#رن

[topurdunews]

ایک رن کے عوض آسٹریلین ٹیم نے 8 وکٹیں گنوادیں

کینبرا(ڈیلی پاکستان آن لائن)آسٹریلیا کے ون ڈے کپ میں مقامی ٹیموں کے درمیان میچ میں تسمانیہ نے ویسٹرن آسٹریلیا کی ٹیم کے ایک رن کے عوض 8 وکٹیں لیکر سب کو چونکا دیا۔ پرتھ میں کھیلے گئے میچ میں ویسٹرن آسٹریلیا کی ٹیم کی پہلی وکٹ 10 جبکہ دوسری وکٹ 45 رنز پر گری، بعدازاں 52 پر تیسرا نقصان برداشت کرنا پڑا تاہم 53 کے مجموعی سکور پر پوری ٹیم پویلین لوٹ گئی۔ کیمرون بینکرافٹ، جوش انگلیس اور ایشٹن آگر…

[ii2xj]

When he is a narcissist>>>

[gtm-congo]

تنزيل لعبة تمبل رن 2 Temple Run الأصليه للاندرويد وللأيفون براط مباشر

تنزيل لعبة تمبل رن 2 Temple Run الأصليه للاندرويد وللأيفون براط مباشر هو لعبة الهروب والركض اللانهائية المثيرة تمبل رن. تم تطوير اللعبة من قبل إيمانجي ستوديوز لأجهزة الأندرويد.

[stella-sirius]

قبل ما أنزل العصر فريدة بنت أخويا قالتلي يا أحمد و أنت جاي هاتلي سبيرو سباتس نفسي فيها قولتلها يا فريدة لو جيت بدري هجيبلك السبيرو سباتس - مشروب غازي - ..

المهم اليوم كان طويل و من الأيام الي بتكون عايز تروح فيها البيت علطول من غير ما تلف ولا تجيب حاجه .. بس افتكرت فريده و اخواتها :") و قولت والله ما أنا مزعلهم و دخلت السوبر ماركت و جبت ليهم السبيرو سباتس ..

روحت و دخلت اوضتي لقيت دي علي المكتب :

"ازيك يا أحمد حط السبيرتو سباتس هنا و رن عليا اطلع اجيبها أنا هسهر لحد ما تجيبها ، عارف لو مجبتهاش هتشوف حاجات مش هتشوفها والله، حطها في البوكس "..

أنا كنت هعيط والله من رقتها و تهديداتها الي مليانه محبه دي ..

هي حبيبتي 🤍

[maybeher]

بابا بقاله يومين قلبه رجع يتعبه تاني وضغطه عالي طول الوقت. رن عليا وأنا شغالة بيقولي انتي فين بشوفك هتيجي امتى عايزك

وبعد ما اتلهيت على وشي روحت دخلت لقيته الضحكة شاقه وشه وقالي خلصتلك ديزاين المطبخ كله زي ما انتي عايزة تعالي بصي

يا مساء الديون التي لا تُرد، لسه عشمان تكون جد من ناحيتي♥️؟

[jaunerevee]

النهاردة حصل لي اغرب حاجة حصلت لي في حياتي .. رجعنا من الحضانة ودخلنا ننام .. صحيت المغرب في حالة اشبه بالشلل لمدة ٣ ساعات فاتحة عيني وابني على ايدي نايم وانا مش قادرة احرك ساكن حتى ولا عارفة اتكلم ولا حاسة بأطرافي .. موبايلي رن ١٢٧ مرة من اهلي وانا سمعاه ومش قادرة اتحرك لدرجة اني ماقدرتش اقوم غير لما اهلي جم فتحوا عليا وقوموني .. ول��د دلوقتي مش فاهمة ايه ده 🌚

[yathrib]

سبتهم ودخلت انام وفيش ربع ساعة بابا رن عليهم وسأل عليا مرات اخويا قالتله نايمه واخويا حبيبي قاله دقيقه هخلي يونس يصحيها (يونس سنه ونص) انا اصلا سمعاهم باب الاوضه مفتوح بس مش حابه اكلمه عشان لسه زعلانه المهم يونس بقه دخلي الاوضة بص عليا لقيني نايمه وقف دقيقة ساكت بعدين مشي وهو وماشي قفلي الباب 😎😂❤

[t-redo]

10.6.2024..

كان آخر يوم ليا في الإمتحانات، نمت 5 الصبح وكنت ظابطة المنبة على 6 ومش عارفة ازاي هصحى ،رن المنبة ولا إرادي كده قمت طفيته وصحيت صدفة لقيتها 7 و10 اللي هو احيييه بجد المفروض اجهز ف تلت ساعة بس واكوي الهدوم كمان، المهم بعد لفة طويلة وتأخير تاني بسبب المواصلات وصلت اللجنة 10 الا وأنا اصلا امتحاني 9 ونص وعديت من وسط اللجان وهي شغالة وطبعا اتهزأت، دخلت لقيتهم بيمضوا حضور ومستلمين الورق وانا لسه بستوعب انا فين اساسا، عدى الامتحان الحمدلله بعد ما حليت بالبركة لأني كنت يادوب قارية نص المقرر اساسا، نزلنا طبعا واتصورنا وكانوا جايبين فوتوجرافر زي الخرا وكل الصور برضو زي الخرا ودي من الحاجات اللي عكننت��ي وضايقتني بصراحة،فضلنا كتير انا وصحابي مع بعض واحنا ماشيين فضلوا يبكوا وكانوا متأثرين فشخ وانا بجد ميتة ضحك معرفش ليه ومتأثرتش خالص بالعكس كنت هموت واروح انام وعدى آخر يوم ليا في الجامعة.

اكتر حاجة ضايقتني بجد هو إن يوم زي ده "المفروض يعني يكون مميز" مشى عكس ما كنت مرتباله خالص، تقريبا مفيش حاجة كنت ناوية اعملها عملتها ومفيش حاجة كنت مرتباها حصلت زي ما عايزة، بس ان جينرال يعني الحمدلله على كل حال وان اكيد ترتيب ربنا للاحداث احسن من ترتيبنا بمية مرة..

آند وحشتوني بجد❤️

[zlabyas-world]

وضفاير غارت من القُصه رقصت ع رن الخلاخيل🖤

[lolaa-253]

وفي ليله قام تليفونها رن ردت قالت ايوه مين وفجأه سكتت من الذهول ده صوت حبيبها من سنين

[khaledalotaisblog]

‏ ‏ صوتٌ مألوف ، صوتٌ محبوب "!

بعد سنوات من الغياب أتصلت بِها ولم ترد، ولكن بعد دقائق رن هاتفي ليصل صوتها إلى قلبي صوتٌ مألوف ، صوتٌ محبوب ، كل ما استطعت قوله حينها أسف يبدو إني اخطأت في الرقم ..!

[misscoffeaddict]

انا بقيت بحب اوي اسمع البودكاستات بتاعت الناس الأغنياء و هما بيتكلموا مع بعض و بيحكوا قصة الكفاح و الصعود اللي القمة و سرد لنوعية مشاكل من اني اضطريت اوفر تمن قهوة الصبح كل يوم و اعملها في البيت في الكوفي ماشين ام 45 الف جنيه مع سندوتش جبنة رومي عادي بدل ساندوتش التركي امونتال من اون ذا رن و الخ بقى

حاجة تحسسك أن فعلا المعاناة في عقلك انت وحدك حرفيا ، يالي منك لله .

[nada-hussien]

بصالح الناس على الرغم أنى مش بكون عامله حاجه والله..بس مش بيهون عليا زعل حد فعلا . حاسه أنهم بيستغلو النقطة دى عندى وبيدلعو عليا وأنا فيا اللى مكفينى🥲.

بابا رن عليا في وقت أنا مكنتش فاضيه أرد على اللى جنبى وزعلان أنى ما ردتش عليه ولا رجعت رنيت بعد كده...بقوله حقك عليا ي بابا يعنى انا هشوفك بترن وهختار ما اردش بمزاجي ؟!

بس الحمدلله اتصالحنا بعد أخبار الحرب اللى صالحته بدالى.

[jaunerevee]

لاسباب كتيرة انا شخص غير مُحب للسوشيال ميديا على الاطلاق وعلاقتي بيها تتلخص اني باخد لفة سريعة في جروب او اتنين من جروبات الامهات ومكالمة ماما اليومية ولو ايدي وقعت على خبر او اتنين مؤسفين عن مصر، غير كده فا انا شخص غير متواجد بشكل دائم تقريبًا غير على تمبلر وواتساب (عشان اتنين من اصحابي اللي بحب اتكلم معاهم) واحيانًا انستجرام ونادرًا ما برد على مسدچات الماسنچر او الانستجرام او دي ام تويتر ولا حتى تمبلر ( ودي حاجة بعتذر عنها جدًا لو حد متعلقة ماسدچ له عندي من فترة) لاني بجد مابقدرش أ keep contact مع حد وبتخض حقيقي لما حد يكلمني ومابعرفش ارد رد مناسب معظم الوقت وبتوتر بجد جدًا جدًا لو موبايلي رن او سمعت صوت النوتفكيشنز .. مابستمتعش بالفرجة على الريلز ولا بستحمل فيديوهات الريڤيوهات والنصايح وبفضل اي حد يبعت لي اي كونتنت يبعتهولي مكتوب ولو مرفق معاه صورة للتوضيح اكون شاكرة جدًا لاني مابستحملش الفيديوهات الا لو فيديوهات اهلي واصحابي ولولو بنت اخويا واي حد بحبه غير كده فاكس .. احيانًا بختفي لايام وممكن لاسابيع بسبب ال depression episodes واحيانًا تانية بكون متواجدة بشكل دائم مهزأ جدًا ومقبلة على الحياة وببوست ٦٠٠ بوست في الساعة .. وفي الحالتين صعب احافظ على كونفرزيشن طولها اكتر من ١٠ رسايل ورا بعض الا مع نفس اصحابي الاتنين .. فا انا بعتذر للناس اللي شايفاني جلياطة وقليلة الذوق عشان مابردش لان في الحقيقة انا مش كده .. وبعتذر لو كان باين اني جميلة لذيذة ولطيفة زيادة عن اللزوم عشان انا في الحقيقية مش كده برضه .

[colored-entropy]

قلبي الذي...

انهاردة عيد ميلاد أمي، هستنى كم ساعة لما تصحى وأتصل بيها أقولها كل سنة وأنت طيبة يا مُنّ. أختى بعتتلي رسالة بالليل "صاحي؟" بس أنا بقالي كم يوم بنام فوق ال 12 ساعة تقريبا. أبويا قفل السكة في وشي أول امبارح عشان رن عليا كم مرة ومردتش عليه وكل مرة بقوله معلش كنت نايم. "طب لما بتصحى مبترنش عليا ليه؟ مش عارف أقوله ايه بس ما علينا.

من فترة خدت بالي أن هناك تفصيلة صغيرة تجمعني بأمي، كلانا آخر العنقود. ورغم أني أعرف هذه الحقيقة منذ الأبد، لكن اكتشافها كان له وقع مغاير هذه المرة. من قال أن الحقائق العادية لا تزال صالحة لإثارة الدهشة؟ أمي هي الأخرى كانت دلوعة أبيها وأخواتها الكبار. هذا الدلع الذي ذقته أنا أيضا أول سنوات الطفولة لكنه خبا لاحقا ليحل محله الخوف. في درج مكتبي في غرفتي في البلد صورة لطفل وأبيه. الأب يحمل الطفل وينظر للكاميرا ويبتسم ابتسامة كسولة جدا. الطفل يرتدي بلوفر رصاصي كان يحبه ويجعل�� فاتنا في عين نفسه، وينظر للكاميرا بخوف وارتباك، لعلها لم تكن المرة الأولى التي يحمله أبوه، لكنها كانت الأخيرة. كبر هذا الطفل ولا زال يحمل خوف تلك اللحظة البعيدة جدا. كأنها كانت أول أمس، مع أنه كان تقريبا في الحضانة.

مؤخرا كنت بفكر إن آخر العنقود ده طلع اشتغالة كبيرة. في عُطلة واحدة وبفارق يومين بين الموقفين، قالت أمي "عايزة أحس إني تمّيت رسالتي" وأبويا بعدها بيومين يقول" عايز أخلص، عشان أطمن عليك" هكذا وجدت نفسي قد تحولت إلى التاسك الأخير في قائمة التو دو ليست الخاصة بهما. أفعل ما أفعله لا لنفسي لكن عشان هما يحسوا بالرضا عن نفسهم. وده حسسني ان أخر العنقود ده مقلب كبير.

اسكندرية بتشتي بقالها كم يوم شتا متواصل وحبات تلج بتخبط ازاز الشباك وأنا لا طاقة لي على هذا الرعب. في الصيف كنت لازق جرنان ع الازاز تخفيفا لنور الشمس القوي، هذا الجرنان مع الزمن استهلك وتهرأ�� أطرافه وتحولت إلى كلاكيع خلف ضرفة الزجاج الأخرى. كل مرة أفتح الشباك ينقطع جزء من الجرنان. والآن، هذا الأجزاء المتقطعة تشارك الريح في سيمفونية رعب غير طبيعية. امبارح صحيت مفزوع، فكرت فيه فار في الشقة. وأنا ممكن أواجه أسد بس مقدرش أواجه فار. لحظات قبل ادراك ان ده الهوا بيعدي في ورق الجرنان وعامل خروشة جامدة أشبه بصوت فار بيقرض كرتونة تحت السرير، أراحني الادراك فشديت البطانية على راسي وكملت نوم.

طفاية السجاير، في مدى أيام ثلاثة، صارت مليئة بأعقاب علبتين كابتن بلاك وعلبة مانشستر. صديق سألني: أيه سجاير ال��امعات الخاصة دي يا جلجل؟ قلت له انا السجاير بالنسبالي زي اللبان فال slim دي أنسب حاجة. صدري صار منقوعا في الدخان ومعدتي في الشاي والقهوة ووجبة وحيدة كل 24 ساعة لكني أعرف نفسي. لا أرى الدنيا إلا بعين إمّا أو. بعد أيام سأتخلص من كل هذا وسأعود مرة أخرى لتظبيط جدول نومي وإعداد وجبات منزلية وربما أعود للتمرين. العُقلة التي تحولت لمنشر للفوطة، قد تعود عُقلة مرة أخرى وأتمرن.

قلبي وحده ما يؤلمني، قلبي الذي أنهكته الأيام، وروّعه الفقد الانتظار والبانيك أتاكس والتخطيط طويل الأجل لخمسوميت سنة قادمة. أتعلم من أصحابي نظرية ال "هنا والآن" وتبدو لي لذيذة فشخ. كل هذه السنوات وأنا فعلا لا أعرف سوى الخوف والانتظار. عندي رغبة دائمة في أن أعود، لكن لا مكان لأعود إليه. قلبي الذي أنهكته الأيام، وأهلكه الخوف، لحد ما بقى عامل زي ورق الجرنان الملزوق على شباك. لكن المحبة طيبت خاطره وعلمته الشجاعة والهدوء.

عندي صديقة جزائرية جميلة تعيش وحدها في شمال شرق أوروبا، شاركتني الكتابة لسنوات، كما شاركتني الفقد، والخوف، والسكك الطويلة، والمحبة، والأغاني.

انهاردة عيد ميلاد أمي، أمي الأصغر بين أخوتها، شريكتي في نهاية عنقود العائلة. أمي التي دفنت أكثر مما أنجبت وأحبت وأعطت. أمي الخوّافة، التي أورثتني قلقها المفرط تجاه العالم، سواء بالجينات أو بالتربية، وأورثتني معه ميراث الموت والمحبة. أمي الطيبة، العطوفة، أم قلب رقيق. التي لا تحب القطة لكنها تطعمها وتحنو عليها لأنها حيوان أخرس لا يملك من نفسه شيئا.

هذا هو قلبي والله، قلبي الذي أنهكته المحبة، وأدفأته المحبة، والكتابة والأصدقاء.

١٧ فبراير ٢٠٢��

[fozdoaa]

متعوده لما رقم غريب بيرن مبردش بس لو حصل ورديت وطلع حد من بتوع الرقم دا رن عليا او بعتلى مسدج مبكذبوش ! لسه هنكذب بعض وناخد وندى هدانى تفكيرى انى بقوله اسفه جدا تلاقى الولاد كانوا بيلعبوا فى الفون فى اشاره انه احترم نفسك بقى ،وفعلا كانت الحيله بتنفع

انهارده بقى انا قولت كده لقيته بيقولى معلش معاكى ابو كذا انا من كذا انتى منين بقى 😂😂😂

الأخلاق اتغيرت خالص ياعمو محمد