#ونسكافيه.

[eshragcom]

برعاية بيبسي ونسكافيه.. رفاهية وبذخ في مهرجان الجونة

اشراق العالم 24 متابعات عالمية عاجلة: نقدم لكم في اشراق العالم24 خبر “برعاية بيبسي ونسكافيه.. رفاهية وبذخ في مهرجان الجونة” رغم أن منظميه يزعمون أنهم يتضامنون مع غزة، فإن مهرجان الجونة السينمائي أعلن عبر حسابه الرسمي على مواقع التواصل الاجتماعي أن شركتي بيبسي ونسكافيه الداعمتين للاحتلال الإسرائيلي هما ضمن رعاته. وحسب مقدم برنامج “فوق السلطة” نزيه الأحدب، فقد أوحت المخرجة المصرية إيناس الدغيدي بأن…

[jee-jamall]

صباح ايه دا اللي من غير شاي ونسكافيه حتى القهوة 😌

[al-lmed]

قهوة ايه ونسكافيه ايه عشان افوق انا عايز سلك كهربا ..

[itsbtates]

‏أكيد في مشاعر تانيه غير إن الواحد عايز يشرب قهوة ونسكافيه وايس كوفي

[hum-el-num]

من قعدتي هنا في القاهرة بسبب شغلي في مكان راقي شديد الحيوية والزحمة والمحلات والتوكيلات والبنوك والمطاعم والكافيهات، صرفت كتير أوي عالأكل، ان كان وجبات أو شيبسيات وماية وحاجة سقعة وقهوة ونسكافيه، المطاعم هنا كتيي��رة اوي وعليها زحمة كتيرة، خلاصتي للموضوع ان الأكل هنا طعمه سئ جدا غالي جدا مقارنة بالمحافظات التانية، كمية الأكل قليلة وجودته بنت ستين كلب !! عشان كدا مقضياها شيبسي وانا اصلا ماليش فيه..اللي كان فيه الرمق شوية، الكشري والطعمية!! أنا بقالي اكتر من ٥ سنين ماشتريش لا طعمية ولاكشري، هنا اضطريت اشتريهم لبساطة سعرهم نوعا ما(سندوتش الطعمية ب ٩ !!!!!!) وطعمهم مقبول شوية، بس هروني انتفاخ وقرف ! فبجد القاهرة والجيزة خرا في الأكل بتاعهم !

[shu-rooq]

هتفضل الصباحات أقرب وقت لقلبي في اليوم. بس مش الصباحات المزعجة المستعجلة اللي بجري فيها ورا نفسي عشان الحق لفة الساقية من اولها، ولو إن دي لما بيبقى مزاجي هادي بتبقى مميزة برضو، بس اقصد الصباحات الرايقة، اللي بتكون في يوم اجازة مش مضطرة اخد بالي فيه من الوقت بيعدي ف قد إيه، واللي بقدر استمتع فيها بلحظات تخصني أنا وعلى بساطتها بتمثلي العالم كله، زي كوباية نسكافيه مثلا. عادي، بشرب قهوة ونسكافيه ف الشغل بس طعم اللي بشربه يوم اجازة الصبح أحلى. حتى إني قاعدة بقلب في القنوات بلا هدف دي حاجة ممتعة. زمان كنت بزهق وبزعل من كتر التقليب وإني مش لاقية حاجة اتفرج عليها بسرعة، بس دلوقتي وبرغم إني اقدر اتفرج على أي حاجة أنا عايزاها ف أي وقت إلا إني بختار بكامل ارادتي افتح التلفزيون وأفضل اقلب بلا هدف حتى لو ملقتش حاجة اشوفها. حاجة كدة شبه عايزة احس إني قاعدة مع ناس بتحرك وبتتكلم مش حاجة متسجلة وخلاص.

بغض النظر عن الرغي بس أنا حسيت إني محتاجة اتأمل ف حياتي شوية واخد نفسي وأخرج ده برايا. حياتي بقى شكلها مختلف ومش كل اللي كنت متعودة عليه قادرة اعمله بس مش متضايقة من حياتي ف المطلق، صحيح مستغربة الرتم ومش عارفة هقدر احافظ على حياتي بنفس الرتم من غير ما افقد مجهودي ولا لأ بس ادينا هنشوف. بييجي على بالي فترات مختلفة مني في مراحل مختلفة من حياتي، ناس كتير، ناس راحت وناس جات وناس راحت ومجتش. أنا صحيح أشعر بالاحباط وخيبة الامل من علاقات حياتي، بس مش متضايقة، حاسة برضو بإنهم احرار ويالا مفيش نصيب. حاسة برضو إني نفسي في علاقات جديدة ف حياتي بس مش عارفة ازاي، بس مش مهم برضو دلوقتي. الحلو اللي راح في حلو غيره، ف إيه هننهب؟ وبعدين هزعل ليه برضو؟ هو احنا كنا وزرا واترفدنا؟ ما عادي!

[ibrahimshoukri]

كفايه شاي ونسكافيه يسطا انت مش صنايعي 🤦

[sarrah]

عقلي: ما تقومي نعمل قهوة

عقلي بردو: أنتِ واخدة بالك شربنا قهوة ونسكافيه كم مرة انهاردة؟

عقلي في الآخر: عليا الطلاج ما حد شارب قهوة ونسكافيه هنا تاني، اشربي شاي ولا عصير، أنا محتاج أرتاح شوية يولاد ال…. كفاية عليا اللي أنا فيه 😤

[fl-uoxetine]

عايزة انزل مكان رايق كدة بيعمل كرواسو عظيم ونسكافيه، هموت بعدها مبسوطة اوي

[cybelle-jessy]

لما افطر توست دايت ونسكافيه من غير سكر واتغدى محشى واتعشى مانجا

[shimaaabdelrahman]

عايزه مولتو مجنم ونسكافيه هالحين ومكسله انزل اجيب 🙃هقول لبابا يجبلي ويارب يوافق

[m---a-h-a-m-e-m]

حد يشيل الكيتل من اوضتي علشان مش عارف ابطل اشرب ينسون وكركديه ونسكافيه وشاي بلبن

[hum-el-num]

مرتادو المترو ..ليه مفيش كافيه ولا كشك بيعمل قهوة ونسكافيه وسحلب عند المترو.. مهو أنا عاوزة افوق كدا وانتظر واتفرج على المترو والركاب قبل ماركب لأن ميعادي لسة بدري عليه وعاوزة اضيع شوية وقت 🥴😵‍💫 بس جميلة الموسيقى اللي مشغلينها دي 😊

[hadeer-1]

وأنتي بقي بتنام�� عشان تصحي بدري؟

-لا أنا بأكل سويسرول ونسكافيه عشان أدلع نفسي.

[sarrah]

منمتش ساعتين على بعض أعتقد، خدت وقت على ما نمت أصلا، وبقالي ساعة وشوية -معرفش كتير ولا قليل- صاحية، روحوني لسريري أنام وأجيلكم بكرة طيب 🥲

انهاردة كلت وجبة واحدة بس، تقلت سيكا عن المعتاد، لكن كنت بفش غلي بصورة أو أخرى، حاسة إني عاوزة أبدأ أتدرب على النظام دا علشان رمضان، أخليها وجبة بعد المغرب وخلاص، ونقلل نقنقات الصباح، أو نأجلها لليل، أينعم أنا بقيت وأخيرًا وهنغض بصرنا عن إنه تأثير لبس الشتا ٤٨ كيلو مرة واحدة -خالتو قالت إني تخنت وأنا هعمل نفسي مصدقة 🤝🏻- لكن مش مشكلة فدا الشهر الكريم، أبقى أدعي فيه أتخن، وطالما صحتي تمام أو بنمثل على بعض إنها تمام أنا مرتاحة، نبقى ندعي بالصحة والستر بردو 😂

وطبعًا مش هينفع نذكر الأكل بدون ذكر القهوة 🥲🥲🥲🥲🥲🥲 الفترة دي بشرب قهوة ونسكافيه بغباء والله، بانتقام أكثر منه غباء بصراحة 👀 لكن عاوزين نقلل دا، كمًا وكيفًا، كمًا نخليه فنجان صغير بدلًا من اثنين كبار، ومج النسكافيه هو هو، وكيفًا بدل أول حاجة الصبح عالريق لبليل بعد الغدا، والنسكافيه بردو نخليه في فترة بليل أو ممكن نستغنى عنه علشان غلي ونخليه بديلًا للقهوة، تحدي صعب الحقيقة لكن قدها إن شاء الله ومعانا شهرين لسة يعني 🤦🏻‍♀️

أنا بحب دخلات رمضان أوي -اللهم بلغنا- لأنه مجرد ما بفتكر إنه خلاص باقي عليه أيام مهما كان حالي في الحضيض على كل المستويات بحس إني بخير وبحس إني مبسوطة وقلبي مبسوط وبيبقى عليا رداء من الفرحة كدا أغبط عليها وبحس إنه الحزن يحرم مع رمضان، كمان رمضان السنة دي مختلف، هقضية برفقة مريم وفاطمة الصغيرتين والصغير الجديد ربنا يجيبه بالسلامة ✨ فهيبقى شهر جميل فوق جماله، متشوقة أكتر حاجة، بردو العبادات فيه بيبقى ليها لذة مختلفة.. أذكر رمضان اللي قبل اللي فات كان التخرج مقيدني كتير، لكن رغم دا عباداتي البسيطة كانت مباركة، يارب رمضان دا أزيد ولا أنقص، ونستمر بعده ولا أنقص أبدًا 💖

[ibrahimshoukri]

سهرة شغل مع عصام صاصا ونسكافيه درجة غليان الميه 165 زي ما مكتوب علي العلبة