#فينو

[peaceeeeeeeeeee77]

نصلي الجمعه ونروح ع البحر ونفطر سندوتشات حلاوه طحنيه بالقشطه والجبنه التركي وكوبايه شاي باللبن

[marwa-el-zeiny]

الساعه تمانيه الصبح عملت لنفسي بان كيك شوفان وشربت بعده قهوة سادة

الساعه عشرة ونص سندوتشات بيض ببسطرمه ف عيش فينو معمول بنص طن زبدة وعشرة طن ملح ♥

ليا صولات وجولات مع الريچيم ع مدار حياتي بس حرفيا دي أقصر مدة ربچيم عملتها ف حياتي والقرار دا بقرره من شهر تسعه اللي فات مثلا💕

[luly21]

عايزه اكل طعمية بعيش فينو ومعاهم كوباية شاي بلبن ♥️

[fozdoaa]

وهي السعاده ايه غير طعميه سخنه و عيش فينو طازه ومعاهم طماطم متقطعه وكوباية شاي بالنعناع ووداع يا دنيا وداع

[amrs-posts]

- سامح انا رنيت عليك ١٢ مرة وانت ويتنج ساعتين ونص، ممكن تقولي كنت بتكلم ميـ..

= كنت بخـ ـونك

- انت بتهزر صح ؟

= لا طبعا بتكلم بجد، أصل هقعد اقولك كنت بكلم واحد صاحبي هتقوليلي صاحبك مين، هخبطلك أي اسم، هتقوليلي هاتلي سكرين شوت من المكالمة

- هاخد الرقم وارن عليه واشوفه متسجل على الترو كولر باسم مين

= هكون انا في نفس الوقت بكلمها على الواتس وبقولها غيري اسمك على الترو كولر خليه عماد الزواوي

- عماد الزواوي مين ؟

= الإسم الحركي بتاعها اللي بضحك عليكي بيه من سبع سنين

- ما هي مش هتدخل عليا وهكلم الرقم وهشوف مين اللي هيرد عليا

= هكون انا بعتلها مسدچ وقولتلها مراتي هتكلمك، خلي جوزك يرد عليها وقوليله الرقم دا بيضايقني

- هي متجوزة ؟

= آه، احنا كدا كمجتمع خـ ـيانة كلنا متجوزين، مبندخلش حد غريب في وسطنا

- طب وانت ايه اللي منعك تعمل كدا، ليه اعترفت بالسهولة دي ؟

= عشان مفيش طاقة للفرهدة والله، شوية الصحة يا دوب بناكل بيهم عيش

- يا سلام ؟ ما انت فيك صحة للخيـ ـانة آهو

= دا كان في الأول والله، أول سنتين خـ.ـيانة بس، كان فيه باور بقى وبتاع، لكن بعد كدا كملت عشان التعود بس

- طب تقدر تقولي هي أحسـ ..

= أحسن منك في إيه.. لا أنا عايز افهمك حاجة احنا مبنعملش المقارنات دي، هي مش احسن منك في حاجة، أو مش عارف يمكن عندها حاجات لسه مكتشفتهاش

- وضميرك بقى مكانش..

= كان بيوجـ.ـعني، في الأول بس زي ما قولتلك، لكن بعد كدا الواحد بيتعود بقى وبيكتسب تنـ.ـاحة

- يعني لما كنت بتقولي انك بايت في الـ..

= في الشغل ؟ كنت ببقى معاها آه، بس مش على طول، ساعات كنت ببقى معاها وساعات كنت ببقى مع ناهد

- ناهد مين دي كمان ؟

= دي واحدة تانية برضو كنت بروش معاها، مسيرك تكشفي علاقتنا يعني، فقلت اقولك انا وخلاص

- انت عارف بعد كل اللي انت قلته دا، انا المفروض اعمل ايه

= هتطلبي الطلاق، حقك بصراحة

- يعني مش هتندم عليا ؟

= دا انا هضـ ـرب نفسي بالجـ ـزمة، حد يبقى معاه واحدة زيك ويفرط فيها ؟

- بس انا مش ممكن ..

= مش ممكن تحني، أنا عارف، ما هو طبيعي، انتي عندك كرامة

- طب انت عارف اني هاخد منك الـ

= الشقة والعفش، حلال عليكي

- آه وهتدفعلي نفقة كمان واخد بالك ؟

= أنا خـ ـدام القانون، أنا سليڤ محكـ ـمة الأسرة

- والعيال مش هتشوفهم غير في المواعيد..

= اللي المحـ ـكمة هتحددها، احسن برضو عالأقل يتربوا كويس بعيد عني

- وانا اقعد اربي العيال، واقبض المعاش وأبقى مطمع للذئـ ـاب البشرية ؟

= احتمال صاحب العمارة يحاول معاكي

- والعب دور الأم والأب زي محمد رمضان

= ثقة في الله هتتبهـ ـدلي

- وزهرة شبابي تدبل يا سامح ؟

= ابقي هاتي ورد بلاستيك، بيترب بس وبيترش ببخاخة عادي

- لا أنا مش مستعدة للقرار دا، أنا هعديلك اللي فات كله بشرط توعدني..

= اني اتغير، حاضر

- وعشان اكون مطمنة هاخد با

= باسورد الموبايل، خدي الموبايل كله

- ماشي

= خلاص اتحلت ؟

- آه

= جربنا أسوأ سيناريو للآخر ولقينا اننا مش هينفع ننفصل ؟

- آه

= عايز اسأل سؤال بديهي شوية معلش، انا بشتغل ايه ؟

- مدير تسويق في شركة كبيرة

= وشغلتي اني اقنع العملا بإيه ؟

- بإنهم يعملوا صفقات مع شركتك

= وبقنعهم فين ؟

- في التليفون عشان مش هينفع تعمل عشر مقابلات كل يوم

= يعني طبيعي تليفوني يكون إيه ؟

- انتظار اكتر من ست ساعات في اليوم

= يبقى انا كنت بكلم مين ؟

- عميل عادي

= مين فيهم ؟

- غالبا مستر مهاب عبد العزيز بتاع شركة الصابون

= يعني انتي عارفة اني مش بخونـ ـك

- هتخـ ـون امتى يا كبد امك انت فاضي تهرش

= طب ليه كل يوم تسمعيني الحوار القـ ـذر دا

- يا عم بشيك عليك من وقت للتاني مش احتمال تكون بتنقط ؟ المهم .. ابقى هات فينو وانت جاي عشان ساندوتشات العيال

= ماشي

[cybelle-jessy]

عايز تحقق السعادة فـ خطوتين

سيح جبنة رومي في فينو واعمل جنبها مج شاي بلبن 🥺♥️

[jaunerevee]

نبذة عن احلامي في بروسيس الانسحاب من الدوا .. حلمت اني جبت ١٨٪؜ في اخر assignment والجامعة بعتتلي النتيجة في جواب ومعاها رغيف فينو ♥️

[sarsourahsworlds]

عاوزه اكل قرصين طعميه محشيين و فينو و كاتشب

[mshishsworld]

الواحد صاحي من النوم نفسه في ساندوتش طعمية في عيش فينو ❤️

[moonheart201996]

الناس اللي بترمي قططها و كلابها في الشوارع

و بتبيع أمهات عصافيرها و أولادهم ب كل أستهتر و بتصفي في طيورها بعد ما تجوعهم و حالتهم الصحيه زيرو

بجد بسبب الغلا يا اخي ل عصافيرك اسلق كيس خضار مشكل و صفيه و ارميه ل عصافيرك تاكل

و الكيس هيقعد عندك

تعتمدها وجبه خضار مفيدة صحيه مرتين ف الاسبوع مثلا

الطائر هيتعود و ياكل

يا أخي اطحن بواقي الخبز الأسمر خفيف و أعطيهم ياكلو

يا اخي شويه عدس ع رز ع فول ع بسله مجففه ع شوفان ع ذرة فشار مطحون و ارميهم ليهم ياكلو

يا اخي بلاش تاكل بيضة و أسلقها و أهرسها ع عيش فينو بايت متحمص مطحون و ارميها ليهم ياكلو

البيض المسلوق ف الصيف ٤ ساعات قدام الطائر

ف الشتاء ٦ ساعات

الكلاب و القطط يا عم بلاش حته الفرخة و لا اللحمه

و اعطيهم ليهم

و ممكن تعود القطط ع بعض اكلاتك من البيت

بلاش الاكل المستورد

مش حكايه يعني بس أنتم مش فاهمين يعني ايه طير و لا حيوان كان مأمن ليك و أنت بتغدر و ترميه

نفسي أقولهم أتقوي الله

و يرزقكم الله من حيث لا تعلمون

جايز الرزق رزقهم

بجد و الله

يعني قادر تدبر أكلك و مش قادر تدبر أكل

طيورك و وقططك و كلابك

عند الله ستجتمعون

و سيأخذ كل ذي حق حقه

[8februarxx]

ألقى مدح ع مكياجي و لبسي وعطري اه احلى شي روقت خلص هلق ماحدا فينو يزعجني

[cybelle-jessy]

انا في الميكروباص جنب الراجل اللي جايب طعمية سخنة و فينو الساعة ٧ الصبح

[jaunerevee]

تقويبًا فيه اتفاق ضمني بين المخابز ان اللي هيعمل عيش فينو اليومين اللي قبل العيد دول امه شرموته

[crazy-2m]

أول خطوه عملتها اني منعت عيش تمااااما وبقيت آكل فينو.

[ibrahimshoukri]

علبة زبادي بلدي و رغيف فينو سخن ده مفضلاتي في الاكلات السريعه الخفيفه

[es-r-aa7]

عايزة اكل عيش فينو بسمسم كبير لسة طالع طازة من الفرن عشان اتجاوز اللي بيحصل هنا مع الbiostatistics ")))