#نكش

[joe-4-u]

في اعتقادي ان الرجل لازم يكون دمه خفيف جوا بيته ويضحك مع كل اللي حوالي و يهزر مع اولاده و ينكش مراته في الرايحة والجاية ويملئ البيت بحالة من الفرحه والحب، وتكون قاعدته في البيت سبب سعادة للكل، مش سبب للغم و النكد لدرجة أنهم يتمنوا انه يخرج وسيبهم لوحدهم بدل ما هو كابس ع نفسهم.

[mshishsworld]

‏العلاقة اللي كلها نكش

‏My typeeee

[free0spirit]

تم نكش الشقة بنجاح بتتلم ازاي بقى 😂😂😂

[zahraa17]

‏مش بتقبل نظام " انا معجب بيكي ف هستفزك و هضايقك و اعتبري ان دة نكش" تمام و انا هشوف حد بيعبر عن إعجابه بطريقة طبيعية و خلي استفزازك و سخافتك لناس يتقبلوها ، شوفت البساطة؟

-ميار رضوان

[somaas-world]

اكتبيلى ورقه وقوليلى فيها البحر يشتاق لكى يافُذدقه 😪

اعذرينى بقا خطى نكش فراخ 😁

[a-3asfoor]

طب انا وربنا معرفش اعيش من غير نكش

[5005-2]

فطار في المترو

يبان نكش فراخ بس و الله طعمه جامد😂😂 و دي معلقة سرقتها من لعبة مايا بتاع المطبخ عشان ينفع تتحط في الشنطة😂

حاسة إني هنسى حاجة في المترو ده🙂 شنط للشغل و ماية و فطار و موزة لازم 😂 و الأسدال و لسة هجيب قهوة🤝😂

[kelebek-gibi]

مش بعيب ف حد بجد بس مش عارفة الناس ازاي بتستحمل البنات الهادية اللي مش بتتكلم كلمه ولا بتتحرك من مكانها!!

بجد انا بتعصب اوي يابنتي انطقي ، اتكلمي ، اي حاجه

دانا فراكه مش ببطل كلام ولا حركه ولا نكش اي حد معايا

[ehab-elmasry]

النكش عند الأنثي هو دليلها الملموس انك عاوزها وبتتونس بيها .. ولما بيجيلها كذا نكش من الذكور الي حاطين عينهم عليها .. بتختلف هنا بقي من أنثي لآخري .. في منهن بقي الي هتتبع إحساسها والي هتتبع عقلها أو خططها .. وفي المغامرات والمؤمنات .. 🎙

[samnyro7k]

مهما حصل

متسمحش لحد أبداً إنه يبوظلك يومك...

ده يومك انت !!.... بوظه بنفسك .🙂

صباحووو نكش 😜😂

يومكم جميل 😍😍

[maudlinskyy]

الفقد

مع وفاة حبيبتي وونيستي نانا امبارح حاسه انه مخي معدش قادر يتعامل مع الفقد ولا غياب الناس اللي بيتعلق بوجودهم واللي ببقى على طبيعتي معاهم ومرتاحه معاهم في التعامل ..

علاقتي بيها كانت كلها نكش وحب وكنا بنشجع بعض عالعبادات علشان يعتبر عيشتي الاربع سنين اللي فاتو كانو كلها معاها وكنت لما اغيب عنها تقولي "فضيتي عليا البيت "

نانا حبيبتي كنت دايمًا انا اللي بصحيها للفجر بس الفتره الاخيره كانت هي اللي بتجتهد و تصحيني علشان كنت بدعيلها انها صحيتني

كل ركن في البيت ليا معاها فيه ذكرى

قعدتها من الفجر للضحى وهي بتقرأ قرأن تحت نور الشباك

خربطتها في المطبخ

تعليقها على كل حاجه انا بعملها ونكشنا مع بعض

تفاصيلنا مع بعض كتيره اوي

هي كانت البيت بالنسبالي بعد يوم مرهق طويل ، رجوعي من برا وبعلو صوتي بنادي عليها "يا نانيتييي، انا رجعت " وتقولي "حمدالله على سلامتك ي حبيبتي عملتي ايه" و��بدأ اصيحلها من اللي شفتو من الناس واحكلها المواقف اللي عشتها واحنا واقفين في المطبخ

اكون قاعدة بعمل حاجه وتقولي هستناكي في البلكونه واعملنا كوبايتين شاي بالنعناع ونقعد نروق في البلكونه سوا

دعوتها ليا الصبح قبل اي امتحان او اي مشوار دي كانت بركة اليوم

مش عارفه اروح بكل ذكرياتي الل معاها دي فين ، اخدت حتة من روحي ومشيت

فاللهم اني اشهدك ان امتك قد احسنت اليَّ في حياتها، فأحسن اليها اضعاف ما احسنت الّي وهي بجوارك واربط على قلبي بفراقها

[moattaz]

مش قادر اتعامل مع اوبشن boop ده غير أنه نكش حد بتحبه ♥️🐾

[urfavzarzor]

ده انا محوشه شووية نكش ليييه بس هو يجي بس :"

[amirahiiim]

انتي ليه مش فاتحة الأنون علشان ارخم عليكي؟😂😂

عشان بيجيب اشكال ما يعلم بيها الا ربنا😹😹 وانا امرأه مسنه مبقاش عندي طاقه لأي نكش

[ibrahimshoukri]

إحنا مش صحاب ولا حبايب طول ما إنت ما مفيش منك نكش

[a-3asfoor]

مش بعرف ابطل نكش ف خلق الله