#असलेल्या | Explore Tumblr posts and blogs

airnews-arngbad · 5 hours ago

Text

Regional Marathi Text Bulletin, Chhatrapati Sambhajinagar Date – 23 November 2024 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक २३ नोव्हेंबर २०२४ सकाळी ७.१० मि.

• विधानसभा निवडणुकीच्या मतमोजणीसाठी प्रशासन सज्ज-दुपारी बारा वाजेपर्यंत पहिला निकाल तर संध्याकाळपर्यंत चित्र स्पष्ट होण्याची शक्यता • निकालाच्या पार्श्वभूमीवर प्रमुख पक्षांच्या बैठकांची सत्रं सुरू; नेत्यांकडून दावे प्रतिदावे • पैसे वाटपाच्या कथित आरोप प्रकरणी भाजप नेते विनोद तावडे यांची काँग्रेसला कायदेशीर नोटीस • छत्रपती संभाजीनगर इथं सुरू असलेल्या पद्म फेस्टिव्हलचा आज समारोप आणि • बॉर्डर गावस्कर ��षक कसोटी क्रिकेट मालिकेत पहिल्या सामन्यात पहिल्या दिवशी वेगवान धावपट्टीचे १७ बळी

विधानसभा निवडणुकीची मतमोजणी आज सकाळी आठ वाजल्यापासून सुरू होणार आहे. प्रथम टपाली मतांची, तर साधारण साडेआठ वाजल्यापासून इलेक्ट्रॉनिक मतदान यंत्रावरच्या मतांची मोजणी सुरू होईल, अशी माहिती राज्याचे मुख्य निवडणूक आयुक्त एस. चोक्कलिंगम यांनी दिली. सर्व २८८ विधानसभा मतदारसंघांमध्ये मतमोजणी होत असून, नांदेड लोकसभा मतदारसंघाच्या पोटनिवडणुकीसाठी स्वतंत्र मोजणी केंद्र स्थापन करण्यात आलं आहे. दुपारी बाराच्या सुमाराला पहिला निकाल हातात येण्याची शक्यता असून, निकालाचं पूर्ण चित्र मात्र, संध्याकाळी स्पष्ट होईल, असंही एस. चोक्कलिंगम यांनी नमूद केलं.

या मतमोजणीसाठी छत्रपती संभाजीनगर इथं निवडणूक निर्णय अधिकारी आणि मतमोजणीसाठी नियुक्त कर्मचाऱ्यांना काल प्रशिक्षण देण्यात आलं. जिल्हाधिकारी दिलीप स्वामी यांनी यावेळी दूरदृष्यप्रणालीद्वारे मार्गदर्शन केलं. विजयी उमेदवारांना आज मिरवणूक काढण्याची परवानगी मिळणार नाही, असं जिल्हाधिकाऱ्यांनी स्पष्ट केलं.. “विजयी उमेदवारांच्या मिरवणुकीच्या संदर्भामध्ये जसा निकाल घोषित होतो, तसं वातावरण थोडं टेन्स असतं. त्यामुळे परिसरामध्ये कुठेही कायदा व सुव्यवस्थेची परिस्थिती निर्माण होऊ नये, यासाठी कोणालाही मिरवणुकीची परवानगी देणार नाही तशा सूचना आम्ही दिलेल्या आहेत.’’

आजची ��तमोजणी आणि निकालाच्या पार्श्वभूमीवर छत्रपती संभाजीनगरचे पोलिस आयुक्त प्रवीण पवार यांनी नागरिकांना शांतता आणि कायदा सुव्यवस्था राखण्यात सहकार्याचं आवाहन केलं आहे. “मतमोजणीच्या बंदोबस्ताचं नियोजन योग्य पध्दतीने केलेलं आहे. जमावबंदीचे आदेश ही आहे. शहरामध्ये महत्वाचे जे काही संवेदशील ठिकाणं आहेत तर त्याच्यावरती आमचं लक्ष आहे आणि कायदा आणि सुवस्था मोडणाऱ्यांवर निश्चितच कडक आणि प्रभावी कारवाई केली जाईल.’’

छत्रपती संभाजीनगर शहरात असलेल्या तीन विधानसभा मतदारसंघांच्या मतमोजणी केंद्राच्या परिसरात वाहतूक कोंडी टाळण्यासाठी काही मार्गात बदल करण्यात आले आहेत. नागरिकांना या बदलाची नोंद घेण्याचं आवाहन प्रशासनानं केलं आहे.

परभणी इथं जिल्हाधिकारी रघुनाथ गावडे यांनी काल मतमोजणी केंद्रांची पाहणी करून मतमोजणी प्रक्रियेच्या तयारीचा आढावा घेतला. जिल्ह्यातल्या चारही मतमोजणी केंद्रांवर सीसीटीव्ही कॅमेरे बसवण्यात आले असून, निमलष्करी दल आणि स्थानिक पोलीसांचा चोख बंदोबस्त तैनात करण्यात आला आहे.

बीड जिल्ह्यात पहिला निकाल परळीचा तर सर्वात शेवटचा निकाल आष्टी मतदार संघाचा लागेल अशी माहिती जिल्हाधिकारी अविनाश पाठक यांनी काल पत्रकार परिषदेत दिली. जिल्ह्यात शांतता ठेवावी, असं आवाहनही त्यांनी केलं आहे.

जालना जिल्ह्यात पाच विधानसभा मतदारसंघांसाठी प्रत्येकी १४ टेबलवर मतमोजणी होणार असून, त्यासाठीची आवश्यक तयारी निवडणूक विभागाकडून करण्यात आली आहे.

लातूरच्या जिल्हाधिकारी तथा जिल्हा निवडणूक अधिकारी वर्षा ठाकूर-घुगे यांनी काल मतमोजणी कक्षांना भेट देऊन पाहणी केली. तसंच सुरक्षा व्यवस्थेचा आढावा घेतला. जिल्ह्यातल्या सहा विधानसभा मतदारसंघांत प्रत्येकी चौदा टेबलांवर मतमोजणी होणार आहे.

धाराशिव जिल्ह्यातल्या चार विधानसभा मतदारसंघात मतमोजणीसाठी प्रशासकीय यंत्रणा सज्ज झाली आहे. उमरगा, तुळजापूर, उस्मानाबाद आणि परंडा या चार विधानसभा मतदारसंघात प्रत्येकी १४ टेबलांवर, एकूण ३८७ कर्मचारी मतमोजणी करणार आहेत.

अहिल्यानगर जिल्ह्यातल्या १२ विधानसभा मतदारसंघात मतमोजणीसाठी एकूण एक हजार २५९ अधिकारी-कर्मचाऱ्यांची नियुक्ती करण्यात आली आहे.

दरम्यान, मतमोजणी आणि निकालाच्या पार्श्वभूमीवर कालपासून राज्यातल्या सगळ्याच प्रमुख पक्षांच्या बैठकांचं सत्र सुरू असून, नेत्यांकडून दावे प्रतिदावे केले जात आहेत. उपमुख्यमंत्री देवेंद्र फडणवीस यांच्या निवासस्थानी काल भाजप नेत्यांची बैठक पार पडली. केंद्रीय मंत्री भूपेंद्र यादव यांनी भाजप प्रदेश कार्यालयात काल आढावा घेतला. काँग्रेसचे महाराष्ट्र प्रभारी रमेश चेन्निथला यांच्या नेतृत्वाखाली काँग्रेसच्या उमेदवारांची काल बैठक झाली. महाविकास आघाडीत मुख्यमंत्रिपदावरून कोणताही वाद नाही, निकालानंतर महाविकास आघाडीचे प्रमुख नेते एकत्र बसून यावर निर्णय घेतील, असं चेन्निथला यां��ी सांगितलं. महाविकास आघाडीच्या मुख्यमंत्रिपदाचा निर्णय दिल्लीत नाही तर महाराष्ट्रातच होईल, असं शिवसेना उद्धव बाळासाहेब ठाकरे पक्षाचे नेते संजय राऊत यांनी सांगितलं. उद्धव ठाकरे यांच्या नेतृत्वात सरकार बनवण्याचा प्रयत्न करू, असंही त्यांनी म्हटलं आहे. अपक्ष आणि छोट्या पक्षांकडूनही विविध प्रकारची राजकीय चाचपणी सुरु आहे. दरम्यान, काँग्रेस पक्षानं मतमोजणीसाठी महाराष्ट्रात निरीक्षक म्हणून ज्येष्ठ नेते अशोक गहलोत, भूपेश बघेल आणि जी परमेश्वर यांची नियुक्ती केली आहे.

भाजपचे राष्ट्रीय सरचिटणीस विनोद तावडे यांनी काँग्रेसचे राष्ट्रीय अध्यक्ष मल्लिकार्जुन खर्गे, काँग्रेस नेते राहुल गांधी आणि सुप्रिया श्रीनेत यांना कायदेशीर नोटीस पाठवली आहे. निवडणुकीत पैसे वाटल्याचे खोटे आरोप करून बदनामी केल्याप्रकरणी बिनशर्त माफी मागावी अन्यथा कायदेशीर कारवाईला सामोरे जावे, असा इशारा या नोटीशीच्या माध्यमातून तावडे यांनी दिला आहे.

पंतप्रधान नरेंद्र मोदी उद्या रविवारी आकाशवाणीवरच्या मन की बात या कार्यक्रमातून देशवासियांशी संवाद साधणार आहे. हा या कार्यक्रमाचा ११६ वा भाग आहे. आकाशवाणी आणि दूरदर्शनच्या सर्व वाहिन्यांवरुन उद्या सकाळी ११ वाजता हा कार्यक्रम प्रसारित होईल.

केंद्रीय माध्यमिक शिक्षण मंडळ - सी बी एस ई नं सिंगल गर्ल चाइल्ड स्कॉलरशिप अर्थात एकुलती कन्या शिष्यवृत्ती-योजनेसाठी अर्ज मागवले आहेत. २०२४ मध्ये सीबीएसईची दहावी परीक्षा उत्तीर्ण केलेल्या विद्यार्थिनी या योजनेचा लाभ घेऊ शकतील. या शिष्यवृत्तीसाठी सीबीएसईच्या संकेतस्थळावर येत्या २३ डिसेंबरपर्यंत अर्ज करता येतील.

राज्य माध्यमिक आणि उच्च माध्यमिक शिक्षण मंडळाच्या बारावी आणि दहावीच्या परीक्षेचं अंतिम वेळापत्रक प्रसिद्ध करण्यात आलं आहे. त्यानुसार बारावीची लेखी परीक्षा पुढच्या वर्षी ११ फेब्रुवारी ते १८ मार्च, तर दहावीची परीक्षा २१ फेब्रुवारी ते १७ मार्च या काळात घेतली जाणार आहे. या परीक्षांचं वेळापत्रक मंडळाच्या संकेतस्थळावर प्रसिद्ध करण्यात आलं आहे.

महाराष्ट्र लोकसेवा आयोगानं आगामी परीक्षांचं संभाव्य वेळापत्रक प्रसिद्ध केलं आहे. महाराष्ट्र नागरी सेवा राजपत्रित पूर्व परीक्षा एक डिसेंबर रोजी, तर मुख्य परीक्षा २६ एप्रिल २०२५ रोजी घेण्यात येणार आहे. मुख्य परीक्षेसाठी वर्णनात्मक तसंच वस्तुनिष्ठ बहुपर्यायी पद्धत असणार आहे. पुढची महाराष्ट्र नागरी सेवा राजपत्रित पूर्व परीक्षा २८ सप्टेंबर २०२५ रोजी घेतली जाईल, तर मुख्य परीक्षेचा दिनांक नंतर जाहीर करण्यात येईल. २०२५ च्या जाहिरातीनुसारची राज्यसेवा मुख्य परीक्षा वर्णनात्मक पद्धतीची असणार आहे. या��ोबतच महाराष्ट्र गट-ब अराजपत्रित सेवा, वनसेवा, सहायक मोटार वाहन निरीक्षक परीक्षेचंही वेळापत्रक जाहीर करण्यात आलं आहे.

छत्रपती संभाजीनगर इथं सुरू असलेल्या पद्म फेस्टिव्हलचा आज समारोप होत आहे. आज या समारोहात धावपटू पद्मश्री सुनिता रानी आणि सामाजिक कार्यकर्ते पद्मश्री डॉ स्मिता आणि रवींद्र कोल्हे यांच्या मुलाखती होणार असून, संत साहित्याचे अभ्यासक पद्मश्री यू म पठाण यांची चित्रीत मुलाखत दाखवली जाणार आहे. डॉ बाबासाहेब आंबेडकर मराठवाडा विद्यापीठाच्या सभागृहात हा कार्यक्रम होणार आहे.

बॉर्डर-गावस्कर कसोटी मालिकेत काल पहिल्या दिवशी पर्थच्या वेगवान खेळपट्टीवर १७ फलंदाज बाद झाले. भारतीय संघाचा कर्णधार जसप्रीत बुमराहनं नाणेफेक जिंकून प्रथम फलंदाजी घेतली. भारताचा पहिला डाव १५० धावांत संपुष्टात आला. पदार्पणाचा सामना खेळणाऱ्या नितीश रेड्डीनं सर्वाधिक ४१ धावा केल्या. भारतीय गोलंदाजांनीही उत्तम कामगिरी करत पहिल्या दिवसाअखेर ऑस्ट्रेलियाला सात बाद ६७ धावसंख्येवर रोखलं. पहिल्या डावात ऑस्ट्रेलिया ८३ धावांनी पिछाडीवर आहे.

येत्या २५ ते २९ नोव्हेंबर या कालावधीत दिल्ली इथं होणाऱ्या आंतरराष्ट्रीय सहकारिता परिषदेमध्ये इफकोच्या संचालक डॉक्टर वर्षा कस्तुरकर या भारताच्या प्रतिनिधी म्हणून सहभागी होणार आहेत. देशातल्या सहकारी संस्थांचं काम आंतरराष्ट्रीय सहकार क्षेत्राला जोडण्यामुळे भारताची जागतिक महासत्ता बनण्याची वाटचाल सोपी होईल, असा विश्वास कस्तुरकर यांनी व्यक्त केला.

हिवाळ्याच्या पार्श्वभूमीवर राज्यात केलेल्या स्वच्छ आणि शुद्ध हवा सर्वेक्षणात छत्रपती संभाजीनगर महानगरपालिकेने पाचवा क्रमांक पटकावला आहे. या सर्वेक्षणात सांगली शहराने प्रथम तर कल्याण, चंद्रपूर आणि अमरावती शहरांनी अनुक्रमे दुसरा, तिसरा आणि चौथा क्रमांक पटकावला आहे.

धाराशिव जिल्ह्यातल्या सतरा हमीभाव खरेदी केंद्रांवरून सोयाबीन खरेदी सुरू झाली आहे. आतापर्यंत १२ हजार ७५८ क्विंटल सोयाबीनची खरेदी पूर्ण झाली असून, यापैकी सुमारे ५० टक्के सोयाबीनचे हमीभावाप्रमाणे तीन कोटी नऊ लाख रुपये शेतकऱ्यांच्या खात्यांमध्ये जमा झाले आहेत. उर्वरित शेतकऱ्यांच्या खात्यावर चार दिवसाच्या आत रक्कम जमा केली जाणार आहे.

0 notes

nagarchaufer · 18 hours ago

Text

‘ तुझी विकेट पाडीन , म्हणत वर्गात काचेच्या तुकड्याने वार , आरोपी अल्पवयीन

शिक्षणाचे माहेरघर असलेल्या पुण्यात एक धक्कादायक असा प्रकार समोर आलेला असून इयत्ता नववीमधील एका विद्यार्थ्यांचा वर्गातच काचेच्या तुकड्याने गळा चिरण्यात आला. त्यात तो गंभीर जखमी झालेला आहे. हडपसर पोलिसांनी या प्रकरणी एका अल्पवयीन मुलाला ताब्यात घेत त्याच्या विरोधात गुन्हा दाखल केला आहे. सदर घटना ही मांजरी परिसरात घडलेली असून शाळेतील स्नेहसंमेलनावरून दोन मुलांमध्ये वाद झालेले होते. फिर्यादी मुलगा…

0 notes

news-34 · 19 hours ago

Text

#chandrapur #politics

0 notes

darshanpolicetime1 · 4 days ago

Text

यंत्रणेची झाली पूर्ण तयारी, मतदार राजाची आता जबाबदारी - महासंवाद

लोकशाहीच्या उत्सवासाठी अर्थातच महाराष्ट्र विधानसभा निवडणुकीसाठी 20 नोव्हेंबर 2024 रोजी सकाळी सात वाजल्यापासून मतदानाला प्रारंभ होत आहे. सायंकाळी सहा वाजेपर्यंत मतदान केंद्रावर रांगेत उपस्थित असलेल्या सर्व मतदारांचे मतदान होईपर्यंत त्या मतदान केंद्रावर मतदान घेतले जाणार आहे. यासाठी निवडणूक यंत्रणा सज्ज झाली आहे. मतदानासाठी 2 लाख 21 हजार 60 बॅलेट युनिटचा वापर केला जाणार आहे. मतदार नोंदणीत वाढ;…

View On WordPress

0 notes

kalakrutimedia · 8 days ago

Text

Raanati Teaser Launch: A Perfect Blend of Bollywood Masala.

Get the latest updates on the Marathi movie Raanati teaser, packed with entertainment mix masala and Bollywood vibes. Kalakruti Media brings you the hottest scoops, including celebrity interviews and insights into Bollywood tadka. Dive into the world of films and stars with us!

#bollywood masala #entertainment mix masala #bollywood tadka

0 notes

karmadlive · 11 days ago

Text

वरिष्ठ पत्रकार राजदीप सरदेसाई यांचा 'मीट द ऑथर' उपक्रमात सहभाग.

दि.११ नोव्हेंबर २०२४ रोजी ” रीड अँड लीड फाउंडेशन “आयोजीत ‘मीट द ऑथर’ या उपक्रमास इंडिया टुडे चे वरिष्ठ पत्रकार राजदीप सरदेसाई यांनी सहभाग नोंदवला. रीड अँड लीड फाउंडेशन आयोजीत ‘मीट द ऑथर’ या कार्यक्रमाच्या ‘ पेजेस कम टू लाईफ ‘ या सत्रात भाग घेत महाराष्ट्रात होत असलेल्या विधानसभा निवडणुक,मराठा व मुस्लिम आरक्षण,आरोग्य, शैक्षणीक सक्षमीकरण, शहरातील पाणी प्रश्न आदी विषयी सखोल चर्चा केली.या संवाद सत्रात…

View On WordPress

0 notes

glorious-maharashtra · 13 days ago

Text

0 notes

krantinewsin · 24 days ago

Text

गोरोबा काकांच्या पालखी सोहळ्याचे " ३ नोव्हेंबरला " पंढरपूरच्या दिशेने प्रस्थान

-: अभंग :- आले आले रे हरीचे डिगर | वीर वारकरी पढरीचे || ज्याची चरण धुळी उधळे गगनपथे | ब्रम्हदिका तेथे जाली वाटी || एकमेका पुढे लवविता माथे | म्हणती आम्हा ते लागो रज || भक्ती प्रेमभाव भरले ज्याची अंगी नाचती हरिरगी नेणती लाजू || तेर प्रतिनिधी :- हरी खोटेप्रति पंढरपूर म्हणून ओळखल्या जाणाऱ्या तेर ता धाराशिव येथील राज्यभरातील लाखो भाविक भक्तांसह वारकऱ्यांचे श्रद्धास्थान असलेल्या थोर संत…

0 notes

bharatlivenewsmedia · 2 years ago

Text

या एका कारणामुळे IAS टीना दाबीने आपल्यापेक्षा १३ वर्षांनी मोठ्या असलेल्या प्रदीप गावंडेशी केले लग्न

या एका कारणामुळे IAS टीना दाबीने आपल्यापेक्षा १३ वर्षांनी मोठ्या असलेल्या प्रदीप गावंडेशी केले लग्न UPSC परीक्षेत 22 वर्षांच्या टीनाच्या घवघवीत यशानंतर तिने सर्वांचे लक्ष वेधून घेतले. टीना दाबी हिचे वैयक्तिक आयुष्य देखील तेवढेच चर्चेत असते. 2016 साली ती पहिल्यांदा प्रेमात पडली. नंतर 2018 मध्ये लग्न केलं. 2020 मध्ये तिचा घटस्फोट झाला आणि आता 2022 मध्ये ती पुन्हा एकदा लग्न केलं. टीनाने आ��ुष्याला…

View On WordPress

#१३ #ias #असलेल्या #आपल्यापेक्षा #एका #कारणांमुळे #केले #गावंडेशी #टीना #दाबीने #प्रदीप #महिला #मोठ्या #या #लग्न #वर्षांनी #विशेष

0 notes

shrikrishna-jug · 1 month ago

Text

तुम्ही जे करता ते महत्त्वाचं नसून तुम्ही ते करता ते महत्त्वाचं आहे.

माझ्या वहीतल एक पान.एक चांगलं कृत्य कधीच लक्षात येत नाही आणि एक धाडसी कृती कधीही ओळखली जात नाही, परंतु हे उपाय खरोखरच इतके महत्त्वाचे आहेत का? जर मी माझ्या मागे असलेल्या व्यक्तीसाठी दरवाजा उघडा न ठेवण्याचं किंवा वेटरला माझ्या पाकीटातील अतिरिक्त तीन रुपये देण्याचं ठरवलं, तर तसं करणं खरोखर इतकं विशेष आहे का?मला नक्कीच होय असं वाटतं. उदाहरणार्थ, माझ्या मागे असलेल्या व्यक्तीचा त्याच्या आयुष्यातील तो…

0 notes

airnews-arngbad · 18 hours ago

Text

Regional Marathi Text Bulletin, Chhatrapati Sambhajinagar

Date – 22 November 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – २२ नोव्हेंबर २०२४ सायंकाळी ६.१०

****

विधानसभेच्या मतदानाची उद्या मोजणी-दुपारी बारा वाजेपर्यंत पहिला निकाल तर संध्याकाळपर्यंत चित्र स्पष्ट होण्याची शक्यता

निकालाच्या पार्श्वभूमीवर प्रमुख पक्षांच्या बैठकांची सत्रं सुरू नेत्यांकडून दावे प्रतिदावे

पैसे वाटपाच्या कथित आरोप प्रकरणी भाजप नेते विनोद तावडे यांची काँग्रेसला कायदेशीर नोटीस

आणि

बॉर्डर गावस्कर चषक कसोटी क्रिकेट मालिकेत पहिल्या सामन्यात पहिल्या दिवशी वेगवान धावपट्टीचे १७ बळी

****

महाराष्ट्रात विधानसभा निवडणुकीची मतमोजणी उद्या सकाळी ८ वाजल्यापासून सुरू होणार आहे. मतमोजणीची सुरुवात टपाली मतांच्या मोजणीपासून होईल आणि त्यानंतर साधारण साडेआठ वाजल्यापासून इलेक्ट्रॉनिक मतदान यंत्रावरच्या मतांची मोजणी सुरू होईल, अशी माहिती राज्याचे मुख्य निवडणूक आयुक्त एस. चोक्कलिंगम यांनी दिली. २८८ विधानसभा मतदारसंघांमधल्या मतमोजणीसाठी तितकीच मोजणी केंद्रं आहेत, शिवाय नांदेड लोकसभा मतदारसंघाच्या पोटनिवडणुकीसाठी ��क मोजणी केंद्र स्थापन करण्यात आलं आहे. मतमोजणी प्रक्रियेसाठी सुमारे ६ हजार ६०० पथकं नियुक्त करण्यात आली आहेत. मतमोजणी केंद्रांवर कडक सुरक्षा व्यवस्था तैनात आहे. दुपारी बाराच्या सुमाराला पहिला निकाल हातात येण्याची शक्यता आहे, निकालाचं पूर्ण चित्र मात्र, संध्याकाळी स्पष्ट होईल, असंही एस. चोक्कलिंगम यांनी नमूद केलं आहे.

झारखंड विधानसभा निवडणुकीच्या ८१ जागांसाठी तसंच विविध राज्यांतल्या विधानसभा आणि लोकसभा पोटनिवडणुकीची मतमोजणीदेखील उद्याच होणार आहे.

****

विधानसभा निवडणुकीच्या उद्या होणाऱ्या मतमोजणीसाठी आज छत्रपती संभाजीनगर इथे निवडणूक निर्णय अधिकारी आणि मतमोजणीसाठी नियुक्त कर्मचाऱ्यांना प्रशिक्षण देण्यात आलं. जिल्हाधिकारी दिलीप स्वामी यांनी यावेळी दूरदृष्यप्रणालीद्वारे मार्गदर्शन केलं. मतदान यंत्रं स्ट्राँगरूममधून बाहेर आणून ती उघडताना निवडणूक निरीक्षक आणि उमेदवारांचे प्रतिनिधी उपस्थित असणं आणि या पूर्ण प्रक्रियेचं व्हिडिओ चित्रण आवश्यक असल्याचं त्यांनी सांगितलं. मतमोजणी प्रक्रिया अचूक आणि पारदर्शक पद्धतीनं राबवावी, असे निर्देश जिल्हाधिकारी स्वामी यांनी यावेळी दिले. या प्रशिक्षणानंतर प्रत्येक विधानसभा मतदार संघात नियुक्त असलेल्या कर्मचाऱ्यांना स्थानिक पातळीवर प्रशिक्षण देण्यात आलं.

उद्याच्या मतमोजणी आणि निकालाच्या पार्श्वभूमीवर छत्रपती संभाजीनगरचे पोलिस आयुक्त प्रवीण पवार यांनी नागरिकांना शांतता आणि कायदा सुव्यवस्था राखण्यात सहकार्याचं आवाहन केलं आहे.

मतमोजणीच्या बंदोबस्ताचं नियोजन योग्य पध्दतीने केलेलं आहे. जमावबंदीचे आदेश ही आहे. शहरामध्ये महत्वाचे जे काही संवेदशील ठिकाणं आहेत तर त्याच्यावरती आमचं लक्ष आहे आणि कायदा आणि सुवस्था मोडणाऱ्यांवर निश्चितच कडक आणि प्रभावी कारवाई केली जाईल.

****

मतमोजणीसाठी परभणी जिल्हा प्रशासनही सज्ज झालं असून, जिल्हाधिकारी रघुनाथ गावडे यांनी आज मतमोजणी केंद्रांची पाहणी करून मतमोजणी प्रक्रियेच्या तयारीचा आढावा घेतला. जिल्ह्यातल्या चारही मतमोजणी केंद्रांवर CCTV कॅमेरे बसवण्यात आले असून निमलष्करी दल आणि स्थानिक पोलीसांचा चोख बंदोबस्त तैनात करण्यात आला असल्याचं आमच्या वार्ताहरानं कळवलं ��हे.

****

बीड जिल्हा प्रशासनही मतमोजणीसाठी सज्ज झालं असून, पहिला निकाल परळीचा तर सर्वात शेवटचा निकाल आष्टी मतदार संघाचा लागेल अशी माहिती जिल्हाधिकारी अविनाश पाठक यांनी पत्रकार परिषदेत दिली. जिल्ह्यात शांतता ठेवावी, असं आवाहनही जिल्हाधिकाऱ्यांनी केलं आहे.

जालना जिल्ह्यातही पाचही विधानसभा मतदारसंघांसाठी मतमोजणीची तयारी पूर्ण झाली आहे. पाच विधानसभा मतदारसंघांसाठी प्रत्येकी १४ टेबलवर मतमोजणी होणार असून त्यासाठीची आवश्यक तयारी निवडणूक विभागाकडून करण्यात आली आहे.

धाराशिव जिल्ह्यातील चार विधानसभा मतदारसंघात मतमोजणीसाठी प्रशासकीय यंत्रणा सज्ज झाली आहे. जिल्ह्यातील उमरगा, तुळजापूर, उस्मानाबाद आणि परंडा या चार विधानसभा मतदारसंघात प्रत्येकी १४ टेबलवर, एकूण ३८७ कर्मचारी मतमोजणी करणार आहेत.

****

अहिल्यानगर जिल्ह्यातील १२ विधानसभा मतदारसंघात मतमोजणीसाठी एकूण १ हजार २५९ अधिकारी-कर्मचाऱ्यांची नियुक्ती करण्यात आली आहे.

****

दरम्यान, उद्याच्या मतमोजणी आणि निकालाच्या पार्श्वभूमीवर आज राज्यातल्या सगळ्याच प्रमुख पक्षांच्या विविध बैठका होत असून नेत्यांकडून दावे प्रतिदावे होत आहेत. शिवसेनेचे नाराज उमेदवार आपल्या संपर्कात असल्याचा दावा काँग्रेसचे प्रदेशाध्यक्ष नाना पटोले यांनी केला आहे, तर, अनेक अपक्ष उमेदवार आपल्या संपर्कात असल्याचा दावा शिवसेना उद्धव बाळासाहेब ठाकरे पक्षाचे नेते संजय राऊत यांनी केला आहे.

दरम्यान, काँग्रेसचे महाराष्ट्र प्रभारी रमेश चेन्नीथला यांनी, महाविकास आघाडीत मुख्यमंत्रिपदावरून कोणताही वाद नाही, निकालानंतर महाविकास आघाडीचे प्रमुख नेते एकत्र बसून यावर निर्णय घेतील, असं म्हटलं आहे

****

महाराष्ट्र लोकसेवा आयोगानं आगामी परीक्षांचं संभाव्य वेळापत्रक प्रसिद्ध केलं आहे. महाराष्ट्र नागरी सेवा राजपत्रित पूर्व परीक्षा एक डिसेंबर रोजी, तर मुख्य परीक्षा २६ एप्रिल २०२५ रोजी घेण्यात येणार आहे. मुख्य परीक्षेसाठी वर्णनात्मक तसंच वस्तुनिष्ठ बहुपर्यायी पद्धत असणार आहे. पुढची महाराष्ट्र नागरी सेवा राजपत्रित पूर्व परीक्षा २८ सप्टेंबर २०२५ रोजी घेतली जाईल. तर मुख्य परीक्षेचा दिनांक नंतर जाहीर करण्यात येईल. २०२५ च्या जाहिरातीनुसारची राज्यसेवा मुख्य परीक्षा वर्णनात्मक पद्धतीची असणार आहे. यासोबतच महाराष्ट्र गट-ब अराजपत्रित सेवा, वनसेवा, सहायक मोटार वाहन निरीक्षक परीक्षेचंही वेळापत्रक जाहीर करण्यात आलं आहे.

****

२०२२ आणि २०२३ या वर्षांसाठीचे उस्ताद बिस्मिल्ला खाँ युवा पुरस्कार आज नवी दिल्लीत सांस्कृतिक खात्याचे सचिव अरुणिश चावला यांच्या हस्ते प्रदान करण्यात आले. पुरस्कार विजेत्यांमध्ये अनुजा झोकरकर, सारंग कुलकर्णी आणि नागेश अडगावकर यांचा समावेश आहे. २५ हजार रुपये आणि मानपत्र असं या पुरस्काराचं स्वरूप आहे.

****

मंगळूरच्या विद्यापीठात नुकत्याच झालेल्या अखिल भारतीय आंतर विद्यापीठ क्रॉसकंट्री स्पर्धेत मुंबई विद्यापीठानं उल्लेखनीय कामगिरी करत उपविजेतेपद पटकावलं आहे. राज तिवारी या खेळाडूनं वैयक्तिक सुवर्णपदकही मिळवलं आहे. भारतीय विद्यापीठ संघाने घेतलेल्या या स्पर्धेत देशभरातल्या १३७ विद्यापीठांतल्या ८५० खेळाडूंनी सहभाग घेतला होता.

****

बॉर्डर-गावस्कर कसोटी मालिकेत आज पहिल्या दिवशी पर्थच्या वेगवान खेळपट्टीवर १७ फलंदाज बाद झाले. भारतीय संघाचा कर्णधार जसप्रीत बुमराहनं नाणेफेक जिंकून फलंदाजी घेतली. भारताचा पहिला डाव १५० धावांत संपुष्टात आला. पदार्पणाचा सामना खेळणाऱ्या नितीश रेड्डीनं सर्वाधिक ४१ धावा केल्या. भारतीय गोलंदाजांनीही उत्तम कामगिरी करत पहिल्या दिवसाअखेर ऑस्ट्रेलियाला सात बाद ६७ धावसंख्येवर रोखलं आहे. ऑस्ट्रेलिया अजून ८३ धावांनी पिछाडीवर आहे. कर्णधार बुमराहनं चार, सिराजनं दोन आणि हर्षित राणानं एक गडी बाद केला.

****

0 notes

nagarchaufer · 4 days ago

Text

लक्ष्मीदर्शनाच्या शक्यतेने पोलीस सक्रिय , ‘ मतदारराजा ‘ खरा किंगमेकर ठरणार

आपण केलेली कामे , विरोधकांच्या आरोपांना प्रतिउत्तर , वेगवेगळ्या रॅलीमधून शक्तिप्रदर्शन अशा वेगवेगळ्या पद्धतीने मतदारांपर्यंत आपला संदेश दिल्यानंतर काल संध्याकाळी सहा वाजता प्रचाराच्या तोफा थंडावल्या आहेत. सर्वच उमेदवारांनी भावनिक आवाहन करत मतदान करण्याचे म��दारराजाला आवाहन केले असून एरवी पाच वर्ष दुर्लक्षित असलेल्या मतदार राजाला आपण राजा असल्याचा आभास काल सर्व उमेदवारांनी करून दिला आहे . नगर…

0 notes

gitaacharaninmarathi · 1 month ago

Text

50. राग, भय आणि क्रोध

श्रीकृष्ण म्हणतात की, दु:खदायक प्रसंगी ज्याच्या मनाला खेद होतो नाही, सुखांच्या प्राप्तीविषयी ज्याला मुळीच इच्छा नाही, तसेच ज्याचे प्रीती, भय व क्रोध नाहीसे झाले आहेत, असा मुनी स्थिरबुद्धी म्हटला जातो (2.56). हा श्लोक 2.38 चाच विस्तार आहे ज्यामध्ये श्रीकृष्ण असे म्हणतात सुख आणि दु:ख, लाभ आणि हानी, जय आणि पराजय यांकडे समान भावाने बघावे.

आपण सर्वजण सुखाचा शोध घेतो पण दु:ख आपल्या जीवनात अपरिहार्यपणे येते कारण हे दोन्ही द्वैतांच्या जोडीने अस्तित्वात असतात. हे मासा पकडण्यासाठी लावलेल्या आमिषासारखे आहे जेथे आमिषाच्या मागे आकडा लपलेला असतो.

स्थितप्रज्ञ तो असतो जो या द्वंद्वांच्या पल्याड जातो आणि द्वंद्वातीत ही स्थिती प्राप्त करतो. जेव्हा आपण एखाद्या गोष्टीची इच्छा धरतो तेव्हा त्यापाठोपाठ दुसरी गोष्ट येणार हे निश्चित असते, मग त्याचा आकार, वेळ वेगळी असूही शकते.

जेव्हा आपण आपल्या योजनेने आनंद मिळवतो तेव्हा अहंकार उत्तेजित होतो, जो उत्साह असतो, परंतु जेव्हा त्याचे दुःखात रूपांतर होते तेव्हा अहंकार दुखावतो, जो दुःख असतो. हा काही नसून अहंकाराचा खेळ आहे. हे समजून ज्ञानी व्यक्ती आपला अहंकार सोडतो.

जेव्हा श्रीकृष्ण म्हणतात की स्थितप्रज्ञा आसक्तीपासून मुक्त आहे, तेव्हा याचा अर्थ असा नाही की स्थितप्रज्ञा त्यागाच्या दिशेने जाते. या दोन्हीच्या पलीकडे असलेल्या अवस्थेत तो राहतो. आम्हाला हे समजण्यास अडचण येत आहे कारण ध्रुवांच्या पलीकडे असलेल्या परिस्थितीचे वर्णन करण्यासाठी भाषांमध्ये क्वचितच शब्द आहेत.

स्थितप्रज्ञ हा भय आणि क्रोध या दोन्हींपासून मुक्त असतो मात्र याचा अर्थ असा नाही की तो या प्रवृत्तींचे दमन करतो. भय आणि क्रोध आपल्यात तात्पुरत्या स्वरुपात किंवा कायमस्वरुपी प्रवेश करतील इतकी जागाच ते स्वत:मध्ये ठेवत नाहीत.

भय आणि क्रोध हे वर्तमानातील भविष्य किंवा भूतका��ाचे अंदाज आहेत. अशा स्थितीत सध्या या दोघांना स्थान नाही. जेव्हा श्रीकृष्ण म्हणतात की स्थितप्रज्ञा भय आणि क्रोधापासून मुक्त आहे, याचा अर्थ तो वर्तमान क्षणात जगतो.

#bhagavad gita #bhagwad gita #gita #gita in marathi #spirituality #gita acharan in marathi #k siva prasad

0 notes