#टक्के मतदान

[airnews-arngbad]

Regional Marathi Text Bulletin, Chhatrapati Sambhajinagar

Date – 19 December 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – १९ डिसेंबर २०२४ सायंकाळी ६.१०

****

राज्यसभेचे सभापती जगदीप धनखड यांच्या विरोधातला अविश्वास प्रस्ताव उपसभापतींनी फेटाळला

मुख्यमंत्री लाडकी बहीण योजनेत डिसेंबरचा हप्ता हिवाळी अधिवेशन संपताच, बहिणींच्या खात्यात जमा केला जाईल-मुख्यमंत्र्यांची ग्वाही

कांदा निर्यातीवर लावलेले २० टक्के शुल्क तातडीनं रद्द करावं-उपमुख्यमंत्री अजित पवार यांची केंद्राकडे मागणी

आणि

चॅम्पियन्स ट्रॉफीचे सामने पाकिस्तान आणि तटस्थ ठिकाणी होणार असल्याचं आयसीसीकडून स्पष्ट

****

उपराष्ट्रपती तथा राज्यसभेचे सभापती जगदीप धनखड यांच्या विरोधातला अविश्वास प्रस्ताव उपसभापती हरिवंश यांनी फेटाळून लावला आहे. सभापतींची प्रतिष्ठा डागाळण्यासाठी अत्यंत घाईगडबडीत आणलेल्या या प्रस्तावात त्रुटी असल्याचं उपसभापतींनी सांगितलं. घटनात्मक संस्थांवर चिखलफेक करणं, हाच या प्रस्तावाचा उद्देश असल्याचं निरीक्षण उपसभापतींनी नोंदवलं आहे.

****

दरम्यान, केंद्रीय गृहमंत्री अमित शहा यांच्या बाबासाहेब आंबेडकर यांच्याबद्दलच्या वक्तव्यावरुन विरोधकांनी केलेल्या गदारोळामुळे संसदेच्या कामकाजात आजही व्यत्यय आला. लोकसभेचं कामकाज प्रथम दुपारी दोन वाजेपर्यंत आणि नंतर दिवसभरासाठी स्थगित झालं.

राज्यसभेतही कामकाज सुरु झाल्यावर विरोधकांनी या मुद्यावर दिलेला स्थगन प्रस्ताव सभापती जगदीप धनखड यांनी फेटाळला. त्यामुळे विरोधकांनी केलेल्या गदारोळामुळे सभागृहाचं कामकाज दोन वाजेपर्यंत तहकूब झालं. त्यानंतर कामकाज सुरू झाल्यावर सत्ताधारी पक्षाच्या फागनोक कोन्याक यांनी खासदार राहु�� गांधी यांच्या सदनाबाहेरच्या आक्षेपार्ह वर्तनाबाबत सभापतींकडे तक्रार केली. संसदीय कामकाज मंत्री किरेन रिजीजू यांनीही राहुल गांधी यांच्या वर्तनामुळे दोन खासदार पडून जखमी झाल्याचं सांगत, गांधी यांनी माफी मागावी, असं म्हटलं आहे.

****

दरम्यान, संसद भवन परिसरात सत्ताधारी आणि विरोधकांच्या वतीनं आज आंदोलन करण्यात आलं. डॉ. बाबासाहेब आंबडेकर यांचा काँग्रेसकडून होत असलेल्या अपमानाविरोधात भाजपाच्या खासदारांनी आंदोलन केलं, तर बाबासाहेबांबद्दल केंद्रीय गृहमंत्री अमित शहा यांनी केलेल्या वक्तव्याच्या निषेधार्थ इंडिया आघाडीच्या वतीनं मोर्चा काढण्यात आला.

****

मागच्या सरकारनं सुरू केलेल्या सर्व योजना आपलं सरकार सुरू ठेवणार असून, मुख्यमंत्री लाडकी बहीण योजनेत डिसेंबरचा हप्ता हिवाळी अधिवेशन संपताच, बहिणींच्या खात्यात जमा केला जाईल, असं मुख्यमंत्री देवेंद्र फडणवीस यांनी सांगितलं आहे. गेल्या अधिवेशनात राज्यपालांच्या अभिभाषणाच्या धन्यवाद प्रस्तावावरच्या चर्चेला मुख्यमंत्र्यांनी आज विधानसभेत उत्तर दिलं, त्यावेळी ते म्हणाले –

आज यानिमित्त या सभागृहाला आश्वस्त करू इच्छितो की, कोणतीही शंका मनात ठेवू नका. ही जी आश्वासनं आम्ही दिलेली आहेत, ज्या ज्या योजना आम्ही सुरू केलेल्या आहेत, एकही योजना आम्ही बंद होऊ देणार नाही. ज्या लाडक्या बहिणींनी महायुतीवर प्रेम दाखवलं, हे अधिवेशन संपल्याबरोबर डिसेंबर महिन्याचा हप्ता त्यांच्या खात्यामध्ये आम्ही टाकतो आहोत.

इलेक्ट्रॉनिक मतदान यंत्राबाबत विरोधकांचे सर्व आरोप खोडून काढतांना, सध्या ईव्हीएमसोबत कार्यरत असलेली व्हीव्हीपॅट यंत्रणा म्हणजे मतपत्रिकेवर मतदान घेतल्यासारखंच असल्याचं फडणवीस यांनी नमूद केलं. विविध पक्षांच्या नेत्यांनी मतदानाच्या टक्क्याबाबत, टपाली मतदानाबाबत, तसंच इतरही अनेक मुद्यांवर घेतलेल्या आक्षेपांचं मुख्यमंत्र्यांनी सविस्तर उदाहरणं देत निरसन केलं. जनतेनं दिलेला कौल विरोधकांनी स्वीकारावा, असं आवाहनही त्यांनी केलं

हे जे मॅनडेट जनतेने आम्हाला दिलेलं आहे, कृपया मॅनडेट स्वीकारा. जेव्हा तुम्ही मॅनडेट नाकारता, आमचा अपमान नाहीये. आम्हाला तर भारताच्या संविधानाने इथं बसवलंय. पण त्याचे संविधानाने ज्या लोकांना मतदान करण्याचा अधिकार दिलाय, त्याचा अपमान याठिकाणी करू नका ही माझी तुम्हाला विनंती आहे.

विधान परिषदेत उपमुख्यमंत्री एकनाथ शिंदे यांनी या चर्चेला उत्तर दिलं. महाराष्ट्राला सर्व आघाड्यांवर पहिल्या क्रमांकाचे राज्य करतानाच, विकसित भारताला विकसित महाराष्ट्राची भक्कम जोड द्यायची आहे. मागील अडीच वर्षात महाराष्ट्राच्या कायापालटाला सुरूवात झाली असून आता समृध्द महाराष्ट्र हे आमचं एकत्रित मिशन असल्याचं शिंदे म्हणाले. आम्ही तिप्पट वेगाने महाराष्ट्राला विकासमार्गावर नेऊ, अशी ग्वाही देतानांच, जनतेच्या विश्वासामुळे आमची जबाबदारी वाढली आहे. आता अधिक गतिमान आणि लोकाभिमुख कारभाराचं वचन देत असल्याचं, शिंदे यांनी नमूद केलं.

****

परभणी आणि बीड जिल्ह्यात झालेल्या घटना ह्या पुरोगामी महाराष्ट्राला तसंच संताच्या भूमीला कलंक लावणाऱ्या आहेत अशी टीका महाराष्ट्र प्रदेश काँग्रेस कमिटीचे अध्यक्ष नाना पटोले यांनी केली आहे. ते आज परभणी आणि बीड जिल्ह्यातील घटनेबाबत विधानसभेत बोलत होते. सोमनाथ सुर्यवंशी यांच्या मृत्यू प्रकरणी जबाबदार पोलिसांवर अद्याप कठोर कारवाई का केली नाही असा प्रश्न त्यांनी यावेळी विचारला.

****

विधान परिषदेचे सभापती म्हणून राम शिंदे यांची एकमताने निवड झाली. राम शिंदे यांची बिनविरोध निवड झाल्याचं उपसभापती नीलम गोऱ्हे यांनी जाहीर केलं. त्यानंतर मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार, विरोधी पक्षनेते अंबादास दानवे यांनी राम शिंदे यांचं स्वागत केल, तसंच त्यांना शुभेच्छा दिल्या.

****

विधानसभेत पुरवणी मागण्यांवर चर्चा झाली. फुलंब्रीच्या आमदार अनुराधा चव्हाण यांनी या चर्चेत सहभागी होत, आपल्या मतदार संघातल्या विविध रस्त्यांच्या कामाचे कार्यारंभ आदेश निघून पाच महिने उलटून गेल्यावरही कामाला प्रत्यक्ष सुरुवात झाली नसल्याकडे लक्ष वेधलं. विहित मुदतीत काम सुरू न करणाऱ्या कंत्राटदाराचं कंत्राट रद्द करण्याची मागणी त्यांनी केली.

****

धाराशिवच्या तुळजापूर तालुक्यातील नळदुर्ग परिसरातील कुरनूर मध्यम प्रकल्पातील ५५ वर्ष जुन्या पाणी वितरण व्यवस्थेच्या दुरुस्तीसाठी चालु हिवाळी अधिवेशनात १३ कोटी ९७ लाख रुपयांचा निधी उपलब्ध झाला आहे. ही दुरुस्ती झाल्यास, १० गावांतील तीन हजार ६४३ हेक्टर क्षेत्राला त्याचा लाभ होणार असल्याची माहिती तुळजापूरचे आमदार राणाजगजितसिंह पाटील यांनी दिली.

****

केंद्र सरकारनं कांदा निर्यातीवर लावलेले २० टक्के शुल्क तातडीनं रद्द करण्याची मागणी उपमुख्यमंत्री अजित पवार यांनी केली आहे. पवार यांनी केंद्रीय व्यापार आणि उद्योगमंत्री पियुष गोयल यांना पत्र लिहून ही मागणी केली. श्रीलंका सरकारनं कांद्यावरील आयातशुल्क २० टक्क्यांनी कमी करुन अधिकाधिक कांदा आयातीचे प्रयत्न सुरु केल्यानं नाशिकसह राज्यातील शेतकऱ्यांना त्यांचा लाल कांदा श्रीलंकेसह परदेशांत निर���यात करता यावा असं पवार यांनी आपल्या पत्रात म्हटलं आहे.

****

अल्पसंख्याक समाजानं आपल्या सर्वांगीण विकासासाठी केंद्र आणि राज्य शासनाच्या विविध योजनांचा लाभ घ्यावा, असं आवाहन छत्रपती संभाजीनगरच्या उपजिल्हाधिकारी संगिता राठोड यांनी केलं आहे. त्या काल जिल्हाधिकारी कार्यालयात अल्पसंख्याक अधिकार दिवस पार पडला त्यावेळी बोलत होत्या.

छत्रपती संभाजीनगर जिल्ह्यातील सर्व शासकीय कार्यालयात आज पासून ते येत्या मंगळवार पर्यंत सुशासन सप्ताह राबवण्यात येत आहे. या सुशासन सप्ताहात जनतेने सहभागी व्हावे असे आवाहन संगीता राठोड यांनी केलं आहे.

हा जो सप्ताह आहे तो केंद्र सरकारने साजरा करण्याच्या सूचना दिल्या आहेत या सप्ताह मध्ये ज्या काही सर्व सामान्य जनतेच्या -गोरगरिबांच्या ऑन लाईन आणि ऑफ लाईन दोन्ही प्रकारच्या तक्रारींचा निपटाला करायचा आहे मी आपल्या जिल्ह्यातील सर्व जनतेला आवाहन करते की आपण या सप्ताह मध्ये जास्तीत जास्त प्रमाणामध्ये आपल्या ज्या काही अडचणी असतील ज्या विभागाशी बंधित असतील त्या विभागाशी आपण संपर्क करावा.

****

हिंगोली जिल्ह्यात आजपासून २४ डिसेंबरदरम्यान सुशासन सप्ताह पाळला जात आहे. त्याअनुषंगाने जिल्हाधिकारी अभिनव गोयल यांनी नुकतेच जिल्ह्यातील सर्व विभागांना सुशासन सप्ताहा बाबत सूचना दिल्या आहेत. आज पहिल्याच दिवशी जिल्ह्यात विविध कार्यालयातर्फे नागरिकांची सनद वाचनाने या सप्ताहास प्रारंभ करण्यात आला. उद्या या अंतर्गत जिल्ह्यातील सर्व तहसील कार्यालयामार्फत सामाजिक सहाय्य योजनेचे प्रलंबित अर्ज निकाली काढण्यासाठी शिबिराचे आयोजन करण्यात येणार आहे.

****

क्रिकेट

आगामी चॅम्पियन्स ट्रॉफीचे सामने पाकिस्तान आणि तटस्थ ठिकाणी होणार असल्याचं आंतरराष्ट्रीय क्रिकेट परिषदेनं आज स्पष्ट केलं. फेब्रुवारी आणि मार्च महिन्यात होणाऱ्या चॅम्पियन्स ट्रॉफीत यजमान पाकिस्तानसह भारत, अफगाणिस्तान, ऑस्ट्रेलिया, बांग्लादेश, इंग्लंड, न्यूझीलंड आणि दक्षिण आफ्रिका क्रिकेट संघांचा समावेश आहे. स्पर्धेचं वेळापत्रक लवकरच जाहीर करण्यात येणार असल्याचं आयसीसीच्या प्रसिद्धीपत्रकात म्हटलं आहे. पाकिस्तान क्रिकेट संघानं २०१७ मध्ये चॅम्पियन्स ट्रॉफीचं विजेतेपद पटकावलं होतं.

****

छत्रपती संभाजीनगरच्या महावितरणने ऑनलाईन वीज बिल भरणाऱ्या ग्राहकांचा टक्का वाढवण्याच्या हेतूनं लकी डिजिटल ग्राहक योजना सुरू केली आहे. या योजनेसाठी ३१ मार्च २०२४ नंतर सलग तीन वेळा ऑनलाईन पद्धतीनं वीज बिल भरणा करणारे सर्व लघुदाब वीज ग्राहक पात्र ठरणार आहेत.

****

[darshanpolicetime1]

विधानसभा निवडणूक २०२४ मध्ये मतदात्यांचा वाढता टक्का; करवीर मतदारसंघात सर्वाधिक मतदान - महासंवाद

मुंबई, दि. २२: महाराष्ट्रात १५ ऑक्टोबर २०२४ रोजी आदर्श आचारसंहिता लागू होऊन २० नोव्हेंबर २०२४ रोजी महाराष्ट्र विधानसभा सार्वत्रिक निवडणूक 2024 करिता मतदान झाले. या निवडणुकीचे मुख्य वैशिष्ट्य म्हणजे महाराष्ट्रात मागील सुमारे 30 वर्षामध्ये या वर्षी सर्वांधिक 66.05 टक्के मतदान झाले. मागील पाच वर्षाच्या तुलनेत राज्याच्या मतदान टक्केवारीत सुमारे 5 टक्के वाढ झाली आहे. या वाढत्या मतदान टक्केवारीस…

[nagarchaufer]

भाजपच्या कार्यकर्त्यांचा स्ट्रॉंग रूममध्ये घुसण्याचा प्रयत्न ? , नगर जिल्ह्यातील ‘ ह्या ‘ मतदारसंघातील मविआ उमेदवाराचा आरोप 

महाराष्ट्र विधानसभा निवडणुकीसाठी झालेल्या मतदानाची आकडेवारी अखेर निवडणूक आयोगाने काल जाहीर केलेली असून राज्यात पाच वाजेपर्यंत 58.22 टक्के मतदान झालं होतं त्यानंतर आश्चर्यकारकरित्या मतदानाची शेवटपर्यंतची टक्केवारी ही 65.11 जाहीर करण्यात आली आहे. वाढीव मतदान हे नक्की कुणाच्या फायद्यात पडले हे उद्या निकाल आल्यानंतर स्पष्ट होणार आहे.  2019 च्या निवडणुकीत एकूण मतदानाची टक्केवारी ही 61.6%इतकी होती…

[nashikfast]

नाशिकमध्ये ६१ तर दिंडोरीत ६२.६६ टक्के मतदान!

नाशिक (प्रतिनिधी): लोकसभा निवडणुकीत नाशिक व दिंडोरी या दोन्ही मतदारसंघांत किरकोळ वाद वगळता लोकशाहीचा मतोत्सव शांततेत पार पडला. शहरासह ग्रामीण भागात तळपत्या उन्हात मतदानासाठी मतदारांमध्ये अभूतपूर्व उत्साह दिसून आला. रात्री ११ वाजता प्राप्त माहितीनुसार, नाशिकमध्ये ६१ व दिंडोरीत ६२.६६ टक्के मतदान झाल्याची नोंद करण्यात आली. उशिरापावेतो मतदान प्रक्रिया सुरू असल्यामुळे अंतिम टक्केवारीत वाढ होण्याची…

[imranjalna]

जालना लोकसभा मतदारसंघात 69.18 टक्के मतदान

69.18 percent polling in Jalna Lok Sabha constituency जालना, दि. 14 (जिमाका) :- लोकसभा सार्वत्रिक निवडणूकीसाठी जालना लोकसभा मतदारसंघात 13 मे रोजी उत्साहात मतदान पार पडले. एकूण 69.18 टक्के मतदान झाले. जिल्हा प्रशासनाने मतदार जनजागृतीसाठी राबविलेल्या विविध उपक्रमांना प्रतिसाद देत प्रशासनाच्या आवाहनाला दाद देऊन मतदारांनी उर्त्स्फूतपणे मतदान केले.सोमवार, दिनांक 13 मे 2024 रोजी जालना लोकसभा…

[marmikmaharashtra]

https://marmikmaharashtra.com/hingoli-lok-sabha-the-reason-for-the-drop-in-voting-percentage-is/

[bharatlivenewsmedia]

नांदेड : कंधार कृषी उत्पन्न बाजार समिती निवडणुक; विक्रमी ९४.६९ टक्के मतदान

https://bharatlive.news/?p=132861 नांदेड : कंधार कृषी उत्पन्न बाजार समिती निवडणुक; विक्रमी ९४.६९ टक्के ...

[rebel-bulletin]

गोंदिया जिल्हा परिषदेसाठी ६९.६९ टक्के मतदान | जिपसाठी 243 व पंससाठी 388 उमेदवारांचे भाग्य मतपेटीत बंद

गोंदिया जिल्हा परिषदेसाठी ६९.६९ टक्के मतदान | जिपसाठी 243 व पंससाठी 388 उमेदवारांचे भाग्य मतपेटीत बंद

गोंदिया, दि.22 : ओबीसी प्रवर्गाच्या जागा वगळून गोंदिया जिल्हा परिषदेच्या ४३, पंचायत समितीच्या ८६ आणि नगरपंचायतच्या ४५ जागांसाठी मंगळवारी (दि.२१) मतदान घेण्यात आले. यात जिल्हा परिषदेसाठी ६९.६९ टक्के मतदान झाले आहे. निवडणूक विभाग प्रसारमाध्यमांना मतदानाच्या दिवशी रात्री उशीरापर्यंत 3 वाजेपर्यंत झालेल्या मतदानाचेही आकडेवारी देऊ शकले नाही, यावरुन प्रशासनाची संथगती आणि नियोजन व्यवस्थित नसल्याचे पुन्हा…

[mhlivenews]

अंधेरी पूर्व मतदारसंघात राबविलेल्या 'घरुन मतदान' उपक्रमात नोंदणीकृत ज्येष्ठ मतदारांपैकी ९१ टक्के मतदारांचे मतदान

अंधेरी पूर्व मतदारसंघात राबविलेल्या ‘घरुन मतदान’ उपक्रमात नोंदणीकृत ज्येष्ठ मतदारांपैकी ९१ टक्के मतदारांचे मतदान

मुंबई उपनगर, दि. ४ : भारत निवडणूक आयोगाच्या निर्देशांनुसार व मुंबई उपनगर जिल्ह्याच्या जिल्हा निवडणूक अधिकारी तथा जिल्हाधिकारी श्रीमती निधी चौधरी यांच्या मार्गदर्शनानुसार राबविण्यात आलेल्या ‘घरून मतदान’ या उपक्रमांतर्गत ‘अंधेरी पूर्व’ मतदार संघातील ४३० मतदारांनी सहमती दर्शवली होती‌. यापैकी तब्बल ९१ टक्के मतदारांनी म्हणजेच ३९२ मतदारांनी घरून मतदान करून आपले लोकशाहीविषयक कर्तव्य पार पाडले आहे, अशी…

[airnews-arngbad]

Regional Marathi Text Bulletin, Chhatrapati Sambhajinagar Date 11 December 2024 Time 11.00 to 11.05 AM Language Marathi आकाशवाणी छत्रपती संभाजीनगर प्रादेशिक बातम्या दिनांक: ११ डिसेंबर २०२४ सकाळी ११.०० वाजता.

सातव्या स्मार्ट इंडिया हॅकेथॉनचं केंद्रीय शिक्षणमंत्री धर्मेंद्र प्रधान यांच्या हस्ते दूरदृश्य प्रणालीच्या माध्यमातून उद्घाटन झालं. देशभरात ५१ केंद्रांवर होत असलेल्या या स्पर्धेत ८६ हजाराहून अधिक संघ सहभागी होत आहेत. यात महाराष्ट्राल्या मुंबई, पुणे, नागपूर आणि कोल्हापूर या केंद्रांचाही समावेश आहे. यानिमित्त पंतप्रधान नरेंद्र मोदी आज या विद्यार्थ्यांशी संवाद साधणार आहेत. य��दाच्या हॅकेथॉनमध्ये संस्था स्तरावर दीडशे टक्के वाढ नोंदवली गेली आहे. नागपूरच्या हिंगणा इथं जी एच रायसोनी अभियांत्रिकी महाविद्यालयातही हॅकेथॉनची सुरुवात झाली. इन्फोसिसचे वरिष्ठ टेक्निकल आर्किटेक्ट शिव सोनी यावेळी प्रमुख पाहुणे म्हणून उपस्थित होते. या स्पर्धेमधून भारत तंत्रज्��ान क्षेत्रात जगाला मार्गदर्शन करणार असल्याचं ते म्हणाले. दैनंदिन व्यवहारातल्या गंभीर समस्यांचं निराकरण करण्यासाठी विद्यार्थ्यांना मंच उपलब्ध करून देणं, विद्यार्थ्यांमध्ये संशोधन आणि समस्या सोडवण्याची संस्कृती विकसित करणं, हा या उपक्रमाचा उद्देश्य आहे. सकाळी आठ ते रात्री आठ पर्यंत चालणाऱ्या या स्पर्धेमध्ये सॉफ्टवेअर विकसित करणाऱ्या विद्यार्थ्यांच्या संघ केंद्रीय सूक्ष्म, लघु आणि मध्यम मंत्रालयाच्या प्रॉब्लेम स्टेटमेंट वर सॉफ्टवेअर विकसित करणार आहेत.

राष्ट्रपती द्रौपदी मुर्मू यांच्या हस्ते आज राष्ट्रीय पंचायत पुरस्कार २०२४चं वितरण होणार आहे. यावर्षी विविध श्रेणींमध्ये एकूण ४५ पुरस्कार विजेत्यांची निवड करण्यात आली असून यामध्ये राज्यातल्या सहा पंचायतींचा समावेश आहे.

विद्यापीठ अनुदान आयोग - युजीसीनं पुढील वर्षीपासून पदवीपूर्व प्रवेशासाठी घेण्यात येणारी सी यु ई टी - युजी या सामायिक विद्यापीठ प्रवेश परिक्षेत अनेक बदल केले आहेत. आयोगाचे अध्यक्ष एम जगदेश कुमार यांनी काल यासंदर्भात माहिती दिली. पुढच्या वर्षीपासून सीयुईटी - युजी साठी इयत्ता बारावीमध्ये कोणत्याही विषयामध्ये शिकत असलेल्या विद्यार्थ्याला ही परिक्षा देता येईल. यापूर्वी विज्ञान शाखेतल्या अनिवार्य विषयांसह ही परिक्षा देता येत होती. वर्ष २०२५ पासून ही परीक्षा, फक्त सी बी टी अर्थात संगणक आधारित चाचणी स्वरूपात घेण्यात येईल, परीक्षेचा कालावधी एक तासाचा राहील आणि सर्व प्रश्न अनिवार्य असतील. पूर्वीसारखे पर्यायी प्रश्न दिले जाणार नाहीत. या अगोदर ३७ विषयांच्या परीक्षा घेतल्या जात होत्या, आता ६३ विषयांच्या परीक्षा घेतल्या जातील. विद्यार्थ्यांना जास्तीतजास्त पाच विषयांची निवड करता येईल. पूर्वी विद्यार्थ्यांना ६ विषयांची निवड करता येत होती.

देशभरातल्या विद्यापीठांमध्ये शिक्षण घेणार्यांना जगभरातल्या प्रकाशकांनी प्रकाशित केलेलं साहित्य एकाच ठिकाणी उपलब्ध करुन देण्याच्या उद्देशानं एक देश एक सदस्यता योजनेची सुरुवात येत्या एक जानेवारीपासून होणार आहे. केंद्र सरकारचे प्रमुख वैज्ञानिक सल्लागार ए के सुद यांनी आकाशवाणीला ही माहिती दिली. ३० अग्रगण्य संशोधन प्रकाशक संस्थांकडील साहित्य या माध्यमातून उपलब्ध होणार आहे.

प्रशासन अधिक पारदर्शी आणि नागरिकाभिमुख व्हावं याकरता पंतप्रधान नरेंद्र मोदी यांच्या नेतृत्वाखाली गेल्या १० वर्षात विशेष प्रयत्न झाले, असं केंद्रीय मंत्री जितेंद्र ��िंग यांनी म्हटलं आहे. केंद्रीय माहिती आयोगाच्या १६व्या वार्षिक संमोलनात ते काल बोलत होते. गेल्या १० वर्षात माहिती अधिकार अर्जांमधे वाढ झाली असून, ती प्रशासनाची पारदर्शकता, तक्रारनिवारणातली तत्परता आणि नागरिकांचा विश्वास दर्शवते असं ते म्हणाले.

राज्य विधानसभा निवडणुकीत व्हिव्हीपॅट पडताळणीबाबत सर्व प्रक्रियेचं तंतोतंत पालन केल्याचं, निवडणूक आयोगानं स्पष्ट केलं आहे. २३ नोव्हेंबर रोजी मतमोजणीवेळी २८८ मतदारसंघातल्या १ हजार ४४० व्हिव्हीपॅट युनिटची मोजणी करण्यात आली. यावेळी व्हीव्हीपॅट आणि मतदान यंत्रातली एकूण मतं, यामध्ये कुठलीही तफावत आढळून आली नाही, असं आयोगानं जारी केलेल्या पत्रकात स्पष्ट करण्यात आलं आहे.

थकीत मालमत्ता कर वसूल करण्यासाठी लातूर महापालिकेने धडक मोहीम हाती घेतली आहे. याअंतर्गत काल झोन ए मध्ये दोन गाळे सील करण्यात आले, तर काही नळ जोडण्या खंडित करण्यात आल्या. छत्रपती संभाजीनगर महापालिकेनेही एक लाख रुपयांपेक्षा अधिक थकीत मालमत्ता कर वसुलीसाठी कारवाई मोहीम सुरू केली. पाच मालमत्तांवर काल कारवाई करण्यात आली, यापैकी तीन मालमत्ता धारकांनी तत्काळ थकबाकीचे धनादेश जमा केल्याचं वृत्त आहे.

छत्रपती संभाजीनगर जिल्ह्यात जिल्हा परिषद शाळांचं सौंदर्यीकरण ‘मिशन मोड’ वर राबवावं, असे निर्देश जिल्हाधिकारी दिलीप स्वामी यांनी दिले आहे. ते काल याबाबतच्या बैठकीत बोलत होते. येत्या २५ ते ३० डिसेंबर दरम्यान तालुकास्तरावर बैठका घेऊन नियोजन करण्याची सूचना त्यांनी केली.

सैनिक कल्याणासाठी उभारल्या जाणाऱ्या ध्वजदिन निधी संकलन-२०२४ चा शुभारंभ परभणी इथं जिल्हाधिकारी रघुनाथ गावडे यांच्या हस्ते करण्यात आला.

[darshanpolicetime1]

विधानसभा सार्वत्रिक निवडणूक २०२४ साठी राज्यात सायंकाळी ६ वाजेपर्यंत ६५.११ टक्के मतदान - महासंवाद

मुंबई, दि. २० : विधानसभा सार्वत्रिक निवडणूक २०२४ साठी राज्यात सायंकाळी ६ वाजेपर्यंत राज्यात सरासरी ६५.११ टक्के मतदान झाले आहे. राज्यातील जिल्हानिहाय मतदानाची टक्केवारी पुढीलप्रमाणे : अहमदनगर – ७१.७३ टक्के, अकोला – ६४.९८ टक्के, अमरावती – ६५.५७  टक्के, औरंगाबाद- ६८.८९ टक्के, बीड – ६७.७९ टक्के, भंडारा – ६९.४२ टक्के, बुलढाणा – ७०.३२ टक्के, चंद्रपूर- ७१.२७ टक्के, धुळे…

[nagarchaufer]

नगर जिल्ह्यात कोणत्या मतदारसंघात मतमोजणीच्या किती फेऱ्या ? ,  बारा मतदारसंघाची माहिती

नगर जिल्ह्यात कोणत्या मतदारसंघात मतमोजणीच्या किती फेऱ्या ? ,  बारा मतदारसंघाची माहिती

महाराष्ट्र विधानसभा निवडणुकीसाठी झालेल्या मतदानाची आकडेवारी अखेर निवडणूक आयोगाने काल जाहीर केलेली असून राज्यात पाच वाजेपर्यंत 58.22 टक्के मतदान झालं होतं त्यानंतर आश्चर्यकारकरित्या मतदानाची शेवटपर्यंतची टक्केवारी ही 65.11 जाहीर करण्यात आली आहे. वाढीव मतदान हे नक्की कुणाच्या फायद्यात पडले हे उद्या निकाल आल्यानंतर स्पष्ट होणार आहे.  2019 च्या निवडणुकीत एकूण मतदानाची टक्केवारी ही 61.6%इतकी होती…

[marathinewslive]

जवळपास निम्म्या कुटुंबांना यंत्र दुरुस्तीचा खर्च जास्त वाटतो: सर्वेक्षण

जवळपास निम्म्या कुटुंबांना यंत्र दुरुस्तीचा खर्च जास्त वाटतो: सर्वेक्षण

मतदान केलेल्या सुमारे 38 टक्के कुटुंबांकडे लॅपटॉप आणि मोबाईल फोन यांसारख्या तीनपेक्षा जास्त गॅझेट्स आहेत ज्यांना दुरुस्तीची आवश्यकता आहे, परंतु जवळपास निम्म्या प्रतिसादकर्त्यांना दुरुस्तीचा खर्च निषेधार्ह वाटला, असे ऑनलाइन प्लॅटफॉर्म लोकलसर्कलच्या अहवालात म्हटले आहे. “एकूण आधारावर, 43 टक्के भारतीय कुटुंबांकडे तीन किंवा त्यापेक्षा जास्त-पाच वर्षांपेक्षा कमी जुनी उपकरणे आहेत जसे की लॅपटॉप आणि…

[imranjalna]

जालना लोकसभा मतदारसंघात 6 वाजेपर्यंत 65.66 टक्के मतदान*

Jalna loksabha 65.66 Jalna  59.5 Badnapur 69 Bhojardan 68.66 Sillod 64 Paithan 66 Fulambri 67.6

[marmikmaharashtra]

https://marmikmaharashtra.com/63-percent-polling-in-hingoli-lok-sabha-constituency-highest-polling-in-kinwat-and-lowest-in-hingoli/