#صلالة اسكندرية

[egyptian-club-in-oman]

استبيان رحلات صلالة ( الاسكندرية - سوهاج )

يعد هذا الاستبيان دليل استرشادي لاستعراض البيانات الرقمية الخاصة برغبات أبناء الجالية المصرية الراغبين في حجز تذاكر نهاية العام إقلاعاً من مطار صلالة عبر العروض الرسمية على مطاري سوهاج والاسكندرية التي يسعى إليها أ.عاطف صقر ممثل الجالية المصرية بمحافظة ظفار تحت رعاية النادي الاجتماعي للجالية المصرية بسلطنة عمان. والذي حمل على عاتقه توفير البديل اللائق للمواطنين المصريين على أرض السلطنة. الجدير…

[shahad-sweet]

عايزة اسافر اسكندرية واتمشى ف الشارع بالليل لحد م اسقع و ارجع انااااام مفكرش ف حاجة، عايزة طلعة مع بابا بالعربية و نلف شوارع صلالة كلها و احنا مشغلين *بعيد عنك* بصوت ام كلثوم و الاغاني الغريبة اللي بحبها اللي ف عربية بابا و نقف ف اي مطعم نشتري مشاكيك و نجيب نارجيل، عايزة الف ف كارفور مع صحابي و احس ان الوقت معداش و اني لسة ف ثانوي وان كل حاجة ف عيني كويسة و جميلة، عايزة اروح بحر و انزل المية الفجر، عايزة اركب عجل و اصوت بصوت عاااااااااالي ف الشارع، عايزة اخرج باللليل متأخر و اروح اماكن جديدة و برضو اتمشى ف مصر الجديدة، عايزة قعدة طوووييييييلللةةة مع شهندا ونانو ونرغي نرغي وعينيا تدمع من كتر الضحك، عايزة الوقت اللي بقعده مع ماما اول م اكون راجعة من السفر و نفضل نتكلم كتير و كل شوية تقولي احضرلك تاكلي؟ عايزة بابا و هو بيكلمني اول م اكون جاية م السفر و بكون حاسة اني واحشاه و يكون بيبتسم وهو بيكلمني و كل ساعتين يخرج و يرجع بحاجات كتير و يفضل يقولي كُلي و البسو هوديكو تشتري لبس، عايزة مرام ويوسف و حكاويه وحاجاته اللي بيفضل يوريهاني اول م اوصل و يفضل يصحيني كل شوية و يقولي انتي هتفضلي نايمة كل ده؟ يلا اصحي عشان بابا عايز يطلعنا، عايزة اشوف عُمر و عبدالله و اسمعهم وهما بيتكلمو كلامهم الغريب ده و عمر يلف و يجي يقعد ف حضني، عايزة زحمة بيتنا و يويو و خالتو اروى و ماما وخالتو سمر و بسنت و العيال و خالو معاوية و قعدتنا جمب البيت بالليل، عايزة اروح فرح مع ساجدة والعيال و نكشخ و نرقص ونغني طول الليل، عايزة ايام وليالي سنة تانية و عايزة شعوري واحساسي وقتها، عايزة اروح بنها وابات مع العيال و امشي اسلّم ع الناس كلها ف الكلية و ابقا شايفاهم طايرين م الفرحة اني معاهم يوم بحاله و نفضل نفكر هناكل ايه و نروح فين.

عايزة حاجات حلوة كتير