#فيلم على بابا

[evmorfi-a]

مشاهدة فيلم محاكمة على بابا كامل اون لاين HD

[smallbutkindcouch]

٥ أكتوبر

بابا انا بحب

اول حد حبيته في حياتي كان اسمه كريم وكان ابن صاحب بابا.. كريم كان عايش مع اهله في ألمانيا وبيجي زيارات في الصيف.. معرفش ليه حبيت كريم، يمكن عشان كان هو وبابا بيتكلموا ألماني سوا ويغيظوني، وانا اقعد اتنطط عليهم بشوية الفرنساوي اللي باخدهم في المدرسة.. ( عامة أي شخص يعرف حاجة أنا معرفهاش هو شخص مثير للإنتباه بالنسبالي) المهم حبيت كريم، وروحت قلت لبابا اني بحبه، وعايزة أتجوزه.. باب ضحك وقالي خبط لزق كدا، قولتله اه

بابا خدني واشترينا جاتوه وبوكيه ورد، وروحنا لكريم البيت عشان بابا يخطبهولي.. واتفقنا لما نكبر هنتجوز.. طبعا عيلة كريم كانوا با��ين علينا ان احنا شوية عالم مجانين، بس بابا كان واخد الموضوع جد جدًا، وأنا كنت سعيدة بدا.. ماما كانت شايفة إن اللي بيحصل دا غلط، وبابا كان شايف إن دا هيخلينا نحس بالأمان، وبالعكس هو فرحان إن أنا جيت قولتله.. بابا كان مدلعني دلع مرق الحقيقة، وماما كانت شايفة إن دا غلط، وبابا كان شايف إن وقته في الدنيا معايا هيبقى قليل، فيدلعني دلوقتي عشان كدا كدا الدنيا هندوس عليا، فابقى شفت ايام حلوة.. والحقيقة أنا مشوفتش في حياتي دلع وهنا وعز غير وبابا موجود.. أيام كنت أتمناها تدوم أكتر من عشر سنين، بس تمام أنا راضية، يوم واحد في حياتي مع بابا، ذكراه كفيلة تخليني راضية عن حياتي ومتصالحة مع كل حاجة وحشة حصلتلي ..

واحنا قاعدين عند أهل كريم في الصالون، كنت حاطة رجل على رجل وبهز رجلي، وبسمع كلام بابا، وفخورة أوي، كنت حاسة إني في لقطة في فيلم، أو في رواية.. فيه حاجة أدركتها وأنا كبيرة، إن بابا كان عارف إن أنا بالذات مش هيحضر جوازي، فكإن أنا وهو ساعتها كنا بنعاند الدنيا، ونعيش لحظة عارفين إنها مش هتحصل

الحقيقة كريم وافق طبعًا.. وكنت راجعة مع بابا في العربية وباصة من الشباك وأنا سعيدة إني بحب… ومن يومها وأنا بقيت أعبر عن مشاعري بمنتهى السذاجة والرعونة والعبط.. بس كنت كل ما بكبر، كنت بحاول أسيطر، عشان حسابات العقل غير.. بس مع كل مرة كنت باخد خطوات لورا عكس اتجاه قلبي، واكتم كل شعور قلبي حس بيه، كنت بحس قلبي هيطق.. بس أوقات كدا لازم نسكت عشان مينفعش.. لإن الدنيا صعبة.. صعبة جدًا.. بس الأكيد إن عمري ما قلت مشاعر مش حساها لمجرد إن في الناحية التانية الشخص بيحبني، أنا بقول مشاعري لما أكون حساها بس.. كدا كدا مشاعري مش مستنية رد فعل، أنا بقولك إني بحبك عشان بحبك مش عشان مستنية مقابل..

أنا الذي أحبك، فأنا المدين لك بكل شيء ( الاختيار.. نجيب محفوظ.. يوسف شاهين ) .

[ammo--scar]

كل ما بتناقش مع بابا فى شيء مش على هواه بيشوف اني شخص مجادل، والحمد لله أحيانا بقنعه بوجهة نظري. والحق يقال برضو انه فى أوقات كتير بيحطني قدام مراية بتظهرني قد إيه أنا قليل التجربة. لكن عمري ما زعلت من النقطة دي، بالعكس، بعرف ان عندي ميزان بشكل ما. وحابب أقول برضو ان نقاشاتي مع صديقي العزيز "باسم" مؤخرًا أضافت لنفسي كتير، فأنا مدين بالإمتنان له.

فى حلقة اسمها "الرجوع للإكس" من راديو كفر الشيخ الحبيبة، واحدة من المتصلين كانت بتقول "الإنسان يميل إلى ما يعرفه من خراء على ما يجهله من شم ورد" ومش عارف ليه ساعتها افتكرت فيلم 12 angry men لما مُحلّف واحد كان عنده وجهة نظر مختلفة وبشكل ما كان لها تأثير عظيم على الباقيين، صحيح دا كلفه عناء طويل لكن فى النهاية النتيجة كانت تستحق، مع إنه كان ممكن يريح دماغه وخلاص وينتهوا لإدانة الشخص.

بقرأ مذكرات سيدني سميث -ترجمة مصطفى عبيد- أثناء فترة عمله فى مصر فى مصلحة الطب الشرعي، بيقول انه بعد انتهائه من تشريح جثة أحد السجناء أودع تقرير انتهى فيه ان السجين مات نتيجة التعذيب، وكان المتهم هو المأمور اللي فضل يضربه ضرب مبرح بالسياط، وكان فى وجهة نظر أخرى من ٦ أطباء مش مقتنعين بالتقرير المودع منه، فآثر انه يتم عمل مواجهة بينهم، وحاول بالدلائل العلمية انه يقنعهم بوجهة نظره وان الخطوط فى جسم الجثة مش ممكن تحدث إلا من خلال الضرب بالسوط، لكن استمروا فى عدم الإقتناع، لحد ما جاب سوط وهوى بيه على دراعه فاتضح ان الأثر اللي تركه السوط هو نفس الأثر بالظبط على جسم الضحية. اقتنع ٤ أطباء بوجهة نظره ورفض الباقي، والمحكمة مالت لوجهة نظر سيدني سميث.

الطيب صالح كان بيقول فى روايته "موسم الهجرة إلى الشمال":

"ان عضلاتي تحت جلدي مرنة، مطواعة، وقلبي متفائل، انني أريد أن آخذ حقي من الحياة عنوة، أريد أن أعطى بسخاء، أريد أن يفيض الحب من قلبي، فينبع ويثمر. ثمة آفاق كثيرة لابد أن تُزار، ثمة ثمار يجب أن تُقطف، كتب كثيرة تُقرأ، وصفحات بيضاء في سجل العمر، سأكتب فيها جملًا واضحة بخط جرئ".

[beautysofia]

أنا عارفة إنها مش حاجة حلوة إنها تكون فيا بس أنا مش عارفة اصحي في يوم اغيرها و ابطلها

طول الوقت بحس لو فيه راجل في حياتي ، حياتي هتكون أحسن كـ quality يعني لما بكون حاسة بالحب و الؤنس بقدر اني اصحي بدري و اهتم أكثر بنفسي كأنثي في شكلي و جسمي و بحس إني عندي طاقة إني أشتغل و أروح الجيم و أتعلم ، الموضوع يبان أوڤر بس دي الحقيقة مجرد الوجود بينقذني و بيخليني حابه اعيش حياتي!

لما كنت بشتغل كول سنتر فاكره إنها كانت فترة صعبة بس فاكرة أيامها أنا كنت في احسن حالاتي في الحياة آه مفشوخة زي سوسن بدر في فيلم الفرح بس كنت مبهجة و بخس و قمر و برقص بروح الجيم و عندي طاقة استمر في الشغل ، و بلبس حلو و ضربت شعري احمر ؛ كانت أكثر فترة كنت محاطة أو عرفت و شوفت رجالة في حياتي طبعا لأن قبل كده كنت كلية بنات بس مافيش احتكاك اوي شغل أيام الجامعة و بعد كان كله بنات بس ، آه احتكاكي ده آذاني و غير مني للأوحش بس مش هنكر أنها طلعت مني نسخة حلوة في حاجات تانية ..

سنة و 9 شهور و أنا مفتقدة نسخة رقية دي ، في الفترة دي أنا كنت بحاول ا survive عشان محسش إني فقدتها عشان مش قادرة اتقبل بس الحقيقة إن محاولاتي دي اذتني أكثر خلت قلبي عامل زي الكبده لما يجي عليها مايه كثير فتترفت قطع صغيرة و تتهري خالص..

أنا مش عارفة اقوم من نفسي و اقف لوحدي و ابقي البنت القوية دي ، أنا آسفه اني هكسر القاعدة بس أنا حاسة باحتياج يكون جنبي لحد ما أقوم من تاني يمسك بأيدي و يزقني زي العربية ..

وقت ما قبلت بوجود خالد كنت قبلت عشان محتاجة للسبب ده ، وقت لما رفضني و مشي خلاني أحس نفس الشيء الي كنت بحسه من بابا فرجعت لنقطة الصفر فضلت شهور بحاول اثبت لصوت جوايا إني اتحب و ما اترفضش ، رجعت اتعرف و أتكلم بالرغم إني واخدة قرار و التزمت به فترة و بطلت ..

من امبارح للنهاردة ماما مشيت و بيت لوحدي في الشقة ، أنا مقدرتش اتحمل الوحدة من جديد و للأسف نقضت عهدي مع ربنا و نزلت tinder

ماما لما حكيت لها على حوار البوست الي في الجروب للبنات الي معندهاش علاقات أو محدش بيشوفها و إلي عندها عريس تنزل مواصفاته و أنا دخلت بعت للبنت ، ماما قالتلي مش دي الطريقة و كلام كثير دل على عدم تفهمها و ضايقني ..

بس في النهاية أنا لازم أحاول انقذ لحد ما الاقي حد ما ينفعش افضل تحت و في القاع كده كثير ، هفتكر كلام الدكتورة لو محدش اختارك اختاري انتي نفسك :"))♥️

[f-farah]

عزيزي تمبلر، أود الحديث عن أحداث البارحة.. لأسباب كثيرة لا يسعني ذكرها.

استيقظت في تمام الساعة السابعة وعشر دقائق، كنت قد نويت ليلة البارحة، الذهاب لطبيبة الجلدية، كما أنني سأرافق والدتي في الذهاب لمخبر التحاليل لإجراء تحاليلها الروتينية. يجب أن أكون في عيادة الطبيبة قبل التاسعة صباحاً حين أزورها دون موعد، لكننا خرجنا من البيت في الثامنة والنصف وخمس دقائق، ولقلة المواصلات بين القرية ومدينتي لم نصل حتى التاسعة والربع. ذهبنا للمخبر وأجريت ماما التحاليل. ثم ذهبنا للبنك لتستلم والدتي راتبها، بطاقة البنك تالفة وننتظر إصدار واحدة جديدة من أربع أشهر تقريباً ولذلك على والدتي أن تذهب شخصياً للبنك وتستلم من هناك بشكل مباشر. انتظرنا حوالي الساعة. ثم ساعة أخرى لإجراء عدة أوراق لمعاملة أخرى. ثم فجأة قررت ماما أنها ستوكّل أخي باستلام راتبها ومتابعة معاملتها نيابةً عنها، فأخذت معاملة الوكالة ساعة ونصف الساعة. أكره الانتظار. أكره المعاملات الورقية. أكره وجوه الموظفين المكشرة. خرجنا. أصرّ أخي على دعوتنا للغداء، وتقاسمنا ثمنه. بالمناسبة تحمل ماما حقيبة يد بشكل دائم، ودائماً ما تكون ثقيلة.. تضع فيها أغراضاً كثيرة أشك في أنها قد تحتاجها، ولكنها لا تحملها، أحملها طيلة الطريق إضافةً لحقيبتي. كانت والدتي متعبة من المشي والانتظار والضجيج. كانت تمسك معصم يدي وتسحبني للأسفل. عدنا للبيت. قمت بأعمال المنزل ثم أعددت المتة، كنت أود أن أكمل فيلم "بنات وسط البلد" إخراج محمد خان وبطولة هند صبري ومنة شلبي. ولكن أخي رفض وأجبرني على مشاهدة عدة مسلسلات معه. في الخامسة مساءً أخبرت ماما أنني جائعة. قالت أن المطبخ أمامي فلأفعل ما أريد ولأدعها وشأنها. بدايةً دخلت لأعد سلطة مؤلفة من ملفوف وخس وجزر. ذهب أخي ليشتري بعض البطاطا. تناقشنا فيما يمكن أن نعده.. استنتجنا أننا نستطيع فعل الكثير، سخر أخي وقال أنه لا يفهم لما تجد ماما صعوبة في إيجاد طعاماً للغداء رغم وجود عدة خيارات. أجبته، لأنها حين تطبخ لا يعجبك العجب وتواجه كل اقتراحاتها بالرفض. قال ربما، قشّرت البطاطا واليأس كما يقول رياض، وكنت أفكر بالدموع والصحافة والاضطرابات النفسية. هل تستطيع البطاطا إسعاد قلبي؟ نعم تستطيع. بطاطا مقلية.. وصحن سلطة.. وطردت أخي من المطبخ لأنه مزعج ويود التدخل في كل شيء.. كل الرجال يفعلون ذلك. بالمناسبة، لا أعرف إن حكيت لك يا تمبلر في الأيام الماضية عن دورتي هذا الشهر التي كانت مليئة بكره الرجال.. كل الرجال. عاد بابا للبيت.. كنا قد أحضرنا له وجبة طعامٍ جاهزة، تناولها وشاركنا طعامنا، وقال أنني أعد أشهى سلطة في الوجود، ابتسمت. بعد الغداء، عانيت من صداع فظيع وآلام شديدة بكتفيّ، في السابعة والنصف وبعد جدال بسيط مع والدتي لا أعرف كيف ابتكرته، قررت النوم. حين أطفأت ضوء غرفتي وانسللت في فراشي، بكيت.. لأني لا أعرف ماذا أريد تحديداً.. لا أفعل شيئاً.. وفي بالي أشياء كثيرة لا أعرف أيها الأنسب لي وبماذا عليّ أن أبدأ ومن أين. نمت وأنا أبكي. وكل ما حلمت به كان مزعجاً.. مزعجاً ولا يوقظني.

استيقظت في العاشرة صباحاً، أيقظني مكسيم ابن عمي، وهو يضع وردة بجانب رأسي، عمره سنتان وثلاثة أشهر ويصر دوماً على إحضار زهور لي لأنني "حبيبته". جاءت جدتي لتقضي العطلة عندنا، أحب جدتي.. وحكاياتها.. وطريقتها في الحب وحتى النميمة. أخبرني مكسيم بأنه لم يعد يحبني، وأنني "مو شاطرة"، وحين تظاهرت بالبكاء.. جاء وحضنني واعتذر وقال أنني "شاطرة" ويحبني. تمشينا أنا وهو.. شاهدنا قطيعاً من الأغنام في حقل مجاور للبيت، فابتهج، يحب اللون الأزرق ويتساءل دوماً إن كانت كل الأشياء بلون أزرق.. الأغنام، الأحجار، الزيتون، التفاح.. ملابسه.

الآن سنعد طعام الغداء. والجو حلو.. حلو.. حلو.

[lina-98m]

كنت بتفرج على فيلم احلى الاوقات

بابا سلمى لما راحت تشوفه بعد ١٥ سنة، لما قالتله يعني لو مكنتش جيتلك النهاردة مكنتش سألت عليا؟ كان رده يكسر القلب لما قالها اذا انتي عرفتي تعيشي بعيد عني ييجي ١٥ سنة يبقى انتي مش محتاجالي

[5005-2]

عزيزي زوجي المستقبلي المرة دي مش هقولك يا بختك بس عندي سؤال.. هل هتحب تتفرج معايا على الافلام القديمة اللي حافظينها من غير ما تسبني لوحدي؟ يعني من شوية بتفرج على الهروب و دلوقتي هتفرج على الخطايا و عارفة انه شئ ممل بس بحب اوي الأفلام القديمة بالذات اللي كان بابا بيحبها فا لما بشوفها بحسه جنبي و بشوفه قاعد على الكنبة و مركز. يعني مثلاً فيلم الشموع السوداء ده لو اتعرض كل يوم هتفرج عليه ولازم كل ما نجاة تغني لا تكذبي احس أني شايفة وسامعة بابا بيدندن معاها و ده احساس انا مبقدرش استغنى عنه لأنه دايماً واحشني. فا لو مفهاش إساءة ادب يبقى اقعد اتفرج معايا 😂❤

[groupfalcon]

🚫🔇

:

:

+

مستحيل لاء عطيتج بلوك شتبين جايه ؟ تكفين خلاص ارحميني ارحميينييي 💔💔💔😢

زهرة : يا بابا ؟ 😐

أنس : خلاص سكتي يا سكتييي طلعي براا مابي اكلمج طلعي برا تكفيييين 💔💔💔🔇

زهرة : حسستني انه انت اللي مسقط مو اهيا 😐؟

ترا دزيتها بالغلط ؟ لا تسوون فيلم علي اصلا ما كنت ادري انها حامل حتى 🙂

أنس : لا كنتي تدرين انتي مدزوزه من باشق ، باشق يكرهني ما يبيني اعيش 🔇💔

زهرة : لعنبووووك استح على ويهك ريال شطولك تخاف من وغده مثلي ؟ 😐

أنس : منو وغده منووو ؟ براااااااااه براااااااا 💨💨👋🏻💢🚪

زهرة : كشش 😐! هذا الظاهر طارت رجولته مع مخه 🚶🏻‍♀️💦

+

:

:

_________

صارت نقسه محد يبيها 😂😂😂

🔇

[jawad-hd]

سعاد حسني .. حياة صاخبة وموت غامض--منذ بدايتها، تمكنت سعاد حسني من إثبات حضورها. فإلى جانب أدوار الشقاوة والاستعراض، تمكنت من تقديم شخصيات مركبة ودرامية في أفلام اجتماعية وسياسية هادفة. لم تكن نجومية سعاد حسني عابرة، فقد تمكنت من البقاء على القمة.بحضورها وجمالها وموهبتها، حجزت الممثلة سعاد حسني وبسرعة مكاناً لها بين كبار الفنانين، وتربعت في قلوب المشاهدين، فاستحقت كل النجاح الذي حققته.مسيرة سعاد حسني المهنية والتي حصدت خلالها نجاحات باهرة، لم تنعكس على حياتها الشخصية، والتي شابها الكثير من الأزمات المتلاحقة، بعد تقاطعها مع السياسة بأبشع صورها ��هي الشق الأمني منها. لتنتهي حياتها بسقوطها من شرفة منزلها في لندن.من هي سعاد حسني؟سعاد حسني، هي ممثلة ومغنية مصرية وفنانة استعراضية. نالت شهرة واسعة في كل العالم العربي. حازت على محبة الجمهور وإعجابه وحصدت جوائز عديدة.أُطلق عليها الكثير من الألقاب وبأغلبها كانت تيمناً بالأدوار التي أدتها في أفلامها. أبرزها "زوزو" و"السندريلا" و"أميرة القلوب"، أما لقب "أخت القمر" فمن الأغنية التي قدمتها في أحد البرامج الإذاعية وهي صغيرة.ولدَت سعاد حسني في الـ26 من كانون الثاني/يناير في العام 1943، في حي بولاق أبو العلا في محافظة القاهرة. والدها الخطّاط الشهير محمد حسني البابا ووالدتها هي جوهرة محمد حسن صَفّور، مصرية من أصول سورية (حمص). تعود أصول سعاد حسني إلى بلاد الشام (تحديداً سوريا) التي انتقل منها والدها إلى مصر في العام 1912، مع الجد حسني البابا، الذي كان مطرباً في دمشق. كما أن عمها أنور البابا كان فناناً. فنشأت السندريللا في أسرة فنية. أمّا والدها، فكان يعمل خطاطاً في المعهد الملكي للخط العربي.كان لسعاد حسني من والديها شقيقتين فقط، هما كوثر وصباح وكنّ يُقمن مع والدتهن، التي تزوجت من المفتش في وزارة التربية والتعليم عبد المنعم حافظ، بعد انفصال والديها وهي في الخامسة من عمرها.يأتي ترتيب سعاد حسني في المرتبة العاشرة بين 16 أخاً وأختاً معظمهم غير أشقاء. وهم مقسمين بين والديها، 6 أخوة من أمها و8 أخوة من أبيها، أشهرهم الفنانة نجاة الصغيرة.لم تتلقَ سعاد حسني أي تعليم في المدارس النظامية، واقتصر تحصيلها العلمي على تلقينها بعض أساسيات القراءة والكتابة في المنزل.بدأت سعاد حسني حياتها الفنية وهي طفلة من الإذاعة في برنامج بابا شارو للأطفال واشتهرت حينها بأغنية "أخت القمر". لكن الفضل في اكتشاف مواهبها ودخولها عالم التمثيل يعود للشاعر والكاتب المصري عبد الرحمن الخميسي، حين كان مدعواً إلى منزل والدتها وزوجها حافظ. فوجئ الخميسي بالفتاة سعاد حسني، صغيرة نحيفة وخجولة للغاية لكن حضورها قوي.قال بعد رؤيتها " البنت دي نجمة"، وأشركها في مسرحية "هاملت" لشكسبير لتقوم بدور اوفيليا. ثم رشحها لتمثل في فيلم للمخرج هنري بركات بعنوان "حسن ونعيمة" أمام محرم فؤاد. بالرغم من تخوف منتج الفيلم، الفنان محمد عبد الوهاب من فشل الفيلم تجارياً، لوجود ��سماء جديدة. إلا أن سعاد حسني تمكنت من تحقيق نجاح باهر، واستحوذت على اهتمام الجمهور من أول إطلالة لها.وكان فيلم "حسن ونعيمة" بمثابة شهادة ميلاد سعاد حسني الفنيّة، لتنطلق من بعده وتقدم الكثير الأفلام السينمائية المصرية والمسلسلات الإذاعية.بعد نجاح فيلم "حسن ونعيمة" في تقديم سعاد حسني كنجمة. تتالت بعدها الأدوار السينمائية التي قدمتها في شخصية الفتاة الشقية وخفيفة الظل، في أفلام، مثل "إشاعة حب" مع الممثل عمر الشريف، و"مال ونساء" و"ثلاثة رجال وامرأة".و"البنات والصيف" الذي جمعها بعبد الحليم حافظ ،و"الضوء الخافت" و"السفيرة عزيزة" و"السبع بنات" و"مافيش تفاهم" و"أعز الحبايب" و"الأشقياء الثلاثة" و"من غير ميعاد" و"عائلة زيزي" و"الساحرة الصغيرة" و"الجريمة الضاحكة" و"العريس يصل غداً" و"صغيرة عالحب".أثبتت سعاد حسني أنها ممثلة قديرة وليست مجرد فتاة جميلة وخفيفة الظل، بعد أن انتقلت إلى تقديم الشخصيات المركبة في أفلامها. وكانت بداية المرحلة الجديدة مع دورها في فيلم "القاهرة 30" و"اللقاء الثاني" و"بئر الحرمان" و"غروب وشروق" و"على من نطلق الرصاص" و"دعوة على العشاء".كونت سعاد حسني ثنائياً ناجحاً مع ​رشدي أباظة في "صغيرة على الحب" و"جناب السفير" و"الطريق" و"الساحرة الصغيرة" و"الحب الضائع". ومع ​حسن يوسف في "فتاة الإستعراض".في سبعينيات القرن الماضي بدأت مرحلة جديدة أيضاً، وقدّمت سعاد حسني أعمالاً مهمة، أشهرها الفيلم الاستعراضي "خلي بالك من زوزو" مع حسين فهمي للمخرج حسن الإمام. و"الإختيار" مع المخرج يوسف شاهين، و"أين عقلي" و"أميرة حبي أنا" و"مين يقدر على عزيزة" و"الكرنك" للمخرج علي بدرخان.وفي العام 1979 كان فيلم "شفيقة ومتولي" مع أحمد زكي، والذي رشحته ليشاركها البطولة، لتعويضه عن رفض منتج فيلم "الكرنك" مشاركتها بطولته، لتجمع بينهما صداقة وطيدة. وفي ثمانينيات القرن الماضي تشاركت سعاد حسني مع ​عادل إمام بطولة فيلم "المشبوه" و"حب في الزنزانة". ومع نور الشريف ​قدمت مجموعة من الأفلام  "بئر الحرمان" و"نادية" و"زوجتي والكلب" و"مكان للحب" و"الكرنك" و"أهل القمة" و"غريب في بيتي" و"عصفور الشرق".احتفظت سعاد حسني بنجوميتها ومحبة الجمهور لها حتى آخر فيلم قدمته في تسعينيات القرن الماضي "الراعي والنساء"، الذي عاد وجمعها بأحمد زكي ومعهما يسرا في عام 1991.بدأت الفنانة ناديا لطفي مسيرتها الفنية قبل سعاد حسني بعام واحد. وجمعتهما أعمال كثيرة منها "السبع بنات" و"للرجال فقط". وبعد نشوء صداقة بينهما، كان الخلاف بعد أن تعاقدت ناديا لطفي على بطولة فيلم "الخطايا" أمام عبد الحليم حافظ بدلاً من سعاد حسني. كان ذلك بناءً على طلب عبد الحليم، فبعد أن كثرت الشائعات التي ربطت بينه وبين سعاد حسني واقتراب زواجهما، قرر تكذيب تلك الشائعات بترشيح نادية لطفي للبطولة. الأمر الذي أزعج سعاد كثيراً، وأدى إلى توتر علاقتها بناديا لطفي لسنوات، قبل أن يتم الصلح.قدمت سعاد حسني في التلفزيون أيضاً مسلسل "هو وهي" مع أحمد زكي في العام 1985، والذي كان في كل حلقة يعالج قضية معينة، وضم مقاطع غنائية لها، ومجموعة من الإستعراضات التي ميّزت سعاد حسني أيضاً في أعمالها السينمائية.وقدمت للإذاعة 8 مسلسلات. آخر أعمالها كان العمل الإذاعي الشعري، وكان بعنوان "عجبي" من رباعيات صلاح جاهين. سجلته بصوتها لصالح إذاعة "بي بي سي" العربية في لندن. كما قدّمت قصيدة "المكنجي" المعروفة أيضا بـ"وقف الشريط في وضع ثابت" لصلاح جاهين أيضاً، إبّان إنتفاضة الأقصى دعماً للشعب الفلسطيني.- تمكنت سعاد حسني من منافسة كبار الفنانات، كفاتن حمامة وشادية وغيرهما، على لقب "نجمة القرن الـ20"، لتحل بالمركز الثاني.- اختار النقاد 8 أفلام من أعمال سعاد حسني، ضمن قائمة أفضل 100 فيلم مصري خلال القرن الماضي، لتصبح صاحبة الرقم القياسي باختيار أفلامها مثل فاتن حمامة.- جائزة أفضل ممثلة من المهرجان القومي الأول للأفلام الروائية عام 1971 عن فيلم "غروب وشروق". - جائزة من وزارة الثقافة المصرية عن أفلامها : "الزوجة الثانية" و"غروب وشروق" و"أين عقلي" و"الكرنك" و"شفيقة ومتولي". - جائزة أفضل ممثلة من جمعية الفيلم عن العديد من أفلامها. - جائزة مهرجان الإسكندرية عن فيلم "الراعي والنساء". - جائزة جمعية فن السينما لأفضل ممثلة عن فيلم "الراعي والنساء". - جائزة وزارة الإعلام المصرية عن أفضل ممثلة في مسلسل "هو وهي". تزوجت سعاد حسني 5 مرات، وجميع زيجاتها كانت من الوسط الفنّي. 4 زيجات كانت علنية وزيجة واحدة سرية.الزيجة الأولى، كانت سراً من الفنان عبد الحليم حافظ. كان زواجاً عرفياً وغير مثبت، كما أعلنت شقيقتها جانجان بعد وفاة سعاد. استمر هذا الزواج 6 سنوات، ليتم الإنفصال في العام 1965. بسبب صفوت الشريف. وأغنية "قارئة الفنجان" نظمها الشاعر نزار قباني عن علاقتهما.المخرج صلاح كريمتزوّجت سعاد حسني في العام 1966 من المصور والمخرج صلاح كريم. دام هذا الزواج لعامين، حتى قررت الطلاق في العام 1968.المخرج علي بدرخانفي العام 1970 تزوجت سعاد حسني من علي بدرخان ابن المخرج أحمد بدرخان. استمرت هذه الزيجة 11 عاماً، ليحصل الطلاق في العام 1981.----الجزء الاول

[unbreakablesal]

بمناسبة ان الانسان يحب نفسه و يتبسط مع نفسه و يخرج مع نفسه .. مره قولت لبابا يوم اجازتى بابا انا عايزه انزل اروح السينما .. قالى معاكى مين؟؟ قولتله لوحدى .. استغرب جدا و قالى لوحدك !! قولتله اه عادى .. قالى طيب تمام بس مش عارف هتتبسطى و لا لا شوفى حد من صحابك يجي معاكى .. قولتله مش فاضيين ..

و فعلا نزلت تانى يوم الساعة ١٠ الصبح و روحت السينما اتفرج على فيلم كنت مستنياه بقالى كتير 😂❤️ كنت قاعده فى السينما كلها لوحدى و رافعه رجلي ع الكرسي اللى قدامى و فشار كبير فى حضنى 😂🙈 و كنت سعيده جدا و بابا من ساعتها اتعود ��نى عادى ممكن اخرج لوحدى و اتبسط برضو

[smallbutkindcouch]

من أول أكتوبر هكتب قصة عن بابا

١ أكتوبر

يوم دفنة بابا، كان عندي تسع سنين وعشر شهور، وماما مرضيتش تاخدني البلد، في المقابل صحاب اختي خدوني يخرجوني على أساس أتلهي يعني.. قرروا ندخل السينما، بابا مات سنة ١٩٩٧ كان ساعتها بيتعرض اسماعيلية رايح جاي .. صحاب أختي قرروا ميدخلوهوش، عشان أختي كانت عايزة تدخله، ودخلنا فيلم أجنبي.. دخلنا فيلم اسمه )volcano).. قصة الفيلم أب بينقذ بنته من بركان، كوميديا سوداء طبعًا زي كل شيء بيحصل في حياتي.. اصحاب اختي ناموا في السينما، وأنا فضلت أتفرج ع الفيلم، وأعيط .. لإن حاليًا لو فيه بركان هموت وش.. ابويا مات، محدش هينقذني.. وساعتها فكرت إني سبيل الإنقاذ الوحيد إني أبقى عالمة جيولوجيا زي بطلة في الفيلم، و guess what عالمة الجيولوجيا اللي في الفيلم ماتت بردو عادي.. غالبا كان ابوها ميت هي كمان.. بعد الفيلم ما خلص، خدوني آكل أكتر أكلة بكرهها في حياتي حتى الآن pizza sea food .. ودي كانت أكتر أكلة أختي بتحبها، وبالتبعية هما حسوا إن دي أكلتي المفضلة، معترضتش خالص، فضلت ساكتة وببتسملهم من وقت للتاني، وطبعًا اتسألت أغبى سؤال ممكن يتسئل في الدنيا ( مبسوطة يا حبيبتي) وكنت بهز راسي وخلاص.. لإني مش فاهمة السؤال ومش فاهمة حاجة.. فضلت طول ما احنا في محل البيتزا، باصة ع السما، والدنيا مغيمة وانا عمالة أفكر في حاجات عشوائية، زي يا ترى المقابر دي شكلها عامل ازاي، هو بابا هيفضل هناك كدا خلاص، طب أنا هشوفه ازاي؟ ايه اللي بيحصل في المدرسة دلوقتي؟ وأكتر فكرة كانت ضاغطة كانت إني كان لازم أروح الدفنة عشان بابا مماتش وهيدفنوه وهو صاحي وانا اللي كان لازم أصلّح الموقف دا... كان عندي شعور قوي إني هرجع البيت ألاقي بابا عادي قاعد ع الكرسي ويقولي (شربتيها يا عبيطة ) زي ما كان بيعمل فيا مقالب ويضحك.. رجعت البيت، معايا بقايا بيتزا، ماما واخواتي منهارين من العياط.. العزا اللي في بيتنا بدأ، وأنا مرضيتش أقعد في الصالة معاهم، قعدت في أوضة اخواتي، ساعتها كان عندنا سرير بدورين، فضلت قاعدة في الدور اللي فوق، ومدلدلة رجلي، وباصة في مراية التسريحة، وبفكر هو دا شكلي العادي، ولا أنا شكلي اتغيّر..بعد العزا ما خلص وكل الناس مشيت، ماما قعدت تتكلم إن حياتنا هتفضل زي ما هي وإن احنا لازم منخافش.. وأنا طبعًا كنت عارفة إن دا كلام مش حقيقي.. اليوم دا معرفتش أنام وفضلت أتقلب طول الليل في السرير، وكل شوية أقوم أنام جنب حد وأحاول أحضنه وأنام ومعرفش.. لإن مكانش بيجيلي نوم غير لو بابا حاضني من ضهري وبيحكيلي حدوتة.. الحقيقة أنا من يوم ما اتولدت وانا بنام في حضن بابا.. كل ما كانوا يحاولوا يخلوني أروح أنام لوحدي أو جنب اخواتي، كنت برجع أعيط لبابا، وأقوله مش عارفة أنام، خلي ماما تروح هي تنام هناك، وانا انام جنبك.. فكان يضحك ويقولي تعالي طيب نامي جنبنا.. ويقعد يحكيلي حدوتة ست الحسن والجمال.. وكنت كل مرة بحاول أزق ماما بعيد، وأقولها السرير مش هيكفينا كلنا، روحي نامي في حتة تانية.. عمر ما كان عندي سرير اصلا في بيتنا، كان سريري أي مكان بابا هينام فيه.. انا لحد دلوقتي بنام على سريره، دا المكان الوحيد اللي برتاح فيه... ومع الوقت، بقت أوضة بابا هي أوضتي.. نجحت أخلي ماما بجد تروح تنام في الأوضة التانية زي ما كان نفسي.. عملت اللي كان في دماغي، بس بابا خلاص مبقاش موجود.. رحمة ونور يا بابا.. رحمة ونور يا حبيبي 🤍

[doaaafarag]

وحشتني اوي يا بابا..

كل يوم بقول لنفسي الكلمة دي ..كل مرة ببقى قعدة قدام فيلم ابيض واسود جميل..كل مابسمع اغنية قديمة..ام كلثوم ،عبدالمطلب،محمد فوزي،فريد الاطرش،سيد درويش،ليلى مراد وكل الجمال اللي في الطرب ..كل مابشوف فيلم كوميدي للناس اللي بتحبها وال��فلام الجميلة اللي كنت بتحبها وتستمع اوي بيها واول ماتشتغل على التليفزيون تجيب كرسي وتمسك الريموت وتقعد قدامها..كل ماحد يقول كلمة كنت بتقولها..حاجة كنت بتعملها..كل ليلة لما بسمع إذاعة القرآن الكريم بالليل..والصبح كمان وفي كل وقت والله.. كل مابشوف اي حاجة جميلة ..كنت جميل اويي وذوقك جميل وراقي اوي اوي اويي وفخورة اني طلعالك ف دي اوي..فالحقيقة كان نفسي اطلعلك ف كل حاجة..كنت جميل اوي اوي اوي يابابا..انت احلى حاجة ف الدنيا دي عرفتها..واطيب وانضف واعدل الناس اللي فالدنيا..عشان كدا ربنا اختارك

بس اعمل ايه لما بتوحشني وبفتقدك اويي وبحس ان ولا حاجة فالدنيا ولا فرحة هتكمل من غيرك ولا هحس بطعم اي حاجة حلوة حوليا وانت مش موجود..والله والله ماكلام يا بابا..والله ولا فرحة عدت عليا حسيت بيها من غيرك

انا عرفة اني مليش حيلة..وبصبر نفسي بالجنة..واقول هناك مفيش فراق ابدا هنتجمع للابد..بس اوقات غصب عني بحس اني عيزاك دلوقتي وواحشني دلوقتي ومفيش عزاء ولا اي حاجة فالدنيا تهون عليا انك مش موجود هنا..دلوقتي!

كتير اوي اوي بيعدي عليا مواقف ف الشغل بحس ان محدش فالبيت كله هيفهمني غيرك..حاجات كتير اوي اوي اوي كان نفسي اشاركها معاك

طب انت عارف..انا اكتر حاجة ندمانة عليها انك مشيت قبل ماعز��ك عزومة اول مرتب..بس والله ربنا يعلم اني كنت عاملة حسابي ان اعزمكم ف رمضان لما تخف وتطلع من المستشفى..بس ربنا مقدرش

واحشني اوي اوي ..مفيش اي كلمة فالدنيا توصف اد ايه انا محتجالك واد ايه انت واحشني واد ايه كل حاجة من غيرك ناقصة حاجات كتير اوي

بحبك اوي ..ف الجنة يا حبيبي

20nov.2022

[beautysofia]

هو أنا ممكن أقول حاجة Weird فيا! أنا بابا مش مدخن بس أنا حقيقي بثار لو قعدت مع راجل ببشرب ڤيب ريحتها حلوة أو سيجارة أو شيشة ببقي من جوايا ارجوك بطل أنا دقيقة نفس كمان و هقوم ابوس من بؤك زي فيلم الناظر لما مامته قامت تبوس أستاذ سيد 😅

فأنا لما بيقولوا ليا حد غير مدخن كعريس لا بضايق ، مع أن ده الطبيعي لما بيجي حد مدخن حصل إني سألته على النوع إلي بيشربه و هنا بحس ده بيدل على زوق الراجل و مستواه المادي ، ليه بسأل عشان قدام هبوسه هشم الريحه في هدومه والشقة هحتك بالريحه عموماً فلازم تكون ريحه حابها منه و بتفكرني به بصورة حلوة ، غير أن طبعا ببفرق معايا نضافة و شكل الأسنان جداً!

بس اتعلمت من بعد تجربتي مع خالد إني ما اوضحش اهتمامي ده أو تأثري بالحاجات دي عشان ما ادخلش في س وج مع الراجل و حوارات و احكي و في الآخر إحنا مش هنكمل أصلا!!

برضو البرفيوم نفس الكلام حصل قبل راجل مكنتش بحبه خالص بس كان بيشتغل معايا كان كل مرة يقعد جنبي في الشغل كنت حقيقي يضايق لأني ما بعرفش اركز في الشغل عشان الريحه كانت حلوة خالص نفاذه فكنت بحس معه أنا دقيقة و هقوم احضنك لما شميت نفس الريحه دي بعدها بفترة طويلة صدفة في الشارع افتكرت احمد ده

فأنا حاسة إني مش زي البنات و بابا لما قولته لأ أنا مش بضايق إنه مدخن استغربني فشخ و لما كنت راجعة مبسوطة أول يوم شوفته هو تقريباً كان تأثير ريحة البرفيوم عليا لما مشيت جنبه و شمتها مش هو شخصياً اعتقد! 😅

و الحقيقة كمان منظر طريقة الشرب أو طريقة وضع البرفيوم بحسها من التفاصيل الفارقة ليا بتبين الراجل قد إيه elegant بيفهم جميل كده

فبس it's okay طالما حاجة بتبسطني يبقي why not و ليه اغيرها فيا!♥️

إن شاء الله ربنا يرزقني بحد حلو زي ما أنا بحب و يبقي فيه الخير ليا ♥️♥️

[mona--el-tahan]

تخيلوا يا رجالة المعلمة 😅

جاءت موظفة من تجارة .. ولاء .. بمحاضر فحض أوقعها لها

لأفاجئ بالشرموطة الفاجرة الشاذة .. بتوسوسلى إن الى باعتها ليا هو .. باب المجال .. لأنه من الكبار بتوع كلية تجارة

و لما استنكرت وسواسها .. لأنى اعتقد إنه شخص غير بشرى .. له علاقة بالمدينة الجامعية .. لأن جاءت سابقا موظفة .. بعد ما أنا .. سمعت الأغنية دى .. لأول مرة .. و لم أفهم معنى الكلمة .. جاءت و فوجئت بيها بتشرح معنى الكلمة .. و فهمت إن باب المجال .. يطلق على Big stress boss .. لأفاجئ حينها احد يوسوس .. لى .. أن الى عمل الأغنية .. هو بابا المجال .. فى جامعة عين شمس .. و موجود فى المدينة

الآن بقى .. و الزميلة دى موجودة الآن من كلية تجارة .. و بأحكى لها عن رسوب ابنتى .. سنتين فى الثانوية العامة.

أفاجئ .. بالشرموطة الفاجرة الشاذة توسوس لى .. ان بابا التجمع .. باعت ليا .. الموظفة ولاء .. و حيعرف إنى بأحكى عن بنتى .. و حيقتص لى ممن ظلمت ابنتى ؟!

تعليقى👇👇

حتى لو بابا المجال .. شخصية وهمية😜 من اختراعى .. فهو الآن أصبح الحراق 🌶️🌶️ لشراميط شاذات قيادات جامعة عين شمس

ولذلك أتمنى أغنية جديدة لمحمود الليثى اسمها .. أنا الحراق🌶️🌶️ .. و تبقى كلها عنى 😜😜

أما بقى القصاص ممن ظلمت بنتى ..فى جامعة عين شمس .. فأنا اقتنعت جدا جدا .. بما قاله جاكى شان فى فيلم شفته .. أمس ليلا .. الحساب عند ربنا

و قررت أحاول اتوقف عن كتابة بوستات القصاص 😜😜

[aaaalsafar]

مواليد ١٩٧٩ .....45 سنه

مواليد ١٩٨٠ ..... 44 سنه

مواليد ١٩٨١ ..... 43 سنه

مواليد ١٩٨٢ ..... 42 سنه

مواليد ١٩٨٣ ..... 41 سنه

مواليد ١٩٨�� ..... 40 سنه

مواليد ١٩٨٥ ..... 39سنه

مواليد ١٩٨٦ ..... 38 سنه

مواليد ١٩٨٧ ..... 37 سنه

مواليد ١٩٨٨ ..... 36 سنه

مواليد ١٩٨٩ ..... 35 سنه

مواليد ١٩٩٠ ..... 34سنه

مواليد ١٩٩١ ..... 33 سنه

🚲📸🎬☎️📞💽🎥🎞️📸📹📼🕯️

إحنا آه كبرنا بس اللي عيشناه محدش هيعيشه تانى

إحنا آخر جيل إتعلم اللعب فى الشارع ,

وأول جيل بدأ يلعب فيديو جيم وإتفرج على الكارتون بالألوان , وإتفسحنا في الجناين ,

إحنا الجيل اللى كان عنده تليفزيون واحد فقط و بنتفرج عليه بعد تصريح من الوالد

إحنا آخر جيل كان بينام بدرى

إحنا آخر جيل كان بيصحى الصبح على إذاعة الشرق الأوسط أو البرنامج العام او إذاعة القرآن الكريم ..

إحنا اللى كنا بنعمل مسابقة أجمل شارع فى زينة رمضان

إحنا اللى كنا عايشين طفولتنا على أغانى عمرو دياب و إيهاب توفيق و محمد فؤاد وحميد الشاعري وراغب علامه ومصطفى قمر وجورج وسوف

كل البنات بتحبك ولولاكى

إحنا اللي كنا بنصور بكاميرا وفيلم و تحميض 📸

إحنا كان عندنا تواصل إجتماعى حقيقى بعيد عن الموبايل و الإنترنت📀

إحنا آخر جيل كان بيسجل الأغانى من الراديو , كنا بنسمعهم على الـWalkMan📽️

إحنا إتعلمنا إزاى نبرمج الفيديو قبل أى حد ,🎥

إحنا اللى لعبنا على الأتارى و سوبر ماريو

احنا اللي كنا بنسافر في القطار رايح جاي بجنيه ونص اسكندرية والقاهرة 🚂🛤️

إحنا اللى عيشنا من غير محمول وكنا على إتصال ببعض📞

إحنا اللى كنا بنأجر العجل ونجرى بيها من غير فرامل🚲

إحنا لا شفنا بلاى إستيشن ولا تليفزيون فيه أكتر من 100 قناة📺

إحنا لا شفنا شاشة مسطحة ولا صوت مجسم ولا Mp3🎬

إحنا جيل كان بياخد مصروف 25قرش وكان بيجيب شيبسي و لبان و لوليتا إحنا بتوع بم بم

احنا جيل كابتن ماجد وبقلظ ومازينجر وجرينجايزر وماوكلى فتى الأدغال وماما نجوى واغانى جدة عبدو و عمو فؤاد وعفاف راضى مش اوكا واورتيجا وحمو بيكا 🎬

وكمان احنا اخر جيل كان بيشتري مسدس و بومب في العيد حاليا بيشتروا ديناميت ومدسدسات خرطوش🚲

وكنا بنجلد الكتب المدرسية فى المطبعة

إحنا اللى عملنا الشراب كوره

احنا الجيل اللى اشترى ازازة الكوكاكولا بربع جنيه . . آخر جيل لعب بالكازوز و عمل منه عجل للعربيات الخشب غير فرده و تصنيع اشكال منه . .

اخر جيل كان بيتلم علي مسلسل سبعة و ربع

ومسرحية يوم الخميس وحفلات أضواء المدينة وليالى التلفزيون . . 🌆.📼

٠٠٠٠٠ ١١١

احنا اخر جيل كانت المتعة بالنسبة له بمواعيد عشان كده الفيديو و الأتاري بالنسبة له كانت متعة لا نهائية . .🌇

احنا جيل مصروف ربع جنيه في اليوم .. و في الاعياد عدية 5 جنيه كنا بنستنا الفيلم الهندى فى العيد ،،

احنا الجيل الى كنا لما نحب نتفرج على فيلم اجنبى نستنى تاكسى السهرة او بانوراما فرنسية🗽

ونادى السينما واسكار فاكر ياصحبى والعالم يغنى عشان نشوف اغانى✨🕺🏿(مايكل جاكسون)🕴🏻king.of.pop m. J

مش زى دلوقتى فى قنوات مخصصة🌎

احنا اخر جيل رقص اجنبى وبالأخص رقص

🕺🏿مايكل جاكسون🕴🏻king of pop. M. j

احنا اخر جيل كان بيعمل شريط الكوكتيل اغانى اجنبى وعربى ب2جنية ساعة ونص وساعتين 3ج 🎼

جيل كوتشي أميجو اللى بينور ومسابقات لبان على بابا☎️

جيل لا يعرف الفشل , واللي كان بيخش مدرسة خاصة يبقي نادر اوي

مين فاكر الايام دى؟؟😏🤔

احنا جيل مش اى حد يعرف يعمل زينا😎❤

[snakeven0m]

فيه حاله غريبة قاعدة تحصل معايا كانت عندي فترة واختفت ورجعت تاني أكون عارفة الشخص هيقول ايه او يكون قاعد يكلم نفسه على حاجة وانا بالصدفة اكون مركزة معاه وقتها أسبقه و أكمل كلامه وبعدين يبصلي مصدوم ساعتها اضطر اعمل مجنونة وأغير الموضوع لأي حاجة عشان ميركزش معايا

بتحصل مع اختي اكتر مؤخرا تكون سرحانة في حاجة مثلا وترمي اي كلمة عشوائية عادية كحديث مع نفسها وانا رديت عليها مرتين ورا بعض بإسم الحاجتين اللي كانت بتعمل سيرش عنهم ! مثال مجرد كانت تفكر وقالت كلمة واحدة " باب " بصوت واضح على مشهد بتتفرج عليه قولتلها أه تقصدي مسلسل teen wolf مش كدا . بصت قالتلي اه واتكلمنا بس مقولتلهاش أنه جالي هاجس في دماغي بيقولي أن المشهد اللي رمت الكلمة عليه وتقصده هو لما كان Nogitsune - و دا في الثقافة اليابانية روح من الأرواح الشريرة - وقتها كان بيكلم ستايلز في الظلام وبيسأله: متى لا يكون الباب بابا؟

ورد عليه التاني: حينما يكون مواربا ....

المهم بعدها بخمس دقايق كانت بتدور عن حاجة تانية وقالت بصوت خافض تكلم نفسها فيه: ايه الزفت دا يعم مش هضيفه للقائمة بتاعتي ... قولتلها ليه؟ قالت مش بحب الافلام اللي بيكون التصوير فيها بكاميرا زي مايكون واحد ماسكها وبيصور !! قولتلها دا فيلم coherence صح؟ ضيفيه عندك ممل بس ماشي فكرته .

And i can never describe the way how she looked at me.