#هنعيش

[esrasaroo2]

هنعيش لسه ياما هنشوف

[lil98s]

ان نستمر في الحياة هو أيضاً نوع من الفن 🎨

[nadd-10]

لما كلها فترات صعبة ، طب هنعيش امتى

[saraalii]

فيها ايه لو قررنا نعيش اللحظه ،، نستمتع بالوقت ، نحسس نفسنا ان الوقت ده مش هنعرف نكرره تاني ولا العمر بيفضل ولا هنعيش طول عمرنا بنفس السن ده ،، يعني الوقت واللحظه اللي بتروح مننا مش هنعرف نرجعها تاني .. وكفايه زعل وحزن لان نستاهل نعيش مبسوطين في حياتنا ،، وده كلام نفسي بتقوله ل��ا يوميا بس عمري ما عرفت اعمله ....

[3pqr]

‏كل التجارب اللي مريت بيها في حياتي علمتني حاجه مهمه جدا وهي اني متعلقش بشخص متعلقش بمكان متعلقش باي حاجه ممكن تروح مني في يوم ومش معنى كدا اننا ننعزل عن كل حاجه لا هنعيش ونستمتع لكن بحذر وهنعمل حسابنا ان الحاجه اللي متعلقين بيها دي وارد في يوم انها تروح مننا

[sarahtarek]

طب ايه يامصر هنعيش كسم الحياة امتى؟

[areejabdel-muttalib]

‏الحمدلله علي نعمة الإسلام، الحمدلله علي شعائر الإسلام الجميلة اللي من غيرها مش عارفة كنا هنعيش إزاي! وكل سنة وانتوا طيبين جميعاً وعيد مبارك عليكم.❤️

[gannaadel]

بكفر وبرجع في اليوم الواحد ميتين مرة. مش بربنا لأ، لكن بالحياة كفكرة، وبالبشرية كنوع.

أول مرة كفرت كان يوم فضّ رابعة. الكُفر الطفولي المقموص دا اللي حاطط إيده في وسطه وبيدبدب في الأرض ويزعّق للسما: "انت إله انت؟ سايب اللي بيحبوك يتدبحوا كده وواقف تتفرج؟ أكيد انت مش وجود، ولو موجود ما تستحقش العبادة". كنت بدرّس وقتها في جامعة الأزهر، وشايفة الطلبة بتوعي بين اللي أهله ماتوا أو اتقبض عليهم واللي قلبه محروق. واحد منهم قعد في المعتقل بعدها ٧ سنين. كان اسمه خالد. مهذب وبشوش. والناس بتهتف افرم يا سيسي، وأمي في البيت - مسكينة - بتعلق صورة الجنرال. المنقذ. بس أما وريتها صور، بكت، بس ما شالتش الصورة.

كنت صغيرة. حزينة وغضبانة.

المرة دي إيماني بيه ما اتزعزعش لحظة. علاقتنا نضجت كتير. بطلت قمص مبدئيًا، بقيت أقول وريني. وريني. مستغربة شوية من نفسي بصراحة، بس برجع واقول مشواري ابتعادًا عنه ورجوعًا إليه كان طويل وشاق. اختبرته واختبرني مرارًا، شافني وشفته مرارًا، بوشوشنا المختلفة، ف معنديش أي شك في وجوده، ولا في رحمته، ولا في حكمته، ولا في قدرته.

��ارفه إنه بيحب يعقّدها قوي وبعدين يحلّها. بيحب الـ كام باكس الملحمية. بيحب يستعرض فيها قدرته، السيناريست المدهش العبقري اللعبي. عارفة إنه مش بس حاسس بينا - كلنا، أشرفنا وأنجسنا - في اللي حاصل دا، لأ، دا عايشه من خلالنا. وإنه، كالعادة بيرتب لحاجة مدهشة. السؤال بقى امتى؟ سؤال إنساني جدًا. ويمكن دا اختبار الإنسانية الحقيقي. الزمن. الحفاظ على نسبنا الإلهي واحنا خاضعين للزمن ومزنوقين في أعمارنا المحدودة ومش عارفين هنعيش لحد ما نشوف العدالة ولا لأ. هنشهد الكام باك دي ولا لأ. دا اللي رفضته السماوات والأرض والجبال وأشفقن منه؟ حقهم بصراحة.

وحملها الإنسان..

شفت إنسان بيتبرع بتلاتين جنيه وإنسان بيحوّل اللي حاصل لحملة دعاية ذكية وخسيسة. إنسان بيدافع عن المعتدي أملًا في نفحة، وإنسان بيخاطر بكل ما يملك عشان يقول كلمة حق، أو يغرس فسيلة والناس بتجري من أهوال القيامة. إنسان بيحاول تحقق إنجاز سياسي بوضاعة مدهشة، وإنسان خايف على اخواته في الإنسانية، وعلى بكره، وع الحاضر. شفت كتير. بقول لنفسي يمكن دي فكرة الحياة أصلًا! اختبار كل السيناريوهات الممكنة. كلّها. مش بس الحلوة أو العادلة أو الشجاعة. لازم انحطاط، وسفالة، وانتهازية وقمع. مكوّنات أساسية في كيكة الحياة الكبيرة المدهشة. في كيكة ربنا الكبيرة المدهشة. كيكة لا يمكن تناولها إلا برّه الزمن.

ماري في الطريق. آخر ليلة قضيتها معاها كانت في أول الموضوع خالص، وكنت مفلوقة من العياط ودايرة في البيت زي الوحش الحبيس بخبط دماغي في الحيط. محشورة في أسئلتي. أروح رفح ولا أفضل هنا أكتب واترجم وأودّن؟ هل أنا في المكان الصح؟ هل أنا بعمل كفاية؟ هل اللي بعمله دا ليه لزمة؟ هل أنا عايزة أبقى مفيدة، ولا عايزة تبقي بطلة؟ فين هبقى أفيد؟ مكانش عندها رد، بس عينيها كانت طيبة وصادقة.

ماري مش متابعة كويس. أهلها في فرنسا طبعًا دماغهم مغسولة حد التقرّح، وهي حاسة بيا مش عارفة تواسيني. من شوية على استحياء سألتني لو ممكن تيجي تطمن علينا وتعمل لي كيكة شوكولاتة. وافقت. شفته فيها. شفت ربنا فيها. وجهه الحنون، ذو الجلال والإكرام، هيكون عايز يقعد جمبي ع الكنبة النهارده يراقبني بإشفاق وانا بتابع المظاهرات والضرب جوّه وبرّه، يسمعني بشتم وبزعّق ويرّد عليا بانجليزية مكسورة "اتس أوكيه والل��. اتس أوكيه"، يعمل لي كيكة شوكولاتة، وياكلها معايا، برّه الزمن.

[nourr-9]

بكره يا حبيبي يحلو السهر ، بكره يا حبيبي يحلو القمر ، وبكره يا حبيبي أنا وأنت يا حبيبي هنعيش يا حبيبي حبايب حبايب ❤️

[egypt-official-blog]

إحساس الخذلان او الخداع اللي بيحصل فالعلاقات وصفته 'وردة' بالنسبة ليا وهى بتقول

"رسملي عالسما جنة فيها الهنا وقال هنعيش هنا قلت احلوت سنيني وبنالي فالخيال قصور من الامال وقال مفيش محال نمت وغمضت عيني..

ومرت الايام وصحيت من الأحلام ملقتش غير الام وعذابي مستنيني"

معرفش ازاي حد قدر يوصف بالدقة دي..

انك تحب حد وتأمنله وتصدق كل الوعود وتسيب نفسك وقلبك وفجأة تصحى من الحلم وكأن كل ده سراب وتعيش فتأنيب انك ��زاي صدقت وازاي هتكمل بالالم ده وانت مكنتش مستعد ليه..

وتنهي 'وردة' بالمقطع الأجمل على الاطلاق

" لا عتاب هيشفي جراح ولا هيجيب اللي راح.. "

وكأن الحل مش فعتاب الشخص او سؤال "ليه" اللي بنكون مستنيين إجابته لأن لا الإجابة ولا العتاب هيريح ولا حاجة هترجع زي الأول..

اللي اتكسر مبيتصلحش ولا الجرح هيتبخر كأنه محصلش.♥

[saraadel-00]

ببقي قاعدة ف امان الله وفجأة اقول احنا هنعيش كام مرة و اقوم صارفة كل الفلوس الـلي معايا ع الاوردرات 😔

[hellxx]

صوتها لواحده احساس

[lily-in-sun]

ماشي احنا ماعندناش الإمكانيات الكفاية ال تخلينا ندخل حرب ونقف جنبهم واحنا لوحدنا وهم معاهم امريكا وكل الدول بتدعمهم ولو دخلنا هتكون عملية انتحارية وقر��ر غلط وغير مدروس وبلابلابلا

بس مش عيب لما تكون غزة حتة اد كدا وعارفين يقفوا ف وشهم؟ مش عيب لما نكون اكتر دولة عربية واقفة ع رجليها دلوقت ومعاها السلاح والجنود ونقول كدا؟

ماما كانت بتقولي لا احنا مش لوحدنا، هم معاهم أمريكا، احنا معانا ربنا، ودي الجملة ال خلت كل حاجة واضحة قدامي لأول مرة

"وما رميْتَ إذ رَمَيْت ولكن الله رَمَى"

فكرة إننا عاجزين بشكل كامل مش حقيقية، في حاجة ممكن تتعمل ولكن المشكلة الوحيدة هي إن مفيش قيادة، الناس كلها دمها فاير ومحتاجين حد يوجههم وهيكونوا مستعدين يعملوا اي حاجة حتى لو هيروحوا ع الحدود، ولكن بكل أسف دا مش هيحصل

والنتيجة هتكون إن طول عمرنا هنعيش ف خزي وعار حتى لو مش بإيدينا، والحرب هتحصل هتحصل ولكن مش هتكون بشرف هنتجرّ ليها مذلولين، ويوم مالمسجد الأقصى يتحرر لو شهدناه، مش هيكون لينا عين نروح نصلي فيه ونقف وسطهم، عشان دا مش مكاننا ومانستحقش الشرف دا وماعملناش حاجة عشانه، ودي أكتر فكرة قاهرة وجالبة للدموع :)

[flybirdsworld]

الساعة لسه ٩ و نص و أنا مفكراها الساعة واحدة ، لا ده إحنا هنعيش أيام جميلة مع الأوفرثينكينج في الشتاء .

[shimaaabdelrahman]

لما كلها فترات صعبة ، طب هنعيش امتى

[3pqr]

انا حزين .. حزين و غضبان والله

ومش هيشفي غليلي الجمل المحفوظة عن ربح البيع و صدق النوايا

مش هنعيش حياتنا كلها في هزيمة !! نفسنا في شهادة مع نصر

لم يكن رسول الله صلى الله عليه وسلم يفرح باستشهاد المسلمين بل كان يحزن عليهم و يثأر لهم

يا رب انت عالم بقلة حيلتنا .. يارب انت العالم بضعفنا

حتى الكلمات اللي زي قلة الحيلة و الضعف و غيرها .. تحسها كلمات ماسخة ملهاش طعم و احنا قاعدين آمنين في بيوتنا

هونها يارب .. نصرك يارب الذي وعدت .. يارب .. يارب