#وحسبي الله ونعم الوكيل

[themoonisgolden]

يا رب العالمين يا أرحم الراحمين ارحم الإمام خليفه مارسيلوس ويليامز واجعل قبره روضه من رياض الجنة.

[fl-uoxetine]

محتاجة في خلال ٣ شهور اكون اشتريت عربية تانية بعد كل المجهود ده، الله المستعان

[sarrah]

حسنًا.. يمكنني أن أتجاوز وأصبح شخصًا أفضل 🙂

[t-ablog]

" بوست شخصى مصرى "

‏بمناسبة الذكري المشئومة دي ( ذكرى مذبحة رابعة)

انا لاول مرة هتكلم عن جانب بسيط من حياتي الشخصية ويمكن لاخر مرة

ومعلش استحملوني

قبل انتهاء ذكري رابعة التي ما زالت ذكراها تنغص العقل والقلب في كل عام

كل ما تيجي الذكري دي وافتكر الليلة دي

واحداث صباح هذا اليوم

احس اني بكره البلد دي قوي بكل اللي فيها

‏بكره جيشها وشرطتها وكل ولاد العرص اللي فيها

انا دلوقتي لما بشوف ظابط جيش ماشي في الشارع بيبقي هاين عليا ابصق عليه واشتمه والله ايا كان موقفه وميوله بس مجرد اني بشوف البدلة بس

انا يمكن قبل 25 يناير مكانتش مصر تفرق معايا في اي حاجة وعمري ما افتخرت اني مصري وكنت لا بحبها ولا ‏بكرهها بس كنت دايما حاسس انها مش بلدي ولا بلد الغلابة اللي عايشين فيها ولكنها بلد الجيش والشرطة والقضاء والنيابة واي واحد صاحب سلطة او نفوذ واما الباقيين فهم ضيوف في البلد وضيوف تقال كمان علي الناس دي

بس كنت عايش فيها مضطر طبقا للظروف اني اتولدت فيها وتمنيت كتير اني اسافر برة مصر واهرب من القرف ده وسعيت لكده فعلا كتير وكنت بالفعل قاب قوسين او ادني واخدت التأشيرة للسفر الي اوروبا ولكن شاء ربنا في اللحظات الاخيرة اني الغي السفر واقعد في مصر

وبعد كده لاسباب كتير لغيت تماما فكرة السفر من دماغي وقلت خلاص

بقي مش مستاهلة نفضل في البلد دي ونكمل فيها ‏وامرنا لله

ولعل الله يحدث بعد ذلك امرا

والصراحة كنت فاقد اي امل في البلد دي او الشعب ده ان الحال ممكن يتغير او ينصلح

وكنت عارف انه عامل زي قطيع من الخرفان او الغنم

وفعلا صفارة بتجمعه وعصايا بتفرقه وانهم وصلوا لمرحلة من الجهل والبلادة والتخلف يخليهم فعلا يستاهلوا الحال اللي ‏هما فيه

عمري ما امنت ولا صدقت في اي انتخابات في البلد دي وعمري ما فكرت مثلا اني اروح اطلع بطاقة انتخابية او انضم لحزب سياسي

وعمري ما روحت صوتت في اي انتخابات في حياتي

ويمكن كمان كلامي في السياسة كان قليل جدا او مكنتش بحب اتكلم فيها خالص ولا مهتم بيها من الاساس

حتي قبل الثورة ‏بأيام انا مكنتش مصدق ان دي ممكن تبقي ثورة او ان الشعب ده ممكن كله ينتفض فجأة

وكنت شايفها هتبقي مظاهرة عادية وكام قنبلة غاز وخرطوم مية هيخلي الكل يروح بيته والموضوع يخلص

بس بعد اللي حصل في ال 18 يوم وحتي تنحي مبارك

حاجات كتير قوي اتغيرت معايا وبدأت افتخر وانا بقول انا مصري ‏بدأت اهتم بالسياسة واتكلم فيها كتير ونزلت الاستفتاء بتاع 19 مارس لاول مرة في حياتي واحس ان صوتي ليه قيمة وهيفرق ومفيش تزوير خلاص

حسيت خلاص ان مصر بقت بتعتي وبتاعت اهلها

وان مصر والمصريين ممكن يعيشوا اخيرا احرار في جو ديمقراطي نضيف زيهم زي اي شعب محترم في الدنيا

وفي انتخابات ‏الرئاسة مكانش فارق معايا قوي مين هييجي مرسي ولا حمدين ولا ابوالفتوح ولا حتي خالد علي

بس المهم ان هييجي واحد هو عارف ان الشعب هو اللي اختاره وقدامه اربع سنين عشان يقدم فيهم نفسه للشعب

خلاص بعد الثورة العظيمة دي خلصنا من عصر الدكتاتوريات وعصر الفرد الواحد وعصر الجيش او كان متهيا‏لي كده

��حد ما جه اليوم المشئوم بتاع تلاتة يوليو

وظهر تاني المصريين علي حقيقتهم اللي انا كنت اعرفها عنهم بجد وكمان من بعدها ذكري 14 اغسطس الاليمة جدا

قلت لنفسي فعلا هما دول المصريين اللي انا عرفتهم طول عمري بفقرهم وبجهلهم وبتخلفهم وهمجيتهم وعبوديتهم واللي بسببهم انا كنت عايز ‏اطفش من البلد دي

المرة دي بقي بجد انا كرهت البلد وتاني كرهت الجيش وكرهت الشرطة وكرهت كل المعرصين من الشعب ده

واكتر بكتير من الاول ومش طايق حد فيهم

وبجد مش طايق اقعد في البلد دي ونفسي اسيبها النهاردة قبل بكرة

ومنهم لله وحسبي الله ونعم الوكيل في كل واحد وصلنا للي احنا فيه ده

انتهي ............. ...... ......... منقول من مصرى مقهور

الكلام دا يمثلنى شخصيا بنسبة 100%

الاختلاف الوحيد أنة هو لم يسافر ... انا سافرت فعلا

كان عندنا امل أن نعيش ...

ولكن الامل تبدد وأصبح سراب بل للدقة أصبح جحيم نعيشة ونراة ونلمسة ونتذوقة بمرارة 👎👎

ومازال الامل فى بكرة 📍

لعل الله يحدث بعد ذلك امرا

T

[cutyrozy]

اللاعب احمد رفعت أراد ربنا أنه يرجع من الموت بعد توقف قلبه في شهر مارس اللي فات لسبب يعلمه الله والنهارده ربنا استرد وديعته 🙏🏻🙏🏻 لله الامر من قبل ومن بعد ، اللقاء دا من اسبوع تقريبا.

الدرس المستفاد ؛ الضغوط النفسية بتموت ... الضغوط النفسية بتموت ... الحزن بيموت .. القهرة بتموت ... الظلم بيموت 🥺

اتقوا الله ... اتقوا يوما ترجعون فيه الي الله.. حقوق العباد ربنا مش بيسامح فيها إلا بعفو العباد .. هتجيبوه منين بقي علشان يعفي عنكم 💔💔💔

انا لله وانا اليه راجعون ربنا يصبر قلب اهلك وحسبي الله ونعم الوكيل في اللي كان سبب في اللي انت كنت فيه 💔💔💔

[zahraa17]

حاسه بإرهاق شديد من كوني حد منطقي جدًا وعاطفي وحساس جدًا، حاسه أني في صراع دائم بين حساسيتي اللي بتخلي المشاعر إكستريم وبين عقلي اللي بيحلل كل صغيرة وكبيرة..

وحسبي الله ونعم الوكيل:"

-آلاء مسعد

[elsaqqa-4ever]

هي الحجاز بين الظلمة والنور

بدرا بين ظلمة العباءة

جاءتني فسألتني

اوصفني ؟

فأجبتها: أنت كمال الجمال بين الغجر.

فسألتني: وإن لم يكن وجودا للغجر؟

فأجبتها: إن كانوا فيهم من الجمال ما يضاهي جمال��، فلنحتكم للقرعة، فالقلب لا يمتلكه غير جمال واحد.

فأجابتني سريعا دون تفكير.

نعم يا روح أمك

فالحجازية مصرية

فأسلمت وجهي لله وحسبي الله ونعم الوكيل.

[jojou2]

🟥 الملاكمة الجزائرية 🇩🇿 إيمان خليف تبلغ نهائي وزن 66 كلغ بفوزها على التايلندية 🇹🇭 جانجيم سوانابين

مبروك للجزائر 🇩🇿🥇🥈

وحسبي الله ونعم الوكيل

الف مبروك

❤️❤️❤️❤️❤️❤️ الجزائر

ALGERIA

🇩🇿

[nermeanissawy]

بدون اي فلتر او ايديت قررت فيها اظهر كل الحاجات اللي في بشرتي اللي بسعي جاهده دايما اخفيها بس بقالي فتره كنت نفسيا في اسوء حالاتي وصحيت لقيت وشي بقي كده مره واحده فا قولت انتو مش غُرب يعني كفايه اني بداري اللي جوا مش قادره كمان اعمل ايديت واداري اللي برا وحسبي الله ونعم الوكيل في اى حد كان السبب في الضغط اللي كنت فيه الفتره اللي فاتت ووصلني اني جسمي ميتحملش الضغط والاذى ده ومقدرش اداريه من صعوبته عليا فيقرر يطلع الحزن ده علي ملامح وشي يارب خدلي حقي منهم انا مش مسامحه

[jee-jamall]

١٤ قضية في الفيفا اتحلوا الحمدلله ي زمالك دا انت جبل كل الشكر والله وحسبي الله ونعم الوكيل في المعزول وأخيرا نادينا هيشوف النور 🤍

[kelebek-gibi]

حاسة ان معظم البنات فييها حته انها نغشه وفرفوشة دي والراجل اللي بيطلعها منها او يطفيها

ف صباح الخير وحسبي الله ونعم الوكيل ف الرجاله 🫰

[the-joyful-abyss]

بخلص سيشن الولد ده ضغطي عالي والصداع مدمرني، ختام أسبوع ولا أقذر، وحسبي الله ونعم الوكيل في الأهل المهملة. 🤦

[blueberry7611]

يلا صباح الخير وحسبي الله ونعم الوكيل في الرجاله (الزباله)

[sarrah]

روحت مع أختي عند الدكتور، فهي بنتها هتتزوج الفترة دي وكدا فبتقول لأختي: مش عارفة البنات مستعجلين عالجواز ليه؟ أنا:

[gomls-world]

مات أصحاب الفجر بأيدى أصحاب السبت و أسلحة أصحاب الأحد وعلى مرأى ومسمع من أصحاب الجمعه

لك الله يا غزه وحسبي الله ونعم الوكيل

[dimitri97]

جماعة لو في حد هنا لسة مجربش 40 Dash وبيفكر يجربها ، يهرب وميجربهاش ، طلعت overrated بطريقه بشعة وحسبي الله ونعم الوكيل في البلوجرز 🙂🙂🙂