#يوسف شاهين

[ibnmega]

- أحلى فيلم عملته الأرض

= إسكندرية ليه.. هو ده اللي خد جوايز

- لأ الأرض

مشهد ربما يلخص بعضا من إشكالية يوسف شاهين مع الآخر، بين ما يراه هو وبين ما يريده أو يراه الآخرون.. فيلم الأرض جميل ومهم جماهيريا من وجهة نظره، لكن إسكندرية ليه فيلم عظيم ومهم في تجربته الخاصة كمخرج، من منطلق قناعاته تجاه السينما التي يريد أن يقدمها، لأنه بيحقق المعادلة اللي طالما بحث عنها في أفلامه: (فيلم جيد، يعبر تماما عن ذاته وتجربته ورؤيته الخاصة، التي يريد دائما أن تتحرك في إطارها الأحداث والشخصيات).

لا يؤمن شاهين بذات الممثل، ولا خروج الشخصيات عن إطار ذاته وقناعاته، وده جانب تاني من إشكالية شاهين مع الآخر. يعترف ضمنيًا بذلك في حوار سابق مع سلمى الشماع، اللي انفعل عليها لما حاولت تقوله إنه بعد السنين دي أكيد يعني اقتنع بأنه لازم يحترم ذات الممثل، فقالها "انتم معندكمش وسط، هو يا مقتنعش خالص يا اقتنع، خلينا في النص"، في إشارة إنه مقتنعش ولا حاجة، بس بيحاول.

وفي حوار آخر، يشير إلى إن لهذا السبب يبدو الممثلين جميعا بيمثلوا كيوسف شاهين. وفي مشهد من فيلم إسكندرية كمان وكمان، بيصارح نفسه بالحقيقة دي، لما بيوجّه عمرو عبدالجليل في مشهد علشان يمثل بنفس طريقته، وفي النهاية يقول "قفشتهااااا" في صرخة انتصار، من منطلق إنه حقق ما أراده تماما، بينما عمرو بيبص له باستنكار، لأنه حاسس إن في المشهد ده مش أنا اللي بمثل، ده انت. وطبعا المقصود هنا في الفيلم هو توضيح جانب بسيط من إشكاليته مع محسن محيي الدين، بغض النظر عن الإشارات الأخرى داخل الفيلم اللي بتشير إلى جوانب أخرى (حساسة ومهمة جدا) في الإشكالية دي، بس ده مش موضوعنا دلوقتي.

بغض النظر عن كل ده، أنا بحب فيلم إسكندرية ليه جدا الحقيقة، وبعتبره درة إبداع شاهين، وأهم سينمائيا من الأرض، وأعتقد إنه لهذا السبب بيعتبره بشكل شخصي أهم أفلامه، فمن خلال هذا الفيلم حقق ما لم يحققه في فيلم آخر، بما يتناسب مع عمل جميل ومهم سينمائيا، وعمل يرضي ذاته كمخرج.

[famy-x]

An Egyptian Story حدوتة مصرية Directed by Youssef Chahine 1982 Egypt

[yasser-murshid]

ما نرضاش تدوس البشر بعضها

[semarys]

- ايه، مالِك؟

- مافيش

- شكلك مش مبسوطة يعني؟

- همّا المبسوطين بيبقا شكلهم ازاي؟!”

يوسف شاهين - تحية كاريوكا

اسكندرية كمان و كمان

[kesmat-khaled]

" تعرف لو الراجل اللي بيحبني قطعني حتت كده زي ما انت عملت مع البت هنومة! , أنا كنت أبقى راضية.. والله الموت أرحم من الركنة . "

( اسكندريه كمان وكمان /١٩٩٠)

[hamadaalam]

زمن بيكسبوا فيه فرد واحد 5000 جنيه في دقيقة،

ويغلوا ع التاني أجرة التروماي وعايزني أكسبها!

[stephenson-2dfk1]

ان كنت منتظر كلمه شكر واحدة منى ريح نفسك مش هنطقها حريتى ديه من حقى وانت مرجعتليش غير حقى .

ابراهيم

[ahmed-sad]

لو غاب قمر.. مليون قمر طالع

نفتح سبيل.. في المستحيل

يا فجرنا يا سلسبيل مهما تغيب راجع

[7awadet]

‏أول مرة شوفتك كنت عايزة اسمع صوتك، ولما سمعت كنت عايزة أبص في عينك ولما بصيت..حبيتك.

سارة - إسكندرية ليه

[sarahtarek]

“أنا مش خايفة من قلبك.. قلبك صافي وجميل، زي الصحراء دي.. راسك، هي اللي مليانة أشباح.”

المهاجر ١٩٩٤

اخراج : يوسف شاهين

[famy-x]

اسكندرية كمان وكمان Alexandria Again and Forever Directed by Youssef Chahine 1990 Egypt

[smallbutkindcouch]

٥ أكتوبر

بابا انا بحب

اول حد حبيته في حياتي كان اسمه كريم وكان ابن صاحب بابا.. كريم كان عايش مع اهله في ألمانيا وبيجي زيارات في الصيف.. معرفش ليه حبيت كريم، يمكن عشان كان هو وبابا بيتكلموا ألماني سوا ويغيظوني، وانا اقعد اتنطط عليهم بشوية الفرنساوي اللي باخدهم في المدرسة.. ( عامة أي شخص يعرف حاجة أنا معرفهاش هو شخص مثير للإنتباه بالنسبالي) المهم حبيت كريم، وروحت قلت لبابا اني بحبه، وعايزة أتجوزه.. باب ضحك وقالي خبط لزق كدا، قولتله اه

بابا خدني واشترينا جاتوه وبوكيه ورد، وروحنا لكريم البيت عشان بابا يخطبهولي.. واتفقنا لما نكبر هنتجوز.. طبعا عيلة كريم كانوا باصين علينا ان احنا شوية عالم مجانين، بس بابا كان واخد الموضوع جد جدًا، وأنا كنت سعيدة بدا.. ماما كانت شايفة إن اللي بيحصل دا غلط، وبابا كان شايف إن دا هي��لينا نحس بالأمان، وبالعكس هو فرحان إن أنا جيت قولتله.. بابا كان مدلعني دلع مرق الحقيقة، وماما كانت شايفة إن دا غلط، وبابا كان شايف إن وقته في الدنيا معايا هيبقى قليل، فيدلعني دلوقتي عشان كدا كدا الدنيا هندوس عليا، فابقى شفت ايام حلوة.. والحقيقة أنا مشوفتش في حياتي دلع وهنا وعز غير وبابا موجود.. أيام كنت أتمناها تدوم أكتر من عشر سنين، بس تمام أنا راضية، يوم واحد في حياتي مع بابا، ذكراه كفيلة تخليني راضية عن حياتي ومتصالحة مع كل حاجة وحشة حصلتلي ..

واحنا قاعدين عند أهل كريم في الصالون، كنت حاطة رجل على رجل وبهز رجلي، وبسمع كلام بابا، وفخورة أوي، كنت حاسة إني في لقطة في فيلم، أو في رواية.. فيه حاجة أدركتها وأنا كبيرة، إن بابا كان عارف إن أنا بالذات مش هيحضر جوازي، فكإن أنا وهو ساعتها كنا بنعاند الدنيا، ونعيش لحظة عارفين إنها مش هتحصل

الحقيقة كريم وافق طبعًا.. وكنت راجعة مع بابا في العربية وباصة من الشباك وأنا سعيدة إني بحب… ومن يومها وأنا بقيت أعبر عن مشاعري بمنتهى السذاجة والرعونة والعبط.. بس كنت كل ما بكبر، كنت بحاول أسيطر، عشان حسابات العقل غير.. بس مع كل مرة كنت باخد خطوات لورا عكس اتجاه قلبي، واكتم كل شعور قلبي حس بيه، كنت بحس قلبي هيطق.. بس أوقات كدا لازم نسكت عشان مينفعش.. لإن الدنيا صعبة.. صعبة جدًا.. بس الأكيد إن عمري ما قلت مشاعر مش حساها لمجرد إن في الناحية التانية الشخص بيحبني، أنا بقول مشاعري لما أكون حساها بس.. كدا كدا مشاعري مش مستنية رد فعل، أنا بقولك إني بحبك عشان بحبك مش عشان مستنية مقابل..

أنا الذي أحبك، فأنا المدين لك بكل شيء ( الاختيار.. نجيب محفوظ.. يوسف شاهين ) .

[manar-3424]

" لا يهمنى اسمك لا يهمنى عنوانك، لا يهمنى لونك ولا بلادك مكانك، يهمنى الانسان ولو ملوش عنوان

_ يوسف شاهين

[zawzana1]

انا بعتبر ان ابتلائي في الدنيا هي دماغي ، دماغ بتحلل طول الوقت الكلام، المواقف الماضي، الحاضر و المستقبل، ويا سلام لما تحب تربط الأحداث ببعض! فشر يوسف شاهين في افلامه اللي نصها مابيتفهمش..

مبتفصلش!

[zahraa17]

"أنا مش خايفة من قلبك .. قلبك صافي وجميل، زي الصحرا دي .. راسك هي اللي مليانة أشباح "

المهاجر (١٩٩٤)

يوسف شاهين

[aestheticvh]

يوسف شاهين