#गेल्याने

[ashokjagharkar]

ll वानप्रस्थ ll : ३२

चहा पिऊन झाल्यावर विशाल आणि विवेक लगेच निघाले. अनंत आणि सबनीसांना उद्देशून विशाल म्हणाला, "काका, आम्ही येऊं आतां? दुकानांत एक मदतनीस आहे कामांत मदत करायला;-- पण त्याच्यावर जास्त वेळ सगळं काम टाकणं बरोबर नाहीं!" "अनंतराव, आपणही आतां चलायचं कां?" त्यांच्या पाठोपाठ सबनीसांनी सूतोवाच केलं,"या दोघांचीही धंद्याच्या टायमाला आपण आणखी किती खोटी करायची?" "काका, बसा हो जरा निवांत!आतां या टायमाला गिऱ्हाईकांची वर्दळ नसल्याचं तुम्ही बघतांय् की! रोज सकाळी १० नंतर दुपारी जेवायच्या वेळेपर्यंत आम्हांलाही थोडी फुरसत भेटते" ऊठूं पाहणाऱ्या सबनीसांना खाली बसायचा आग्रह करीत केदार म्हणाला. त्याला दुजोरा देत एकनाथ सांगू लागला," मग मात्र साधारणतः ३ वाजेपर्यंत गिऱ्हाईक भरपूर येतं! त्यानंतर एकदां ५ वाजले की पुन्हा गर्दी होऊं लागते ती अगदी रात्री ८-८.३० वाजतां आम्ही स्टाॅल बंद करीपर्यंत!" " म्हणजे तुम्ही स्टाॅल बंद करतां रात्री ८-८.३० वाजतां?" सबनीसांनी कांहीशा आश्चर्याने विचारलं, " मी तर ऐकून आहे की खवय्यांची गर्दी रात्री अगदी १०-१०.३० पर्यंत असते!" "अहो काका, मी रात्री १० पर्यंत स्टाॅल चालवायचा ठरवलं तर माझी बायको मला घरांत तरी घेईल का?" केदार चेष्टेच्या सूरांत म्हणाला, 'झोपण्यापुरता तरी कशाला घरी येतोस? स्टाॅलवरच झोप' म्हणत घराचं दार माझ्या थोबाडावर बंद करील ती!" "चेष्टा राहूं दे!", एकनाथ म्हणाला, " पण काका, आम्ही सकाळी ७ वाजतां स्टाॅल उघडतो तो दिवसभर चालुं असतो! त्यामुळे रात्री ८ /८.३० पर्यंत इतकं थकायला होतं की पुढे आणखी उशिरापर्यंत स्टाॅल सुरु ठेवणं शक्यच नाहीं!"

आतांपर्यंत सगळं संभाषण शांतपणे ऐकत असलेला अनंत म्हणाला, "माफ करा, पण तुमच्या खाजगी आयुष्यात मी नाक खूपसतोय असं वाटत नसेल तर माझ्या कांही प्रश्नांची उत्तरं द��याल?" केदार आणि एकनाथने एकमेकांकडे बघत होकारार्थी मान हलवली तेव्हां अनंतने विचारलं, " एकुण परिस्थिती बघतां हा स्टाॅलच तुम्हां दोघांच्या उपजीविकेचं साधन असावं! म्हणजे यातून मिळणाऱ्या उत्पन्नावरच तुमची दोघांचीही कुटुंबं अवलंबून असतील ना?" दोघांनीही पुन्हा होकारार्थी मान हलवली;-- तथापि अनंतचा रोख कशाकडे आहे याचा अंदाज न आल्याचा गोंधळ त्यांच्या चेहऱ्यांवर स्पष्ट दिसत होता. तो दूर करण्यासाठी अनंत म्हणाला, "म्हणजे थोडक्यात, यातून जास्तीत जास्त नफा कसा होईल याचा विचार तुम्ही करीत असाल ना?" "नक्कीच!" अनंतचा रोख लक्षांत आल्याने कांहीसा हुरूप येऊन केदार म्हणाला," सुरुवातीला ६ महिने जेमतेम स्टाॅलच्या भाड्यापुरते पैसे सुटत होते;-- पण मग हळुहळू धंदा वाढत चालला, तसा नफाही चांगला होऊं लागला!" "खोटं कशाला बोलूं, काका?" एकनाथ म्हणाला, "देवाच्या दयेनं गेलं वर्षभर आम्हांला केलेल्या कष्टांचं चांगलं फळ मिळत आहे! त्यामुळे आतां पूर्वीचं कर्जही थोडं थोडं करून फेडतां येतंय्!" "म्हणजे?" सबनीसांनी आश्चर्याने विचारलं, "अरे, कुुठल्या कर्जाच्या गोष्टी करताय् तुम्ही?"

"काका, ती चित्तरकथा खुप मोठी आहे! थोडक्यात सांगायचं तर एकाच मोटारसायकल दुरुस्तीच्या गराजमधे काम करीत असतांना माझी आणि एकनाथची दोस्ती झाली. राहायलाही आम्ही एकाच वस्तीमधे होतो. घरी समजावून सांगणारं वा धाक दाखवणारं कुणी नसल्याने शाळेत जाण्याच्या वयांत आम्ही उंडारक्याच केल्या! शिक्षण नाही, मग चांगली नोकरी तरी कोण देणार होतं?" गत दिवसांच्या वाईट आठवणींनी केदारचा घसा दाटून आला! "पण असंच चोरून-मारून कुणाच्या तरी बाईक्स चालवायच्या छंदापायीं आम्हांला सगळ्या गाड्यांची माहिती झाली होती, दुरुस्तीची छोटी-मोठी कांमंही शिकलो होतो! त्यांतूनच मग पुढे गराजमधे काम लागलं, हात सरावले आणि पोटापुरते पैसेही मिळायला लागले! पण सगळं सुरळीत चाललं असतांना अचानक करोनाची साथ आली ;-- आणि हळुहळू गराजमधे येणारं काम कमी-कमी होत शेवटी गराज बंदच झालं!" "अचानक नोकरी गेल्याने घरांत सगळ्यांची उपासमार होऊं लागली! खुप वणवण केली, पण कांही काम भेटेना! भाजी विकण्यापासून ते हमालीपर्यंत काय-काय नाहीं केलं, पण पोटापुरतेही पैसे मिळत नव्हते! जे मिळेल ते घरीं देऊन कधी कधी नुसत्या चहा-पावावर दिवस काढले आहेत!" आवंढा गिळत केदार म्हणाला,"असेच एकदां कुठल्याशा स्टाॅलवर ��क चहा दोघांत पीत असतांना माझ्या आणि एकनाथच्या मनांत विचार आला की सतराशे साठ ठिकाणी कामधंदा शोधीत फिरण्याऐवजी असाच स्टाॅल आपण टाकला तर?"

१६ फेेब्रुवारी २०२३

[airnews-arngbad]

Regional Marathi Text Bulletin, Chhatrapati Sambhajinagar

Date – 29 November 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – २९ नोव्हेंबर २०२४ सायंकाळी ६.१०

****

पर्यटन स्थळांचा जागतिक मानकांनुसार विकास करण्यासाठी केंद्र सरकारकडून तीन हजार ३०० कोटी रुपयांच्या ४० योजनांना मंजुरी

संसदेच्या हिवाळी अधिवेशनात विरोधी पक्षांच्या गदारोळामुळे दोन्ही सदनांचं कामकाज आजही बाधित

गोंदिया जिल्ह्यात शिवशाही बसला भीषण अपघात-११ प्रवासी ठार तर ३३ प्रवासी जखमी

आणि

गदिमा प्रतिष्ठानच्या पुरस्कारांची घोषणा;आशा काळे यांना गदिमा पुरस्कार, तर अभिनेत्री प्रिया बेर्डे यांना गृहिणी सखी सचिव पुरस्कार जाहीर

****

देशातल्या प्रसिद्ध पर्यटन स्थळांचा जागतिक मानकांनुसार विकास करण्यासाठी केंद्र सरकारने सुमारे तीन हजार ३०० कोटी रुपयांच्या ४० योजनांना मं���ुरी दिली आहे. २३ राज्यातल्या या योजनांसाठी देण्यात येणाऱ्या विशेष आर्थिक मदतीवर पुढची ५० वर्षं कोणतंही व्याज आकारलं जाणार नाही, असं याबाबतच्या वृत्तात म्हटलं आहे. यामध्ये सिंधुदुर्ग जिल्ह्यात जलसंग्रहालय तसंच कृत्रिम प्रवाळ निर्मिती प्रकल्पासाठी ४६ कोटी रुपये, तर नाशिक इथं रामकाल मार्गासाठी ९९ कोटी रुपये मंजूर करण्यात आले आहेत. पर्यटनामध्ये अनेकांच्या जीवनात समृद्धी आणण्याची क्षमता असून, सरकार देशात पर्यटन पायाभूत सुविधा वाढवण्यावर भर देत राहील, असं पंतप्रधान नरेंद्र मोदी यांनी समाज माध्यमावरच्या संदेशात म्हटलं आहे.

****

संसदेच्या हिवाळी अधिवेशनात विरोधी पक्षांच्या गदारोळामुळे दोन्ही सदनांचं कामकाज आजही बाधित झालं. लोकसभेत कामकाज सुरु होताच एका खासगी उद्योग समूहाच्या कथित लाचप्रकरणाच्या मुद्यावर काँग्रेस, द्रविड मुनेत्र कळघम, समाजवादी पक्षासह विरोधी पक्षाच्या इतर सदस्यांनी घोषणाबाजी सुरू केली. अध्यक्ष ओम बिर्ला यांनी गोंधळातच प्रश्नोत्तराचा तास पुकारला. मात्र गदारोळ वाढतच गेल्याने सदनाचं कामकाज एका तासासाठी स्थगित करावं लागलं, कामकाज पुन्हा सुरु झाल्यावर, तालिका अध्यक्षांनी, सरकार चर्चेसाठी तयार असून, नियोजित कामकाज झाल्यावर चर्चा होईल, असं सांगितलं. मात्र गदारोळ वाढतच गेल्यानं स��नाचं कामकाज दिवसभरासाठी स्थगित झालं.

राज्यसभेतही विरोधी पक्षांची चर्चेची मागणी फेटाळून लावत सभापती जगदीप धनखड यांनी कामकाज सुरु ठेवण्याचा प्रयत्न केला. धनखड यांनी सदनातल्या या सततच्या व्यत्ययाबद्दल चिंता व्यक्त करत, सदस्य चुकीचा पायंडा पाडत असल्याचं नमूद केलं. त्यानंतरही गदारोळ वाढत गेल्यानं, राज्यसभेचं कामकाजही दिवसभरासाठी स्थगित झालं.

****

पंतप्रधान नरेंद्र मोदी आजपासून तीन दिवसांच्या ओडिशा दौऱ्यावर आहेत. भुवनेश्वर इथं होत असलेल्या पोलिस महासंचालक आणि पोलिस महानिरीक्षकांच्या अखिल भारतीय परिषदेला ते उपस्थित राहणार आहेत. सर्व राज्य आणि केंद्रशासित प्रदेशांचे पोलीस महासंचालक, तसंच केंद्रीय राखीव पोलिस बल, रॉ, राष्ट्रीय सुरक्षा दल - एनएसजी, गुप्तचर विभाग आणि विशेष सुरक्षा दल - एसपीजीचे प्रमुख या परिषदेला उपस्थित राहणार आहेत. या परिषदेत अंतर्गत सुरक्षा, सायबर क्राईम, माओवाद, एआय टूल्समुळे निर्माण होणारी आव्हानं, ड्रोनचे नवीन धोके आणि दहशतवादाचा सामना यासारख्या महत्त्वाच्या मुद्यांवर चर्चा होणार आहे.

****

पदवी अभ्यासक्रमाला प्रवेशित असणाऱ्या विद्यार्थांना त्यांचा पदवी अभ्यासक्रमाचा कालावधी कमी किंवा अधिक करता यावा यासाठी विद्यापीठ अनुदान आयोग - युजीसी पर्याय उपलब्ध करुन देणार आहे. या संदर्भातल्या प्रकियेसाठी नुकतीच यूजीसीने मान्यता दिली. यासाठी पदवी अभ्यासक्रमाला असणाऱ्या विद्यार्थांना त्यांच्या प्रत्येक सेमिस्टर मध्ये अधिक गुण घेऊन कमी कालावधीत तीन किंवा चार वर्षांचा अभ्यासक्रम पूर्ण करता येईल, असं आयोगाचे अध्यक्ष जगदीश कुमार यांनी सांगितलं.

****

भारतीय जनता पक्षाचे आमदार गोपीचंद पडळकर आणि सदाभाऊ खोत यांच्या नेत्रृत्वात आज मुंबईत ईव्हीएम- मतदानयंत्राच्या समर्थनार्थ आंदोलन करण्यात आलं. विधानसभा निवडणुकीतल्या पराभवाचं खापर विरोधक ईव्हीएमवर फोडत असल्याची प्रतिक्रिया सदाभाऊ खोत यांनी दिली. काँग्रेस पक्षानंही ईव्हीएम आणि एकूणच मतदान प्रक्रियेवर शंका व्यक्त केली आहे.

काँग्रेसचे हे आरोप हास्यास्पद असल्याची टीका भाजप नेते सुधीर मुनगंटीवार यांनी केली आहे. ते आज मुंबई इथं माध्यमांशी बोलत होते. ईव्हीएमविरोधात आंदोलनाचा इशारा देण्यापूर्वी महाराष्ट्रासह देशभरातील विविध निवडणुकांत विजयी झालेल्या काँग्रेस लोकप्रतिनिधींनी राजीनामा द्यायला हवा. त्यानंतरच, काँग्रेस नेते ईव्हीएमबाबत गंभीर असल्याचं मानलं जाईल, असं मुनगंटीवार म्हणाले. देशात ईव्हीएमवर निवडणुका घेण्याचा निर्णय काँग्रेस सरकारच्या का��ात झाला, ईव्हीएमची खरेदीही काँग्रेस सरकारच्या काळातच झाल्याकडे मुनगंटीवार यांनी लक्ष वेधलं.

दरम्यान, राज्यात नव्या सरकारचा शपथविधी लवकरात लवकर होईल, असं मुनगंटीवार यांनी सांगितलं आहे.

****

गोंदिया जिल्ह्यात आज शिवशाही बसला भीषण अपघात होऊन ११ प्रवाशांचा मृत्यू झाला तर ३३ प्रवासी जखमी झाले. भंडारा -गोंदिया मार्गावरच्या बिंद्रावन टोला गावाजवळ चालकाचं नियंत्रण सुटल्याने बस रस्त्याच्या बाजूला जाऊन उलटली. दरम्यान, या अपघातातल्या मृतांच्या नातेवाईकांना राज्य परिवहन महामंडळाच्या वतीने प्रत्येकी १० लाख रुपयांची मदत दिली जाईल, अशी घोषणा राज्याचे काळजीवाहू मुख्यमंत्री एकनाथ शिंदे यांनी केली आहे. अपघातातील जखमींवर शासकीय खर्चाने तातडीने उपचार देण्यात यावेत, अशी सूचना गोंदियाच्या जिल्हाधिकाऱ्यांना केली आहे.

पंतप्रधान नरेंद्र मोदी यांनीही या अपघाताबद्दल दु:ख व्यक्त केलं आहे. अपघातात मृतांच्या वारसाला प्रत्येकी दोन लाख रुपये तर जखमींना प्रत्येकी ५० हजार रुपये मदत, त्यांनी जाहीर केली आहे.

****

गदिमा प्रतिष्ठानचे विविध पुरस्कार आज जाहीर झाले. कार्यकारी विश्वस्त आनंद माडगूळकर यांनी आज पुणे इथं पत्रकार परिषदेत याबाबत अधिक माहिती दिली. ज्येष्ठ अभिनेत्री आशा काळे यांना यंदाचा गदिमा पुरस्कार, तर अभिनेत्री प्रिया लक्ष्मीकांत बेर्डे यांना गदिमांच्या पत्नी विद्याताई माडगूळकर यांच्या स्मृतिप्रीत्यर्थ दिला जाणारा गृहिणी सखी सचिव पुरस्कार देण्यात येणार आहे. प्रसिद्ध कथा, पटकथा, संवाद लेखक आणि गीतकार क्षितीज पटवर्धन यांना यंदाचा चैत्रबन पुरस्कार, तर प्रसिद्ध गायिका मनीषा निश्चल यांना विद्या प्रज्ञा पुरस्कार देण्यात येणार आहे, येत्या १४ डिसेंबरला पुण्यात टिळक स्मारक मंदिर सभागृहात समारंभपूर्वक या पुरस्कारांचं वितरण होणार आहे.

****

नाशिक जिल्ह्यातल्या कॉम्बॅट आर्मी एव्हिएशन ट्रेनिंग स्कूलचा कॉम्बॅट एव्हिटर्स कोर्स ४२, एव्हिएशन हेलिकॉप्टर इन्स्ट्रॅक्टर कोर्स ४१ आणि बेसिक रिमोटली पायलोटेड एअरक्राफ्ट सिस्टीम इंटरनल पायलट कोर्स ४चा दीक्षान्त आज उत्साहात पार पडला. या समारंभात नेपाळसह नायजेरिया आणि भारतीय नौदलाच्या अधिकाऱ्यांसह चार महिला अधिकाऱ्यांनी हेलिकॉप्टर पायलट म्हणून पदवी प्राप्त केली.

****

क्रीडा आणि युवक सेवा संचालनालयाच्या राज्यस्तरीय शालेय कराटे क्रीडा स्पर्धेचं आज धुळे इथं उद्‍घाटन करण्यात आलं. या स्पर्धेसाठी १४, १७ आणि १९ वर्ष वयोगटातील मुलं आणि मुलींचे संघ धुळ्यात दाखल झाले आहेत. जिल्हा क्रीडा अधिकारी अविनाश टिळे, आणि क्रीडा अधिकाऱ्यांनी खेळाडूंना शपथ ���ेत स्पर्धांना सुरुवात करण्यात आली.

****

राज्याच्या वेगवेगळ्या शहरातून बेपत्��ा झालेली मुले, तसंच महिलांच्या शोधासाठी पोलिसांकडून ‘ऑपरेशम मुस्कान - १३’ ही विशेष मोहीम १ ते ३० डिसेंबर या कालावधीत राबवली जाणार आहे. पुण्याचे पोलीस आयुक्त अमितेश कुमार यांनी ही माहिती दिली. हरवलेली अल्पवयीन मुलं आणि महिलांचा शोध घेण्यासाठी राबवण्यात आलेला एक प्रभावी उपक्रम आहे. बेपत्ता झालेल्या व्यक्तींचा शोध घेण्यासाठी २४ तास आणि ३६५ दिवस प्राधान्य देण्यात येत असल्याचं, अमितेश कुमार यांनी सांगितलं.

****

नांदेड जिल्ह्यातल्या देगलूर तालुक्यात��्या प्राथमिक आरोग्य केंद्र, मरखेल अंतर्गत पेडपल्ली या गावात २३ नोव्हेंबर रोजी चिकुनगुनियाचे रुग्ण आढळून आले होते. या अनुषंगाने जिल्हा आरोग्य अधिकारी डॉ. संगिता देशमुख यांनी या गावाला भेट दिली. तालुका आरोग्य अधिकारी डॉ. रमेश गवाले यांच्यासह अनेक मान्यवर यावेळी उपस्थित होते. यावेळी त्यांनी प्रत्यक्ष गृहभेटी देऊन, तात्काळ प्रतिबंधात्मक आणि उपचारात्मक बाबींची माहिती दिली तसच आरोग्य कर्मचाऱ्यांना मार्गदर्शन केलं.

****

परभणी इथल्या आरपी हॉस्पिटल आणि रिसर्च इन्स्टिट्यूट वैद्यकीय महाविद्यालयात आज एका ६५ वर्षीय महिलेवर शस्त्रक्रिया करत पोटातून दहा किलोचा गोळा काढण्यात डॉक्टरांनी यश मिळवलं आहे. पोटात सतत दुखत असल्याने महिलेने सोनाग्राफी तपासणी केली असता तीच्या पोटात गोळा जमा झाल्याचं दिसून आलं होतं. महाविद्यालयाचे अधिष्ठाता डॉ. प्रमोद शिंदे यांच्या मार्गदर्शनाखाली दोन तासापेक्षा अधिक चाललेल्या शस्त्रक्रियेनंतर महिलेच्या पोटातून दहा किलोचा गोळा आणि गर्भपिशवी काढण्यात आली.

****

छत्रपती संभाजीनगर महानगरपालिकेतले वर्ग तीन आणि चार संवर्गातील १९ कर्मचारी नियत वयोमानाने आज सेवनिवृत्त झाले, अतिरिक्त आयुक्त रणजीत पाटील यांच्या हस्ते सेवा प्रमाणपत्र तसंच सामान्य भविष्य निर्वाह निधीचा धनादेश देत, या कर्मचाऱ्यांना निरोप देण्यात आला.

****

धुळे जिल्ह्यातल्या साक्री तालुक्यातील ईदगाव पाडा इथल्या ग्रामस्थांनी पिंपळनेर नगर परिषदेमधून वगळून गावाला स्वतंत्र ग्रामपंचायतीचा दर्जा द्यावा, अशी मागणी करत आज जिल्हाधिकाऱ्यांना निवेदन दिलं. २५ फेबृवारी २०२२ च्या आदेशानुसार पिंपळनेर ग्रामपंचायतीचं नगरपरिषदेत रूपांतर केलं गेलं, त्यामुळे पिंपळनेर गावातल्या आदिवासी ग्रामस्थांना पेसा कायद्यानुसार सोयीसलवती मिळत नाहीत, म्हणून गावकऱ्यांनी ही मागणी केली.

****

केंद्र शासनाच्या आदेशानुसार पशुसंवर्धन आणि दुग्धव्यवसाय विभागामार्फत दर ५ वर्षांनी राज्यातील पशुधनाची गणना करण्यात येते. यानुसार सोलापूर जिल्ह्यात २५ नोव्हेंबर पासून पशुगणना मोहिम सुरु झाली आहे. ही पशुगणना २८ फेब्रुवारी २०२५ पर्यंत सुरू राहणार असून, या कालावधीत प्रगणक घरोघरी जाऊन पशुधनाची माहिती घेणार आहेत.

****

राज्यात थंडीची कडाका वाढत असून बऱ्याच ठिकाणी तापमानात मोठ्या प्रमाणात घट झाली आहे. परभणी जिल्ह्यात आज सर्वाधिक कमी ८ अंश सेल्सिअस तापमानाची नोंद, वसंतराव नाईक मराठवाडा कृषि विद्यापीठाच्या हवामान विभागानं केली आहे. अमरावती शहरात देखील पारा १२ अंश सेल्सिअस पर्यंत तर धारणी-चिखलदऱ्यात पहाटे पारा ९ अं.से. पर्यंत घसरलाय. हवामान खात्यानं येत्या तीन दिवसात काही जिल्ह्यात थंडीच्या लाटेचा इशारा दिला आहे.

****

[atulgaikwad7038]

जिथे गेल्यावर आपण परतून जन्म आणि मृत्यू च्या फेऱ्यात येत नाही तो थान

[vishnulonare]

परमात्मा यांच्या शरणी गेल्याने साधक सनातन परम धामाला प्राप्त होतो. | San...

अवश्य ऐका हा शॉर्ट सत्संग: परमात्मा यांच्या शरणी गेल्याने साधक सनातन परम धामाला प्राप्त होतो| Sant Rampal Ji Marathi Satsang.

[impossibleperfectiongarden]

कोणत्याही तीर्थक्षेत्राला गेल्याने मोक्ष संभव आहे काय पहा आज दुपारी 1:00 वास्ता लाइव्ह आमच्या सोशल मीडिया प्लेटफॉर्म वर् उदया सकाळी 5:55 वासता लोक शाही ण्यूज चैनल वर्

[gitaacharaninmarathi]

27. स्वधर्माशी समन्वय    

श्रीकृष्ण स्वधर्माचे स्पष्टीकरण देतात (2.31-2.37) आणि ते अर्जुनला सांगतात की अशी अवांछित लढाई स्वर्गाचे दार उघडते (2.32) आणि त्यापासून पळून गेल्याने स्वधर्म आणि कीर्ती नष्ट होईल आणि पाप होईल (2.33). रणांगणावर अर्जुनाला दिलेला हा उपदेश त्याच्या योग्य संदर्भात पाहण्याची गरज आहे. श्रीकृष्ण खरे तर स्वधर्माशी संदर्भात समन्वय आणि सुसंवादाबद्दल बोलत आहेत, युद्धाबद्दल नाही.

श्रीकृष्णाला अर्जुनाचे विचार, शब्द आणि कृती यात विसंगती आढळते. तो अर्जुनाला सुसंगती आणण्यासाठी मार्गदर्शन करण्याचा प्रयत्न करतो. अर्जुनाच्या बाबतीत, स्वतःच्या धर्मानुसार युद्ध लढण्यात सुसंगती आहे आणि युद्धापासून पळून जाण्यात विसंगती आहे.

खरं तर, समन्वय हा सृष्टीचा नियम आहे जिथे सर्वात लहान ‘इलेक्ट्रॉन’, ‘प्रोटॉन’ आणि ‘न्यूट्रॉन’ पासून ते मोठ्या आकाशगंगा, ग्रह आणि तारे एकसंध असतात. जेव्हा रेडिओ आणि रेडिओ स्टेशनचा ताळमेळ (ट्यून) असतो तेव्हाच आपण आपल्या आवडत्या संगीताचा आनंद घेऊ शकतो. मानवी शरीरापेक्षा समन्वयाचे कोणतेही मोठे उदाहरण नाही, ज्यामध्ये अनेक अवयव आणि रसायने असतात ज्यांच्या समन्वयात्मक कार्यामुळे आपण जसे आहोत तसे बनलो आहोत. समन्वय म्हणजे गोष्टी आणि परिस्थिती जशा आहेत तशा, आपल्या संदर्भ आणि मूल्यव्यवस्यच्या  चौकटीत आपल्याला हवेत तशा नव्हे.

आपल्या लहानपणापासून, आपल्याला शिकविण्यात आले आहे की सत्कर्मांमुळे मृत्युंनंतर आपण स्वर्गात जातो आणि वाईट कृत्यांमुळे नरकात. श्रीकृष्ण म्हणतात, स्वर्ग आणि नरक या मृत्यूनंतरच्या गोष्टी नाहीत, तर त्या आता आणि येथेच अस्तित्वात आहे. कुणाच्या क्षमतेला कशी आणि किती संधी मिळते त्यावर हे अवलंबून आहे.

जेव्हा आपण इतरांचा स्वधर्म समजून घेतो तेव्हा कुटुंबात, कामाच्या ठिकाणी आणि नातेसंबंधांमध्ये सुसंवाद असतो जो स्वर्ग आहे आणि त्याचा अभाव नरक आहे. आपल्या इच्छा पूर्ण होतात की नाही यावर आपल्या आनंद किंवा दुःखचा अनुभव अवलंबून असतो. जेव्हा स्वधर्माशी आंतरिक समन्वय साधला जातो तेव्हा तो बाह्य जगाचा विचार न करता स्वर्गासारखा असतो.

[ashokjagharkar]

ll वानप्रस्थ ll : २७

" नाहीं हं, शुभदा! तूं आतां जेवढा आव आणते आहेस, तेवढ्या सहजपणे काही तूं सुरवातीला हे सगळं स्वीकारलं नव्हतंस!" शुभदाच्या लटक्या आविर्भावाचा निषेध करीत, अनंत सबनीसांकडे वळून म्हणाला, "अहो, तिची तक्रार होती की 'इतकी वर्षं पहांटे ५ ३० वाजतां उठून स्वत: चहा करण्याची तुमची हौस अजून भागली नाहीं कां?' एवढंच नाहीं;-- तर तिने मला सरळ धमकीही दिली होती की 'नसेल भागली तर तुम्ही खुशाल चहा करून पीत जा! पण मी कांही आतां रोज इतक्या लौकर उठणार नाही! माझा चहा करून ठेवलात, तर मी उठल्यावर गरम करून घेईन;-- नाहीं केलात तर मी माझ्यापुरता करून घेईन'!" "तुम्हीच सांगा रजनीवहिनी, नवरा रिटायर झाल्यावर इतक्या वर्षांचा कामाचा ससेमिरा जरा कमी होऊन थोडा आराम मिळेल असं बायकोला वाटणं चूक आहे कां? त्यामुळे मी तसं म��हटलं आणि यांनी ते निमूटपणे मान्य केलं! उगीच वितंडवाद न घालतां यांनी आपला रोजचा दिनक्रम चालूं ठेवला! माझ्यासाठी कोरा चहा काढून ठेवून, चहा प्यायल्यावर पूर्वीप्रमाणे फिरायलाही जाऊं लागले! पण १५-२० दिवस गेल्यावर असं एकटीने चहा प्यायचा मलाच कंटाळा येऊं लागला! पूर्वी रोज सकाळी ना, चहा पितांना आमचा दिवसभराचा आराखडा ठरायचा! अगदी नाश्त्याला काय करायचं वा भाजी काय करायची इथपासून ते कांही वेगळा विचार सुचला तर त्याविषयी एकमेकांना सांगण्यापर्यंत! हा रोज सकाळी होणारा संवाद थांबल्याने कांहीतरी हरवल्याची हुरहूर मला लागली आणि एक दिवस मी चक्क शरणागती पत्करली! गुपचूप यांच्या मागोमाग उठून मुखमार्जन केलं आणि कीचनमधे जाऊन सरळ सांगून टाकलं की 'आजपासून तुमच्याबरोबर मीही चहा घेईन!' "

"व्वा, अनंतराव! तुम्ही संयम राखून, कुठलाही वाद न घालतां मोठीच बाजी मारली की!" सबनीस कौतुकाने उद्गारले. "बाजी वगैरे कांही नाही हो! मी हे सगळं माझ्या आई-वडीलांकडून शिकलो! त्या दोघांना मी कधीही वाद घालतांना पाहिलं नाही! माझे वडील शीघ्रकोपी, तर आई अति���य चोखंदळ! अशी दोन माणसं एकत्र आल्यावर त्यांच्यात मतभिन्नता असणारच;-- पण आई नेहमी म्हणायची की 'ही चाळीची वस्ती! इथे भिंतींनाही कान आहेत! आपण भांडून वा वाद घालून लोकांना कशाला तमाशा दाखवायचा?' त्यापेक्षा स्वत:ला योग्य वाटतं ते दोघंही निमुटपणे करीत रहायची! अशा प्रकारे वागल्यास थोडा वेळ जास्त लागतो, पण ज्याचं चुकतं, ते त्याला आपोआप कळून येतंच! आणि उगीच शब्दाला शब्द वाढून मनं दुखावली न गेल्याने आपली चूक कबुल करण्याचा समजुतदारपणाही अंगी येतो!" "माझ्या स्वत:च्या अनुभवावरून सांगतो, की अनेकदां आपली चूक कळून आल्यावरही ती कबूल करणं खुप कठीण होतं!" सबनीस मोकळेपणाने म्हणाले, "टोकाचे वाद घालतांना अकारण इतकी कटुता निर्माण झालेली असते, की आपण चुक कबूल केल्यावर, बायको मोठ्या मनाने माफ करील आणि पुन: पूर्ववत् हंसत-खेळत बोलूं लागेल याची मला खात्री नसते!" " पूर्वी मुलं लहान होती तेव्हा कसं, निदान त्यांच्या आडून वा त्यांच्या मार्फत माफी मागण्याची सोय होती!" रजनीवहिनी चिडवीत म्हणाल्या, "पण आतां मुलं मोठी होऊन दूर गेल्याने तीही संधी मिळत नाहीं!"

" वहिनी, तुम्ही अशा प्रकारे बोलताय् की नेहमी जणूं दिनकररावांवरच ही पाळी येते!" अनंतने मिस्कीलपणे संधी साधली. " नाही, नाही;-- अगदी तसंच नाहीं!", रजनीवहिनींनी घाईघाईने खुलासा केला, " पण एवढं मात्र खरं की मी निष्कारण वितंडवाद घालीत नाही! आपलं चुकतंय् असं जाणवलं की लगेच माघार घेते!" "खरं सांगते आहे, रजनी!", सबनीस म्हणाले," ती चटकन् यशस्वी माघार घेत असल्याने माझ्यासारखी कोंडी होण्याची पाळी तिच्यावर सहसा येत नाहीं! पण अनंतराव आणि शुभदावहिनी, सहज गप्पांच्या ओघांत तुमच्याकडून, वादविवाद टाळून मतभेद दूर करायचा सोप्पा मार्ग समजला त्याबद्दल तुमचे आभार मानावे तेवढे थोडेच!!" पत्नीला निघण्याची खुण करीत ते पुढे म्हणाले, "घरीं आम्ही दोघेच असल्याने नवीन फ्लॅट निवडतांना, जसा शेजार मिळावा अशी अपेक्षा होती, ती पूर्ण झाल्याची खात्रीही तुमच्याबरोबर आज पहिल्या फटक्यातच रंगलेल्या मनमोकळ्या गप्पांमुळे झाली आहे! तुम्हांला पत्ते खेळायची आवड असेल तर पुढची बैठक, तुम्हांला वेळ असेल तेव्हां आमच्या घरी पत्ते खेळत रंगवूंया असं सुचवीत आहे!" "अरे वा! तुम्हांलाही पत्ते खेळायची आवड आहे तर!" अनंत उत्साहाने म्हणाला,"आमचा १०-१२ जणांचा ग्रुप आहे! सवडीनुसार आम्ही दुपारी एकत्र जमून रमी खेळतो. तुमची इच्छा असेल तर, पुढचा खेळ ठरेल तेव्हां तुम्हींही सोबत या! तुमच्या तेवढ्याच अधिक ओळखी होतील आणि आमच्या ग्रुपलाही २ नवीन मेंबर्स मिळतील!"

१२ जानेवारी २०२३

[airnews-arngbad]

Regional Marathi Text Bulletin, Chhatrapati Sambhajinagar

Date - 29 November 2024

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक २९ नोव्हेंबर २०२४ दुपारी १.०० वा.

****

संसदेच्या हिवाळी अधिवेशनात विरोधी पक्षांच्या गदारोळामुळे कामकाज आजही बाधित झालं.

लोकसभेत कामकाज सुरु होताच एका खासगी उद्योग समुहाच्या कथित लाचप्रकरणाच्या मुद्यावर काँग्रेस, द्रविड मुनेत्र कळघम, समाजवादी पक्षासह इतर विरोधी पक्षाच्या सदस्यांनी घोषणाबाजी करण्यास सुरुवात केली. अध्यक्ष ओम बिर्ला यांनी गोंधळातच प्रश्नोत्तराचा तास पुकारला. मात्र गदारोळ वाढतच गेल्याने सदनाचं कामकाज एका तासासाठी स्थगित करण्यात आलं होतं. कामकाज पुन्हा सुरु झाल्यावर, हंगामी अध्यक्षांनी, सरकार चर्चेसाठी तयार असून, नियोजित कामकाज झाल्यावर चर्चा होईल, असं सांगितलं. मात्र गदारोळ वाढतच गेल्यानं लोकसभेचं कामकाज दिवसभरासाठी स्थगित झालं. 

राज्यसभेतही विरोधी पक्षांची चर्चेची मागणी फेटाळून लावत सभापती जगदीप धनखड यांनी कामकाज सुरु ठेवण्याचा प्रयत्न केला. धनखड यांनी सदनातल्या या सततच्या व्यत्ययाबद्दल चिंता व्यक्त करत, सदस्य वाईट उदाहरण घालून देत असल्याचं नमूद केलं. मात्र गदारोळ वाढत गेल्यानं, राज्यसभेचं कामकाजही दिवसभरासाठी स्थगित झालं.

****

पंतप्रधान नरेंद्र मोदी आजपासून तीन दिवसांच्या ओडिशा दौऱ्यावर आहेत. भुवनेश्वर इथं होत असलेल्या पोलिस महासंचालक आणि पोलिस महानिरीक्षकांच्या अखिल भारतीय परिषदेला ते उपस्थित राहणार आहेत. सर्व राज्य आणि केंद्रशासित प्रदेशांचे पोलीस महासंचालक, तसंच केंद्रीय राखीव पोलिस बल, रॉ, राष्ट्रीय सुरक्षा दल - एनएसजी, गुप्तचर विभाग आणि विशेष सुरक्षा दल - एसपीजीचे प्रमुख या परिषदेला उपस्थित राहणार आहे. या परिषदेत अंतर्गत सुरक्षा, सायबर क्राईम, माओवाद, एआय टूल्समुळे निर्माण होणारी आव्हानं, ड्रोनचे नवीन धोके आणि दहशतवादाचा सामना यासारख्या महत्त्वाच्या मुद्द्यांवर चर्चा होणार आहे.

****

केंद्र सरकारने देशातल्या प्रसिद्ध पर्यटन स्थळांना जागतिक मानकांच्या नुसार विकसित करण्यासाठी सुमारे तीन हजार ३०० कोटी रुपयांच्या ४० योजनांना मंजुरी दिली आहे. २३ राज्यातल्या या योजनांसाठी राज्यांना विशेष मदत दिली जाईल, ज्यावर पुढचे ५० वर्ष कोणतंही व्याज आकारलं जाणार नाही. यामध्ये सिंधुदुर्ग जिल्ह्यात जलसंग्रहालय, कृत्रिम प्रवाळ निर्मिती प्रकल्पासाठी ४६ कोटी रुपये, तर नाशिक इथं रामकाल मार्गासाठी ९९ कोटी रुपये मंजुर करण्यात आले आहेत. 

पर्यटनामध्ये अनेकांच्या जीवनात समृद्धी आणण्याची क्षमता असून, सरकार देशात पर्यटन पायाभूत सुविधा वाढवण्यावर भर देत राहील, असं पंतप्रधान नरेंद्र मोदी यांनी समाजमाध्यमावरील संदेशात म्हटलं आहे. 

****

पदवी अभ्यासक्रमाला प्रवेशित असणाऱ्या विद्यार्थांना त्यांचा पदवी अभ्यासक्रमाचा कालावधी कमी किंवा अधिक करता यावा यासाठी विद्यापीठ अनुदान आयोग - युजीसी पर्याय उपलब्ध करुन देणार आहे. या संदर्भातल्या प्रकियेसाठी नुकतीच यूजीसीने मान्यता दिली. यासाठी पदवी अभ्यासक्रमाला असणाऱ्या विद्यार्थांना त्यांच्या प्रत्येक सेमिस्टर मध्ये अधिक गुण घेऊन कमी कालावधीत तीन किंवा चार वर्षांचा अभ्यासक्रम पूर्ण करता येईल, असं आयोगाचे अध्यक्ष जगदीश कुमार यांनी सांगितलं.

****

भारतीय जनता पक्षाचे आमदार गोपीचंद पडळकर आणि सदाभाऊ खोत यांच्या नेतृत्वात आज मुंबईत ईव्हीएम- मतदानयंत्राच्या समर्थनार्थ आंदोलन करण्यात आलं. पराभवाचं खापर विरोधक ईव्हीएमवर फोडत असल्याची प्रतिक्रिया सदाभाऊ खोत यांनी दिली. काँग्रेस पक्षानंही ईव्हीएम आणि एकूणच मतदान प्रक्रियेवर शंका व्यक्त केली आहे.   

****

६१ व्या महाराष्ट्र राज्य मराठी चित्रपट पुरस्काराच्या प्रवेशिकेला मुदतवाढ देण्यात आली असून, निर्मात्यांनी २७ डिसेंबरपर्यंत प्रवेशिका सादर करण्याचं आवाहन महाराष्ट्र चित्रपट, रंगभूमी आणि सांस्कृतिक विकास महामंडळाच्या व्यवस्थापकीय संचालक स्वाती म्हसे पाटील यांनी केलं आहे. एक जानेवारी २०२३ ते ३१ डिसेंबर २०२४ या कालावधीत प्रमाणपत्र मिळालेल्या मराठी चित्रपटांच्या निर्मात्यांना या पुरस्कारासाठी अर्ज करता येणार आहे.

****

नांदेड इथल्या विद्युत महामंडळातले सहायक लेखापाल सोनाजी श्रीमंगले आणि विद्युत सहायक गजानन केंद्रे या दोघां��ा २० हजार रुपयांची लाच घेताना काल अटक करण्यात आली. तक्रारदाराला वीज बिल कमी करून देण्यासाठी त्यांनी ही लाच मागितली होती. याप्रकरणी नांदेड ग्रामीण ठाण्यात गुन्हा दाखल करण्यात आला आहे.

****

ओमानमधील मस्कत इथं काल झालेल्या पुरुषांच्या कनिष्ठ आशिया चषक हॉकी स्पर्धेत गतविजेत्या भारतानं जपानवर तीन - दोन अशा फरकानं विजय मिळवला. हा भारताचा पूल ए मधील सलग दुसरा विजय आहे. अंतिम सामन्यात रविवारी भारतीय संघाची गाठ कोरियाशी पडणार आहे.

****

[bharatlivenewsmedia]

ट्रक अंगावरून गेल्याने ज्येष्ठ नागरिकाचा मृत्यू

https://bharatlive.news/?p=174845 ट्रक अंगावरून गेल्याने ज्येष्ठ नागरिकाचा मृत्यू

निरा : पुढारी ...

[rebel-bulletin]

नमाज पडा, आणि हिंदूच्या मुली पळावा; रामदेवबाबांचे वादग्रस्त वक्तव्य

नवी दिल्ली : योगगुरू बाबा रामदेव यांनी राजस्थानच्या बाडमेरमध्ये एक वादग्रस्त वक्तव्य केलं आहे. मुस्लिम समाजाविषयी वक्तव्य केले गेल्याने आता त्यांच्यावर जोरदार टीका होऊ लागली आहे. मुस्लिम दहशतवादी असला तरी तो नमाज नक्कीच अदा करतो असं वक्तव्यही त्यांनी केले आहे. अशा लोकांना इस्लामचा अर्थ फक्त नमाजपर्यंतच समजतो. पाच वेळा नमाज पठण करा आणि तुम्हाला जे काही पाप करायचे आहे ते करा. तुम्ही हिंदूंच्या मुली…

[vishnulonare]

कोणत्याही तीर्थक्षेत्राला गेल्याने मोक्ष संभव आहे काय?

अवश्य पहा आज दुपारी 1.00 वा. LIVE आमच्या सोशल मीडिया प्लेटफॉर्म वर व उद्या सकाळी 5.55 वा. LOKशाही न्यूज़ चैनल वर

[shobha12sblog]

परमात्मा यांच्या शरणी गेल्याने साधक सनातन परम धामाला प्राप्त होतो. | San...