#महाराष्ट्रातल्या | Explore Tumblr posts and blogs

airnews-arngbad · 21 hours ago

Text

Regional Marathi Text Bulletin, Chhatrapati Sambhajinagar Date – 26 January 2025 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक २६ जानेवारी २०२५ सकाळी ७.१० मि.

• देशभरात ७६ व्या प्रजासत्ताक दिनाचा उत्साह, नवी दिल्लीत मुख्य सोहळ्यात राष्ट्रपती द्रौपदी मुर्मू यांच्या हस्ते ध्वजारोहण • आर्थिक सुधारणांसाठीच्या धाडसी आणि दूरदर्शी निर्णयांमुळे देशाचा विकासदर कायम राहणार -राष्ट्रपतींचं प्रतिपादन • शौर्य चक्रासह देशभरात ९४२ कर्मचाऱ्यांना शौर्य पदकं तसंच सेवा पदकं जाहीर • पद्म पुरस्कारांची घोषणा; सात पद्मविभूषण, २६ पद्मभूषण आणि ११३ जणांना पद्मश्री सन्मान • १५ वा राष्ट्रीय मतदार दिन विविध कार्यक्रमांनी उत्साहात साजरा आणि • ज्येष्ठ साहित्यिक निवृत्त न्यायमूर्ती नरेंद्र चपळगांवकर यांच्या पार्थिव देहावर छत्रपती संभाजीनगर इथं अंत्यसंस्कार

देशाचा ७६ वा प्रजासत्ताक दिन आज साजरा होत आहे. नवी दिल्लीत साजऱ्या होत असलेल्या मुख्य सोहळ्यात राष्ट्रपती द्रौपदी मुर्मू यांच्या हस्ते ध्वजारोहण होईल. इंडोनेशियाचे राष्ट्रपती प्रबोवो सुब्रियांतो हे या संचलन सोहळ्याला प्रमुख पाहुणे म्हणून उपस्थित राहणार आहेत. यावर्षीच्या संचलनात इंडोनेशियाच्या १६० सैनिकांची एक तुकडी आणि १९० जणांचं लष्करी बॅंड पथक सहभागी होत आहे. भारतीय राज्यघटनेला ७५ वर्ष पूर्ण झाल्या निमित्तानं देशाच्या विविध राज्य आणि केंद्रशासित प्रदेशांचे ३१ चित्ररथ सहभागी होणार आहेत. या कार्यक्रमासाठी देशभरातून विविध ३४ क्षेत्रातल्या दहा हजार मान्यवरांना आमंत्रित करण्यात आलं आहे.

आर्थिक सुधारणांसाठीच्या धाडसी आणि दूरदर्शी निर्णयांमुळे देशाचा विकासदर कायम राहिल, असा विश्वास राष्ट्रपती द्रौपदी मुर्मू यांनी व्यक्त केला आहे. काल राष्ट्राला उद्देशून केलेल्या भाषणात त्या बोलत होत्या. गेल्या काही वर्षात वाढत्या विकास दरामुळे युवकांसाठी रोजगाराच्या संधी वाढल्याचं राष्ट्रपतींनी नमूद केलं. त्या म्हणाल्या… ‘‘हाल के बर्सों मे आर्थिक विकास की डोर लगातार ऊंची रही है, जिससे हमारे युवाओं के लिये रोज़गार के अवसर पैदा हुये हैं. किसानों और मज़दुरों के हाथों मे अधिक पैसा आया है, तथा बडी संखिया मे लोगों को गरीबी से बाहर निकाला गया है, साहसिक और दूर्दशी आर्थिक सुधारों के बल पर आनेवाले वर्षों मे प्रगती की ये रफतार बनी रहेगी.’’

गेल्या ७५ वर्षांच्या काळात राज्यघटनेच्या मार्गदर्शनाशिवाय देशाची गौरवपूर्ण वाटचाल शक्य झाली नसती, असं राष्ट्रपतींनी नमूद केलं. राज्यघटना ही आपल्या सामुहिक अस्मितेचा मूलभूत आधार असल्याचं, त्यांनी म्हटलं आहे.

सैन्यदलात अतुलनीय धाडस आणि पराक्रमासाठी राष्ट्रपतींनी काल शौर्य चक्र जाहीर केले. यामध्ये कार्पोरेल दाभी संजय हिफ्फाबाये, फ्लाईट लेफ्टनंट अमनसिंह हंस यांचा समावेश आहे. वायू सेनेसाठीची सात वीरता पदकंही जाहीर झाली आहेत.

देशभरातल्या ९४२ कर्मचाऱ्यांना शौर्य पदकं तसंच सेवा पदकं काल जाहीर झाली. यामध्ये पोलिस, अग्निशमन, गृहरक्षक दल तसंच नागरी सुरक्षा आणि कारागृह प्रशासनातल्या कर्मचाऱ्यांचा समावेश आहे. यामध्ये महाराष्ट्रातल्या एकूण ४३ पोलीस अधिकारी आणि कर्मचाऱ्यांना गौरवलं जाणार आहे. यासह रविंद्रकुमार सिंघल, दत्तात्रय कारळे, सुनील फुलारी आणि रामचंद्र केंडे या पोलीस अधिकाऱ्यांना राष्ट्रपती विशिष्ट सेवा पदक जाहीर झालं आहे. तर ३९ पोलीस अधिकारी आणि कर्मचाऱ्यांना गुणवत्तापूर्ण सेवा पदक तर कारागृह सेवेतल्या पाच जणांना उत्कृष्ट सेवा पदक जाहीर झालं आहे. जीवन रक्षा पदकंही काल जाहीर झाले. महाराष्ट्रातले शशिकांत गजबे यांना ‘उत्तम जीवन रक्षा पदक’ तर दादाराव पवार आणि ज्ञानेश्वर भेदोडकर यांना ‘जीवन रक्षा पदक’ पुरस्कार जाहीर झाला आहे.

छत्रपती संभाजीनगर ग्रामीण पोलीस दलातले उपनिरीक्षक नजीर नसीर शेख यांना गुणवत्ता पूर्ण सेवेबद्दल राष्ट्रपती पदक जाहीर झालं आहे. आज छत्रपती संभाजीनगर इथं प्रजासत्ताक दिन सोहळ्यात पालकमंत्री संजय शिरसाट यांच्या हस्ते शेख यांना हे पदक प्रदान करण्यात येणार आहे.

पद्म पुरस्कार काल जाहीर झाले. प्रसिद्ध गायिका दिवंगत शारदा सिन्हा आणि प्रसिद्ध उद्योजक दिवंगत ओसामा सुझुकी यांच्यासह सात जणांना पद्मविभूषण, २६ पद्मभूषण आणि ११३ पद्मश्री पुरस्कारांचा यात समावेश आहे. लोकसभेचे माजी अध्यक्ष दिवंगत मनोहर जोशी, दिवंगत गायक पंकज उधास आणि भाजपचे ज्येष्ठ नेते दिवंगत सुशीलकुमार मोदी यांना मरणोत्तर पद्मभूषण सन्मान जाहीर झाला आहे. चित्रपट दिग्दर्शक शेखर कपूर, साध्वी ऋतंभरा आणि हॉकीपटू पी. आर. श्रीजेश यांनाही पद्मभूषण सन्मान घोषित झाला आहे. पद्मश्री पुरस्कार विजेत्यांमध्ये सुलेखनकार अच्युत पालव, उद्योजिका अरुंधती ��ट्टाचार्य, अभिनेता अशोक सराफ, शास्त्रीय गायिका अश्विनी भिडे - देशपांडे, सामाजिक कार्यकर्ता चैत्राम पवार, गायक अरिजीत सिंह, गायिका जसपिंदर नरुला, अरण्यऋषी मारुती चितमपल्ली, बासरीवादक रोणु मुजुमदार, कृषीतज्ज्ञ सुभाष शर्मा, डॉ. विलास डांगरे, चित्रकार वासुदेव कामत, आणि क्रिकेटपटू रविचंद्रन अश्विन यांचा यात समावेश आहे.

१५ वा राष्ट्रीय मतदार दिन काल देशभरात उत्साहात साजरा झाला. नवी दिल्ली इथं झालेल्या मुख्य कार्यक्रमात राष्ट्रपती द्रौपदी मुर्मू यांच्या हस्ते सर्वोत्तम निवडणूक पद्धती पुरस्कार प्रदान करण्यात आले. राज्याच्या मुख्य निवडणूक अधिकारी कार्यालयाला, निवडणुकीच्या सर्वोत्तम नियोजनासाठीचा पुरस्कार देण्यात आला, मुख्य निवडणूक अधिकारी एस चोक्कलिंगम यांनी हा पुरस्कार स्वीकारला. राज्यातही राष्ट्रीय मतदार दिन विविध कार्यक्रमांनी साजरा झाला, राज्याचा मुख्य कार्यक्रम पुण्यात झाला. या निमित्तानं नागरिकांना मतदार शपथ देण्यात आली. या कार्यक्रमात छत्रपती संभाजीनगरचे विभागीय आयुक्त दिलीप गावडे आणि जिल्हाधिकारी दिलीप स्वामी यांना टपाली मतपत्रिका देवाण-घेवाण कार्यवाहीसाठी उत्कृष्ट नियोजनाचा पुरस्कार तसंच लातूरच्या जिल्हाधिकारी तथा जिल्हा निवडणूक अधिकारी वर्षा ठाकूर-घुगे यांना उत्कृष्ट निवडणूक निर्णय अधिकारी २०२५ पुरस्कार प्रदान करण्यात आला. बीड, परभणी, हिंगोलीसह सर्वत्र मतदार जनजागृती फेरी, रांगोळी स्पर्धा तसंच विविध कार्यक्रम घेण्यात आले. नांदेड इथं स्वामी रामानंद तीर्थ विद्यापीठातही विशेष कार्यक्रम घेण्यात आला. एक जानेवारी २०२५ रोजी वयाची १८ वर्षे पूर्ण करणाऱ्या तरुणांनी आपली नावे मतदार यादीत नोंदवावीत, असं आवाहन कुलगुरू डॉ. मनोहर चासकर यांनी यावेळी केलं.

ज्येष्ठ साहित्यिक निवृत्त न्यायमूर्ती नरेंद्र चपळगांवकर यांच्या पार्थिव देहावर काल सायंकाळी छत्रपती संभाजीनगर इथं शोकाकुल वातावरणात अंत्यसंस्कार करण्यात आले. चपळगांवकर यांचं काल पहाटे निधन झालं, ते ८८ वर्षांचे होते. साहित्य, कला, राजकीय, सामाजिक, प्रसारमाध्यमं, विधी आणि न्याय, उद्योग, वैद्यकीय, प्रशासन आदी क्षेत्रातल्या मान्यवरांनी चपळगांवकर यांचं अंत्यदर्शन घेऊन त्यांना श्रद्धांजली अर्पण केली. मुख्यमंत्री देवेंद्र फडणवीस यांनी चपळगावकर यांच्या निधनाबद्दल शोक व्यक्त केला आहे.

शिवसैनिकांनी शासकीय योजनांची माहिती जनतेपर्यंत पोहचवावी, असं आवाहन उपमुख्यमंत्री एकनाथ शिंदे यांनी केलं आहे. जालना इथं शिवसेनेच्या आभार मेळाव्यात ते काल बोलत होते. गाव तिथे शाखा, घर तिथे शिवसैनिक, असं अभियान राबवण्याचं आवाहन शिंदे यांनी केलं.

मराठा आरक्षण आंदोलनकर्ते मनोज जरांगे पाटील यांनी काल पुन्हा अंतरवाली सराटी इथं आमर�� उपोषणाला सुरुवात केली. मराठा समाजाला ओबीसीतून कुणबी प्रमाणपत्र देण्यात यावं, सगेसोयरे अध्यादेशाची अंमलबजावणी तातडीनं करावी, आदी मागण्यांचा जरांगे यांनी पुनरुच्चार केला आहे.

राष्ट्रीय पर्यटन दिन काल सर्वत्र साजरा झाला. छत्रपती संभाजीनगर इथं पर्यटन क्षेत्रात कार्यरत मराठवाडा पर्यटन विकास संघटनेकडून विविध सामाजिक कार्यक्रम सातत्याने राबवले जातात, मराठवाड्यातल्या सांस्कृतिक, धार्मिक, ऐतिहासिक स्थळांचा प्रसार आणि प्रचार करण्यासोबतच स्थानिक कलावंतांना व्यासपीठ देण्यासाठी आपली संघटना कार्यरत असल्याचं, संघटनेचे अध्यक्ष जयंत गोरे यांनी सांगितलं. ते म्हणाले… ‘‘ह्या संस्था उभ्या करण्यामागचा हाच उद्देश होता की, मराठवाड्यातल्या प्रत्येक जिल्ह्यामध्ये असणारे पर्यटनस्थळे त्याचप्रमाणे आपला सांस्कृतिक धरोवर जपणारी लोकं, सांस्कृति कार्यक्रम करणारी लोकं, कलाकार यांना सगळ्यांना लोकल प्लॅटफॉर्म मिळाला पाहिजे आणि त्यामुळे मराठवाड्यात पर्यटन ह्या संस्थेची सुरवात झाली. आज या संस्थेमार्फत अनेक कार्य केले जातात. आपल्या जिल्ह्यामध्ये असणारे छोटे छोटे मंदिरं आहेत, किंवा त्या मंदिरांमध्ये जो जीर्णोद्धार असेल, किंवा त्याच्या व्यतिरिक्त असणारे सांस्कृतिक छोटे छोटे कलाकार आहेत, त्यांचे कार्यक्रम्स असतील, तर या सगळ्यांना कसा प्लॅटफॉर्म तयार करून देता येईल यावर सगळ्यात जास्त भर दिला जातो.’’

दुसऱ्या टी - ट्वेंटी क्रिकेट सामन्यात भारताने इंग्लंडवर दोन गडी राखून विजय मिळवला. काल चेन्नई इथं झालेल्या या सामन्यात इंग्लंडच्या संघाने दिलेलं १६६ धावांचं लक्ष्य भारतीय संघाने विसाव्या षटकाचे चार चेंडू आणि दोन गडी शिल्लक असतांना पूर्ण केलं. ७२ धावा करणारा तिलक वर्मा सामनावीर ठरला. या विजयाबरोबरच भारत पाच सामन्यांच्या मालिकेत दोन - शून्यनं आघाडीवर आहे. मालिकेतला तिसरा सामना येत्या २८ तारखेला राजकोट इथं खेळला जाईल.

धाराशिव जिल्ह्यात आगामी पाच वर्षात गाव तिथे एसटी बस सुरू करण्याचा प्रयत्न करणार असल्याचं, राज्याचे परिवहन मंत्री तथा धाराशिवचे पालकमंत्री प्रताप सरनाईक यांनी सांगितलं आहे. ते काल धाराशिव इथं पत्रकार परिषदेत बोलत होते. धाराशिव बस स्थानकाचं काम एप्रिल अखेर पर्यंत पूर्ण करण्याच्या सूचना दिल्या असून, धाराशिव जिल्ह्याला ५० नवीन एसटी बस देणार असल्याची माहिती त्यांनी दिली.

लातूरमध्ये पालकमंत्री छत्रपती शिवेंद्रसिंहराजे भोसले यांच्या उपस्थितीत काल संविधान गौरव सभा पार पडली. सर्व जाती, धर्माच्या लोकांना एकत्रित बांधून ठेवण्याचं काम भारतीय संविधानाने केल्याचं, भोसले ��्हणाले.

ऑल इंडिया योगा आणि कल्चर फाउंडेशनच्या राष्ट्रीय ��ोगासन स्पर्धेत अंबाजोगाईचे योगगुरू उत्रेश्वर पांचाळ यांनी रौप्यपदक मिळवल्यानं आंतरराष्ट्रीय योगासन स्पर्धेसाठी ते पात्र ठरले आहेत.

मनमाड-येवला महामार्गावर अनकवाडेजवळ रेल्वे पुलावरून एक कठडा तोडून रेल्वे ट्रॅकवर जाऊन ट्रॅक कोसळला. त्यामुळे मनमाडकडून पुण्याकडे जाणारी रेल्वे वाहतूक विस्कळीत झाली आहे. रात्री उशिरापर्यंत रेल्वे ट्रॅकवरून अपघातग्रस्त ट्रक हटवण्याचे काम सुरू होतं. या अपघातात सुदैवाने चालक बचावला असल्याचं याबाबतच्या वृत्तात म्हटलं आहे.

नांदेड इथल्या प्रजासत्ताक दिन सोहळ्यात आज, जिल्हा क्रीडा अधिकारी -जिल्हा पुरस्कार प्रदान होणार आहेत. गेल्या चार वर्षांचे पुरस्कार आज देण्यात येतील.

0 notes

marathicelebscom · 5 months ago

Text

देवदत्त नागे साकारणार महादेव | स्टार प्रवाहची नवी मालिका उदे गं अंबे कथा साडे तीन शक्तिपीठांची

स्टार प्रवाहवर सुरु होतेय नवी पौराणिक मालिका उदे गं अंबे कथा साडे तीन शक्तिपीठांची विठुमाऊली आणि दख्खनचा राजा जोतिबाच्या यशानंतर स्टार प्रवाह वाहिनी प्रेक्षकांच्या भेटीला घेऊन येणार आहे नवी पौराणिक मालिका ‘उदे गं अंबे… कथा साडेतीन शक्तिपीठांची’. देवी आदिशक्तीची साडेतीन शक्तिपीठं ही महाराष्ट्रवासियांची असीम श्रद्धास्थानं. महाराष्ट्रातल्या प्रत्येक घरात साडेतीन शक्तिपीठांपैकी कुठल्या ना कुठल्या…

#Devdatta Nage #Devdatta Nage To Feature As Mahadev In Ude Ga Ambe #Star Pravah #Ude Ga Ambe #Ude Ga Ambe Katha Sadeteen Shaktipeethanchi #उदे गं अंबे #उदे गं अंबे कथा साडे तीन शक्तिपीठांची #देवदत्त नागे #देवदत्त नागे साकारणार महादेव #स्टार प्रवाह

0 notes

marmikmaharashtra · 6 months ago

Link

https://marmikmaharashtra.com/romantic-action-love-story-naad-releases-hard-motion-poster-hits-theaters-on-october-11/

#https://marmikmaharashtra.com/romantic-action-love-story-naad-releases-hard-motion-poster-hits-theaters-on-october-11/

0 notes

bharatlivenewsmedia · 1 year ago

Text

कोकम : कोकणातलं हे आगळंवेगळं फळ पोटाचा 'एसी' का आहे?

https://bharatlive.news/?p=152827 कोकम : कोकणातलं हे आगळंवेगळं फळ पोटाचा 'एसी' का आहे?

महाराष्ट्रातल्या ...

0 notes

prakashmasale · 2 years ago

Text

डिसेंबर महिना म्हणजे पार्टी आणि सेलिब्रेशन ! तुम्हीही नॉनव्हेज पार्टी प्लॅन करत असाल तर प्रकाश मसाले आणा आणि महाराष्ट्रातल्या विविध प्रांतातील अस्सल चवीचे नॉनव्हेज घरच्या घरीच बनवा.

#prakash kolhapuri masala online #prakashmasaleexpress #paneer kolhapuri masala #spicy masala online in kolhapur

0 notes

acharyaelections · 2 years ago

Text

आजच्याच दिवशी जवळपास सव्वा सातशे वर्षांपुर्वी संत ज्ञानेश्वर महाराजांनी वयाच्या अवघ्या एकविसाव्या वर्षी संजीवन समाधी घेण्याचा निर्णय घेतला होता. जन्माला येणं आणि आपलं संपुर्ण आयुष्य समाजाच्या कार्याला वाहून देणं हे संताचं फार मोठं वैशिष्ठ आहे.

#माऊलींचा संजीवन समाधी सोहळा #आळंदी नगर #संत ज्ञानेश्वर #महाराष्ट्र

1 note · View note

loksutra · 3 years ago

Text

Maharashtra Politics: महाराष्ट्रातील राजकीय पेचप्रसंगाच्या पार्श्वभूमीवर बंडखोर आमदार एकनाथ शिंदे यांच्या वाढदिवसानिमित्त रेडिसन ब्लू हॉटेलमध्ये उपस्थित होते.

भंडाराचे आमदार नरेंद्र भोंडेकर यांचा वाढदिवस रेडिसन ब्लू हॉटेलमध्ये साजरा. महाराष्ट्र राजकीय बातम्या: भंडारा येथील आमदार नरेंद्र भोंडेकर (नरेंद्र भोंडेकर) यांचा वाढदिवस गुवाहाटी येथील रॅडिसन ब्लू हॉटेलमध्ये साजरा करण्यात आला. महाराष्ट्राचे राजकीय संकट: एकनाथ शिंदे (एकनाथ शिंदेया बंडानंतर महाराष्ट्रातील महाविकास आघाडी सरकार संकटाच्या ढगाखाली आहे. उद्धव ठाकरेही मध्येच अडकले असून महाराष्ट्रातल्या…

View On WordPress

#एकनाथ शिंदे #महाराष्ट्र राजकीय बातम्या #महाराष्ट्राचे राजकारण #महाराष्ट्राचे राजकीय संकट

0 notes

hometips-marathi · 3 years ago

Text

महाराष्ट्रातल्या मुसलमानांची मातृभाषा मराठीच असायला हवी असं हमीद दलवाई म्हणायचे

जेंव्हा जेंव्हा दोन मोठे व्यक्ती भेटतात, त्यांच्यात चर्चा -गप्पा गोष्टी होतात. अन त्यातून बरंच काही ज्ञान देऊन जातात. असेच दोन मोठे व्यक्ती म्हणजे हमीद दलवाई आणि नरहर कुरुंदकर. त्यांच्यात छान मैत्री होती. एका अशाच भेटीत ��्यांच्या चर्चेचा विषय होता मुसलमानांच्या मातृभाषेचा. कथाकार, कादंबरीकार म्हणून हमीद दलवाई नुकतेच समोर येत होते. मराठीचे एक नवोदित मुस्लिम लेखक म्हणून मराठी लेखकवर्ग त्यांच्याकडे…

View On WordPress

0 notes

airnews-arngbad · 1 day ago

Text

Regional Marathi Text Bulletin, Chhatrapati Sambhajinagar

Date – 25 January 2025

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – २५ जानेवारी २०२५ सायंकाळी ६.१०

****

राष्ट्रीय मतदार दिन देशभरात उत्साहात साजरा-राष्ट्रपतींच्या हस्ते निवडणूक पुरस्कार प्रदान

प्रजासत्ताक दिनाच्या पूर्वसंध्येला ९४२ कर्मचाऱ्यांना शौर्य पदकं तसंच सेवा पदकं जाहीर

ज्येष्ठ साहित्यिक निवृत्त न्यायमूर्ती नरेंद्र चपळगांवकर यांच्या पार्थिव देहावर अंत्यसंस्कार

आणि

मराठा आरक्षण आंदोलन नेते मनोज जरांगे पाटील यांचं अंतरवाली सराटी इथं आमरण उपोषण सुरू

****

१५ वा राष्ट्रीय मतदार दिन आज देशभरात उत्साहात साजरा होत आहे. निवडणुका सुरळीतपणे पार पाडण्याच्या दृष्टीने उत्कृष्ट आणि अनुकरणीय कामगिरी करणाऱ्या राज्य आणि जिल्हा अधिकाऱ्यांचा सर्वोत्तम निवडणूक पद्धती पुरस्कार देऊन गौरव केला गेला. नवी दिल्ली इथं झालेल्या मुख्य कार्यक्रमात राष्ट्रपती द्रौपदी मुर्मू यांच्या हस्ते हे पुरस्कार प्रदान करण्यात आले. आपल्या निवडणूक प्रक्रियेचा गौरव करतांना राष्ट्रपती म्हणाल्या –

आधुनिक विश्व के लिये भारत का लोकतंत्र का अनोखा उदाहरण है। हमारी चुनाव प्रणाली तथा प्रबंधन से विश्व के अनेक देश सीख ले रहे है। निर्वाचन आयोग के प्रबंधन, मतदाताओं की भागीदारी, सुरक्षाकर्मी तथा इलेक्शन मिशनरी ने सहयोग देनेवाले नागरिकों के बल पर भारतीय लोकतंत्र द्वारा जिस विशाल पैमाने पर चुनाव आयोजित किये जाते है, वो पुरे विश्व में अतुलनीय है।

राज्याच्या मुख्य निवडणूक अधिकारी कार्यालयाला, निवडणुकीच्या सर्वोत्तम नियोजनासाठी पुरस्कार देऊन गौरवलं गेलं. यासोबतच मुंबई शहर आणि मुंबई उपनगर या महाराष्ट्रातल्या दोन जिल्ह्यांनाही पुरस्कारानं गौरवण्यात आलं.

****

मतदार दिनानिमित्त पंतप्रधान नरेंद्र मोदी यांनी शुभेच्छा दिल्या आहेत. हा दिवस भारताच्या चैतन्यशील लोकशाहीचा उत्सव साजरा करण्याचा आणि प्रत्येक नागरिकाला मतदानाचा हक्क बजावण्यासाठी सक्षम करण्याचा आहे, अशा शब्दात मोदी यांनी समाज माध्यमांच्या द्वारे जनतेला शुभेच्छा दिल्या.

हमारे संविधान निर्माताओं ने संविधान मे हमारे चुनाव आयोग को लोकतंत्र मे लोगों की भागीदारी को बहोत बडा स्थान दिया है। देश मे जब 1951-52 में पहली बार चुनाव हुये, तो कुछ लोगों को संशय था की क्या देश का लोकतंत्र जीवीत रहेगा? लेकिन हमारे लोकतंत्र ने सारी आशंकाओं को गलत साबित किया।

****

राज्यातही सर्वच जिल्ह्यांमध्ये राष्ट्रीय मतदार दिनानिमित्त मतदार जागृतीपर कार्यक्रमांचं आयोजन केलं गेलं. राज्याचा मुख्य कार्यक्रम पुण्यात झाला. या निमित्तानं नागरिकांना मतदार शपथ देण्यात आली

बीड इथं राष्ट्रीय मतदार दिनानिमित्त मतदार जनजागृती फेरी काढण्यात आली. जिल्हाधिकारी अविनाश पाठक यांनी हिरवा झेंडा या फेरीला प्रारंभ झाला,

हिंगोली जिल्ह्यात आखाडा बाळापूर इथल्या नारायणराव वाघमारे महाविद्यालयात राष्ट्रीय मतदार दिन जनजागृती अभियान राबवण्यात आलं, यानिमित्ताने रांगोळी स्पर्धा घेण्यात आल्या विद्यार्थ्यांनी रांगोळीतून मतदान जनजागृती केली.

परभणी जिल्ह्यात विविध ठिकाणी चित्र प्रदर्शन तसंच रांगोळी स्पर्धा भरवण्यात आल्या विविध शाळेचा विद्यार्थ्यांनी मतदार जनजागृती रॅली काढण्यात आली. जिल्हाधिकारी रघुनाथ गावडे यांनी नगारिकांना इलेक्ट्रॉनिक मतदान यंत्राबाबत माहिती दिली.

एक जानेवारी २०२५ रोजी वयाची १८ वर्षे पूर्ण करणाऱ्या तरुणांनी आपली नावे मतदार यादीत नोंदवावीत, असे आवाहन स्वामी रामानंद तीर्थ विद्यापीठाचे कुलगुरू डॉ. मनोहर चासकर यांनी केलं आहे. स्वामी रामानंद तीर्थ विद्यापीठात राष्ट्रीय मतदार दिनानिमित्त कुलगुरू बोलत होते.

अहिल्यानगर इथं जिल्हा निवडणूक प्रशासनानं सर्वाधिक मतदान झालेल्या गावांचा सन्मान केला. शिर्डी विधानसभा मतदार संघातील तरसवाडी या गावाला सर्वाधिक ९५ टक्के मतदानाबद्दल जिल्हास्तरीय पुरस्कार ��ेण्यात आला.

राज्यात सर्वत्र विविध कार्यक्रमांच्या माध्यमातून मतदार दिवस साजरा करण्यात आला.

****

राष्ट्रीय मतदार दिनी निवडणूक आयोगाला शुभेच्छा दिल्या पाहिजेत पण महाराष्ट्रातील जनता त्यांना शुभेच्छा देऊ इच्छित नाही, निवडणूक आयोगाने महाराष्ट्राच्या जनतेची फसवणूक केल्याचा आरोप, माजी मुख्यमंत्री पृथ्वीराज चव्हाण यांनी केला आहे. ते आज मुंबईत पत्रकार परिषदेत बोलत होते. विधानसभा निवडणुकीसंदर्भात मतदार याद्यांमधील घोळ हा एक महत्त्वाचा मुद्दा असल्याचं सांगत, यासंदर्भात काँग्रेस पक्ष निवडणूक आयोगाच्या भूमिकेविरोधात लढत असून, विधानसभा निवडणुकीत महाविकास आघाडीच्या १०० पराभूत उमेदवारांनी राज्यातील विविध न्यायालयात याचिका दाखल केल्याची माहिती चव्हाण यांनी दिली.

प्रोफेशनल काँग्रेसचे राष्ट्रीय अध्यक्ष प्रविण चक्रवर्ती यावेळी उपस्थित होते, गेल्या दोन लोकसभा निवडणुकीच्या दरम्यान राज्यात ३२ लाख मतदार वाढले तर म�� अवघ्या सहा महिन्यात ४८ लाख मतदार कसे वाढले, याचं उत्तर निवडणूक आयोगाने पुर��व्यासह द्यावे, अशी मागणी चक्रवर्ती यांनी केली आहे.

****

देशाचा ७६ वा प्रजासत्ताक दिन उद्या साजरा होत आहे. प्रजासत्ताक दिनाच्या पूर्वसंध्येला, आज राष्ट्रपती द्रौपदी मुर्मू राष्ट्राला संबोधित करणार आहेत. या संदेशाचं थेट प्रसारण संध्याकाळी ७ वाजता आकाशवाणीवरुन होणार आहे. या पार्श्वभूमीवर आकाशवाणी मुंबई केंद्रावरुन दररोज संध्याकाळी ७ वाजता प्रसारित होणारं प्रादेशिक बातमीपत्र आज, संध्याकाळी पावणेसात वाजता प्रसारित होईल.

****

प्रजासत्ताक दिनाच्या पूर्वसंध्येला देशभरातल्या ९४२ कर्मचाऱ्यांना शौर्य पदकं तसंच सेवा पदकं आज जाहीर झाली. यामध्ये पोलिस, अग्निशमन, गृहरक्षक दल तसंच नागरी सुरक्षा आणि कारागृह प्रशासनातल्या कर्मचाऱ्यांचा समावेश आहे. यामध्ये महाराष्ट्रातल्या एकूण ४३ पोलीस अधिकारी आणि कर्मचाऱ्यांना गौरवलं जाणार आहे. याशिवाय रविंद्रकुमार सिंघल, दत्तात्रय कारळे, सुनील फुलारी आणि रामचंद्र केंडे या पोलीस अधिकाऱ्यांना राष्ट्रपती विशिष्ट सेवा पदक जाहीर झालं आहे. याशिवाय ३९ पोलीस अधिकारी आणि कर्मचाऱ्यांना उत्कृष्ट सेवेसाठी पुरस्कार मिळाला आहे. याशिवाय कारागृह सेवेतल्या ५ जणांना उत्कृष्ट सेवेसाठी पुरस्कार जाहीर झाले आहेत.

****

ज्येष्ठ साहित्यिक निवृत्त न्यायमूर्ती नरेंद्र चपळगांवकर यांच्या पार्थिव देहावर छत्रपती संभाजीनगर इथं शोकाकुल वातावरणात अंत्यसंस्कार करण्यात आले. चपळगांवकर यांचं आज पहाटे निधन झालं, ते ८८ वर्षांचे होते. साहित्य, कला, राजकीय, सामाजिक, प्रसारमाध्यमं, विधी आणि न्याय, उद्योग, वैद्यकीय, प्रशासन आदी क्षेत्रातील मान्यवरांनी चपळगांवकर यांचं अंत्यदर्शन घेऊन त्यांना श्रद्धांजली अर्पण केली.

मराठीचे शिक्षक म्हणून कारकिर्दीला प्रारंभ करणारे चपळगांवकर यांनी, ७० च्या दशकात वकिली पेशात प्रवेश केला, आणि ८० च्या दशकात त्यांनी मुंबई उच्च न्यायालयाच्या औरंगाबाद पीठाचे न्यायाधीश म्हणून जबाबदारी स्वीकारली. १९९९ साली न्यायाधीशपदावरून निवृत्त झाल्यानंतरही ते साहित्य क्षेत्रात अखेरपर्यंत सक्रीय राहिले. वर्धा इथं झालेल्या ९६ व्या अखिल भारतीय साहित्य संमेलनाचे ते अध्यक्ष होते. माजलगाव इथं झालेल्या मराठवाडा साहित्य संमेलनासह विविध साहित्य संमेलनांची अध्यक्षपदं त्यांनी भूषवली. संयमी तरीही परखड विचारांचे साहित्यिक म्हणून चपळगांवकर यांची ओळख होती. वर्धा इथं साहित्य संमेलनाच्या उद्घाटन सोहळ्यात अशा संमेलनांविषयी त्यांनी आपलं मत व्यक्त केलं होतं.

न्यायमूर्ती चपळगावकर यांच्या निधनाबद्दल सर्वत्र हळहळ व्यक्त होत आहे. मुख्यमंत्री देवेंद्र फडणवीस यांनी, चपळगावकर यांच्या निधनानं एक चिंतनशील साहित्यिक, महाराष्ट्र सुपुत्राला आपण मुकलो आहोत, अशी भावना आपल्या शोकसंदेशात व्यक्त केली आहे. तर उपमुख्यमंत्री अजित पवार यांनी, अशा व्यक्तिमत्वाचं निधन ही महाराष्ट्राच्या साहित्यिक, सामाजिक, वैचारिक चळवळीची हानी असल्याचं म्हटलं आहे.

****

मराठा आरक्षण आंदोलनाचे नेते मनोज जरांगे यांनी आज पुन्हा अंतरवाली सराटी इथं आमरण उपोषणाला सुरुवात केली. यावेळी त्यांनी माध्यमांशी संवाद साधला. आजपर्यंत कधीही घडले नाही, असे मराठा समाजाच्या बाबतीत घडत आहे, त्यामुळे आपण पुन्हा आमरण उपोषण सुरु केले आहे. मराठा समाजाला ओबीसीतून कुणबी प्रमाणपत्र देण्यात यावे, सगेसोयरे अध्यादेशाची अंमलबजावणी तातडीनं करावी, ज्यांच्या कुणबी नोंदी मिळाल्या नाहीत त्यांना सगेसोयरे नोंदीच्या आधारावर कुणबी प्रमाणपत्र द्यावे, न्यायमूर्ती शिंदे समितीला मुदतवाढ द्यावी, प्रमाणपत्र वाटपासाठी कक्ष सुरु करावेत, मराठा आ��दोलकांवरील गुन्हे मागे घ्यावेत आदी मागण्या जरांगे यांनी यावेळी केल्या.

****

मुख्यमंत्री देवेंद्र फडणवीस यांनी निर्धारित केल्याप्रमाणे शंभर दिवसांच्या नियोजनात सात सुत्री कार्यक्रमाची नांदेड जिल्हा प्रशासनाने अंमलबजावणी सुरू केली आहे. त्यानुसार जिल्हाधिकारी कार्यालय, तहसील कार्यालय, यांची स्वच्छता मोहीम सुरु झाली आहे. जिल्हाधिकारी अभिजीत राऊत यांनी विविध कार्यालयांना भेट देऊन स्वच्छता मोहिमेचा आढावा घेतला.

****

भारत आणि इंग्लंड संघात दुसरा टी ट्वेंटी क्रिकेट सामना आज होणार आहे. चेन्नईच्या एम. ए. चिदंबरम मैदानावर संध्याकाळी सात वाजता हा सामना होईल.

****

0 notes

darshanpolicetime1 · 3 years ago

Text

महाराष्ट्रातल्या तीन महिलांना ‘नारी शक्ती पुरस्कार'; राष्ट्रपतींच्या हस्ते होणार ८ मार्च रोजी होणार सन्मानित

महाराष्ट्रातल्या तीन महिलांना ‘नारी शक्ती पुरस्कार’; राष्ट्रपतींच्या हस��ते होणार ८ मार्च रोजी होणार सन्मानित

नवी दिल्ली, 7 दिल्ली : विविध क्षेत्रात उल्लेखनीय कार्य करणाऱ्या एकूण 28 महिलांना ‘नारीशक्ती पुरस्कार’ जाहीर झाला आहे. यामध्ये महाराष्ट्रातील तीन महिलांचा समावेश आहे. हे पुरस्कार वर्ष 2020 व 2021 साठीचे आहेत. आंतरराष्ट्रीय महिला दिनाचे औचित्य साधत केंद्रीय महिला व बाल कल्याण मंत्रालयाच्यावतीने ‘नारीशक्ती पुरस्कारा’ची घोषणा करण्यात आली आहे. यामध्ये कथक नृत्यांगना डाऊन सिंड्रोमप्रभावित सायली आगवणे,…

View On WordPress

0 notes

rebel-bulletin · 3 years ago

Text

नंदी, गणपती दूध पीत असल्याचे अनेक जिल्ह्यात अफवा | मंदिरात भाविकांची तुंबळ गर्दी; वैज्ञानिक कारण असल्याचा अंनिसचा दावा

मुंबई : महाराष्ट्रात (maharashtra) 21व्या शतकात लोक अंधश्रध्देवरती विश्वास ठेवत असल्याने अनेकांना नवल वाटले आहे. कारण महाराष्ट्रातल्या अनेक जिल्ह्यात गणपती आणि नंदी दूध पीत असल्याचे व्हिडीओ (video) भाविकांच्या मोबाईल फिरत असल्याचे निदर्शनास दिसून आले आहे. त्यामुळे अनेकांनी मंदिराची वाट धरली असून तिथं नंदी आणि गणपतीला दूध पाजत असल्याचे व्हिडीओच्या माध्यमातून पाहायला मिळत आहे. नंदी दूध पीत असल्याचे…

View On WordPress

#Dhule #Jalgaon #Maharashtra News #Nashik #Palghar #दूध पीत

0 notes

bharatlivenewsmedia · 2 years ago

Text

महाराष्ट्रातल्या दंगलीसाठी उद्धव ठाकरे जबाबदार.. नितेश राणेंचा आरोप

https://bharatlive.news/?p=99125 महाराष्ट्रातल्या दंगलीसाठी उद्धव ठाकरे जबाबदार.. नितेश राणेंचा ...

0 notes

amhikastkar · 4 years ago

Text

[2nd] महात्मा ज्योतिराव फुले वेळ माफी यादी / यादी 2020

ज्योतिराव फुले शेतकरी कर्ज मुक्ती योजना | कर्ज मुक्ती योजनेची यादी महाराष्ट्र | महाराष्ट्र महात्मा ज्योतिराव फुले सामना मफी योजना सूची एमजेपीकेएसवाय (mjpsky.maharastra.gov.in) यादी | सामना माफीची यादी महाराष्ट्रातल्या शहरांना खूप आनंद झाला आहे! प्रवास उद्धव ठाकरे ने कृषी वेळ प्रवास दुसरा (दुसरा)यादी जारी करा … ज्योतिराव फुले जनतेच्या मुक्ती योजनेचा अंतर्भाव केला गेला १ सूची००० पेक्षा जास्त…

View On WordPress

0 notes

hometips-marathi · 3 years ago

Text

बांबू लागवडीतून ४ ते ५ कोटींचे उत्पन्न शक्य आहे…? वाचा महाराष्ट्रातल्या शेतकऱ्यांचे अनुभव

काही दिवसांपूर्वी एक बातमी समोर आली होती कि, जगभरातल्या तापमानात वाढ होत चाललीये. आता तुम्ही म्हणाल उन्हाळा आहे म्हंटल्यावर तापमान वाढणार नाही तर काय पाऊस पडणारे.. पण भिडू भौगोलिक उत्तर द्यायचं झालं तर सगळीकडं वातावरण सारखंच नसतं. जस आपल्याकडं दिवस असल्यावर विदेशात रात्र असती, तसंच हवामानात सुद्धा असतंय. त्यामुळे पहिली लाईन वाचूनच लगेच कमेंट करायला जाऊ नका. असो… तर एकूणच सगळ्या जगाचं तापमान…

View On WordPress

#Art world bamboo craft #Ashpaak mukandad bamboo company #Bamboo #bamboo farming #bamboo farming in Maharashtra #Rajshekhar patil bamboo farming #कट्टा

0 notes

airnews-arngbad · 5 days ago

Text

Regional Marathi Text Bulletin, Chhatrapati Sambhajinagar

Date – 22 January 2025

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक २२ जानेवारी २०२५ सकाळी ७.१० मि.

****

महाराष्ट्रात गुंतवणुकीसाठी दावोसमध्ये सहा लाख २५ हजार कोटी रुपयांहून अधिकचे सामंजस्य करार

छत्रपती संभाजीनगरमध्ये तीन कंपन्यांचा पुढाकार, सुमारे १५ हजार कोटी रुपयांची गुंतवणूक

छत्तीसगड आणि ओडिशा सीमेवर सुरक्षा दलांच्या कारवाईत १४ नक्षलवादी ठार

आणि

१९ वर्षांखालील टी-२० क्रिकेट विश्वचषक स्पर्धेत भारतीय महिला संघाचा मलेशियावर अवघ्या १७ चेंडूत विजय

****

स्वित्झर्लंडमधल्या दावोस इथं सुरू असलेल्या जागतिक गुंतवणूक परिषदेत महाराष्ट्रातर्फे मुख्यमंत्री देवेंद्र फडणवीस यांनी आतापर्यंत सहा लाख २५ हजार ४५७ कोटी रुपयांच्या ३१ सामंजस्य करारांवर स्वाक्षऱ्या केल्या आहेत. यामध्ये जेएसडब्ल्यू समूहासोबत झालेल्या तीन लाख कोटी रुपयांच्या सामंजस्य करारानुसार, गडचिरोलीत २५ मिलियन टन क्षमतेचा अत्याधुनिक पर्यावरणस्नेही पोलाद प्रकल्प उभारला जाईल. कल्याणी उद्योगसमुहासोबत संरक्षण, पोलाद आणि इलेक्ट्रॉनिक वाहन क्षेत्रात, रिलायन्स इन्फ्रास्ट्रक्चरसोबत संरक्षण क्षेत्रात, तर विराज प्रोफाइल्स प्रायव्हेट लिमिटेड या कंपनीसोबत पोलाद आणि धातू क्षेत्रात सामंजस्य करार झाले. छत्रपती संभाजीनगर इथं एबी इनबेव, अवनी पॉवर बॅटरीज आणि जे��्सोल यांची सुमारे १५ हजार कोटी रुपयांची गुंतवणूक होणार आहे....

‘‘छत्रपती संभाजीनगरमध्ये ग्रीन मोबिलिटी, विद्युत बस, ट्रक आणि परवडण्याजोग्या इलेक्ट्रिक गाड्यांचं उत्पादन कंपनी करणार आहे. याअंतर्गत विविध क्षेत्रांमध्ये रोजगार निर्माण होतील. तसंच एबी इनबेव्ह या जगातल्या सर्वात मोठ्या ब्रुअरीसोबतही महाराष्ट्र सरकारने छत्रपती संभाजीनगरमध्ये २५० कोटी रुपयांच्या गुंतवणुकीसाठीचा सामंजस्य करार केला.’’

या सर्वच करारांच्या माध्यमातून राज्यभरात ९२ हजारांहून अधिक रोजगार निर्मिती होणार असल्याचं, याबाबतच्या वृत्तात म्हटलं आहे. दरम्यान, मुख्यमंत्री देवेंद्र फडणवीस, उद्योगमंत्री उदय सामंत यांनी काल जागतिक आर्थिक मंचच्या कार्यक्रमांअंतर्गत विविध कंपन्यांच्या पदाधिकाऱ्यांचीही भेट घेऊन महाराष्ट्रात गुंतवणूक करण्यासंदर्भात चर्चा केली.

****

जागतिक स्तरावर भारतानं एक शक्तिशाली राष्ट्र म्हणून ओळख प्राप्त केली आहे, राज्यघटनेने भक्कम आधारशिला प्राप्त करून दिल्यानेच हे शक्य झालं असल्याचं, विधान परिषदेचे सभापती प्राध्यापक राम शिंदे यांनी म्हटलं आहे. पाटणा इथं ८५ व्या अखिल भारतीय पीठासीन अधिकारी परिषदेत ते काल बोलत होते. लोकशाहीत स्वातंत्र्य, समता आणि बंधुता या तीन मूल्यांना अत्यंत महत्त्व आहे, सर्वांनी या मूल्यांप्रती कटिबद्ध राहण्याचं आवाहन शिंदे यांनी केलं.

****

येत्या २६ जानेवारीला प्रजासत्ताक दिनानिमित्त नवी दिल्लीत कर्तव्य पथावर होणाऱ्या शानदार संचलनात भारताचं सांस्कृतिक वैभव आणि भारतीय सैन्य दलाच्या कौशल्याचं दर्शन घडणार आहे. संरक्षण संशोधन आणि विकास संस्था-डीआरडीओने विकसित केलेलं 'प्रलय' हे क्षेपणास्त्र प्रथमच कर्तव्यपथावर प्रदर्शित होणार असल्याचं, याबाबतच्या वृत्तात म्हटलं आहे. भारतीय राज्यघटनेला ७५ वर्ष पूर्ण झाल्याच्या निमित्ताने विशेष दोन चित्ररथही संचलनात सहभागी होणार आहेत. इंडोनेशियाचे राष्ट्रपती प्रबोवो सुब्रियांतो हे या संचलनाच्या कार्यक्रमाला प्रमुख पाहुणे म्हणून उपस्थित राहणार आहेत. यावर्षीच्या संचलनात इंडोनेशियाच्या १६० सैनिकांची एक तुकडी आणि १९० जणांचं लष्करी बॅंड पथक सहभागी होणार आहे.

दरम्यान, नवी दिल्लीत प्रजासत्ताक दिन सोहळ्यात आयोजित राष्ट्रीय शालेय बँड स्पर्धेत महाराष्ट्रातल्या दोन शाळांची महाअंतिम फेरीसाठी निवड झाली आहे. यामध्ये इस्लामपूरच्या राजारामबापू पाटील मिलिटरी स्कूल आणि स्पोर्ट्स अकॅडमी, तसंच नाशिकच्या भोसला मिलिटरी गर्ल्स स्कूलच्या पथकांचा समावेश आहे. ही महाअंतिम फेरी परवा २४ आणि २५ जानेवारी रोजी होणार आहे.

****

तेलंगणा उच्च न्यायालयाचे मुख्य न्यायमूर्ती आलोक आराधे यांनी काल मुंबई उच्च न्यायालयाच्या मुख्य न्यायमूर्ती पदाची शपथ घेतली. काल सायंकाळी मुंबईत झालेल्या एका छोटेखानी समारंभात राज्यपाल सी. पी. राधाकृष्णन यांनी न्यायमूर्ती आराधे यांना पदाची शपथ दिली.

****

येत्या २५ जानेवारीला राष्ट्रीय मतदार दिनी काँग्रेस पक्षानं राज्यव्यापी आंदोलनाचा इशारा दिला आहे. राज्यात ५० लाख मतं कशी वाढली याची माहिती निवडणूक आयोग देत नाही, म्हणून आम्ही आंदोलन करणार असल्याचं, कॉंग्रेसचे प्रदेशाध्यक्ष नाना पाटोले यांनी सांगितलं. ते काल मुंबईत पत्रकार परिषदेत बोलत होते. राज्याच्या प्रत्येक जिल्ह्यात, तालुक्यात आंदोलन करून, जिल्हाधिकारी, तहसीलदार यांना निवेदन देणार असल्याची माहिती पटोले यांनी दिली.

****

छत्तीसगढ आणि ओडिशाच्या सीमेवर सोमवारी रात्री झालेल्या संयुक्त अभियानात १४ नक्षलवादी मारले गेले. कुल्हाडीघाट आरक्षित वन क्षेत्रात मोठ्या संख्येनं नक्षलवादी असल्याची माहिती मिळाल्यानंतर छत्तीसगढ आणि ओडिशा पोलिस तसंच केंद्रीय राखीव पोलिस दलाच्या जवानांनी संयुक्तपणे हे अभियान राबवलं. मृतांमध्ये नक्षलवाद्यांच्या केंद्रीय समितीचा सदस्य जयराम उर्फ चलपती याचाही समावेश आहे. त्याच्यावर एक कोटी रुपयांचं बक्षीस होतं.

दरम्यान, या कारवाईमुळे नक्षलमुक्त भारत निर्माण करण्याच्या दिशेनं सुरक्षा दलांना मोठं यश मिळालं असल्याचं केंद्रीय गृहमंत्री अमित शहा यांनी म्हटलं आहे. सामाजिक माध्यमावरच्या संदेशात शाह यांनी, नक्षलवादावर हा मोठा प्रहार असल्याचं नमूद केलं.

****

१९ वर्षांखालील टी-२० क्रिकेट विश्वचषक स्पर्धेत भारतीय महिला संघाने अवघ्या १७ चेंडूत यजमान मलेशियाचा पराभव करून इतिहास घडवला. मलेशियात क्वालालांपूर इथं काल झालेल्या या सामन्यात भारतीय संघानं नाणेफेक जिंकून क्षेत्ररक्षणाचा निर्णय घेतला, भारतीय गोलंदाजांच्या भेदक माऱ्यासमोर मलेशियाचा संघ अवघ्या ३१ धावांत गारद झाला, भारताच्या वैष्णवी शर्मा ह��ने आपल्या पदार्पणाच्या सामन्यात पाच धावांत पाच बळी घेत, हॅटट्रिक नोंदवली. भारतीय संघानं सलामीवीर जी त्रिशाच्या १२ चेंडूत नाबाद २७ धावांच्या बळावर अवघी दोन षटकं आणि पाच चेंडूत बिनबाद ३२ धावा करत, विजय मिळवला. वैष्णवी शर्मा प्लेयर ऑफ द मॅच पुरस्काराची मानकरी ठरली. या स्पर्धेत भारताचा पुढचा सामना येत्या गुरुवारी श्रीलंकेसोबत होणार आहे.

****

लातूर जिल्ह्यात उदगीर इथं आश्रम शाळांमधल्या विद्यार्थ्यांच्या दोन दिवसीय विभागीय क्रीडा स्पर्धेला काल प्रादेशिक उपसंचालक दिलीपकुमार राठोड यांच्या प्रमुख उपस्थितीत प्रारंभ झाला. लातूर, धाराशिव, नांदेड आणि हिंगोली जिल्ह्यातल्या आश्रमशाळेतले विद्यार्थी या स्पर्धेत सहभागी झाले आहेत.

****

दुचाकीस्वार आणि त्याच्या मागे बसणारा सहप्रवासी, या ��ोघांच्या सुरक्षेसाठी हेल्मेट वापरणं आवश्यक आहे. नागपूरच्या राष्ट्रसंत तुकडोजी महाराज विद्यापीठातले भौतिक शास्त्राचे प्राध्यापक डॉ. संजय ढोबळे आणि त्यांची विद्यार्थिनी आदिती देशमुख यांनी दुचाकीस्वारांसाठी फोल्डिंग हेल्मेट विकसित केलं आहे. या अनोख्या संशोधनाचा संक्षिप्त वेध घेणारा हा वृत्तांत..

‘‘वाहन चालवून झाल्यावर हेल्मेट ठेवायचं कुठे, हा दुचाकी चालकांसमोर मोठा प्रश्न असतो. मात्र येत्या काही दिवसांत हे हेल्मेट दुचाकीच्या डिक्कीमध्ये फोल्ड करून ठेवता येणार आहे. नागपूरचे डॉ. संजय ढोबळे आणि त्यांची विद्यार्थिनी आदिती देशमुख यांनी फोल्डिंग हेल्मेट तंत्रज्ञान विकसित केलं आहे. हे हेल्मेट तयार करताना, त्याची सर्व कार्यपद्धती आणि मजबुती नियमित हेल्मेटप्रमाणे राहील याची काळजी घेण्यात येत आहे. नवीन तंत्रज्ञानाच्या वापरातून तयार केलेल्या या फोल्डिंग हेल्मेट साठी डॉ. संजय ढोबळे आणि आदिती देशमुख या दोघांना आंतरराष्ट्रीय पेटंटही मिळालं आहे.’’

****

ज्येष्ठ कीर्तनकार डॉक्टर किसन महाराज साखरे यांच्या पार्थिव देहावर काल आळंदी इथं अंत्यसंस्कार करण्यात आले. साखरे यांचं सोमवारी रात्री पुण्यात निधन झालं, ते ८९ वर्षांचे होते. राज्य सरकारनं २०१८ या वर्षीचा ज्ञानोबा तुकाराम पुरस्कार देऊन त्यांना सन्मानित केलं होतं. साखरे यांच्या निधनाबद्दल मुख्यमंत्री देवेंद्र फडणवीस यांनी शोक व्यक्त केला आहे.

****

छत्रपती संभाजीनगर इथले शिवसेना उद्धव बाळासाहेब ठाकरे गटाचे शहरप्रमुख विश्वनाथ स्वामी यांनी अनेक पदाधिकारी तसंच शिवसैनिकांसोबत काल भारतीय जनता पक्षात प्रवेश केला. भाजपचे प्रदेशाध्यक्ष चंद्रशेखर बावनकुळे यांच्या उपस्थितीत मुंबईत पक्ष कार्यालयात हा प्रवेश सोहळा पार पडला. मागास बहुजन कल्याण मंत्री अतुल सावे यांच्यासह अनेक मान्यवर यावेळी उपस्थित होते.

****

राज्यातल्या सहकारी तसंच खाजगी दूध प्रकल्पांना दूध पुरवठा करणाऱ्या शेतकऱ्यांना शासनाने प्रतिलिटर पाच रुपये अनुदान देण्याचं निश्चित केलं आहे. छत्रपती संभाजीनगर जिल्ह्यात आतापर्यंत १२ हजार १६७ दूध उत्पादकांच्या खात्यात १५ कोटी ८ लक्ष रुपये अनुदान जमा झालं आहे.

****

राष्ट्रीय पशुरोग नियंत्रण कार्यक्रमांतर्गत १३ ते २७ जानेवारी या कालावधीत 'जंत निर्मुलन पंधरवडा' पाळला जात आहे. त्या अनुषंगाने सर्व पशुपालकांनी आपल्या गोवर्गीय आणि म्हैसवर्गीय पशूंना जवळच्या पशुवैद्यकीय दवाखान्यातून जंत निर्मुलन औषधी द्यावीत, असं आवाहन बीडच्या जिल्ह�� पशुसंवर्धन उपायुक्तांनी केलं आहे. आपल्या पशूंना लाळ-खुरकूत लसीकरण करून घेण्याचं आवाहन देखील त्यांनी केलं आहे.

****

जालना इथं काल महानगरपालिका आणि राज्य प्रदुषण नियंत्रण मंडळाद्वारे काल प्लास्टिक विरोधी तपासणी करण्‍यात आली. यामध्‍ये सुमारे १० किलो प्लास्टिक जप्‍त करण्‍यात आलं. यापुढे प्‍लास्‍टीक आढळून आल्‍यास दंड आकारण्‍यात येईल अशी ताकीद देण्‍यात आली.

****

नांदेडमध्ये काल पंडित दिनदयाळ उपाध्याय रोजगार मेळावा घेण्यात आला. या मेळाव्यात ५० उमेदवारांची ‍अंतिम निवड करण्यात आली.

****

0 notes