#حاسب نفسك

[riyads-world]

صباح الخير 🌻

اغلبنا يلاحظ دخول اصحاب حسابات تحتوي محتوى غير اخلاقي على قائمة الاعجابات في المنشورات وهدفها معروف للجميع .

لذا بالنسبة لي سأقوم بحظر اي حساب من هذه الحسابات وكذلك اي حساب يحتوي محتوى غير لائق .

أعاننا الله واياكم على الخير وطريقه.🙏

ياريت الكل يشارك ويرفع المنشور لنرتقي بأخلاقنا وقيمنا وديننا الحنيف.

[quotesart]

حاسب ترخَّص ف المحبة

دي ليها تمن وحساب

خلّي نفسك عزيزة

ولا تفتحش قلبك كتاب

وقفِّل بيبان مشاعرك

ومتستناش من غايب جواب

وقسّي قلبك سكوت

وادفن في جوفك صوت العتاب

- محمد سعد دانيال

[mahmoud-abdelqader]

بيحدف طوب للسما

فاكر إنه هيعوّرها

أو هيفتح فيها فتحة صغيرة

تسرسب أجوبة

بسذاجة عيل بيطبطب على سلك عريان من عمود كهربا

" - حاسب يا حبيبي هتموّت نفسك .. ارمي السلك

* جبت القسوة دي منين يا عمو!!

- م التجربة "

[ansafrasha]

صباح الخير..

حاسب نفسك قبل أن تُحاسب.

[saba1966]

#جهاد_النفس

🌕 يا أيها المسجون بمحيط الكون والمحصور في هيكل ذاته والمعرض عن مكوّن الأكوان ..

1️⃣ إقطع علائق حب الدنيا من أرض قلبك قبل أن تأنس بها ويشتد ألم قطعها عند الموت وحلول الفوت.

2️⃣ إياك والعجب وحب الإطراء فإنهما يطفئان نور البصيرة.

3️⃣ إجعل همتك وهمك لقاء الله بقلب سليم.

4️⃣ إزهد في الدنيا يكشف الله عن عينيك العمى.

5️⃣ أدم ذكر الله في نفسك لئلا تغلب عليك الغفلة ويموت قلبك .

6️⃣إن كنت عاكفآ على المعاصي فلا تأمن مكر الله بك ، (والرجز فإهجر) .

7️⃣خالف هواك وغالب شهوتك وأتق ربك .

8️⃣ حاسب نفسك كل ليلة على ما قدمت يداك .

9️⃣ أكثر صمتك ليستنير قلبك .

"﴿ إن تتقوا الله يجعل لكم فرقانا ﴾"

[jasmindasworld1]

ابدأ من النهارده تلاحظ اختبارات الرحمه اللي ربنا بيحطها في طريقك من أول يومك لآخره....وافتكر إن الراحمون يرحمهم الرحمن....

اختبارات بسيطه ممكن تكون مفتاح الجنه في الدنيا والآخره...

🌷حد مستعجل سبته يعدي بعربيه قبلك لعله طبيب هيلحق مريض أو مفجوع في حد رايح يلحق نظرة وداع عليه أو واحد بيجري على رزقه وانت ربنا اداك فسحه من الوقت...

🌷 ابنك فرحان بتعبه وانت جبرت خاطره رغم انك خايف من طريقه الجديد لكن طمنته علشان يكمل طريقه مرتاح رغم قلقك وخوفك عليه أو على نفسك في بعده...

🌷 قط والا كلب والا عصفوره جت على ترابيزتك وانت قاعد بتاكل في مطعم والا نادي والا قهوه والا حتى وانت ماشي في الشارع وحطيت لها لقمه من أكلك تاكل هي وانت مشيت ونسيت وهي شكرت ربنا على وجودك...

🌷 جارك عارف انه مريض وبيمشي بالعافيه سبت له ركنة العربيه قدام باب البيت علشان تريحه وتتعب انت شويه مش مشكله.... ربنا حاسب خطواتك خطوات رحمه...

🌷 ابنك والا بنتك في المدرسه عارفه انه قدراته أعلى من قدرات زمايله في التفوق مبينتيش قدام أمهات زمايله اللي أضعف منه انك فرحانه قوي بدرجات ابنك العاليه وزمايله بالعافيه بيجيبوا درجات نجاحهم ...رحمه ولطف بقلوبهم وقلوب ابنائهم مش خوف من الحسد...

🌷 شفت حد وانت ماشي كان مهموم والا مريض ودعيتله من قلبك وهو ولا سامعك ولا يعرفك ، وانت على يقين ان ربنا هيسمعك ويستجيب دعائك ليه ....

🌷 عامل أو موظف لاحظت انه مهموم أو مريض أجلت عقابه لمشكله عملها رأفة بهمه أو مرضه...

🌷 واحد ماشي مهموم في الشارع قصادك متعرفوش سلمت عليه ودعيتله علشان تبقى رسالة رحمه ولطف من ربنا بيه .....

🌷 ست كبيره ومش قادره تقف وخ��يتها تركب الاسانسير قبلك وانت استنيت...

🌷 حد مش قادر يقف قمت من على كرسيك في الباص أو في الترام وقعدته رأفه بيه....

خد كتير بقى في يومك شوف اختبارات الرحمه من ربنا ليك ...راقب يومك وكن على يقين انك كل ما بترحم خلق الله انت هتترحم بس مش على قدر رحمتك لكن على قدر رحمة الرحيم الرحمن.❤️

[marmarika-world]

"انت اخترت تشتغل ٦ ساعات يبقي متبصش في رزق اللي بيشتغل ١٨ ساعه

- انت اخترت تشتغل شغلانه واحده يبقي متبصش علي مرتب واحد بيشتغل شغلانتين

- ⁠انتي اخترتي تقعدي ف البيت ومتشتغليش عشان تربي العيال يبقي متبصيش في رزق واحده مطحونه اساسا بين بيتها و شغلها و عيالها وجوزها

- ⁠انت اخترت تحوش مرتبك يبقي متبصش ل سعادة واحد بيفرتك اخر ٢٠٠ج في جيبه في خروجه عشان يتبسط

- ⁠انت اخترت تفتح مشروع وتحط ايدك علي خدك يبقي متقارنش نفسك ب واحد منتبه ل مشروعه وبتنططله اليوم كله

- انت قررت متطلعش السلم و مستني الاسانسير يبقي متبصش علي واحد طلع السلم و اتمرمط ووصل قبلك

⁠سيبوا كل واحد في حاله و حاسب علي نتايج قراراتك و اختياراتك انت و لما تتمني عيشة غيرك اتمني البكدچ كامله👌

[flybirdsworld]

قبل ما تحاسب الناس روح حاسب نفسك .

[sarahbasly]

م تعملش حاجة بدون تخطيط مسبق

متنزلش من بيتكم إلا وإنت عارف رايح فين وهتعمل إيه

حتى الاجازة و الفصلان حدد إنت عاوز تعمل ايه

بلاش الاحلام الوردية في التخطيط

خليكي واقعي

مهما عملت ومهما استمتعت بدون تخطيط

مش هتكون راضي عن نفسك

وقبل ما تنام حاسب نفسك وراجع خطتك اللي عملتها

ومتجدلش ذاتك عشان تقصير حصل

بص علي الحلو وحط خطة تتجنب فيها الوحش

واخيرا واهم حاجة

رضا الرب أهم من رضا العبد

وده مش معناه تكون دبش في كلامك مع الناس

كل خطوة بتاخدها ناحية تطوير نفسك للاحسن

هتعرف قيمتها لما تقارن نفسك بنفسك مش باللي حواليك

وشكرا🌸

[fozdoaa]

انهارده الطريق كان زحمه جدا والشارع واقف فقرر السواق انه يتبلطج ويشغلنى نافيجيتور ليه ويازين من اختار ومنتهى ال نشلت يانصه ،انا ركبه جنبه لقيته بيقولى بصى بقى انتى هتبصى تحت ،قولتله ابص فين؟؟قالى لاااا بقولك يا ازدازه تفتحى مخك معايا كده.

قولته ايوه يعنى اعمل ايه ؟

قالى انتى هتركزى على الرصيف المهم منلبسش فيه

حقيقه عجبتنى نون الجمع قوى وحسيت انى لبسنى روح المغامره واننا داخلين على مهمه قوميه وحستنى نبيل ��لحلفاوى وهو بيوسع صبا�� العسليه قولتله تمام .شبيت براسى وقولتله انا مش شايفه قوى قالى متنزلى القزاز للأخر يا اوزدازه قولتله ااه صح 😂 والله ماجتش ع بالى خالص وقولت يمكن علشان الميكروباص عالى 😂المهم فضلت اقوله تمام انت كويس لعند مقربنا من الرصيف خالص وكنا هنخبط فيه هنخبط فيه روحت بصاله بكل انهزاميه وقولتله بص هنلبس فيه هنلبس فيه فضل يرجع لورا ويحاول مع العجله وانا اقوله بعيد قريب حاسب شويه كمان لعند فعلا مانجح وتفادى الرصيف وهنا حسيت بإنتصار رهيب وكأن الطيار اعلن دخلونا الأراضى المصريه .ولولا العيبه كنت قولتله وى ديد ات بس قولت تو ماتش حماسه يافذدق لمى نفسك .

.

[dr-hass]

اقْرَأْ كِتَابَكَ كَفَىٰ بِنَفْسِكَ الْيَوْمَ عَلَيْكَ حَسِيبًا

[ سورة الإسراء : 14 ]

بين الله تعالى ما يخاطب به الإنسان بعد أن فتح كتابه أمامه، فقال

اقْرَأْ كِتابَكَ، كَفى بِنَفْسِكَ الْيَوْمَ عَلَيْكَ حَسِيباً. أى: ويقال له بعد أن وجد كتابه منشورا أمامه، اقرأ كتابك هذا، وما اشتمل عليه من أعمال صدرت عنك في الدنيا، كفى بنفسك اليوم عليك حسيبا. أى: محاسبا، أو حاسبا يقال حسب فلان على فلان قوله، إذا عده عليه. وهذا من أعظم العدل والإنصاف أن يقال للعبد: حاسب نفسك ليعرف بما عليه من الحق الموجب للعقاب.

..ven26mai23

[mohafawzi]

بيقول لك ايه بقي :

Don't blame a clown for acting like a clown. Ask yourself why you keep going to the circus

متلومش علي الاراجوز انه بيتصرف كأنه أراجوز ، إنما اسال نفسك انت ليه كل شوية تروح السيرك ..

كفاية سيرك بقي يا اخوانا ، كفاية تسطيح للحكاية .. كفاية ترندات انفعالية و تحقيق انتصارات وهمية بالشتيمة و الـسخط !!

.. اه فيه أحداث غير انسانية بتحصل -و اللي بالمناسبة لها سنين كتير بتحصل - و كل فترة بيكون رد الفعل افظع من كدة كغضب و انفعال لكن للاسف محدش بيخسر غير اصحاب القضية الحقيقين .. محدش بيخسر غير اللي مقطوع عنهم كل وسايل الاتصال و مش عارفين يشاركوا في الترند !!

مذيع أجنبي بيلم مشاهدات علي حساب القضية ، علامات تجارية دخلت تتاجر بالقضية و تدي خصومات ، و سلوكيات مشينة كتير الهمج بيصقفوا لها و بيز��يدوا بيها .. !!

في النهاية أخد الحق صنعة .... و الانتصار مش انك تقتل العدو إنما الانتصار انك متموتش .. الانتصار مش انك تهجم و انت مش حاسب رد فعله إنما انك تتمسكن لغايه ما تجمع قوتك و تقوم ضارب ضربة ميقومش منها .. الانتصار مش انك توري للعالم انك مفتري و قادر إنما تضرب في الخباثة و محدش يمسك عليك حاجة ... انك تكون فعلا خطر ، مش تفضل تزعق و تحزق عشان تقول انك خطر ...

[haissam72]

همسة الفجر 🌆

البعض من الرجال يشتري لزوجته وابنته ثيابا ضيقة، وبعض الفتيات يشترين أثواباً ليست بفضفاضة، ويبحث الغالبية عن كيس أسود لِيُغطى به الفاكهة والأطعمة عن أعين الناس!!

أيهما أولى بالستر!

استر نفسك، أهلك، وانصح من حولك بالكلمة الطيبة، استر لسانك عن لفظ المحارم والكلام البذيء واستغابة الناس، استر نظرك عن اعراض الناس وأغراضهم، استر يديك عن محارم الله من أخذ مال حرام، من شرب خمر، من لعب قمار، من أكل حقوق من لهم حق عليك، استر قدميك عن المضي إلى المحرمات، استر شرَك وافتراءك على الناس، بل كن أنت الناهي عن المنكر والآمر بالمعروف، وابدأ بنفسك،

استر جسدك بتقوى الله، واخلع عنك رداء الواعظ العالم بشرع الله وأنت لا ترى نفسك ما تقوم به من أفعال. راجع ضميرك كل يوم وكل لحظة حتى تصل إلى مغفرة من الله العليم القدير. حاسب نفسك قبل أن تحاسب.

وها هو شهر رمضان اقترب فلنستعد ولنبدأ عملية الستر واصلاح نفوسنا.

أخوتي في الله لا تنسوا قراءة سورة الكهف.

اللهم أنت أعلم بي من نفسي، وأعلم بنفسي من البشر، اللهم اجعلني خيراً مما يقولون، واغفر لي ما لا يعلمون، ولا تؤاخذني بما يقولون، واهدني واهدي بي ولا تهدي عليّ. اللهمّ آمين

[craftywombatpieranch]

العجيب كل العجيب في الإنسان يغفل عن الموت وهو لا يعلم متى يموت، لاتنظر للموت وكأنه بعيد عنك فهذا يجعلك تتمادى وتطغى، تذكر في أي لحظة يمكن أنت تكون الجنازة القادمة جنازتك، حاسب نفسك قبل أن تحاسب، حاول أن تخدم محمد وآل محمد الطيبين الطاهرين بكل الطرق الممكنة قبل أن تندم

[hayat-al3arefen]

( فإنَّ أهون عليكم في الحساب أن تُحاسبوا أنفسكم اليوم )

وإنَّ من أهمِّ وسائل ترك المعاصي أن تعدَّ على نفسك ذنوبك، أن تحاسبها وتعاتبها وتزجرها، قال الحسن: " لا تَلقى المؤمِنَ إلاَّ يُحَاسِب ُنفسَهُ: ماذا أرَدتِ تَعملينَ؟ وماذا أرَدتِ تَأكُلينَ؟ وماذا أرَدتِ تَشربِينَ؟ والفاجِرُ يَمضي قُدُماً قُدُماً لا يُحاسِبُ نفسَهُ " حتَّى يلق الله فيحاسبه.

وقالَ ميمونُ بنُ مِهرانَ: " لا يكونُ العبدُ تقيّاً حتى يكونَ لنفسهِ أشدَّ محاسبةً مِن الشَّريكِ لشريكهِ، ولهذا قيلَ: النَّفسُ كالشَّريكِ الخوَّانِ، إن لم تُحاسِبهُ ذَهَبَ بمالِك "، ونفسك إن أعطيتها العنان قادتك إلى الهلاك!!

فإذا حاسب العبد نفسه عرف مواطن الخلل، ومكامن الزَّلل، فاستطاع أن يتدارك نفسه، وعرف من أن أُتِيَ، يقول الحسن أيضًا: "المؤمن قوَّام على نفسه يحاسبها لله، وإنَّما خفَّ الحساب على قوم حاسبوا أنفسهم في الدُّنيا، وإنَّما شقَّ الحساب يوم القيامة على قوم أخذوا هذا ال��مر من غير محاسبة".

[ker0o]

اهم علامة في الحب، انك تبطل تسأل نفسك كتير "هو ده الشخص اللي ينفع اكمل معاه ولا لأ". الحب مابيسألش، ومابيتوهش كتير .. الحب نظرته بسيطة ودايماً مبسوط وشايف اللي معاه اغلى بكتير من انه يضيعه..

الحب مش بيقارن.. هو ب بيكتفي ويفرح بالموجود، ويشوفه نعمة من ربنا مش بس مجرد شخص ينفع للجواز ولا لأ..

الحب مش بيقيّم ولا يحط معايير للي قدامه، لكنه ببساطة بيقبلُه كأنه جزء منه.. بعيوبه بميزاته بلخبطته وتقلباته الكتير ..

الحب مش متردد، هو زي ما تقول حاسب حسبته من البداية ومقرر يكمل للآخر مهما حصل.

الحب شايف ابعد واعمق من الواقع والظروف، شايف اللي قدامه بنضارة مختلفة تماماً عن باقي الناس.. شايف تفاصيل في روح اللي معاه يمكن هو نفسه مش شايفها.

الحب بيبقى شايف جمال مختلف في اللي معاه.. جمال مستخبي عن الناس كلها الا هو.. جمال مخليه مبهور ومشدود ومبسوط بوجوده معاه مهما عدى الوقت..

الحب قابل ضعفات اللي معاه وكأنها ضعفاته، قابلها مش بينفر منها زي الباقيين. قابلها ومابيفقدش الامل في تغييرها مهما حصل..

واللي بيحب مش بيقعد يحسب ويسأل "ايه اللي ممكن يخليني احب الشخص ده واكمل معاه؟ "، لكن سؤاله واستغرابه دايماً بيبقى في الجملة دي.. "هو انا ينفع اصلاً حياتي تمشي من غير الشخص ده!"..

وكأن الله "مفصل" القلوب على بعض، ماتفهمش ليه وامتى حصل الحب ده.. وازاي الموضوع يكمل، لأنه ببساطة العقل مش هايعرف يحسب تفاصيل القلب، العقل بس يقف مستغرب من ترتيب الله ويقوله بإمتنان "شكراً يارب على هديتك اللي مفيهاش غلطة"..