#مسلسل انتي حياتي

[evmorfi-a]

مسلسل انتي حياتي الحلقة 31 الحادية والثلاثون مدبلجة

[amrs-posts]

(Gray Area)

عمري ما هلاقي اجمل من ( مسلسل حكايات بنات ) خاصة علاقة ( أحلام وعاصم ) يحكي المنطقة الرمادية

اللي هو انا عايزك بس مش هقدر اكون معاكي ..

استني بس متسأليش هتجوزك أمتي .. كمية أنانية في المشهد دة ..

- أنا أبقالك ايه يا عاصم ؟!

= انتى بتسألي انتي تبقيلي ايه بعد كل ده ؟!

- أبقالك ايييه أنا في حياتك اييه ؟! صاحبتك ؟

حد انت بترتاح له وبتحب تفضفضله ولا محطة ف مصر فيه غيرها في أمريكا و فيه غيرها في انجلاند وفي كل بلد انت بتروحها

= مفيش حد غيرك يا أحلام

- غيري! غيرى فيين؟ في قلبك ولا في عقلك و لا في دفتر تليفوناتك ولا في ال schedule الـ busy اوي بتاعك

= في حياتى يا احلام.

- في حياتك ! أنا مش في حياتك اصلاً يا عاصم أنا مش في حياتك ، انت اللى في حياتي .. انت اللي دخلت حياتي وشغلت الفراغ اللى انت محتاجه بالظبط فيها، خلاص ماتكدبش على نفسك ولا تكدب عليا، انت اللى فصّلت حياتي كلها على مقاسك وطلبت مني ��ني احط كل الذكريات بتاعتي في التلاجة وابدأ من جديد تاني معاك، انت اللى مسكت ايدي وحضتني وعملت كل الحاجات اللي كنت بتعملها، كنت بتعملها ليه ؟!

ليه وانت عارف انك هتمشي وتسيبني ف الاخر ؟!

بتعملها ليه وانت عارف إنك مش هتفضل معايا اصلاً ؟!

📺 حكايات بنات | 2012

[yooo-gehn]

عن باب الشمس وقبلات حلا عمران (الكلمات القادمة على لسان حلا عمران نفسها)

بمناسبة عودة الحديث عن فيلم باب الشمس وسعادتي بترميمه واعادة عرضه عندي رغبة احكي عن بعض ردود الفعل العربية على دوري بهاد الفيلم من لما نزل بال ٢٠٠٤ لليوم.

شخصية شمس اللي لعبتها بالفيلم مكتوبة بالرواية وبالسيناريو بشكل ساحر ومغري برايي لاي ممثلة، والعمل مع مخرج متل يسري نصرالله هو امنية كتير من الممثلين، لكن مع هيك يبدو انه كذا ممثلة رفضت الدور بسبب القبل والمشاهد « الجريئة » اللي مكتوبة لشمس، طبعا هاد كان سريالي بالنسبة الي، ومازال بالمناسبة… اولا هي المشاهد « الجريئة » هي اقل جرأة من كتير مشاهد بافلام عربية قديمة، تانيا برايي هي المشاهد اقل من عادية بهاد المجال….وين الجرأة بالقبلة او بانه يبين فخذ الممثلة اوبانه ممثلة وممثل نايمين بسرير واحد!!!!!! ثالثا وهاد الاهم، عمري مافهمت معنى الجرأة بالنسبة للممثل وعمري ما اشتغلت شي، مسرح او سينما وفكرت انه وااااو هاد جريء، عمره ماكان عندي تحفظ على شي، لانه بالنسبة الي الفن و« الاخلاق » بالمنظور الاجتماعي مابيظبطو مع بعض، مجرد انك فنان فانت اصلاً خارج المنظومة الاجتماعية، جسمك وصوتك وخيالك هني ادواتك، ومجرد انك تبلش تحط حدود ورقابة عليهن فانت حطيت حدود على ابداعك.

بالمناسبة بعض الفنانين ومنهم كان مشارك اصلا بالفيلم اعتبر مشاهد شمس « الجريئة » اساءة للقضية وللمرأة الفلسطينية… No Comment🙃 ف.. اذا كان هاد رأي بعض الفنانين العرب فما بالك بالجمهور العربي!؟ الجمهور العربي صار يتداول هي المشاهد على انها مشاهد اثارة والروابط اللي عنوانها قبلات حلا عمران مليانة عالنت،،، من ناحية هاد بيعصبني ومن ناحية تانية وبكل صراحة واللهي وبهالعمر بيطمنني على انوثتي 😆

من كم سنة صار نقاش حول «جرأتي » كمان كممثلة، لما اصدقاء عزيزين كمان بيشتغلو بالفن شافو عرض « عساه يحيا ويشم العبق » لعلي شحرور، ياللي بواحد من المشاهد بكون عم غني عارية الصدر، وكان طرحي نفسه تماما، انه هي ما بسميها جرأة، هي فقط اخلاص لمهنتي اللي هي مابتنفصل ولا لحطة عن حياتي احيانا، بحس انه ربط اسمي بالجرأة عند البعض وبالاباحية عند البعض الاخر، هني شغلتين بيشبهو بعض بس مابيشبهوني، اكيد هي مبالغة مني تشبيههن ببعض بس الحقيقة انا ببساطة بحب لما حدا بده يحكي عني يقول حلا عمران ممثلة، ممثلة وبس. 😊

***

يسري نصر الله مخرج غير مَعني مطلقا بمسألة السينما النظيفة، لا تشغل باله ولا يقدمها من التسعينيات، الممثلين اللي بيشتغلوا معاه بتوجههم معايير فنية تخدم الفيلم اللي بيخرجه، من أول سرقات صيفية مرورا بالمدينة وباب الشمس ومرسيدس واحكي يا شهرزاد، دي تاني ممثلة اشتغلت معاه تضطر لمخاطبة العامة المعتادين على السينما النظيفة، بعد سناء عكرود في احكي يا شهرزاد، الناس خلاص اتعودوا يدينوا مشاهد القبلات في العلن ويتداولوا المشاهد الساخنة لفيلم أحاسيس في السر، فيه حاجز نفسي بينهم وبين تقديم أي مشهد ليه طابع جنسي بيدينوه أخلاقيا فورًا، ويريّلوا عليه بينهم وبين نفسهم، وده زي ما لمّحت حلا عمران، مشكلتهم هما مش مشكلة الفن

واللافت إن الممثلتين من خارج مصر، لأن السينما النظيفة سيطرت على مصر تماما، والممثلين بقوا بيكسبوا الجمهور لما يقولوا أنا ماخليش بنتي تمثل، أو نفسي ماموتش وأنا بغني، أو يعملوا قاعدة للتلامس في المسلسلات، أو إن شخصية ممثل يشيل أخته اللي اغمى عليها في أحداث مسلسل وجوزها في الواقع يعملها مشكلة وتبقى تريند يستمر شهور، لأن ده الامتداد الطبيعي للهطل ده.

وافتكر هنا مذيعة حاولت تحرج الممثلة المصرية انتصار، وسألتها بنبرة إدانة، هل انتي فعلا قولتي أنك نفسك تشوفي فيلم فيه مايوه؟ ياللصاعقة، فانتصار ردت بإن خلاص نرمي كل أفلام السبعينات، والمذيعة قالت لأ المجتمع في السبعينات كان مختلف والمفترض نتكلم دلوقتي بمعايير 2023، فانتصار قالتلها تمام المفترض المجتمع دلوقتي يكون متحضر ومتنور أكتر، وإذا كانت الناس في سينما الأربعينات والخمسينات لابسة مايوه عادي، زعلانين ليه دلوقتي؟

المذيعة ردت، وهي بتحاول تنتصر لأخلاق المجتمع، طيب هل التحضر في السينما هاييجي بالمشاهد الساخنة والمايوه؟ وانتصار الحقيقة قالت كلام أثلج صدري. قالت لها إحنا لو كنا متحضرين ماكناش أجرينا هذا الحوار أساسا. وإن المفترض التحضر هو إن الناس مايكونوش مركزين اهتمامهم على وجود المايوه من عدمه.

أنا بوجّه كلامي دلوقتي لأي متدين أو محافظ رافع راية الأخلاق، أو في ذهنه آية إشاعة الفاحشة، لو مش عاجبك المايوه والبوسة في الأفلام ماتتفرجش عليهم ولا تشتغل ممثل وتعملهم، لكن مش من حقك تمنع الكل منهم، وهوسك بالموضوع وعدم قدرتك على مجرد التعايش مع ناس عايشة بأفكار وقيم مختلفة عنك، هو ببساطة إنعكاس سيء ليك أنت مش للممثلين ولا للفن. *****

_ كلميني عن علاقتك بوالدك؟ _ مافيش.. هو كان بيجيلنا كدا بس _ كان بيعلّق على أدوراك الجريئة في السينما؟ _ لا بابا كان كاره السينما، بس مرة واحدة علّق، يوم قررت أنا أزوره عشان كنت عايزة أصالحه، ودي كانت غلطة.. لقيته عامل حاجة وحـشة أوي، عارفة لما يبقى حد كارهنا على النت فيجمعلك كل المشاهد الجريئة؛ عشان يبينك قد إيه وحــشة، تخيلي بابا اللي كان عامل كدا.. كان محضر ده عشان يواجهني بيه ويقنعني إن أنا كنت غلط، وهو اللي كان صح.. اتفرج على أفلامي كلها ولقيته عامل مونتاج ومجمع كل اللقطات الجريئة، يعني واخد لقطة وأنا برقص ولقطة وأنا لابسة قميص نوم مفتوح، لقطة وأنا بتدلع على حد، لقطة و حد حاضني.. كان عايز يحرجني و يكسفني و يقولّي إن هو كان صح _ واتحرجتي؟ _ لأ *****

_ الموضة اللي طالعة دلوقتي إن الممثلة ماتتباسش في الأفلام علشان عندها ولاد مع إن اللي بتتباس الشخصية مش هي = ما الشخصية هي الممثلة! _ لأ أنا آسف، الفن والسينما لها قوانين يا تندرجي تحتها يا تبعدي عنها تروحي تلعبي كورة ولا أي حاجة، لكن علشان تمثلي قوانين السينما هي اللي تمشي عليكي مش إنتي اللي تعملي قوانين للسينما = مين اللي حاطط القوانين.. أنت؟ _ طول عمرها، ليه فاتن حمامة مالبستش مايوه وإتباست ونادية لطفي وسعاد حسني، فجأة طلعولنا دول حسب المد الديني الجديد اللي جه من الخليج. = ده أنت المفروض تفرح إن الناس مش عايزة تتباس! _ يعني حضرتك ��ما بتروحي العجمي بتلبسي بدلة وانتي ماشية في العجمي ولا مايـــوه، ما يحدث في الحياة أو في الواقع يحدث في السينما، إن إحنا بقي بشخصيتين دي حاجة تانية، زي ما حضرتك كدة تقولي ما هند رستم كانت بتعمل المشاهد الجـنسية بأدب فأنا أقع من الضحك، فيه حاجة اسمها مشاهد جنـسية بأدب؟!! = طب ما هو الجـنس طول عمره بأدب في السينما العربية _ انتي مصدقة نفسك، مش من أول ما جم من هناك وقالوا عايزين نعمل السينما النضيفة اللي هي مستحمية وغاسلينها قبل ما تخرج وكده!

[m-anarrr]

مش عارفة احدد موقفي من اليوم عارفين لما كل حاجة تمشي حلو وبطيفة بس انت تبقي تعبان ومجهد وعمال تصارع نفسك عشان تستمتع فعلا

فجزء منك يبقي عايش اللحظة والجزء التاني صعبان عليه نفسه من الوجع حاسه ان دي حياتي الايام دي مشاعر عكس بعض مش عارفة اديهم حقهم او اتعاييش معاهم ...

النهاردة كابتن اوبر فضل يرغي معايا لمدة ساعة كاملة وفي الاخر قالي اسف ليكي يبنتي بس معنديش حد اتكلم معاه وجت فيكي انتي ،بغض النظر ان الحوار اول ما ابتدي مسكت في البتاع اللي بيفتح الباب عشان في اي لحظة هنط او هحتاج اهرب بس في الاخر شلت ايدي وقلبي مرتاح محدش هيقتلك النهاردة😂

الشئ اللطيف ان الراجل ده قالي كلام ايجابي محدش قالهولي قبل كده وهفضل ممتنة ليه

ضحكت كتير النهاردة بشكل مكنتش اتوقعه وفي نفس الوقت قضيت وقت مع اقرب الشخصيات لقلبي عارفة اني بعد وقت هفتكرة وهحس بونس من الذكريات

فاكرة اني زمان حياتي كانت بتقف لمجرد اني تخنت كام كيلو وكأن وزني هو اللي متحكم فيا مبسوطة اني اتحررت من ده واني بقيت بحاول اتصالح مع فكرة ان احيانا كتير المرض هيتحكم في الوزن وبعدين هرجع تاني احسن وبعدين في اي لحظة هتنفخ تاني وهكذا ودي حاجات خارجة عن ارادتي .

كل يوم بصحي عندي رغبة للانعزال بس بعد وقت بحس ان طاقتي رجعت للحياة بس بترجع تاني تختفي وكل يوم في الصراع ده بس الحاجة اللي بتهون اني عارفة انها شوية وقت لحد ما الدنيا ترجع تتظبط وهترجع تاني طاقتي ثابتة ....

خلصت مسلسل strangrt things وحاسه بحالة من الفقد خصوصا اني كنت بهرب من مشاعري ومن افكاري ومن حياتي بيه بغض للنظر اني خلصته في اقل من اسبوع وحاليا قاعدة عندي البديل بس حاسه اني عايزة اتعاييش مع احساس الفراغ اللي مالي قلبي ده

حاسه دلوقتي اني مستعجبة ليه لحد يومنا هذا محدش حبني او ليه انا اصلا محبتش حد يعني ده شعور طبيعي البشر كلهم بيمرو بيه في مراحل مختلفة من حياتهم ...ليه الشعور ده عندي فيه خلل ؟

وليه بتضايق لما حد بيقولي ان شكلي حلو بس لما حد بيقولي اني ذكية او فيا صفة حلوة بفرح اكتر ؟

[bassanthasan]

عارفة يا هند أنا كنت مقتنع اني عشان اتعالج أو اتغير محتاج اتعرض لصدمة ؛ و انتي كنتي أحلى صدمة اتعرضت ليها في حياتي. ❤

مسلسل انا و هى

[shu-rooq]

من ساعة ما عرفت إن الحاجات بتخلص وأنا بحط خطط ازاي هتصرف ف الموضوع ده. زمان أما كنت اقعد مع بنت خالتي اللي هي اكبر مني وكانت تحكيلي ع الجامعة وازاي إن دي احلى فترة ف حياة البني آدم وإنها أيام متتعوضش وقد إيه تتمنى إنها تبقى اكتر من أربع سنين، كنت ساعتها اقعد افكر إنه أوكيه! ده الحاجات بتخلص وكدة، طيب احنا لازم نحط خطة دفاعية عشان منقعش ف الحكاية دي. مخي قالي انتي لازم تتبسطي بكل دقيقة ف أي حاجة تخافي إنها تخلص، عشان طالما هي كدة كدة هتخلص يبقى تخلص وانتي مش ندمانة. وفضلت افطّم ف نفسي واحفّظني، عارفة هتعملي إيه يا شروق ف الحاجات اللي تخافي منها؟ طبعا عارفة!

بس أنا بقى الموضوع قلب معايا دلوقتي بالعكس ١٨٠ درجة. بغض النظر يعني عن إن اربع سنين الجامعة كانوا أسوء اربع سنين ف حياتي، وبكره افتكرهم، ومتمناش ابدا ابدا إنهم يرجعوا، أنا دلوقتي بخاف ابدأ أي حاجة عشان عارفة إنها هتخلص. وبقيت بشيل هم الحاجات إنها هتخلص من قبل ما تبدأ اصلا، وبفضل ف حالة قلق وتوتر طول الوقت عشان شايلة هم هعمل إيه لما تخلص. من أول أي ورشة أو نشاط ببدأه واحبه واتعود عليه، مرورا بأي تجمع ولمة وبعدها الناس تختفي فجأة، والعلاقات اللي كدة او كدة بتخلص او مبتبقاش زي أولها، حتى ونس رمضان اللي مببقاش عارفة هعمل إيه لما يروح. أنا حتى بكره داخلة المغرب والدنيا لما تضلم واليوم ينتهي. أنا بخاف الحاجات تخلص. بخاف لدر��ة الرعب دلوقتي. لما بتفرج على مسلسل بخاف اخلصه عشان ميسبنيش ومعرفش هعمل إيه لما يخلص. أنا دلوقتي في اربع مسلسلات موصلتش لاخرهم وبدور على واحد خامس ابدأه، وروايتين خايفة اخلصهم وبدأت ف كتابين جداد. ولو حد قالي العالم هينتهي كمان سنتين هقعد السنتين دول كلهم بدون مبالغة اعيط وشايلة الهم ومش هعرف اتبسط واطبق خطتي الدفاعية باتنين جنيه حتى.

[rashaneuro]

اين تجد آلة زمن عندما تريد واحدة؟

بتفرج اليومين دول علي مسلسل كندي عبيط جدا، اسمه about Erica. المسلسل بيدور حوالين بنت اسمها ايركا-شوف يا اخي- و انها بنت عندها ٣�� سنة و يهودية و لسه متجوزتش و معندهاش حتي بويفريند يا حرام و متخرجة من الجامعة قسم ادب انجليزي و بتشتغل في خدمة العملا، المهم يبدأ المسلسل بانها بتترفد من شغلها عشان مؤهلاتها اعلي من الوظيفة و انها متنفعش للشغل ده عشان مش نافعة فيه، و ان البويفريند اللي خرجت معاه ٣ ٤ مرات كنسل الخروجة بالليل عشان محتاج يروح الجيم و قلبها. طبعا غني عن الذكر انها من عيلة ناجحة، أختها جراحة مخ و اعصاب و متجوزة و ناجحة-رغم ان جوزها مبيحبهاش و بيحب ايركا دي و منكد علي اختها دي دايما و بيحسسها انه مبيحبهاش خالص- و امها و ابوها مطلقين و demanding و متوقعين منها ت جيت هير شيت توجيزر و كل واحد بيشد فيها من ناحية.

نرجع للبويفريند اللي قلبها في ليلة ممطرة و حزينة، فتقرر انها تروح كوفي شوب عشان تحتسي القهوة و هي بتعيط و في كامل انوثتها و تألقها و بتاع و اتقلبت. فيعرض عليها الباريستا قهوة ببلاش بس فيها بندق، هوب اتاريها عندها حساسية من المكسرات، اغمي عليها يلا المستشفي ، بتصحي في السرير بصت لقت راجل اربعيني العمر بيقولها اخبار حياتك إيه و ليه حاسة بالفشل و انا معالج نفسي و ده الكارت بتاعي. انت مين يا عم الحج؟ مش بيريحها، طب انا محتاجة اصلا طبيب نفسي ليه انا جالي حساسية و دخلت المستشفي عشان كده انت مين و فين و ليه، كل ما تسأله سؤال يرد عليها ب بمقولة تاريخية مشهورة، او كلمة ادبية، او مثل ادبي ما .. المهم الراجل مثقف يعني.

بعد غداء مشحون بالعواطف مع الاسرة، و اتهامهم ليها بالفشل علي كل المستويات، العملية و العاطفية- sound familiar و الله 😂- تقوم سايباهم و طالعة علي الدكتور اللي بيتضح بعدين انه ملاك حارس او حد مات او انتحر و رجع عشان يساعد.الناس اللي وصلوا لل روك بوتوم ، فبيعمل ايه؟ بيديها ورقة يقولها اكتبيلي كل الحاجات اللي انتي ندمانة عليها من اول حياتك و اللي حاسة انها السبب في اللي انتي فيه دلوقتي، فالبنت بوضوح فكري تحسد عليه الحقيقة تقوم كاتبة ليستة طويلة عريضة -ما هو مسلسل بقا- و علي اساسها حتقوم فكرة المسلسل كله او ال therapy دي.

العلاج عبارة عن ايه بقا؟ انه ياخدها ب آلة الزمن اللي مش معروف طريقة عملها دي للمرحلة اللي قبل ارتكاب الخطأ بس بتفكيرها دلوقتي و نضجها بتاع ٣٠ سنة ده عشان تصلح الماضي، فمرة يحاول يصلح مشكلة الشجا��ة و مرة يصلح مشكلة انها مش بتعرف تاخد قرارات في حاجات مصيرية و مرة عشان يصلح علاقتها او يبوظها ب أختها.

المهم يا معلم، في ظرف ٦ شهور و بعد معاناة و عياط كتير البنت بتتغير و حياتها بتتغير للأحسن و بتبقي محررة في دار كتب ، و البويفريند بتاعها هو البيست فريند اللي طلق مراته بعد ما خانته و الحياة بقت عسل بالطحينة و او ماشية زي السكينة في الحلاوة او اي تعبير يوصلك فكرة الاستاذ عمرو دياب، هو ده اللي حلمت بيه لمسته نظرة عينينه.

المسلسل عبيط جدا .. جدا يعني، مع لمسة حكمة و مع اعترافي التام اني بتعجبني المقالات بتاعة المعالج النفسي/الملاك الحارس بتاعها ده. طول عمري بحب الادب و القراية و الكتب و ده اللي جايبني ورا، ما علينا. المسلسل خلاني افكر في سلسلة احداث حياتي ، و ازاي ان احداث هايفة جدا زي محادثة هنا او معلومة اعرفها بالصدفة هنا كانت سبب في ان حياتي تتغير مثلا من مسار A ل B حاجات وقتها كانت باينة صغيرة و هايفة جدا بس بان اثرها بعد ٧ سنين مثلا. و مع اني بقول لنفسي دايما ان مينفعش تطبق خبرة الحاضر علي قرارات الماضي لأنك مكانش حيبقي عندك الخبرة دي الا بعد اتخاذ القرار اللي لبسك في حيطة من الاساس فجات الخبرة الثمينة بعده و مينفعش تحاسب النسخة الاصغر سنا و الاقل خبرة ، بس دايما بتساءل لو كانت عندي الة الزمن دي، ارجع اظبط حاجات كده و هل لو رجع بيا الزمن حعرف اغيرها فعلا و لا حبقي زي اللي ربنا قال عليهم لو ردوا لعادوا و انهم لكاذبون؟ هل كنت حبقي أسعد و محققة حاجات احسن من اللي عرفت اعمله لحد دلوقتي؟ لان في الأول و الأخر اعتقد ان الهدف الاصلي لأي اكشن بتعمله في حياتك هو سعادتك الشخصية - سواء في الدنيا او الأخرة يعني- و اكتفاءك الذاتي و انك توصل النيرفانا. و بعدين اكتشفت اني كل ما بفكر بفتكر حاجات اكتر كان ممكن اعملها صح او احسن. كان ممكن اكون بارة اكتر ب بابا و مكنتش حسيبه في الليلة اللي مات فيها و اروح البيت عشان انام و اسيبه لأخويا. مكنتش اتكلمت علي فلانة. مكنتش خضت الحرب المقدسة اللي خضتها في الشغل عشان مكاسب شخصية خسرتني ناس ليهم فضل عليا، و خسرت فيها نفسي. مكنتش قلعت الحجاب اللي مش عارفة البسه تاني. مكنتش اتخذت فلان خليلا ..حرفيا، مكنتش قلت لحد ما يستاهلش اني بحبه. مكنتش قللت من قيمة نفسي مع حد ميعرفش قيمتي. كنت ذاكرت اكتر، قريت اكتر ، مكنتش عملت اكونت علي الفيس بوك، مكنتش ضيعت وقت، مكنتش كتير ...

[samttalraheel]

حبيبتي ارحمينا وارحمي الناس انتي بتحكي ايه.... دا مسلسل مشوارك زي مسلسل طريقي مثلا وبعدين انا اكاد اجزم انك معدتيش سن الطفوله مش ٤٣سنه دا حد ضاحك عليكي بشهاده ميلاد غلط روحي السجلات اتأكدي انتي اكيد يا ٣ يا ٤ سنوات فقط

هههههههههههههههه. اعتقد انا الوحيدة التي فعلت ذلك. وساستمر. حياتي ولكن حقكم تعرفوها ويلي بيحبني بينتظرني وينتظر مزيد حياتي. دمتم يا طيبين

[samarelsayed]

- احترم نفسك يا يوسف ، وقول عايز ايه عشان مش عايزه اتكلم !!

-- ايه مش نمتي ليلة امبارح زعلانه ؟ ، قولت اجي الحقك قبل ما تنزلي عشان اكمل عليكي

- ونبي ده اصله ايه ده

-- اصله انتي ، معروفه اي حاجه حلوة بتحصل ف حياتي اصلها انتي ، اي نعم مخك صغير بس نعمل ايه بقى قدرنا

- لا متزعلش نفسك يا اخويا وسيبني

-- ولما اسيبك انتي امسك ف مين ، حقك عليا كل اعتذارات الدنيا متكفيش قصاد اني اسيبك تنامي واخده على خاطرك مني ، انا اسف

- اسفك مرفوض انا لسه عند كلامي وهطلع الرحلة مع صحابي

-- وانا كمان لسه عند كلامك وموافق نطلع الرحلة مع صحابك على فكره

- ايه ده نطلع مش اطلع؟

-- ايوه يا ستي نطلع انا وانتي وصحابك .

- طب وفين بقى الشغل وحسي بيا هو انا فاضي للعب العيال ده وفين لو طلعتي كل واحد يروح لحاله.

-- لا لا ده كان كلام بليل دلوقت احنا الصبح

- وده اسمه ايه ده بقى ده !

-- اسمه صباح الخير على احلى والذذ واحده ف الدنيا ، يبوظ الف شغل ويتحرق العالم بس ماتبقيش زعلانه مفيش حاجه اغلى من زعلك عندي ، ف حقك عليا متزعليش .. فُكي بوزك ده بقى بلاش غلاسه ❤️

الحوار لـ #احمد_الشامي

الصورة من مسلسل الاختيار 2.

[evmorfi-a]

مسلسل انتي حياتي الحلقة 30 الثلاثون مدبلجة

[nahnotesblog]

نادين نجيم كيف تاخد اسمي !! 😭 وقصي الخولي بيقولها: "انت مش حياة انتي حياتي" 😂

- مسلسل عشرين عشرين

[evanbitro]

خليني ابدا اقسم الموضوع ، اشوف حالي

الحين انا مشاعري او عقلي او نفسيتي .. بتكون عاديه ليوم يومين.. فجأه بتبدأ تنحدر .. استياء واحباط وخمول وكره لكل شي بدون سبب ! فباخذ حبة دوا .. بعدها برجع طبيعيه .. مش سعيده لا لكن برجع طبيعيه انو عادي .. بروح الاحباط والاستياء والاكتئاب كلو بروح وبصير انسانه عادي ... بعدها بمر يوم يومين خلالهم بكون قادره امارس حياتي بشكل طبيعي زي اني اذاكر او احضر مسلسل او ألعب رياضه وعادي جدا... بعدها بنرجع لنفس الشعور الكريه .. احباط من ولا شي استيااء فراغ كره ... نفور .. واستياء يعني كيف اوضح بمفردات اكثر ؟ بصير وقتها عشان مااخذ الدوا .. بكلم نفسي زي الطفله بحكيلها: بدك شكولاطات وحلويات وشيبس ؟ انتي بتحبيهم وبتتحمسي الهم صح ! مابدي

بدك نلعب رياضه ولا نقرا كتاب ونشرب شاي الله رح نستمتع ويروح الاحباط اكيد! مابدي مش جاي عبالي اببدا

طيب نطلع نغير جو انت بتحبي المشي! لأ مابدي مابدي مابددي اي شي

طيب شو أعمللك عشان ترجعي طبيعيه وتروح المشاعر الي مابتخليك تقومي من السرير !!!

مش عارفه

خدي الدوا .. اخدته .. رجعت طبيعي راح شعور الاستياء خلاص والحين ايوه جاي عبالي اشوف مسلسلات والعب رياضه واقر كتتب وشييبس وبطاطس كلو بدي .

بالله !!

......

شو يعني هذا ان دل ؟؟؟ هل ناقلات هرمون السعاده والسيتروونننن مش عارفه اسمه فيه مشكله؟؟ ولازم اخذ حاجه تحفزه

هيقتتلي الامر مززعج .. هموت من الاستياء والاحباط والخيبه بلاسبب يوما ما ..

[ze2redism]

في مسلسل الطوفان في مشهد بين وفاء عامر و أمها

فا أمها بتقول لها لما اقابل وجه رب كريم وانتي لوحدك كدة لا راجل ولا عيل

ردت عليها " بصي يا ماما انا مش متخيلة حياتي من غيرك ، و لو كان ربنا حرمني من العيل ولد او بنت بحس ان انتي بنتي ، و لو كان ماعنديش زوج فا انتي مالية حياتي "

الجُِملتين دول كانوا طول عمرهم محور خناقاتي مع ماما

اني قافلة حياتي كلها عليها هي بس

عشان كدة لما مشيت .. مابقاش في حياة من أساسه 🙂

[dieorfree]

-شهيرة: وبقيت مُدخن كمان.. انت غيرت الموديل القديم ده خالص. -أحمد: معلش.. بقالنا كتير قوي متقابلناش -شهيرة: لا معلش على ايه انا مش زعلانة.. انا عارفة انك كنت مشغول قوي الفترة اللي فاتت. الدنيا ضيقة والدواير كلها داخلة ف بعض انت عارف. أينعم انت مبتشتغلش أي حاجة دلوقتي، بس البروجرام مليان برضه.. خروج وسهر وشرب و"رشا".. "رشا" لوحدها الحقيقة كفيلة انها تتول حياتك كلها مش بس الشهرين اللي انت لغيتني فيهم. -أحمد: ليه كدة بس؟ أنا ملغتكيش ولا حاجة -شهيرة: لا لغيتني يا أحمد. انت نهيت العلاقة اللي كانت بيننا من غير حتى ما تقولي انها انتهت، ولا انت مش ��ايف اللي كان بينه ده كان اسمه علاقة؟ أنا فهمتها كده. لما واحد يقول لواحدة ان هوا بيحبها وهيا توافق وتتبسط ويبقى يومهم مفيهوش غير بعض.. ده في قاموس الدنيا كلها اسمه علاقة. ف لما العلاقة دي متنتهيش من الطرفين وبشكل واضح ويروح هوا يعرف واحدة تانية ويبقى يومه مفيهوش غيرها هيا يبقى دي اسمها خيانة. -أحمد: انتي اكتر واحدة عارفاني بقا وعارفة قد ايه انا مشوش ولايص ومعنديش شخصية -شهيرة: لا لا.. ده الموديل القديم احنا اتفقنا خلاص. انت دلوقتي واحد عارف كويس قوي انت بتعمل ايه، بتعرف تاخد قرارات وتنفذها. بتستقيل من شغلك عشان مش عاجبك، بترفض تكون ghost writer، شكلك رفضت تكون writer اصلًا.. تقلب واحدة عادي جدا كدة بمنتهى المهانة وتعرف غيرها، تعرف تواجه وتجازي وتعاقب. بس معلش يعني عايزة أسألك على حاجة ممكن تكون متخصنيش يعني.. بس انت ليه عاقبت "آدم" قوي كدة على اللي عمله معاكوا؟ اللي انت عملته معايا ده بظبط اللي "آدم" عمله معاكو..بظبط. إختفيت من حياتي ولغيتني من حياتك تمامًا ورحت انت بقا تعيش حياتك عادي زي ما انت عايز. لا بس والله لا تصدق.. برضه بكل اللي "آدم" عمله ده برضه أنضف منك 60 مرة. -أحمد: أنا آسف يا شهيرة -شهيرة: لا آسف على ايه ليه؟ آسف على ايه؟ ان انت أذتني مثلا؟ لا خالص. انت أكتر واحد ف الدنيا وجعتني يا أحمد.. أكتر واحد. عشان انت اخر واحد في الدنيا انا كان ممكن أتخيل انه يطلع خاين قوي كده، أو غدار قوي كدة.  مسلسل لا تطفئ الشمس