योंकी डर के आगे जीत है।

केया हटकर हिने आपलं मनोगत व्यक्त करतांना, दिव्यांग मुलांना स्वत:ला सिद्ध करण्याची संधी उपलब्ध करून देण्याची गरज व्यक्त केली. I feel really honored. For a child like me, who is differently able, children with rare deceases are talented. It is very hard to get into mainstream faces. People think that we are not talented and most parents keep them at home to feel that they are burden on family and even society think them as a curse. So I think that, that mindset should be changed and opportunities must be given. I think that getting this award, how government is actually telling that we do not exclude people, but we do include them.

दरम्यान, देशासाठी केलेलं प्रत्येक कार्य वीरता असल्याचं, पंतप्रधान नरेंद्र मोदी यांनी म्हटलं आहे. काल वीर बाल दिनी, दिल्लीत झालेल्या विशेष कार्यक्रमात बोलत होते. शीख धर्मियांचे दहावे गुरू, गुरू गोविंदसिंह यांची दोन धाकटी मुलं, बाबा जोरावरसिंह आणि बाबा फतेहसिंह यांच्या बलिदानाचं स्मरण करण्यासाठी हा दिवस पाळला जातो. सुपोषित ग्राम पंचायत योजनेचा प्रारंभ पंतप्रधानांच्या हस्ते यावेळी करण्यात आला. पोषण आहाराशी संबंधित सेवा सुविधा सामाजिक योगदानातून ग्रामपंचायत पातळीवर उपलब्ध करुन देणं हे या अभियानाचं उद्दिष्ट असल्याचं पंतप्रधानांनी सांगितलं. ते म्हणाले… ये अभियान पुरी तरह से जनभागिदारी से आगे बढेगा। कुपोषण मुक्त भारत के लिये,ग्रामपंचायतो के बीच एक हेल्दी कॉम्पिटिशन तंदुरुस्त स्पर्धा हो। कुपोषित ग्रामपंचायत विकसित भारत का आधार बने, ये हमारा लक्ष है।

यावेळी झालेल्या संचलनाला पंतप्रधानांनी हिरवा झेंडा दाखवला आणि मानवंदना स्वीकारली. विविध राज्यांच्या पारंपरिक समृद्धीचं दर्शन घडवणारी वेशभूषा केलेली सुमारे तीन हजाराहून अधिक मुलं आणि चित्ररथ या संचलनात सहभागी झाले होते. सांगली शिक्षण संस्थेच्या पथकानं महाराष्ट्राचं प्रतिनिधित्व करत लेझीम कलाप्रकाराचं प्रात्याक्षिक सादर केलं.

अन्न नागरी पुरवठा आणि ग्राहक संरक्षण विभागानं आपलं काम पारदर्शकपणे करावं अशा सूचना अन्न, नागरी पुरवठा आणि ग्राहक संरक्षण मंत्री धनंजय मुंडे यांनी दिल्या आहेत. ते काल मुंबईत सह्याद्री अतिथीगृहावर विभागाच्या आढावा बैठकीत बोलत होते. आपला विभाग स्मार्ट शिधापत्रिका आणि आधुनिक गोदाम व्यवस्था याला प्राथमिकता देणार असल्याचं मुंडे यांनी सांगितलं.

जलसंधारणाचं महत्त्व सर्वसामान्यांपर्यंत पोहोचवण्यासाठी जानेवारी महिन्यापासून पाणलोट यात्रा काढण्यात येणार असल्याचं, मृद आणि जलसंधारण मंत्री संजय राठोड यांनी सांगितलं आहे. ते काल छत्रपती संभाजीनगर इथं, जल व भूमी व्यवस्थापन संस्था-वाल्मीत बैठक झाल्यानंतर पत्रकारांशी बोलत होते. वाल्मीला गतवैभव प्राप्त करुन देण्यासाठी ५४६ कोटी रुपयांचा आराखडा तयार करण्यात आला असून, शासनस्तरावर पाठपुरावा, अधिक अनुदान मागणी तसंच पदभरतीचे प्रस्ताव मार्गी लावणार असल्याचं, राठोड यांनी सांगितलं.

बीड जिल्ह्यात येत्या ३० आणि ३१ डिसेंबर रोजी विघनवाडी ते राजूरी या मार्गावरून रेल्वेची जलदगती चाचणी होणार आहे. या चाचणीदरम्यान रेल्वे मार्गाजवळ कोणीही येवू नये, असं आवाहन रेल्वेच्या अधिकाऱ्यांसह भूसंपादन विभागाच्या उपजिल्हाधिकाऱ्यांनी केल्याचं, आमच्या वार्ताहरानं कळवलं आहे. बीडपासून काही अंतरावर असलेल्या राजुरीपर्यंत या बहुप्रतिक्षित रेल्वे मार्गाचं काम पूर्ण झालं आहे. त्यामुळे विघनवाडीपासून राजूरीपर्यंतच्या या नवीन लोहमार्गाची जलदगती चाचणी येत्या सोमवार-मंगळवारी होणार आहे. सकाळी दहा ते सायंकाळी सहा या वेळेत नियोजित असलेल्या या चाचणीदरम्यान, नागरिकांनी या रेल्वे मार्गापासून दुर राहावं, तसंच पाळीव प्राणी रूळावर येणार नाहीत याची काळजी घ्यावी, असं आवाहन प्रशासनानं केलं आहे. रवी उबाळे आकाशवाणी बातम्यांसाठी बीड

जालना जिल्ह्यातल्या परतूर इथं एका कारखान्यात स्फोट होऊन दोन कामगार ठार तर अन्य काही कामगारी जखमी झाले. काल सायंकाळी बागेश्वरी सहकारी साखर कारखान्यात ही घटना घडली. सल्फर टाकीचा स्फोट होऊन या कामगारांचा होरपळून मृत्यू झाल्याची माहिती परतूर ठाण्याचे पोलीस निरीक्षक मच्छिंद्र सुरवसे यांनी दिली.

कळंब इथल्या श्री साईराम तसंच ज्ञानराधा मल्टीस्टेट पतसंस्थेच्या शाखेत ज्या ठेवीदारांना मुदत संपूनही ठेवीच्या रक्कमा परत मिळालेल्या नाहीत, अशा ठेवीदारांनी आर्थिक गुन्हे शाखेशी संपर्क साधावा, असं आवाहन पोलिस निरीक्षक गणेश कानगुडे यांनी केलं आहे. बचत खात्यावरील रक्कम परत न मिळालेल्या खातेधारकांनीही ��ंपर्क साधण्याचं आवाहन, कानगुडे यांनी केलं आहे.

क्रिकेट भारत आणि ऑस्ट्रेलिया संघात सुरू असलेल्या बॉर्डर गावसकर कसोटी क्रिकेट मालिकेतल्या चौथ्या सामन्याच्या पहिल्या डावावर यजमान संघानं पकड मजबुत केली आहे. मेलबर्न इथं होत असलेल्या या सामन्यात, ऑस्ट्रेलिया संघानं कालच्या सहा बाद ३११ धावसंख्येवरून आज दुसऱ्या दिवसाचा खेळ पुढे सुरू केला. अखेरचं वृत्त हाती आलं तेव्हा, ऑस्ट्रेलियाच्या सात बाद ४४० धावा झाल्या होत्या. या मालिकेत दोन्ही संघ एक एक सामना जिंकून बरोबरीत आहेत.

अखिल भारतीय साने गुरुजी कथामाला हेलस तर्फे दरवर्षी साने गुरुजी जयंतीनिमित्त घेण्यात येणाऱ्या कथाकथन स्पर्धेत यंदा नांदेडच्या महात्मा फुले हायस्कूलची विद्यार्थिनी संचिता हिने विभागीय स्तरावर पहिला क्रमांक पटकावला आहे. परभणी इथं झालेल्या या विभागीय स्पर्धेत संचितानं उत्कृष्ट कामगिरी करत प्रथम क्रमांक मिळवला. या यशाबद्दल शाळेच्या मुख्याध्यापिका सुरेखा कदम आणि इतर शिक्षकांनी संचिताचं कौतुक केलं आहे.

राज्यात ई-पीक पाहणी प्रकल्प राबवण्यात येत आहे, परभणी जिल्ह्यात उद्या शनिवारी आणि रविवारी या दोन दिवशी ई-पीक पाहणीची विशेष मोहीम राबवण्याचे आदेश जिल्हाधिकारी रघुनाथ गावडे यांनी दिले आहेत.

बीड जिल्ह्यातील मानसिक आजारी आणि बौध्दिक दिव्यांग व्यक्तीकरता जिल्हा विधी सेवा प्राधिकरणाच्यावतीनं मनोन्याय समिती स्थापन करण्यात आली आहे. या समितीमुळे मानसिक आजारी आणि बौध्दिक दिव्यांग व्यक्तींना न्याय मिळवणे सोपे जाईल, असा विश्वास जिल्हा विधी सेवा प्राधिकरणाचे सचिव जी.जी.सोनी यांनी व्यक्त केला आहे.

[darshanpolicetime1]

राज्यातील खनिज संपदेला पर्यावरण संतुलनासह काल सुसंगत व्यवस्थापनाची जोड देऊ – राज्यमंत्री डॉ. पंकज भोयर - महासंवाद

नागपूर, दि. 25 : राज्यात विपूल प्रमाणात उपलब्ध असलेली खनिज संपदा लक्षात घेता याचे योग्य ते कालसुसंगत व्यवस्थापन व पर्यावरण समतोलाच्या दृष्टीकोनातून अधिकाधिक विचार झाला पाहिजे. भूविज्ञान व खनिकर्म संचालनालयातील वरिष्ठ संशोधकांनी यावर अधिक लक्ष केंद्रीत करुन नवनवीन संधी या क्षेत्रात कशा घेता येतील याचे सूक्ष्म नियोजन करण्याचे निर्देश गृह (ग्रामीण), गृहनिर्माण, शालेय शिक्षण, सहकार व खनिकर्म…

[ashokjagharkar]

ll वानप्रस्थ ll : ४१

मजेत कुल्फी खात असलेल्या शुभदाचा चेहरा अनंतच्या त्या प्रश्नाने कांहीसा झाकोळला. काहीही उत्तर न देतां ती गप्प बसून राहिली. त्यामुळे अस्वस्थ होऊन अनंत घाईघाईने म्हणाला, "शुभदा, मी कालपासून बघतो आहे की वरकरणी सर्व कांही सुरळीत चालूं असलं तरी मधुनच अचानक तूं आतां हरवल्यागत बसून होतीस तशी हरवून जातेस! नकोशा वाटणाऱ्या आठवणींमधे असं गुंतून पडून कसं चालेल? त्यांतून तुला प्रयत्नपूर्वक बाहेर पडायलाच हवं!" "मलाही ते कळतंय पण वळत नाहीं, त्याला काय करूं?" शुभदाचा केविलवाण्या स्वरांतला तो प्रश्न ऐकून अनंतला तिच्या मनांत चाललेल्या प्रचंड घालमेलीची कल्पना आली. त्याने आपली खुर्ची शुुभदाच्या अधिक जवळ ओढून घेतली आणि तिचे डबडबलेले डोळे हलक्या हाताने पुसत तो मृदु स्वरांत म्हणाला, "शुभदा, तुला ठाऊक आहे की कालपासून अनाथाश्रमांतल्या त्या अश्राप मुलांसाठी आपण दोघांनीच नव्हे, तर आपल्या मित्रपरिवारानेही जे शक्य होतं ते सगळं केलं आहे;-- आणि यापुढेही जमेल तसं करीत राहणार आहोंत! पण झाल्या घटनांपासून आपण थोडं अलिप्त नाहीं झालो, तर साधक-बाधक विचार करून पुढे काय करायला हवं ते कोण आणि कसं ठरवणार?" "तुमचं म्हणणं खरं आहे;-- पण काल बघितलेले अनाथाश्रमांतल्या त्या मुलांचे भुकेले चेहरे डोळ्यांसमोरून जातच नाहीत! राहून राहून मनांत येतं की तिथे काम करणाऱ्या त्या तिन्ही परिचारिकांना त्या कोवळ्या, अनाथ मुलांबद्दल कांहीच माया वा ममता कशी वाटली नाही? त्या पगारी नोकर असल्या तरी त्यांनाही घरी मुलं-बाळं असतील ना?" "त्या तिघी ज्या प्रकारे वागल्या ते समर्थनीय नाहीच;-- पण त्या कशा परिस्थितीत तिथे काम करीत होत्या ते आपल्याला ठाऊक नाही! कदाचित रोजच तेच ते बघून त्यांची मनं निर्ढावली असतील! बघूंया पोलिस चौकशीत आणि वैद्यसाहेब स्वत: करीत असलेल्या तपासांत काय निष्पन्न होतं ते!"

तेवढ्यांत अनंतचा मोबाईल वाजला. त्यानं पाहिलं तर मनोहर भोसलेंचा काॅल होता. त्याने तो घेतल्यावर भोसले म्हणाले, "वहिनी जवळच असतील तर फोन स्पीकरवर ठेवा, म्हणजे त्यांनाही आपलं बोलणं ऐकतां येईल!" "हो, ती इथेच आहे!" शुभदाला खुणेनं जवळ बोलावून घेत अनंतने स्पीकर ऑन केला आणि म्हणाला,"बोला आतां, मनोहरपंत!" "अनंतराव, मनोरमाशी झालेल्या सविस्तर बोलण्यानुसार मी आज सकाळच्या मिटींगपूर्वी एक मेल ��ैद्यसाहेबांना पाठवली होती! ती वाचल्यावर आत्तां थोड्या वेळापूर्वी त्यांचा फोन आला होता की त्यांना मनोरमा, शुभदा आणि रजनी या तिघींनाही प्रत्यक्ष भेंटायचं आहे! मी मेलमधे मांडलेल्या अनेक मुद्यांचे तपशील या तिघींशी बोलल्याशिवाय नीट समजणार नाहींत असं त्यांना वाटतं! तर त्यांची भेंट कधी होऊं शकेल?" "मनोहरपंत, मी सबनीस पति-पत्नींशी बोलून तुम्हांला १० \ १५ मिनिटांत फोन करतो. प्रमिला व प्रभाकररावांनाही कळवायचं आहे कां?" "आपली वेळ ठरली की मी स्वतः फोन करुन त्यांना मिटिंगमधे सहभागी होण्याची विनंती करीन!" मनोहर भोसलेंचं बोलणं लक्षपूर्वक ऐकत असतांना शुभदाच्या चेहर्‍यावरील झाकोळ कमी होत असल्याचं लक्षांत येऊन अनंतला हायसं वाटलं! 'बहुधा खुद्द वैद्यसाहेबांशी प्रत्यक्ष बोलण्याची संधी मिळणार या विचाराने शुभदाच्या मनांत साचलेलं नैराश्य ओसरलं असावं' असा कयास बांधीत त्याने शुभदाला विचारलं, "तर मग कधी भेटायचं वैद्यसाहेबांना?" "आधी सबनीसांशी बोलून त्या दोघांना कुठली वेळ सोयीची आहे ते बघा!" शुभदा उत्साहाने म्हणाली, "भोसले स्वत: पमाताई आणि प्रभाकररावांना फोन करणार असले तरी आपण त्यांना आधीच फोन करून त्यांचीही सोय बघायला हवी! तुम्ही सबनीसांशी बोलताहांत तोपर्यंत मी पमाताईंना फोन करूं कां?"

सर्वानुमते दुसऱ्या दिवशी सकाळी १० च्या सुमारास वैद्यसाहेबांना भेंटायचं ठरल्यावर अनंतने फोन करून तसं भोसलेंना कळवलं! तोपर्यंत शुभदाने रात्रीच्या जेवणाची तयारी केली. जेवायला सुरुवात केल्यावर शुभदा कांहीशी घुटमळत म्हणाली, "आता तसा उशीर झालाय् खरा;--पण एक सुचवूं कां?" तिच्या मनांत जे कांही घोळत आहे, ते लौकर बाहेर यावं यासाठी तिला उत्तेजन देत अनंत म्हणाला, "कुठल्याही चांगल्या गोष्टीला वेळकाळाची मर्यादा नसते! तेव्हां तुझ्या मनांत काय आहे ते मोकळेपणाने सांग! त्यातून कांहीतरी चांगलंच निष्पन्न होईल अशी माझी खात्री आहे!" "वैद्यसाहेबांना भोसलेंनी पाठवलेली मेल तुमच्या काॅम्प्युटरवर म���गवून घ्याल कां? ती वाचून मला, रजनीला व मनोरमाला अनाथाश्रमांत खटकलेल्या सर्व बाबींचा समावेश त्यामधे झाला आहे की नाहीं ते तपासतां येईल!" "अगदी योग्य सुचना केलीस, शुभदा!" मनापासून कौतुक करीत अनंत म्हणाला, "मी मनोहरपंतांना लगेचच कळवतो! म्हणजे बहुधा झोपण्यापूर्वी तुला ती मेेल तपासून बघतां येईल!"

१ जून २०२३

[svagrosolutions]

सेंद्रिय शेतीचे फायदे

अलिकडच्या वर्षांत, सेंद्रिय शेतीला पारंपारिक कृषी पद्धतींचा एक शाश्वत पर्याय म्हणून प्रचंड लोकप्रियता मिळाली आहे. पर्यावरण, आरोग्य आणि अन्नसुरक्षेबाबत जग अधिक जागरूक होत असताना, सेंद्रिय शेती हा एक उपाय म्हणून उभा राहतो ज्यामुळे शेतकरी आणि ग्राहक दोघांनाही फायदा होतो. पण सेंद्रिय शेतीचे नक्की फायदे काय? चला त्यांचा तपशीलवार शोध घेऊया.

पर्यावरण संरक्षण सेंद्रिय शेतीचा एक महत्त्वाचा फायदा म्हणजे त्याचा पर्यावरणावर होणारा सकारात्मक परिणाम. पारंपारिक शेतीच्या विपरीत, जी कृत्रिम कीटकनाशके, तणनाशके आणि रासायनिक खतांवर जास्त अवलंबून असते, सेंद्रिय शेती या हानिका��क पदार्थांचा वापर टाळते. हे माती आणि पाण्याचे प्रदूषण कमी करण्यास, जैवविविधता टिकवून ठेवण्यास आणि जमिनीचा ऱ्हास रोखण्यास मदत करते.

सेंद्रिय शेती पद्धती जसे की पीक रोटेशन, हिरवळीचे खत आणि कंपोस्टचा वापर यामुळे माती निरोगी, चांगले पाणी टिकवून ठेवणे आणि मातीची धूप कमी होते. या पद्धती इकोसिस्टमची अखंडता टिकवून ठेवण्यास आणि अधिक शाश्वत कृषी प्रणालीला प्रोत्साहन देण्यास मदत करतात.

आरोग्यदायी अन्न उत्पादन सेंद्रिय शेती कृत्रिम रसायने, कीटकनाशके आणि जनुकीय सुधारित जीव (GMOs) पासून मुक्त अन्न तयार करते. याचा अर्थ असा की तुम्ही वापरत असलेल्या अन्नामध्ये हानिकारक अवशेष असण्याची शक्यता कमी असते ज्यामुळे मानवी आरोग्याला धोका निर्माण होऊ शकतो. सेंद्रिय अन्न देखील अँटिऑक्सिडंट्स सारख्या पोषक तत्वांमध्ये समृद्ध आहे, जे हृदयरोग, कर्करोग आणि मधुमेह यांसारख्या जुनाट आजारांचा धोका कमी करण्यासाठी महत्वाचे आहे.

सेंद्रिय शेती नैसर्गिक कीटक नियंत्रण आणि माती व्यवस्थापन तंत्रांवर अवलंबून असल्याने, उत्पादित केलेले अन्न बहुतेक वेळा अधिक चवदार आणि पौष्टिक असते. बरेच ग्राहक सेंद्रिय उत्पादन निवडतात कारण त्यांना विश्वास आहे की ते त्यांच्या कुटुंबासाठी सुरक्षित आणि आरोग्यदायी आहे.

मातीचे आरोग्य सुधारले सेंद्रिय शेतीमध्ये जमिनीच्या आरोग्याला प्राधान्य असते. सेंद्रिय शेतकरी जमिनीची सुपीकता आणि रचना सुधारण्यासाठी कंपोस्टिंग, मल्चिंग आणि पीक रोटेशन यासारख्या तंत्रांचा वापर करतात. या पद्धती जमिनीतील सूक्ष्मजीवांचे नैसर्गिक संतुलन राखण्यास मदत करतात, ज्यामुळे पोषक सायकल चालवण्यास प्रोत्साहन मिळते आणि कृत्रिम खतांची गरज कमी होते.

मजबूत, उत्साही पिके वाढवण्यासाठी निरोगी माती महत्त्वाची आहे आणि कालांतराने सेंद्रिय शेतीमुळे मातीची उत्पादकता वाढते. हे पारंपारिक शेतीच्या विरुद्ध आहे, ज्यामुळे मातीची झीज होऊ शकते आणि रासायनिक खतांचा अतिवापर आणि मोनोपीक पद्धतींमुळे सुपीकता कमी होते.

जैवविविधता संवर्धन सेंद्रिय शेती अधिक संतुलित आणि वैविध्यपूर्ण परिसंस्था निर्माण करून जैवविविधतेला प्रोत्साहन देते. जे शेतकरी सेंद्रिय शेतीचा सराव करतात ते सहसा कीटक नियंत्रणाच्या नैसर्गिक पद्धती वापरतात, जसे की लेडीबग आणि भक्षक बीटल सारख्या फायदेशीर कीटकांच्या उपस्थितीला प्रोत्साहन देणे. ते विविध प्रकारची पिके देखील वाढवतात, जी वनस्पती, कीटक आणि प्राण्यांच्या विस्तृत श्रेणीस समर्थन देतात.

हानिकारक रसायने टाळून, सेंद्रिय शेती पिकांच्या परागीकरणासाठी आवश्यक असलेल्या मधमाश्या आणि फुलपाखरांसारखे स्थानिक वन्यजीव आणि परागकणांचे संरक्षण करण्यास म��त करते. सेंद्रिय शेतीद्वारे समर्थित मोठ्या जैवविविधतेमुळे इकोसिस्टम रोग, कीटक आणि बदलत्या हवामान परिस्थितीसाठी अधिक लवचिक बनते.

कार्बन फूटप्रिंट कमी करणे सेंद्रिय शेती पद्धती हरितगृह वायू उत्सर्जन कमी करण्यासाठी योगदान देतात आणि हवामान बदल कमी करण्यास मदत करतात. सेंद्रिय शेती ही कृत्रिम खतांवर अवलंबून नसल्यामुळे, जे उत्पादनासाठी ऊर्जा-केंद्रित आहेत, त्यात सामान्यतः कमी कार्बन फूटप्रिंट असते. याव्यतिरिक्त, सेंद्रिय शेती पद्धती जसे की कृषी वनीकरण, मल्चिंग आणि कंपोस्टिंग जमिनीतील कार्बन वेगळे करण्यास मदत करतात.

शाश्वत शेती पद्धतींना चालना देऊन, सेंद्रिय शेती केवळ कार्बन कमी करण्यास हातभार लावत नाही तर हवामान बदलाच्या हानिकारक प्रभावांचा सामना करण्यास देखील मदत करते. हे पर्यावरणाच्या ऱ्हास विरुद्धच्या जागतिक लढ्यात एक महत्त्वाचे साधन बनते.

स्थानिक अर्थव्यवस्थेचे समर्थन करते सेंद्रिय शेती शेतकऱ्यांना त्यांच्या उत्पन्नात विविधता आणण्याची संधी देऊन स्थानिक अर्थव्यवस्थेला आधार देऊ शकते. सेंद्रिय शेततळे अनेकदा त्यांची उत्पादने थेट ग्राहकांना शेतकरी बाजार, अन्न सहकारी संस्था आणि समुदाय-समर्थित कृषी (CSA) कार्यक्रमांद्वारे विकतात. यामुळे ग्राहक आणि उत्पादक यांच्यात थेट संबंध निर्माण होतो, स्थानिक अर्थव्यवस्थेला फायदा होतो आणि शेतकऱ्यांना त्यांच्या मेहनतीची योग्य मोबदला मिळण्याची खात्री होते.

सेंद्रिय शेतीमुळे शेतीपासून वितरण, पॅकेजिंग आणि किरकोळ विक्रीपर्यंत विविध क्षेत्रांमध्ये नोकऱ्या निर्माण होतात. हे ग्रामीण भागात रोजगाराच्या संधी उपलब्ध करून देते, लहान शेतात आणि समुदायांना टिकवून ठेवण्यास मदत करते.

वर्धित प्राणी कल्याण सेंद्रिय शेती केवळ वनस्पती-आधारित शेतीवर लक्ष केंद्रित करत नाही तर प्राण्यांच्या नैतिक उपचारांवर देखील भर देते. सेंद्रिय शेती प्रणालीमध्ये, पशुधनांना फिरण्यासाठी अधिक जागा दिली जाते आणि ते लहान पिंजरे किंवा गर्दीच्या कोठारांमध्ये मर्यादित नाहीत. त्यांना सेंद्रिय खाद्य दिले जाते आणि प���रतिजैविक किंवा ग्रोथ हार्मोन्सऐवजी नैसर्गिक उपायांनी उपचार केले जातात.

सेंद्रिय शेतीला पाठिंबा देऊन, ग्राहक हे सुनिश्चित करण्यात मदत करू शकतात की प्राणी मानवीय आणि नैसर्गिक वातावरणात वाढले आहेत, ज्यामुळे त्यांच्या संपूर्ण आरोग्याला प्रोत्साहन मिळते.

[alpesamedia]

तुमच्या ब्रँडसाठी खास २०२५ कस्टमाइज्ड कॅलेंडर तयार करा! 🗓️✨ प्रत्येक पानावर तुमचा लोगो, सेवा आणि ब्रँडची खास झलक - तुमचा ब्रँड आता कायम लक्षात राहील! 💼👏

📢 आता ऑर्डर करा! 🕒 वेळ मर्यादित आहे, संधी गमावू नका! 🚀 . 📞 𝐂𝐚𝐥𝐥 𝐍𝐨𝐰: + 91 8989 22 0909 🌐 𝐕𝐢𝐬𝐢𝐭 𝐔𝐬: www.alpesamedia.com

#कस्टमाइज्डकॅलेंडर#२०२५कॅलेंडर#ब्रँडप्रोमोशन#अलपेसामीडिया#आपलाब्रँड#डिजिटलमीडिया#बिझनेसवाढीचा_नवा_मार्ग#मार्केटिंगटूल्स

[nagarchaufer]

गौतम अडाणी यांची जागा तुरुंगात , काँग्रेसकडून अडाणी यांचे कारनामे उघड 

अडाणीचे नाव घेतल्यानंतर राहुल गांधी यांना निशाण्यावर घेण्यासाठी केंद्र सरकार एकही संधी सोडत नसल्याचे पुन्हा एकदा स्पष्ट झाले आहे. राहुल गांधी यांच्या नागरिकतेवर पुन्हा प्रश्नचिन्ह उपस्थित करण्यात आलेले असून लोकसभेतील विरोधी पक्षनेते राहुल गांधी यांनी पुन्हा एकदा गौतम अडाणी यांच्या अटकेची मागणी लावून धरलेली आहे. गौतम अडाणी यांची जागा तुरुंगात असून केंद्र सरकार त्यांना वाचवत आहे , असा देखील राहुल…

[hindirashtranews]

भारतातील हरित ऊर्जा क्षेत्र झपाट्याने वाढत असून, त्यात महत्त्वपूर्ण योगदान देणाऱ्या कंपन्यांपैकी एनटीपीसी ग्रीन एनर्जी ही अग्रगण्य कंपनी आहे. आता, एनटीपीसी ग्रीन एनर्जी आपल्या पहिल्या आयपीओद्वारे (IPO) सार्वजनिक गुंतवणुकीसाठी सज्ज झाली आहे. हा आयपीओ गुंतवणूकदारांना हरित ऊर्जा क्षेत्रात आपली भूमिका बजावण्याची उत्कृष्ट संधी देतो.

[marathicelebscom]

जय जय स्वामी समर्थ मालिकेचे १३०० भाग पूर्ण | कलर्स मराठी

“आज जे ब्रह्मांडनायक आहेत त्यांना साकारण्याची संधी मला मिळाली हे मी माझे भाग्य समजतो” – अक्षय मुडावदकर कलर्स मराठी वरील जय जय स्वामी समर्थ या मालिकेला संपूर्ण महाराष्ट्रात नव्हे तर जगभरात रसिक प्रेक्षकांचे उदंड प्रेम लाभत आहे. अन्यायाला मोडीत काढत आणि मार्गातल्या असंख्य लोकांचा उध्दार करत, त्यांना उपदेश करत स्वामी समर्थ कसे सोलापूर येथील अक्कलकोट येथे पोहचले, कशी लोकांना त्यांच्या महानतेची…

[airnews-arngbad]

Regional Marathi Text Bulletin, Chhatrapati Sambhajinagar Date - 23 December 2024 Time 01.00 to 01.05 PM Language Marathi आकाशवाणी छत्रपती संभाजीनगर प्रादेशिक बातम्या दिनांक २३ डिसेंबर २०२४ दुपारी १.०० वा.

गेल्या दीड वर्षात देशातल्या युवकांची दहा लाख सरकारी नोकर्यांमध्ये नियुक्ती झाल्याचं पंतप्रधान नरेद्र मोदी यांनी सांगितलं आहे. रोजगार मेळाव्याअंतर्गत शासकीय कार्यालयं आणि विभागांमध्ये निवड झालेल्या ७१ हजारांहून अधिक उमेदवारांना पंतप्रधानांनी आज दूरदृश्य प्रणालीद्वारे नियुक्तीपत्र प्रदान केली, त्यावेळी ते बोलत होते. रोजगार मेळाव्यांमुळे युवकांचं सक्षमीकरण होत असून, त्यांची क्षमता आणि कौशल्याचा उपयोग करुन घेणं, ही सरकारची प्राथमिकता असल्याचं, पंतप्रधान म्हणाले. सरकारच्या नवनवीन योजना आणि धोरणांमुळे ग्रामीण भागात रोजगार आणि स्वयंरोजगाराच्या संधी उपलब्ध झाल्या असून, कृषी क्षेत्रातही मोठ्या प्रमाणात तरुणांना ��ोजगार मिळाला आणि त्यांना त्यांच्या आवडीचं काम करण्याची संधी मिळाली, असं पंतप्रधान म्हणाले. मेक इन इंडिया, आत्मनिर्भर भारत, स्टार्ट अप इंडिया, स्टँड अप इंडिया, डिजिटल इंडिया यासारख्या युवा केंद्रीय योजनांचा त्यांनी उल्लेख केला. केंद्र सरकारनं विधानसभा आणि लोकसभेत महिलांसाठी आरक्षण लागू केलं, आज आपला देश महिलांच्या नेतृत्वाखालील विकासाकडे सातत्यानं वाटचाल करत असल्याचं पंतप्रधान म्हणाले. राज्यात नागपूर आणि पुणे इथं रोजगार मेळावा घेण्यात आला. नागपूर इथं आयोजित कार्यक्रमात केंद्रीय मंत्री नितीन गडकरी यांच्या हस्ते २५७ जणांना नियुक्तीपत्रं प्रदान करण्यात आली. शासकीय नोकऱ्यांमध्ये नवनियुक्तांनी आपल्या अंगभूत तसंच व्यक्तिगत कौशल्याचा विकास करून केवळ नोकरी मागणारे नव्हे तर नोकरी देणारे व्हावं, असं आवाहन गडकरी यांनी यावेळी केलं. पुण्यात केंद्रीय राज्यमंत्री मुरलीधर मोहोळ यांच्या उपस्थितीत झालेल्या रोजगार मेळाव्यात ५०० जणांना नियुक्तीपत्रं प्रदान करण्यात आली.

पंतप्रधान नरेंद्र मोदी आज नवी दिल्लीत नाताळ उत्सवात सहभागी होणार आहेत. भारतीय कॅथोलिक बिशप्स परिषदेतर्फे या कार्यक्रमाचं आयोजन करण्यात आलं आहे. यावेळी ख्रिस्ती समाजाचे प्रमुख नेते, चर्चचे कार्डिनल्स आणि बिशप्स यांच्याशी ते चर्चा करतील. कॅथोलिक चर्चच्या मुख्यालयातला पंतप्रधानांचा हा पहिलाच कार्यक्रम आहे.

माजी पंतप्रधान चौधरी चरण सिंग यांची जयंती आज राष्ट्रीय शेतकरी दिन म्हणून साजरी होत आहे. उपराष्ट्रपती जगदीप धनखड यांनी दिल्लीत किसान घाट या चौधरी चरण सिंग यांच्या समाधीवर आदरांजली अर्पण केली. राष्ट्रीय शेतकरी दिनानिमित्त आज देशभर विविध कार्यक्रमांचं आयोजन करण्यात आलं आहे. देशाच्या अन्नसुरक्षा आणि समृद्धीमध्ये शेतकऱ्यांच्या महत्त्वाच्या योगदानाचा सन्मान करण्याचा हा दिवस आहे. खाद्य सुरक्षा सुनिश्चित करणं, ग्रामीण अर्थव्यवस्थेला बळकट करणं आणि देशाच्या कृषी वारश्याच्या संरक्षणात शेतकऱ्यांच्या अमूल्य भूमिकेचं स्मरण यानिमित्त केलं जातं.

केंद्रीय कृषी आणि शेतकरी कल्याण तसंच ग्रामीण विकासमंत्री शिवराजसिंह चौहान आज एक दिवसाच्या पुणे दौऱ्यावर असून, राष्ट्रीय शेतकरी दिनानिमित्त आयोजित कार्यक्रामांमध्ये ते सहभागी होणार आहेत. यावेळी जवळपास १३ लाख ३० हजार घरांचं हस्तांतरण त्यांच्या हस्ते होणार आहे. दरम्यान, पुण्यातल्या गोखले राज्यशास्त्र आणि अर्थशास्त्र संस्थेत कृषी आणि शेतकरी कल्याण मंत्रालयाच्या कृषी आर्थिक संशोधन केंद्राचा ७० व्या वर्धापन दिनाचा कार्यक्रम शिवराज सिंग चौहान यांच्या उपस्थितीत पार पडला.

राष्ट्रीय ग्राहक दिनानिमित्त, उद्या २४ डिसेंबरला ग्राहक व्यवहार विभाग, जागो ग्राहक ॲप, जागृती ॲप आणि जागृती ���ॅशबोर्ट लॉन्च करणार आहे. या ॲपमुळे फसवणुकीच्या प्रकरणाविरोधात कारवाई करणं केंद्रीय ग्राहक संरक्षण प्राधीकरणाला शक्य होणार आहे. जागो ग्राहक ॲपमुळे ग्राहकांना URLची माहिती मिळणं शक्य होईल, तसंच यातून काही धोका असल्यास ग्राहकाला सावधानतेचा इशारा दिला जाणार आहे. जागृती ऍपमुळे ग्राहकांना URL ची तक्रार करता येणार आहे.

अकोला जिल्ह्यात बार्शीटाकळी इथल्या मैत्री संघ महिला शेतकरी गटातल्या निमंत्रक आणि सदस्यांनी विद्रूपा नदीच्या पात्रामध्ये वनराई बंधारा तयार केला आहे. पाणी फाउंडेशनच्या वतीनं कान्हेरी सरप इथं सत्यमेव जयते फार्मर कप स्पर्धेत या गटानं सहभागी होत ही कामगिरी केली. कान्हेरी सरप हे गाव बार्शीटाकळी तालुक्यातलं लोकसंख्येने मोठं गाव असून, गावाच्या शिवारात नदी खोलीकरण, शेततळे, बांध बंदिस्ती केल्यानं गावच्या शिवारातल्या पाणी पातळीत वाढ झाली आहे.

पुण्यात वाघोली इथं भरधाव डंपरनं चिरडल्यामुळे फुटपाथवर झोपलेल्या तीन जणांचा मृत्यू झाला, तर सहा जण जखमी झाले. डंपर चालकाविरुद्ध सदोष मनुष्यवधाचा गुन्हा दाखल झाल्याचं याबाबतच्या बातमीत म्हटलं आहे.

पाकिस्तान क्रिकेट मंडळानं २०२५ च्या आयसीसी चँपियन्स करंडक स्पर्धेतल्या भारताच्या सामन्यांसाठी, तटस्थ स्थळ म्हणून संयुक्त अरब आमिरात या देशाची निवड केली आहे. सुरक्षाविषयक कारणांमुळे भारतानं पाकिस्तानमध्ये खेळण्यास नकार दिल्यामुळे पाकिस्ताननं हा निर्णय जाहीर केला. त्यामुळे भारताचे सर्व सामने आता संयुक्त अरब आमिरातीमध्ये खेळले जाणार आहेत.

[darshanpolicetime1]

भारतीय सशस्त्र सैन्यदलामध्ये अधिकारी पदाच्या पूर्व प्रशिक्षणाची मोफत संधी

मुंबई, दि. 20 : भारतीय सैन्यदल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना कम्बाईंड डिफेन्स सर्विसेस (CDS) या परीक्षेच्या पूर्व तयारीसाठी छात्रपूर्व प्रशिक्षण दिले जाते. नाशिक येथे महाराष्ट्र शासनातर्फे महाराष्ट्रातील युवक व युवतीसाठी २० जानेवारी २०२५ ते ४ एप्रिल २०२५ या कालावधीत सी.डी.एस.(CDS) प्रशिक्षणाचे क्र. ६४ आयोजन करण्यात येणार आहे. या प्रशिक्षणात निशुल्क…

[ashokjagharkar]

ll वानप्रस्थ ll : ३१

"मग काय झालं तक्रारीचं? पोलिसांनी तक्रार नोंदवली कां, तुमचीच उलटतपासणी घेतल्याशिवाय?" अनंतने औत्सुक्याने विचारलं. उलट हताश स्वरांत सबनीस म्हणाले, "शेवटी पडलातच ना पोलिसांच्या भानगडीत! कांही निष्पन्न होणार नाहीं यातून मनस्तापाखेरीज!!" दोघांच्या परस्परविरोधी प्रतिक्रियांची गंमत वाटून विवेक म्हणाला, "तुम्हां दोघांची प्रतिक्रिया वेगवेगळी असली, तरी दोघांचाही सूर पोलिसांविरुद्ध तक्रारीचाच आहे! साॅरी, मी पोलिसांची तरफदारी करतो आहे असं समजू नका, -- पण पोलिसचौकी जवळच असल्याने त्यांचा आमच्या दुकानाशी वा या केदार आणि एकनाथ यांच्याशीही कारणा-कारणाने संबंध येतो. त्यामुळे एकुण परिस्��िती पाहतां पोलिसांना सरसकट दोष देणं योग्य होणार नाही!" "मीही पोलिसांनाच दोष देतो असं नाहीं" अनंत थोड्या समजुतीच्या सूरात म्हणाला,"पण आम्हां त्रयस्थांना पोलिसांबद्दल आपुलकीऐवजी भीती किंवा संशयच वाटतो हे तर खरं?" "आढीतील २ आंबे खराब निघाले की आपण आढीतील सगळ्या आंब्यांकडे शंकेने बघतो, तसं झालं आहे पोलिसांचं!" विवेकच्या मदतीला येत विशाल सांगू लागला, "गेल्या ५-७ वर्षांत आपल्या भागांत वस्ती किती वाढली आहे बघा;- पण पोलिसचौकी आहे तीच आहे! वाढत्या वस्तीबरोबर एकुणच बकालपणाही खुप वाढला आहे! त्यामुळे वाढलेल्या कामाच्या प्रचंड बोजाचा सामना करतांना पोलिसांना मनुष्यबळ कमी पडतंय्!" "आणि काका, सगळेच कांही तुमच्यासारखे सरळमार्गी नसतात!" आतां केदारलाही मधे बोलल्याशिवाय राहवेना, "गलत कामधंदा करणारे विविध आमिषं दाखवून पोलिसांना वश करण्याचा आटोकाट प्रयत्न करतात! आमिषांना बळी पडणारे तेवढे आपल्याला दिसतात आणि आपण 'साप साप' म्हणून सगळी भुई धोपटत सुटतो!" "ठीक आहे, तुमचा आशय समजला!" अनंत हंसून म्हणाला,"पण तुमच्या तक्रारीचं काय झालं ते सांगा!"

" यावेळी ठोस पुरावा हातीं असल्यामुळेच आम्ही तक्रार करायला गेलो!" विवेक म्हणाला," नाहीतर असे अपघात होतांना आम्ही नेहमी बघतो, पण पोलिसांना पुरावा म्हणून देण्यासारखं कांही नसतं! -- आणि पोलिसांच्या नांवाने आपण कितीही बोंबललो, तरी पुरावा नसेल तर ते तरी काय करणार? गुन्हा करणारे चक्क बिनबोभाट सुटून जातात!" "पण यावेळी प्रत्यक्ष मोटारसायकल समोर असल्याने पोलिसांनी ताबडतोब विवेकची तक्रार नोंदवून घेतली आणि चौकशीची चक्रं लगेच फिरूं लागली!" विशालने पुस्ती जोडली. " अरे बापरे, म्हणजे त्या पोरांना लगेच पकडलं की काय पोलिसांनी?" सबनीसांच्या स्वरांत भीतीयुक्त काळजी होती. " मोटारसायकल समोर असल्याने तिचा मालक आणि ती पळवणारी पोरं यांचा माग काढणं सोपं होतं!" विवेक सांगू लागला, "आधी पोरं कबूल होईनात;- पण मग खाकी वर्दीचा थोडा इंगा दाखवल्यावर नरमली! त्यांतच केदार आणि एकनाथ यांनी पोरांना ओळखून तशी साक्ष नोंदवली तेव्हां पोरांना शिक्षा होऊन त्यांचं नांव रेकॉर्ड वर येणार या भीतीने पोरांचे आई-बाप गयावया करायला लागले!" " मला आणि केदारला हात जोडून विनवणी करायला लागले की ज्या साहेबाला इजा झाली आहे त्याचे पाय धरून आम्ही माफी मागतो, त्याचा दवा-पाण्याचा ��गळा खर्च करतो पण पोरांचं नांव रेकॉर्डवर येणार नाहीं असं बघा!" एकनाथ सहानुभूतीपूर्वक म्हणाला,"मग आम्ही चौघांनी ठरवलं की झाली एवढी दहशत पुरे झाली! पोरांना कान पकडून पन्नास उठाबशा काढायला लावल्या आणि सर्वांना हग्या दम भरून सोडून दिलं! विवेकने तक्रार मागे घेतल्यामुळे सगळा गुंता आपोआप सुटला!" "वा, फार चांगलं केलंत!" अनंत सुटकेचा निश्वास टाकीत समाधानाने म्हणाला," मला वाटतं, फक्त त्याच दोन पोरांना नव्हे तर वस्तीतल्या इतरांनाही चांगला धडा मिळाला असेल!" "होय काका,-- आमचाह�� तोच हेतू होता!" केदार म्हणाला, "त्या कोवळ्या पोरांना कोर्टात वगैरे उभं करण्याचं आमच्या मनांतही नव्हतं! फक्त केल्या चुकीची जाणीव त्यांना व्हायला हवी होती;-आणि पोलिसांकडून अद्दलही घडायला हवी होती!" " नाहींतर एक बिनबोभाट सुटला, की दहा जणांना चेव चढतो!" विशाल म्हणाला," पण पोलिसांकडून आज झालेल्या कारवाईमुळे आतां १५ २० दिवस तरी आजूबाजूची वांड पोरं दबून असतील! त्यासाठी संधी मिळाली की अधुनमधून असा पोलिसी खाक्या दाखवायलाच लागतो!" "माझ्या मनावरचं मोठ्ठं दणपण कमी झालं रे, बाबांनो! नाहीतर मला वाटलं होतं की या किरकोळ अपघातापायीं त्या दोन पोरांना बेड्या पडतात की काय! केदार, आतां या खुशीत माझ्याकडून सर्वांना एक चहा होऊंदे!!"

९ फेेब्रुवारी २०२३

[mukundhingne]

"If there were a chance to restart life, I would have asked for childhood again…!"

“आयुष्यात रिस्टार्टची संधी असती तर पुन्हा बालपण मागितले असते…!” Is there an age or year of your life you would re-live? “If God Himself were to ask me, ‘Which age or year of your life would you like to live again?’… I know God won’t ask me this, but if I were to indulge in a fantasy, I would say I wish to live my childhood again. Throughout life, we chase dreams and strive to fulfill them, but…