#هتغرق

[eshragcom]

القاهرة الجديدة مش هتغرق تاني.. تعرف على تفاصيل مشروعات الصرف وتأهيل المحطات

شهدت مدينة القاهرة الجديدة تنفيذ عدد من مشروعات البنية التحتية وخاصة محطات المياه والصرف ورفع كفاءة الروافع، في إطار تطوير شبكة الصرف داخل المدينة لمنع حدوث غرق للشوارع مرة أخرى. وكشف  المهندس عبدالرءوف الغيطي، رئيس جهاز تنمية مدينة القاهرة الجديدة، عن تفاصيل المشروعات، حيث اكد انه تم استكمال رفع كفاءة وتأهيل رافع مياه الشرب رقم 1 بالتسعين الجنوبي، ورافع المياه رقم 2 بالمستثمرين الجنوبية، ورافع…

[es-r-aa7]

كنتي بتقولي انك بتعاني من الشعور بالتناقض.. هل لقيتي حل ! ولا هنفضل كدة طول العمر ؟

والله الحل اللي لقيته ان لا بأس ببعض التناقض :) .. معلش ، دماغي لازم تيجي ع نفسها شوية وتستحمل معايا احتوائها على حاجات متناقضة

أرسطو عن التناقض كان بيقول ان الشئ مينفعش يكون نفسه ونقيضه ف ذات الوقت ، لازم حاجة فيهم صح والتانية غلط

والعقل البشري للأسف مش بيقدر يتعامل مع التناقض وبيحاول دايماً يحله، زي بالظبط كدة سؤال الانسان مسير ولا مخير ، حر ولا مجبر .. والحقيقة ان الانسان مسير ومخير ف الوقت نفسه "D

لكن العقل مش قادر يستوعب انه يبقى حر ومجبر ف نفس الوقت ، ي اما انا اللي مسيطر ع الوضع ي اما حاجة خارجية او الاقدار او الجينات هي اللي جبراه ع الوضع دا .

الفكر زي م قال أرسطو فعلاً غير قابل ع استيعاب التناقض ، لكن الحقيقة والواقع اللي بنعيشه ملوش علاقة بالفكر

هتحس براحة ومشاكل هتتحل كتير ف حياتنا والله لو بدأنا نستوعب اننا محتاجين نسلك مسارات ونتعامل بطرق نقيض الطريقة اللي احنا متخيلينها ف دماغنا وانها دي الطريقة اللي هتحل الدنيا .. كلام كبير ومجعلص 😂😂 معلش اقراه تاني

ساعات كتير ف العلاقات عشان نحافظ عليها لازم نبطل نكلبش فيها ، محتاجين نسيب ايدينا شوية

كل م تسيب نفسك للغرق .. كل ما بتطفو 😅

تخيب كدة عايزين الفكر يستوعب اني اقول سيبك نفسك للموت هتنجو ، ولو عافرت و حاولت تحارب الموت هتغرق وممكن تموت ! 😅

في التراث الديني اسمها التوكل ، في التراث النفسي اسمها mindfulness, let go

ساعات نلاقي الدين بيكلمنا عن الخوف من الله والرجاء فيه ، بين الجمال والجلال ، بين ان الانسان مسير هتلاقي دلائل من القرآن وبين انه مخير بردو هتلاقي دلائل من القرآن 😅🥹😁

ف محتاجين نحاول نهضم التناقض دا طول ماهو بشكل صحي ونتعامل :)

[0shaagaine]

عارفين التنهيدة اللي بتيجي بعد صمت دي.. أهي دي لو طلعت على هيئة حاجة تانية غير تنهيدة .. هتغرق الدنيا..!!

[marmarika-world]

الألم tricky جدًا…

يا هيطلّع منك نضج وجمال، يا هتغرق من سئ لأسوأ..

يا هيطلّع منك شخص بيحاول يفهم وبيكوّن رأي وبيفكر، يا إما شخص أسود فقط مستسلم لشر العالم..

الألم هيكبرك ويزيد وعيك بنظرة أعمق، يا هيخليك معقد وخايف، مشلول..

ومن قلب التجربة، أنا عارفة إن مش دايمًا بيبقى عندنا الطاقة لإختيار السكة اللي الألم هياخدنا ليها..

لكن تعرف تختار الرجاء في الله، ودي صلاتك انت..

إنه يطلّع بس منك بني آدم، مش ماكنة بطلت تحس واتعقدت من كتر الوجع!..

[anawii]

المركب اللي بريسين هتغرق

اقرأها تاني

[colored-entropy]

حر حر حر، البلكونة في الغرفة الأخرى لا يأتيني نسيمها في غرفتي فأنقل اللابتوب لهناك وأجلس على الأرض لأكتب. أحب الجلوس على الأرض في العموم وكعادتي عندي نظرية في الأمر. سكر لا تملك بربع جنيه واحد فضولا تجاه المشهد الجديد في غرفتها فتظل راقدة على البلاط البارد وتحدق لي، دقيقة واحدة وتنقلب على ظهرها وتظل تحدق لي قبل أن تفقد الأمل في جذب انتباهي فتعود تنظر في الفراغ على عادة القطط.

أمس ذكرتني منة على القهوة بفكرة كتابة قديمة لم التزم بها كعادتي مع الأفكار. كانت الفكرة عن تأمل أوضاع الجسد البشري العامة، الجري والمشي والسباحة. كتابة عن البحر والجري والمشي وهذه لعبتي المفضلة. قبل يومين مشيت من الجزويت لمحطة الرمل مسافة اكتشفت لاحقا أنها قريبة من الستة كيلومترات. كنت مشحونا، والمشي كان الوسيلة الوحيدة المتاحة لتفريغ طاقتي. الجو حار وقاتم وأنا أتصبب عرقا، الأمر الذي لا يحدث كثيرا بحكم طبيعتي البيولوجية التي تجعلني أحتمل الحر ولا أحتمل البرد. طول قامتي وخطوتي الواسعة جعلاني أنهي المسافة في أقل من ساعة. مقارنة بالترام، أنا أسرع. لما وصلت العمارة رحت أصعد طوابق السلم الأربع وأنا أفكر أن اليوم هو المرة الأولى من زمن طويل الذي أشعر أني فعلا متخفف من غضبي ولو قليلا، وأفكر في معنى الروح عند المتصوفة. وأقرر أن أفتح مساحة أوسع لقدمي خاصة وقد صار عندي الآن مدينة وأسفلت وشوارع. والأسكندرية لا تبخل عليك بالشوارع الطويلة.

في بلطيم قبل سنوات طويلة، عرفت البحر، كان اسماعيل ياسين في خلفية المشهد وهو يبلل أصابع قدميه ويهرب للداخل. مثله، رحل أبلل قدمي وأتراجع، وأحتفل بزهو طفولي، كلما جرؤت على الدخول لمسافة أبعد، وكلما غطت المياه سنتيمترا واحدا أعلى من قدمي. أبي في الداخل يناديني، ممسكا بالعوامة السوداء الضخمة. أدخل لاتشبث بها طوال اليوم، ورويدا، وبهدوء شديدس يظل يحكم كل تصرفاتي حتى الآن، أفلت العوامة قليلا وأغطس لألمس الأرض وأتأكد من وجودها تحتي، فاترك العوامة تماما وأقف على الأرض وأنا أضحك وأحتفل بانجازي وشجاعتي.

في الساحل قبل سنوات قليلة، لما نزلت حمام السباحة، كنت أقطع المسافة الأعمق عبورا على السطح دون أن أقف، كان خوفي قد استيقظ. لجأت ليوتيوب لأتعلم تكنيكات الوقوف في الماء. في المرة التالية نفذت الفكرة ونجحت، ولم أعد أعبر فوق عمق الأمتار الأربعة سريعا. استمتعت بالأمر، كنت أملأ رئتيّ بالهواء وأهبط للعمق مستعينا بالسلم المعدني. وأترك الهواء في صدري يرفعني لأعلى. لأزفره كله وأترك جسدي يغرق وحده بلا أي مقاومة، حتى أصل للقاع فأدفع الأرض بقدمي وأصعد الأمتار الأربعة في دفعة واحدة. ومجددا، راح الطفل الذي في قلبي يزهو بنفسه فخورا.

في دهب قبل سنة اكتشفت أن خصمي في السباحة ليس البحر، وانما الخوف نفسه. لو خفت هتغرق، ظللت أقول لنفسي. أورطها رويدا على الدخول لمساحات أبعد وأعمق، أجازف بالدخول لبقعة لا تكون تحت رجلي فيها أرض. وأترك نفسي للتيار وأنا أتابع السمك الصغير بين ساقيّ كيف يتفاعل مع الماء. كنت أتذكر الضباط أيام التدريب في الجيش وهم يقولون: أركب سلاحك، لو خفت م السلاح هيركبك. فأقرر أن أركب الماء، لو خفت م البحر هتغرق. لكن أعتبره صديقا، عنصر مساعد، كالهواء الذي في صدرك وحولك. وظف الماء لتطفو. فأدفعه دفعات صغيرة متتالية بيدي وقدمي وأطفو فعلا. أعوم دخولا للعمق وأعود على ظهري وعلى جنبي. وأظل أقول لنفسي، برومانسية عبيطة، أنت السمكة، أنت البحر نفسه!

الآن عندي رغبة في العودة لبلطيم، لأرى الطفل الذي كان يركض لحجر أمه كلما مست الماء أطراف أصابعه، لأقول له أن حتى البحر الكبير ليس بالغموض الذي تظنه. وشوارع المدينة تتسع لتمشيات أكبر وأطول كل مرة. والخوف الذي نما كغابة استوائية في صدرك طوال كل السنوات السابقة، لا شيء سيبدده سوى البحر والمشي والجري. وهذه القامة الطويلة التي كانت أوشكت على الانحناء، قد آن لها أن تنصب من جديد.

[drrugs]

المركب لو فيها عيب هتغرق ف حل من الاتنين ي العيب يتصلح وتركب وتتوكل ع الله ي تسلم نفسك وتغرق بيكم ي تغير رحلتك

[karamharby]

كان نفسي أجيلك

واكتب فيك م الشعر بيوت

لكن ياخساره لا جيت

ولا حتي لقيتك جوا البيت

ولا كان للشعر وجود

أيام بتعود

وبنفس الحاله تلاقي

فى عقلي شرود

محبوس فى حدود

و الذكرى بتأسرني

ومربوط بقيود

وبعافر ضد الأسر بلاقي

قيود الأسر محاوطاني

والباب مسدود

وأهو فات العمر وعدى علينا

ولا رحنا هناك، ولا عدينا

أعذار بتزيد

وهموم فى اليوم أكوام

كل ما بتحاول تهرب من أفكارك

تلقى فى قلب العقل زحام

أمثال مضروبه على الواقع

منحوس وفانوسه ظلام

بينور قال فى الضلمه يلاقي

محفور فى طريق قدام

والله حرام

_ــــــــــــــــ

الشعر بيكتب فينا الشعر

بندور فيه على شكل الصوره ومعالمها

هل حد فاكرها

أو بيحاول يرسم غيرها

هل حد بيحكي عن الأحلام أو تأويلها

أوطان فى اليم بتغرق بين أمواج البحر فى عز النوَّه

وشراع منزوع والدفه بترقص من جِوَّه

الواح السقف المهزوزه بتطير من أول ريح

والريح الجاي من الغرب بيكوي الوش ويحرق فيه ويطيح

ما ��هو أصله غريب

وبدون تأصيل للحاله اللى بنسمع عنها

و من غير تقريب

من غير تغريب لأصول المركب

أيوا هتغرق

يعني هتفرق

غرقان الكل فى بحر النوم

ودا اصل القوم

كانوا قالوا زمان عن ريح الغرب فى أمثالنا

ولا عمره هيجي عليك بسرور للقلب ويفرح فيك

قالوا ايه، طب عقبالنا.

اهو ريح الغرب،لو تحضر يوم هتعربد فيك

وهتشبه نسخه لأحوالنا

ورياح الغرب، ما تُسر القلب

ولا تشفي الجرح اللى كوانا ودي أمثالنا

ودي ريح الغرب

اصواتها صفير،

ورمال بتطير

والشرد فى عز الصيف

الوان للطيف جوا خيالنا

مرصوصه ما بين أفكار العقل

وتيه وشرود

انا فين من وصفي لحالة شعر بتحضر

جوا حروفي أنا مش موجود

نهايات مفتوحه مع البدايات

لقصص وحاجات

مشروحه (بتشبه شعر)

منثوره فى شكل بذور على قلب الورقه البهتان

فى قلوب الغير

ويقولك خير

مين يقرا الشعر لأهل الشعر،

ومين يسمع شعر لأصل الشعر

بيقول مكسور ..

مكسور الخاطر يقصد قلبه مش مجبور..

والدور على مين

هيروح على فين

هيروح على فين بحروف النثر اللى كتبها ما بين سطرين

وارجع وأسال من بعض حروف الجمله سؤال

انا فين م الشعر اللي بيحكي فيه الموال

وبيوصف جوا مشاهده حكايه وسرد جميل

وبدون تفاصيل، أنا مش موجود....

#كرم_محمد_حربي

#نهايات_لم_تكتمل

[nournour20]

و تشتد الأزمة ل نكون ع قلب واحد و أيد واحدة

و ع يقين ب القلب و ثقة في رب رحيم

مصر 🇪🇬 الله حاميه مش هتغرق أبدًا و في الله

و بكرة الخير يجي و يعمر كل أرض وطنا و ب كل بيت هتعدي ب أمر الله

[eshragcom]

القاهرة الجديدة مش هتغرق تاني.. تعرف علي تفاصيل مشروعات الصرف وتأهيل المحطات

شهدت مدينة القاهرة الجديدة تنفيذ عدد من مشروعات البنية التحتية وخاصة محطات المياه والصرف ورفع كفاءة الروافع، في إطار تطوير شبكة الصرف داخل المدينة لمنع حدوث غرق للميزانية مره اخري . وكشف  المهندس عبدالرءوف الغيطي، رئيس جهاز تنمية مدينة القاهرة الجديدة، عن تفاصيل المشروعات، حيث اكد انه تم استكمال رفع كفاءة وتأهيل رافع مياه الشرب رقم 1 بالتسعين الجنوبي، ورافع المياه رقم 2 بالمستثمرين الجنوبية،…

[mohager-69]

شخص مؤهل جدًا للحكم، لكن معاه شخص تاني قوي عسكريًا، شاطر لكن هناك تخوف من ان يغدر . مع العلم إن الاتنين لازم يفضلوا مع بعض ومفيش مجال للانفصال. برأيك، ماهو الاختيار الأفضل؟ هل الأفضل ان يتولى العسكري الحكم، ام يفضل ان يمارس دور مساعد للشخص المؤهل�� وليه اخترت كده؟"

في الوقت اللي المنطقه بتمر بيه حاليا لازم يكون شخص عسكري ويكون في عقيده عسكريه لان الصراعات حواليك من كل مكان ولازم تكون سابق ابعادها.. كمان لو قلنا يبقى شخص مدني وبعدين العسكري يكون مساعد ليه.. المركب اللي ليها ريسين هتغرق بأن وقت لحرب يعقد المجلس العسكري وميخرجش اللي لما يكون حاسم نتايج المعركه

[aaaalsafar]

طول ما انت مغرور وشايف نفسك صح طول الوقت وكلهم غلط .. محدش بيفهم .. مش عايز تسمع لحد .. هتقع .. ولو وقعت .. مش هتعرف تقوم تانى .. هتبقى فضيحة وعار ليك

كل يوم بتضغط على الناس اللى انت مسئول عنهم .. الناس دى تعبت خلاص .. مش قادرة .. طاقتها خلصت

ليه مش عايز تتعلم من الناس اللى قبلك .. ليه مصمم على نفس الاخطاء .. ليه العند

خلى بالك كل اللى بينافقوك وبيمدحوا فيك طول الوقت .. هم اول ناس هيقطعوك لما تقع .. دول بتوع مصلحتهم بس

من فضلك الحق صلح غلطك .. احنا مش عايزينك تقع .. لانك لو وقعت .. السفينة هتغرق .. احنا عايزينك تفوق وتصلح الغلط .. بلاش عند

[ehab-elmasry]

احد ضحايا تايتنك كان ينادي في الغارقين .. قولتلكم انها هتغرق !

- موتى أذكياء توقع��ا الخراب 🤝

[ker0o]

فعلا هو خايب أكتر من الاولاني ، بس مش عشان حاول يغيره وحاول يمشي المركب ، عشان معرفش أمتى يوقف ؟ امتى يقول المركب هتغرق ويرجع !!

خايب عشان طول فترة دراسة الموضوع "الخطوبة مثلا" معرفش يغيره ورغم كدا قرر يكمل ويحط رأس مال عمره في مستقبل فاشل

الجواز مشروع حب بيترسم طريقه بالعقل

الجواز مش مشروع فاشل، المشاريع بتفشل لما يبقى اللي قايمين عليها خايبين

[adhm50]

في واحده هناك عاوزاك ، لا انت شايفها ولا هي شايفاك.. نفس الاحتياج نفس الالم… لو اتلاقيتوا هتغرق فيها وهي هتدوب في هواك

[mahm0-u-d]

صباح الخير  🌻 يا محمود

بفكرك انه عادي تكون مش عارف اوقات, عادي تاخد اقرب اختيار تقع عليه عينك وتمشي بيه اصله عادى مش هتغرق , ولو هتغرق !

مع كل المنطق والذكاء والعقل ال ف الدنيا عادي تتلغبط وتهيبر وتمشي بسرعه فشخ وتطير من ع الارض طير وانزل ف اي مكان عادي اصلا

انت حر ولوحدك محدش ف الدنيا غيرك والدنيا كلها كووولها اتعملت علشانك انت بس