#كل دي افكار بتيجيلي قبل الزيارات العائلية للأسف تخلص الزيارات وهرجع زي الفل ان شاء الله

[vincaros]

احيانا الأمومة بتتحول لسجن وكإن الأم أجرمت لما خلفت والخلفة دي عقابها في الحياة "نظرة المجتمع"

سواء بسبب المجتمع اللي دايما شايفها مقصرة رغم كل محاولاتها الجاهدة .. مش قادرين يشوفوها تستحق الكائن الصغير الضعيف ده .. وإنه مسؤولية أكبر منها وبالتالي بيتصيدوا أي حاجة عشان يطلعوها غلطانه وحتى لو مفيش حاجة بيوهموا نفسهم ان فيه حاجة

الولد خاسس.. الولد تعبان وبيعاني اكيد مش حاسه بيه زي ماحنا حاسين بيه .. الولد مبيحبكيش ومش متعلق بيكي "رغم ان وجود طفل في مكان مزدحم وناس وفيه أمه ومش متعلق بيها ده معناه ان الطفل مش هاي نيد وكمان مشبع عاطفيا كفاية لدرجة يحس بالأمان انه ينطلق بأمان وثقة في أي مكان منغير خوف لان عارف ان ماما معاه ومش هتسيبه"

الحقيقة انا بكره البني آدمين من زمان بشكل عام .. بس بعد الولادة واضطراري ان احتك بالعالم وبالناس خلاني بكرههم أكتر وللأسف مينفعش انطوي على نفسي زي الأول ولازم اواجه ولازم اكون شرسة ولازم ارد ومخليش اي تعليق سلبي يسكتني .. لازم أطلع انيابي كلها وابخ في اي حد بيحاول يرمي أي كلام مقرف زيه

برضو حاجات تانية زي الشماتة .. اوه انتي تعبانة ومش قادرة تواصلي وعاوزة تنامي وباين عليكي البهدلة؟ ياعيني مش انتي اللي اختارتي تتجوزي وتخلفي؟ احا والله

حقيقي انا مرهقة من كل شيء بس لازم اسرفايف طول اليوم ولازم اكون ممتنة لكل حاجة بتحصل بعيدا عن البني آدمين ..