#चढएक

[nepal123]

मानव तस्करले जबरजस्ती २ सय ४० आप्रवासीलाई चढाएको डुंगा डुब्यो, ५ जनाको शन निकालियो एजेन्सी । भूमध्यसागर हुँदै युरोप प्रवेश गर्न खोज्ने २ सय ४० जना आप्रवासी चढेको डुंगा समुद्रमा डुब्दा पाँच जनाको शव निकालिएको छ भने अन्य अवस्था अज्ञात छ । स्पेनको प्रोएक्टिवा ओपन आम्र्स नामक एक सहायता दलले लिबियाको तटीय क्षेत्रमा आप्रवासी चढेको टुंगा डुबेको जनाएपछि उद्धारको काम सुरु गरिएको हो । बिबिसीका अनुसार मानव तस्करले डुंगामा क्षमताभन्दा बढी आप्रवासीलाई चढाएर युरोप प्रवेश गराउन खोज्दा दुर्घटना निम्तिएको हो । युरोप प्रवेश गर्न खोज्ने आप्रवासीहरु चढेको ढुंगा दुर्घटना भएको यो पहिलो पटक होइन । यसअगाडी अघिल्लो वर्ष मात्रै ५ हजार बढी आप्रवासीहरुले यस्तै जोखिमयुक्त यात्राका क्रममा ज्यान गुमाईसकेका छन् ।