#अपनउनपरन

[nepal123]

अाँखा सुख्खा हुन नदिनका लागि अपनाउनुपर्ने सावधानीहरु …….. धेरै समय कम्युटर वा अन्य कुनै चम्किलो प्रकाश भएको यन्त्र अगाडि बसेर एकोहोरो काम गर्दा आँखा सुक्खा हुने जोखिम धेरै हुन्छ । धेरै बेर बसेर काम गर्नुपर्दा आँखाले कम्प्युटरको स्क्रिन वा चम्किलो यन्त्र अगाडि हेर्नुपर्ने हुन्छ । धेरै लामो समय हेर्दा आँखाको परेला पनि धेरैबेर खोल्नुपर्ने हुन्छ । यसैले आँखाको आफ्नो नियमित गतिमा अवरोध हुन्छ र आँखा रसाउन पाउँदैन । जसले गर्दा आँखा सुक्खा हुँदै जान्छ । आँखामा आँशुको मात्रा कम भएर लाग्ने यो रोगलाई ‘कम्प्युटर सिन्ड्रोम’ भनिन्छ । समयमै ध्यान दिएन भने यो रोग बढ्दै जान्छ र अन्त्यमा मानिस दृष्टिविहीन हुने जोखिम धेरै हुन्छ । सबैभन्दा राम्रो उपाय भनेको आँखा सुक्खा भएको महसुस भयो भने नेत्र चिकित्सकको सल्लाहमा उपचार गर्नुपर्छ । तर पनि यो रोग लाग्न नदिन आफैँले पनि केही सावधानी अपनाउन सकिन्छ : -सबैभन्दा पहिले आफैँले आफ्नो कम्प्युटर आफ्नो आँखाले तल हेर्नेगरी सेट गर्नुपर्छ । कम्प्युटरको मनिटर आँखाको दृष्टिविन्दुभन्दा उचाइमा भए आँखाको परेला बढी उघारेर हेर्नुपर्ने भएकाले आँखाको पर्दामा आँसु झर्ने क्रम घट्न सक्छ । -धेरैबेर आँखा तन्काएर एकोहोरो हेर्दा आँखाको परेला झिम्कने क्रम कम हुन्छ र आँखामा आँसु रसाउने काम पनि घट्दै जान्छ । त्यसैले अाँखा धेरै तन्काएर हेर्ने गर्न हुन्न । -आँखा ��ुक्खा हुन नदिन ‘बीस–बीस–बीस’ सूत्र अपनाउन पनि सकिन्छ । ‘कम्प्युटर सिन्ड्रोम’ रोग लाग्न नदिन हरेक २० मिनेट कम्प्युटरमा काम गरिसकेपछि २० मिटर टाढा हेरेर २० पटक आँखा झिम्क्याउनु पर्दछ । यसो गर्दा आँखाको परेलाले व्यायाम गर्ने अवसर पाउँछ । आँखाको परेला झिम्किएन भने आँखामा आँसु उत्पादन हुने क्रम घट्छ । यसैले यति कुरा विचार गरियो भने आँखालाई तत्काल सुक्खा हुनबाट जोगाउन सकिन्छ । -आँखा विशेषज्ञहरुका अनुसार आँखाले घामको प्रकाशमा सोझै हेर्दा, कृत्रिम यन्त्रको अधिक प्रयोग, वायु प्रदूषण, धूमपान, मद्यपान, लामो समयको अव्यवस्थित अध्ययन, आँखामा कमसल लेन्सको प्रयोग र औषधिको जथाभावी प्रयोग आदि विभिन्न कारणहरुले गर्दा आँखा सुक्खा हुने गर्दछ । यी कुरालार्इ‍‍ ख्याल गरे अाँखा सुख्खा हुन र दृष्टिविहीन हुने जोखिमलार्इ कम गर्न सकिन्छ । The post अाँखा सुख्खा हुन नदिनका लागि अपनाउनुपर्ने सावधानीहरु …….. appeared first on नेपाल आज.

[nepal123]

रिक्सा, टेम्पो चलाउँदा अपनाउनुपर्ने सावधानीका बारेमा प्रशिक्षण दाङ, २७ कात्तिक । यहाँका अटो रिक्सा, टेम्पो चालकलाई प्रशिक्षण दिइएको छ । बढ्दो अटो र टेम्पोको चापसँगै उनीहरुलाई व्यवस्थित गर्नका लागि ट्राफिक प्रहरी कार्यालय तुलसीपुरले शनिबार प्रशिक्षण दिएको हो । दुर्घटना न्यूनीकरण तथा ट्राफिक नियमकाबारेमा ट्राफिक प्रहरीले एक दिने प्रशिक्षण कार्यक्रम आयोजना गरीएको ट्राफिक प्रहरी कार्यालय तुलसीपुरका प्रमुख प्रहरी नायब निरीक्षक देवबहादुर खत्री केसीले जानकारी दिनुभयो । प्रशिक्षण कार्यक्रममा ट्राफिक नियम, रिक्सा, टेम्पो चलाउँदा अपनाउनुपर्ने सावधानीका बारेमा प्रशिक्षण दिइएको थियो । कार्यक्रममा अटो रिक्सा श्रमिक सङ्घका अध्यक्ष गमरचन्द्र रोकाले आफ्नो अधिकार प्रयोग गर्दा कर्तव्यलाई पनि नभुल्न आग्रह गर्नुभयो । प्रशिक्षण कार्यक्रममा दुईसय बढी अटो चालकको सहभागिता रहेको थियो ।