#निधनाने

[darshanpolicetime1]

ज्येष्ठ चित्रपट दिग्दर्शक श्याम बेनेगल यांच्या निधनाने सामाजिक मुद्द्यांवर प्रभावीपणे भाष्य करणारा कलाकार चित्रपटसृष्टीने गमावला – उपमुख्यमंत्री एकनाथ शिंदे - महासंवाद

मुंबई,दि.२३: सामान्यांचा संघर्ष, त्यांचे प्रश्न चित्रपटातून मांडणारे दिग्गज दिग्दर्शक पद्मभूषण श्माम बेनेगल यांच्या निधनामुळे सामाजिक बांधिलकी जपत चित्रपट निर्माण करणाऱ्या चित्रपटसृष्टीत मोठी पोकळी निर्माण झाल्याची भावना उपमुख्यमंत्री एकनाथ शिंदे यांनी व्यक्त केली आहे. उपमुख्यमंत्री श्री. शिंदे आपल्या शोकसंदेशात म्हणतात, चित्रपटांमध्ये कोणताही धांगडधिंगा न दाखवता तत्कालीन सामाजिक परिस्थितीवर…

[airnews-arngbad]

Regional Marathi Text Bulletin, Chhatrapati Sambhajinagar

Date – 13 September 2024

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक १३ सप्टेंबर २०२४ सकाळी ७.१० मि.****

हवाई वाहतूक क्षेत्रात लक्षणीय परिवर्तनामुळे प्रवास अधिक सुखकर-पंतप्रधानांचं प्रतिपादन

मुंबईला जागतिक आर्थिक केंद्र म्हणून विकसित करण्यासाठी वर्ल्ड इकॉनॉमिक फोरमसोबत सामंजस्य करार

एसटी महामंडळाला ऑगस्ट महिन्यात १६ कोटी ८६ लाख ६१ हजार रुपये नफा

मार्क्सवादी कम्युनिस्ट पक्षाचे नेते माजी खासदार सीताराम येचुरी यांचं निधन

आणि

जायकवाडी धरणाच्या विसर्गात कपात तर मांजरा धरणाचा पाणी साठा ७५ टक्क्यांवर-नागरिकांना सतर्कतेचा इशारा

****

देशाच्या हवाई वाहतूक क्षेत्रात लक्षणीय परिवर्तन होत असून, त्यामुळे नागरिकांचा प्रवास अधिक सुखकर होत असल्याचं प्रतिपादन, पंतप्रधान नरेंद्र मोदी यांनी केलं आहे. ते काल नवी दिल्लीत नागरी विमान वाहतूक या विषयावर दुसऱ्या आशिया- प्रशांत मंत्रिपरिषदेत मार्गदर्शन करत होते. या परिषदेत दिल्ली ठराव जाहीर करण्यात आला. त्याचा सर्व सदस्य देशांनी स्वीकार केला.

****

संरक्षण क्षेत्रात आत्मनिर्भरतेच्या दिशेनं भारताची वाटचाल वेगानं होत असल्याचं प्रतिपादन, संरक्षण मंत्री राजनाथ सिंग यांनी केलं आहे. तरंग शक्ती २४ या युद्धाभ्यासासह भारत रक्षा विमानन प्रदर्शनाला राजस्थानात जोधपूर इथं कालपासून प्रारंभ झाला. या दोन्ही उपक्रमांचं उद्घाटन केल्यानंतर ते बोलत होते. वायूसेनेनं सदैव संपूर्ण ज��भरात देशाचा मान वाढवला असल्याचं राजनाथसिंह यांनी नमूद केलं. तरंग शक्ती सरावाचा हा दुसरा अंक असून त्यात १० देश सहभागी झाले आहेत.

****

जमिनीवरून हवेत मारा करणाऱ्या क्षेपणास्त्राचं काल ओडिशातल्या बालासोर जिल्ह्याच्या चांदीपूर इथं यशस्वी परीक्षण करण्यात आलं. कमी अंतरावरच्या लक्ष्याचा वेध घेणारं हे क्षेपणास्त्र युद्धनौकांवर वापरलं जाणार आहे.

****

‘मुंबई महानगर क्षेत्रः जागतिक आर्थिक केंद्र म्हणून विकास’ या नीती आयोगाच्या अहवालाचं काल मुंबईत प्रकाशन करण्यात आलं. यावेळी MMRDA अर्थात मुंबई महानगर प्रदेश विकास प्राधिकरण आणि वर्ल्ड इकॉनॉमिक फोरम यांच्यात सामंजस्य करार करण्यात आला. यातून आगामी काळात मुंबईचा जीडीपी दुप्पट होईल असा विश्वास मुख्यमंत्री एकनाथ शिंदे यांनी व्यक्त केला आहे.

दरम्यान, मुंबई कोस्टल रोड आणि वांद्रे वरळी सी लिंकला जोडणाऱ्या कनेक्टरचं काल लोकार्पण करण्यात आलं. यामुळे आता मरीन ड्राईव्ह ते वांद्रे हा प्रवास आता अवघ्या १० मिनिटात पूर्ण होणार असल्याचं मुख्यमंत्र्यांनी सांगितलं.

****

राज्य मार्ग परिवहन महामंडळ-एसटीला ऑगस्ट महिन्यात १६ कोटी ८६ लाख ६१ हजार रुपये नफा झाला आहे. राज्य शासनाने ७५ वर्षावरील ज्येष्ठांना सर्व प्रकारच्या बसमधून मोफत प्रवास तसंच सर्व महिलांना एसटीच्या प्रवासी तिकिटात ५० टक्के सवलत या दोन योजना सुरू केल्या, यामुळे एसटीच्या प्रवासी संख्येत वाढ झाली. सध्या सरासरी ५४ लाख प्रवासी एसटीतून दररोज प्रवास करत असल्याचं, महामंडळाकडून सांगण्यात आलं आहे.

****

मार्क्सवादी कम्युनिस्ट पक्षाचे नेते माजी खासदार सीताराम येचुरी यांचं काल दिल्लीत निधन झालं, ते ७२ वर्षांचे होते. श्वसनमार्गात संसर्गामुळे त्यांच्यावर दिल्लीतल्या एम्स रुग्णालयात गेल्या काही दिवसांपासून उपचार सुरू होते. येचुरी यांचा पार्थिव देह मार्क्सवादी कम्युनिस्ट पक्षाच्या दिल्लीतल्या मुख्यालयात उद्या सकाळी अकरा ते दुपारी तीन वाजेपर्यंत अंत्यदर्शनासाठी ठेवण्यात येणार आहे. त्यानंतर येचुरी यांचा देह रुग्णालयाला दान केला जाणार आहेय

येचुरी यांच्या निधनाबद्दल राष्ट्रपती द्रौपदी मुर्मू, पंतप्रधान नरेंद्र मोदी, लोकसभेतले विरोधी पक्षनेते राहुल गांधी यांनी दु:ख व्यक्त केलं आहे. भारतीय कम्युनिस्ट पक्षाचे राष्ट्रीय सचिव डॉ भालचंद्र कांगो यांनी, येचुरी यांच्या निधनानं डाव्या चळवळीची हानी झाल्याची भावना व्यक्त केली.

‘‘अत्यंत मनमिळावू असा त्यांचा स्वभाव होता. विशेषत कम्युनिस्टामध्ये फार कमी गुण असतात की पक्षाच्या बाहेर लोकांना त्यांच्या बद्दल आपले पण वाटते. सिताराम येचुरी असे एक नेते होते की त्यांच्या वक्तृत्व गुणांमुळे आणि त्यांच्या पर्सनॅलि��ीमुळे ते अनेकांना आपले हवेहवेसे वाटत होते. मला असं वाटतं की हे फार मह��्वाच त्यांचं योगदान होतं की कम्युनिस्ट पक्षाचे पुढारी असतांना फक्त वर्गीय पुढारी न राहता ते आम जनतेचे पुढारी झाले होते. त्यामुळे त्याचं नसणं हे डाव्या चळवळीला फार मोठी हानी आहे असं माझ मतं आहे.’’

भाकपचे राज्य सह सचिव राम बाहेती यांनी, येचुरी यांच्या निधनाने कम्युनिस्ट चळवळीची मोठी हानी झाल्याचं, तर अखिल भारतीय किसान सभेचे राष्ट्रीय अध्यक्ष राजन क्षीरसागर यांनी, कम्युनिस्ट चळवळीतला प्रगल्भ तारा हरपला, असं म्हटलं आहे. भाकप राज्य कार्यकारिणीचे सदस्य विधीज्ञ अभय टाकसाळ यांनी, येचुरी यांचा प्रभावी आवाज आणि मुद्देसूद मांडणी देशाच्या कायम स्मरणात राहील, या शब्दांत आपल्या भावना व्यक्त केल्या.

****

हिंगोली जिल्ह्यातले मराठवाडा मुक्ती संग्राम लढ्यातले ज्येष्ठ स्वातंत्र्य सैनिक पुरभाजी सखाराम हेंद्रे यांचं काल वृद्धापकाळाने निधन झालं, ते ८७ वर्षांचे होते. आज आखाडा बाळापूर इथं त्यांच्या पार्थिव देहावर अंत्यसंस्कार करण्यात येणार आहेत.

****

१७ सप्टेंबर मराठवाडा मुक्ती संग्राम दिनानिमित्त छत्रपती संभाजीनगर इथं मुख्यमंत्री एकनाथ शिंदे यांच्या हस्ते ध्वजारोहण होणार आहे. यासंदर्भात काल छत्रपती संभाजीनगर इथं विभागीय आयुक्त दिलीप गावडे यांनी आढावा बैठक घेतली. जिल्हाधिकारी दिलीप स्वामी यांच्यासह अनेक अधिकारी या बैठकीला उपस्थित होते.या कार्यक्रमात मुख्यमंत्र्यांच्या हस्ते बायोमेडिकल वेस्ट प्रकल्पाचं भूमिपूजन, डॉक्टर बाबासाहेब आंबेडकर उद्यानातल्या तारांगणाचं उद्घाटन, विविध रस्ते तसंच विकेंद्रित सांडपाणी प्रक्रिया प्रकल्पाचं ई भूमिपूजन होणार आहे.

****

काँग्रेस नेते तथा लोकसभेतले विरोधी पक्षनेते राहुल गांधी यांनी संविधानाबाबत केलेल्या वक्तव्याविरोधात भाजपाच्या अनुसूचित जाती मोर्चाच्या वतीने काल नागपूर इथल्या संविधान चौकात आंदोलन करण्यात आलं. यावेळी राहुल गांधी यांच्या प्रतिकात्मक पुतळ्याचं दहन करण्यात आलं. गांधी यांच्या कथित वादग्रस्त वक्तव्याविरोधात आज भारतीय जनता पक्षाच्या वतीने राज्यभर आंदोलन करण्यात येणार आहे.

दरम्यान, संभाजी ब्रिगेडच्या अधिवेशनात ज्ञानेश महाराव यांच्या कथित वादग्रस्त वक्तव्यावर बीड जिल्ह्यातल्या परळी तसंच छत्रपती संभाजीनगर इथं आंदोलन करण्यात आलं.

****

शिवसेना जातीच्या नावाने उमेदवारांची चाचपणी करत नाही आणि करणार नाही, असं शिवसेना नेते तथा विधान परिषदेचे विरोधी पक्षनेते अंबादास दानवे यांनी म्हटलं आहे. ते बीड इथं पक्षाच्या आढावा बैठकीत बोलत होते. दरम्यान, दानवे यांनी काल धाराशिव लोकसभा मतदारसंघातल्या सहा विधानसभा मतदारसंघातील शिवसेना पदाधिकाऱ्यांची आढावा बैठक घेतली. गाव पातळीपर्यंत���्या शिवसैनिकांशी त्यांनी काल संवाद साधला.

****

तीन दिवसीय महालक्ष्मी उत्सवाची काल सांगता झाली, गणेशोत्सवाची येत्या १७ तारखेला सांगता होणार आहे. गणेश विसर्जनासाठी छत्रपती संभाजीनगर महापालिकेने शहरात ४६ ठिकाणी मूर्ती संकलन केंद्र स्थापन केली आहेत. महानगरपालिकेला निर्माल्य दान करणाऱ्या नागरिकांना अर्धा किलो खताचं पाकीट भेट म्हणून दिलं जाणार आहे.

****

हिंगोली इथं गणपती आणि गौरीसमोर वेगवेगळे देखावे साकारण्यात आले. माजी नगरसेवक चंदू लव्हाळे यांच्या निवासस्थानी महालक्ष्मीच्या आकर्षक रांगोळीच्या माध्यमातून महिला जनजागृतीचा संदेश देण्यात आला.

****

परदेशात गणेशोत्सव कसा साजरा होतो, याबाबत माहिती आपण जाणून घेत आहोत. ऑस्ट्रेलियातल्या गणेशोत्सवाबाबत मेलबर्न इथं राहणाऱ्या अनुपमा कट्यारे यांनी माहिती दिली...

‘‘गेल्या दहा - पंधरा वर्षात इथं फुलवाती, कापूर, हळद - कुंकू, एवढेच नव्हे तर अगदी पेण च्या गणपती मूर्ती देखील मिळू लागल्या आहेत. अगदी घरगुती पद्धतीने केलेल उकडीचे मोदकही इथे मिळतात. जसं जसं गणपती जवळ येतो, तसं तसं लोकांना मोठमोठ्या सुंदर - सुंदर मूर्ती दिसू लागतात. विद्यापीठात शिकणारे विद्यार्थी, नोकरी- धंद्यानिमित्त आलेले नागरिक, असे सुमारे पाच सातशे जण यात सहभागी होतात. ढोल, ताशा पथकंही इथे आहे. घरगुती गणेशोत्सवामध्ये काही घरांमध्ये तर एकवेळी ७०-८० लोक एकत्र येऊन आरत्या म्हणत असतात. काही घरांमध्ये गौरी - गणपतीही होतात.’’

****

आशियाई पुरूष हॉकी स्पर्धेत भारतानं काल दक्षिण कोरियाचा ३-१ अशा फरकानं पराभव केला. चीनमध्ये सुरू असलेल्या या स्पर्धेत गुणतालिकेत अव्वल स्थानी असलेला भारत याआधीच उपांत्य फेरीत दाखल झाला. परवा १६ सप्टेंबरला उपांत्य सामने होणार असून, उद्या भारताची लढत पारंपरिक प्रतिस्पर्धी पाकिस्तानसोबत होणार आहे. अंतिम सामना मंगळवारी १७ तारखेला होईल.

****

पैठण इथल्या जायकवाडी धरणाचे बारा दरवाजे बंद करण्यात आले आहेत. धरणाचा पाणीसाठी साडे ९८ टक्क्यांवर गेल्यानं तसंच पाण्याची आवक सुरू असल्यानं, धरणाच्या १८ दरवाजातून विसर्ग सुरू करण्यात आला होता. सध्या धरणाच्या सहा दरवाजातून सुमारे तीन हजार शंभर घनफूट प्रतिसेकंद वेगाने पाणी गोदावरी नदीपात्रात सोडण्य���त येत आहे.

बीड जिल्ह्याच्या केज तालुक्यात धनेगाव इथलं मांजरा धरण ७५ टक्क्यांपेक्षा अधिक भरलं आहे. पाणलोट क्षेत्रामध्ये पाण्याची आवक जास्त झाल्यास कोणत्याही क्षणी धरणाचे दरवाजे उघडून मांजरा नदीमध्ये पाणी सोडण्यात येईल, त्यामुळे संबंधित गावांना आणि शेतकऱ्यांना सतर्क राहण्याचा इशारा जलसंपदा विभागाकडून देण्यात आला आहे.

****

लातूर- धाराशिव जिल्ह्याच्या सीमेवर असलेल्या माकणी इथल्या निम्न तेरणा धरणाची पाणी पातळी ६०३ पूर्णांक ५५ मीटर झाली आहे. पाण्याची होणारी आवक पाहता धरणातून पाणी सोडण्यात येऊ शकतं, त्यामुळे निलंगा तालुक्यातील तेरणा नदीकाठावरील नागरिकांना सतर्कतेच्या इशारा देण्यात आला आहे.

****

मनमाड - काचिगुडा अजिंठा एक्सप्रेस आता मनमाड स्थानकावरून दररोज रात्री आठ वाजून ४० मिनिटांनी म्हणजे सध्याच्या वेळेपेक्षा दहा मिनिटं लवकर सुटणार आहे. दक्षिण मध्य रेल्वेकडून ही माहिती देण्यात आली.

****

छत्रपती संभाजीनगर इथल्या विमानतळाच्या आजूबाजूच्या परिसरात विविध कार्यक्रमामध्ये लेझर लाईटस, बीम लाईटसच्या वापरावर बंदी घालण्यात आली आहे. येत्या ११ नोव्हेंबर पर्यंत ही बंदी लागू असेल.

****

[6nikhilum6]

Pune : दैनिक भारत डायरीचे संपादक अशोक अग्रवाल यांचे दुःखद निधन

एमपीसी न्यूज – दैनिक भारत डायरीचे प्रतिष्ठित संपादक अशोक अग्रवाल (Pune)यांचे सोमवारी पुण्यात हृदयविकाराच्या झटक्याने आकस्मिक निधन झाले. त्यांचे वय सुमारे 60 वर्षे होते. त्यांच्या निधनाने हिंदी पत्रकारितेची कधीही भरून न येणारी हानी झाली आहे. अशोक अग्रवाल निःपक्षपाती, निर्भय आणि सचोटीवर आधारित पत्रकारितेसाठी प्रसिद्ध होते. त्यांच्या पश्चात पत्नी, दोन मुले, सुना, नातवंडे असा मोठा परिवार आहे. अग्रवाल…

[punerichalval]

नांदेडचे खासदार वसंत चव्हाण यांचे निधन, हैदराबादमधील हॉस्पिटलमध्ये घेतला अखेरचा श्वास

नांदेड : नांदेडचेकाँग्रेसचे खासदार वसंत चव्हाण यांचे निधन झाले आहे. गेल्या काही दिवसांपासून ते आजारी होते. हैदराबाद येथील किम्स हॉस्पिटलमध्ये त्यांच्यावर उपचार सुरु होते. काल मध्यरात्री त्यांची तब्येत अचानकपणे बिघडली. त्यानंतर पहाटे ३ वाजता त्यांची प्राणज्योत मालवली. वसंत चव्हाण यांच्या निधनाने नांदेड जिल्ह्यावर शोककळा पसरली आहे.

[gajananjogdand45]

https://marmikmaharashtra.com/former-minister-rajni-satav-passed-away/

[mhlivenews]

स्वरयोगिनी डॉ. प्रभा अत्रे यांच्या निधनाने संगीत, कला क्षेत्राची मोठी हानी - सांस्कृतिक कार्य मंत्री सुधीर मुनगंटीवार

मुंबई, दि. १३ : स्वरयोगिनी पद्मविभूषण डॉ. प्रभा अत्रे यांच्या निधनामुळे संगीत आणि कला क्षेत्राची मोठी हानी झाली आहे. प्रभाताई यांच्या जाण्याने भारतीय संगीत क्षेत्रात निर्माण झालेली पोकळी कधीही भरून निघणारी नाही, अशा शब्दात वने, सांस्कृतिक कार्य व मत्स्य व्यवसाय मंत्री सुधीर मुनगंटीवार यांनी शोकसंवेदना व्यक्त केली आहे. ख्याल गायकीसोबत ठुमरी, दादरा, गझल, उपशास्त्रीय संगीत, नाट्यसंगीत, भजन, भावगीत…

[bharatlivenewsmedia]

अतुल बेडेकर यांच्या निधनाने प्रयोगशील उद्योजक हरपला: अजित पवार

https://bharatlive.news/?p=186537 अतुल बेडेकर यांच्या निधनाने प्रयोगशील उद्योजक हरपला: अजित पवार

मुंबई, ...

[cinenama]

मडगावचे माजी नगराध्यक्ष, ज्येष्ठ पत्रकार वाल्‍मिकी फालेरोंचे निधन

साक्षेपी पत्रकार आणि इतिहास संशोधक म्‍हणून ओळख असलेले मडगावचे माजी नगराध्‍यक्ष वाल्‍मिकी फालेरो (71) यांचे आज गुरुवारी दुपारी हृदयविकाराच्‍या तीव्र झटक्‍याने आकस्‍मिक निधन झाले. फालेरो यांच्‍यामागे पत्‍नी डेझी या आहेत.गुरुवारी दुपारी घरातच असताना त्‍यांना हृदयविकाराचा झटका आल्‍याची माहिती त्‍यांच्‍या निकटवर्तियांकडून मिळाली. त्‍यांच्‍या निधनाची वार्ता शहरात काही मिनिटांतच पसरली. या निधनाने…

[knowledgenews1]

डीआयजी विजय कुमार यांच्या आत्महत्येने सर्वांनाच धक्का

तामिळनाडू केडरमधील आयपीएस (DIG Vijay Kumar) अधिकारी सी. विजय कुमार यांच्या निधनाने सर्वांनाच धक्का बसला आहे. उपमहानिरीक्षकांसारख्या महत्त्वाच्या पदावर बसलेल्या आयपीएस विजय कुमार यांनी सर्व्हिस पिस्तुलने स्वत:वर गोळी झाडून घेतली. तामिळनाडू पोलिसातील कोईम्बतूर रेंजचे डीआयजी विजय कुमार यांच्या मृत्यूनंतर त्यांच्यासोबत काम करणाऱ्या पोलिस अधिकारी आणि कर्मचाऱ्यांच्या मते, ते अतिशय शांत स्वभावाचे होते.…

[rebel-bulletin]

माजी जि.प. सदस्य रोहडा यांचा कार अपघातात मृत्यू

गोरेगाव, दि.19 : येथील पोलीस स्टेशन अंतर्गत जानाटोला ते भंडगा दरम्यान आज शुक्रवारला सकाळी 8.30 वाजेच्या सुमारास झालेल्या कार अपघातात माजी जिल्हा परिषद सदस्य गोंदिया निवासी श्रीचंद रोहडा यांचा घटनास्थळीच मृत्यू झाला. Death in a car accident श्रीचंद रोहडा हे तालुक्यातील कुऱ्हाडी ग्रामपंचायतीचे सरपंच तसेच या क्षेत्रातूनच ते जिल्हा परिषदेचे सदस्य बहुजन समाज पक्षाच्यावतीने राहिले. त्यांच्या निधनाने…

[darshanpolicetime1]

ज्येष्ठ सिनेदिग्दर्शक श्याम बेनेगल यांच्या निधनाने प्रतिभावंत, विचारशील दिग्दर्शक गमावला – उपमुख्यमंत्री अजित पवार - महासंवाद

मुंबई, दि. 23 :- “आपल्या प्रतिभाशाली दिग्दर्शनाने भारतीय चित्रपटसृष्टीला नवा आयाम देणारे ज्येष्ठ दिग्दर्शक श्याम बेनेगल यांच्या निधनाने भारतीय चित्रपटक्षेत्रातील दीपस्तंभ हरपला आहे. चित्रपटसृष्टीच्या इतिहासातील सोनेरी अध्याय संपला आहे”, अशा शब्दात उपमुख्यमंत्री अजित पवार यांनी ज्येष्ठ दिग्दर्शक श्याम बेनेगल यांच्या निधनाबद्दल दु:ख व्यक्त करुन आपल्या शोकभावना व्यक्त केल्या. उपमुख्यमंत्री अजित पवार…

[airnews-arngbad]

आकाशवाणी छत्रपती संभाजीनगर, दिनांक: 26.08.2024 रोजीचे दुपारी :01.00 वाजताचे मराठी बातमीपत्र  

Regional Marathi Text Bulletin, Chhatrapati Sambhajinagar

Date: 26 August 2024

Time: 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: २६ ऑगस्ट २०२४ दुपारी १.०० वा.

****

लद्दाख या केंद्रशासित प्रदेशात पाच नवीन जिल्हे निर्माण करण्याचा निर्णय केंद्र सरकारने घेतला आहे. केंद्रीय गृहमंत्री अमित शहा यांनी समाजमाध्यमावर ही घोषणा केली. यानुसार लद्दाखमध्ये आता जांस्कर, द्रास, साम, नुब्रा आणि चांगथांग हे नवीन जिल्हे तयार होणार आहेत.

****

श्रीकृष्ण जन्माष्टमी आज साजरी होत आहे. भगवान श्रीकृष्णाचा जन्मोत्सव साजरा करण्यासाठी मथुरा-वृंदावनसह देशभरातल्या मंदिरांमध्ये तयारी पूर्ण झाली असून, मंदीरांसह घरोघरी देखील मध्यरात्री १२ वाजता श्रीकृष्ण जन्म सोहळा साजरा केला जाईल. राष्ट्रपती द्रौपदी मुर्मू, पंतप्रधान नरेंद्र मोदी यांनी देशवासियांना कृष्णाष्टमीच्या शुभेच्छा दिल्या आहेत.

राज्यपाल सी पी राधाकृष्णन यांनी जन्माष्टमीनिमित्त जुहूच्या राधा रासबिहारी इस्कॉन मंदिरात आज भगवान श्रीकृष्णाचं दर्शन घेतलं आणि आरती केली.

****

भारतीय जनता पक्षाने जम्मू काश्मीर विधानसभा निवडणुकीच्या पहिल्या टप्प्यातल्या ४४ जागांसाठी उमेदवारांची आज घोषणा केली. या टप्प्यासाठी अर्ज भरण्याचा उद्या शेवटचा दिवस असून, १८ सप्टेंबरला मतदान होणार आहे. तिनही टप्प्यांची मतमोजणी चार ऑक्टोबरला होणार आहे.   

****

नांदेडचे खासदार वसंतराव चव्हाण यांचं आज दीर्घ आजाराने निधन झालं, ते ७० वर्षांचे होते. त्यांच्यावर गेल्या अनेक दिवसांपासून हैदराबाद इथल्या किम्स रुग्णालयात उपचार सुरु होते. नुकत्याच झालेल्या लोकसभा निवडणुकीत वसंतराव चव्हाण यांनी भाजपच्या प्रतापराव पाटील चिखलीकर यांचा मोठा पराभव केला होता. नायगाव या गावात एज्युकेशन सोसायटी या संस्थेच्या माध्यमातून त्यांनी मोठा शैक्षणिक विस्तार केला.

वसंतराव चव्हाण यांच्या पार्थिवावर उद्या २७ ऑगस्ट रोजी सकाळी ११ वाजता नायगाव इथं अंत्यसंस्कार करण्यात येणार असल्याची माहिती त्यांच्या कुटुंबीयांनी दिली आहे.

राष्ट्रपती द्रौपदी मुर्मू यांनी चव्हाण यांच्या निधानाबद्दल शोक व्यक��त केला आहे.

वसंतराव चव्हाण यांच्या निधनामुळे काँग्रेस पक्षाने निष्ठावंत लढवय्या कार्यकर्ता आणि उत्तम लोकप्रतिनिधी गमावला आहे, अशा शोकभावना अखिल भारतीय काँग्रेस कमिटीचे अध्यक्ष मल्लिकार्जुन खर्गे यांनी व्यक्त केल्या आहेत.

काँग्रेस प्रदेशाध्यक्ष नाना पटोले यांनी देखील चव्हाण यांच्या निधनाबद्दल शोक व्यक्त केला आहे. त्यांच्या निधनाने अनुभवी लोकप्रतिनिधी आणि काँग्रेस विचारांचा एक निष्ठावान पाईक हरपला आहे, असं पटोले यांनी म्हटलं आहे.

मुख्यमंत्री एकनाथ शिंदे यांनी देखील वसंतराव चव्हाण यांना श्रद्धांजली वाहिली आहे. जनतेच्या आशा आकांक्षाशी समरस झालेलं लोकाभिमुख असं नेतृत्व खासदार वसंतराव चव्हाण यांच्या निधनामुळे गमावलं आहे, अशा शब्दात मुख्यमंत्र्यांनी शोकभावना व्यक्त केल्या आहेत.

****

राज्यभरातल्या सर्व बाजार समित्या उद्या २७ ऑगस्ट रोजी एकदिवसीय बंद पुकारणार आहेत. द ग्रेन राइस अॅड ऑइल सीड मर्चंट असोसिएशन - ग्रोमा चे सचिव भिमजी भानुशाली यांनी आज ही माहिती दिली. अन्नधान्यावर वस्तू आणि सेवा कर - जीएसटी लागू करण्यात आल्याने बाजार समितीकडून आकारण्यात येणारा नियमन कर - सेस रद्द करण्यात यावा, जीएसटी कायदा सुटसुटीत करुण्यात यावा यासह इतर प्रलंबित मागण्यांसाठी हा बंद पुकारण्यात आला आहे. याबाबत आज उपमुख्यमंत्री देवेंद्र फडणवीस यांच्यासोबत दुपारी मुंबईत बैठक होणार असून, या बैठकीत उद्याच्या बंद बाबत निर्णय होणार असल्याचंही भानुशाली यांनी सांगितलं.

****

गणेशोत्सवापूर्वी मुंबई - गोवा महामार्ग रस्ते वाहतूकीसाठी तात्काळ सुरळीत करण्याच्या सूचना, केंद्रातील रस्ते वाहतूक आणि महामार्ग विभागाचे तांत्रीक सल्लागार बालासाहेब ठेंग यांनी संबंधितांना दिल्या आहेत. गणोशोत्सवाच्या काळात अनेक लोक या मार्गाने कोकणाकडे जातात, त्यांचा प्रवास सोयीचा व्हावा यासाठी हा मार्ग खड्डे मुक्त करुन त्याची दुरुस्ती केली जावी, असं निवेदन मुंबई उत्तर - पश्चिम लोकसभा मतदारसंघाचे खासदार रवि��द्र वायकर यांनी केंद्रीय मंत्री नितीन गडकरी यांना दिलं होतं, त्यानंतर या सूचना देण्यात आल्या आहेत.

****

राज्यात काल सर्वदूर पाऊस झाल्याने, अनेक जिल्ह्यात मुसळधार पावसामुळे नदी, नाले दुथडी भरून वाहत आहेत, तर विविध धरणांतून मोठ्या प्रमाणावर विसर्ग सुरू आहे.

छत्रपती संभाजीनगर जिल्ह्यातल्या पैठण इथल्या जायकवाडी धरणाची पाणीपातळी ४६ टक्क्यांवर गेली आहे. धरणात ९३ हजार ३३८ घनफूट प्रतिसेकंद वेगानं पाण्याची आवक सुरु आहे.

कोल्हापूर जिल्ह्यात गेले दोन दिवस सुरू असलेल्या अतिमुसळधार पावसामुळे राधानगरी धरण १०० टक्के भरलं असून, धरणाचे चार स्वयंचलित दरवाजे उघडले आहेत.

नाशिक शहरासह जिल्ह्यात मुसळधार पावसामुळे गोदावरी नदीला पुर आला आहे. गंगापूर, दारणा, नांदूर मध्यमेश्वर धरणातून विसर्ग सुरूच असून नदीकाठच्या नागरिकांना स्थलांतरित करण्यात येत आहे.

****

[vinodtawde]

चिंचवडचे आमदार लक्ष्मण जगताप यांच्या निधनाने पक्षाचे निष्ठावान आणि लढवय्ये नेते आज हरपले आहेत. आपल्या आजारपणातही कर्तव्यनिष्ठा प्रथम हे ध्येय त्यांनी जपले. राजकीय वर्तुळात त्यांची उणीव कायम जाणवत राहील. भावपूर्ण श्रद्धांजली.

[nashikfast]

भारत जोडो यात्रेत सेवादलाच्या कृष्णकुमार पांडेंचे ह्रदयविकाराच्या झटक्याने निधन

भारत जोडो यात्रेत सेवादलाच्या कृष्णकुमार पांडेंचे ह्रदयविकाराच्या झटक्याने निधन

नांदेड : भारत जोडो यात्रेच्या ६२ व्या दिवशी सकाळी एक दुःखद घटना घडली. सेवादलाचे राष्ट्रीय सरचिटणीस तसेच मध्यप्रदेश काँग्रेस सेवा दलाचे प्रभारी कृष्णकुमार पांडे यांचे हृदयविकाराच्या झटक्याने निधन झाले. पांडे यांच्या निधनाने काँग्रेसचा एक कट्टर कार्यकर्ता हरपला, अशा शब्दात अखिल भारतीय काँग्रेस कमिटीच्या मीडिया विभागाचे प्रमुख जयराम रमेश यांनी आपल्या भावना व्यक्त केल्या आहेत. पांडे यांच्या निधनाची…

[mhlivenews]

ज्येष्ठ रंगकर्मी राजाभाऊ मोरे यांच्या निधनाने हौशी रंगकर्मींचा आधारवड हरपला - सांस्कृतिक कार्य मंत्री सुधीर मुनगंटीवार

ज्येष्ठ रंगकर्मी राजाभाऊ मोरे यांच्या निधनाने हौशी रंगकर्मींचा आधारवड हरपला – सांस्कृतिक कार्य मंत्री सुधीर मुनगंटीवार

मुंबई, दि. 15 : अमरावती येथील ज्येष्ठ रंगकर्मी राजाभाऊ मोरे यांच्या निधनाने हौशी रंगकर्मींचा आधारवड हरपल्याची शोकभावना सांस्कृतिक कार्य मंत्री सुधीर मुनगंटीवार यांनी व्यक्त केली आहे. रंगदेवतेचा वास असलेल्या नाट्यगृहात त्यांनी अखेरचा श्वास घेतला. दिग्दर्शक, नेपथ्यकार म्हणून हौशी व प्रायोगिक रंगभूमीची दीर्घकाळ सेवा श्री.मोरे यांनी केली. अखिल भारतीय मराठी नाट्य परिषदेच्या अमरावती शाखेची स्थापना करून…

[bharatlivenewsmedia]

अपघात नव्हे, निसर्गाच्या प्रकोपाने घाटात मृत्यू; सुस्वभावी शिक्षकाच्या निधनाने शाळा हळहळली

https://bharatlive.news/?p=90083 अपघात नव्हे, निसर्गाच्या प्रकोपाने घाटात मृत्यू; सुस्वभावी शिक्षकाच्या ...